စက်သုံးဆီအမျိုးအစားအလိုက် တစ်လီတာကို ကျပ် ၃၀၀ ကနေ ၆၀၀ကျပ် ကျော်အတွင်း မြင့်တက်လာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ အခုတစ်ပတ်အတွက်ထုတ်
ပြန်တဲ့ စာရင်းတွေအရ သိရပါတယ်။

#Local_News
Published 13 March 2026
#စက်သုံးဆီ
#YMG/NN #Yangon_Times

#Daily_News
Published 13 March 2026

၁။‌ ‎ပြည်တွင်း/ပြည်ပခရီးသွားဧည့်သည်များ ပိုမိုတိုးတက်ဝင်ရောက်လာရေးMyanmar Tourism Call Center စတင်

‌‎၂။ ‌‌‌‌‌‌‌‌‌‌‌ရန်ကုန်အထိုင်ဈေး စားအုန်းဆီအခြေခံလက်ကား ရည်ညွှန်းဈေးနှုန်းမြင့်တက်

‎၃။‌‌‎ ‌‌‌‌‌‌‌‌‌‎ဒေသအများစု၌အချိန်အခါမဟုတ် မိုးရွာသွန်းနိုင်ပြီး ကချင်နှင့်စစ်ကိုင်း၌ မိုးလေကြီးနိုင်

‎၄။‎ ‌‌‌‌‌‌‌‌‌လွန်ခဲ့သောနှစ်သန်းပေါင်း(၄၀၀)ကျော်က အရေးပါသောငါးရုပ်ကြွင်းနှစ်ခုတရုတ်၌တွေ့ရှိ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 13 March 2026

■ သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန အသေးစားစက်မှုလက်မှုလုပ်ငန်းဦးစီးဌာန၏ မဲခေါင်-လန်ချန်း ပူးပေါင်းဆောင်ရွက်မှုဆိုင်ရာ အထူးရန်ပုံငွေ (၂၀၂၄) ဖြင့် ဆောင်ရွက်သည့် “ဒေသတွင်း ဒီဂျစ်တယ်နည်းပညာနှီးနှောဖလှယ်ပွဲ” ဖွင့်ပွဲအခမ်းအနားကို ယမာန်နေ့ မနက်ပိုင်းက နေပြည်တော်ရှိ M-Gallery ဟိုတယ်၌ ကျင်းပခဲ့ကြောင်းသိရသည်။

■ ထိုသို့ကျင်းပရာ ပြည်ထောင်စုဝန်ကြီး ဦးလှမိုး၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံရုံးမှ တာဝန်ရှိသူများ၊ ဖိတ်ကြားထားသော ဧည့်သည်တော်များ၊ ဒစ်ဂျစ်တယ်နည်းပညာဆိုင်ရာပညာရှင်များနှင့် တာဝန်ရှိသူများတက်ရောက်သည်။

■ ပြည်ထောင်စုဝန်ကြီး ဦးလှမိုးက ယနေ့ကမ္ဘာကြီးတွင် ဒစ်ဂျစ်တယ်နည်းပညာသည် နိုင်ငံဖွံ့ဖြိုးတိုးတက်ရေးအတွက် အရေးပါသည့် အခန်းကဏ္ဍက ပါဝင်နေသည်ကို တွေ့ရှိရပါကြောင်း၊ အဓိက အားဖြင့် နိုင်ငံတော်၏ လူမှုစီးပွားဘဝဖွံ့ဖြိုးတိုးတက်ရေးနှင့် အစိုးရဌာနများ၏ ဝန်ဆောင်မှုလုပ်ငန်းများ ပိုမိုအောင်မြင်အောင်ဆောင်ရွက်ရာတွင် ဒစ်ဂျစ်တယ်နည်းပညာက မရှိမဖြစ်လိုအပ်ပါကြောင်း၊ အသေးစားစက်မှုလက်မှုလုပ်ငန်းဦးစီးဌာနက မဲခေါင်-လန်ချန်း ပူးပေါင်းဆောင်ရွက်မှုဆိုင်ရာ အထူးရန်ပုံငွေ (၂၀၂၄) ဖြင့် မြန်မာနိုင်ငံရှိ စိုက်ပျိုးရေးအခြေခံ စက်မှုလုပ်ငန်းများ ရှင်သန်ကြီးထွားလာစေရန်နှင့် အရည်အသွေးမြင့်ထုတ်ကုန်များ ထုတ်လုပ်လာနိုင် စေရန်အတွက် “စိုက်ပျိုးရေးအခြေခံ အသေးစားကုန်ထုတ်လုပ်ငန်းများ မြှင့်တင်ပေးခြင်းစီမံကိန်း”၊ “MSMEs လုပ်ငန်းများမြှင့်တင်ရေးနှင့် ဒစ်ဂျစ်တယ်စီးပွားရေး စဉ်ဆက်မပြတ် ဖွံ့ဖြိုးတိုးတက်ရေးအတွက် အသေးစားနှင့် အငယ်စားစက်မှုလုပ်ငန်းများ၏ ဒစ်ဂျစ်တယ်နည်းပညာကျွမ်းကျင်မှုမြှင့်တင်ခြင်းစီမံကိန်း” တို့ကို စီမံကိန်းကာလနှစ်နှစ်ဖြင့် အကောင်အထည်ဖော် ဆောင်ရွက်လျက်ရှိပါကြောင်း၊ ယနေ့ကျင်းပပြုလုပ်သည့် “ဒေသတွင်း ဒစ်ဂျစ်တယ်နည်းပညာနှီးနှောဖလှယ်ပွဲ” သည် အသေးစားနှင့် အငယ်စားစက်မှုလုပ်ငန်းများကို ဒစ်ဂျစ်တယ်နည်းပညာကျွမ်းကျင်မှု မြှင့်တင်ခြင်းစီမံကိန်းအရ ဆောင်ရွက်ခြင်းဖြစ်ပါကြောင်း၊ အဆိုပါစီမံကိန်း၏ အဓိကလုပ်ငန်းစဉ်များတွင် အသေးစားစက်မှုလုပ်ငန်းများ လွယ်ကူလျင်မြန်စွာ လုပ်ငန်းမှတ်ပုံတင်နိုင်ရန်အတွက် အွန်လိုင်းမှတ်ပုံတင်ပလက်ဖောင်းတစ်ခုတည်ထောင်ခြင်းနှင့် အသေးစားစက်မှု ထုတ်ကုန်များအတွက် ဒစ်ဂျစ်တယ်စျေးကွက် (e-commerce) ပလက်ဖောင်းအား အဆင့်မြှင့်တင်ဆောင်ရွက်ခြင်းလုပ်ငန်းများပါဝင်ပါကြောင်း၊ ဒစ်ဂျစ်တယ်နည်းပညာသည် စီးပွားရေးလုပ်ငန်းများ အောင်မြင်ရေးအတွက်လိုအပ်သည့် ပညာရပ်တစ်ခုဖြစ်ပြီး မြန်မာ့ဒစ်ဂျစ်တယ်စီးပွားရေး ဖွံ့ဖြိုးတိုးတက်ရန်အတွက် ဆက်စပ်ဝန်ကြီးဌာနများ၊ အဖွဲ့အစည်း များက သက်ဆိုင်ရာကဏ္ဍအလိုက် ပူးပေါင်းဆောင်ရွက်ပေးကြရန် တိုက်တွန်းပြောကြားလိုပါကြောင်း၊ အလားတူ ဌာနဆိုင်ရာဝန်ထမ်းများနှင့်အသေးစားကုန်ထုတ်လုပ်ငန်းရှင်များကလည်း ဒစ်ဂျစ်တယ်နည်းပညာအသုံးပြုပြီး လုပ်ငန်းများပိုမိုဖွံ့ဖြိုးတိုးတက်အောင် ဆောင်ရွက်သွားကြရန်နှင့် ယခု နည်းပညာနှီးနှောဖလှယ်ပွဲမှရရှိလာသော အသိပညာဗဟုသုတများကို လက်တွေ့လုပ်ငန်းခွင်နယ်ပယ်၌ ပြန်လည်အသုံးပြုသွားကြရန် လိုအပ်ပါကြောင်း၊ မိမိတို့ဝန်ကြီးဌာနအနေဖြင့်လည်း လိုအပ်သည်များကိုစဉ်ဆက်မပြတ်ပံ့ပိုးကူညီဆောင်ရွက်ပေးသွားမည်ဖြစ်ကြောင်း ပြောကြားသည်။

■ ထို့နောက် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံရုံးနှင့် နိုင်ငံခြားရေးဝန်ကြီးဌာနတို့မှ တာဝန်ရှိသူများက အမှာစကားပြောကြားကြပြီး မဲခေါင်-လန်ချန်းပူးပေါင်းဆောင်ရွက်မှုဆိုင်ရာ အထူးရန်ပုံငွေ (၂၀၂၄) ဖြင့် စီမံကိန်းအကောင်အထည်ဖော်ဆောင်ရွက်မှု Video Clip ကို ကြည့်ရှုအားပေးကြသည်။

■ အခမ်းအနားအစီအစဉ် ဒုတိယပိုင်းအနေဖြင့် ကုန်သွယ်ရေးဦးစီးဌာန၊ မြန်မာနိုင်ငံကွန်ပျူတာအသင်းချုပ်၊ UMFCCI မှ တာဝန်ရှိသူများနှင့် တရုတ်နိုင်ငံမှပညာရှင်များက MSME လုပ်ငန်းများ ဒစ်ဂျစ်တယ်အသွင်ကူးပြောင်းရေးအတွက် အဓိကဆောင်ရွက်နေမှုများ၊ အခွင့်အလမ်းများ၊ စိန်ခေါ်မှု များနှင့် ဒစ်ဂျစ်တယ်စီးပွားရေးကဏ္ဍတွင် လက်တွေ့အောင်မြင်နေသည့် လုပ်ငန်းများအကြောင်းကို မျှဝေဆွေးနွေးခဲ့ကြကြောင်း သိရသည်။

#YMG/NN #Yangon_Times

#World_Health
Published 13 March 2026

■ ရောဂါဖြစ်စေနိုင်တဲ့ ဘက်တီးရီးယားတွေ၊ ဓာတ်မတည့်အမှုန်တွေ၊ ဗိုင်းရပ်စ်တွေအမျိုးမျိုးကို ဘက်စုံကာကွယ်ပေးနိုင်မယ့် ကာကွယ်ဆေးတစ်မျိုးကို ကြွက်တွေမှာ စမ်းသပ်ခဲ့ကြပါတယ်။

■ အဆိုပါ နှာခေါင်းဖျန်းကာကွယ်ဆေးဟာ ကာကွယ်ဆေးအများစုထက် အလုပ်လုပ်ပုံ ကွဲပြားပါတယ်။

■ သာမန်ကာကွယ်ဆေးတွေဆိုရင် ကိုယ်ခံအားစနစ်က ရောဂါပိုးကို မှတ်မိစေကာ တိုက်ထုတ်တဲ့ပုံစံဖြစ်ပေမယ့် ကာကွယ်မှုလမ်းကြောင်း အလွန်ကျဉ်းမြောင်းသလို ရောဂါပိုးတွေကလည်း အချိန်ကြာလာရင် ဗီဇပြောင်းလဲလာနိုင်ပါတယ်။

■ ယခုနှာခေါင်းဖျန်းကာကွယ်ဆေးကတော့ ကိုယ်ခံအားစနစ် အလိုက်သင့် ပြောင်းလဲစေတဲ့အပြင် ပထမဆုံး ကာကွယ်မှုဖြစ်တဲ့ မျိုးဗီဇလမ်းကြောင်းစနစ်ကိုလည်း မြှင့်တင်ပေးပါတယ်။

■ ဒါဟာ မွေးရာပါကိုယ်ခံအားစနစ်က ရောဂါပိုးမွှား အမျိုးမျိုးကို ကာကွယ်နိုင်တာဖြစ်တယ်လို့ စတန်းဖို့ဒ်ဆေးတက္ကသိုလ်မှ အဏုဇီဝသက်ရှိဗေဒ ပရော်ဖက်ဆာ ဘာလီပူလင်ဒရန်က ပြောပါတယ်။

■ ဓာတ်ခွဲခန်းထဲက ကြွက်တွေကို ၃ ပတ်အတွင်း ထိုကာကွယ်ဆေးတွေ ပေးခဲ့ပြီးနောက် ကိုဗစ်ရောဂါပိုး၊ စတက်ဖလိုကော့ကပ်စ်အော်ရီယပ်စ်၊ အေစီနိုဘက်တာဘော်မန်နိုင် ဘက်တီးရီးယားတို့ဖြင့် ထိတွေ့စေခဲ့ရာ မွေးရာပါမူကိုယ်ခံအား တုံ့ပြန်မှုဖြင့် ကာကွယ်နိုင်ခဲ့တဲ့အပြင် အလိုက်သင့်တုံ့ပြန်တဲ့ ကိုယ်ခံအားစနစ်လည်း အလျင်အမြန် အလုပ်လုပ်ခဲ့ပါတယ်။

■ ကာကွယ်ဆေးစမ်းသပ်မှုတွေကို ဓာတ်ခွဲခန်းကြွက်တွေမှာသာ ပြုလုပ်ခဲ့တာဖြစ်ပြီး လူသားတွေမှာ သုတေသနလုပ်ဖို့အတွက်တော့ နောက်ထပ်လေ့လာရဦးမှာ ဖြစ်တယ်လို့ ပူလင်ဒရန်က ပြောပါတယ်။

■ ဒီကာကွယ်ဆေးက ရာသီအလိုက် ကာကွယ်ဆေးထိုးခြင်းတွေကို ပြောင်းလဲစေနိုင်ပြီး လူသားတွေမှာ ထိရောက်တယ်လို့ သက်သေပြနိုင်ပါက ရောဂါတွေ ကာကွယ်ရာမှာ အဆင်သင့်ရှိနေစေမှာ ဖြစ်တယ်လို့ သုတေသီတွေ ယူဆထားပါတယ်။

Source: LiveScience

#World_Health
Published 13 March 2026

■ ပါးစပ်ထဲမှာရှိတဲ့ တံတွေးမှာ ခန္ဓာကိုယ်အကြောင်းနဲ့ ပတ်သက်တဲ့ အဏုဇီဝပိုးမွှားအကြောင်းတွေ ပါဝင်သလို သွေးနမူနာထက်လည်း ရယူဖို့ လွယ်ကူပါတယ်။

■ တံတွေးစက်အနည်းငယ်ဖြင့် HIV နဲ့ ကိုဗစ်-၁၉ တို့လို ရောဂါတွေကို ရှာဖွေနိုင်မှာ ဖြစ်သလို ရင်သားကင်ဆာ ဖြစ်နိုင်ခြေတွေကိုလည်း အကဲဖြတ်နိုင်မှာ ဖြစ်ပါတယ်။

■ လာမယ့်နှစ်များအတွင်း ဒီစစ်ဆေးနည်းတွေဖြင့် ဆီးချို၊ ဆီးကျိတ်ကင်ဆာတို့လို အခြားရောဂါတွေလည်း ရှာဖွေနိုင်ဖွယ် ရှိပါတယ်။

■ ခံတွင်းစောင့်ရှောက်ရေးနည်းလမ်းထဲမှာ တံတွေးစစ်ဆေးချက် ပုံမှန်ထည့်သွင်းပါက ရောဂါတွေကို စောစီးစွာ သိရှိနိုင်ပြီး အသက်တွေနဲ့ ငွေကြေးကုန်ကျ သက်သာစေနိုင်မှာ ဖြစ်တယ်လို့ ဆေခရာမင်တိုမှ သွားဆရာဝန် ဝေါလေ့စ်ဘယ်လာမီက ပြောပါတယ်။

■ လက်ရှိ တံတွေးစစ်ဆေးနည်းတွေက HIV နဲ့ ကိုဗစ်-၁၉ တို့ကို ရှာဖွေနိုင်ပေမယ့် FDA အသိအမှတ်ပြုထားခြင်း မရှိသလို အာမခံထောက်ပံ့ပေးဖို့ လိုအပ်ပါတယ်။

■ ကုမ္ပဏီတွေအနေနဲ့ တံတွေးအခြေပြု ကင်ဆာအမျိုးမျိုး ရှာဖွေစစ်ဆေးနည်းများအတွက် FDA အသိအမှတ်ပြု ရရှိဖို့ ကြိုးပမ်းလာနိုင်ပါတယ်။

■ တံတွေးမှာပါဝင်တဲ့ အမျိုးမျိုးပြောင်းလဲမှုတွေကြောင့် စမ်းသပ်မှုပြုလုပ်ရန် ခက်ခဲနိုင်ပေမယ့် သုတေသီတွေက ရောဂါရှာဖွေရေးအတွက် စိတ်ချရတဲ့ ရောဂါအမှတ်အသားတွေ တွေ့ရှိနိုင်အောင် ကြိုးစားနေပါတယ်။

■ တံတွေးစစ်ဆေးနည်းတွေကို ဖြည့်စွက်စမ်းသပ်ဖို့အတွက်သာ အသုံးပြုသင့်ပြီး မူရင်းဆေးစစ်မှုတွေ၊ ခံတွင်းစစ်ဆေးမှုတွေနေရာမှာတော့ အစားမထိုးသင့်ပါဘူး။

Source: NPR.

အမေရိကန်၊ အစ္စရေးလ်၊ အီရန်တို့ပါဝင်နေတဲ့ ပဋိပက္ခကြီး ငြိမ်းချမ်းရေးရယူကြဖို့ စပိန်ဝန်ကြီးချုပ် ပက်ဒရိုဆန်းချက်ဇ်က ဗုဒ္ဓဟူးနေ့မှာ တောင်းဆိုလိုက်ပါတယ်။

#World_News
Published 12 March 2026
#စပိန်ဝန်ကြီးချုပ် #အမေရိကန်_အစ္စရေးလ်_အီရန်
#YMG #Yangon_Times #Yangon_Media_Group

အခုဘဏ္ဍာနှစ်ကုန်မတိုင်မီဆန်ပြည်ပတင်ပို့မှုများကို တိုးမြှင့်တင်ပို့နိုင်ဖို့ ဆောင်ရွက်နေတယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။

#Local_News
Published 12 March 2026
#ဆန်
#YMG/NN #Yangon_Times

စွမ်းအင်ကဏ္ဍမှာ ငါးနှစ်တာကာလအတွင်းရေနံအထွက်တိုးအောင်ဆောင်ရွက်နိုင်ခဲ့တဲ့အပြင် ခေတ်မီနည်းပညာများအသုံးပြုနိုင်ရေးအတွက် အခြေခံကောင်းများချမှတ်နိုင်ခဲ့တယ်လို့ စွမ်းအင်ဝန်ကြီးဌာန၊ပြည်ထောင်စုဝန်ကြီးက ပြောပါတယ်။

#Local_News
Published 12 March 2026
#စွမ်းအင်
#YMG/SW #Yangon_Times

ဧရာဝတီတိုင်းဒေသကြီး၌ ရော်ဘာကုန်ကြမ်းများ အဆင့်မီစွာထုတ်လုပ်နိုင်ရေး ၊အပင်အိုများနေရာတွင် တိုးချဲ့စိုက်ပျိုးနိုင်ရေးနဲ့ ကြုံတွေ့နေရတဲ့ အခက်အခဲတွေကိုပူးပေါင်းဖြေရှင်းဖို့ ဧရာဝတီတိုင်းဒေသကြီး အစိုးရအဖွဲ့အစိုးရရုံးအစည်းအဝေးခန်းမမှာ ယမာန်နေ့ကတွေ့ဆုံဆွေးနွေးခဲ့ကြပါတယ်။

#Local_News
Published 12 March 2026
#ရော်ဘာကုန်ကြမ်း #ဧရာဝတီတိုင်းဒေသကြီး
#YMG/NN #Yangon_Times

လက်မှုအနုပညာအသင်းမှ လုပ်ငန်းရှင်များအနေနဲ့ ပြည်ပကုန်စည်ပြပွဲတွေမှည ပါဝင်ပြသလိုပါက မြန်မာကုန်သွယ်မှုမြှင့်တင်ရေးအဖွဲ့နဲ့ ဆက်သွယ်ဆောင်ရွက်နိုင်တယ်လို့မြန်မာကုန်သွယ်မှုမြှင့်တင်ရေးအဖွဲ့ ညွှန်ကြားရေးမှူးချုပ် ဒေါက်တာထိန်လင်းက ပြောပါတယ်။

#Local_News
Published 12 March 2026
#လက်မှုအနုပညာအသင်း #ကုန်စည်ပြပွဲ
#YMG/SW #Yangon_Times

#Daily_News
Published 12 March 2026

၁။‌ ‎ဆန်ပြည်ပတင်ပို့မှုများ တိုးမြှင့်တင်ပိုနိုင်ရန်ဆောင်ရွက်နေ

‌‎၂။ ‌‌‌‌‌‌‌‌‌‌‌‎ငါးနှစ်တာကာလအတွင်းရေနံအထွက်တိုးလာခဲ့သည့်အပြင် ခေတ်မီနည်းပညာများအသုံးပြုနိုင်ရေးဆောင်ရွက်နိုင်ခဲ့

‎၃။‌‌‎ ‌‌‌‌‌‌‌‌‌‎ရော်ဘာကုန်ကြမ်းများ အဆင့်မီစ္စာထုတ်လုပ်နိုင်ရေးနှင့် တိုးချဲ့စိုက်ပျိုးနိုင်ရေးဆောင်ရွက်နေ

‎၄။‎ ‌‌‌‌‌‌‌‌‌စပိန်ဝန်ကြီးချုပ်ပဋိပက္ခအဆုံးသတ်ရန်တောင်းဆိုကာ အမေရိကန်၏ခြိမ်းခြောက်မှုများကိုငြင်းဆို... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 12 March 2026

■ ဗုဒ္ဓဟူးနေ့က ကုန်တင်သင်္ဘောတွေ တိုက်ခိုက်ခံရပြီးနောက် ကမ္ဘာကြီးအနေနဲ့ ရေနံတစ်စည်ကို ဒေါ်လာ ၂၀၀ ဖြင့်ဝယ်ယူဖို့ ပြင်ထားသင့်ပြီဖြစ်ကြောင်း အီရန်က ပြောပါတယ်။

■ နိုင်ငံတကာ စွမ်းအင်အေဂျင်စီကတော့ ၁၉၇၀ ဝန်းကျင်နောက်ပိုင်း အဆိုးရွားဆုံး ရေနံပြဿနာမဖြစ်ရလေအောင် အရန်သိုလှောင်မှု အများအပြား ထုတ်လွှတ်သွားဖို့ အကြံပြုနေပါတယ်။

■ နှစ်ပတ်ခန့် ကြာမြင့်လာပြီဖြစ်တဲ့ စစ်ပွဲပဋိပက္ခကြောင့် အသေအပျောက် ၂ ထောင်ခန့်ရှိနေပြီး အများစုက အီရန်နဲ့ လက်ဘနွန်တို့ဖြစ်ကာ ပဋိပက္ခက လက်ဘနွန်သို့ ပျံ့နှံ့လာပါတယ်။

■ အီရန်တို့က ဟော်မုဇ်ရေလက်ကြားကို ထိန်းချုပ်ထားတယ်လို့ ဆိုနေပြီး မိုင်းတွေထောင်ထားသဖြင့် သင်္ဘောတွေ ဘေးကင်းစွာ ဖြတ်သန်းဖို့ ခက်ခဲနေပါတယ်။

■ အမေရိကန်နဲ့ မဟာမိတ်တွေက ပင်လယ်ကွေ့ဒေသမှာ သင်္ဘောတွေကို လိုက်ပါပို့ဆောင်ဖို့ စဉ်းစားနေကြပါတယ်။

■ FBI ကလည်း အမေရိကန် အနောက်ကမ်းရိုးတန်းကို အီရန်ဒရုန်းတိုက်ခိုက်မှုတွေ ရှိလာနိုင်တယ်လို့ သတိပေးထားပါတယ်။

■ ရေနံတစ်စည်ကို ၉၀ ဒေါ်လာပြန်မဖြစ်ခင်မှာ ၁၂၀ ဒေါ်လာအထိ မြင့်တက်နေပြီး ဂျီ-၇ နိုင်ငံတွေနဲ့ နိုင်ငံတကာစွမ်းအင်အေဂျင်စီတို့က အရန်ရေနံသိုလှောင်မှုတွေ ထုတ်လွှတ်ဖို့ အကြံပြုနေပါတယ်။

■ အီရန်က စီးပွားရေးရိုက်ခတ်မှု ကြာရှည်စွာ ဆွဲဆန့်ထားမယ်လို့ ကတိပြုထားကာ အမေရိကန်၊ အစ္စရေးလ်တို့နဲ့ ဆက်စပ်တဲ့ ဘဏ်တွေကို တိုက်ခိုက်မယ်လို့ ခြိမ်းခြောက်နေပါတယ်။

■ အီရန်တို့က ပင်လယ်ကွေ့ဆိပ်ကမ်းနဲ့ မြို့များအပါအဝင် ပစ်မှတ်တွေကို တုံ့ပြန်တိုက်ခိုက်ထားကာ ကုန်တင်သင်္ဘော ၁၄ စင်းလည်း ပါဝင်ခဲ့ပါတယ်။

■ အီရန်အစိုးရပိုင်းကို အမေရိကန်နဲ့ အစ္စရေးလ်တို့ ချေမှုန်းရန် အားထုတ်နေပေမယ့် ပြိုလဲခြင်းမရှိဘဲ အီရန်က ဆန္ဒပြမှုတွေကို တင်းကြပ်စွာ ထိန်းချုပ်ကန့်သတ်ထားပါတယ်။

Source: Reuters