#World_News
Published 26 January 2026

■ အမေရိကန်မှ အဲလက်စ်ဟွန်နိုးလ်ဟာ တနင်္ဂနွေနေ့က Taipei 101 မိုးမျှော်စင်ကြီးပေါ်ကို ကြိုးအကူအညီတွေ ဘာမှမပါဘဲ တွယ်တက်ခဲ့ကာ ကမ္ဘာ့အမြင့်ဆုံး အဆောက်အဦတစ်ခုကို တက်နိုင်ခဲ့တာဖြစ်ပြီး လူထောင်ပေါင်းများစွာက အားပေးနေခဲ့ပါတယ်။

■ ဒါကို Netflix က ရိုက်ကူးတင်ဆက်ခဲ့ပြီး ၉၁ မိနစ်ကြာ တစ်ကိုယ်တော် တွယ်တက်ခဲ့ပြီးနောက် အမြင့်ဆုံးသို့ ရောက်ရှိခဲ့ပါတယ်။

■ ဒီနောက် ထိုင်ပေရဲ့ လှပတဲ့ရှုခင်းကို ဒီကနေ မြင်ခဲ့ရကြောင်း သတင်းထောက်တွေကို ပြောပြခဲ့ပါတယ်။

■ ၅၀၈ မီတာမြင့်တဲ့ Taipei 101 မိုးမျှော်စင်ဟာ ၂၀၀၄ မှ ၂၀၁၀ အတွင်း ကမ္ဘာ့အမြင့်ဆုံး အဆောက်အဦဖြစ်ခဲ့သလို ခရီးသွားဧည့်သည်တွေ ဆွဲဆောင်ရာနေရာလည်း ဖြစ်ပါတယ်။

■ ဟွန်နိုးလ်ဟာ ဘေးကင်းလုံခြုံရေးပစ္စည်းများ မပါဘဲနဲ့ Taipei 101 ၊ မြို့တော်အစိုးရတို့ရဲ့ ထောက်ခံခွင့်ပြုချက် အပြည့်အဝဖြင့် တက်ခဲ့တာ ဖြစ်ပါတယ်။

■ ဒါပေမဲ့ ခွင့်ပြုချက်မရယူဘဲ တက်ဖို့စဉ်းစားမိခဲ့သေးတယ်လို့ ဆိုပါတယ်။

■ ဒီကလူတွေရော အဆောက်အဦကိုရော လေးစားမှုပေးတဲ့အနေနဲ့ တရားဝင်တက်ခဲ့တာဖြစ်တယ်လို့ ပြောပါတယ်။

■ အမှုဆောင်ထုတ်လုပ်ရေးမှူး ဂျိမ်းစမစ်က လူတစ်ဦးကို ဒီလိုတက်ရောက်ဖို့ ယုံကြည်ခွင့်ပြုခဲ့တာဟာ ရှားပါးပြီး Taipei 101 က ဒီနိုင်ငံရဲ့ တကယ့်အမှတ်အသားတစ်ခုပဲလို့ သတ်မှတ်သွားပါတယ်။

Source: Reuters

#World_Science
Published 26 January 2026

■ တောင်အာဖရိကနဲ့ ဆွီဒင်တို့မှ သုတေသီတွေက ကမ္ဘာပေါ်က ရှေးအကျဆုံး အဆိပ်လူးမြှားခြေရာတွေ တွေ့ရှိခဲ့ပါတယ်။

■ တောင်အာဖရိက ကွာဇူလူနေတယ်မှာရှိတဲ့ Umhlatuzana Rock Shelter မှ နှစ်ပေါင်း ၆ သောင်းရှိတဲ့ မြှားခေါင်းတွေဖြစ်ပြီး Boophone disticha အပင်မှ ဓာတုအဆိပ်အကြွင်းအကျန်များကို တွေ့ရှိခဲ့ကာ ယနေ့ခေတ် ထိုဒေသမှ မုဆိုးများအသုံးပြုနေဆဲ အဆိပ်ပင်ဖြစ်ပါတယ်။

■ တောင်အာဖရိကနဲ့ ဆွီဒင်မှ သုတေသီများ ပူးပေါင်းမှုရဲ့ရလဒ်ဖြစ်ပြီး သုတေသနဆက်လက်ပြုလုပ်ဖို့ တွန်းအားဖြစ်စေကြောင်း စတော့ခ်ဟုမ်းတက္ကသိုလ် ရှေးဟောင်းသုတေသနဓာတ်ခွဲခန်းမှ ပရော်ဖက်ဆာ ဆဗင်အီဆက်ဆန်က ပြောပါတယ်။

■ အာဖရိကတောင်ပိုင်းမှ ရှေးလူမျိုးတွေဟာ လေးနဲ့မြှားကို ထင်ထားတာထက်စောပြီး တီထွင်ခဲ့ရုံမက သဘာဝရဲ့ ဓာတုအဆိပ်ကိုလည်း သဘောပေါက်ခဲ့တယ်ဆိုတဲ့ အထောက်အထား ဖြစ်တယ်လို့ ယိုဟန်ဘတ်ဂ်တက္ကသိုလ်မှ သုတေသီပရော်ဖက်ဆာ မာလစ်ဇ်လွမ်ဘတ်က ပြောပါတယ်။

■ အဆိုပါအပင်ထဲမှာ အယ်ကာလွိုက်ဘူဖန်ဒရင်း၊ အက်ပီဘူဖန်နစ်ဆင်းတို့ ပါဝင်ပြီး အလွန်အဆိပ်သင့်အာနိသင်ရှိတဲ့အတွက် မုဆိုးတွေ အသုံးပြုကြပါတယ်။

■ အလားတူ အပင်အခြေပြုအဆိပ်တွေကို နှစ်ပေါင်း ၂၅၀ သက်တမ်းရှိ မြှားခေါင်းတွေမှာ တွေ့ရှိထားပြီး ဗဟုသုတနဲ့ ရိုးရာအသိပညာတို့ ဆက်ရှိနေတာကို မြင်နေရပါတယ်။

■ ရှေးခေတ်မုဆိုးတွေဟာ နည်းစနစ်ကျွမ်းကျင်တဲ့အပြင် အဆိပ်တွေကို ဘယ်လိုအသုံးချရမလဲဆိုတာ သိရှိနားလည်ကြောင်း တွေ့ရှိရတဲ့ အထောက်အထားတွေ ဖြစ်ပါတယ်။

Source: Phys

#World_Health
Published 26 January 2026

■ ခန္ဓာကိုယ်ထဲက နေ့ညလည်ပတ်မှုစက်ဝန်းနဲ့ ဒီမန်ရှာရောဂါ ဖြစ်နိုင်ခြေတို့ကြား ဆက်စပ်နေတဲ့အကြောင်း တွေ့ရှိထားပါတယ်။

■ နေ့ညလည်ပတ်မှုစက်ဝန်းဆိုတာက ၂၄ နာရီအတွင်း အိပ်ချင်လာတဲ့အချိန် နိုးကြားတဲ့အချိန်တို့ကို အဆုံးအဖြတ် ပေးပါတယ်။

■ နေ့ညလည်ပတ်မှုစက်ဝန်း အားကောင်းသူတွေဟာ အိပ်ချိန် နိုးကြားချိန်ပုံစံတွေက တသမတ်နီးပါး ဖြစ်နေပါတယ်။

■ လည်ပတ်မှုစက်ဝန်း အားနည်းသူတွေဟာတော့ အိပ်စက်မှုနဲ့ လှုပ်ရှားမှုအချိန်တွေက ပြောင်းလဲနေတတ်ပါတယ်။

■ နေ့ညလည်ပတ်မှုစက်ဝန်း နှောင့်ယှက်ခံရတဲ့အခါ ဒီမန်ရှာလိုမျိုး အာရုံကြောချို့ယွင်းရောဂါများ ဖြစ်လာနိုင်တယ်လို့ သုတေသနပြုစုသူ ဝင်ဒီဝမ်က ပြောပါတယ်။

■ သုတေသီတွေက လူပေါင်း ၂ ထောင်ကျော်ထံမှ အချက်အလက်များ လေ့လာခဲ့ကြရာ ၁၇၆ ဦးက ဒီမန်ရှာရောဂါ ဖြစ်လာကြပါတယ်။

■ နေ့ညလည်ပတ်မှုစက်ဝန်း အားနည်းသူတွေက ဒီမန်ရှာဖြစ်နိုင်ခြေ ၂ ဆခွဲလောက် ပိုများနေခဲ့ပါတယ်။

■ မွန်းလွဲ ၂ နာရီ ၁၅ မိနစ်နောက်ပိုင်း လှုပ်ရှားမှုအများဆုံး ရှိသူတွေဟာ ဒီထက်ပိုစောတဲ့အချိန်မှာ လှုပ်ရှားမှုအများဆုံး ရှိသူတွေထက် ဒီမန်ရှာဖြစ်နိုင်ခြေ ၄၅ ရာခိုင်နှုန်း ပိုများနေပါတယ်။

■ နေထိုင်စားသောက်မှုပုံစံ ထိန်းချုပ်ခြင်း၊ အလင်းကုထုံးစတဲ့ နေ့ညလည်ပတ်မှုစက်ဝန်းကို အထောက်အကူပြုနိုင်မယ့် နည်းလမ်းတွေ ရှာဖွေကာ ဒီမန်ရှာဖြစ်နိုင်ခြေကို လျှော့ချနိုင်ပါတယ်။

■ ဒီမန်ရှာရောဂါဖြစ်သူတွေ သိသိသာသာ မြင့်တက်လာပြီး ၂၀၆၀ ခုနှစ်မှာ နှစ်စဉ်ရောဂါဖြစ်ပွားသူအသစ် တစ်သန်းခန့်ရှိမယ်လို့ ခန့်မှန်းထားပါတယ်။

Source: New York Post

ကြာသပတေးနေ့မှာ ပေကျင်းသို့ ခရီးလာရောက်လည်ပတ်တဲ့ ဗြိတိန်ဝန်ကြီးချုပ် ကီယာစတာမာကို သမ္မတရှီကျင့်ဖျင်တွေ့ဆုံခဲ့ပြီး ရေရှည်တည်တံ့တဲ့ ဘက်ပေါင်းစုံဗျူဟာမြောက်မိတ်ဖက်ဆက်ဆံရေး ဖော်ဆောင်ဖို့ နှစ်ဖက်စလုံး သဘောတူညီခဲ့ကြပါတယ်။

#Local_News
Published 30 January 2026
#တရုတ်သမ္မတ #ဗြိတိန်ဝန်ကြီးချုပ်
#YMG #Yangon_Times #Yangon_Media_Group

-အယ်ဒီတာတစ်ဦး

အိန္ဒိယနိုင်ငံအခြေအနေ

လက်ရှိတွင် အိန္ဒိယနိုင်ငံ၊ အနောက်ဘင်္ဂလားပြည်နယ် (West Bengal) ၌ နီပါဗိုင်းရပ်စ် ကူးစက်မှု အသစ်တစ်ခု ဖြစ်ပွားနေတယ်လို့ သတင်းများအရသိရပါတယ်။

    နောက်ဆုံးအခြေအနေအဖြစ် ၂၀၂၆ ခုနှစ်၊ ဇန်နဝါရီလ ၂၃ ရက်နေ့အထိ စာရင်းများအရ ကောလ်ကတ္တား (Kolkata) မြို့အနီးရှိ ပုဂ္ဂလိကဆေးရုံတစ်ခုတွင် အတည်ပြုလူနာ ၅ ဦး တွေ့ရှိ ထားပါတယ်။

ထိုသူတို့အနက် အများစုမှာ ကျန်းမာရေးဝန်ထမ်းများဖြစ်တဲ့ သူနာပြုများနှင့် ဆရာဝန်များ ဖြစ်ကြပြီး ကနဦးလူနာကို ပြုစုကုသရာမှတစ်ဆင့် ကူးစက်ခံရခြင်း ဖြစ်ပါတယ်။

လက်ရှိတွင် လူပေါင်း ၁၀၀ နီးပါးကို သီးသန့်ခွဲခြား (Quarantine) ထားပြီး စောင့်ကြည့်  စစ်ဆေးနေ    တယ်လို့သိရပါတယ်။ယခုဖြစ်စဉ်သည် အနောက်ဘင်္ဂလားတွင် ၁၉ နှစ်အတွင်း ပထမဆုံးအကြိမ် ပြန်လည်ဖြစ်ပွားခြင်း ဖြစ်ပါတယ်။

ဘင်္ဂလားဒေ့ရှ်နိုင်ငံအခြေအနေ

ဘင်္ဂလားဒေ့ရှ်နိုင်ငံတွင် နီပါဗိုင်းရပ်စ်သည် နှစ်စဉ်ကူးစက်လေ့ရှိသော်လည်း ၂၀၂၅ နှင့် ၂၀၂၆ ခုနှစ်အတွင်း ကူးစက်မှုပုံစံ ပြောင်းလဲလာကြောင်း သတိပေးချက်များ ထွက်ပေါ်နေပါတယ်။

ယခင်က ဒီဇင်ဘာမှ ဧပြီလအတွင်းသာ ဖြစ်ပွားလေ့ရှိသော်လည်း ၂၀၂၅ ခုနှစ်၊ သြဂုတ်လတွင် ရာသီပြင်ပ ကူးစက်မှုများ တွေ့ရှိခဲ့ရတာဖြစ်ပါတယ်။

ဗိုင်းရပ်စ်သည် ယခင်က မတွေ့ရှိဖူးသည့် ဘိုလာ (Bhola) ကဲ့သို့သော ဒေသအသစ်များသို့ ပြန့်နှံ့လာပြီး နိုင်ငံတစ်ဝန်းရှိ ခရိုင်ပေါင်း ၃၅ ခုတွင် ဗိုင်းရပ်စ်ပိုးကို တွေ့ရှိထားပါသည်။

ဘင်္ဂလားဒေ့ရှ်တွင် ၂၀၂၅ ခုနှစ်အတွင်း တွေ့ရှိခဲ့သည့် အတည်ပြုလူနာအားလုံး သေဆုံးခဲ့သဖြင့် သေဆုံးမှုနှုန်း အလွန်မြင့်မားတယ်လို့ဆိုနိုင်ပါတယ်။

ဘင်္ဂလားဒေ့ရှ်တွင် ယခုနှစ်အတွက် လူနာသစ် မတွေ့သေးသော်လည်း အိမ်နီးချင်း အိန္ဒိယနိုင်ငံ၊ အနောက်ဘင်္ဂလားပြည်နယ် (West Bengal) တွင်အတည်ပြုလူနားများတွေ့ရှိထားတဲ့အတွက် အခြေအနေမှာ စိုးရိမ်ရဆဲဖြစ်နေပါတယ်။

ကူးစက်မှု အများစုသည် ဘင်္ဂလားဒေ့ရှ် နယ်စပ်နှင့် နီးစပ်သော ဒေသများတွင် ဖြစ်ပွားနေခြင်း ဖြစ်ပါတယ်။ ထို့အပြင် ယခုအချိန်သည် နီပါဗိုင်းရပ်စ် အများဆုံး ကူးစက်လေ့ရှိသည့် ရာသီ (ဒီဇင်ဘာမှ မေလအတွင်း) ဖြစ်သဖြင့် ဘင်္ဂလားဒေ့ရှ် အာဏာပိုင်များက တစ်နိုင်ငံလုံးရှိ ခရိုင်ပေါင်း ၃၅ ခုတွင် အထူးသတိပေးချက်များ ထုတ်ပြန်ထားဆဲဖြစ်တယ်လို့သိရပါတယ်။

မြန်မာနိုင်ငံ အခြေအနေ

မြန်မာနိုင်ငံသည် နီပါဗိုင်းရပ်စ် သယ်ဆောင်နိုင်သည့် လင်းနို့ (Fruit Bats) များ ကျက်စားရာဇုန်တွင် ရှိနေပြီး အိမ်နီးချင်း အိန္ဒိယနှင့် ဘင်္ဂလားဒေ့ရှ်တို့တွင် ကူးစက်မှုများ ရှိနေခြင်း ရှိခဲ့ခြင်းတို့ကြောင့် ် "အန္တရာယ်ရှိ  နိုင်ခြေရှိသော နိုင်ငံ" (High-risk  area) အဖြစ် ကမ္ဘာ့ကျန်းမာရေးအဖွဲ့နှင့် ပညာ ရှင်များက သတ်မှတ်ထားပါတယ်။

အထူးသဖြင့် နယ်စပ်ဒေသများတွင် စောင့်ကြည့်မှုများ အားကောင်းရန် လိုအပ်သည့် အခြေအနေဖြစ်ပါ တယ်။

နီပါဗိုင်းရပ်စ် ကာကွယ်ရန် နည်းလမ်းများ

ဗိုင်းရပ်စ်သည် လင်းနို့၏ တံတွေး၊ ဆီး သို့မဟုတ် ဝက်များမှတစ်ဆင့် လူထံသို့ ကူးစက်နိုင်သဖြင့် အောက်ပါတို့ကို ဆင်ခြင်ရန် လိုအပ်ပါတယ်။

◾️သစ်သီးဝလံများလင်းနို့ကိုက်ထားသော အမှတ်အသားပါသည့် အသီးများကို လုံးဝမစားပါနှင့်။ ◾️အသီးများကို သေချာစွာဆေးကြောပြီး အခွံခွာစားပါ။

◾️ထန်းရည်/ဓနိရည်-    လတ်ဆတ်သော ထန်းရည်၊ ဓနိရည်များကို အစိမ်းလိုက် သောက်သုံးခြင်းကို ရှောင်ကြဉ်ပါ။ (ချက်ပြုတ်အပူပေးပြီးမှ သောက်ပါ)

◾️တစ်ကိုယ်ရေသန့်ရှင်းရေး-လက်ကို ဆပ်ပြာနှင့် မကြာခဏ ဆေးကြောပါ။

◾️တိရစ္ဆာန်များနှင့် ထိတွေ့မှု-နေမကောင်းသော ဝက်များ သို့မဟုတ် လင်းနို့များနှင့် တိုက်ရိုက်ထိတွေ့ခြင်းကို ရှောင်ကြဉ်ပါ။

Source: Wire News

မန္တလေးမြို့မှာ(၂၂)ကြိမ်မြောက် မြို့တော်ဝင်ဖလားဟင်းသီးဟင်းရွက်နှင့် သစ်သီးဝလံပန်းမန်ပြပွဲ ပြိုင်ပွဲကို လာမယ့် ဖေဖော်ဝါရီလ(၁၂)ရက်ကနေ(၁၄)ရက်အထိ ကျင်းပသွားမယ်လို့သိရပါတယ်။

#Local_News
Published 24 January 2026
#မန္တလေးမြို့ # မြို့တော်ဝင်ဖလားဟင်းသီးဟင်းရွက်
#YMG/SW #Yangon_Times

#World_Health
Published 25 January 2026

■ Mounjaro ၊ Wegovy တို့လို ပိန်ဆေးတွေအသုံးပြုပြီးနောက် ဆက်မသုံးတော့တဲ့အခါ သာမန် အစားအသောက်၊ လေ့ကျင့်ခန်းလုပ်ပြီး ဆက်မလုပ်တော့သူတွေထက် ကိုယ်အလေးချိန် ပြန်တက်နိုင်ခြေ ၄ ဆ ပိုများကြောင်း သုတေသန တွေ့ရှိထားပါတယ်။

■ ဝိတ်များလို့ ပိန်ဆေးထိုးလိုက်တဲ့အခါ ခန္ဓာကိုယ်အလေးချိန် ၅ ပုံ ၁ ပုံလောက် ကျဆင်းသွားပေမယ့် ဆေးမသုံးတော့တာနဲ့ တစ်လကို ၀.၈ ကီလိုဂရမ်လောက် ပြန်တက်လာခဲ့တယ်လို့ အချက်အလက်တွေ ဖော်ပြထားပါတယ်။

■ ဒါဟာ ပိန်ဆေးမသုံးမီ ကိုယ်အလေးချိန်ကို တစ်နှစ်ခွဲအတွင်း ပြန်တက်သွားတာ ဖြစ်ပါတယ်။

■ ဒီတွေ့ရှိချက်တွေက လက်တွေ့ ဆေးပညာစမ်းသပ်မှုတွေကနေ တွေ့ရှိတာဖြစ်ပါတယ်။

■ လူနာပေါင်း ၉,၀၀၀ ကျော်ဖြင့် လေ့လာချက် ၃၇ မျိုးမှာ ပိန်ဆေးထိုးတဲ့သူတွေနဲ့ သာမန် အစားအစာ အခြားဆေးတွေ အသုံးပြုသူတွေကို နှိုင်းယှဉ်ခဲ့ပါတယ်။

■ ထိုအခါမှာ အစားအသောက်ထိန်းပြီး ပိန်ဖို့ကြိုးစားသူတွေက ပိန်ဆေးထိုးသူတွေထက် ဝိတ်ပိုကျပါတယ်။

■ အဝလွန်တဲ့သူတွေမှာ ပိန်ဆေးထိုးဖို့ အကြံပြုပေမယ့် အနည်းငယ်မျှ ပိန်ချင်ရုံသူတွေကတော့ ဆေးမထိုးဖို့ အကြံပြုထားပါတယ်။

■ ပိန်ဆေးမသုံးတော့တဲ့အခါ ဆာလောင်စိတ်ကို မထိန်းချုပ်နိုင်တော့ဘဲ အလွန်အကျွံစားမိတတ်ကြပါတယ်။

■ ပိန်ဆေးရဲ့ သဘောသဘာဝအရ အဝလွန်ခြင်းကို ထိန်းချုပ်ဖို့ဆိုရင် ဆေးတွေကို ရေရှည်အသုံးပြုဖို့ ကျွမ်းကျင်သူတွေ အကြံပြုထားပါတယ်။

■ ဆေးဝါးကုမ္ပဏီတွေကတော့ ဝိတ်ပြန်တက်လာခြင်းဟာ သက်ရောက်မှုမရှိတာကြောင့် မဟုတ်ဘဲ အဝလွန်ခြင်းရဲ့ ဇီဝဖြစ်စဉ်ကြောင့်လို့ ပြောထားပါတယ်။

Source: BBC.

#World_Health
Published 25 January 2026

■ လူတွေဟာ သွေးတိုး၊ နှလုံးရောဂါတို့ဖြစ်မှာ စိုးရိမ်တာကြောင့် ဆားကို လျှော့ချစားသုံးလာကြပါတယ်။

■ ရေရှည်မှာ ဆားအလွန်နည်းသွားရင်လည်း ကျန်းမာရေး မထင်မှတ်တာတွေ ဖြစ်လာနိုင်ပါတယ်။

■ ဆားမှာပါဝင်တဲ့ ဆိုဒီယံဓာတ်က အရည်မျှခြေ ထိန်းသိမ်းခြင်း၊ အာရုံကြောလုပ်ဆောင်ချက်၊ ကြွက်သားလှုပ်ရှားမှုတို့မှာ အရေးပါပြီး အချိန်ကြာတဲ့အထိ ဆားနည်းနေရင် ခန္ဓာကိုယ်ထဲက အီလက်ထရိုလိုက်မျှခြေ ပျက်စီးစေနိုင်ပါတယ်။

■ ကာလကြာတဲ့အထိ ဆိုဒီယံစားတာနည်းလာရင် သွေးပေါင်ချိန်ကျနိုင်ပြီး ကျောက်ကပ်က အရည်ထိန်းညှိနိုင်စွမ်း လျော့ပါးလာပါတယ်။

■ သွေးထဲမှာ ဆိုဒီယံအလွန်နည်းလာကာ ဦးနှောက်လုပ်ဆောင်ချက် ထိခိုက်စေပြီး စိတ်ရှုပ်ထွေးခြင်း၊ အားနည်းခြင်း၊ သက်လုံကျဆင်းခြင်း၊ လှုပ်ရှားနိုင်စွမ်း ယိုယွင်းခြင်းတို့ ဖြစ်လာနိုင်ပါတယ်။

■ ဒါ့အပြင် ဆိုဒီယံက အာရုံတုန်ခါမှုတွေကို ပို့ဆောင်ပေးခြင်းနဲ့ ကြွက်သားကျုံ့ခြင်းတို့အတွက် အရေးကြီးပါတယ်။

■ အီလက်ထရိုလိုက် မမျှတပါက ကြွက်သားအမျှင်များ ထိခိုက်စေပြီး ကြွက်တက်ခြင်းလည်း ဖြစ်နိုင်ပါတယ်။

■ အားကစားသမားတွေ၊ ကိုယ်လက်လှုပ်ရှားမှု ပြင်းပြင်းထန်ထန် လုပ်သူတွေဟာ ချွေးကနေ ဆိုဒီယံအများအပြား ဆုံးရှုံးတာကြောင့် ဆိုဒီယံလျှော့စားပါက ချို့တဲ့လာနိုင်ပါတယ်။

■ ဒါကြောင့် ဆားကို လုံးဝဖြတ်မယ့်အစား အသင့်အတင့် စားသုံးပေးဖို့ အကြံပြုထားပါတယ်။

■ အဆင့်ဆင့်ထုတ်လုပ် စားစရာတွေမှ ဆိုဒီယံကိုတော့ လျှော့ချသင့်ပြီး အိမ်မှာချက်တဲ့ စားစရာတွေမှာ သဘာဝဆားကို အသုံးပြုနိုင်ပါတယ်။

■ ဆိုဒီယံဟာ ရာသီဥတု၊ လှုပ်ရှားမှုပမာဏ၊ ကျန်းမာရေးတို့အပေါ် မူတည်ပြီး လိုအပ်ချက်ပြောင်းလဲနိုင်ပါတယ်။

Source: Indian Express

တစ်ချိန်က ကမ္ဘာပေါ်မှာ အကြီးမားဆုံး ရေခဲစိုင်ကြီး A23a ဟာ မူလအရွယ်အစားရဲ့ ၈ ပုံ ၁ ပုံအောက်အထိ သေးငယ်လာကြောင်း တရုတ်မိုးလေဝသစီမံဌာန(CMA)က ထုတ်ပြန်ထားပါတယ်။

#World_Climate
Published 24 January 2026
#ရေခဲစိုင်ကြီး #A23a
#YMG #Yangon_Times #Yangon_Media_Group

ပြည်ထောင်စုအဆင့် MSME ထုတ်ကုန်ပြပွဲနှင့် ဈေးရောင်းပွဲတော် (နေပြည်တော်)ကို အသေးစား၊ အငယ်စား၊ အလတ်စားစီးပွားရေးလုပ်ငန်းများ ဖွံဖြိုးတိုးတက်ရေးလုပ်ငန်းကော်မတီမှဦးဆောင်ကာ (၇၉)နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသောအားဖြင့် နေပြည်တော်မှာ ငါးရက်တိုင်တိုင် ကျင်းပသွားမယ်လို့သိရပါတယ်။

#Local_News
Published 24 January 2026
#MSME #ဈေးရောင်းပွဲတော်
#YMG/SW #Yangon_Times

ပြည်တွင်းမှာ ပုစွန်မွေးမြူဧရိယာတစ်သိန်းကျော်ရှိပြီး ဇီဝလုံခြုံရေးစနစ်အားနည်းခြင်းကြောင့် အထွက်နှုန်းကျဆင်းနေတယ်လို့ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ကသိရပါတယ်။

#Local_News
Published 24 January 2026
#ပုစွန်မွေးမြူ
#YMG/NN #Yangon_Times

#Local_News
Published 24 January 2025

▪️ မြန်မာနိုင်ငံတွင်အကြီးဆုံး ကုန်းတွင်းရေချို အိုင်ကြီးဖြစ်သည့် ကချင်ပြည်နယ်၊ မိုးညှင်းခရိုင်၊ မိုးညှင်းမြိုနယ်ရှိ အင်းတော်ကြီးအိုင်နှင့် ဆက်စပ်ရေဝပ်ဒေသများတွင် ဇန်နဝါရီလအတွင်း အာရှ ရေပျော်ငှက်စာရင်းကောက်ယူရာ၌ ရှားပါးဆောင်းခို ရေပျော်ငှက်မျိုးစိတ်နှင့် ဒေသရင်း ရေပျော်ငှက်မျိုးစိတ်တိုသည် ယခင်နှစ်နှင့်နှိင်းယှဉ်ပါက ရေပျော်ငှက်မျိုးစိတ်တစ်မျိုးနှင့် ငှက်ကောင်ရေ(၃၉၇၀)ကျော်ခန့် ပိုမိုတွေ့ရှိ မှတ်တမ်းတင်နိုင်ခဲ့ကြောင်း သိရသည်။

▪️ အင်းတော်ကြီးအိုင်သည် နှစ်စဉ်ဆောင်းရာသီ ပွင့်လင်းရာသီသို ရောက်ရှိလာတိုင်း ကမ္ဘာ့မြောက်ဘက်အပိုင်းမှ လာရောက်ဆောင်းခိုလေ့ရှိသည့် ရှားပါးငှက်မျိုးစိတ်များနှင့် ဒေသရင်း ရေပျော်ငှက်မျိုးစိတ်များသည် ကျင်လည်ကျက်စားလျက်ရှိကြပြီး ယခုနှစ် ဇန်နနဝါရီလအတွင်း အာရှရေပျော်ငှက်စာရင်း ကောက်ယူချက်များအရ ရှားပါးဆောင်းခိုရေပျော်ငှက်မျိုးစိတ် (၂၉)မျိုး၊ ငှက်ကောင်ရေ (၁၇၂၇၅)ကောင်နှင့် ဒေသရင်းရေပျော်ငှက်မျိုးစိတ် (၁၇)မျိုး၊ ငှက်ကောင်ရေ (၆၉၀၂)ကောင် စုစုပေါင်း ငှက်ကောင်ရေ (၂၄၁၇၇)ကောင်ကို အင်းတော်ကြီးအိုင်၏ အရှေ့ဘက်၊ အနောက်ဘက်နှင့် အင်းတော်ချောင်းတစ်လျှောက် ချောင်းဘေးဝဲ/ယာနှင့် ဆက်စပ်ရေဝပ်ဒေသများရှိ ကိုင်းတောများအတွင်းသို့ တာဝန်ရှိသူများကအဖွဲ့များခွဲ၍ စာရင်းကောက်ယူနိုင်ခဲ့ကြောင်း သိရသည်။

▪️ အင်းတော်ကြီး တောရိုင်းတိရစ္ဆာန်ဘေးမဲ့တော၌ အများဆုံးတွေ့ရှိရသည့် ရှားပါးဆောင်းခို ရေပျော်ငှက်မျိုးစိတ်များမှာ တောငန်း (၄၈၀၅)ကောင်၊ ဘဲဖြူနက် (၃၀၀၂)ကောင်၊ ရေကြက်ဒုံ (၂၁၅၉)ကောင်၊ ကြိုးကြာခေါင်းမဲ (၁၇၆၈)ကောင်၊ စင်ရော်ခေါင်းညို (၁၅၃၃)ကောင်၊ စင်ရော်ခေါင်းမဲ (၇၉၄)ကောင်၊ ပိုချပ်ဘဲ (၅၀၅)ကောင်၊ ဘဲနီစပ် (၅၈၀)ကောင်နှင့် ဘဲမဲ (၄၃၀)ကောင် စသည်တို ပေါများစွာ လာရောက်ဆောင်းခို ကျက်စားကြလျက်ရှိပြီး ဒေသရင်း ရေပျော်ငှက်မျိုးစိတ်များဖြစ်သည့် စစ္စလီ (၂၅၃၂)ကောင်၊ တင်ကျီးကြီး (၁၂၀၀)ကောင်၊ မယ်ညို (၁၅၀၉)ကောင်နှင့် တစီးမှုတ်(၄၆၀)ကောင်တို့ ပေါများစွာကျက်စားလျက်ရှိကြောင်း သိရသည်။

▪️ အဆိုပါ ရေပျော်ငှက်မျိုးစိတ်များ စာရင်းကောက်ယူခြင်းကို အင်းတော်ကြီးအိုင်၏ အရှေ့ဘက် လမ်းကြောင်းတွင်လည်းကောင်း၊ အနောက်ဘက်လမ်းကြောင်းတွင်လည်းကောင်း၊ အင်းတော်ချောင်း တစ်လျှောက် ချောင်းဘေး ဝဲ/ယာနှင့် ဆက်စပ်ရေဝပ်ဒေသများရှိ ကွင်းဆင်းဆောင်ရွက်လျက်ရှိရာ ယခုနှစ်တွင် ၂၀၂၅ခုနှစ်က မတွေ့ရှိခဲ့ရသည့် စက္ကဝက် (၄)ကောင်၊ ငှက်နှုတ်သီးလန် (၃)ကောင်နှင့် ဒီလုံးရင်ညို (၆)ကောင် စသည့် ငှက်မျိုးစိတ်(၃)မျိုးကိုပြန်လည်တွေ့ရှိ မှတ်တမ်းတင်နိုင်ခဲ့ကြောင်း သိရသည်။

▪️ အင်းတော်ကြီးအိုင်သည် ၂၀၁၄ ခုနှစ် ဒီဇင်ဘာလ (၁၅)ရက်နေ့တွင် အရှေ့အာရှ-ဩစတြေးလျ ငှက်ပျံသန်းရာလမ်းကြောင်းရှိ အရေးကြီးရေဝပ်ဒေသများ ကွန်ရက်အဖွဲဝင်အဖြစ်လည်းကောင်း၊ ၂၀၁၆ ခုနှစ် ဖေဖော်ဝါရီလ (၂)ရက်နေ့တွင် မြန်မာနိုင်ငံ၏ ဒုတိယမြောက် ရမ်ဆာရေဝပ်ဒေသအဖြစ် လည်းကောင်း၊ သတ်မှတ်ခြင်းခံထားရသော အင်းတော်ကြီးတောရိုင်းတိရစ္ဆာန်ဘေးမဲ့တော ဖြစ်ကြောင်းနှင့် နိုတိုက်သတ္တဝါမျိုးစိတ် (၄၇)မျိုး၊ ကုန်နေရေနေနှင့် တွားသွားသတ္တဝါမျိုးစိတ် (၉၁)မျိုး၊ ငါးမျိုးစိတ် (၉၄)မျိုး၊ ရေပျော်ငှက်မျိုးစိတ် (၁၀၅)မျိုးနှင့် သစ်တောငှက်မျိုးစိတ် (၄၀၀)တို့ နေထိုင်ကျက်စားလျက်ရှိကြောင်း သိရသည်။

#YMG/SW #Yangon_Times