#Daily_News

Published 28 July 2025

၁။ ‌‌‌‎‎‎‎မင်းဘူးနေရောင်ခြည်စွမ်းအင်သုံး ဓာတ်အားပေးစက်ရုံ ဒုတိယအဆင့်ဓာတ်အားထုတ်လုပ်မှုကို နွေရာသီအမှီဆောင်ရွက်မည်

‎၂။ ‌‎‎‎‌ဂျိုးဖြူရေသုံးစွဲသူအားလုံး ရေမီတာမဖြစ်မနေတတ်ဆင်ရမည်

၃။ ‌‎‎‎စားအုန်းဆီရည်ညွှန်းဈေး တက်ရိပ်ပြ

၄။ ‎စီးပွားရေးအကြပ်အတည်းများကြား ယီမင်ငွေကြေးတန်ဖိုးစံချိန်တင်ကျဆင်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ပူထရာဂျာယာ၊မလေးရှား၊ဇူလိုင်၂၈ (ရိုက်တာ) - ကမ္ဘောဒီးယားနှင့် ထိုင်းခေါင်းဆောင်များသည် ဆယ်စုနှစ် တစ်ခုကျော်အတွင်း အပြင်းထန်ဆုံး ပဋိပက္ခကို အဆုံးသတ်ရန် ရည်ရွယ်၍ တနင်္လာနေ့ သန်းခေါင်ယံ မှစ၍ အပစ်အခတ်ရပ်စဲရေးကို သဘောတူခဲ့ကြသည်။ ငါးရက်ကြာ ပြင်းထန်သော တိုက်ပွဲများ ဖြစ်ပွားပြီး  နောက် ယင်းသဘောတူညီချက် ရရှိခဲ့ခြင်း ဖြစ်သည်။

ပဋိပက္ခငြိမ်းအောင် နိုင်ငံတကာမှ ကြိုးပမ်းနေချိန်တွင် ထိုင်းနှင့် ကမ္ဘောဒီးယားခေါင်းဆောင်များသည် အာဆီယံဒေသဆိုင်ရာအဖွဲ့၏ လက်ရှိဥက္ကဋ္ဌဖြစ်သူ မလေးရှားဝန်ကြီးချုပ် အန်ဝါ အီဘရာဟင် ဦးဆောင်  ကျင်းပသည့် မလေးရှားနိုင်ငံတွင် ဆွေးနွေးပွဲများ ပြုလုပ်ခဲ့ပြီး နှစ်ဖက်စလုံးက ရန်လိုမှုများကို ရပ်ဆိုင်းရန် နှင့် တိုက်ရိုက်ဆက်သွယ်မှုများ ပြန်လည်စတင်ရန် သဘောတူညီခဲ့ကြသည်။

“ယနေ့ ကျွန်တော်တို့ အလွန်ကောင်းမွန်တဲ့ အစည်းအဝေးတစ်ခုနှင့် အလွန်ကောင်းမွန်တဲ့ ရလဒ်တွေ ရရှိခဲ့ပါတယ်။ ဒါဟာ အသက်ပေါင်းများစွာ ဆုံးရှုံးထိခိုက်ဒဏ်ရာရတာတွေအပြင် လူတွေ နေရပ်စွန့်ခွာ ထွက်ပြေးရတာတွေကို ဖြစ်စေခဲ့တဲ့ တိုက်ပွဲတွေကို ချက်ချင်းရပ်တန့်နိုင်လိမ့်မယ်လို့ မျှော်လင့်ပါတယ်" ဟု ကမ္ဘောဒီးယားခေါင်းဆောင် ဟွန်မာနက်က ပြောကြားခဲ့ပြီး ဒီလုပ်ငန်းစဉ်မှာ ပါဝင်ဆောင်ရွက်ပေး  ခဲ့သည့်  ထရမ့်နှင့် တရုတ်နိုင်ငံကိုလည်း ကျေးဇူးတင်ကြောင်း သူက ဆက်လက်ပြောဆိုသည်။

"ဝန်ကြီးချုပ် အန်ဝါ ခုလေးတင် ကြေညာခဲ့တဲ့ ဖြေရှင်းနည်းတွေက ကျွန်တော်တို့ရဲ့ နှစ်နိုင်ငံ ဆွေးနွေးမှု  တွေ ပုံမှန်ဆက်ဆံရေးအတိုင်း ပြန်ဖြစ်လာဖို့နဲ့ အနာဂတ်မှာ တပ်ဖွဲ့တွေရဲ့ တင်းမာမှု လျှော့ချရေးအတွက် အခြေခံတစ်ခု ဖြစ်စေလိမ့်မယ်လို့ မျှော်လင့်ပါတယ်" ဟု ထိုင်းယာယီ  ဝန်ကြီးချုပ် ဖူမ်သမ် ဝေချာချိုင်းက ပြောကြားခဲ့သည်

အမျိုးသားကင်ဆာရောဂါ ကုသရေးဌာန (ဒဂုံမြို့သစ်(ဆိပ်ကမ်း)မြို့နယ်ကို နိုင်ငံတော်ရဲ့ ခွင့်ပြုရန်ပုံငွေကျပ် ၃၂ ဘီလီယံကျော်နဲ့ စီမံကိန်းအကောင်အထည်ဖော်ဆောင်ရွက်နေတယ်လို့ ကျန်းမာရေးဝန်ကြီးဌာနကသိရပါတယ်။
#Local_News
Published 28 July 2025
#အမျိုးသားကင်ဆာရောဂါကုသရေးဌာန #စီမံကိန်းချမှတ်ဆောင်ရွက်
#YMG/NN #Yangon_Times

ဘန်ကောက်၊ ဇူလိုင် ၂၈ (ရိုက်တာ) - ထိုင်းနိုင်ငံရဲ့မြို့တော် ဘန်ကောက်မှာ တနင်္လာနေ့က သေနတ်သမားတစ်ဦး ဈေးထဲမှာ ပစ်ခတ်ခဲ့တာကြောင့် အနည်းဆုံး လူ ၆ ဦးသေဆုံးခဲ့ကြောင်း ထိုင်းရဲတပ်ဖွဲ့က ထုတ်ပြန်ချက်မှာ ဖော်ပြထားပါတယ်။

သေဆုံးသူတွေထဲမှာ မိမိကိုယ်ကို အဆုံးစီရင်ခဲ့တဲ့ သေနတ်သမားလည်း ပါဝင်တယ်လို့ မြို့တော် ရဲဌာန   ချုပ်ရဲ့ ဒုတိယရဲမင်းကြီး ချာရင် ဂိုပတ်တာက ရိုက်တာကို ပြောကြားခဲ့ပါတယ်။

"ရဲတပ်ဖွဲ့က သေဆုံးသူရဲ့ ကိုယ်ရေးအချက်အလက်နဲ့ ဖြစ်စဉ်ရဲ့ ရည်ရွယ်ချက်ကို စုံစမ်းစစ်ဆေးနေ  ပါတယ်" လို့ ထိုင်းရဲတပ်ဖွဲ့က ထုတ်ပြန်ချက်မှာ ဖော်ပြထားပါတယ်။ သေနတ်သမား ပစ်ခတ်လို့ သေဆုံးခဲ့တဲ့ လူ ၅ ဦးကတော့ ဈေးရဲ့ လုံခြုံရေးဝန်ထမ်းတွေဖြစ်တယ်လို့ ဆိုပါတယ်။

.ဘန်ကောက်ရဲ့ ဘန်ဆူးခရိုင်မှာရှိတဲ့ အဓိကအားဖြင့် စိုက်ပျိုးရေးထွက်ကုန်တွေ ရောင်းချတဲ့ ဈေးမှာ ဖြစ်ပွားခဲ့တဲ့ ပစ်ခတ်မှုမှာ ခရီးသွားဧည့်သည်တွေ သေဆုံးတာ ဒါမှမဟုတ် ဒဏ်ရာရတာမျိုးမရှိဘူးလို့ ဘန်ကောက်ရဲအရာရှိ ဆာနောင် ဆင်မဏီက ပြောပါတယ်။

ခရီးသွားလုပ်ငန်းဟာ အရှေ့တောင်အာရှရဲ့ ဒုတိယအကြီးဆုံးစီးပွားရေးဖြစ်တဲ့ ထိုင်းနိုင်ငံအတွက် အဓိက စီးပွားရေးမောင်းနှင်အားတစ်ခုဖြစ်ပြီး စီးပွားရေးတိုးတက်မှု နှေးကွေးနေတာကြောင့်အခုလို ဖြစ်စဉ်တွေက စိတ်ဓာတ်တွေကို ထိခိုက်စေနိုင်ပါတယ်။

ရဲတပ်ဖွဲ့က မျှဝေခဲ့တဲ့ ဗီဒီယိုဖိုင်မှာ အဖြူရောင်ဦးထုပ်ဆောင်းထားပြီး ကျောပိုးအိတ်ကို ရင်ဘတ်မှာ  လွယ်ထားတဲ့ သံသယရှိသူတစ်ဦး ဈေးရဲ့ ကားပါကင်ထဲမှာ လမ်းလျှောက်နေတာကို တွေ့ရပါတယ်။

ထိုင်းနိုင်ငံမှာ သေနတ်အကြမ်းဖက်မှုနဲ့ သေနတ်ပိုင်ဆိုင်မှုတွေက အဆန်းမဟုတ်ပါဘူး။ ၂၀၂၃ ခုနှစ် အောက်တိုဘာလတုန်းက အသက် ၁၄ နှစ်အရွယ် သံသယရှိသူတစ်ဦးဟာ ဘန်ကောက်မြို့လယ်က ဇိမ်ခံကုန်တိုက်တစ်ခုမှာ ပြုပြင်ထားတဲ့ သေနတ်နှင့် လူနှစ်ဦးကို သတ်ပြီး ငါးဦးကို ဒဏ်ရာရအောင်လုပ်ခဲ့  ပါတယ်။

တစ်နှစ်အစောပိုင်းကလည်း ရဲအရာရှိဟောင်းတစ်ဦးဟာ ထိုင်းနိုင်ငံအရှေ့ပိုင်းက မူကြိုကျောင်းတစ်ခုမှာ သေနတ်နှင့် ဓားတို့ဖြင့် တိုက်ခိုက်ခဲ့ရာ လူ ၃၆ ဦး သေဆုံးခဲ့ပြီး သေဆုံးသူတွေအထဲ ကလေး ၂၂ ဦး ပါဝင်ခဲ့ပါတယ်။

သတင်းကိုးကား-ဘန်ကောက်ပို့စ်

အခုတစ်ပတ်အတွက် စားအုန်းဆီရည်ညွှန်းဈေးတွေ အရင်တစ်ပတ်ကထက် တစ်ပိဿာကို ၇၅ကျပ်နဲ့ တက်ရိပ်ပြလာတယ်လို့ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ ဒီကနေ့ ထုတ်ပြန် ချက်အရသိရပါတယ်။
#Local_News
Published 28 July 2025
#‎‎‎စားအုန်းဆီရည်ညွှန်းဈေးတက် #သိုလှောင်ဖြန့်ဖြူးခြင်းလုပ်ငန်းကြီးကြပ်ရေး
#YMG/NN #Yangon_Times

မင်းဘူးမြို့ရှိ နေရောင်ခြည်စွမ်းအင်သုံး ဓာတ်အားပေးစက်ရုံ ဒုတိယအဆင့်စီမံကိန်းရဲ့ ဓာတ်အား၄၀ မဂ္ဂါဝပ်ကို လာမယ့်နွေရာသီအမှီထုတ်လုပ်နိုင်ဖို့ ဆောင်ရွက်သွားမယ်လို့ သိရပါတယ်။
#Local_News
Published 28 July 2025
#မင်းဘူးနေရောင်ခြည်စွမ်းအင်သုံး ‎‎‎ #‎‎‎ဓာတ်အားပေးစက်ရုံ
#YMG/SW #Yangon_Times
‎

ရန်ကုန်မြို့တော်စည်ပင်သာယာရေးကော်မတီ၊ ရေနှင့်သန့်ရှင်းရေးဌာနမှ ဖြန့်ဖြူးပေးလျှက်ရှိတဲ့ ‌ဂျိုးဖြူရေကိုသုံးစွဲ‌နေသူပြည်သူများအ‌နေနဲ့ ရေမီတာကို မဖြစ်မနေတတ်ဆင်ရမယ်လို့ သိရပါတယ်။
#Local_News
Published 28 July 2025
#ဂျိုးဖြူရေသုံးစွဲသူ ‎‎‎ #‎‎‎ရေမီတာမဖြစ်မနေတတ်ဆင်ရ
#YMG/SW #Yangon_Times

#Local_News
Published 28 July  2025

▪️ ပင်းတယမြို့ သိမ်ကုန်းနှင့်ရွာအချို့ ရုတ်တရက်ရေကြီး လူအသေအပျောက်ရှိကြောင်း ဒေသခံများထံမှ သိရသည်။

▪️ "ပင်းတယ (၆)ဦးထပ်မနည်းသေဆုံး တယ်လို့ပြောကြတယ် ၊ ပျောက်သူလဲရှိတယ် ၊တောင်ကျရေ ရုတ်တရက်ကျလာတာ၊လုံးဝထင်မထားဘဲ ရုတ်တရက် ရေကြီးလာတာပါ၊ သိမ်ကုန်းရွာ၊ ကုန်းစောင်းရွာ၊ ရွှေပုထိုးရွာ တွေပါပါတယ် ၊ ရွှေဥမင်ဘုရားဆိုင်ခန်းတွေပါပြိုတယ်"ဟု ဒေသခံတစ်ဦးက  ပြောသည်။

▪️ ရွှေပုထိုးရွာတို့တွင် ဇူလိုင်လ ၂၇ ရက် ည ၁၂ နာရီကျော်၌ တောင်ကျရေ ရုတ်တရက်ထိုးဆင်း ထို့အပြင် ရွှေဥမင်ဘုရားဆိုင်၄ခန်းပြိုကျပြီး
ထပ်မံပြိုပါက အန္တရာယ်ရှိနိုင်သောကြောင့် ဘုရားအတက်လမ်းကို ယာယီပိတ်ထားကြောင်း သိရသည်။

#YMG/NN #Yangon_Times

#Local_News
Published 28 July 2025

▪️ မန္တလေးငလျင်ကြီးလှုပ်ခတ်မှုအပြီး လေးလပြည့်နေ့သည့် ယနေ့နံနက်အစောပိုင်းတွင် မန္တလေးမြို့၌ အင်အား၄.၁ ရစ်(ခ်)တာစကေးရှိ ငလျင်တစ်ခုလှုပ်ခတ်ခဲ့ကြောင်း သိရသည်။

▪️ အဆိုပါ ငလျင်လှုပ်ခတ်မှုနဲ့ ပတ်သက်၍ မန္တလေးမြို့ခံတစ်ဦးက " ၁၂မတ်တင်းလောက်ကအသာလေးတချက်အရင်လှုပ်လိုက်တယ်ထင်တယ်ပဲ။
လူကနိုးပြီးဟုတ်မဟုတ်ဇဝေဇဝါနဲ့ကိုယ့်ဟာကိုယ်ဘဲထင်နေတာလားဆိုတွေးရင်းမိုးလဲရွာနေတော့အကြီးစားတွေတော့ မလာလောက်တော့ပါဘူးဆိုထင်နေတာ ထပ်လှုပ်တာဘဲနည်းနည်းပြင်းတယ်။ ၄ကျော်လောက်ရှိမယ်ထင်တယ်အိပ်ယာထဲက ဖုန်းတောင်မယူနိုင် ထဆင်းပြေးတာ ခုကလူတွေကတအားကြောက်တတ်တာမဟုတ်ပေမယ့် ဒါကအသက်အန္တရာယ်ရှိတယ်ဆိုတာကို သိမြင်ထားရတော့ ခြေထောက်တွေကအကျင့်ရနေပြီရယ် ၄လပြည့်ပြီ ငလျင်ကခုထိလှုပ်နေတုန်း"ဟု ပြောသည်။

▪️ ငလျင်လှုပ်ခတ်မှုနှင့် ပတ်သက်ပြီးမိုးလေဝသနှင့်ဇလဗေဒညွန်ကြားမှုဦးစီးဌာနက ယနေ့ဇူလိုင်လ၂၈ရက် နံနက်အ‌ေစာပိုင်း ၀၀း၀၁နာရီတွင်မဟာအောင်မြေမြို့နယ်၏ တောင်ဘက် (၁) မိုင်ခန့်ကိုဗဟိုပြု၍အနက် - ၃၃ ကီလိုမီတာ ဖြင့် အင်အားပမာဏ - ၄.၁ ရစ်(ခ်)တာစကေး အဆင့်ရှိ ငလျင်တစ်ခုလှုပ်ခတ်သွားကြောင်း ထုတ်ပြန်ထားသည်။

▪️ အဆိုပါငလျင်သည် မန္တလေးငလျင်ကြီးအပြီး ၂၁၄ကြိမ်မြောက်လှုပ်ခတ်သည့် ငလျင်ဖြစ်ကြောင်းလည်း သိရသည်။

#YMG/SW #Yangon_Times

#World_News
Published 28 July 2025

▪️ ထိုင်းနဲ့ ကမ္ဘောဒီးယားနယ်စပ်ပဋိပက္ခနဲ့ ပတ်သက်ပြီး တနင်္လာနေ့မှာ နှစ်ဖက်ခေါင်းဆောင်များက မလေးရှားမှာပြုလုပ်သွားမယ့် ညှိနှိုင်းဆွေးနွေးပွဲကို တက်ရောက်သွားမှာ ဖြစ်တယ်လို့ ထိုင်းအစိုးရက ပြောပါတယ်။

▪️ တနင်္လာနေ့ မွန်းလွဲ ၃ နာရီမှာ ဆွေးနွေးမှုပြုလုပ်ရန် စီစဉ်ထားပြီး ထိုင်းယာယီဝန်ကြီးချုပ် ဖွန်ထမ်ဝီချာယာချိုင်က ညှိနှိုင်းရေးအဖွဲ့ကို ဦးဆောင်လာမှာဖြစ်ကြောင်း အစိုးရက ထုတ်ပြန်ထားပါတယ်။

▪️ အာဆီယံဒေသတွင်း ပူးပေါင်းဆောင်ရွက်ရေးဖိုရမ်ကို ဦးစီးကျင်းပမယ့် မလေးရှားက ကမ္ဘောဒီးယားဝန်ကြီးချုပ် ဟွန်မာနက်လည်း တက်ရောက်မယ်လို့ အသိပေးထားပါတယ်။

▪️ ထိုင်းနဲ့ ကမ္ဘောဒီးယားတို့ဟာ မေလက နယ်စပ်တိုက်ပွဲတစ်ခုအတွင်း ကမ္ဘောဒီးယားစစ်သည်တစ်ဦး သေဆုံးခဲ့တဲ့ဖြစ်ရပ်နောက်ပိုင်း တင်းမာမှုမြင့်တက်နေကြကာ နှစ်ဖက်စလုံးမှ နယ်စပ်စစ်အင်အား တိုးချဲ့ထားသလို မတည်မငြိမ်ဖြစ်နေတဲ့ ထိုင်းညွန့်ပေါင်းအစိုးရ ပြိုလဲလုနီးပါး ဖြစ်ခဲ့ပါတယ်။

▪️ ကြာသပတေးနေ့က ပြန်လည်တိုက်ခိုက်လာကြပြီး ၄ ရက်အတွင်းမှာပဲ အရှေ့တောင်အာရှ နိုင်ငံများကြား ဆယ်စုနှစ်ကျော်အတွင်း အဆိုးရွားဆုံး တိုက်ခိုက်မှုအဖြစ် တင်းမာလာပါတယ်။

▪️ အသေအပျောက်စာရင်း ထိုင်းအရပ်သား ၁၃ ဦး၊ ကမ္ဘောဒီးယားအရပ်သား ၈ ဦးအပါအဝင် အယောက် ၃၀ ရှိလာကာ နယ်စပ်ဒေသတွေမှာ လူပေါင်း ၂ သိန်းကျော် ထွက်ပြေးတိမ်းရှောင်နေရတယ်လို့ အာဏာပိုင်များ ဖော်ပြထားပါတယ်။

▪️ နှစ်နိုင်ငံကတော့ တိုက်ခိုက်မှုတွေနဲ့ ပတ်သက်ပြီး အပြန်အလှန်စွပ်စွဲပြောဆိုထားပါတယ်။

▪️ ထိုင်းနဲ့ ကမ္ဘောဒီးယားတို့ဟာ နယ်စပ် ၈၁၇ ကီလိုမီတာတလျှောက် ပိုင်ဆိုင်မှုနဲ့ပတ်သက်ပြီး အချင်းများနေကြတာ ဆယ်စုနှစ်တွေ ကြာမြင့်နေပါပြီ။

#Source: Reuters

#Local_News
Published_28 July 2025

▪️ ပဲခူးတိုင်းဒေသကြီး၊ ကျောက်ကြီးမြို့နယ်၊ ကျောက်ကြီးမြို့၏ အနောက် ဘက်မီတာ ၄၀၀၀ ခန့်အကွာ လပတ် ကျေးရွာရှိ ပြည်သူ များအား KNLA နှင့် PDF များက လက်နက်ငယ်များ၊ တုတ်၊ ဓား များဖြင့် ပစ်ခတ်ခုတ်ဖြတ် မှုကြောင့် ကလေးငယ်များနှင့် သက်ကြီးဘိုးဘွားများအပါအဝင် အရပ်သား ၁၃ ဦး သေဆုံးခဲ့ပြီး ၁၅ ဦး ဒဏ်ရာ ရခဲ့ကြောင်း သိရသည်။

▪️ တပ်မတော်စစ်ကြောင်းများအနေဖြင့် ဖြစ်စဉ်ဖြစ်ပွားမှုကိုသိလျင်သိချင်း လိုအပ်သည့်နယ်မြေလုံခြုံရေးလုပ်ငန်း များ ဆောင်ရွက်ပြီး အဆိုပါကျေးရွာသို့ သွားရောက်စစ်ဆေးခဲ့ရာ KNLA နှင့် PDF များက ဇူလိုင်လ ၂၅ ရက် နံနက် ၁ နာရီခန့်တွင် ကျေးရွာ၏ အနောက်မြောက်ဘက်နှင့် အရှေ့ဘက်တို့မှ ဝင်ရောက်လာပြီး ကျေးရွာ အတွင်းမှ လူမမယ်ကလေးငယ်များနှင့် သက်ကြီးဘိုးဘွားများအပါအဝင် အပြစ်မဲ့ရွာသူ၊ ရွာသားများအား လက်နက်ငယ်များဖြင့် ယုတ်မာရက်စက်စွာ ပစ်ခတ်သတ်ဖြတ် ခဲ့ပြီး ဓားများဖြင့် ခုတ်ဖြတ်သတ်ဖြတ်ခဲ့ကြောင်း သိရသည်။

▪️ ထိုသို့ သတ်ဖြတ်ခဲ့မှုကြောင့် အသက် ၁၀ လသားအရွယ် ကလေးငယ် ၁ ဦး၊ အသက် ၃ နှစ်အရွယ် ကလေးငယ် ၂ ဦး၊ အသက် ၄ နှစ်အရွယ်ကလေးငယ် ၁ ဦး၊ အသက် ၆ နှစ်အရွယ် ကလေးငယ် ၁ ဦး၊ အသက် ၇ နှစ် အရွယ် ကလေးငယ် ၁ ဦး၊ အသက် ၁၀ နှစ်အရွယ် ကလေးငယ် ၁ ဦး အပါအဝင် အရပ်သားအမျိုးသား ၈ ဦး၊ အမျိုးသမီး ၅ ဦး၊ စုစုပေါင်း ၁၃ ဦး သေဆုံးခဲ့ပြီး အသက် ၃ နှစ်အရွယ် ကလေးငယ် ၁ ဦး၊ အသက် ၁၀ နှစ်အ ရွယ်ကလေးငယ် ၁ ဦး အပါအဝင် အမျိုးသား ၃ ဦး၊ အမျိုးသမီး ၁၂ ဦး၊ စုစုပေါင်း ၁၅ ဦး ထိခိုက် ဒဏ်ရာများ ရရှိခဲ့ကြောင်း သိရသည်။

▪️ အဆိုပါ သေဆုံးခဲ့သူများကိုလုံခြုံရေးတပ်ဖွဲ့ဝင်များ၊ သက်ဆိုင်ရာတာဝန်ရှိသူများနှင့် ရွာသူ၊ ရွာသားများက ထုံးတမ်းအစဉ်အလာများနှင့်အညီကောင်းမွန်စွာသင်္ဂြိုလ်ပေးခဲ့ပြီး ဒဏ်ရာရရှိခဲ့သူများအား နယ်မြေခံတပ်ဆေး ခန်းသို့ပို့ဆောင်၍ ဆေးကုသမှုခံယူစေလျက်ရှိကြောင်း သိရသည်။

#Yangon_Times/PP

‎#World_Health
‎Published 28 July 2025

▪️ ကောင်းစွာအိပ်စက်နိုင်ဖို့နဲ့ အားကစားစွမ်းဆောင်ရည် မြှင့်တင်ပေးဖို့ ပါးစပ်ကို တိပ်နဲ့ကပ်ပြီးအိပ်ကြတဲ့ ဆိုရှယ်မီဒီယာပို့စ်တွေဟာ အထောက်အထားမရှိသလို ဘေးအန္တရာယ်ပါ ဖြစ်နိုင်ဖွယ်ရှိတယ်လို့ မယ်ရီလန်း ဆေးလ်ဗားစပရင်းမှ အားကစားဆရာဝန် ဂျန်နီဖာဂေါ်ဒင်က ပြောပါတယ်။

▪️ အိပ်တဲ့အခါ နှာခေါင်းကနေ အသက်ရှူထုတ်တာကို တွန်းအားပေးဖို့ ပါးစပ်ကို တိပ်ကပ်ကြတာဖြစ်တယ်လို့ ဆိုပါတယ်။

▪️ လက်ရှိ အင်စတာဂရမ်နဲ့ တစ်တော့တို့မှာ ရေပန်းစားနေပြီး အိပ်စက်မှုအရည်အသွေး၊ အောက်ဆီဂျင်ပမာဏတို့ကို တိုးတက်စေပြီး ဟောက်တာကို လျှော့ချနိုင်တယ်လို့ ပြောနေကြပါတယ်။

▪️ ကြွက်သားပြန်လည်သက်သာစေပြီး အားကစားစွမ်းဆောင်ရည် မြှင့်တင်ပေးနိုင်တယ်ဆိုပြီး အားကစားကဏ္ဍတွေမှာ ကျင့်သုံးနေကြပါတယ်။

▪️ နှာခေါင်းကနေပဲ အသက်ရှူထုတ်တဲ့အခါ လေကိုစစ်ထုတ်ပြီး ပူနွေးစိုစွတ်စေတဲ့အတွက် ညဘက် ခံတွင်းခြောက်ခြင်း၊ ခံတွင်းနံ့ဆိုးခြင်းတို့မှ ကာကွယ်နိုင်တယ်လို့ ပြောနေကြပေမယ့် ခိုင်မာတဲ့အထောက်အထား မရှိထားပါဘူး။

▪️ အိပ်နေစဉ်အသက်ရှူကြပ်ခြင်းမျိုး၊ နှာခေါင်းပိတ်တာမျိုးဆိုရင် ပါးစပ်ကိုပါ တိပ်ကပ်ထားရင် အသက်မရှူနိုင်တော့ဘဲ အောက်ဆီဂျင်ပမာဏ ကျဆင်းသွားနိုင်ကာ အသက်အန္တရာယ် ရှိနိုင်ပါတယ်။

▪️ ဒီနည်းလမ်းအတွက် FDA ကလည်း အသိအမှတ်ပြုထားတာ မရှိပါဘူး။

▪️ ဒီနည်းလမ်းထက်စာရင် အမှောင်ချ ငြိမ်းချမ်းတဲ့ပတ်ဝန်းကျင်၊ ဖုန်းကွန်ပျူတာများ ကြည့်ချိန်လျှော့ချခြင်းတို့ဖြင့် အိပ်စက်ခြင်းတိုးတက်အောင် လုပ်သင့်တယ်လို့ ဂေါ်ဒင်က အကြံပြုပါတယ်။

#Source: wtop news