#Local_News
Published 04 February 2025

▪️ ရန်ကုန် -မန္တလေးအမြန်လမ်းမကြီး၌ခရီးသည်တင်ယာဉ် တစ်စီး နောက်အင်ဂျင်ခန်း အပူလွန်ကဲပြီး မီးလောင်မှုဖြစ်ပွားခဲ့ကြောင်း သိရသည်။

▪️ ဖေဖော်ဝါရီ ၄ ရက်နေ့၊ မနက်၅ နာရီ၂၈ မိနစ်အချိန်က မန္တလေးတိုင်းဒေသကြီး၊ ပျော်ဘွယ်မြို့နယ်၊ ပေပင်လေးကျေးရွာ၊ ရန်ကုန် -မန္တလေးအမြန်လမ်းမကြီး၊ မိုင်တိုင် အမှတ်(၂၆၀/၃)ဖာလုံ အနီးတွင် မြစန္ဒာ ခရီးသည်တင်ယာဉ်သည် နောက်အင်ဂျင်ခန်း အပူလွန်ကဲပြီး မီးလောင်မှုဖြစ်ပွားကြောင်း သတင်းရရှိသဖြင့် ပေပင်လေးအမြန်မီးသတ်စခန်းမှ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ မနက် ၅နာရီ ၄၃မိနစ်အချိန်၌ မီးငြိမ်းနိုင်ခဲ့ကြောင်းသိရသည်။

#YMG/NN #Yangon_Times

#World_Health
Published 04 February 2026

■ အမျှင်ဓာတ်ဟာ အစာခြေခြင်းအတွက် ကောင်းတယ်လို့ လူတွေ ယူဆထားပေမယ့် အစာအိမ်အူရောင်သူတွေအတွက်တော့ သွေးထွက်ဒဏ်ရာကို ကော်ဖတ်တိုက်သလို ဖြစ်နေလိမ့်မယ်လို့ အူလမ်းကြောင်းနဲ့ ဟော်မုန်းဆရာ ဒေဗီတာဆိုင်းက အင်စတာဂရမ်မှာ ဖော်ပြထားပါတယ်။

■ အရင်ဆုံး အူကို တည်ငြိမ်အောင် ပြုလုပ်ပြီးမှ နောက်ပိုင်းမှာ အမျှင်ဓာတ်ကို ခံနိုင်ရည်ရှိလာမယ်လို့ ဆိုပါတယ်။

■ အူနံရံတွေ ရောင်ချင်တဲ့အခါ လှုပ်ရှားမှုနှေးသွားပြီး အမျှင်တွေက အနည်ထိုင်အချဉ်ပေါက်ကာ လေပွတာတွေ ဖြစ်စေတယ်လို့ ဝေါ့ခ်ဟတ်ဒ်ဆေးရုံမှ အစာအိမ်အူလမ်းကြောင်းအထူးကု စိုင်ပရာဆက်ဂီရစ်ရှ်လက်ဒ်ကလည်း ပြောပါတယ်။

■ ဒါကြောင့် အချို့လူတွေ အရွက်သုပ်၊ ပဲနီလေး၊ အမျှင်များတဲ့ စားစရာတွေ စားတဲ့အခါ ပိုဆိုးစေတာဖြစ်တယ်လို့ ဆိုပါတယ်။

■ အမျှင်ဓာတ်ကို ခန္ဓာကိုယ်က မဖြိုခွဲနိုင်ဘဲ အူလမ်းကြောင်း ကောင်းမွန်မှသာ အူလှုပ်ရှားမှုကို ကူညီပေးတာ ဖြစ်ပါတယ်။

■ ဒီလိုမျိုးအမျှင်ဓာတ်တွေ ထပ်မစားတဲ့အခါ အူနံရံက အနားရသွားပြီး ရောင်ရမ်းတာတွေ လျော့ကျလာပါမယ်။

■ ထောပတ်၊ သံလွင်ဆီ၊ အခွံမာသီးတို့မှ အဆီတွေက အူတွေကို ချောမွေ့စေကာ လှုပ်ရှားမှု ကောင်းစေပါတယ်။

■ အစိမ်းစားခြင်း၊ အမျှင်ဓာတ်များလွန်းခြင်း၊ အစားများလွန်းခြင်းတို့က အစာအိမ်မအီမသာ ဖြစ်စေတာကို အရင်ဆုံးသတိပြုသင့်ပါတယ်။

■ ချောမွေ့စွာ အစာခြေနိုင်ဖို့အတွက် မျှတတဲ့အစားအစာစားခြင်း၊ အချိန်မှန်စားခြင်း၊ ဖိစီးမှုလျှော့ချခြင်း စတာတွေကို ဦးစားပေးဖန်တီးရပါမယ်။

Source: Indian Express.

#World_Health
Published 04 February 2026

■ သစ်တောများနဲ့ တောရိုင်းနေရာများ ပြုန်းတီးလာတဲ့အတွက် ခြင်တွေဟာ သွေးသောက်ဖို့ လူတွေကို အဓိကထားလာပါတယ်။

■ ခြင်ကိုက်ခြင်းကြောင့် ခြင်ကြောင့်ကူးစက်တဲ့ရောဂါများ အဖြစ်များလာပါတယ်။

■ လူသားတွေရဲ့ လုပ်ရပ်ကြောင့် သစ်တောပြုန်းတီးလာသဖြင့် သစ်ပင်များ၊ တိရိစ္ဆာန်များ အတော်လေးလျော့နည်းလာပါတယ်။

■ ခြင်တွေက သူတို့ရဲ့ စားကျက်နေရာတွေမှာ ပုံမှန်စားသောက်ကြပေမယ့် နေရာတွေပျောက်ကုန်ကာ လူသားတွေဆီ မြှားဦးလှည့်လာကြကြောင်း ကော်နယ်တက္ကသိုလ်မှ ပရော်ဖက်ဆာ လော်ရာဟာရင်တန်က ပြောပါတယ်။

■ အတ္တလန္တိတ်သစ်တောဆိုရင် တစ်ချိန်က စတုရန်းမိုင် ၅၀၂,၀၀၀ ခန့်ရှိရာကနေ အခုအချိန်မှာ ၂၉ ရာခိုင်နှုန်းသာ ကျန်ရှိပါတော့တယ်။

■ သစ်တောများ ပြုန်းတီးရာကနေ ထိုနေရာမှာ ကျက်စားနေတဲ့ ခြင်တွေက လူတွေအနား လာရောက်ရှင်သန်လာကြကာ ခြင်ကြောင့်ကူးစက်တဲ့ရောဂါတွေ အဖြစ်များလာပါတယ်။

■ သတ္တဝါမျိုးစိတ်တွေ လျော့နည်းလာခြင်းက ခြင်တွေအတွက် ပစ်မှတ်နည်းပါးလာစေပြီး လူတွေဆီကနေ သွေးကို အဓိကစုပ်ယူလာကြပါတယ်။

■ ဝေးဝေးလံလံက သားကောင်တွေ မရှာတော့ဘဲ အနီးနားမှ လူတွေကို ပစ်မှတ်ထားလာကြပါတယ်။

■ လူတွေဖြစ်ပွားတဲ့ ကူးစက်ရောဂါတွေထဲက ၁၇ ရာခိုင်နှုန်းကျော်ဟာ ခြင်၊ မှက်၊ ယင်ကောင်တို့လို တိရိစ္ဆာန်တွေဆီကနေ ကူးစက်တာဖြစ်ကြောင်း WHO က ထုတ်ပြန်ထားပါတယ်။

■ ခြင်မတွေဟာ မျိုးပွားဖို့အတွက် သွေးလိုအပ်ပြီး စားကျက်နေရာ ပြောင်းလဲလာခြင်းက သွေးစုပ်ယူပုံစံကို သက်ရောက်လာပါတယ်။

Source: ABC News.

ဇန်နဝါရီ ၂၃ ရက်နေ့က မြောက်အမေရိကားဘက်ကို စတင်တိုက်ခတ်တဲ့ ဆောင်းမုန်တိုင်းဟာ အခုဆိုရင် အမေရိကန်မှာ လူ ၁၀၀ ကျော် အသက်ဆုံးပါးထားပြီး ဓာတ်အားပြတ်တောက်မှုများကြောင့် ပြန်လည်ထူထောင်ရေးတွေ နှောင့်နှေးရကာ အရှေ့ကမ်းရိုးတန်းမှာ ရာသီဥတုထပ်မံဆိုးရွားဦးမယ်လို့ ခန့်မှန်းထားပါတယ်။

#World_Climate
Published 03 February 2026
#ဆောင်းမုန်တိုင်း #မြောက်အမေရိကား
#YMG #Yangon_Times #Yangon_Media_Group

NAY PYI TAW, Feb 3 — The National Defence and Security Council of Myanmar has enacted legislation to establish a new "Union Consultative Council" aimed at advising the presidency on security, peace, and legal affairs, according to an official announcement released Tuesday.

The law, designated as National Defence and Security Council Law No. (3/2026), was signed by Acting President Senior General Min Aung Hlaing under Article 419 of the Constitution.

The council enacted the measure by exercising the legislative authority of the Pyidaungsu Hluttaw (Union Parliament), in accordance with Article 427 of the Constitution.

According to the text of the law, the President is empowered to appoint the council, which must consist of at least five members, including a Chairperson and a Secretary. The President will select suitable individuals to fill these roles.

The council’s primary mandate is to provide counsel and coordination to the President on critical national issues, including state security, the rule of law, international relations, the peace process, and legislative matters.

The legislation stipulates that the council must operate without infringing upon the existing powers of the executive and judicial branches defined by the Constitution.

Administratively, the council’s tenure will run concurrently with the President's term of office. The Union Government will determine members' salaries and allowances, while the Office of the President will handle the council's administrative functions.

The preamble of the new law states that the measure is intended to support the objectives of strengthening a genuine multiparty democratic system and building a Union based on a federal system.

နေပြည်တော်၊ ဖေဖော်ဝါရီ ၃ — မြန်မာနိုင်ငံတွင် ပြည်ထောင်စု အတိုင်ပင်ခံကောင်စီတစ်ရပ် မကြာမီ ဖွဲ့စည်းတော့မည်ဖြစ်ကြောင်းသိရပါတယ်။

အမျိုးသားကာကွယ်ရေးနှင့်လုံခြုံရေးကောင်စီက ဖွဲ့စည်းပုံအခြေခံဥပဒေပုဒ်မ ၄၂၇ အရ ပြည်ထောင်စု လွှတ်တော်၏ ဥပဒေပြုခွင့်အာဏာကို ကျင့်သုံးလျက် "ပြည်ထောင်စုအတိုင်ပင်ခံကောင်စီဥပဒေကို ပြဋ္ဌာန်းခဲ့ခြင်းဖြစ်ပါတယ်။

ပြည်ထောင်စု၏ လုံခြုံရေးနှင့် တရားဥပဒေစိုးမိုးရေးဆိုင်ရာကိစ္စရပ်များ၊ နိုင်ငံတကာဆက်ဆံရေးဆိုင်ရာ ကိစ္စရပ်များ၊ ငြိမ်းချမ်းရေးဆိုင်ရာကိစ္စရပ်များ၊ ဥပဒေပြုဋ္ဌာန်းရေးဆိုင်ရာကိစ္စရပ်များ ကို အကြံပေးခြင်း၊ ညှိနှိုင်းဆောင်ရွက်ခြင်းတို့ ပြုနိုင်ရန်အတွက် ကောင်စီကိုဖွဲ့စည်းရန် နိုင်ငံတော်သမ္မတအား အခွင့်အာဏာ အပ်နှင်းတယ်လို့လည်း အဆိုပါ "ပြည်ထောင်စုအတိုင်ပင်ခံကောင်စီဥပဒေ"တွင်ဖော်ပြထားပါတယ်။

ဥပဒေအရ နိုင်ငံတော်သမ္မတအား ပြည်ထောင်စုအတိုင်ပင်ခံကောင်စီတစ်ရပ် ဖွဲ့စည်းခွင့် ပေးလိုက်ပြီး အဆိုပါကောင်စီကို ဥက္ကဋ္ဌ၊ အတွင်းရေးမှူးနှင့် အဖွဲ့ဝင်များ အပါအဝင် အနည်းဆုံး (၅) ဦးဖြင့် ဖွဲ့စည်းရမည်ဖြစ်ပြီး သင့်လျော်သည့် ပုဂ္ဂိုလ်များကို သမ္မတက ရွေးချယ်ခန့်အပ်မည်ဖြစ်ပါတယ်။

ကောင်စီ၏ အဓိကတာဝန်များမှာ နိုင်ငံတော်၏ လုံခြုံရေး၊ တရားဥပဒေစိုးမိုးရေး၊ နိုင်ငံတကာ ဆက်ဆံရေး၊ ငြိမ်းချမ်းရေးနှင့် ဥပဒေပြုရေးဆိုင်ရာ ကိစ္စရပ်များတွင် နိုင်ငံတော်သမ္မတအား အကြံဉာဏ် ပေးခြင်းနှင့် ညှိနှိုင်းဆောင်ရွက်ပေးခြင်းတို့ ဖြစ်ပါတယ်။ သို့ရာတွင် ဖွဲ့စည်းပုံအခြေခံဥပဒေအရ အုပ်ချုပ်ရေးနှင့် တရားစီရင်ရေး အာဏာပိုင်အဖွဲ့အစည်းများ၏ လုပ်ပိုင်ခွင့်များကို ထိခိုက်ခြင်းမရှိစေဘဲ ဆောင်ရွက်ရမည်ဟု ဖော်ပြထားပါတယ်။

ကောင်စီ၏ သက်တမ်းသည် နိုင်ငံတော်သမ္မတ၏ သက်တမ်းနှင့်အညီဖြစ်ပြီး၊ ကောင်စီဝင်များ၏ လစာနှင့် စရိတ်များကို ပြည်ထောင်စုအစိုးရအဖွဲ့က သတ်မှတ်ပေးမည်ဖြစ်ပါတယ်။ ရုံးလုပ်ငန်းတာဝန် များကို နိုင်ငံတော်သမ္မတရုံးက တာဝန်ယူဆောင်ရွက်ရမည်ဟု ဥပဒေတွင် ပါရှိပါတယ်။
ဤဥပဒေသည် စစ်မှန်သော ပါတီစုံဒီမိုကရေစီစနစ် ခိုင်မာရေးနှင့် ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေး ရည်မှန်းချက်များအတွက် ရည်ရွယ်သည်ဟု ဥပဒေနိဒါန်းတွင် ဖော်ပြ ထားပါတယ်။

အမျိုးသားကာကွယ်ရေးနှင့် လုံခြုံရေးကောင်စီဥပဒေအမှတ် (၃/၂၀၂၆) အဖြစ် သတ်မှတ်ထားသော ဤဥပဒေကို ဖွဲ့စည်းပုံအခြေခံဥပဒေ ပုဒ်မ ၄၁၉ အရ ယာယီသမ္မတ ဗိုလ်ချုပ်မှူးကြီး မင်းအောင်လှိုင်က လက်မှတ်ရေးထိုး ထုတ်ပြန်ခြင်းဖြစ်ပါတယ်။
#knl/ymg

ပြင်ဦးလွင်-ဂုတ်ထိပ်၊ ဂုတ်ထိပ်-ပြင်ဦးလွင် ရှုခင်းကြည့် Sight Seeing ရထားခရီးစဉ် တစ်လကျော်ကာလအတွင်း စီးနင်းသူ (၂၁၀၀) ကျော်ရှိခဲ့
တယ်လို့ မြန်မာ့မီးရထားကနေ သိရပါတယ်။

#Local_News
Published 03 February 2026
#ပြင်ဦးလွင်_ဂုတ်ထိပ် #Sight_Seeing
#YMG/NN #Yangon_Times

ရန်ကုန်မြိုတော်စည်ပင်သာယာရေးကော်မတီပိုင် အင်းစိန်မြို့နယ်ရှိ တညင်းကုန်းအဆင့်မြင့်လက်ကားဈေးကြီးမှလုပ်ငန်း ၅၇ခုအတွက် လုပ်ကိုင်ခွင့်တင်ဒါခေါ်ယူနေတယ်လို့ ရန်ကုန်တိုင်းဒေသကြီး အစိုးရအဖွဲ့မှသိရပါတယ်။

#Local_News
Published 03 February 2026
#တညင်းကုန်း
#YMG/SW #Yangon_Times

မြန်မာ့လက်ဖက်စို စားသုံးမှုဓလေ့ကို ကမ္ဘာ့ယဉ်ကျေးမှုအမွေအနှစ်အဖြစ် သတ်မှတ်နိုင်ရန် ယူနက်စကိုသို့ လာမယ့်မတ်လအတွင်း တင်သွင်းသွားမယ်လို့ မြန်မာ့ယဉ်ကျေးမှုအမွေအနှစ်များ ထိန်းသိမ်းစောင့်ရှောက်ရေးအဖွဲ့ကသိရပါတယ်။

#Local_News
Published 03 February 2026
#မြန်မာ့လက်ဖက်စို #ယူနက်စကို
#YMG/NN #Yangon_Times

#Local_News
Published 03 February 2025

▪️ ပဋိပက္ခအတွင်း လိင်ပိုင်းဆိုင်ရာအကြမ်းဖက်မှုတားဆီးကာကွယ်ရေးနှင့် တုံ့ပြန်ဆောင်ရွက်ရေးဆိုင်ရာ အမျိုးသားအဆင့်ကော်မတီကိုဖွဲ့စည်းပြီး အမျိုးသားအဆင့် လုပ်ငန်းစီမံချက်ကို အကောင်အထည်ဖော်ဆောင်ရွက်လျက်ရှိကြောင်းပဋိပက္ခအတွင်း လိင်ပိုင်းဆိုင်ရာအကြမ်းဖက်မှု တားဆီးကာကွယ်ရေးနှင့် တုံ့ပြန်ဆောင်ရွက်ရေးဆိုင်ရာ အမျိုးသားအဆင့်ကော်မတီဥက္ကဋ္ဌ၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာစိုးဝင်းကပြောသည်။

▪️ ယမာန်နေ့ မနက်ပိုင်းက နေပြည်တော်ရှိ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ဝန်ကြီးရုံး၊ စုပေါင်းအစည်းအဝေးခန်းမ၌ ကျင်းပခဲ့သည့်
ပဋိပက္ခအတွင်း လိင်ပိုင်းဆိုင်ရာအကြမ်းဖက်မှု တားဆီးကာကွယ်ရေးနှင့် တုံ့ပြန်ဆောင်ရွက်ရေးဆိုင်ရာ အမျိုးသားအဆင့်ကော်မတီ (၁/၂၀၂၆) အစည်းအဝေး၌ ပဋိပက္ခအတွင်း လိင်ပိုင်းဆိုင်ရာအကြမ်းဖက်မှု တားဆီးကာကွယ်ရေးနှင့် တုံ့ပြန်ဆောင်ရွက်ရေးဆိုင်ရာ အမျိုးသားအဆင့်ကော်မတီဥက္ကဋ္ဌ၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာစိုးဝင်းကအထက်ပါအတိုင်းပြောကြားခဲ့ခြင်းဖြစ်သည်။

▪️ ပြည်ထောင်စုဝန်ကြီးက ပဋိပက္ခအတွင်း လိင်ပိုင်းဆိုင်ရာအကြမ်းဖက်မှုတားဆီးကာကွယ်ရေးနှင့် တုံ့ပြန်ဆောင်ရွက်ရေးဆိုင်ရာ အမျိုးသားအဆင့်ကော်မတီကိုဖွဲ့စည်းပြီး အမျိုးသားအဆင့် လုပ်ငန်းစီမံချက်ကို အကောင်အထည်ဖော်ဆောင်ရွက်လျက်ရှိပါကြောင်း၊ အမျိုးသားအဆင့်လုပ်ငန်း စီမံချက်၏ စတုတ္ထသက်တမ်း ဒုတိယခြောက်လပတ် အကောင်အထည်ဖော်ဆောင်ရွက်မှု အစီရင်ခံစာ(မူကြမ်း)အား အတည်ပြုနိုင်ရေးအတွက် ယခုအစည်းအဝေးကို ခေါ်ယူခြင်းဖြစ်ကြောင်း၊အတည်ပြုပြီးသော အစီရင်ခံစာအား အမျိုးသားကာကွယ်ရေးနှင့် လုံခြုံရေးကောင်စီရုံးသို့ အစီရင်ခံတင်ပြနိုင်ရေး၊ အစီရင်ခံစာကောက်နုတ်ချက်ကို အင်္ဂလိပ်ဘာသာပြန်ဆို၍ အမျိုးသားကာကွယ်ရေးနှင့်လုံခြုံရေးကောင်စီရုံး၏ ခွင့်ပြုချက်နှင့် နိုင်ငံခြားရေးဝန်ကြီးဌာနကတစ်ဆင့် ပဋိပက္ခအတွင်း လိင်ပိုင်းအကြမ်းဖက်မှုဆိုင်ရာ ကုလသမဂ္ဂအတွင်းရေးမှူးချုပ်၏ အထူးကိုယ်စားလှယ်ရုံးသို့ ပေးပို့နိုင်ရေး ဆောင်ရွက်ရန်ဖြစ်ပါကြောင်း၊ ဒုတိယခြောက်လ တာကာလပဋိပက္ခအတွင်း လိင်ပိုင်းဆိုင်ရာ အကြမ်းဖက်မှုတားဆီးကာကွယ်ရေးနှင့် တုံ့ပြန်ဆောင်ရွက်ရေးဆိုင်ရာ အမျိုးသားအဆင့် လုပ်ငန်းစီမံချက်အကောင်အထည်ဖော်မှုနှင့် တိုင်ကြားမှုယန္တရားများ အသိပညာပေးခြင်းလုပ်ငန်းကို ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ လူမှုဝန်ထမ်းဦးစီးဌာနနှင့် မြန်မာနိုင်ငံအမျိုးသမီးရေးရာအဖွဲ့ချုပ်တို့ ပူးပေါင်းကာ ပြည်ထောင်စုနယ်မြေ နေပြည်တော်၊ တိုင်းဒေသကြီး/ပြည်နယ်တို့ရှိ ခရိုင် ၄၅ ခုတွင် အသိပညာပေးမှုများ ဆောင်ရွက်ခဲ့ပါကြောင်း ပြောကြားသည်။

▪️ ယင်းနောက် ပဋိပက္ခအတွင်း လိင်ပိုင်းဆိုင်ရာအကြမ်းဖက်မှုတားဆီးကာကွယ်ရေးနှင့် တုံ့ပြန်ဆောင်ရွက်ရေးဆိုင်ရာ အမျိုးသားအဆင့်ကော်မတီအတွင်းရေးမှူး၊ လူမှုဝန်ထမ်းဦးစီးဌာန ညွှန်ကြားရေးမှူးချုပ်က ပြီးခဲ့သည့်အမျိုးသားအဆင့်ကော်မတီ အစည်းအဝေးအမှတ်စဉ် (၂/၂၀၂၅)၏ ဆုံးဖြတ်ချက်များအပေါ် ဆောင်ရွက်ပြီးစီးမှုများ၊ ၂၀၂၆ ခုနှစ် ဇန်နဝါရီ ၂၂ ရက်တွင် ကျင်းပပြုလုပ်ခဲ့သည့် လုပ်ငန်း ကော်မတီ (၁/၂၀၂၆) အစည်းအဝေးဆုံးဖြတ်ချက်များအပေါ် ဆောင်ရွက်ချက်များကိုတင်ပြပြီး လူမှုဝန်ထမ်းဦးစီးဌာန ဒုတိယညွှန်ကြားရေးမှူးချုပ်က ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှုတားဆီးကာကွယ်ရေးနှင့် တုံ့ပြန်ဆောင်ရွက်ရေးဆိုင်ရာ အမျိုးသားအဆင့် လုပ်ငန်းစီမံချက် (၂၀၂၄-၂၀၂၅) ဒုတိယခြောက်လပတ် အစီရင်ခံစာ(မူကြမ်း)အပေါ် ပြင်ဆင်လိုသည်များကို ဆွေးနွေးနိုင်ရေးအတွက် အစီရင်ခံစာ(မူကြမ်း)ကို တင်ပြသည်။

▪️ ထို့နောက် ဝန်ကြီးဌာနအသီးသီးက ဒုတိယဝန်ကြီးများနှင့် တက်ရောက်လာသူများက ဒုတိယခြောက်ပတ်ကာလအတွင်း လုပ်ငန်းအကောင်အထည်ဖော်ဆောင်ရွက်ချက်များအပေါ် အကြံပြုဆွေးနွေးခြင်း၊ ပြင်ဆင်ဖြည့်စွက်အတည်ပြုခြင်းတို့ပြုလုပ်ခဲ့ကြပြီး ပြည်ထောင်စုဝန်ကြီးက နိဂုံးချုပ်အမှာစကား ပြောကြားခဲ့ကြောင်းသိရသည်။

▪️ အဆိုပါအစည်းအဝေးသို့ ပဋိပက္ခအတွင်း လိင်ပိုင်းဆိုင်ရာအကြမ်းဖက်မှု တားဆီးကာကွယ်ရေးနှင့် တုံ့ပြန်ဆောင်ရွက်ရေးဆိုင်ရာ အမျိုးသားအဆင့်ကော်မတီဥက္ကဋ္ဌ၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာစိုးဝင်းနှင့် ကော်မတီဝင် ဒုတိယဝန်ကြီးများ၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များ၊ မြန်မာနိုင်ငံ အမျိုးသမီးရေးရာအဖွဲ့ချုပ်ဥက္ကဋ္ဌနှင့် ဌာနဆိုင်ရာတာဝန်ရှိသူများတက်ရောက်ခဲ့ကြကြောင်းသိရသည်။

#YMG/NN #Yangon_Times

#Daily_News
Published 03 February 2026

၁။‌ ‎ရှုခင်းကြည့် Sight Seeing ရထားခရီးစဉ် တစ်လကျော်အတွင်း ၂၁၀၀ စီးနင်းခဲ့
‎
‎‌‎၂။ ‌‌‌‌‌‌‌‌‌‌‌‎တညင်းကုန်းအဆင့်မြင့်လက်ကားဈေးကြီးရှိ လုပ်ငန်း ၅၇ ခုအတွက် လုပ်ကိုင်ခွင့်တင်ဒါခေါ်ယူ

‎၃။‌‌‎ ‌‌‌‌‌‌‌‌‌‎မြန်မာ့လက်ဖက်စို စားသုံးမှုဓလေ့ကို မတ်လအတွင်း ယူနက်စကိုသို့တင်သွင်းမည်
‎
‎၄။‎ ‌‌‌‌‌‌‌‌‌‎‎‎ဆောင်းမုန်တိုင်းကြောင့် အမေရိကန်တွင် လူ၁၀၀ ကျော်သေဆုံးခဲ့ရ ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

လာမယ့် ၂၀၂၆ ခုနှစ် ပညာသင်နှစ် ဇွန်လမှစတင်ကာအခြေခံပညာ အလယ်တန်းတွင် စက်မှု၊ စိုက်ပျိုး၊ မွေးမြူရေးဘာသာရပ်များ ထည့်သွင်းသင်ကြားသွားမယ်လို့ ပညာရေးဝန်ကြီးဌာနမှ သိရပါတယ်။

#Local_News
Published 03 February 2026
#စက်မှု_စိုက်ပျိုး_မွေးမြူရေးဘာသာရပ်
#YMG/SW #Yangon_Times