အခု၂၀၂၅-၂၀၂၆ ဘဏ္ဍာနှစ်(၁၁)လတာကာလအတွင်း ပြည်ပနိုင်ငံများသို့ ဒေါ်လာတစ်သန်းကျော်တန်ဖိုးရှိတဲ့ ပျားရည်တန်ချိန် ၁၀၀၀နီးပါး တင်ပို့နိုင်ခဲ့တယ်လို့ မွေးမြူရေးနှင့်ကုသရေးဦးစီးဌာန၊ ပျားမွေးမြူးရေးဖွံဖြိုးရေးဌာနခွဲကနေ သိရပါတယ်။

#Local_News
Published 23 March 2026
#ပျားရည်
#YMG/NN #Yangon_Times

နေပြည်တော်မှာ အသစ်ဆောက်လုပ်နေတဲ့ အရာထမ်း၊ အမှုထမ်းအိမ်ရာများအတွက် တာဝန်ယူဆောက်လုပ်နေတဲ့ ကုမ္ပဏီတွေကို ငွေကျပ်၁၅.၂ဘီလီယံ ထောက်ပံ့ငွေပေးအပ်ခဲ့တယ်လို့မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များအသင်းချုပ် 𝐌𝐂𝐄𝐅 မှသိရပါတယ်။

#Local_News
Published 23 March 2026
#𝐌𝐂𝐄𝐅 #နေပြည်တော်
#YMG/SW #Yangon_Times

ရန်ကုန်တိုင်းဒေသကြီးအတွင်း၌ နှစ်ရှည်သီးနှံဖြစ်တဲ့ ရိုဘက်စတာကော်ဖီကို လာမယ့် မိုးရာသီကစတင်ပြီး ဧက ၁၀၀၀ကိုစတင်စိုက်ပျိုးသွားမယ်လို့ ဖြစ်ကြောင်း ရန်ကုန်တိုင်းဒေသကြီးစိုက်ပျိုးရေးဦးစီးဌာနကသိရပါတယ် ။

#Local_News
Published 23 March 2026
#ရိုဘက်စတာကော်ဖီ #ရန်ကုန်တိုင်းဒေသကြီး
#YMG/NN #Yangon_Times

မလေးရှားနိုင်ငံသွားရောက်မယ့် မြန်မာလုပ်သားတွေအနေနဲ့ အသက်ရှူလမ်းကြောင်းဆိုင်ရာကျန်းမာရေးအသိပေးချက်များကို ဂရုပြုလိုက်နာရန်လိုအပ်တယ်လို့ အလုပ်သမားဝန်ကြီးဌာန၊ အလုပ်သမားညွှန်ကြားရေးဦးစီးဌာနက သတိပေးထုတ်ပြန်ထားပါတယ်။

#Local_News
Published 23 March 2026
#မလေးရှား
#YMG/SW #Yangon_Times

#Daily_News
Published 23 March 2026

၁။‌ ‎ပြည်ပနိုင်ငံများသို့ ဒေါ်လာတစ်သန်းကျော်တန်ဖိုးရှိ ပျားရည်တန်ချိန်(၁၀၀၀)နီးပါးတင်ပို့နိုင်ခဲ့

‌‎၂။ ‌‌‌‌‌‌‌‌‌‌‌နေပြည်တော်စီမံကိန်းလုပ်ငန်းများအတွက် ကျပ် ၁၅.၂ဘီလီယံ ထောက်ပံ့ငွေပေးအပ်

‎၃။‌‌‎ ‌‌‌‌‌‌‌‌‌ရန်ကုန်တိုင်း၌ ရိုဘက်စတာကော်ဖီ ဧက ၁၀၀၀ ကို လာမည့်မိုးရာသီမှစတင်စိုက်ပျိုးမည်

‎၄။‎ အီရန်စစ်ပွဲကြောင့်ရေနံဈေးမြင့်တက်ရာကနေ ထိုင်းနိုင်ငံစီးပွားရေးတစ်ခုလုံးရိုက်ခတ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 23 March 2026

▪️ ရန်ကုန်မြို့ K.I.P Port သို့ MT TIRTASARI ဆီတင်သင်္ဘောကြီးဆိုက်ကပ်လာရာ ပြည်သူများထံသို့ အရည်အသွေးမီ စားသုံးဆီများ ကို စဉ်ဆက်မပြတ်ဖြန့်ဖြူးပေးနိုင်မည်ဖြစ်ကြောင်း သိရသည်။

▪️ ပြည်တွင်းစားသုံးဆီဖူလုံမှုရှိစေရန်နှင့် စက်မှုကုန်ထုတ်လုပ်ငန်းများအတွက် လိုအပ်သောကုန်ကြမ်းများ အချိန်မီဖြန့်ဖြူးနိုင်ရန်ရည်ရွယ်၍ MT TIRTASARI အမည်ရှိ ဆီတင်သင်္ဘောကြီးသည် ရန်ကုန်မြို့ (K.I.P Port) သို့ မတ် ၂၁ ရက်ညပိုင်းက ဆိုက်ကပ်ရောက်ရှိခဲ့ခြင်းဖြစ်ပြီး အဆိုပါသင်္ဘောပေါ်တွင် ပါရှိသောဆီများ၏ အရည်အသွေးနှင့် အလေးချိန်တိကျမှန်ကန်မှုရှိစေရန်အတွက် စားသုံးဆီတင်သွင်းသိုလှောင်ဖြန့်ဖြူးရေးကြီးကြပ်ရေးလုပ်ငန်းကော်မတီက ဦးဆောင်၍ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအဖွဲ့၊ စားသုံးသူရေးရာဦးစီးဌာနမှ အဖွဲ့ဝင်များ၊ ကန်ကြီးကြပ်ရေးအဖွဲ့နှင့် MITS အဖွဲ့တို့က ကွင်းဆင်းစစ်ဆေးကြကြောင်း သိရသည်။

▪️ ထို့နောက် MT TIRTASARI သင်္ဘောသည် မတ်လ၂၂ရက်နေ့ည ၁၀ နာရီ ၅၄ မိနစ်တွင် ကုန်ချလုပ်ငန်းစဉ်များအားလုံးပြီးစီးခဲ့ခြင်းကြောင့် ပြည်သူများထံသို့ အရည်အသွေးမီ စားသုံးဆီများကို စဉ်ဆက်မပြတ်ဖြန့်ဖြူးပေးနိုင်မည်ဖြစ်ကြောင်း သိရသည်။

#YMG/SW #Yangon_Times

#Local_News
Published 23 March 2026

■ ‌‎(၁၁) ကြိမ်မြောက် ထိုင်းတက္ကသိုလ်ပေါင်းစုံ ပညာရေးပြပွဲ ဧပြီv ၄ ရက်(စနေနေ့) နံနက်၉နာရီမှ ညနေ ၄ နာရီထိ ရန်ကုန်မြို့ဆီဒိုးနားဟိုတယ် Grand Ballroom တွင် ကျင်းပ သွားမည်ဖြစ်ကြောင်း သိရသည်။

■ ယင်းကို ထိုင်းတက္ကသိုလ်ဘွဲ့ရ မြန်မာကျောင်းသားများအသင်းAMAUT (Association of Myanmar Alumni from Universities in Thailand)မှ ကြီးမှုးကျင်းပခြင်းဖြစ်ကြောင်း သိရသည်။

■ ပညာရေးပြပွဲတွင်ထိုင်းနိုင်ငံမှနိုင်ငံတ ကာအဆင့်မီ နာမည်ကျော်တက္ကသိုလ်(၂၆) ကျောင်းမှ ပါဝင်ပြ သမည်ဖြစ်ပြီးမြန်မာကျောင်းသား၊ကျောင်းသူများအနေဖြင့်တက္ကသိုလ်၊ကောလိပ်များ၊ပညာရေးအဖွဲ့အစည်းများ၏ကိုယ်စားလှယ်များထံမှသတင်းအချက်အလက်များကိုတစ်ပြိုင်နက်တည်းရယူနိုင်မည်ဖြစ်ကြောင်း သိရသည်။

‎ ■ အဆိုပါ ထိုင်းတက္ကသိုလ်ပညာရေးပြပွဲတွင် ထိုင်းနိုင်ငံရှိ Silpakorn University International College (SUIC)၊ North-Chiang Mai University၊Southeast Bangkok University ၊National Institute of Development Administration၊ Dusit Thani College၊ Kasem Bundit University၊ University of Thai Chamber of Commerce၊Assumption University၊London University of Bangkok ၊Bridge International Bangkok၊Asia Institute of Technology (AIT)၊PAYAP University၊Thai Global Business College (TGBC)Mahidol University International College (MUIC)၊Prince of Songkla University (PSU)၊Prince of Songkla University (PSU), Faculty of Medicine၊Prince of Songkla University (PSU), Phuket Campus၊MUT International College၊King Mongkut's University of Technology North Bangkok (KMUTNB)၊Chulalongkorn University ၊.Krirk Univesity၊ Kasetsart University International College (KUIC), Thailand၊IRPCT International College၊Crismon Education၊Dhurakij Pundit University၊Faculty of Humanities, Naresuan Universityစသည့် တက္ကသိုလ်များမှ တိုက်ရိုက်ဆွေးနွေးမှုများပြုလုပ်ပေးမည်ဖြစ်ကြောင်းသိရသည်။

■ ပညာရးပြပွဲအတွင်း အပြည့်အ၀ ပညာသင်ဆုများအပြင် တစ်စိတ်တစ်ပိုင်းလည်း ထောက်ပံ့ကြေး များကိုတစ်နေရာတည်းတွင် မေးမြန်းစုံစမ်းနိုင်မည်ဖြစ်ပြီး တက္ကသိုလ် Admission Officers များ Professor များနှင့် တိုက်ရိုက်မျက်နှာချင်းဆိုင်တွေ့ဆုံကာ ဘာသာရပ်ရွေးချယ်မှု၊ ကျောင်းဝင်ခွင့်လိုအပ်ချက်များကို မေးမြန်းနိုင်ခြင်း၊ Business ၊ Engineering ၊ Medical Sciences ၊IT၊ Hospitality နှင့် အခြားသော ခေတ်မီဘာသာရပ်ပေါင်းစုံကို စိတ်ကြိုက်ရွေးချယ်နိုင်ခြင်း၊ကျောင်းလခ ၊နယ်မြေအခြေအနေ၊ အင်္ဂလိပ် စာလိုအပ်ချက်နှင့် ဘွဲ့ရပြီးနာက် အလုပ်အကိုင်အခွင့်အလမ်းများကို အသေးစိတ်သိရှိနိုင်မည်ဖြစ်ကြောင်း သိရသည်။

Yangon_Times/PP

#Local_News
Published 23 March 2026

▪️ ကချင်ပြည်နယ်အပါအဝင် တိုင်းနှင့်ပြည်နယ်ငါးခု၌ အချိန်အခါမဟုတ်မိုးရွာနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန ၏ ယနေ့မနက်ပိုင်း ထုတ်ပြန်ချက်အရသိရသည်။

▪️ ယနေ့ညနေအထိခန့်မှန်းချက်အရ ကချင်ပြည်နယ်တွင် နေရာစိပ်စိပ်၊ စစ်ကိုင်းတိုင်းဒေသကြီးအထက်ပိုင်းတွင် နေရာ ကျဲကျဲနှင့် စစ်ကိုင်းတိုင်းဒေသကြီးအောက်ပိုင်း၊ တနင်္သာရီတိုင်းဒေသကြီး၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာကွက်ကျား မိုးထစ်ချုန်းရွာမည်ဖြစ်ကာ ရွာရန်ရာနှုန်း ၈၀ ဖြစ်‌ ကြောင်း၊ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့် ဖြစ်ထွန်းမည်ဖြစ်ကြောင်းသိရသည်။

▪️ နောက် ၂ ရက်အတွက်ခန့်မှန်းချက်အရ စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီးနှင့် ကချင်ပြည်နယ်တို့တွင် နေရာကျဲကျဲမိုးထစ်ချုန်းရွာနိုင်ပြီး
ယနေ့ညနေအထိခန့်မှန်းချက်မှာနေပြည်တော်၊ရန်ကုန်မြို့၊မန္တလေးမြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်မှာ တိမ်အနည်းငယ်ဖြစ်ထွန်းမည်ဖြစ်ကြောင်းသိရသည်။

#YMG/NN #Yangon_Times

#Local_News
Published 23 March 2026

■ အမျိုးသမီးကို တရုတ်ဇနီးမယားအဖြစ် ပေါင်းသင်းခဲ့သော တရုတ်နိုင်ငံသားနှင့် ငွေကြေးအကျိုးအမြတ် ခေါင်းပုံဖြတ်ရယူခဲ့သူတို့ကို လူကုန်ကူးမှုဖြင့် အလုပ်နှင့်ထောင်ဒဏ် ၁၅ နှစ် ချမှတ်ခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။

■ ဖြစ်စဉ်မှာ မန္တလေးတိုင်းဒေသကြီး သာစည်မြို့နယ် ကုက္ကိုတန်းကျေးရွာအုပ်စုနေ အမျိုးသမီးတစ်ဦးကို တစ်ရွာတည်းနေ တရုတ်နိုင်ငံမှ ခေတ္တပြန်လာသူ မသဲသဲဦးက တရုတ်ယောကျ်ားနှင့် ပေါင်းသင်းနေထိုင်ပါက ယွမ် ၈၀၀၀၀ ရမည်၊ ကောင်းမွန်စွာ နေထိုင်စားသောက် ဝတ်ဆင်ရမည်ဟု စည်းရုံးပြောဆိုပြီး Wechat အကောင့်ဖွင့်ပေး၍ တရုတ်နိုင်ငံသို့ ပြန်သွားခဲ့ကြောင်း၊ တစ်လခန့်အကြာ Wechat မှတစ်ဆင့် ဆက်သွယ်လာခဲ့ပြီး အမျိုးသမီးနှင့် ပေါင်းသင်းနေထိုင်ရမည့် တရုတ်အမျိုးသားကို မြန်မာနိုင်ငံသို့ ခေါ်ဆောင်လာမည်ဖြစ်၍ မန္တလေးလေဆိပ်တွင် လာရောက်စောင့်ကြိုရန် ပြောကြားသဖြင့် သွားရောက်စောင့်ကြိုခဲ့ရာ မသဲသဲဦးနှင့်အတူ တရုတ်နိုင်ငံသား လင်းဟုန်း (LIN HONG) ကို တွေ့ရှိခဲ့ရကြောင်းသိရသည်။

■ ထို့နောက် တရုတ်နိုင်ငံသား လင်းဟုန်း (LIN HONG) နှင့် မန္တလေးမြို့ ချမ်းမြသာစည်မြို့နယ်ရှိ ဟိုတယ်တစ်ခုတွင် နှစ်ရက်ခန့်ပေါင်းသင်းနေထိုင်ပြီးနောက် ရွာရှိနေအိမ်သို့ပြန်လာ၍ ပေါင်းသင်းနေထိုင်ခဲ့ကြောင်း၊ တရုတ်နိုင်ငံသားနှင့် ပေါင်းသင်းနေထိုင်ခအဖြစ် မသဲသဲဦးက အမျိုးသမီးကို ငွေကျပ် သိန်း ၁၂၀ ပေးခဲ့ပြီး ၎င်းမှ ယွမ် ၂၀၀၀ ရယူခဲ့ကြောင်း စိစစ်ပေါ်ပေါက်သဖြင့် အမှတ် (၁) လူကုန်ကူးမှုတားဆီးနှိမ်နင်းရေးရဲတပ်ဖွဲ့စိတ် (မိတ္ထီလာ) မှ တရားလိုပြုလုပ်တိုင်တန်းခဲ့ရာ သာစည်မြို့မရဲစခန်း (ပ) ၃၁/၂၀၂၅၊ လူကုန်ကူးမှုတားဆီးနှိမ်နင်း ရေးဥပဒေပုဒ်မ ၃၅/၄၄ ဖြင့် အမှုရေးဖွင့်တရားစွဲတင်ခဲ့ပြီး မတ် ၁၉ ရက်တွင် မိတ္ထီလာခရိုင်တရားရုံးမှ တရားခံ တရုတ်နိုင်ငံသား လင်းဟုန်း (LIN HONG) နှင့် မသဲသဲဦးတို့ နှစ်ဦးကို လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅ အရ အလုပ်နှင့်ထောင်ဒဏ် ၁၅ နှစ်ကျခံစေရန် အမိန့်ချမှတ်ခဲ့သည်။

■ ထို့အတူ ရန်ကုန်တိုင်းဒေသကြီး လှိုင်သာယာမြို့နယ်နေ မိန်းကလေးတစ်ဦးသည် ၂၀၂၅ ခုနှစ် နိုဝင်ဘာလတွင် မိခင်ဖြစ်သူနှင့် စကားများရန်ဖြစ်ပြီး မန္တလေးမြို့ရှိ “မေ” တည်းခိုခန်းတွင် တည်းခိုနေထိုင်စဉ် လူမှုကွန်ရက် Telegram (အမည်မမှတ်မိ) အကောင့်ပိုင်ရှင် မယမင်းထွေးက တရုတ်ဇနီးမယားအဖြစ် လုပ်ကိုင်ပါက ငွေကျပ်သိန်း ၁၀၀ ရရှိမည်၊ လမ်းစရိတ်ကုန်ကျခံ၍ ခေါ်ပေးမည်ဟု ရေးသားထားသည်ကို တွေ့ရှိရသဖြင့်ဆက်သွယ်ရာ တည်းခိုခန်းသို့ မယမင်းထွေး စေလွှတ်လိုက်သည့် မူဆယ်မြို့ ဟိုနားရပ်ကွက်နေ မောင်ရဲမာန်အောင် (ခ) ရဲမာန်က လာရောက်ခေါ်ဆောင်ပြီး ဆေးစစ်ဆေးမှုများဆောင်ရွက်ခြင်း၊ အဝတ်အစားများဝယ်ပေးခြင်းတို့ ဆောင်ရွက်ခဲ့ပြီး တရုတ်နိုင်ငံသို့ပို့ဆောင်ရန် မန္တလေးမှလားရှိုးသို့ ခေါ်ဆောင်လာစဉ် ပြင်ဦးလွင် မြို့အထွက် စစ်ဆေးရေးဂိတ်တွင် ဖမ်းဆီးရမိသဖြင့် အမှတ် (၁၁) လူကုန်ကူးမှုတားဆီးနှိမ်နင်းရေးရဲတပ်ဖွဲ့စု (မန္တလေး) မှ တရားလိုပြုလုပ်တိုင်တန်းခဲ့ရာ ပြင်ဦးလွင်မြို့နယ် ပိတ်ချင်းမြောင်နယ်မြေ ရဲစခန်း (ပ) ၆၀/၂၀၂၅၊ လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅/၄၄ ဖြင့် အမှုရေးဖွင့်တရားစွဲတင်ပို့ခဲ့ပြီး မတ် ၁၉ ရက်တွင် ပြင်ဦးလွင်ခရိုင် တရားရုံးမှ တရားခံ ရဲမာန်အောင် (ခ) ရဲမာန်ကို လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅ အရ အလုပ်နှင့်ထောင်ဒဏ် ၁၀ နှစ် ကျခံစေရန်နှင့် တိမ်းရှောင်တရားခံ မယမင်းထွေးကို လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅/ကျင့် ၅၁၂ အရ ကျင့် ၈၇/၈၈ အတည်ပြုထုတ်ဆင့်ခဲ့ကြောင်း သိရသည်။

#YMG/NN #Yangon_Times

#World_Health
Published 23 March 2026

■ နေရောင်ခြည်၊ အစားအစာနဲ့ ဖြည့်စွက်ဆေးတို့မှ ရရှိတဲ့ ဗိုက်တာမင်-ဒီဟာ အရိုးတွေကို ကြံ့ခိုင်ကျန်းမာစေတယ်လို့ သိထားတဲ့အပြင် သိပ္ပံပညာရှင်တွေက ဦးနှောက်အပေါ်မှာ ဗိုက်တာမင်-ဒီရဲ့ သက်ရောက်မှုကို စတင်ရှာဖွေခဲ့ကြပါတယ်။

■ ရုဂျာစ်တက္ကသိုလ်က အဝလွန်ပြီး အသက် ၅၀ မှ ၇၀ ကြားရှိတဲ့ အမျိုးသမီးတွေကို သုတေသန လုပ်ခဲ့ကြပါတယ်။

■ ဗိုက်တာမင်-ဒီ ပမာဏအမျိုးမျိုးက မှတ်ဉာဏ်၊ သင်ယူနိုင်စွမ်း၊ တုံ့ပြန်မှုနှုန်းတို့အပေါ် ဘယ်လိုသက်ရောက်လဲဆိုတာကို လေ့လာချင်ခဲ့ကြပါတယ်။

■ အဖွဲ့တစ်ဖွဲ့ကို လူကြီးတွေအတွက် သင့်လျော်တဲ့ ဗိုက်တာမင်-ဒီ ၆၀၀ IU ကို ၁ နှစ်ကြာအောင် နေ့စဉ်သုံးစွဲစေပါတယ်။

■ နောက်တစ်ဖွဲ့က ၂,၀၀၀ IU နဲ့ နောက်ဆုံးတစ်ဖွဲ့က ၄,၀၀၀ IU သုံးစွဲစေခဲ့ပါတယ်။

■ နောက်တစ်နှစ်အကြာမှာ ၂,၀၀၀ IU နေ့စဉ်သုံးစွဲတဲ့ အမျိုးသမီးတွေက မှတ်ဉာဏ်ကောင်းမွန်ပြီး အသစ်သင်ယူမှုစွမ်းရည် မြင့်မားလာတာ တွေ့ရပါတယ်။

■ ကျန်တဲ့နှစ်ဖွဲ့ကတော့ တုံ့ပြန်မှုပိုနှေးတာကြောင့် ထိခိုက်ဒဏ်ရာ ရနိုင်ခြေ ပိုများပါတယ်။

■ ဒါကြောင့် ဗိုက်တာမင်-ဒီကို နည်းပေးလမ်းပြမပါဘဲ ပမာဏများများ မသုံးစွဲဖို့ သတိပေးစရာ ဖြစ်လာပါတယ်။

■ ဦးနှောက်ကျန်းမာရေးအတွက် ဗိုက်တာမင်-ဒီ ဘယ်လောက်ပမာဏက အကောင်းဆုံးလဲဆိုတာကို သိချင်နေကြဆဲ ဖြစ်ပါတယ်။

■ အမျှင်ဓာတ်၊ ဗိုက်တာမင်များ၊ ဓာတ်တိုးဆန့်ကျင်ပစ္စည်းများ ကြွယ်ဝတဲ့ အစားအစာတွေက ဦးနှောက်ကာကွယ်ပေးနိုင်ဖွယ်ရှိပြီး မှတ်ဉာဏ်ပြဿနာများ ဖြစ်နိုင်ခြေ လျော့နည်းစေနိုင်ပါတယ်။

■ အဆုံးမှာတော့ ကျန်းမာစွာ နေထိုင်တယ်ဆိုတာက အရာရာမျှခြေဖြစ်ဖို့လိုပြီး သင့်လျော်တဲ့ပမာဏအတိုင်း အသုံးပြုမှသာ ဗိုက်တာမင်-ဒီက အရိုးနဲ့ ဦးနှောက်ကျန်းမာရေးတို့ကို ကူညီပေးနိုင်မှာ ဖြစ်ပါတယ်။

Source: Knowridge.

#World_Health
Published 23 March 2026

■ အမျိုးသမီး လစဉ်ဓမ္မတာလာချိန် ပထမဆုံးနေ့မှာ အလွန်ဝေဒနာခံစားကြရပြီး ဗိုက်အောင့်ခြင်း၊ လေးလံခြင်း၊ ခါးကိုက်ခြင်း၊ မူးဝေခြင်းနဲ့ လှုပ်ရှားမှုယိုင်ခြင်းတို့ပါ ဖြစ်နိုင်ပါတယ်။

■ ဒါပေမဲ့ ၃ ရက်မြောက် ၄ ရက်မြောက်လောက်ဆိုရင် နာကျင်ကိုက်ခဲမှုတွေ လျော့ပါးလာပါပြီ။

■ ဒါတွေဟာ ဟော်မုန်းပြောင်းလဲမှုတွေနဲ့ ပရော့စတာဂလန်ဒင်လို့ ခေါ်တဲ့ သဘာဝဓာတုတွေကြောင့်ဖြစ်တယ်လို့ ဒေလီမှ မီးယပ်သားဖွားဆရာဝန် ဒေါက်တာ ကီယာတီခေတန်နဲ့ ဒေါက်တာ ဆက်ရှီဂိုအယ်တို့က ပြောပါတယ်။

■ ဓမ္မတာ မလာခင်လေးမှာပဲ အီစထရိုဂျင်နဲ့ ပရိုဂျက်စထရုန်း ဟော်မုန်းတို့ သိသိသာသာ ကျဆင်းသွားကာ သားအိမ်နံရံများ ကြွေကျပြီး ကြွက်သားအပြင်းအထန်ကျုံ့တဲ့အတွက် ဝမ်းဗိုက်အောင့်ရတာ ဖြစ်ပါတယ်။

■ ပရော့စတာဂလန်ဒင်ဟော်မုန်းတွေက သားအိမ်ကျုံ့စေကာ ပထမဆုံးနေ့မှာ အမြင့်ဆုံးပမာဏ ရှိနေတဲ့အတွက် သားအိမ်ပိုကျုံ့ပြီး ပိုမိုကိုက်ခဲနာကျင်စေတာ ဖြစ်ပါတယ်။

■ ၂၄ နာရီကနေ ၄၈ နာရီအတွင်းမှာတော့ ပရော့စတာဂလန်ဒင်ထုတ်လုပ်မှု ကျဆင်းလာပြီး ၃-၄ ရက်လောက်ဆိုရင် ကြွက်သားကျုံ့ခြင်း သိပ်မပြင်းထန်တော့ပါဘူး။

■ ဒါ့အပြင် သားအိမ်ကျုံ့တဲ့အခါ အနီးနားက သွေးကြောတွေ ခဏတာဖိမိပြီး သွေးနဲ့ အောက်ဆီဂျင်ရောက်ရှိမှု လျော့နည်းသွားကာ စူးရှပြင်းထန်တဲ့ ခံစားမှုမျိုး ရစေနိုင်ပါတယ်။

■ ဓမ္မတာသွေးစီးဆင်းမှုက ပထမရက်နဲ့ ဒုတိယရက်တို့မှာ အများဆုံးဖြစ်ပြီး ထိုသွေးတွေတစ်ရှူးတွေကို တွန်းထုတ်ဖို့ သားအိမ်က အားပိုသုံးရပါတယ်။

■ ဓမ္မတာဝေဒနာတွေ ဆိုးရွားစွာ ခံစားရရင်တော့ ရောဂါပြဿနာတွေ ဖြစ်နိုင်ပြီး ဆရာဝန်နဲ့ ပြသသင့်ပါတယ်။

■ နေထိုင်စားသောက်မှုပုံစံ ပြောင်းလဲခြင်း၊ ရေနွေးအိတ်ကပ်ခြင်း၊ အကိုက်အခဲပျောက်ဆေး သောက်ခြင်း၊ ပေါ့ပေါ့ပါးပါး လှုပ်ရှားခြင်းတို့ဖြင့် ပထမဆုံးနေ့ ကိုက်ခဲခြင်းကို သက်သာစေနိုင်မှာ ဖြစ်ပါတယ်။

Source: India Today

NAY PYI TAW, March 22 – The National Defense and Security Council (NDSC) and the Ministry of Energy have jointly announced sweeping measures aimed at conserving fuel amid ongoing Middle East conflicts that threaten energy supply lines. These measures include a mandatory weekly work-from-home day for government employees and a new rationed fuel purchasing system for all vehicles.

According to a directive from the NDSC, starting March 25, 2026, all government employees will perform their duties from home every Wednesday, rather than commuting to their respective offices. The directive emphasizes that on these designated days, employees must avoid non-essential travel and minimize vehicle usage to maximize fuel savings. Private sector enterprises are also urged to align with this effort by implementing similar Work-From-Home (WFH) arrangements wherever possible.

This directive is a proactive response to prepare for potential energy challenges and shortages stemming from global instability. The NDSC Information Team clarified that while current fuel reserves are sufficient, this is a preemptive measure to ensure long-term stability in line with the global situation.

Concurrently, the Ministry of Energy is introducing a new rationed fuel system starting the first week of April 2026. This system will utilize a Bar Code scan for cars and a QR Code for motorcycles to regulate fuel purchases at all filling stations nationwide.

The main highlights of this new system include:

    Restricted Frequency: Vehicles will be limited to purchasing fuel a maximum of two times per week, based on their engine power quotas. This total amount can be purchased at once or split into two times.

    Technological Monitoring: The system will automatically check vehicle eligibility to prevent multiple daily fill-ups.

    Sufficient Reserves: The Ministry of Energy reassured the public that Myanmar currently maintains a 50-day reserve of fuel and is securing new import routes, urging citizens not to panic-buy or hoard.

Non-compliance with the new regulations, especially by fuel business owners overcharging or misusing the system, will lead to serious legal action, including the revocation of licenses.

These combined measures on transportation and purchasing are intended to effectively manage Myanmar’s fuel consumption and ensure equitable access to energy resources for all citizens until further notice.

#ymg/knl