၂၀၂၆ခုနှစ် မတ် ၂၂

စက်သုံးဆီဝယ်ယူမှုကို QR စနစ်ဖြင့် ကန့်သတ်မည်ဖြစ်ပြီး တစ်ပတ်လျှင် အများဆုံး ၂ ကြိမ်သာ ဝယ်ယူ ခွင့်ပြုတော့မည်ဖြစ်ပြီး အစိုးရဝန်ထမ်းများ ဗုဒ္ဓဟူးနေ့တိုင်း အိမ်မှနေ၍ အလုပ်လုပ်ကြရမည်ဖြစ်သည်။

( AI Aided Infographic Created by YMG)

နေပြည်တော်၊ မတ် ၂၂- အရှေ့အလယ်ပိုင်းဒေသ စစ်ရေးပဋိပက္ခများကြောင့် ပြည်တွင်းစက်သုံးဆီ သုံးစွဲမှု အခက်အခဲမရှိစေရန်အတွက် လာမည့်ရက်သတ္တပတ်မှစတင်ကာ ယာဉ်အမျိုးအစားအလိုက် တစ်ပတ်  လျှင် အများဆုံး (၂) ကြိမ်သာ ခွဲတမ်းစနစ်ဖြင့် ဝယ်ယူခွင့်ပြုတော့မည်ဖြစ်ကြောင်း စွမ်းအင်ဝန်ကြီးဌာနက ယနေ့ သတိပေးထုတ်ပြန်လိုက်ပါတယ်။

စွမ်းအင်ဝန်ကြီးဌာန၏ ထုတ်ပြန်ချက်အရ စက်သုံးဆီဝယ်ယူရာတွင် ပိုမိုစနစ်တကျရှိစေရန်နှင့် အဆင်ပြေချောမွေ့စေရန်အတွက် ယာဉ်၏ အင်ဂျင်စက်စွမ်းအားအပေါ် မူတည်၍ တစ်ပတ်အတွင်း ဝယ်ယူခွင့်ရှိမည့် ဆီပမာဏကို ကန့်သတ်သတ်မှတ်သွားမှာဖြစ်ပါတယ်။

တစ်ပတ်အတွင်း သတ်မှတ်ထားသော ဆီပမာဏကို တစ်ကြိမ်တည်းဖြစ်စေ၊ အများဆုံး (၂) ကြိမ်ခွဲ၍ ဖြစ်စေ Bar Code နှင့် QR Code စနစ်အသုံးပြု၍ ဝယ်ယူရမယ်လို့ ကြေညာချက်မှာ ဖော်ပြထားပါတယ်။

မော်တော်ယာဉ်များအတွက် Bar Code Scan ဖတ်ခြင်းနှင့် ဆိုင်ကယ်များအတွက် QR Code ထုတ်ပေးခြင်းစနစ်ကို လာမည့်အပတ်အတွင်း အပြည့်အဝ စတင်အကောင်အထည်ဖော်မယ်လို့ဆ  ိုပါတယ်။

လက်ရှိတွင် နိုင်ငံတော်အတွင်း စက်သုံးဆီ ဖူလုံမှု ရက်ပေါင်း (၅၀) စာ သိုလှောင်ထားရှိပြီးဖြစ်သကဲ့သို့ အခြားတင်သွင်းမှု လမ်းကြောင်းသစ်များကိုလည်း ချိတ်ဆက်ဆောင်ရွက်ထားသဖြင့် ပြည်သူများ   အနေဖြင့် စိုးရိမ်ထိတ်လန့်၍ ပိုမိုဝယ်ယူစုဆောင်းခြင်းမပြုရန် အသိပေးထားပါတယ်။

ထို့အပြင် စက်သုံးဆီအရောင်းဆိုင်များတွင် မမှန်မကန်ရောင်းချမှုများ ရှိပါက တိကျစွာတိုင်ကြားနိုင်ပြီး၊ စည်းကမ်းဖောက်ဖျက်သည့် ဆိုင်အချို့ကိုလည်း ရောင်းချခွင့်လိုင်စင် ပိတ်သိမ်းမှုများ စတင်ပြုလုပ်နေပြီ  ဖြစ်ကြောင်း ဝန်ကြီးဌာနက ပြောပါတယ်။

အဆိုပါစနစ်သည် ဗုဒ္ဓဟူးနေ့တိုင်း ရုံးဌာနများ နေအိမ်မှအလုပ်လုပ်ရမည့် (Work From Home) အစီအစဉ်နှင့်အတူ စက်သုံးဆီချွေတာရေးအတွက် အစိုးရ၏ အဓိကလုပ်ဆောင်ချက်တစ်ခုအနေနှင့် တွဲဖက် ထုတ်ပြန်ခဲ့ခြင်းဖြစ်ပါတယ်။

#ymg/knl

🄱🅁🄴🄰🄺🄸🄽🄶 🄽🄴🅆🅂

နေပြည်တော် မတ်၂၂- လာမယ့် မတ်လ ၂၅ ရက်နေ့ကစပြီး အစိုးရဝန်ထမ်းတွေအားလုံး အပတ်စဉ် ဗုဒ္ဓဟူး  နေ့တိုင်း ရုံးတက်စရာမလိုဘဲ မိမိတို့ရဲ့ နေအိမ်တွေကနေပဲ အလုပ်လုပ်ကြရတော့မှာ ဖြစ်ပါတယ်။

အမျိုးသားကာကွယ်ရေးနဲ့ လုံခြုံရေးကောင်စီကနေ စက်သုံးဆီချွေတာရေးအတွက် အသစ်ထုတ်ပြန်လိုက်  တဲ့ ညွှန်ကြားချက်တွင် ဖော်ပြပါရှိတာ ဖြစ်ပါတယ်။ အဓိက အကြောင်းရင်းကတော့ အရှေ့အလယ်ပိုင်း  ဒေသမှာ ဖြစ်ပွားနေတဲ့ ပဋိပက္ခတွေကြောင့် နောက်ဆက်တွဲအနေနဲ့ စက်သုံးဆီ ရှားပါးမှုတွေ ဖြစ်လာနိုင်   တာကို ကြိုတင်ကာကွယ်ဖို့အတွက်လို့ ဆိုပါတယ်။

လက်ရှိမှာ စက်သုံးဆီ အရန်အတားက လုံလုံလောက်လောက် ရှိနေသေးပေမယ့် အနာဂတ်မှာ ကြုံလာရနိုင်တဲ့ စွမ်းအင်အခက်အခဲတွေကို ရင်ဆိုင်နိုင်ဖို့ အခုကတည်းက ကြိုတင်ပြင်ဆင်တဲ့အနေနဲ့ ဆီသုံးစွဲမှုကို လျှော့ချချင်တာကြောင့် ဒီလို Work From Home စနစ်ကို ကျင့်သုံးရတာ ဖြစ်တယ်လို့ ကြေညာချက်မှာ ဖော်ပြထားပါတယ်။

အဲဒီအပြင် အစိုးရဝန်ထမ်းတွေအနေနဲ့ ဗုဒ္ဓဟူးနေ့လို အိမ်ကနေ အလုပ်လုပ်ရမယ့်ရက်မျိုးမှာ တာဝန် ကိစ္စကလွဲရင် အပြင်သွားတာမျိုး ဒါမှမဟုတ် ကိုယ်ပိုင်ကား၊ ဆိုင်ကယ် သုံးစွဲတာမျိုးတွေကိုလည်း အတတ်နိုင်ဆုံး ရှောင်ကြဉ်ကြဖို့ကိုလည်း တိုက်တွန်းထားပါတယ်။

အစိုးရဌာနတွေတင်မကဘဲ ပုဂ္ဂလိက ကုမ္ပဏီတွေ၊ လုပ်ငန်းရှင်တွေကိုလည်း ဒီလိုပဲ အိမ်ကနေ အလုပ် လုပ်တဲ့စနစ်မျိုး (Work From Home) ကို အတတ်နိုင်ဆုံး ပူးပေါင်းဆောင်ရွက်ပေးကြဖို့ တောင်းဆို ထားတာ တွေ့ရပါတယ်။

ဒီအစီအစဉ်ဟာ နောက်ထပ် အမိန့်တစ်စုံတစ်ရာ ထပ်မထွက်မချင်း အပတ်စဉ် ဗုဒ္ဓဟူးနေ့တိုင်းမှာ ဆက်ပြီး အကျိုးသက်ရောက်မှု ရှိနေမှာ ဖြစ်ပါတယ်။

#ymg/knl

စက်သုံးဆီ အခက်အခဲနဲ့ဈေးနှုန်း မြင့်တက်လာမှုတွေကြောင့် တက္ကစီငှားရမ်းခ နှုန်းထားများမြင့်တက်လာတယ်လို့ တက္ကစီဝန်ဆောင်မှုရယူသူများထံမှ သိရပါတယ်။

#Local_News
Published 21 March 2026
#စက်သုံးဆီ #တက္ကစီ
#YMG/SW #Yangon_Times

လန်ဒန်၊ မတ်၂၁-လန်ဒန်ကို ပျံသန်းတဲ့ ဗြိတိသျှလေကြောင်းလိုင်း (British Airways) လေယာဉ်ပေါ်မှာ ခရီးသည်တွေဟာ ရုပ်အလောင်းတစ်ခုနဲ့အတူ ၁၃ နာရီကျော်ကြာ အချိန်ဖြတ်သန်းခဲ့ရပါတယ်။

The Sun, Daily Express နဲ့ The Standard သတင်းတွေအရဆိုရင် မတ်လ ၁၅ ရက် တနင်္ဂနွေနေ့က ဟောင်ကောင်ကနေ ထွက်ခွာလာတဲ့ လေယာဉ်အမှတ် BA32 ပေါ်မှာ လေယာဉ်ထွက်ပြီး တစ်နာရီလောက်အကြာမှာပဲ အသက် ၆၀ အရွယ် အမျိုးသမီးတစ်ဦး သေဆုံးသွားခဲ့တယ်လို့ သိရပါတယ်။

ဗြိတိသျှလေကြောင်းလိုင်းက ပြောရေးဆိုခွင့်ရှိသူတစ်ယောက်က PEOPLE မဂ္ဂဇင်းကို ပြောပြ  တာကတော့ "လေယာဉ်ပေါ်မှာ ခရီးသည်တစ်ဦး ဝမ်းနည်းဖွယ် ကွယ်လွန်သွားခဲ့ပါတယ်။ ဒီလိုခက်ခဲ တဲ့အချိန်မှာ ကျန်ရစ်သူ မိသားစု၊ မိတ်ဆွေတွေနဲ့ ထပ်တူ ဝမ်းနည်းရပါတယ်။ လေယာဉ်ဝန်ထမ်း တွေကို လည်း လိုအပ်တာတွေ ကူညီပံ့ပိုးပေးနေသလို၊ လုပ်ထုံးလုပ်နည်း အားလုံးကိုလည်း မှန်မှန်ကန်ကန် လိုက်နာဆောင်ရွက်ခဲ့ပါတယ်" လို့ ဆိုပါတယ်။

ဒီအမျိုးသမီး သေဆုံးသွားပြီးနောက်ပိုင်း မိသားစုဝင်တွေရော လေယာဉ်ဝန်ထမ်းတွေပါ အရမ်းကို စိတ်  ဆင်းရဲပူဆွေးခဲ့ရတယ်လို့ သတင်းရင်းမြစ်တစ်ခုက The Sun သတင်းစာကို ပြောပြပါတယ်။ ဒါပေမယ့် ခရီးသည်က သေဆုံးသွားခဲ့ပြီ ဖြစ်တဲ့အတွက် ဒီအခြေအနေကို "အရေးပေါ်အခြေအနေ" လို့တော့ မသတ်မှတ်ခဲ့ပါဘူး။

"ရုပ်အလောင်းကို ဘယ်လိုထားရမလဲဆိုတာ ဆွေးနွေးခဲ့ကြပါတယ်။ လေယာဉ်မှူးခန်းဘက်က ရုပ်အလောင်းကို အိမ်သာထဲမှာ သော့ခတ်ထားဖို့ တောင်းဆိုပေမယ့် လေယာဉ်ဝန်ထမ်းတွေက လက်မခံခဲ့ ပါဘူး" လို့ အဲဒီသတင်းရင်းမြစ်ကပဲ ပြောပါတယ်။ "ဒါကြောင့် သူတို့က ရုပ်အလောင်းကို သီးခြားခွဲထားဖို့ ပိတ်စတွေနဲ့ပတ်ပြီး လေယာဉ်အနောက်ဘက်က မီးဖိုချောင်ခန်း (Galley) ထဲကို ရွှေ့ထားခဲ့ရပါတယ်။"

"အဲဒီ မီးဖိုချောင်ခန်းမှာ အပူပေးစနစ်ပါတဲ့ ကြမ်းပြင်ရှိနေတာကို တချို့ဝန်ထမ်းတွေ သတိမထား မိခဲ့ကြဘူး။ အဲဒါကြောင့် လေယာဉ်ခရီးစဉ် ပြီးဆုံးခါနီးလောက်မှာတော့ အဲဒီနေရာတစ်ဝိုက်ကနေ အနံ့ဆိုး  တွေ ထွက်လာတယ်လို့လည်း ပြောကြတယ်" လို့ သူက ဆက်ပြောပါတယ်။

လေယာဉ်က လန်ဒန်မြို့က ဟီသရိုး (Heathrow) လေဆိပ်ကို ဆင်းသက်လိုက်တဲ့အချိန်မှာတော့ ရဲတွေ  က လေယာဉ်ပေါ်တက်လာပြီး စစ်ဆေးမှုတွေ လုပ်ခဲ့ပါတယ်။ အဲဒီအချိန်အတွင်းမှာ ခရီးသည်တွေကို သူတို့ထိုင်ခုံတွေမှာပဲ ၄၅ မိနစ်လောက် ဆက်ထိုင်နေခိုင်းခဲ့တယ်လို့ သိရပါတယ်။

အမ်စတာဒမ်မြို့ ရှီဖိုးလ် (Schiphol) လေဆိပ်မှာ ခရီးသွားတွေ သေဆုံးသွားရင် ရုပ်အလောင်း နဲ့ပတ်သက်ပြီး စီစဉ်ဆောင်ရွက်ပေးရတဲ့ သီးသန့်ဌာန (Mortuarium Schiphol) တစ်ခုရှိပါတယ်။ အဲဒီက ညှိနှိုင်းရေးမှူး Ben Vos က လေယာဉ်ပေါ်မှာ ခရီးသည်သေဆုံးတဲ့ ရှားပါးဖြစ်ရပ်မျိုး ကြုံလာရင် နောက်  ဆက်တွဲတွေကို ဘယ်လိုကိုင်တွယ်ဖြေရှင်းလေ့ရှိတယ်ဆိုတာကို အရင်က ဗဟုသုတအနေနဲ့ ဝေမျှဖူး ပါတယ်။

"လေယာဉ်နားကို တိုက်ရိုက်လာတဲ့ အထူးယာဉ်တစ်စီး ရှိတယ်" လို့ သူက ၂၀၂၅ ခုနှစ် ဒီဇင်ဘာတုန်းက CNN ကို ရှင်းပြခဲ့ပါတယ်။ "ကျွန်တော်တို့က လေယာဉ်ပေါ်ကနေ အဲဒီကားပေါ်ကို တိုက်ရိုက်  ဆင်းနိုင်တဲ့အတွက် လေဆိပ်မှာ ကျွန်တော်တို့ ဘာတွေလုပ်နေလဲဆိုတာကို လူအများစု မမြင်နိုင်ပါဘူး။"

အဲဒီကနေမှတစ်ဆင့် အဖွဲ့ငယ်လေးတစ်ခုက ရုပ်အလောင်းတွေကို နာရေးကူညီမှုအသင်းတွေဆီ ပို့  ဆောင်ပေးဖို့ သတ်မှတ်ထားတဲ့ စည်းမျဉ်းတွေအတိုင်း ပြင်ဆင်ကြပါတယ်။ အဲဒီလိုလုပ်တဲ့နေရာမှာ ရုပ်  အလောင်းမပျက်စီးအောင် ဆေးစီရင်တဲ့ အဖွဲ့တွေနဲ့ စီစဉ်တာ၊ အကယ်၍ ခန္ဓာကိုယ်အစိတ်အပိုင်း လှူဒါန်းဖို့ရှိရင် ဆေးရုံ/ဆေးခန်းတွေနဲ့ ညှိနှိုင်းတာ၊ ပြီးတော့ မိသားစုတွေကို မီးသင်္ဂြိုဟ်ပေးတဲ့ ကုမ္ပဏီ တွေနဲ့ ချိတ်ဆက်ပေးတာတွေ ပါဝင်ပါတယ်။

New England Journal of Medicine မှာ ဖော်ပြထားတဲ့ ၂၀၁၃ ခုနှစ်က လေ့လာမှုတစ်ခုအရဆိုရင် လေယာဉ်ပေါ်မှာ သေဆုံးတဲ့ဖြစ်စဉ်တွေဟာ တော်တော်လေးကို "ရှားပါး" ပါတယ်။ လေယာဉ်  ပေါ်မှာဖြစ်တဲ့ ဆေးဘက်ဆိုင်ရာ အရေးပေါ်အခြေအနေတွေရဲ့ သုည ဒသမ ၃ ရာခိုင်နှုန်းလောက်ပဲ သေဆုံးမှုအထိ ဖြစ်လေ့ရှိတာပါလို့ ဆိုပါတယ်။

(သတင်းရင်းမြစ် - People.com)

#World_Health
Published 22 March 2026

■ အသံတိတ် နှလုံးဖောက်ခြင်းဆိုတာက ရောဂါလက္ခဏာတွေ မတွေ့ရဘဲ နှလုံးကြွက်သားကို ထိခိုက်စေပါတယ်။

■ အခုဆိုရင် အီလက်ထရွန်နစ်ပြားငယ်လေးတစ်ခုဖြင့် ECG ကနေ ယခင်နှလုံးဖောက်ခြင်းများကို တွေ့ရှိနိုင်ပြီး မိုဘိုင်းဖုန်းပေါ်က AI ကို ချိတ်ဆက်နိုင်ပြီ ဖြစ်ပါတယ်။

အဆိုပါ စစ်ဆေးနည်းဖြင့် လူနာတွေ နှလုံးဖောက်ခြင်း မဖြစ်အောင် လုံလောက်တဲ့ဆေးတွေ ပေးနိုင်မှာ ဖြစ်ပါတယ်။

■ ကယ်လီဖိုးနီးယား ပြည်သူ့ကျန်းမာရေးကျောင်းမှ အရေးပေါ်အထူးကု ဒေါက်တာ ဇီယက်အိုဘာမိုင်ယာနဲ့ အဖွဲ့က တမီလ်နာဒူမှာ စမ်းသပ်ချက်တစ်ခု ပြုလုပ်နေပြီး AI စနစ်ဖြင့် ဆရာဝန်တွေ ဆုံးဖြတ်ချက် ပိုမိုကောင်းမွန်စွာ ချမှတ်နိုင်အောင် ကူညီပေးဖို့ဖြစ်ပါတယ်။

■ အရေးပေါ် မဟုတ်တဲ့ လူနာတွေထံမှ အချက်အလက်များ ရယူကာ နာတာရှည်ရောဂါများ စစ်ဆေးခဲ့ကြပါတယ်။

■ ယခင်က တစ်ချိန်ချိန်မှာ နှလုံးဖောက်တဲ့ အခြေအနေ ဖြစ်ခဲ့နိုင်တာကို ECG ကနေ ခန့်မှန်းနိုင်ပါတယ်။

■ ဒီနောက် နောက်ထပ်နှလုံးဖောက်ခြင်း မဖြစ်အောင် မှန်ကန်သင့်လျော်တဲ့ ဆေးတွေ ညွှန်ကြားပေးနိုင်မှာ ဖြစ်ပါတယ်။

■ ဒါ့အပြင် လူနာတစ်ယောက် မကြာခင်မှာ နှလုံးဖောက်နိုင်မယ်ဆိုတာကို ခန့်မှန်းနိုင်မယ့် အယ်ဂိုရစ်သမ်တွေလည်း ဖန်တီးနေကြပါတယ်။

■ ဒီလိုမျိုး ကုန်ကျစရိတ်သက်သာတဲ့ ပစ္စည်းတွေကို ဆီးချို၊ နှလုံးရောဂါ၊ ကျောက်ကပ်ရောဂါ စတာတွေအတွက်လည်း အလားတူထုတ်လုပ်နိုင်မှာ ဖြစ်ပါတယ်။

■ ယခုသုတေသန ပြုလုပ်နေတာတွေဟာ လူအများအတွက် ဖြစ်တာကြောင့် ရလာတဲ့ အချက်အလက်တွေကို တရားဥပဒေများနဲ့အညီ အခြားသုတေသီတွေနဲ့ မျှဝေသွားနိုင်ပါတယ်။

Source: Indian Express.

#World_Health
Published 22 March 2026

■ ကော်လာဂျင်ဖြည့်စွက်ဆေးတွေ နေ့စဉ်သုံးစွဲခြင်းဖြင့် အရေပြား တင်းရင်းမှု၊ ရေဓာတ်ဖြည့်မှုတို့ကို မြှင့်တင်ပေးတယ်ဆိုပေမယ့် အရေးကြောင်းတွေကိုတော့ ဟန့်တားနိုင်မှာ မဟုတ်ဘူးလို့ သုံးသပ်ဖော်ပြထားပါတယ်။

■ အချိန်ကြာရှည် သုံးစွဲလာတဲ့အခါ အရေပြားအကျိုးကျေးဇူး ဖြည်းဖြည်းချင်းရလာမယ် ဆိုတာတော့ ပညာရှင်တွေ ယုံကြည်ထားပါတယ်။

■ ဒါ့အပြင် စမ်းသပ်မှုပေါင်း ၁၁၃ ခုကနေရတဲ့ ရလဒ်များအရ အဆစ်အမြစ်များ စုတ်ပြဲခြင်းနဲ့ တောင့်တင်းခြင်းတို့ကို သက်သာစေပါတယ်။

■ ကော်လာဂျင်ဆိုတာက ခန္ဓာကိုယ်ထဲမှာ သဘာဝအတိုင်း ထုတ်လုပ်တဲ့ ပရိုတိန်းတစ်မျိုးဖြစ်ပြီး အသက်အရွယ်ကြီးလာရင် ကျဆင်းလာပါတယ်။

■ ကော်လာဂျင်က အရေပြား၊ လက်သည်းခြေသည်း၊ အရိုး၊ တွယ်ဆက်တစ်ရှူးများကို ထောက်ပံ့ပေးပါတယ်။

■ ကော်လာဂျင်ဖြည့်စွက်ဆေးတွေက အသားအရေညီညာစေခြင်း၊ စိုစွတ်မှု၊ အရိုးအဆစ်တို့ကို အထောက်အကူ ပေးပေမယ့် အိုမင်းဆန့်ကျင်ပေးတဲ့ ပစ္စည်းတော့ မဟုတ်ပါဘူး။

■ ဗိုက်တာမင်-စီ၊ ဇင့်တို့ကြွယ်ဝတဲ့ အစားအစာများဖြင့် ခန္ဓာကိုယ်ထဲက ကော်လာဂျင်ထုတ်လုပ်မှုကို ထောက်ပံ့နိုင်ပါတယ်။

■ သက်သက်လွတ် ကော်လာဂျင်ဖြည့်စွက်ဆေးတွေ ရှိသလို အပင်အခြေပြုပရိုတိန်းတွေကလည်း ကော်လာဂျင်ဖွဲ့စည်းပေးမယ့် အမိုင်နိုအက်ဆစ်တွေ ပံ့ပိုးပေးနိုင်ပါတယ်။

■ ဒီတွေ့ရှိချက်တွေကို အတည်ပြုနိုင်ဖို့ နောက်ထပ် အရေပြားလေ့လာမှုများ ပိုမိုပြုလုပ်သွားဖို့ တောင်းဆိုနေကြပါတယ်။

Source: BBC

တရုတ်ပြည်ရဲ့ ဒုတိယမြောက် ပြည်တွင်းဆောက်လုပ် ခရီးသည်တင်သင်္ဘောကြီး Adora Flora City ဟာ အင်္ဂါနေ့က အသက်ကယ်လှေများချခြင်း စမ်းသပ်မှုပြုလုပ်ခဲ့ပြီး သောကြာနေ့ ဆိပ်ကမ်းထွက်ခွာရေးလမ်းကြောင်းမှာ အရေးပါတဲ့စမ်းသပ်မှု ဖြစ်ပါတယ်။

#Asia_Development
Published 21 March 2026
#တရုတ်ပြည် #Adora_Flora_City
#YMG #Yangon_Times #Yangon_Media_Group

ရန်ကုန်တိုင်းဒေသကြီး၊လသာမြို့နယ်ရှိ အမှတ်၂အခြေခံပညာအထက်တန်းကျောင်း၌ ဒုတိယအကြိမ်မြောက် တိုင်း၊ခရိုင်၊မြို့နယ် ယဉ်ကျေးလိမ္မာစာမေးပွဲ ကို ဒီကနေ့ မတ်လ၂၁ရက်နေ့တွင်ကျင်းပခဲ့ရာ စုစုပေါင်းကျောင်းသား၊ကျောင်းသူဦးရေ (၅၈၀)ဦးကျော်ဝင်ရောက်ဖြေဆိုခဲ့တယ်လို့ သိရပါတယ်။

#Local_News
Published 21 March 2026
#ရန်ကုန်တိုင်းဒေသကြီး #လသာမြို့နယ်
#YMG/NN #Yangon_Times

စက်သုံးဆီနဲ့ဓာတ်မြေဩဇာတွေကို လိုအပ်သည်ထက် ပိုမိုဝယ်ယူသိုလှောင်ခြင်းမပြုဖို့အတွက် မြန်မာနိုင်ငံဆန်စပါးအသင်းချုပ်(MRF) က ထုတ်ပြန်ချက်တစ်စောင်ကို ယနေ့ထုတ်ပြန်လိုက်ပါတယ်။

#Local_News
Published 21 March 2026
#စက်သုံးဆီ #ဓာတ်မြေဩဇာ
#YMG/SW #Yangon_Times

စက်သုံးဆီအမျိုးအစားအလိုက် တစ်လီတာကို ကျပ် ၇၀၀ ကျော်ကနေ ၁၂၀၀ကျပ် ကျော်အတွင်း ဆက်လက်မြင့်တက်လာတယ်လို့
စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ အခုတစ်ပတ်အတွက်ထုတ်ပြန်တဲ့စာရင်းတွေအရ သိရပါတယ်။

#Local_News
Published 21 March 2026
#စက်သုံးဆီ
#YMG/NN #Yangon_Times

#Daily_News
Published 21 March 2026

၁။‌ ‎စက်သုံးဆီ အခက်အခဲနှင့်ဈေးနှုန်းမြင့်တက်လာမှုကြောင့် တက္ကစီခနှုန်းထားများမြင့်တက်

‌‎၂။ ‌‌‌‌‌‌‌‌‌‌‌စက်သုံးဆီနှင့်ဓာတ်မြေဩဇာများကို လိုအပ်သည်ထက် ပိုမိုဝယ်ယူသိုလှောင်ခြင်းမပြုရန် MRF ကမေတ္တာရပ်ခံ

‎၃။‌‌‎ ‌‌‌‌‌‌‌‌‌စက်သုံးဆီတစ်လီတာ ၇၀၀ ကျော်မှ ၁၂၀၀ ကျပ်ကျော်အတွင်း မြင့်တက်လာ

‎၄။‎ တရုတ်ပြည်တွင်းထုတ်ခရီးသည်သင်္ဘောကြီး အသက်ကယ်လှေများချခြင်းစမ်းသပ်မှုပြုလုပ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group