#World_News
Published 03 February 2026

■ အိန္ဒိယကုန်ပစ္စည်းတွေအပေါ် အမေရိကန်အခွန်စည်းကြပ်မှုတွေကို ၅၀ ရာခိုင်နှုန်းကနေ ၁၈ ရာခိုင်နှုန်းအထိ လျှော့ချလိုက်တဲ့ ကုန်သွယ်ရေးသဘောတူညီမှုတစ်ခုကို အမေရိကန်သမ္မတ ဒေါ်နယ်ထရမ့် တနင်္လာနေ့က ကြေညာလိုက်ပြီး အပေးအယူအနေနဲ့ အိန္ဒိယက ရုရှားရေနံဝယ်ယူမှုများ ရပ်ဆိုင်းလိုက်ကာ ကုန်သွယ်ရေး အတားအဆီးများ လျှော့ချလိုက်ပါတယ်။

■ ထရမ့်က အိန္ဒိယဝန်ကြီးချုပ် နရန်ဒရာမိုဒီနဲ့ ပြောဆိုပြီးနောက်မှာ အိန္ဒိယဟာ အမေရိကန်နဲ့ ဗင်နီဇွဲလားတို့မှ ရေနံတွေ ဝယ်ယူသွားဖို့ ရှိနေပါတယ်။

■ အမေရိကန်က ဈေးကျပြီးမှ ပြန်တက်လာတဲ့ အိန္ဒိယကုမ္ပဏီကြီးတွေ ရှယ်ယာစာရင်း ဖော်ပြခဲ့ရာမှာ Infosys က ၄.၃ ၊ Wipro က ၆.၈ ၊ HDFC ဘဏ်က ၄.၄ ၊ iShares MSCI India က ၃ ရာခိုင်နှုန်းအသီးသီး မြင့်တက်လာခဲ့ပါတယ်။

■ ဒါ့အပြင် ထရမ့်က တစ်ပိုင်းလျှပ်ကူးပစ္စည်း ထုတ်လုပ်သူတွေနဲ့ AI ကဏ္ဍတွေအပေါ်လည်း အပြုသဘောဆောင် ကြေညာချက်တွေ ထုတ်ပြန်ခဲ့ပါတယ်။

■ မိုဒီကလည်း ဒေါ်လာ ၅၀၀ ဘီလီယံကျော်တန်ဖိုးရှိတဲ့ အမေရိကန်မှ ပစ္စည်းတွေကို ပမာဏများများဝယ်ယူသွားမယ်လို့ ကတိပြုခဲ့ပါတယ်။

■ အမေရိကန်စီးပွားရေးအဖွဲ့အချို့ကတော့ ဒါတွေကို သတိပြုလာကာ ယမန်နှစ်တွေနဲ့ယှဉ်ရင် အခွန်နှုန်းထား မြင့်မားနေဆဲဖြစ်နေပါတယ်။

■ မိုဒီက ဒီအတွက် ကျေးဇူးတင်ရှိကြောင်း ဖော်ပြလာကာ အိန္ဒိယစက်ရုံတွေနဲ့ အလုပ်သမားတွေအတွက် အကျိုးကျေးဇူးရှိလာမယ်လို့ ပြောပါတယ်။

■ လပေါင်းများစွာ ညှိနှိုင်းအပြီး သဘောတူညီချက် ရရှိခဲ့တာဖြစ်ပြီး အမေရိကန်က အခြားနိုင်ငံတွေနဲ့ ကုန်သွယ်ရေးသဘောတူညီမှုများ ကျယ်ကျယ်ပြန့်ပြန့် လုပ်လာခြင်းရဲ့ တစ်စိတ်တစ်ပိုင်းလည်း ဖြစ်ပါတယ်။

■ အိန္ဒိယအနေနဲ့ ရုရှားရေနံဝယ်ယူမှုတွေကို ဖြည်းဖြည်းချင်းလျှော့ချသွားဖို့က သဘောတူညီမှုတွေထဲက အဓိကကျတဲ့ အကြောင်းအရာ ဖြစ်ပါတယ်။

Source: Reuters.

#World_Health
Published 03 February 2026

■ ဗိုက်တာမင်-ဘီ၁၂ နဲ့ ပတ်သက်လို့ ဖြည့်စွက်ဆေးတွေဟာ သက်သက်လွတ်လား မလွတ်လားဆိုတဲ့အကြောင်း လူတွေရှုပ်ထွေးနေကြပါတယ်။

■ သိပ္ပံနည်းပညာရှုထောင့်ကကြည့်ရင် ဗိုက်တာမင်-ဘီ၁၂က တိရိစ္ဆာန်တစ်ရှူးကနေ လာတာမဟုတ်ပါဘူးလို့ အာဟာရပညာရှင် ပါလက်နက်ပေါက ပြောပါတယ်။

■ ဖြည့်စွက်ဆေးတွေမှာ အသုံးပြုတဲ့ ဗိုက်တာမင်-ဘီ၁၂ က ဘက်တီးရီးယား အချဉ်ဖောက်ခြင်းကနေ ရရှိတာဖြစ်ပြီး ဘက်တီးရီးယားမျိုးနွယ်တွေက ဗိုက်တာမင်ကို ထုတ်လုပ်ပေးကာ လူတွေသုံးစွဲဖို့ သန့်စင်ရပါတယ်။

■ ဒါကြောင့် အသားတွေ၊ အင်္ဂါတွေ၊ တစ်ရှူးတွေ မပါဝင်ဘဲ ဘီ၁၂ မော်လီကျူးတွေဟာ သက်သက်လွတ်သဘော ဖြစ်နေပါတယ်။

■ သဘာဝအားဖြင့်တော့ ဗိုက်တာမင်-ဘီ၁၂ကို နို့ထွက်ပစ္စည်းများ၊ ငါး၊ အသားတို့မှာ တွေ့ရပြီး တိရိစ္ဆာန်တွေက ဘီ၁၂ ထုတ်လုပ်တဲ့ ဘက်တီးရီးယားကို စားသုံးခြင်း ဒါမှမဟုတ် အူလမ်းကြောင်းထဲမှာ ထုတ်လုပ်ခြင်းတို့ကြောင့် ဖြစ်ပါတယ်။

■ အပင်အရွက်တွေမှာတော့ ဘီ၁၂ သဘာဝအတိုင်း မပါဝင်ဘဲ သက်သက်လွတ်သမားတွေမှာ ဘီ၁၂ ချို့တဲ့တတ်တာ ဖြစ်ပါတယ်။

■ ဒါကြောင့်ပဲ ဘီ၁၂ ဖြည့်စွက်ဆေးတွေဟာ သက်သက်လွတ်မဟုတ်ဘူးလို့ ယူဆစရာ ဖြစ်လာပါတယ်။

■ သုံးစွဲသူတွေအနေနဲ့ ဆေးဝယ်တဲ့အခါ သက်သက်လွတ်ဆေးတောင့်လို့ ရေးထားတဲ့ အမှတ်အသားတွေကို ဖတ်ရှုသင့်ပါတယ်။

■ အိန္ဒိယမှာ ဘီ၁၂ ချို့တဲ့မှု အဖြစ်များကြပြီး သွေးအားနည်းခြင်း၊ အာရုံကြောထိခိုက်ခြင်း၊ အာရုံစူးစိုက်မှု အားနည်းခြင်းတို့လို ကျန်းမာရေးပြဿနာတွေ ဖြစ်လာကြပါတယ်။

Source: India Today.

#World_Health
Published 03 February 2026

■ ညအိပ်တဲ့အခါ အသက်ရှူထုတ်ခြင်း၊ ချွေးထွက်ခြင်း၊ ဇီဝဖြစ်စဉ်တို့ကြောင့် ရေဓာတ်တွေ ဆုံးရှုံးပြီး အီလက်ထရိုလိုက်တွေ လျော့နည်းသွားပါတယ်။

■ ထိုအခါမှာ ရိုးရိုးရေသောက်တတ်ကြပြီး အချို့ဆိုရင် ဆားအနည်းငယ်ပါ ထည့်သောက်ကြပါတယ်။

■ ဆားထည့်သောက်ခြင်းဖြင့် ခန္ဓာကိုယ်ရေဓာတ် ပြန်ဖြည့်နိုင်တဲ့ ဆိုဒီယံနဲ့ သတ္တုဓာတ်တွေ ရရှိစေတယ်လို့ မွမ်ဘိုင်းစင်ထရယ်မှ ဝေါ့ခ်ဟာ့ဒ်ဆေးရုံမှ ဒေါက်တာ ဟန်နီဆက်ဗ်လာက ပြောပါတယ်။

■ ဆိုဒီယံနဲ့ ပိုတက်ဆီယံတို့က အာရုံကြောအချက်ပို့စနစ်တွေ၊ ကြွက်သားလှုပ်ရှားမှုတွေ၊ သွေးလှည့်ပတ်မှုတွေအတွက် မရှိမဖြစ် အရေးကြီးကာ ဒါတွေချို့တဲ့ပါက ပင်ပန်းနွမ်းနယ်ခြင်း၊ ထိုင်းမှိုင်းခြင်းတို့ ခံစားရတတ်ပါတယ်။

■ ဆားအနည်းငယ်ဖြင့် အစာခြေအင်ဇိုင်းများ၊ အစာအိမ်အက်ဆစ်တို့ ထုတ်လုပ်မှုကို လှုံ့ဆော်ပေးကာ အူလမ်းကြောင်း ပြင်ဆင်စေပါတယ်။

■ အစာခြေစနစ် ချောမွေ့ပါက မနက်စာစားပြီးနောက် လေဖောတာမျိုး လျော့နည်းစေပြီး အူလမ်းကြောင်း လှုပ်ရှားစေပါတယ်။

■ အရည်တွေကို ခန္ဓာကိုယ်အနှံ့ ပျံ့စေပြီး မျက်နှာဖောင်းအစ်တာတွေ၊ ခြေလက်တို့မှာ ဖောရောင်တာတွေ လျော့နည်းစေပါတယ်။

■ အဓိကက သင့်တင့်ရုံ စားဖို့ဖြစ်ပြီး သွေးတိုး၊ ကျောက်ကပ်ပြဿနာ ရှိသူတွေကတော့ သတိပြုသင့်ပါတယ်။

■ ပမာဏနည်းနည်းကို ဖြည်းညင်းစွာ သောက်သင့်ပြီး ခန္ဓာကိုယ်ဘယ်လိုတုံ့ပြန်လဲဆိုတာကို စောင့်ကြည့်ရပါမယ်။

■ သေချာဂရုစိုက်ကျင့်သုံးရင် ရေဓာတ်ထိန်းသိမ်းခြင်း၊ အစာခြေခြင်း၊ စွမ်းအင်တို့ကို ထောက်ကူပေးနိုင်ပါတယ်။

Source: Indian Express

နေပြည်တော်၊ ဖေဖော်ဝါရီ ၂ — သီလဝါဆိပ်ကမ်းသို့ ရောက်ရှိလာသည့် ဒီဇယ်ဆီတင် သင်္ဘောတစ်စီးအား ဓာတ်ခွဲစမ်းသပ်ချက်အရ အရည်အသွေး စံချိန်စံညွှန်းမမီသဖြင့် ဆီချခွင့်မပြုဘဲ မူလတင်ပို့ရာနိုင်ငံသို့ ပြန်လည်စေလွှတ်ခဲ့ကြောင်း စွမ်းအင်ဝန်ကြီးဌာနက ယနေ့ တွင် ထုတ်ပြန်ကြေညာပါတယ်။

ပြီးခဲ့တဲ့ ဇန်နဝါရီ ၂၆ ရက်က သီလဝါဆိပ်ကမ်းရှိ Apex Terminal သို့ ရိုးရိုးဒီဇယ်ဆီ (HSD 500 PPM) တင်ဆောင်လာတဲ့ Tanker သင်္ဘောတစ်စီး ရောက်ရှိလာခဲ့ရာ ဝန်ကြီးဌာနက တင်ဆောင်လာတဲ့ ဒီဇယ်များကို နမူနာရယူ၍ ဓာတ်ခွဲ စစ်ဆေးမှုများ ပြုလုပ်ခဲ့ခြင်းဖြစ်ပါတယ်။

စစ်ဆေးချက်ရလဒ်များအရ အဆိုပါဒီဇယ်ဆီတွေက သတ်မှတ်ထားတဲ့ အရည်အသွေးစံနှုန်းများနှင့် ကိုက်ညီမှုမရှိကြောင်း တွေ့ရှိရတဲ့အတွက် သုံးစွဲသူပြည်သူများ နစ်နာမှုမရှိစေရေး ယခုကဲ့သို့ ပြန်လည်စေလွှတ်ရန် ဆုံးဖြတ်ခဲ့ခြင်းဖြစ်တယ်လို့ ဝန်ကြီးဌာနရဲ့ ထုတ်ပြန်ချက်တွင် ဖော်ပြထားသည်။

လက်ရှိတွင် စွမ်းအင်ဝန်ကြီးဌာနသည် ပြည်ပမှ စက်သုံးဆီတင်သွင်းမှု လျှော့ချရေးနှင့် ပြည်တွင်း  ရေနံချက်စက်ရုံ စီမံကိန်းများကို အပိုင်းလိုက် အကောင်အထည်ဖော်လျက်ရှိနေပါတယ်။  ဒါပေမယ့် ပြည်တွင်းလိုအပ်ချက်အရ ပြည်ပမှ တင်သွင်းနေရဆဲဖြစ်သဖြင့် တင်သွင်းလာသည့် စက်သုံးဆီများနှင့် ဈေးကွက်တွင်းရှိ စက်ဆီချောဆီများ၏ အရည်အသွေး၊ အခြင်အတွယ်နှင့် ဈေးနှုန်းတည်ငြိမ်မှု  ရှိစေရေး   တို့ကို တင်းကြပ်စွာ စိစစ်ထိန်းကျောင်းလျက်ရှိတယ်လို့သိရပါတယ်။

#knl/ymg

အင်ဒိုနီးရှား အနောက်ဂျာဗာပြည်နယ်မှ ပါဆီယာလန်ဂူရွာမှာ မြေပြိုခြင်းကြောင့် သေဆုံးသူစာရင်း ၅၀ အထိ တိုးမြင့်လာပြီး အယောက် ၃၀ ကိုတော့ သိရှိထားပြီလို့ ဒေသခံရဲတွေဆိုပါတယ်။

#Asia_Disaster
Published 02 February 2026
#အင်ဒိုနီးရှား #အနောက်ဂျာဗာပြည်နယ်
#YMG #Yangon_Times #Yangon_Media_Group

မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များအသင်းချုပ် (𝐌𝐂𝐄𝐅) မှ ကြီးမှူးမှုနဲ့ မန္တလေးတိုင်းဒေသကြီး ဆောက်လုပ်ရေးဆိုင်ရာ လုပ်ငန်းရှင်များအသင်းမှဦးစီးကာ အဆောက်အဦးများပြုပြင်ခြင်းဆိုင်ရာ(ပန်းရံ) သင်တန်းအား မန္တလေးမြို့နဲ့ မန္တလေးမြို့ ဝန်းကျင်မှာ
ဖွင့်လှစ်သွားမယ်လို့ သိရပါတယ်။

#Local_News
Published 02 February 2026
#𝐌𝐂𝐄𝐅 #မန္တလေး
#YMG/SW #Yangon_Times

မြန်မာနိုင်ငံရှိ နေရပ်စွန့်ခွာရသူများအတွက် ဥရောပသမဂ္ဂ (အီးယူ)က ယူရို ၃၈.၆ သန်း ထောက်ပံ့သွားမယ်လို့ ကြေညာထားပါတယ်။

#Local_News
Published 02 February 2026
#ယူရို #ဥရောပသမဂ္ဂ
#YMG/SW #Yangon_Times

#Local_News
Published 02 February 2026
#မိုးရွာသွန်း
#YMG/NN #Yangon_Times

မြန်မာ့လက်ဖက်ပွဲတော်ကို ရန်ကုန်မြို့အင်းလျားကန်ဘောင်ရှိစိမ်းလန်းစိုပြေဥယျာဉ်မှာ အဆိုပါပွဲတော်ကို ပြည်ထောင်စုနေ့အထိမ်းအမှတ်အဖြစ်ကျင်းပသွားမှာဖြစ်ပြီး ဖေဖော်ဝါရီ ၁၁ရက် ကနေ ၁၄ရက်အထိကျင်းပသွားမယ်လို့ သိရပါတယ်။

#Local_News
Published 02 February 2026
#မြန်မာ့လက်ဖက် #ပြည်ထောင်စုနေ့
#YMG/NN #Yangon_Times

#Daily_News
Published 02 February 2026

၁။‌ ‎‎‎‎မန္တလေးတွင် အဆောက်အဦးများပြုပြင်ခြင်းဆိုင်ရာ(ပန်းရံ) သင်တန်းအခမဲ့ဖွင့်လှစ်မည်
‎
‌‎၂။ ‌‌‌‌‌‌‌‌‌‌‌‎‎‎မြန်မာရှိ နေရပ်စွန့်ခွာရသူများအတွက် အီးယူက ယူရို ၃၈.၆ သန်း ထောက်ပံ့မည်

‎၃။‌‌‎ ‌‌‌‌‌‌‌‌‌‎‎ဒေသအချို့၌ မိုးရွာသွန်းခြင်းနှင့် ညအပူချိန်များလျော့ကျနိုင်
‎
‎၄။‎ ‌‌‌‌‌‌‌‌‌‎‎အင်ဒိုနီးရှားမြေပြိုမှုဖြစ်စဉ်ကြောင့် သေဆုံးသူအယောက်(၅၀)အထိမြင့်တက် ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 02 February 2026

■ အီရန်ခေါင်းဆောင်အကြီးအကဲ အယာတိုလာအလီခါမနီက အီရန်ကို ဘယ်လိုတိုက်ခိုက်မှုမျိုးမဆို ဖြစ်လာပါက ဒေသတွင်းပဋိပက္ခ ဖြစ်လာနိုင်တယ်လို့ သတိပေးလာပါတယ်။

■ အမေရိကန်ဟာ ထိုဒေသနားတဝိုက် တပ်အင်အားတွေ ဆက်လက်တိုးမြှင့်နေတာ ဖြစ်ပါတယ်။

■ အမေရိကန်တွေသာ စစ်ပွဲစတင်လိုက်မယ်ဆိုရင် ဒေသတွင်းစစ်ပွဲ ဖြစ်လာလိမ့်မယ်လို့ ခါမနီက တက်စ်နင်သတင်းဌာနကို ပြောသွားပါတယ်။

■ အမေရိကန်သမ္မတ ဒေါ်နယ်ထရမ့်က အီရန်နဲ့ အမှန်တကယ် ဆွေးနွေးမှုများ ပြုလုပ်နေပြီး လက်ခံနိုင်စရာတစ်ခုခု ရရှိလာမယ်လို့ မျှော်လင့်နေပါတယ်။

■ အီရန်နိုင်ငံခြားရေးဝန်ကြီး အက်ဘက်စ်အာရက်ချီက အီရန်နျူကလီးယားအစီအစဉ်နဲ့ ပတ်သက်ပြီး သဘောတူညီချက် ရရှိဖို့ ယုံကြည်နေကြောင်း CNN ကို ပြောထားပါတယ်။

■ ထရမ့်က အီရန်နျူကလီးယားအရေးအပေါ် ဝင်ရောက်စွက်ဖက်ဖို့ ခြိမ်းခြောက်ထားပါတယ်။

■ အာရက်ချီက အမေရိကန်ကို ညှိနှိုင်းရေးမိတ်ဖက်အဖြစ် ယုံကြည်မှုကျဆင်းလာပေမယ့် ဒေသတွင်းနိုင်ငံတွေနဲ့ အပြန်အလှန်ပေးပို့မှုတွေကနေ အမေရိကန်နဲ့ အကျိုးပြုဆွေးနွေးမှုများ ဖြစ်လာစေတယ်လို့ ဆိုပါတယ်။

■ အမေရိကန်ဟာ အီရန်အနီးမှာ စစ်ရေးအင်အား ဖြန့်ကျက်ထားပြီး USS အေဘရာဟမ်လင်ကွန်းသင်္ဘောလည်း ပါဝင်ပါတယ်။

■ အီရန်တိုက်ခိုက်ခံရပါက ကမ္ဘာ့ရေနံကုန်သွယ်ရေးလမ်းကြောင်းကြီး တစ်ခုဖြစ်တဲ့ Hormuz ရေလက်ကြားကို ပိတ်ပစ်ဖို့ အီရန်က ခြိမ်းခြောက်နေပါတယ်။

■ အီရန်မှာ ဓာတ်ငွေ့ယိုစိမ့်မှုများကြောင့် ပေါက်ကွဲမှုများ ဖြစ်နေရာ လူတွေထိတ်လန့်နေရပါတယ်။

■ အီရန်အနေနဲ့ နျူကလီးယားလုပ်ငန်းများ ရပ်ဆိုင်းဖို့နဲ့ ဆန္ဒပြသူများကို ဖိနှိပ်နေတာတွေ ရပ်တန့်ဖို့ အမေရိကန်က အလိုရှိနေပါတယ်။

Source: BBC

#Local_News
Published 02 February 2025

■ ပြည်တွင်းပြည်ပဈေးကွက်အခွင့်အလမ်းတွေရရှိစေရန် ပြည်ထောင်စုအဆင့် MSME ထုတ်ကုန်ပြပွဲနှင့် ဈေးရောင်းပွဲတော် ကျင်းပမည် ဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှမြန်မာကုန်သွယ်မှုမြှင့်တင်ရေးအဖွဲ့မှ ညွှန်ကြားရေးမှူး ဒေါက်တာသက်လွင်ဦးကပြောသည်။

■ အဆိုပါ ပြည်ထောင်စုအဆင့် MSME ထုတ်ကုန်ပြပွဲနှင့် ဈေးရောင်းပွဲတော် (နေပြည်တော်) တွင် MSME လုပ်ငန်းရှင်များအတွက် လုပ်ငန်းစီးပွားချိတ်ဆက်မှုပြခန်း (Business Matching Hall) ပါဝင်မည်ဖြစ်ကြောင်း သိရသည်။

■ “အဓိကကတော့ နိုင်ငံတော်က MSME လုပ်ငန်းရှင်တွေကို ပြည်တွင်းပြည်ပဈေးကွက်အခွင့်အလမ်းတွေရရှိစေဖို့ ရည်ရွယ်တာပါ။ ဒီပြပွဲနဲ့အတူ ပြည်တွင်းဈေးကွက်ချိတ်ဆက်မှု၊ ပြည်ပဈေးကွက်ချိတ်ဆက်မှု၊ ရင်းနှီးမတည်ငွေရရှိရေးအတွက် ချိတ်ဆက်မှုအပြင် သက်ဆိုင်ရာအစိုးရဌာနတွေကနေ သတင်းအချက်အလက်တွေကို မျှဝေပေးမယ့်အစီအစဉ်တွေ ပါဝင်ပါတယ်။ ပြည်တွင်းဈေးကွက်ချိတ်ဆက်မှုအနေနဲ့ MSME လုပ်ငန်းတွေက ထုတ်လုပ်ထားတဲ့ ထုတ်ကုန် ပစ္စည်းတွေကို ပြည်တွင်းမှာရှိတဲ့ Modern စတိုးတွေ၊ လက်လီ/လက်ကားဆိုင်တွေဖြစ်တဲ့ City Mart၊ AERON၊ Makro၊ G and G စတဲ့ဆိုင်တွေမှာ ရောင်းချနိုင်ရေးအတွက် လုပ်ငန်းစီးပွားချိတ်ဆက်မှုပြခန်းကနေတစ်ဆင့် မျက်နှာချင်းဆိုင်တွေ့ဆုံပေးသွားမှာဖြစ်ပါတယ်” ဟု၎င်းကဆိုသည်။

■ MSME လုပ်ငန်းရှင်များအနေဖြင့် ပြပွဲမှတစ်ဆင့် ပို့ကုန်/ သွင်းကုန်လုပ်ငန်းရှင်တစ်ဦး ဖြစ်စေမည့် လုပ်ငန်းစဉ်များ၊ သီလဝါ SEZ ၏ Promotion Zone အတွင်း ထုတ်လုပ်ရေးလုပ်ငန်းများ၊ ပို့ကုန်/သွင်းကုန် လုပ်ငန်းရှင်များ၊ လက်လီ/လက်ကားရောင်းချသူများနှင့် အချင်းချင်း ချိတ်ဆက်နိုင်မည့် လုပ်ငန်းစဉ်များ၊ ဘဏ်များနှင့် ချိတ်ဆက်ဆောင်ရွက်ရမည့်လုပ်ငန်းစဉ်များနှင့် စပ်လျဉ်း၍ အချိတ်အဆက်များ ရရှိစေရန် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက ကူညီဆောင်ရွက်ပေးသွားမည်ဖြစ်သည်။

■ ထို့အတူ ဝန်ကြီးဌာနများနှင့် ချိတ်ဆက်ရေးလုပ်ငန်းအဖွဲ့တွင် ဝန်ကြီးဌာနကိုးခုက MSME လုပ်ငန်းရှင်များအတွက် ပို့ကုန်/သွင်းကုန်ဆိုင်ရာလုပ်ငန်းရှင်များ ပြည်ပ ဈေးကွက်ဝင်ရောက်နိုင်ရေးလိုအပ်သည့် Certificate ရရှိရေးနှင့် မှတ်ပုံတင်ခြင်းဆိုင်ရာကိစ္စရပ်များ၊ နိုင်ငံတကာကုန်စည် ပြပွဲများတွင် MSME ထုတ်ကုန်များစွာ ပါဝင်ပြသနိုင်ရေးနှင့် Online E-Commerce Platform မှတစ်ဆင့် MSME ထုတ်ကုန်များကို နိုင်ငံတကာဝယ်လက်များသို့ တိုက်ရိုက်ချိတ်ဆက် ဝယ်ယူနိုင်ရေးကိုလည်း ဆောင်ရွက်ပေးသွားမည်ဖြစ်သည်။

■ ထို့ပြင် ပြပွဲအတွင်း ပြည်ပဈေးကွက်ချိတ်ဆက်မှုအနေဖြင့် MSME လုပ်ငန်းရှင်များက ပြည်ပသို့ တင်ပို့မှုလုပ်ငန်းများ ဆောင်ရွက်နိုင်ရေးအတွက် ရင်းနှီးမတည်ငွေရရှိရေး၊ စီးပွားရေး သံမှူးများနှင့်ချိတ်ဆက်၍ အသိပညာမျှဝေပေးနိုင်ရန်အတွက်လည်းကောင်း၊ ရင်းနှီးမတည်ငွေရရှိရေး ချိတ်ဆက်မှုအနေဖြင့် ပုဂ္ဂလိကဘဏ်များမှ ဘဏ်ချေးငွေရရှိရေး၊ ဘဏ်များ၏ ဝန်ဆောင်မှုနှင့်ပတ်သက်သည့် သတင်းအချက်အလက်များ ရရှိနိုင်ရန်အတွက်လည်းကောင်း ချိတ်ဆက်ဆောင်ရွက်ပေးသွားမည်ဖြစ်ကြောင်း သိရသည်။

■ ထို့ကြောင့် ပို့ကုန်/သွင်းကုန် လုပ်ငန်းရှင်ဖြစ်လိုသူများ၊ တိုင်းဒေသကြီးနှင့် ပြည်နယ်များမှ အသေးစား၊ အငယ်စားနှင့် အလတ်စား MSME စီးပွားရေးလုပ်ငန်းရှင်များအနေဖြင့် မိမိတို့၏ စီးပွားရေးလုပ်ငန်းများ ချဲ့ထွင်ဆောင်ရွက်နိုင်ရေးအတွက် ပြပွဲကာလအတွင်း လုပ်ငန်း/စီးပွား ချိတ်ဆက်မှုပြခန်းတွင် သက်ဆိုင်ရာကဏ္ဍအလိုက် လာရောက်လေ့လာခြင်း၊ ဆွေးနွေးခြင်းဆောင်ရွက်နိုင်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက အသိပေးကြေညာ ထားသည်။

■ (၇၉) နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသောအားဖြင့် ပြည်ထောင်စုအဆင့် MSME ထုတ်ကုန်ပြပွဲနှင့် ဈေးရောင်းပွဲတော်(နေပြည်တော်) ကို နေပြည်တော်ရင်ပြင်၌ ဖေဖော်ဝါရီ ၈ ရက်မှ ၁၃ ရက်အထိ ကျင်းပသွားမည်ဖြစ်ကြောင်း သိရသည်။

#YMG/NN #Yangon_Times