နိုင်ငံတော်သြဝါဒါစရိယ၊ ရွှေကျင်နိကာယ ရတ္တညူ မဟာနာယက၊ အဘိဓဇအဂ္ဂမဟာသဒ္ဓမ္မဇောတိက ၊ အဂ္ဂမဟာကမ္မဋ္ဌာနာစရိယ၊ဆဋ္ဌသင်္ဂီတိ ပါဠိပဋိဝိသောဓက၊သကျသီဟနဲ့ အစိုးရသိရီပဝရဓမ္မာစရိယ သက်တော်(၉၉)နှစ်၊ သိက္ခာဝါတော်(၇၉)ဝါရှိ ချမ်းမြေ့ဆရာတော်ဘုရားကြီး ဘဒ္ဒန္တဇနကာဘိဝံသ၏ အန္တိမအဂ္ဂိဈာပန သာဓုကီဠနပူဇော်ပွဲကို စက်တင်ဘာ ၂၅ရက်နေ့ တွင်သာသနာထုံးစံနှင့်အညီ ကျင်းပခဲ့တယ်လို့သိရပါတယ်။

#Local_News
Published 25 September 2026
#ချမ်းမြေ့ဆရာတော်ဘုရားကြီး
#YMG/NN #Yangon_Times

#Local_News
Published 25 September 2026

■ ချင်းပြည်နယ်၊ တီးတိန်ခရိုင်၊ တွန်းဇံမြို့တွင် MPT ဆက်သွယ်ရေးကွန်ရက်များ ပြန်လည်ရရှိပြီဖြစ်ပြီး စက်တင်ဘာ ၂၃ ရက်မှစ၍ MPT ဖုန်းလိုင်းများ ပြန်လည်အသုံးပြုနိုင်ပြီဖြစ်ကြောင်း မြန်မာ့ဆက်သွယ်ရေးလုပ်ငန်း (MPT) ထံမှ သိရသည်။

■ ဆက်သွယ်ရေးကွန်ရက် ပြန်လည်ရရှိရေးအတွက် MPT ဝန်ထမ်းများက လိုအပ်သည့် ဆက်သွယ်ရေးစက်ပစ္စည်းများကို ရန်ကုန်မြို့မှ ဖလမ်းမြို့နှင့် တွန်းဇံမြို့သို့ လေယာဉ်၊ မော်တော်ယာဉ်များဖြင့် အဆင့်ဆင့် သယ်ယူပို့ဆောင်ကာ တွန်းဇံမြို့တွင် စက်ပစ္စည်းများ တပ်ဆင်တည်ဆောက်ခြင်းလုပ်ငန်းများ ဆောင်ရွက်ခဲ့ခြင်းဖြစ်သည်။

■ အဆိုပါလုပ်ငန်းများ ပြီးစီးပြီးနောက် MPT ဆက်သွယ်ရေးကွန်ရက် ပြန်လည်ရရှိလာသဖြင့် တွန်းဇံမြို့ဒေသခံများအနေဖြင့် ဖုန်းဆက်သွယ်မှုများ ပြန်လည်ပြုလုပ်နိုင်ပြီဖြစ်ပြီး လူမှုစီးပွားရေးလုပ်ငန်းများ၊ ကုန်စည်စီးဆင်းမှုနှင့် သတင်းအချက်အလက်စီးဆင်းမှုများ ပိုမိုအဆင်ပြေစေရန် အထောက်အကူဖြစ်လာမည်ဖြစ်ကြောင်း သိရသည်။

■ MPT အနေဖြင့် ချင်းပြည်နယ်အတွင်း ဆက်သွယ်ရေးကွန်ရက်များ ပြန်လည်ရရှိရေးနှင့် ဒေသခံများ ဆက်သွယ်ရေးအဆင်ပြေစေရေးအတွက် လိုအပ်သည့်လုပ်ငန်းများကို ဆက်လက်ဆောင်ရွက်လျက်ရှိကြောင်း သိရသည်။

#YMG/SW #Yangon_Times

#Local_News
Published 25 September 2026

■ အမျိုးသမီးငယ်များကို တရုတ်ဇနီးမယားအဖြစ် ပို့ဆောင်ရောင်းစားရန်စီစဉ်ဆောင်ရွက်ခဲ့သူများကို လူကုန်ကူးမှုဖြင့် အလုပ်နှင့်ထောင်ဒဏ် နှစ် ၂၀ ချမှတ်ပြီး တိမ်းရှောင်တရားခံ မိုးမိုးအောင်(ခ)မမိုးနှင့် မဖြူ(ခ)အဖြူတို့နှစ်ဦးကိုရာဇဝတ်ကျင့်ထုံးဥပဒေပုဒ်မ ၅၁၂ အရ ၈၇/၈၈ အတည်ပြုထုတ်ဆင့်ခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။

■ ဖြစ်စဉ်မှာ ရန်ကုန်တိုင်းဒေသကြီး ရွှေပြည်သာမြို့နယ် ဇီးကုန်းကျေးရွာ (၂၄)ရပ်ကွက်နေ အမျိုးသမီးနှစ်ဦးကို တစ်ရွာတည်းနေ မိုးမိုးအောင်(ခ)မမိုး၊ မန္တလေးတိုင်းဒေသကြီး ပုသိမ်ကြီးမြို့နယ် သုခ(၂)ရပ်ကွက်နေ ခက်ခက်(ခ)နီနီဝင်း(ခ)မနီနှင့် ရန်ကုန်တိုင်းဒေသကြီး ရွှေပြည်သာမြို့နယ်အမှတ်(၁) ရပ်ကွက်နေ မဖြူ(ခ)အဖြူတို့က တရုတ်နိုင်ငံ၌ တရုတ်ဇနီးမယားအဖြစ် လုပ်ကိုင်ပါက ငွေကျပ်သိန်း ၉၀/၁၀၀ ရရှိမည်၊ I Phone လည်းကိုင်ရမည်၊ အေးဆေးနေထိုင်ရမည်ဖြစ်ကြောင်း ပြောဆိုစည်းရုံးပြီး တရုတ်နိုင်ငံသို့ ပို့ဆောင်ရောင်းစားရန် ရွှေမန္တလာခရီးသည်တင်မော်တော်ယာဉ်ဖြင့် မန္တလေးမြို့သို့ခေါ်ဆောင်လာကြောင်းစိစစ်သိရှိရသဖြင့် အောင်မြေသာစံမြို့နယ် အမှတ်(၁)နယ်မြေရဲစခန်း(ပ)၄၆/၂၀၂၆၊ လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၈(က)ဖြင့် အမှုရေးဖွင့်တရားစွဲတင်ခဲ့ပြီး စက်တင်ဘာ ၂၁ ရက်တွင် အောင်မြေသာစံခရိုင်တရားရုံးမှ ဖမ်းမိတရားခံ ခက်ခက်(ခ)နီနီဝင်း(ခ)မနီကို လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၈(က)အရ အလုပ်နှင့်ထောင်ဒဏ်နှစ် ၂၀ ကျခံစေရန် အမိန့်ချမှတ်ခဲ့ပြီး တိမ်းရှောင်တရားခံ မိုးမိုးအောင်(ခ)မမိုးနှင့် မဖြူ(ခ)အဖြူတို့နှစ်ဦးကို ရာဇဝတ်ကျင့်ထုံးဥပဒေပုဒ်မ ၅၁၂ အရ ၈၇/၈၈ အတည်ပြုထုတ်ဆင့်ခဲ့ကြောင်း သိရသည်။

#YMG/NN #Yangon_Times

#World_News
Published 25 September 2026

■ တရုတ်သမ္မတ ရှီကျင့်ဖျင်က အမေရိကန်နဲ့ နှစ်နိုင်ငံဆက်ဆံရေး တည်ငြိမ်ကောင်းမွန်စေရန် မြှင့်တင်ဖို့အတွက် အိမ်ဖြူတော်မှာ အမေရိကန်သမ္မတ ဒေါ်နယ်ထရမ့်နဲ့ တွေ့ဆုံခဲ့ပါတယ်။

■ နိုင်ငံခြားရေး၊ စီးပွားရေး၊ ဘဏ္ဍာရေး၊ ဥပဒေစိုးမိုးရေးနဲ့ ယဉ်ကျေးမှုကဏ္ဍတွေမှာ ဆက်သွယ်ဆက်ဆံရေး ပိုမိုအားကောင်းလာစေရန် ရှီကျင့်ဖျင်က အလေးပေးပြောကြားခဲ့ပါတယ်။

■ ယင်းကစျေးကွက်များ ပွင့်လင်းမြင်သာမှုရှိရန်၊ အမေရိကန်မှာ တရုတ်ကုမ္ပဏီများကို တန်းတူညီမျှ ဆက်ဆံရန်နဲ့ နှစ်ဦးနှစ်ဖက် ပူးပေါင်းဆောင်ရွက်မှု အခွင့်အလမ်းများကို တိုးမြှင့်ရန် တောင်းဆိုခဲ့ပါတယ်။

■ ခေါင်းဆောင်နှစ်ဦးစလုံးက နည်းပညာကို လူသားတို့ရဲ့ ထိန်းချုပ်မှုအောက်မှာသာ ရှိစေပြီး ပြည်သူတွေရဲ့ အကျိုးစီးပွားကို အဓိကဝန်ဆောင်မှုပေးနိုင်ရန် AI နည်းပညာကို အပြုသဘောဆောင်စွာ ဖွံ့ဖြိုးတိုးတက်စေရေးဟာ ပူးတွဲတာဝန်ဖြစ်ကြောင်း ပြောကြားခဲ့ပါတယ်။

■ လုံခြုံရေးနဲ့ ပတ်သက်လို့ ရှီကျင့်ဖျင်က စစ်ဘက်ဆိုင်ရာ ဆွေးနွေးပွဲများ ဆက်လက်ထားရှိရန်၊ အကျပ်အတည်း တားဆီးကာကွယ်ရေး ယန္တရားများကို မြှင့်တင်ရန်နဲ့ အင်အားကြီးနိုင်ငံနှစ်ခုကြား စစ်ပွဲဖြစ်ပွားနိုင်ခြေကို ရှောင်ရှားရန် တိုက်တွန်းခဲ့ပါတယ်။

■ ယင်းက အမေရိကန်-တရုတ် ပြိုင်ဆိုင်မှုကို အနိုင်အရှုံးသက်သက် ပြိုင်ဆိုင်မှုထက် ငြိမ်းချမ်းစွာ အတူယှဉ်တွဲနေထိုင်ရေးကို ဦးစားပေးတဲ့ အပြုသဘောဆောင်တဲ့ ယှဉ်ပြိုင်မှုအဖြစ် ပုံဖော်ခဲ့ပါတယ်။

■ မူးယစ်ဆေးဝါး တားဆီးနှိမ်နင်းရေး၊ ဥပဒေစိုးမိုးရေးနဲ့ တိုက်ရိုက်လေကြောင်းလိုင်းများ တိုးချဲ့ပြေးဆွဲရေး ပူးပေါင်းဆောင်ရွက်မှုများကိုလည်း လက်တွေ့ကျတဲ့ အဓိကပန်းတိုင်များအဖြစ် အလေးပေးပြောကြားခဲ့ပါတယ်။

■ ရှီကျင့်ဖျင်က လာမယ့် ၅ နှစ်အတွင်း အမေရိကန်လူငယ် ၁၀,၀၀၀ ကို တရုတ်နိုင်ငံသို့ လာရောက်လေ့လာရန် ဖိတ်ခေါ်ခဲ့ပြီး ဂျော်ဂျီယာပြည်နယ် အတ္တလန်တာတိရစ္ဆာန်ရုံအတွက် ပန်ဒါဝက်ဝံစုံတွဲသစ်တစ်စုံ ပေးပို့မှာဖြစ်ကြောင်း ကြေညာခဲ့ပါတယ်။

Source:

#World_Health
Published 25 September 2026

■ ကင်ဆာဆဲလ်များဟာ ပိုမိုနုနယ်တဲ့ အခြေအနေသို့ မကြာခဏ ပြောင်းလဲသွားတတ်ပြီး ထိုသို့ဖြစ်ခြင်းက ယင်းတို့ကို ပိုမိုသောင်းကျန်းစေကာ ပုံမှန်ကုသမှုများကို ခုခံတွန်းလှန်နိုင်စွမ်း ရှိစေပါတယ်။

■ သုတေသီများက ရင်သားကင်ဆာ အကျိတ်ပုံစံများကို THC အလွန်နည်းပါးတဲ့ပမာဏဖြင့် ၄ ရက်ကြာ ကုသမှုပေးခဲ့ကြပါတယ်။

■ ထိုကုသမှုဟာ ဆဲလ်တွေရဲ့ ပျံ့နှံ့နိုင်စွမ်း၊ အသစ်ပြန်လည်ဖြစ်ပေါ်နိုင်စွမ်းနဲ့ အကျိတ်သစ်များ စတင်ဖြစ်ပေါ်နိုင်စွမ်းတို့ကို လျှော့ချပေးခဲ့ပါတယ်။

■ ကင်ဆာဆန့်ကျင်ရေး အကျိုးသက်ရောက်မှုက စိတ်ကိုပြောင်းလဲစေတဲ့ CB1R ထက်စာရင် CB2R ကန်နာဘီနွိုက် လက်ခံပစ္စည်းကို ထိန်းညှိပေးခြင်းဖြင့် အဓိကဖြစ်ပေါ်လာခြင်း ဖြစ်ပါတယ်။

■ ဒီပြောင်းလဲမှုတွေဟာ ရေရှည်မှာ တည်ငြိမ်မှုရှိကြောင်း သက်သေပြခဲ့ပြီး ကြွက်တွေမှာ စမ်းသပ်တဲ့အခါ အကျိတ်ဖြစ်ပေါ်မှုကို နှောင့်နှေးစေပြီး အကျိတ်ကြီးထွားမှုကို ပိုမိုနှေးကွေးစေခဲ့ပါတယ်။

■ THC ဖြင့် ကုသထားတဲ့ ကင်ဆာဆဲလ်များဟာ အဆုတ်အတွင်း ကင်ဆာဆဲလ်စုအသစ်များ ပျံ့ပွားဖြစ်ပေါ်မှုကိုလည်း နည်းပါးသွားစေခဲ့ပါတယ်။

■ CB2R ကို ထိန်းညှိပေးခြင်းက အီစထရိုဂျင် လက်ခံပစ္စည်းရဲ့ လုပ်ဆောင်ချက်ကို မြှင့်တင်ပေးတာကြောင့် ဆဲလ်တွေကို Tamoxifen ဟော်မုန်းကုသဆေးဖြင့် ကုသရာမှာ ပိုမိုထိရောက်မှု ရှိစေခဲ့ပါတယ်။

■ အသေးစား CB2R ကို ပစ်မှတ်ထားထိန်းညှိခြင်းဖြင့် သောင်းကျန်းတဲ့ ကင်ဆာဆဲလ်များကို ထိန်းချုပ်ရလွယ်ကူတဲ့ အခြေအနေသို့ ထာဝရ ပြန်လည်ပြောင်းလဲပေးနိုင်ကြောင်း ဒီတွေ့ရှိချက်များက ပြနေပါတယ်။

Source: Science Alert

#World_Health
Published 25 September 2026

■ ဗိုက်တာမင်-အီးက ခရမ်းလွန်ရောင်ခြည်နဲ့ လေထုညစ်ညမ်းမှုကြောင့် ပျက်စီးမှုများမှ အသားအရေ ဆဲလ်မြှေးများကို ကာကွယ်ပေးတဲ့အဆီမှာပျော်ဝင်လွယ်တဲ့ ဓာတ်တိုးဆန့်ကျင်ပစ္စည်း ဖြစ်ပါတယ်။

■ အသားအရေရဲ့ သဘာဝကာကွယ်ရေးစနစ်ကို အထောက်အကူပြုပေမယ့် နေလောင်ကာခရင်၊ ဦးထုပ်ဆောင်းခြင်း၊ နေရောင်ခြည် အလွန်အမင်းထိတွေ့မှုမှ ရှောင်ကြဉ်ခြင်းတို့ကိုတော့ အစားမထိုးနိုင်ပါဘူး။

■ လူကြီးတစ်ဦးအနေနဲ့ ဗိုက်တာမင်-အီး နေ့စဉ်လိုအပ်ချက်မှာ ၁၅ မီလီဂရမ်ဖြစ်ပြီး ဖြည့်စွက်ဆေးများထက် အစားအစာများမှ ရယူသင့်ပါတယ်။

■ အခွံနွှာပြီးသား နေကြာစေ့ ၂၀ ဂရမ်စားသုံးပါက ဗိုက်တာမင်-အီး ၅ မီလီဂရမ်ရနိုင်ပြီး နေ့စဉ်လိုအပ်ချက်ရဲ့ ၃ ပုံ ၁ ပုံခန့် ရှိပါတယ်။

■ ဗန်ဒါစေ့ ၁၅ စေ့ခန့်ဆိုရင် ၂၀ ဂရမ်ပါဝင်ပြီး ကျန်းမာရေးနဲ့ ညီညွတ်တဲ့ အဆီများ၊ အမျှင်ဓာတ်၊ ပရိုတိန်းတို့အပြင် ဗိုက်တာမင်-အီး ၅ မီလီဂရမ်ခန့် ရနိုင်ပါတယ်။

■ ဂျုံပင်ပေါက်ဆီတစ်ဇွန်းဆိုရင် ဗိုက်တာမင်-အီး ၂၀ မီလီဂရမ် ပါဝင်တာကြောင့် ဗိုက်တာမင်-အီး အကြွယ်ဝဆုံး ဖြစ်ပေမယ့် ကယ်လိုရီများတာကြောင့် ချက်ပြုတ်ဖို့ မသင့်လျော်ပါဘူး။

■ အဆီမှာ ပျော်ဝင်လွယ်တဲ့ ဗိုက်တာမင်ဖြစ်တာကြောင့် သဘာဝအဆီများ၊ ဟင်းသီးဟင်းရွက်ဆီများနဲ့ တွဲဖက်စားသုံးပါက စုပ်ယူရလွယ်ကူစေပါတယ်။

■ သစ်ကြားသီး၊ မြေပဲ၊ အစိမ်းရောင်ဟင်းရွက်များ၊ ကီဝီသီး၊ သရက်သီးတို့မှာ ပါဝင်ပြီး ဒါတွေဟာ အသားအဓိကစားသုံးတဲ့ အစားအသောက်ပုံစံတွေမှာ လိုအပ်လေ့ရှိတဲ့ အစားအစာများ ဖြစ်ပါတယ်။

Source: The Jerusalem Post

တရုတ်နိုင်ငံထုတ် ဘောလုံးပစ်လွှတ်ပေးနိုင်တဲ့ AI တင်းနစ်စက်ရုပ်များဟာ ကမ္ဘာတဝှမ်းရှိ တင်းနစ်ဝါသနာရှင်များကြား ရေပန်းစားလာလျက်ရှိပါတယ်။

#Asia_Technology
Published 24 September 2026
#တရုတ်နိုင်ငံ #AIတင်းနစ်စက်ရုပ်
#YMG #Yangon_Times #Yangon_Media_Group

#Daily_News
Published 24 September 2026

၁။‌ EPS-TOPIK ကုန်ထုတ် ဒုတိယအသုတ်အလုပ်ရှင်ရွေးချယ်မခံရသူများ အလုပ်လျှောက်လွှာသက်တမ်းတိုးနိုင်

‌‎၂။ ‌ရွှေတိဂုံစေတီတော်တွင် အသံမစဲမဟာပဋ္ဌာန်းရွတ်ဖတ်ပူဇော်ပွဲကျင်းပနေ

‎၃။‌‌‎ ဂျပန်ဘာသာအခြေခံအဆင့် သင်ကြားရေးနည်းစနစ်သင်တန်းအခမဲ့ဖွင့်လှစ်မည်

၄။‎ ‌‌‌‌‌‌‌‌‌နည်းပြငှားရမ်းစရာမလိုအပ်သော တရုတ်နိုင်ငံထုတ်AIတင်းနစ်စက်ရုပ်များ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၁၆ ကြိမ်မြောက် EPS-TOPIK ကုန်ထုတ်လုပ်ငန်း ဒုတိယအသုတ် အောင်မြင်ပြီး အလုပ်ရှင်ရွေးချယ်ခံရခြင်းမရှိသေးသူများအတွက် အလုပ်လျှောက်လွှာသက်တမ်းတိုးခေါ်ယူထားပါတယ်။

#Local_News
Published 24 September 2026
#EPS_TOPIK
#YMG/SW #Yangon_Times

ရွှေတိဂုံစေတီတော်တွင် ရန်ကုန်တိုင်းဒေသကြီးအစိုးရအဖွဲ့ကကြီးမှူး၍ အသံမစဲမဟာပဋ္ဌာန်းရွတ်ဖတ်ပူဇော်ပွဲကျင်းပနေ‌တယ်လို့သိရပါတယ် ။

#Local_News
Published 24 September 2026
#ရွှေတိဂုံစေတီတော်
#YMG/SW #Yangon_Times

ဂျပန်ဘာသာစကား သင်ကြားရေးဆရာများအတွက် ဂျပန်ဖောင်ဒေးရှင်းရန်ကုန် ဂျပန်ယဉ်ကျေးမှုစင်တာက “ဂျပန်ဘာသာအခြေခံအဆင့် သင်ကြားရေးနည်းစနစ်သင်တန်း”ကို အောက်တိုဘာလ ၁၀ ရက်ကနေ ဒီဇင်ဘာလ ၁၉ ရက်အထိ အခမဲ့ဖွင့်လှစ်သွားမယ်လို့သိရပါတယ်။

#Local_News
Published 24 September 2026
#ဂျပန်ဘာသာ
#YMG/SW #Yangon_Times

၂၀၂၆-၂၀၂၇ ဘဏ္ဍာနှစ် ငါးလတာကာလအတွင်း  ပြည်ပနိုင်ငံများသို့ အမေရိကန် ဒေါ်လာသန်း(၁၃၀၀ကျော်တန်ဖိုးရှိ ငါးမက်ထရစ်တန်ကိုးသောင်းကျော်တင်ပို့နိုင်ခဲ့တယ်လို့ ငါးလုပ်ငန်းဦးစီးဌာနကနေသိရပါတယ်။

#Local_News
Published 24 September 2026
#ငါး
#YMG/NN #Yangon_Times