#Local_News
Published 28 September 2026

■ ရန်ကုန်တိုင်းဒေသကြီး၊ ထန်းတပင်မြို့နယ်ရှိ အလုပ်သမားဆေးရုံ (ထန်းတပင်) တွင် အာမခံအလုပ်သမားများအတွက် ကျောက်ကပ်သွေးသန့်စင်ဆေးကြောသည့် ဝန်ဆောင်မှုတိုးချဲ့ပေးနိုင်ရေး ကျောက်ကပ်သန့်စင်စက် တပ်ဆင်၍စမ်းသပ်လည်ပတ်နေကြောင်း သိရသည်။

■ အဆိုပါ စမ်းသပ်လည်ပတ်မှုကို အလုပ်သမားဝန်ကြီးဌာန ပြည်ထောင်စုဝန်ကြီး ဦးခင်မောင်စိုးက ယနေ့နံနက်ပိုင်းတွင် သက်ဆိုင်ရာတာဝန်ရှိသူများနှင့်အတူ သွားရောက်ကြည့်ရှုစစ်ဆေးခဲ့ပြီး အောက်တိုဘာလအတွင်း အာမခံအလုပ်သမားလူနာများအား ကျောက်ကပ်သွေးသန့်စင်ပေးနိုင်ရေး လိုအပ်သည့် ဆေးပစ္စည်းများ အမြန်ဝယ်ယူရန်မှာကြားခဲ့သည်။

■ ထို့ပြင် ရွှေပြည်သာနှင့် လှိုင်သာယာမြို့နယ်များရှိ အာမခံအလုပ်သမားများအနေဖြင့် ကျောက်ကပ်သွေးသန့်စင်ကုသမှုခံယူလိုပါက အလုပ်သမားဆေးရုံ (ထန်းတပင်)တွင် လာရောက်ကုသနိုင်ရန် စီစဉ်ဆောင်ရွက်ပေးမည်ဖြစ်ကြောင်း လူမှုဖူလုံရေးအဖွဲ့ ညွှန်ကြားရေးမှူးချုပ်က တင်ပြခဲ့သည်။

■ ကျောက်ကပ်သွေးသန့်စင်လုပ်ငန်းအတွက် လိုအပ်သည့် ရေသန့်စက်တပ်ဆင်မှုများ ပြီးစီးပြီဖြစ်ပြီး ဆက်စပ်ပစ္စည်းများ ဝယ်ယူနိုင်ရေးဆောင်ရွက်နေကြောင်းလည်း သိရသည်။

■ လူမှုဖူလုံရေးအဖွဲ့အနေဖြင့် နာတာရှည်ကျောက်ကပ်ရောဂါခံစားနေရသည့် အာမခံအလုပ်သမားလူနာများအတွက် ၂၀၂၆ ခုနှစ် ဩဂုတ်လအထိ အလုပ်သမားဆေးရုံကြီး (ရန်ကုန်) တွင် လူနာ ၅၃၀ ဦးအား ကျောက်ကပ်သွေးသန့်စင်ဆေးကြောမှု ၃,၀၄၅ ကြိမ်နှင့် အလုပ်သမားဆေးရုံကြီး (မန္တလေး) တွင် လူနာ ၃၀၈ ဦးအား ၂,၅၄၂ ကြိမ် ဆောင်ရွက်ပေးခဲ့ကြောင်း သိရသည်။

#YMG/SW #Yangon_Times

#Local_News
Published 28 September 2026

■ ရန်ကုန်-မန္တလေးအမြန်လမ်းမကြီးပေါ်တွင် ယာဉ်မောင်းနှင်ရင်း TikTok ရိုက်သည့် Express ယာဉ်မောင်းကို အရေးယူရန်တိုင်ကြားထားရာ ယာဉ်လိုင်းအားပြင်းထန်စွာသတိပေးခြင်း၊Express ယာဉ်ကို Telematic ကတ်ဖြုတ်သိမ်းပြီး အမြန်လမ်းအသုံးပြုခွင့်ပိတ်သိမ်းခြင်းများအပြင် ယာဉ်မောင်းကိုလည်း တရားဥပဒေအရဆက်လက်အရေးယူနိုင်ရန်ဆောင်ရွက်သွားမည်ဖြစ်ကြောင်း ရန်ကုန်-မန္တလေး အမြန်လမ်းမကြီးထိန်းသိမ်းပြုပြင်ရေးနှင့် ကြီးကြပ်ရေးအဖွဲ့မှ အသိပေးထုတ်ပြန်ထားသည်။

■ ယာဉ်မောင်းနှင်နေစဉ် TikTok ရိုက်ကူးမှုများ အကြိမ်ကြိမ်ပြုလုပ်သည့် ရွှေလင်းယုန် Express ယာဉ်လိုင်းမှ ယာဉ်အမှတ် 2G-5403 ကိုမောင်းနှင်သည့် ယာဉ်မောင်းကို ဥပဒေအရအရေးယူပေးပါရန် အမြန်လမ်းမကြီးရဲတပ်ဖွဲ့သို့ တိုင်ကြားထားခြင်းဖြစ်သည်။

■ အဆိုပါ ယာဉ်မောင်းတင်သည့် TikTok ဗီဒီယိုများ၏ အောက်တွင် ယင်းကဲ့သို့ မပြုလုပ်သင့်ကြောင်း ဝေဖန်မှတ်ချက်ပြုသူများကိုလည်း ရိုင်းစိုင်းစွာတုံ့ပြန်ရေးသားခဲ့ကြောင်းသိရသည်။

■ ထို့ကြောင့် သတ်မှတ်စည်းကမ်းများကို လိုက်နာခြင်းမရှိသည့် ယာဉ်မောင်းအား ဥပဒေအရ ဆက်လက်အရေးယူနိုင်ရန် အမြန်လမ်းရဲတပ်ဖွဲ့ထံ သတင်းပေးပို့တိုင်ကြားခဲ့ခြင်းဖြစ်သည်။

■ အဆိုပါယာဉ်မောင်း၏ ပြုမူဆောင်ရွက်မှုများသည် အမြန်လမ်းမကြီးသုံးစွဲသည့် ခရီးသွားပြည်သူအားလုံးအတွက် အလွန်အန္တရာယ်ကြီးသည့် ကိစ္စဖြစ်ခြင်းကြောင့် ၎င်း Express ယာဉ်ကို Telematic ကတ်ဖြုတ်သိမ်းပြီး အမြန်လမ်းအသုံးပြုခွင့်ပိတ်သိမ်းလိုက်ကြောင်းသိရသည်။

■ ထို့အပြင် ရွှေလင်းယုန်ယာဉ်လိုင်းကိုလည်း ယခုလိုဖြစ်စဉ်များ ထပ်မံဖြစ်ပွားပါက ယာဉ်လိုင်းတစ်ခုလုံးကို အမြန်လမ်းသုံးစွဲခွင့် ပိတ်သိမ်းအရေးယူမည်ဖြစ်ကြောင်း ပြင်းထန်စွာသတိပေးထားကြောင်း ထုတ်ပြန်ချက်၌ဖော်ပြထားသည်။

#YMG/NN #Yangon_Times

#World_Health
Published 28 September 2026

■ ချွေးထုတ်ခန်းဝင်ခြင်း၊ ရေနွေးစိမ်ခြင်းတို့ကို မကြာခဏပြုလုပ်ပေးပါက ခန္ဓာကိုယ်ကို မြင့်မားတဲ့အပူချိန်တွေ ကျင့်ယူနိုင်စေဖို့ ကူညီပေးပါတယ်။

■ ပုံမှန်အပူဒဏ်ခံယူခြင်းက ချွေးထွက်စနစ် ပိုမိုကောင်းမွန်စေပြီး အရေပြားဆီသို့ သွေးလှည့်ပတ်မှု တိုးတက်စေကာ နှလုံးအပေါ် ဝန်ပိခြင်းကိုလည်း လျှော့ချပေးပါတယ်။

■ အပူဒဏ်နဲ့ ကျင့်သားရနေသူတွေဟာ ရေသောက်ဖို့ကို ပိုမိုဂရုစိုက်လာကြပြီး အပူလျှပ်တဲ့ ရှေ့ပြေးလက္ခဏာများကိုလည်း သတိပြုမိကြပါတယ်။

■ အပူဒဏ်ကျင့်ယူမှု ရရှိရန်အတွက် များသောအားဖြင့် တစ်ရက်ကို မိနစ် ၄၀ မှ ၆၀ အထိ၊ ၄ ရက်မှ ၆ ရက်ခန့် ပုံမှန်ပြုလုပ်ပေးရန် လိုအပ်ပါတယ်။

■ ဒီနည်းလမ်းကို ချက်ချင်းလုပ်ယူတာထက် ကြိုတင်ပြင်ဆင်တဲ့ အလေ့အကျင့်က ပိုပြီးထိရောက်နိုင်ပါတယ်။

■ အပူလှိုင်းဖြတ်နေစဉ်အတွင်း ချွေးထုတ်ခန်းဝင်ခြင်းက အပူဒဏ်ခံနေရပြီးသား ခန္ဓာကိုယ်မှာ နှလုံးနဲ့ သွေးကြောဆိုင်ရာ ဖိအားများကို ပိုမိုသက်ရောက်စေပါတယ်။

■ ရောဂါဝေဒနာ ခံစားနေရသူများ၊ ဖျားနာနေသူများ၊ ရင်ဘတ်အောင့်ရောဂါရှိသူများ၊ နှလုံးဖောက်ဖူးသူများနဲ့ သွေးဖိအားမမှန်သူများအနေဖြင့် အပူဒဏ်ခံယူခြင်းကို ရှောင်ကြဉ်ရပါမယ်။

■ ချွေးထုတ်ခန်းဝင်ခြင်းက ရေဝဝသောက်ခြင်းနဲ့ နေပူထဲ တိုက်ရိုက်ထွက်ခြင်းကို ရှောင်ကြဉ်ခြင်းတို့လို ပုံမှန်ကာကွယ်ရေး နည်းလမ်းများနေရာမှာတော့ အစားထိုးလို့မရနိုင်ကြောင်း ကျွမ်းကျင်သူများ ဆိုထားပါတယ်။

Source: The Guardian

#World_Health
Published 28 September 2026

■ အမေရိကန် FDA က အဆင့်မြင့် ပန်ကရိယကင်ဆာအတွက် သောက်ဆေးတစ်မျိုးဖြစ်တဲ့ Daraxonrasib ကို အသိအမှတ်ပြုလိုက်ပါတယ်။

■ ရောဂါဖြစ်ပွားစေတဲ့ အဓိကတွန်းအားဖြစ်တဲ့ RAS ပရိုတိန်းကို ဟန့်တားဖို့အတွက် ထုတ်ထားတဲ့ ပထမဆုံးကုသဆေး ဖြစ်ပါတယ်။

■ စမ်းသပ်မှုများအရ ပုံမှန်ဓာတုကုထုံးဖြင့် ၆.၇ လသာ အသက်ရှင်နိုင်မှုကို ၁၃.၂ လအထိ ၂ ဆတိုးတက်စေကြောင်း တွေ့ရှိရပါတယ်။

■ အခြားကုထုံးများ မတိုးတော့တဲ့ လူနာများ၊ အဆင့်လွန် ပန်ကရိယကင်ဆာ လူနာများအတွက် အသိအမှတ်ပြုထားခြင်း ဖြစ်ပါတယ်။

■ ဘေးထွက်ဆိုးကျိုးများအနေဖြင့် အဖုအပိမ့်ထွက်ခြင်း၊ ဝမ်းလျှောခြင်း၊ မောပန်းခြင်း၊ ပျို့အန်ခြင်း၊ ပါးစပ်အနာဖြစ်ခြင်းတို့ ပါဝင်ပြီး ဆေးပမာဏလျှော့ချရန် လိုအပ်နိုင်ပါတယ်။

■ အမေရိကန်ဈေးနှုန်းမှာ တစ်လကို ဒေါ်လာ ၃၉,၈၀၀ ခန့်ရှိနိုင်ပြီး တစ်နှစ်ကို ဒေါ်လာ ၄၇၇,၆၀၀ ခန့် ကျနိုင်ပါတယ်။

■ FDA အတည်ပြုချက်ရနိုင်ပေမယ့် အိန္ဒိယမှာတော့ ချက်ချင်းရနိုင်မှာမဟုတ်ဘဲ တရားဝင်ခွင့်ပြုချက်၊ တင်သွင်းမှု၊ ဈေးနှုန်းတို့က အဓိကစိန်ခေါ်မှု ဖြစ်နေပါတယ်။

■ ပန်ကရိယကင်ဆာအပြင် RAS ကြောင့်ဖြစ်တဲ့ အဆုတ်ကင်ဆာနဲ့ အူမကြီးကင်ဆာများကို ကုသဖို့အတွက်လည်း Daraxonrasib ကို ဆက်လက်စမ်းသပ်နေပါတယ်။

Source: Indian Express

ဧရာဝတီတိုင်းဒေသကြီးမအူပင်မြို့နယ်၌ အဆင့်မြင့်နည်းစနစ်များဖြင့် ဥစားကြက်များမွေးမြူပြီးထုတ်လုပ်မှုရဲ့ (၇၀)ရာခိုင်နှုန်းကို တိုင်းဒေသကြီး အတွင်းသို့တင်ပို့ ရောင်းချနေတယ်လို့သိရပါတယ်။

#Local_News
Published 27 September 2026
#ဥစားကြက်
#YMG/NN #Yangon_Times

#World_Health
Published 27 September 2026

■ နံနက်ခင်း လေ့ကျင့်ခန်းလုပ်ခြင်းဟာ ဆိုရှယ်မီဒီယာတွေပေါ်မှာ ရေပန်းစားပေမယ့် Open Heart ဂျာနယ်လေ့လာမှုတစ်ခုအရ ဒါဟာ လူတိုင်းနဲ့ သင့်တော်တာမျိုးတော့ မဟုတ်ဘူးလို့ ဖော်ပြထားပါတယ်။

■ လေ့ကျင့်ခန်းလုပ်ခြင်းရဲ့ ကျန်းမာရေး အကျိုးကျေးဇူးတွေဟာ လူတစ်ယောက်ရဲ့ သဘာဝခန္ဓာကိုယ်နာရီစက်ဝန်းနဲ့ ကိုက်ညီမှုရှိပုံအပေါ်မှာ အဓိကမူတည်နေပါတယ်။

■ နံနက်စောစော အိပ်ရာထတတ်သူတွေအတွက် နံနက်ပိုင်းလေ့ကျင့်ခန်းလုပ်ခြင်းက အကျိုးအရှိဆုံးဖြစ်ပြီး ညဉ့်နက်မှ အိပ်တတ်သူတွေအတွက်ကတော့ နေ့လယ်၊ ညနေပိုင်းတို့မှာ ပြုလုပ်ခြင်းက ပိုကောင်းနိုင်ပါတယ်။

■ လေ့ကျင့်ခန်းလုပ်ချိန်ကို ခန္ဓာကိုယ်လည်ပတ်စက်ဝန်းနဲ့ ချိန်ညှိခြင်းက သွေးဖိအား၊ သွေးတွင်းသကြားဓာတ်၊ ကိုလက်စထရောနဲ့ အိပ်စက်မှုအခြေအနေတို့ကို တိုးတက်ကောင်းမွန်စေပါတယ်။

■ လေ့ကျင့်ခန်းက ခန္ဓာကိုယ်စက်ဝန်းနဲ့ ကွက်တိမကျရင်တောင်မှ ဘယ်လိုကိုယ်လက်လှုပ်ရှားမှုမဆို သိသာထင်ရှားတဲ့ ကျန်းမာရေးအကျိုးကျေးဇူးတွေ ပေးစွမ်းနိုင်ပါသေးတယ်။

■ ညဉ့်နက်မှ အိပ်တတ်သူတွေအတွက် မနက်စောစောလေ့ကျင့်ခန်းလုပ်ဖို့ အတင်းအကျပ် ဖိအားပေးလုပ်ခြင်းက မောပန်းနွမ်းနယ်ပြီး ပုံမှန်လုပ်ဆောင်နိုင်စေမှာ မဟုတ်ပါဘူး။

■ နံနက်ပိုင်းပဲလုပ်ဖို့ အချိန်ရှိတယ်ဆိုရင် သွေးပူလေ့ကျင့်ခန်း ပိုကြာကြာလုပ်ပြီး ဖြည်းဖြည်းချင်း တိုးမြှင့်သွားခြင်းဖြင့် ခန္ဓာကိုယ်ကျင့်သားရစေနိုင်ပါတယ်။

■ လေ့ကျင့်ခန်းလုပ်ဖို့ အကောင်းဆုံးအချိန်ဆိုတာက ကိုယ်နဲ့ရင်းနှီးကျွမ်းဝင်ပြီး ပုံမှန်စွဲစွဲမြဲမြဲ လုပ်ဆောင်နိုင်ဖို့က ပိုအရေးကြီးပါတယ်။

Source: The Jerusalem Post

#World_Health
Published 27 September 2026

■ ကလေးတွေမှာ စကားပြောနှောင့်နှေးခြင်း၊ မျက်လုံးချင်းအကြည့် လျော့နည်းခြင်း၊ လူမှုဆက်ဆံရေးအားနည်းခြင်းတို့က မိဘများအနေဖြင့် လစ်လျူမရှုသင့်တဲ့ ဖွံ့ဖြိုးမှုဆိုင်ရာ လက္ခဏာများ ဖြစ်ပါတယ်။

■ ကလေးတစ်ဦးနဲ့ တစ်ဦး ဖွံ့ဖြိုးမှုနှုန်းထား မတူညီကြတဲ့အတွက် ဒီလက္ခဏာများ ရှိနေရုံမျှဖြင့် အော်တစ်ဇင်လို့ တိုက်ရိုက်သတ်မှတ်လို့ မရပါဘူး။

■ နာမည်ခေါ်ရင် ပြန်မထူးခြင်း၊ လူတွေနဲ့ ထိတွေ့ဆက်ဆံမှုကို ရှောင်လွှဲလိုခြင်းတို့လို လက္ခဏာတွေ ဒွန်တွဲတွေ့ရှိပါက စောစီးစွာ ဆေးစစ်ဆေးမှုခံယူရန် လိုအပ်ပါတယ်။

■ ကလေးက ယခင်ရရှိထားပြီးသား ဆက်သွယ်ပြောဆိုနိုင်တဲ့ ကျွမ်းကျင်မှုတွေကို ပြန်လည်ဆုံးရှုံးသွားပါက ကလေးအထူးကုဆရာဝန်နဲ့ ချက်ချင်းပြသဆွေးနွေးရန် အထူးအရေးကြီးပါတယ်။

■ စောစီးစွာ ရောဂါရှာဖွေစစ်ဆေးခြင်းဟာ ကလေးကို ချက်ချင်းရောဂါရှာဖွေနိုင်ခြင်း၊ အမှားအယွင်းမရှိ လိုအပ်တဲ့ သီးသန့်လိုအပ်ချက်များကို သိရှိစေဖို့ ကူညီပေးပါတယ်။

■ ငယ်စဉ်အခါမှာ ဖုန်း၊ ကွန်ပျူတာဖန်သားပြင်များ ကြည့်ရှုချိန် များပြားလွန်းခြင်းက လိုအပ်တဲ့ လူမှုဆက်ဆံရေးများကို အစားထိုးပစ်လိုက်သလိုမျိုး ဖြစ်စေပြီး ဆက်သွယ်ပြောဆိုမှု နောက်ကျခြင်း ပိုမိုဆိုးရွားစေနိုင်ပါတယ်။

■ မိဘများအနေဖြင့် ဖုန်း၊ တီဗီကြည့်ချိန်များအစား စာဖတ်ပြခြင်း၊ စကားပြောခြင်း၊ ဆော့ကစားခြင်းတို့လို လူချင်းတိုက်ရိုက်ဆက်ဆံချိန်ဖြင့် အစားထိုးပေးသင့်ပါတယ်။

■ ဖြစ်ပေါ်နေတဲ့ စိုးရိမ်ဖွယ်ရာများကို စောစီးစွာ ကိုင်တွယ်ဖြေရှင်းခြင်းဖြင့် လိုအပ်တဲ့ ပရော်ဖက်ရှင်နယ်အကူအညီများကို အချိန်မီရရှိစေပြီး ပိုမိုကျန်းမာစေတဲ့ ဖွံ့ဖြိုးတိုးတက်မှု ဖြစ်ပေါ်စေမှာ ဖြစ်ပါတယ်။

Source: India Today

တရုတ်ပြည်သူ့လွတ်မြောက်ရေးတပ်မတော် ရေတပ်၏ အမှတ် ၄၈ အစောင့်အကြပ်တာဝန်ထမ်းဆောင်ရေး ရေယာဉ်အုပ်စုသည် ကြာသပတေးနေ့ မွန်းလွဲပိုင်းတွင် ရန်ကုန်ဆိပ်ကမ်းသို့ရောက်ရှိခဲ့ပါတယ်။

#World_News
Published 25 September 2026
#တရုတ်ရေတပ်ရေယာဉ် #မြန်မာနိုင်ငံ
#YMG #Yangon_Times #Yangon_Media_Group

၂၀၂၆ ခုနှစ် တောင်ကြီးတန်ဆောင်တိုင် ရိုးရာမီးပုံးပျံပြိုင်ပွဲအတွက် စက်တင်ဘာ ၂၅ ရက်အထိ ပြိုင်ပွဲဝင်မီးပုံးပျံ စုစုပေါင်း ၃၉၂ လုံး စာရင်းပေးသွင်းထားတယ်လို့ သိရပါတယ်။

#Local_News
Published 26 September 2026
#တောင်ကြီးတန်ဆောင်တိုင် #မီးပုံးပျံပြိုင်ပွဲ
#YMG/SW #Yangon_Times

#Daily_News
Published 25 September 2026

၁။‌ တိရစ္ဆာန်ဆေးကုသရေးဆိုင်ရာ Zoo Veterinary Workshop ကို ငါးရက်ကြာပြုလုပ်ခဲ့

‌‎၂။ ‌ယာဉ်အိုယာဉ်ဟောင်းအပ်နှံမှုမှ ယခုလအတွင်း EV ကား ၃၄ စီး တင်သွင်းခွင့်ပြုမည်

‎၃။‌‌‎ တောင်ကြီးတန်ဆောင်တိုင် မီးပုံးပျံပြိုင်ပွဲ မီးပုံးပျံ ၃၉၂ လုံး ဝင်ရောက်ယှဉ်ပြိုင်မည်

၄။‎ တရုတ်ရေတပ်ရေယာဉ်အုပ်စု မြန်မာနိုင်ငံသို့နချစ်ကြည်ရေးခရီးရောက်ရှိ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ကုန်းလမ်းပို့ဆောင်ရေးညွှန်ကြားမှုဦးစီးဌာန(က.ည.န)ကို အပ်နှံခဲ့တဲ့ ယာဉ်အိုယာဉ်ဟောင်းတွေအနက်မှ ၃၄ စီး ကို EV ကားအဖြစ် အခုလအတွင်း
တင်သွင်းခွင့်ပြုသွားမယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနကအသိပေးထုတ်ပြန်ထားပါတယ်။

#Local_News
Published 26 September 2026
#ယာဉ်အိုယာဉ်ဟောင်း #EV
#YMG/NN #Yangon_Times

ရန်ကုန်မြို့က တိရစ္ဆာန်ဥယျာဉ်မှာ တိရစ္ဆာန်တွေရဲ့ကျန်းမာရေးနဲ့ ကောင်းကျိုးချမ်းသာရေးကို ပိုမိုကောင်းမွန်စွာစောင့်ရှောက်နိုင်ဖိုအတွက် Zoo Veterinary Workshop ကို ၅ ရက်တာကျင်းပပြုလုပ်ခဲ့ပါတယ်။

#Local_News
Published 26 September 2026
#Zoo_Veterinary_Workshop
#YMG/SW #Yangon_Times