ပူအာမြိုဟာ ကျင်းမိုင်တောင်ပေါ်ရှိ ရှေးဟောင်းလက်ဖက်ပင်များကို ဒီဂျစ်တယ်စနစ်ဖြင့် မှတ်တမ်းတင်ခြင်း ပြီးစီးခဲ့ပြီး ယင်းတိုကို ထိန်းသိမ်းစောင့်ရှောက်ရန် စမတ်စီမံခန့်ခွဲမှု ပလက်ဖောင်းတစ်ခုကို စတင်လိုက်ပါတယ်။

#Asia_Culture
Published 26 September 2026
#ကျင်းမိုင်တောင် #လက်ဖက်ပင်
#YMG #Yangon_Times #Yangon_Media_Group

အားကောင်းသောလေဖိအားနည်းရပ်ဝန်းဟာ ၂၄နာရီအတွင်း ပိုမိုအားကောင်းလာကာမုန်တိုင်းငယ်အဖြစ် ဧရာဝတီမြစ်ဝကျွန်းပေါ်ဒေသများသိုဖြတ်ကျော်နိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ ဒီကနေ့ ထုတ်ပြန်တဲ့ အားကောင်းသောလေဖိအားနည်းရပ်ဝန်းအခြေအနေ သတင်းထုတ်ပြန်ချက်အရသိရပါတယ်။

#Local_News
Published 26 September 2026
#လေဖိအားနည်းရပ်ဝန်း #မုန်တိုင်းငယ်
#YMG/NN #Yangon_Times

မိုးသည်းထန်မှုကြောင့် တနင်္သာရီတိုင်းရှိ မြို့နယ်အချို့၌ ရေကြီး၊ရေလျှံမှုများဖြစ်ပေါ်နေ၍ ဒေသခံတွေကိုဘေးလွတ်ရာကို ရွေ့ပြောင်းပေးနေတယ်လို့ တိုင်းဒေသကြီး အစိုးရအဖွဲ့ကနေသိရပါတယ်။

#Local_News
Published 26 September 2026
#မိုးသည်းထန်စွာရွာသွန်း #တနင်္သာရီတိုင်း
#YMG/NN #Yangon_Times

ကုန်စည်တွေမှာ ထုတ်လုပ်တဲ့ရက်စွဲနဲ့ သက်တမ်းကုန်ဆုံးရက်စွဲတွေကို Sticker နဲ့ ကပ်ဖော်ပြတာမပြုဘဲ ကုန်စည်ပေါ်မှာတိုက်ရိုက်ရိုက်နှိပ်ခြင်း ဒါမှမဟုတ် ပုံသွင်းခြင်းနဲ့ဖော်ပြရမှာဖြစ်ပြီး ၂၀၂၆ ခုနှစ် နိုဝင်ဘာ ၃၀ ရက်အထိ အသိပညာပေးကာလအဖြစ်ဆောင်ရွက်သွားမယ်လို့ စားသုံးသူရေးရာဦးစီးဌာနက အသိပေးထားပါတယ်။

#Local_News
Published 26 September 2026
#ကုန်စည်
#YMG/SW #Yangon_Times

မန္တလေးငလျင်ကြီးကြောင့် ထိခိုက်ခဲ့ရသူများ ပြန်လည်ထူထောင်ရေးအတွက် မြန်မာနိုင်ငံကြက်ခြေနီအသင်းက ရမည်းသင်း၊ ပျော်ဘွယ်နဲ့ သာစည်မြိုနယ်တွေမှာ အသက်မွေးဝမ်းကျောင်းလုပ်ငန်းအတွက် အကျိုးခံစားခွင့်ရှိတဲ့ အိမ်ထောင်စု ၇၂၄ စုကို ပထမအရစ် ငွေသားထောက်ပံ့မှုအဖြစ် ကျပ် ၂၀၈ ဒသမ ၉၅ သန်းကျော် ထောက်ပံ့ပေးခဲ့ပါတယ်။

#Local_News
Published 26 September 2026
#ငလျင် #မြန်မာနိုင်ငံကြက်ခြေနီအသင်း
#YMG/SW #Yangon_Times

#Daily_News
Published 26 September 2026

၁။‌ ငလျင်သင့်အိမ်ထောင်စု(၇၂၄)စုကို အသက်မွေးဝမ်းကျောင်း ငွေကျပ် ၂၀၈ သန်းကျော်ထောက်ပံ့

‌‎၂။ ‌ကုန်စည်များတွင် ထုတ်လုပ်ရက်နှင့်သက်တမ်းကုန်ဆုံးရက်တိုက်ရိုက်ဖော်ပြရန် အသိပညာပေး

‎၃။‌‌‎ လေဖိအားနည်းရပ်ဝန်းသည် ၂၄နာရီအတွင်းမုန်တိုင်းငယ်အဖြစ်ဧရာဝတီ မြစ်ဝကျွန်းပေါ်ဒေသများသို့ဖြတ်ကျော်နိုင်

၄။‎ ကျင်းမိုင်တောင်ပေါ်ရှိရှေးဟောင်းလက်ဖက်ပင်များအား ဒီဂျစ်တယ်မှတ်တမ်းတင်ခြင်းပြီးစီး... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 28 September 2026

■ အမေရိကန်က အီရန်ကို ပြန်လည်တိုက်ခိုက်လာပါက စစ်ပွဲပြန်လည်ဖြစ်ပွားရန် အပြည့်အဝပြင်ဆင်ထားပြီး “ကမ္ဘာပျက်နေ့စစ်ပွဲ” အထိ ဖြစ်လာသော်လည်း ရင်ဆိုင်မည်ဟု အီရန်နိုင်ငံခြားရေးဝန်ကြီး အဘတ်စ် အာရက်ချီက စက်တင်ဘာ ၂၇ ရက်တွင် NBC News ၏ Meet the Press အစီအစဉ်၌ ပြောကြားသည်။

■ တစ်ချိန်တည်းတွင် သံတမန်ရေးအရ ဆွေးနွေးရန်လည်း အသင့်ရှိပြီး ငြိမ်းချမ်းရေးအတွက် အခွင့်အလမ်းတစ်စုံတစ်ရာကို မလွတ်စေလိုကြောင်း ၎င်းက ပြောသည်။

■ အီရန်က ၎င်း၏သတ်မှတ်ချက်များ ပြည့်မီပါက ဟော်မုဇ်ရေလက်ကြား ပြန်ဖွင့်ရေးနှင့် အမေရိကန်နှင့် ဆွေးနွေးရေးကို အဆိုပြုထားသည်။

■ သမ္မတ ဒေါ်နယ်ထရမ့်က ယင်းအဆိုပြုချက်ကို ပယ်ချကြောင်း လူသိရှင်ကြား ပြောခဲ့သော်လည်း ကြားခံများမှတစ်ဆင့် အမေရိကန်၏ တရားဝင်တုံ့ပြန်ချက်ကို မရရှိသေးကြောင်း အာရက်ချီက ဆိုသည်။

■ ထရမ့်ကလည်း ယခုသီတင်းပတ်အတွင်း ကြားခံမှတစ်ဆင့် ဆွေးနွေးမှုများ ဆက်လုပ်ရန် မျှော်လင့်ကြောင်း ပြောထားသည်။

မူရင်းသတင်းရင်းမြစ် — WION

#Local_News
Published 28 September 2026

■ ကပ္ပလီပင်လယ်ပြင် မြောက်ပိုင်းနှင့် မြန်မာနိုင်ငံ မုတ္တမကွေ့၊ မွန်-တနင်္သာရီ ကမ်းရိုးတန်းတို့တွင် ဖြစ်ပေါ်နေသည့် အားကောင်းသောလေဖိအားနည်းရပ်ဝန်းသည် ယနေ့ စက်တင်ဘာ ၂၈ ရက် မြန်မာစံတော်ချိန် မွန်းလွဲ ၁၂ နာရီ ၃၀ မိနစ်တွင် မုန်တိုင်းငယ် (Depression) အဖြစ်သို့ ရောက်ရှိလာပြီး အနီရောင်အဆင့် သတ်မှတ်ထားကြောင်းမိုးလေဝသနှင့်ဇလဗေဒညွန်ကြားမှုဦးစီးဌာနမှ ထုတ်ပြန်ထားသည်။

■ မိုးလေဝသနှင့် ဇလဗေဒဆိုင်ရာ တိုင်းထွာချက်များအရ အဆိုပါမုန်တိုင်းငယ်သည် မြောက်-အနောက်မြောက်ဘက်သို့ ရွေ့လျားနေပြီး မော်လမြိုင်မြို့၏ တောင်ဘက် ရေမိုင် ၅၀ ခန့်၊ သုံးခွမြို့၏ အရှေ့တောင်ဘက် ရေမိုင် ၉၅ ခန့်နှင့် ပဲခူးမြို့၏ တောင်-အရှေ့တောင်ဘက် ရေမိုင် ၁၂၀ ခန့်အကွာ ပင်လယ်ပြင်ကို ဗဟိုပြုနေသည်။

■ စက်တင်ဘာ ၂၈ ရက် မြန်မာစံတော်ချိန် ၁၂ နာရီ ၃၀ မိနစ် တိုင်းထွာချက်အရ မုန်တိုင်းငယ်သည် မြောက်လတ္တီကျု ၁၅.၆ ဒီဂရီနှင့် အရှေ့လောင်ဂျီကျု ၉၇.၆ ဒီဂရီတွင် တည်ရှိပြီး ဗဟိုချက်လေဖိအားမှာ ၁၀၀၂ ဟက်တိုပါစကယ်ရှိကာ အမြင့်ဆုံးလေတိုက်နှုန်းမှာ တစ်နာရီ ၃၅ မိုင်ခန့်ရှိသည်။

■ အဆိုပါမုန်တိုင်းငယ်သည် မြန်မာနိုင်ငံ၊ မုတ္တမကွေ့အနီးမှ ဖြတ်ကျော်နိုင်သည့် အခြေအနေရှိသဖြင့် လက်ရှိအခြေအနေကို အနီရောင်အဆင့်အဖြစ် သတ်မှတ်ထားခြင်းဖြစ်သည်။

■ မုန်တိုင်းငယ်သည် နောက် ၁၂ နာရီအတွင်း ပိုမိုအားကောင်းလာကာ အားကောင်းသောမုန်တိုင်းငယ် (Deep Depression) အဖြစ် ရောက်ရှိနိုင်ပြီး ရန်ကုန်တိုင်းဒေသကြီး သုံးခွမြို့နှင့် မွန်ပြည်နယ် ကျိုက်ထိုမြို့တို့အကြားမှ ဖြတ်ကျော်နိုင်ကြောင်း ခန့်မှန်းထားသည်။

■ ထို့နောက် နောက် ၃၆ နာရီအတွင်း မြောက်-အနောက်မြောက်ဘက်သို့ ဆက်လက်ရွေ့လျားကာ ရန်ကုန်တိုင်းဒေသကြီး၊ ပဲခူးတိုင်းဒေသကြီးနှင့် မကွေးတိုင်းဒေသကြီးတို့ကို ဆက်လက်ဖြတ်ကျော်နိုင်သည်ဟု ခန့်မှန်းထားသည်။

■ မုန်တိုင်းငယ်၏ အရှိန်ကြောင့် စက်တင်ဘာ ၂၈ ရက် မွန်းလွဲပိုင်းမှ စက်တင်ဘာ ၃၀ ရက်အတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကယားပြည်နယ်၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ် (တောင်ပိုင်း)တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာနိုင်ပြီး ဒေသအလိုက်နှင့် နေရာကွက်၍ မိုးကြီးနိုင်ကြောင်း သိရသည်။

■ မြစ်ဝကျွန်းပေါ်ဒေသ၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများ ကျရောက်နိုင်ပြီး လှိုင်းကြီးနိုင်သည်။

■ မိုးသက်လေပြင်းကျရောက်ချိန်တွင် ရေပြင်နှင့် မြေပြင်လေသည် တစ်နာရီလျှင် ၃၅ မိုင်မှ မိုင် ၄၀ အထိ တိုက်ခတ်နိုင်ပြီး လှိုင်းအမြင့်မှာ ၁၀ ပေမှ ၁၂ ပေခန့်အထိ ရှိနိုင်သည်။

■ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင်လည်း တစ်ခါတစ်ရံ မိုးသက်လေပြင်းများ ကျရောက်နိုင်ပြီး လှိုင်းအသင့်အတင့်မှ လှိုင်းကြီးနိုင်သည်။

■ မိုးသက်လေပြင်းကျရောက်ချိန်တွင် ရေပြင်နှင့် မြေပြင်လေသည် တစ်နာရီလျှင် ၂၅ မိုင်မှ မိုင် ၃၀ အထိ တိုက်ခတ်နိုင်ကာ လှိုင်းအမြင့်မှာ ၈ ပေမှ ၁၀ ပေခန့် ရှိနိုင်သည်။

■ မုန်တိုင်းငယ်၏ အရှိန်ကြောင့် မိုးသည်းထန်စွာရွာသွန်းခြင်း၊ လေပြင်းတိုက်ခတ်ခြင်း၊ ရုတ်တရက်ရေကြီးရေလျှံခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်သဖြင့် မြစ်ဝကျွန်းပေါ်ဒေသ၊ မုတ္တမကွေ့နှင့် ကမ်းရိုးတန်းဒေသများတွင် နေထိုင်သူများအနေဖြင့် မိုးသည်းထန်စွာရွာသွန်းခြင်း၊ မိုးသက်လေပြင်းတိုက်ခတ်ခြင်း၊ ရုတ်တရက်ရေကြီးရေလျှံမှုများကို ကြိုတင်သတိပြုရန် လိုအပ်ကြောင်း အသိပေးထားသည်။

■ ထို့အပြင် ပြည်တွင်းလေကြောင်းပျံသန်းရေးလုပ်ငန်းများ၊ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်ရှိ ကမ်းနီး၊ ကမ်းဝေး ငါးဖမ်းရေယာဉ်များနှင့် သင်္ဘောများအနေဖြင့်လည်း မုန်တိုင်းငယ်၏ အရှိန်ကြောင့် ဖြစ်ပေါ်နိုင်သည့် မိုးသက်လေပြင်းနှင့် လှိုင်းကြီးမှုများကို ကြိုတင်သတိပြုရှောင်ရှားကြရန် အသိပေးနှိုးဆော်ထားသည်။

#YMG/SW #Yangon_Times

ရန်ကုန်၊ စက်တင်ဘာ ၂၈။ ကပ္ပလီပင်လယ်ပြင်မြောက်ပိုင်းနှင့် မုတ္တမကွေ့အနီးတွင် ဖြစ်ပေါ်နေသည့် လေဖိအားနည်းရပ်ဝန်းသည် ယနေ့ မွန်းလွဲပိုင်းတွင် မုန်တိုင်းငယ်အဖြစ် အားကောင်းလာပြီး မြန်မာနိုင်ငံကို ဖြတ်ကျော်နိုင်သဖြင့် အနီရောင်အဆင့် သတ်မှတ်ထားကြောင်း မြန်မာစံတော်ချိန် ၁ နာရီတွင် ထုတ်ပြန်သည့် မုန်တိုင်းငယ်သတိပေးချက် အမှတ်စဉ် (၀၁/၂၀၂၆) တွင် ဖော်ပြထားသည်။

မွန်းလွဲ ၁၂ နာရီခွဲ တိုင်းထွာချက်အရ မုန်တိုင်းငယ်၏ ဗဟိုချက်သည် မော်လမြိုင်မြို့၏ တောင်ဘက် ရေမိုင် ၅၀ ခန့်အကွာ ပင်လယ်ပြင်တွင် ရှိပြီး အမြင့်ဆုံးလေတိုက်နှုန်းမှာ တစ်နာရီလျှင် ၃၅ မိုင်ခန့် ဖြစ်သည်။ မုန်တိုင်းငယ်သည် မြောက်–အနောက်မြောက်ဘက်သို့ ရွေ့လျားကာ နောက် ၁၂ နာရီအတွင်း အားကောင်းသောမုန်တိုင်းငယ် အဖြစ်သို့ ရောက်ရှိပြီး ရန်ကုန်တိုင်းဒေသကြီး သုံးခွမြို့နှင့် မွန်ပြည်နယ် ကျိုက်ထိုမြို့ကြားမှ ဖြတ်ကျော်နိုင်ကြောင်း ခန့်မှန်းထားသည်။ ထို့နောက် ရန်ကုန်၊ ပဲခူးနှင့် မကွေးတိုင်းဒေသကြီးတို့ကို ဆက်လက်ဖြတ်ကျော်နိုင်သည်။

မုန်တိုင်းငယ်၏အရှိန်ကြောင့် ယနေ့မွန်းလွဲမှ စက်တင်ဘာ ၃၀ ရက်အတွင်း နေပြည်တော်၊ ရန်ကုန်၊ မန္တလေး၊ ပဲခူး၊ မကွေး၊ ဧရာဝတီနှင့် တနင်္သာရီတိုင်းဒေသကြီးများ၊ ကယား၊ ကရင်၊ မွန်၊ ရခိုင်ပြည်နယ်များနှင့် ရှမ်းပြည်နယ်တောင်ပိုင်းတို့တွင် မိုးထစ်ချုန်းရွာပြီး ဒေသအလိုက် သို့မဟုတ် နေရာကွက်၍ မိုးကြီးနိုင်သည်။

မြစ်ဝကျွန်းပေါ်၊ မုတ္တမကွေ့နှင့် မွန်–တနင်္သာရီကမ်းရိုးတန်းတစ်လျှောက်တွင် မိုးသက်လေပြင်းကျစဉ် လေတိုက်နှုန်း တစ်နာရီလျှင် ၃၅ မိုင်မှ ၄၀ မိုင်အထိ၊ လှိုင်းအမြင့် ၁၀ ပေမှ ၁၂ ပေအထိ ရှိနိုင်သည်။ ရခိုင်ကမ်းရိုးတန်းတွင် လေတိုက်နှုန်း တစ်နာရီလျှင် ၂၅ မိုင်မှ ၃၀ မိုင်အထိနှင့် လှိုင်းအမြင့် ၈ ပေမှ ၁၀ ပေအထိ ရှိနိုင်ကြောင်း သတိပေးထားသည်။

မိုးသည်းထန်ခြင်းနှင့် လေပြင်းတိုက်ခတ်ခြင်းတို့ကြောင့် ရုတ်တရက်ရေကြီးခြင်း၊ ရေလျှံခြင်းနှင့် မြေပြိုခြင်းများ ဖြစ်ပေါ်နိုင်သဖြင့် ကမ်းရိုးတန်းနှင့် မြစ်ဝကျွန်းပေါ်ဒေသနေပြည်သူများ၊ ပြည်တွင်းလေကြောင်းပျံသန်းရေးလုပ်ငန်းများ၊ ငါးဖမ်းရေယာဉ်များနှင့် သင်္ဘောများ ကြိုတင်သတိပြုကြရန် ထုတ်ပြန်ချက်တွင် နှိုးဆော်ထားသည်။

ရင်းမြစ် — ၂၀၂၆ ခုနှစ် စက်တင်ဘာ ၂၈ ရက်၊ မြန်မာစံတော်ချိန် ၁၃:၀၀ နာရီ ထုတ်ပြန်သည့် မုန်တိုင်းငယ်သတိပေးချက် အမှတ်စဉ် (၀၁/၂၀၂၆)။

#World_News
Published 28 September 2026

■ စက်တင်ဘာ ၂၇ ရက်နေ့ အင်္ဂလန်နိုင်ငံ RAF Fairford လေတပ်စခန်းအနီးမှာ ကြီးမားတဲ့ဖြစ်စဉ်တစ်ခု ဖြစ်ခဲ့တယ်လို့ ဗြိတိန်ရဲတပ်ဖွဲ့က သတ်မှတ်ကြေညာခဲ့ပါတယ်။

■ ပေါက်ကွဲစေတတ်တဲ့ ပစ္စည်းနဲ့ အကြမ်းဖက်မှုဆန့်ကျင်ရေး ဥပဒေများဖြင့် သံသယရှိသူ အမျိုးသား ၅ ဦးကို ဖမ်းဆီးထိန်းသိမ်းခဲ့ပါတယ်။

■ အဆိုပါ လေတပ်စခန်းထံ ဦးတည်မောင်းနှင်လာတဲ့ သံသယဖြစ်ဖွယ် မော်တော်ယာဉ် ၃ စီးကို ရဲတပ်ဖွဲ့က ကြားဖြတ်ဟန့်တားနိုင်ခဲ့ပါတယ်။

■ ဗုံးရှင်းလင်းရေး အဖွဲ့များနဲ့ စက်ရုပ်များဖြင့် မော်တော်ယာဉ်များကို စစ်ဆေးခဲ့ပြီး အနီးအနားရှိ နေအိမ်များကို အရေးပေါ်ရွှေ့ပြောင်းပေးခဲ့ပါတယ်။

■ RAF Fairford က အီရန်ပစ်မှတ်များကို တိုက်ခိုက်တဲ့ အမေရိကန်လေတပ် ဗုံးကျဲလေယာဉ်များအတွက် အဓိကအခြေစိုက်စခန်းတစ်ခု ဖြစ်ပါတယ်။

■ အမေရိကန်ရဲ့ တိုက်ခိုက်မှုများကို ထောက်ပံ့ပေးနေတဲ့ စခန်းတွေဟာ တရားဝင်တိုက်ခိုက်ရမယ့် ပစ်မှတ်များဖြစ်ကြောင်း အီရန်တော်လှန်ရေး အစောင့်တပ်ဖွဲ့က ယခင်တည်းက ကြေညာထားပါတယ်။

■ ရဲတပ်ဖွဲ့က လေတပ်စခန်းသို့ ဝင်ရောက်တဲ့ လမ်းကြောင်းများကို စက်ယန္တရားကြီးများနဲ့ လက်နက်ကိုင်ကင်းလှည့်တပ်ဖွဲ့များသုံးပြီး လုံခြုံရေးတင်းကြပ်ထားပါတယ်။

■ ဗြိတိန်နိုင်ငံအတွင်းရှိ အခြားအမေရိကန်စခန်းတွေမှာလည်း လုံခြုံရေးအဆင့်မြှင့်တင်ထားပါတယ်။

Source: Reuters

#Local_News
Published 28 September 2026

■ အောက်တိုဘာလအတွင်းဒေသအချို့၌ နေ့ညအပူချိန်များ မြင့်တက်နိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၏ အောက်တိုဘာလ လပတ်အတွက် မိုးလေ၀သနှင့် ဇလဗေဒခန့်မှန်းချက်အရ သိရသည် ။

■ နေ့အပူချိန်များမှာ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး အောက်ပိုင်းနှင့်ကချင်ပြည်နယ်တို့တွင် အောက်တိုဘာလ ပျမ်းမျှအပူချိန်၏ ၁.၅ ဒီဂရီဆဲလ်စီးယပ်နှင့်အထက်ပိုနိုင်ပြီး ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ဧရာ၀တီတိုင်းဒေသကြီး၊ တနင်္သာရီတိုင်းဒေသကြီး၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် အောက်တိုဘာလ ပျမ်းမျှအပူချိန်ခန့်သာရှိနိုင်ကြောင်းသိရသည်။

■ ညအပူချိန်များမှာ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်းနှင့်ကချင်ပြည်နယ်တို့တွင် အောက်တိုဘာလ ပျမ်းမျှအပူချိန်၏ ၁.၅ ဒီဂရီဆဲလ်စီးယပ် နှင့်အထက်ပိုနိုင်ပြီး ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ဧရာ၀တီတိုင်းဒေသကြီး၊ တနင်္သာရီတိုင်းဒေသကြီး၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် အောက်တိုဘာလ ပျမ်းမျှအပူချိန်ခန့်သာရှိနိုင်ကြောင်းသိရသည်။

■ မြစ်ရေအခြေအနေများမှာ ၂၀၂၆ ခုနှစ်၊ အောက်တိုဘာလအတွင်း စစ်တောင်းမြစ်ရေသည် တောင်ငူမြို့နှင့် မဒေါက်မြို့ တို့တွင် (၁) ကြိမ်ခန့်စီ၊ ရွှေကျင်မြစ်ရေသည် ရွှေကျင်မြို့တွင် (၁) ကြိမ်ခန့်၊ ပဲခူးမြစ်ရေသည် ပဲခူးမြို့ တွင် (၁) ကြိမ်ခန့်၊ သံလွင်မြစ်ရေသည် ဘားအံမြို့တွင် (၁) ကြိမ်ခန့်နှင့် သောင်ရင်းမြစ်ရေသည် မြဝတီမြို့တွင် (၁) ကြိမ်ခန့် ယင်းမြို့များ၏ စိုးရိမ်ရေမှတ် အသီးသီးအထက်သို့ ကျော်လွန်ရောက်ရှိနိုင်ကြောင်းသိရသည်။

#YMG/NN #Yangon_Times

#Local_News
Published 28 September 2026

■ လာမည့်နွေရာသီတွင် လျှပ်စစ်ဓာတ်အားသုံးစွဲမှု မြင့်တက်လာချိန်၌ ဓာတ်အားပိုမိုဖြန့်ဖြူးပေးနိုင်ရေးအတွက် ပင်မဓာတ်အားခွဲရုံများနှင့် ဖြန့်ဖြူးရေးဓာတ်အားလိုင်းများ ကြံ့ခိုင်ကောင်းမွန်စေရေး ဆောင်ရွက်ထားမှုများကို ရန်ကုန်လျှပ်စစ်ဓာတ်အားပေးရေးကော်ပိုရေးရှင်း (YESC) ဥက္ကဋ္ဌ ဦးအောင်ကျော်ဦးက တာဝန်ရှိသူများနှင့်အတူ ယမန်နေ့က ကွင်းဆင်းစစ်ဆေးခဲ့‌ေကြာင်း သိရသည်။

■ ထိုသို့ ကွင်းဆင်းစစ်ဆေးရာတွင် မရမ်းကုန်းမြို့နယ်ရုံး ဓာတ်အားခွဲရုံ၊ တော်ဝင်ဓာတ်အားခွဲရုံ၊ ၁၀ မိုင်ဓာတ်အားခွဲရုံ၊ လှော်ကားပင်မဓာတ်အားခွဲရုံနှင့် ရွာမဓာတ်အားပေးစက်ရုံတို့၏ ဓာတ်အားဖြန့်ဖြူးပေးနေမှုနှင့် ကြံ့ခိုင်ရေးဆောင်ရွက်ထားမှုများကို ကြည့်ရှုစစ်ဆေးခဲ့ခြင်းဖြစ်သည်။

■ လာမည့်နွေရာသီ ဓာတ်အားသုံးစွဲမှုမြင့်မားချိန်တွင် ဓာတ်အားပိုမိုဖြန့်ဖြူးပေးနိုင်ရေးအတွက် ဖီဒါအသစ်များ တိုးချဲ့တပ်ဆင်ခြင်း၊ ဝန်အားမျှတစွာ ဖြန့်ဖြူးပေးခြင်းတို့ကို ဆောင်ရွက်ရန်နှင့် ဓာတ်အားလိုင်းများ၊ ထရန်စဖော်မာများ ကြံ့ခိုင်မှုရှိစေရေး ကြိုတင်စစ်ဆေးပြုပြင်ထိန်းသိမ်းမှုများ ဆောင်ရွက်ထားရန် YESC ဥက္ကဋ္ဌက မှာကြားခဲ့ကြောင်း သိရသည်။

#YMG/SW #Yangon_Times