#World_Health
Published 12 February 2026

■ ပရိုတိန်းဓာတ်ဆိုတာက ခန္ဓာကိုယ်ထဲက လုပ်ဆောင်ချက်အားလုံးနီးပါးမှာ ပါဝင်ကြောင်း Simply Wellness တည်ထောင်သူ အစာအာဟာရပညာရှင် ဆမန်သာပီတာဆန်က ရှင်းပြပါတယ်။

■ ပရိုတိန်းမလုံလောက်ရင် နွမ်းနယ်ခြင်း၊ အားပြန်မပြည့်ခြင်း၊ အာရုံစူးစိုက်မှု လျော့နည်းခြင်း၊ မကြာခဏဆာလောင်ခြင်းတို့ ဖြစ်နိုင်ပါတယ်။

■ ကြက်ဥတစ်လုံးထက် ပိုပြီးပရိုတိန်းပါဝင်တဲ့ အစားအစာ ၃ မျိုးကို ဖော်ပြထားပါတယ်။

■ (၁) စက်မှုလျှော်စေ့
ထမင်းစားဇွန်း ၃ ဇွန်းစားရင် ပရိုတိန်း ၁၀ ဂရမ်ခန့် ရနိုင်သလို မရှိမဖြစ် အမိုင်နိုအက်ဆစ်အားလုံးလည်း ပါဝင်ကာ အမျှင်ဓာတ်၊ အိုမီဂါ-၃ ဖက်တီးအက်ဆစ်တို့လည်း ကြွယ်ဝပါတယ်။

■ (၂) ဖရုံစေ့
ဖရုံစေ့ ၁ အောင်စမှာ ပရိုတိန်း ၈ ဂရမ်ခန့် ပါဝင်ပြီး မဂ္ဂနီဆီယံ၊ ဇင့်၊ သံဓာတ်တို့ ကြွယ်ဝကာ အိပ်စက်မှု၊ ကိုယ်ခံအားလုပ်ဆောင်ချက်၊ စွမ်းအားထုတ်လုပ်မှုတို့ကို တိုးတက်စေပါတယ်။

■ (၃) မြေပဲ
မြေပဲ ခွက် ၄ ပုံ ၁ ပုံမှာ ပရိုတိန်း ၁၁ ဂရမ်ပါဝင်ပြီး မပြည့်ဝဆီကြွယ်ဝတာကြောင့် နှလုံးကျန်းမာရေး အထောက်အကူဖြစ်စေသလို ကိုလက်စထရောပမာဏ ကျစေပြီး အူလမ်းကြောင်းကျန်းမာရေးလည်း အထောက်အကူပြုပါတယ်။

Source: Yahoo News

#Local_News
Published 12 February 2026

▪️ ယမန်နေ့ညကရန်ကင်းရှိ Stone KTV မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဖေဖော်ဝါရီလ၁၁ရက် ည ၂၂ နာရီ၄၃ မိနစ်အချိန်ခန့်၊ ရန်ကုန်တိုင်းဒေသကြီး၊ ရန်ကင်းမြို့နယ်၊ (၁၅)ရပ်ကွက်၊ မိုးကောင်းလမ်းရှိ Stone KTV မီးလောင်မှုဖြစ်ပွားကြောင်း သတင်းရရှိသဖြင့် ရန်ကင်းမြို့နယ်မီးသတ်စခန်းမှ မီးသတ်ယာဉ်များ ထွက်ခွာငြှိမ်းသတ်လျက်ခဲ့ရာ ည၂၃နာရီ ၂၉ မိနစ်အချိန် တွင် မီးငြိမ်းသတ်နိုင်ခဲ့‌ကြောင်းသိရသည်။

▪️ အဆိုပါ မီးလောင်မှုဖြစ်ပွားရာနေရာသို့ အနာဂတ်အလင်းတန်းပရဟိတအသင်း မှ No.3မီးသတ်အထောက်ကူပြုယာဉ်တစ်စီးနှင့်စေတနာ့ဝန်ထမ်း(၆)ဦးထွက်ခွါ၍ မီးလောင်မှုဖြစ်ပွားရာနေရာတွင် မီးငြိမ်းသတ်ရေးလုပ်ငန်းများအား မီးသတ်တပ်ဖွဲ့ဝင်များ၊လူမှုကူညီရေးပရဟိတအသင်းအဖွဲ့များနှင့်အတူပူးပေါင်း၍လိုအပ်သည်များအားကူညီဆောင်ရွက်ပေးခဲ့‌ကြောင်းသိရသည်။

#YMG/SW #Yangon_Times

#Local_News
Published 12 February 2025

▪️ တိုင်းဒေသကြီးနှင့်ပြည်နယ် ၁၄ ခုအတွက် တပ်မတော်သား တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော်ကိုယ်စားလှယ် ၂၀၂ ဦးအား UEC က ဖေဖော်ဝါရီလ ၁၁ ရက်တွင် အတည်ပြုထုတ်ပြန်လိုက်သည်။

▪️ ၂၀၂၅ ခုနှစ်၊ ဒီဇင်ဘာလ ၂၈ ရက်နေ့မှစတင်၍ အပိုင်းလိုက်ကျင်းပခဲ့သည့် ပါတီစုံဒီမိုကရေစီ အထွေထွေရွေးကောက်ပွဲတွင် တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော်အတွက် တပ်မတော်ကာကွယ်ရေးဦးစီးချုပ်က တိုင်းဒေသကြီးလွှတ်တော် သို့မဟုတ် ပြည်နယ် လွှတ်တော် ရွေးကောက်ပွဲဥပဒေ အခန်း ( ၈ ) ပါ ပြဋ္ဌာန်းချက်များနှင့်အညီ အမည်စာရင်းပေးပို့လာသည့် တပ်မတော်သားများအား ပြည်ထောင်စုရွေးကောက်ပွဲကော်မရှင်က စိစစ်ပြီးဖြစ်၍ တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော် ရွေးကောက်ပွဲဥပဒေ ပုဒ်မ ၃၁ အရ တပ်မတော်သား တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော်ကိုယ်စားလှယ်များ ဖြစ်ကြောင်း အဆိုပါထုတ်ပြန်ချက်တွင်ဖော်ပြထားသည်။

▪️ ယင်းတွင် ကချင်ပြည်နယ်လွှတ်တော်အတွက် ဗိုလ်မှူးကြီး ၂ ဦး၊ ဒုတိယဗိုလ်မှူးကြီး ၁ ဦးနှင့် ဗိုလ်ကြီး ၈ ဦး၊ ကယားပြည်နယ်လွှတ်တော်အတွက် ဗိုလ်မှူးကြီး ၂ ဦးနှင့် ဗိုလ်ကြီး ၂ ဦး၊ ကရင်ပြည်နယ်လွှတ်တော်အတွက် ဗိုလ်မှူးကြီး ၂ ဦး၊ ဒုတိယဗိုလ်မှူးကြီး ၁ ဦးနှင့် ဗိုလ်ကြီး ၂ ဦး၊ ချင်းပြည်နယ်လွှတ်တော်အတွက် ဗိုလ်မှူးကြီး ၂ ဦး၊ ဗိုလ်မှူး ၁ ဦးနှင့် ဗိုလ်ကြီး ၁ ဦး ။
စစ်ကိုင်းတိုင်းဒေသကြီးလွှတ်တော်အတွက် ဗိုလ်မှူးကြီး ၂ ဦး၊ ဒုတိယဗိုလ်မှူးကြီး ၁ ဦး၊ ဗိုလ်မှူး ၉ ဦးနှင့် ဗိုလ်ကြီး ၉ ဦး၊ တနင်္သာရီတိုင်းဒေသကြီးလွှတ်တော်အတွက် ဗိုလ်မှူးကြီး ၂ ဦး၊ ဒုတိယဗိုလ်မှူးကြီး ၁ ဦး၊ ဗိုလ်မှူး ၁ ဦးနှင့် ဗိုလ်ကြီး ၃ ဦး၊ ပဲခူးတိုင်းဒေသကြီးအတွက် ဗိုလ်မှူးကြီး ၂ ဦး၊ ဗိုလ်မှူး ၇ ဦးနှင့် ဗိုလ်ကြီး ၁၀ ဦး၊ မကွေးတိုင်းဒေသကြီးလွှတ်တော်အတွက် ဗိုလ်မှူးကြီး ၂ ဦး၊ ဒုတိယဗိုလ်မှူးကြီး ၁ ဦး၊ ဗိုလ်မှူး ၆ ဦးနှင့် ဗိုလ်ကြီး ၆ ဦး၊ မန္တလေးတိုင်းဒေသကြီးလွှတ်တော်အတွက် ဗိုလ်မှူးကြီး ၂ ဦး၊ ဒုတိယဗိုလ်မှူးကြီး ၅ ဦး၊ ဗိုလ်မှူး ၃ ဦးနှင့် ဗိုလ်ကြီး ၈ ဦး။ မွန်ပြည်နယ်လွှတ်တော်အတွက် ဗိုလ်မှူးချုပ် ၁ ဦး၊ ဗိုလ်မှူးကြီး ၂ ဦး၊ ဗိုလ်မှူး ၃ ဦးနှင့် ဗိုလ်ကြီး ၂ ဦး၊ ရခိုင်ပြည်နယ်လွှတ်တော်အတွက် ဗိုလ်မှူးကြီး ၂ ဦး၊ ဗိုလ်မှူး ၁ ဦးနှင့် ဗိုလ်ကြီး ၄ ဦး၊ ရန်ကုန်တိုင်းဒေသကြီးလွှတ်တော်အတွက် ဗိုလ်မှူးကြီး ၂ ဦး၊ ဒုတိယဗိုလ်မှူးကြီး ၄ ဦး၊ ဗိုလ်မှူး ၁၄ ဦး၊ ဗိုလ်ကြီး ၁၁ ဦး၊ ရှမ်းပြည်နယ်လွှတ်တော်အတွက် ဗိုလ်မှူးကြီး ၂ ဦး၊ ဒုတိယဗိုလ်မှူးကြီး ၄ ဦး၊ ဗိုလ်မှူး ၁၅ ဦးနှင့် ဗိုလ်ကြီး ၁၂ ဦး၊ ဧရာဝတီတိုင်းဒေသကြီးလွှတ်တော်အတွက် ဗိုလ်မှူးကြီး ၂ ဦး၊ ဗိုလ်မှူး ၆ ဦး၊ ဗိုလ်ကြီး ၁၀ ဦး ဖြစ်ကြောင်းသိရသည်။

#YMG/PP #Yangon_Times

#World_Health
Published 12 February 2026

■ သက်သက်လွတ်စားသုံးခြင်းရဲ့ အကျိုးကျေးဇူးတွေထဲမှာ ကိုယ်အလေးချိန် ထိန်းသိမ်းခြင်း၊ နှလုံးရောဂါ ဆီးချိုရောဂါတို့ ဖြစ်နိုင်ခြေလျော့နည်းခြင်း၊ အူလမ်းကြောင်း ကျန်းမာရေးကောင်းမွန်ခြင်း၊ သွေးပေါင်ချိန်ကျခြင်းတို့တွေ ပါဝင်ပါတယ်။

■ အသီးအနှံ၊ ဟင်းရွက်၊ ဆန်ပြောင်းဂျုံ၊ ပဲအမျိုးမျိုး၊ အခွံမာသီးများနဲ့ အစေ့အဆန်များကဲ့သို့ အပင်မှရတဲ့ စားစရာတွေကို ပိုမိုစားသင့်ကြောင်း လေ့လာချက်အများအပြား တွေ့ရှိထားပါတယ်။

■ ဇန်နဝါရီလကို ကမ္ဘာ့သက်သက်လွတ်လအဖြစ် စည်းရုံးနေကြပြီး တိရိစ္ဆာန်အခြေပြု စားစရာတွေကို လျှော့ချခြင်းဖြင့် တိရိစ္ဆာန်နဲ့ သဘာဝပတ်ဝန်းကျင် ကာကွယ်ရေးအတွက် အကျိုးရှိစေတဲ့အပြင် သက်သက်လွတ်စားစရာတွေရဲ့ အကျိုးကျေးဇူးများကို ပိုမိုသိရှိရန် ရည်ရွယ်ထားကြပါတယ်။

■ အပင်အခြေပြုစားစရာတွေထဲက ဖိုင်တိုဓာတုတွေက ကင်ဆာကြီးထွားမှုကို တားဆီးပေးရာမှာ ကူညီပေးတယ်လို့ ၂၀၂၃ လေ့လာချက်မှာ ဖော်ပြထားပါတယ်။

■ ဒါဟာ ပန်းဂေါ်ဖီစိမ်း၊ ကိုက်လံ၊ ဂေါ်ဖီထုပ်တို့မှာ ပါဝင်တဲ့ ဆာလ်ဖိုရာဖိန်းနဲ့ မုန်လာဥနီ၊ ခရမ်းချဉ်သီး၊ သခွားမွှေးသီးတို့မှာပါတဲ့ ကယ်ရိုတီနွိုက်တို့ ဖြစ်ပါတယ်။

■ သူတို့ကို အပင်တွေမှာသာ တွေ့ရပြီး အန္တရာယ်ပြုဆဲလ်ကြီးထွားမှုတွေကို တိုက်ဖျက်ပေးကာ ကင်ဆာအများအပြား ဖြစ်နိုင်ခြေကို လျှော့ချပေးကြောင်း ဝါရှင်တန် Physicians Committee for Responsible Medicine အဖွဲ့မှ အစာအာဟာရပညာရှင် နိုအာပရမ်စ်မာက ပြောပါတယ်။

■ ဓာတ်တိုးဆန့်ကျင်ပစ္စည်းများအဖြစ်လည်း လုပ်ဆောင်ကာ အန္တရာယ်ပြုမော်လီကျူးတွေ၊ DNA ထိခိုက်ခြင်းတွေ၊ ဆဲလ်တွေထိခိုက်ခြင်းတို့မှ ကာကွယ်ပေးပါတယ်။

Source: SCMP.

လာမယ့် တရုတ်နှစ်ကူးပွဲတော်ရဲ့ ၂ ရက်တာ စက်ရုပ်ပြပွဲကို တရုတ်ပြည်အရှေ့ဘက် ကျန်ဆုပြည်နယ် ဆုကျိုးမြို့မှာ သောကြာနေ့က ဖွင့်လှစ်ခဲ့ကာ ဆန်းသစ်တီထွင်ထားတဲ့ စက်ရုပ်အမျိုးမျိုးပြသခဲ့ပါတယ်။

#Asia_Event
Published 11 February 2026
#တရုတ်နှစ်ကူးပွဲတော် #ကျန်ဆုပြည်နယ်
#YMG #Yangon_Times #Yangon_Media_Group

မြန်မာ့လက်ဖက်ပွဲတော်ကြီးကိုဖေဖော်ဝါရီလ (၁၁) ရက် ဒီကနေ့က ကနေ (၁၄) ရက်အထိ စည်ကားသိုက်မြိုက်စွာကျင်းပနေပြီလို့သိရပါတယ်။

#Local_News
Published 11 February 2026
#မြန်မာ့လက်ဖက်ပွဲတော် #လက်ဖက်
#YMG/NN #Yangon_Times

ပြည်ပမှတင်သွင်းတဲ့ ယာဉ်အချိုနဲ့၎င်းတိုရဲ့ဆက်စပ်ပစ္စည်းများတင်သွင်းမှုအတွက်ပေးသွင်းရတဲ့ အကောက်ခွန်နှုန်းထားကို သုညရာခိုင်နှုန်းသို့ လျော့ချလိုက်တယ်လို့ အကောက်ခွန်ဦးစီးဌာနမှ ဖေဖော်ဝါရီလ ၉ရက်နေ့ ရက်စွဲနဲ့ထုတ်ပြန်ထားပါတယ်။

#Local_News
Published 11 February 2026
#ယာဉ် #အကောက်ခွန်ဦးစီးဌာန
#YMG/SW #Yangon_Times

ပြည်ပနိုင်ငံတွေကို ပြီးခဲ့တဲ့ ဇန်နဝါရီလအတွင်းက မြန်မာ့ဆန်နဲ့ဆန်ကွဲတန်ချိန်နှစ်သိန်းကျော် တင်ပို့နိုင်ခဲ့တယ်လို့ မြန်မာနိုင်ငံဆန်စပါးအသင်းချုပ် MRF က သိရပါတယ်။

#Local_News
Published 11 February 2026
#ဆန်_ဆန်ကွဲ
#YMG/NN #Yangon_Times

#Local_News
Published 11 February 2026

▪️ ယနေ့ ဖေဖော်ဝါရီ ၁၁ ရက်နံနက်အစောပိုင်းကဆိပ်ဖြူမြို့ကိုဗဟိုပြု၍ အင်အားအနည်းငယ်ရှိသော ငလျင်တစ်ခုလှုပ်ခတ်ခဲ့ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနကထုတ်ပြန်ထားသည်။

▪️ အဆိုပါ ထုတ်ပြန်ချက်အရယနေ့ ဖေဖော်ဝါရီ ၁၁ ရက်နံနက် ၁ နာရီ ၃၄ မိနစ် ၄၆ စက္ကန့်အချိန်က ဆိပ်ဖြူမြို့၏ အနောက်မြောက်ဘက် (၂၂) မိုင်ခန့်အကွာ၊ အနက် (၃၅) ကီလိုမီတာကိုဗဟိုပြု၍ အင်အားရစ် (ခ်) တာစကေး (၃ ဒသမ ၆) အဆင့်ရှိ အင်အားအနည်းငယ်ရှိသောငလျင်သည် လှုပ်ခတ်ခဲ့ခြင်းဖြစ်‌ကြောင်း သိရသည်။

#YMG/SW #Yangon_Times

#Local_News
Published 11 February 2025

■ မိုးလေဝသနှင့်ဇလဗေဒညွှန်ကြားမှုဦးစီးဌာန၏ ဖေဖော်ဝါရီလ ဒုတိယ(၁၀)ရက်ပတ်အတွက် မိုးလေဝသနှင့်ဇလဗေဒခန့်မှန်းချက်အရသိရသည်။

■ အဆိုပါခန့်မှန်းချက်၌ ဘင်္ဂလားပင်လယ်အော်တောင်ပိုင်းတွင် လေဖိအားနည်းရပ်ဝန်း (၁)ကြိမ် ဖြစ်ပေါ်နိုင်ပြီး ကပ္ပလီပင်လယ်ပြင်တောင်ပိုင်းနှင့် ဘင်္ဂလားပင်လယ်အော်တောင်ပိုင်းတို့တွင် တိမ်အသင့်အတင့်မှ တိမ်ထူထပ်နိုင်ကာ ကပ္ပလီပင်လယ်ပြင်မြောက်ပိုင်းနှင့် ကျန်ဘင်္ဂလားပင်လယ်အော်တို့တွင် တိမ်အနည်းငယ်ဖြစ်ထွန်းနိုင်ကြောင်းဖော်ပြထားသည်။

■ မိုးရွာသွန်းမှုအခြေအနေမှာ တနင်္သာရီတိုင်းဒေသကြီး၊ ကရင်ပြည်နယ်၊ မွန်ပြည်နယ်နှင့် ရှမ်း ပြည်နယ်(တောင်ပိုင်းနှင့် အရှေ့ပိုင်း)တို့တွင် ရွာသွန်းမြဲထက်ပိုနိုင်ပြီး မကွေးတိုင်းဒေသကြီး၊ စစ်ကိုင်း တိုင်းဒေသကြီး၊ ကချင်ပြည်နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်(မြောက်ပိုင်း)တို့တွင် ရွာသွန်းမြဲအောက်လျော့နည်းနိုင်ကာ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီးနှင့် ကယားပြည်နယ်တို့တွင် ရွာသွန်းမြဲခန့် မိုးထစ်ချုန်း ရွာနိုင်ပြီး တနင်္သာရီတိုင်းဒေသကြီး၊ ကရင်ပြည်နယ်၊ မွန်ပြည်နယ်နှင့် ရှမ်းပြည်နယ်(တောင်ပိုင်းနှင့် အရှေ့ပိုင်း)တို့တွင် ၂ ရက်မှ ၃ ရက်ခန့်နှင့် နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်း ဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ ကချင် ပြည်နယ်နှင့် ကယားပြည်နယ်တို့တွင် ၁ ရက်ခန့် မိုးထစ်ချုန်းရွာနိုင် ကြောင်း ၊မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်(မြောက်ပိုင်း)တို့တွင် တိမ်အသင့်အတင့်ဖြစ်ထွန်းနိုင်ကြောင်းသိရသည်။

■ ညအပူချိန်များမှာ နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်း တိုင်းဒေသကြီးအောက်ပိုင်း၊ ဧရာဝတီတိုင်းဒေသကြီး၊ ကရင်ပြည်နယ်၊ မွန်ပြည်နယ်နှင့် ရခိုင်ပြည်နယ် တို့တွင် ဖေဖော်ဝါရီလ ပျမ်းမျှအပူချိန်၏ ၁.၅ ဒီဂရီဆဲလ်စီးယပ်နှင့်အထက်ပိုနိုင်ပြီး မန္တလေးတိုင်း ဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ ကချင်ပြည်နယ်၊ ကယား ပြည်နယ်၊ ချင်းပြည်နယ်နှင့် ရှမ်းပြည်နယ်တို့တွင် ဖေဖော်ဝါရီလ ပျမ်းမျှအပူချိန်ခန့်သာရှိနိုင်ကြောင်းသိရသည်။

■ မြူအခြေအနေမှာမူ စစ်ကိုင်းတိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် ၇ ရက်မှ ၉ ရက်ခန့်၊ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး (အရှေ့ပိုင်း)၊ ကယားပြည်နယ်နှင့် ချင်းပြည်နယ်တို့တွင် ၃ ရက်မှ ၆ ရက်ခန့်နှင့် ပဲခူးတိုင်းဒေသကြီး (အနောက်ပိုင်း)၊ မကွေးတိုင်းဒေသကြီးနှင့် စစ်ကိုင်းတိုင်းဒေသကြီးအောက်ပိုင်းတို့တွင် ၁ ရက်မှ ၂ ရက်ခန့် နံနက်ပိုင်းတွင် မြူထူများဆိုင်းနိုင်ကြောင်းသိရသည်။

#YMG/NN #Yangon_Times

#Local_News
Published 11 February 2025

▪️ ဖေဖော်ဝါရီလအတွင်းရှိ အများပြည်သူရုံးပိတ်ရက်များ၌ ဘဏ်များပိတ်ထားမည်ဖြစ်ကြောင်း
မြန်မာနိုင်ငံတော်ဗဟိုဘဏ်မှ အသိပေးထားသည်။

▪️ မြန်မာနိုင်ငံတော်ဗဟိုဘဏ်သည် အများပြည်သူရုံးပိတ်ရက်များအတွင်း ဘဏ်ဝန်ဆောင်မှုများ ဆောင်ရွက်နိုင်မှုနှင့်စပ်လျဉ်း၍ အောက်ပါအတိုင်းအသိပေးကြေညာထားသည်။

▪️ ၂၀၂၆ ခုနှစ်၊ ဖေဖော်ဝါရီလ (၁၂) ရက်နေ့မှ (၁၇) ရက်နေ့အထိ သည် ပြည်ထောင်စုနေ့နှင့် အများပြည်သူရုံးပိတ်ရက်များ ဖြစ်သည့်အတွက် အဆိုပါကာလအတွင်း မြန်မာနိုင်ငံအတွင်းရှိ ဘဏ်များအားလုံး (ရုံးချုပ်နှင့် ဘဏ်ခွဲများ) ကိုပိတ်ထားမည်ဖြစ်သည်။

▪️ ထို့အပြင် ဘဏ်များပိတ်ထားသည့် ကာလအတွင်း မိဘပြည်သူများအနေဖြင့် ငွေကြေးဆိုင်ရာ ဝန်ဆောင်မှုများကို အဆင်ပြေချောမွေ့စွာ ဆောင်ရွက်နိုင်ရန်အတွက် အောက်ဖော်ပြပါ Digital Banking စနစ်များဖြစ်သည့် Mobile Banking ဝန်ဆောင်မှု
Internet Banking ဝန်ဆောင်မှု E-Wallet (Electronic Wallet) ဝန်ဆောင်မှုများကို (၂၄) နာရီပတ်လုံး ပုံမှန်အတိုင်းဆက်လက်ဖွင့်လှစ်ထားရှိသွားမည်ဖြစ်ကြောင်း သိရသည်။

▪️ ထို့ကြောင့် အသုံးပြုသူ မိဘပြည်သူများအနေဖြင့် အဆိုပါရုံးပိတ်ရက်များအတွင်း ဘဏ်ဝန်ဆောင်မှုများနှင့် ပတ်သက်၍ အသေးစိတ်သိရှိလိုပါက သက်ဆိုင်ရာဘဏ်များ၏ တရားဝင် Call Center ဖုန်းနံပါတ်များသို့ ဆက်သွယ်မေးမြန်းနိုင်ပါကြောင်း အသိပေးကြေညာထားကြောင်းသိရသည်။

#YMG/NN #Yangon_Times

၂၀၂၆ ခုနှစ် JLPT စာမေးပွဲရဲ့ စာဖြေခန်းသိုရောက်ရှိချိန် သတ်မှတ်မှုအပါအဝင် စည်းကမ်းချက်တချို့ကို ထပ်တိုးသတ်မှတ်လိုက်တယ်လို့JLPT စာမေးပွဲကျင်းပရေးကော်မတီ၊ မြန်မာနိုင်ငံဂျပန်ပြန်ပညာသင်ဟောင်းအသင်းက အသိပေးထုတ်ပြန်ထားချက်အရ သိရပါတယ်။

#Local_News
Published 11 February 2026
#JLPT #မြန်မာနိုင်ငံဂျပန်ပြန်ပညာသင်ဟောင်း
#YMG/SW #Yangon_Times