ရန်ကုန် မတ်၉ — တပ်မတော်(ရေ)၏ ရေကြောင်းကာကွယ်ရေးနှင့် ရေယာဉ်တည်ဆောက်မှုစွမ်းရည်ကို ပိုမိုတိုးချဲ့သည့်အနေဖြင့် ပြည်တွင်း၌ ကိုယ်တိုင်တည်ဆောက်ထားသော အကြီးမားဆုံး ဖရီဂိတ်  စစ်ရေ   ယာဉ်သစ် တပ်တော်ဝင်ခြင်းနှင့် တန် ၄၀,၀၀၀ ဆံ့ ရေလုံလွန်းကျင်းကြီး ဖွင့်လှစ်ခြင်း   အခမ်းအနား ကို တနင်္ဂနွေနေ့ နံနက်ပိုင်းက ရန်ကုန်မြို့တွင် ကျင်းပခဲ့သည်။

နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ် ချုပ်မှူးကြီး မင်းအောင်လှိုင် တက်ရောက်ချီးမြှင့်ခဲ့သည့် အဆိုပါအခမ်းအနားတွင် ရေငုပ်သင်္ဘော  တိုက် ဖျက်ရေး ရေယာဉ်များ၏ ဧရာခင်းမင်္ဂလာကိုလည်း တစ်ပါတည်း ကျင်းပခဲ့သည်။

ယခုတပ်တော်ဝင်ခဲ့သည့် ဖရီဂိတ်စစ်ရေယာဉ် (သာလွန်မင်း) သည် တပ်မတော်(ရေ) သမိုင်းတစ်လျှောက် ပြည်တွင်း၌ ကိုယ်တိုင်တည်ဆောက်နိုင်ခဲ့သည့် အရွယ်အစားအားဖြင့် အကြီးမားဆုံး စစ်ရေယာဉ်  ဖြစ်သည်။ အဆိုပါရေယာဉ်သည် တပ်တော်မဝင်မီ ခရီးရှည်စမ်းသပ်မောင်းနှင်မှုအဖြစ် နာရီပေါင်း ၂၇၀ ကျော်၊ ရေမိုင် ၃,၅၀၀ ခန့် မောင်းနှင်ခဲ့ပြီး ရေယာဉ်ပေါ်ပါ စနစ်များအားလုံး စံချိန်စံညွှန်းပြည့်မီကြောင်း သေချာစွာ စစ်ဆေးအတည်ပြုနိုင်ခဲ့သည်။

သန်လျင်တပ်နယ် ရေတပ်သင်္ဘောကျင်းဌာနချုပ်တွင် ဖွင့်လှစ်လိုက်သည့် တန် ၄၀,၀၀၀ ဆံ့ ရေလုံလွန်း  ကျင်းသည် မြန်မာနိုင်ငံတွင် အကြီးမားဆုံးဖြစ်ပြီး အရွယ်အစားကြီးမားသော စစ်ရေယာဉ်များနှင့် ကုန်သွယ်ရေကြောင်း ရေယာဉ်ကြီးများကို တည်ဆောက်ရန်နှင့် ပြုပြင်ရန် ရည်ရွယ်ထားသည်။ ဗိုလ်ချုပ် မှူးကြီး မင်းအောင်လှိုင်က အဆိုပါလွန်းကျင်းကြီးအား စက်ခလုတ်နှိပ် ဖွင့်လှစ်ပေးခဲ့ပြီး ရေငုပ်သင်္ဘော  တိုက်ဖျက်ရေး ရေယာဉ်များတည်ဆောက်ရန် ဧရာခင်းပေးခဲ့ကာ Shipyard Management Software ခန်းအတွင်း လုပ်ငန်းဆောင်ရွက်နေမှုများကိုပါ ကြည့်ရှုစစ်ဆေးခဲ့သည်။

ယခု တန် ၄၀,၀၀၀ ဆံ့ ရေလုံလွန်းကျင်းကြီးကို ရေယာဉ်များ ကိုယ်တိုင်တည်ဆောက်နိုင်ရန်နှင့် အရပ်ဘက်ကုန်တင်ရေယာဉ်ကြီးများ ပြုပြင်တည်ဆောက်ပေးခြင်းမှ ဝင်ငွေပြန်လည်ရရှိရန် ရည်ရွယ်၍ ၂၀၁၈ ခုနှစ်ကတည်းက စတင်အကောင်အထည်ဖော်ခဲ့ခြင်းဖြစ်သည်။

ဤစီမံကိန်းသည် ရေတပ်သင်္ဘောကျင်းဌာနချုပ်၏ အဆင့်သုံးဆင့်ပါဝင်သော မဟာဗျူဟာစီမံကိန်း၏ တတိယမြောက်နှင့် နောက်ဆုံးအဆင့်ကို အောင်မြင်စွာ ဖွင့်လှစ်နိုင်ခဲ့ခြင်းဖြစ်သည်။ ပထမအဆင့်ကို ၁၉၉၈ ခုနှစ်မှ ၂၀၀၂ ခုနှစ်အထိ လည်းကောင်း၊ ဒုတိယအဆင့်ကို ၂၀၀၉ ခုနှစ်မှ ၂၀၁၃ ခုနှစ်အထိ လည်း ကောင်း အကောင်အထည်ဖော်ခဲ့ပြီး ရေတပ်သင်္ဘောကျင်းကို နိုင်ငံတကာအဆင့်မီဖြစ်လာစေရန် တဖြည်းဖြည်း အဆင့်မြှင့်တင်ခဲ့ခြင်းဖြစ်သည်။

ဗိုလ်ချုပ်မှူးကြီး မင်းအောင်လှိုင်၏ အမှာစကားတွင် ယခုကဲ့သို့ ရေတပ်အင်အားတိုးချဲ့ခြင်းသည် မြန်မာ နိုင်ငံ၏ အမျိုးသားရေးနှင့် စီးပွားရေးအကျိုးအမြတ်များကို ကာကွယ်ရန် မရှိမဖြစ်လိုအပ်ကြောင်း ထည့်  သွင်းပြောကြားခဲ့သည်။ မြန်မာ့ပင်လယ်ပြင်သည် သီးသန့်စီးပွားရေးဇုန်ဖြစ်သည့် ကမ်းလွန်ပင်လယ်ပြင် အထိ ကျယ်ပြန့်ပြီး ကမ္ဘာ့ကုန်သွယ်ရေကြောင်းရေယာဉ်ကြီးများ ဖြတ်သန်းသွားလာနေသည့် အဓိက  ရေလမ်းကြောင်းများပေါ်တွင် တည်ရှိနေကြောင်း ဗိုလ်ချုပ်မှူးကြီးက ထောက်ပြခဲ့သည်။ ထို့ကြောင့် ပင်လယ်ပြင် ဆက်သွယ်ရေးလမ်းကြောင်းများ၊ ရေနက်ဆိပ်ကမ်းများနှင့် ရေထွက်သယံဇာတများကို ကာကွယ်ရန် အင်အားတောင့်တင်းသော ရေတပ်တစ်ခု လိုအပ်ကြောင်း အလေးပေးပြောကြားခဲ့သည်။

စစ်ရေယာဉ်များ တပ်တော်ဝင်ခြင်းအခမ်းအနားကို ရန်ကုန်မြို့ရှိ ရေတပ်ဆိပ်ခံတံတား၌ ဆက်လက် ကျင်းပခဲ့ပြီး တပ်မတော်(ကြည်း၊ ရေ၊ လေ) ကာကွယ်ရေးဦးစီးချုပ်များနှင့် အဆင့်မြင့်တပ်မတော်  အရာရှိကြီးများ တက်ရောက်ခဲ့ကြသည်။ တပ်တော်ဝင်တံခွန်အလံများ လွှဲပြောင်းပေးအပ်ခြင်းနှင့် ခေါင်းလောင်းရှစ်ချက်တီးခြင်းစသည့် တပ်တော်ဝင်အစဉ်အလာများ ပြုလုပ်ပြီးနောက် ဗိုလ်ချုပ်မှူးကြီး မင်းအောင်လှိုင်သည် စစ်ရေယာဉ် (မုတ္တမ) ပေါ်သို့ တက်ရောက်ကာ ဧည့်သည်တော်မှတ်တမ်းတွင် လက်မှတ်ရေးထိုးခဲ့သည်။ အခမ်းအနားကို စစ်ရေယာဉ် (ရန်တိုင်းအောင်) နှင့် (ရန်ကြီးအောင်) တို့မှ အမြောက် ၂၁ ချက် ပစ်ဖောက်ဂုဏ်ပြုကာ ရုပ်သိမ်းခဲ့ပြီး၊ ကာကွယ်ရေးဦးစီးချုပ်(ရေ)က အဆိုပါ ဂုဏ်ပြု  ပစ်ခတ်ခဲ့သည့် ပထမဆုံး အမြောက်ကျည်ဆန်ခွံကို အထိမ်းအမှတ်အဖြစ် ဂါရဝပြု ပေးအပ်ခဲ့သည်။

Knl/ymg

#World_Health
Published 09 March 2026

■ အမေရိကန် ၇၅ ရာခိုင်နှုန်းလောက်ဟာ ဖြည့်စွက်အားဆေး တစ်မျိုးမျိုးတော့ အသုံးပြုကြပါတယ်။

■ နေရထိုင်ရတာ သိပ်မကောင်းသလို ခံစားရရင် ဖြည့်စွက်အားဆေး သောက်လိုက်တာဟာ သက်သာသလို ရှိပါတယ်။

■ ဆေးဆိုင်တွေကနေ ဝယ်ယူရရှိနိုင်တဲ့ ဖြည့်စွက်ဆေးတွေဟာ ဘေးကင်းစိတ်ချရတယ်လို့ လူတွေယုံကြည်တတ်ကြကြောင်း MedSter Health မှ ဒေါက်တာ ကယ်လီဂျွန်ဆန်အာဘာက ပြောပါတယ်။

■ ဖြည့်စွက်အားဆေးတွေကို FDA က တင်းကြပ်စွာ ထိန်းချုပ်ထားခြင်း မရှိတာကိုလည်း ဆရာဝန်တွေ စိုးရိမ်နေကြပါတယ်။

■ အင်တာနက်တွေပေါ်မှာ ဖြန့်ဖြူးရောင်းချနေတာတွေက သိပ္ပံနည်းကျ ထောက်ခံချက် အမြဲတမ်းရရှိနေတာ မဟုတ်ဘူးလို့ သတိပေးပါတယ်။

■ ဆရာဝန်နဲ့ မတိုင်ပင်ဘဲ ဖြည့်စွက်ဆေးအသစ်တစ်မျိုး သောက်ခြင်းက ဆေးအပြန်အလှန် ဓာတ်ပြုတာတွေ ဖြစ်နိုင်ပြီး ဘေးထွက်ဆိုးကျိုးတွေ ရှိနိုင်ပါတယ်။

■ ဒီလိုလုပ်ခြင်းဟာ ရောဂါသိရှိဖို့ ပိုမိုခက်ခဲနိုင်ပြီး ရောဂါအကြောင်းအရင်း ပိုဆိုးလာနိုင်ပါတယ်။

■ အချို့သော ဖြည့်စွက်ဆေးတွေက ခန္ဓာကိုယ်ဖြစ်စဉ်တွေ၊ ဇီဝဖြစ်ပျက်မှုတွေ၊ ဆေးတွေနဲ့ နှောင့်ယှက်နိုင်ပြီး ဆေးတွေရဲ့အာနိသင် ယုတ်လျော့စေနိုင်ကာ အဆိပ်သင့်စေနိုင်ပါတယ်။

■ ဗိုက်တာမင်အားဆေးတွေကတော့ ဆေးသက်ရောက်မှု အနည်းဆုံးရှိပြီး လူအများစုမှာ ပြဿနာဖြစ်လေ့ မရှိဘူးလို့ ဒေါက်တာအလန်က ပြောပါတယ်။

■ ဘယ်လိုပဲဖြစ်ဖြစ် ဖြည့်စွက်အားဆေး မသောက်ခင်မှာ ဆရာဝန်နဲ့ အရင်ဆုံးတိုင်ပင်တာက အကောင်းဆုံးဖြစ်ပါတယ်။

Source: AOL

#World_Health
Published 09 March 2026

■ စင်္ကာပူရေပြင်ထဲမှာ ရှေးဟောင်းသုတေသန တူးဖော်ခဲ့ရာမှာ ၁၄ ရာစုနှစ် ယွမ်မင်းဆက်ရတနာသိုက် ကြွေထည်တွေရှိတဲ့ Temasek Wreck ကို တွေ့ရှိခဲ့ပါတယ်။

■ စင်္ကာပူအမျိုးသား အမွေအနှစ်ဘုတ်အဖွဲ့လက်ခွဲ HeritageSG မှ ဒေါက်တာ မိုက်ကယ်ဖလက်ကာ ဦးဆောင်ကာ ၂၀၁၆ မှ ၂၀၁၉ အတွင်း တူးဖော်ခဲ့ရာ ကြွေထည်အပိုင်းအစတွေနဲ့ အကောင်းပကတိကြွေပစ္စည်း ၃ တန်ခွဲခန့်အပြင် စုစုပေါင်းအလေးချိန် ၁၃၆ ကီလိုဂရမ်ခန့် ရရှိခဲ့ပါတယ်။

■ အထင်ရှားဆုံးက တရုတ်ပြည် ကျင်ဒယ်ရှန်မှ အပြာနဲ့အဖြူယွမ်ကြွေပစ္စည်း ဖြစ်ပါတယ်။

■ ယွမ်မင်းဆက်က ၁၂၇၁ စီအီးမှာ တည်ထောင်ခဲ့ပြီး ၁၃၆၈ စီအီးအထိ အဓွန့်ရှည်ခဲ့ပါတယ်။

■ Temasek Wreck စင်္ကာပူရေပြင် ရှေးခေတ်သင်္ဘောပျက်နေရာကြီးက ဒေသတွင်းသမိုင်းကြောင်းမှာ ကွက်လပ်တစ်ခုကို ဖြည့်ဆည်းနိုင်ခဲ့ပါတယ်။

■ ဖူကျန် ကွမ်ကျိုးမှာ တင်လာတဲ့ပစ္စည်းတွေကို Temasek သို့ ပို့ဆောင်ရန် သွားခဲ့တာဖြစ်တယ်လို့ အတည်ပြုထားပါတယ်။

■ ဒီတွေ့ရှိမှုက ယွမ်ခေတ် ပင်လယ်ပြင်ကွန်ရက်တွေ၊ ကုန်သွယ်ရေးတွေ၊ အရည်အသွေးမြင့် တရုတ်လက်မှုပညာတို့ကို ဖော်ပြနေပါတယ်။

■ အမျိုးသားအမွေအနှစ်ဘုတ်အဖွဲ့ကတော့ ဒီလိုတွေ့ရှိမှုဟာ သမိုင်းကြောင်း ရှာဖွေခြင်းနဲ့ အနာဂတ်သုတေသနလုပ်ငန်းများအတွက် အထောက်အကူဖြစ်လာနိုင်ခြင်းတို့ ရှိလာနိုင်တယ်လို့ အလေးပေးပြောထားပါတယ်။

Source: India Today

ရန်ကုန်၊ မတ် ၈

မြန်မာနိုင်ငံအတွင်း စက်သုံးဆီဖူလုံစွာရရှိရေးအတွက် ရန်ကုန်၊ သီလဝါဆိပ်ကမ်းသို့ စက်သုံးဆီတင်  သင်္ဘောများ စဉ်ဆက်မပြတ် ဆိုက်ကပ်ဝင်ရောက်လျက်ရှိကြောင်း သိရသည်။ ယနေ့ မတ်လ (၈) ရက်နေ့အထိ ထုတ်ပြန်ချက်အရ ဆိုက်ကပ်ဆီချနေသည့် သင်္ဘောများအပါအဝင် ရေလမ်းခရီးနှင့် ဆီတင်ရန်စောင့်ဆိုင်းနေသည့် သင်္ဘောစုစုပေါင်း (၁၄) စီးအထိ ရှိနေကြောင်း စွမ်းအင်ဝန်ကြီးဌာနက ယနေ့သတင်းထုတ်ပြန်သည်။

လက်ရှိတွင် သီလဝါဆိပ်ကမ်း၌ ဆီချလုပ်ငန်းများ ဆောင်ရွက်နေသည့် သင်္ဘော (၂) စီးရှိနေပြီး မြန်မာ့ရေပြင်သို့ ဆိုက်ကပ်ရန် လမ်းခရီးတွင် ရောက်ရှိနေသော သင်္ဘော (၄) စီးလည်း ရှိနေပြီ  ဖြစ်ကြောင်း သတင်းထုတ်ပြန်ချက်တွင်ဖော်ပြထားသည်။ ထို့အပြင် ပြည်ပဆိပ်ကမ်းများတွင် ဆီတင်ဆောင်နေသည့် သင်္ဘော (၃) စီးနှင့် ဆီတင်ရန် စောင့်ဆိုင်းနေသည့် သင်္ဘော (၅) စီးတို့ရှိခြင်း  ကြောင့် ပြည်တွင်းစက်သုံးဆီ လိုအပ်ချက်ကို ဖူလုံအောင် ဖြည့်ဆည်းပေးနိုင်မည်ဖြစ်ကြောင်း သိရ သည်။

သက်ဆိုင်ရာ တာဝန်ရှိသူများအနေဖြင့် တင်သွင်းလာသည့် စက်သုံးဆီများကို သုံးစွဲသူပြည်သူများ  လက်ဝယ်သို့ အမှန်တကယ် ရောက်ရှိစေရန်နှင့် ဈေးကွက်အတွင်း ဖြန့်ဖြူးမှုကွင်းဆက် မပြတ်  တောက်စေရန် အနီးကပ် စိစစ်ကြပ်မတ်လျက်ရှိသည်ဟု သတင်းထုတ်ပြန်ချက်တွင်ဖော်ပြထား  သည်။

ပြည်သူများအနေဖြင့်လည်း စက်သုံးဆီ ပြတ်လပ်မည်ကို စိုးရိမ်ပြီး ပိုမိုဝယ်ယူစုဆောင်းခြင်းများ မပြုလုပ်ရန်နှင့် လိုအပ်သလောက်ကိုသာ ခြိုးခြံချွေတာစွာ သုံးစွဲကြပါရန် စွမ်းအင်ဝန်ကြီးဌာနက တိုက်တွန်းနှိုးဆော်ထားသည်။

သီလဝါဆိပ်ကမ်သို့ထပ်မံရောက်ရှိလာသော စက်သုံးဆီတင်သင်္ဘောများကိုတွေ့ရစဉ်။

အခုဘဏ္ဍာနှစ်(၁၁)လကျော်ကာလအတွင်း အမေရိကန် ဒေါ်လာသန်း ၇၉၀ တန်ဖိုးရှိ ဆန်နဲ့ ဆန်ကွဲ တန်ချိန် ၂ ဒသမ ၅ သန်းကျော် တင်ပို့ထားတယ်လို မြန်မာနိုင်ငံဆန်စပါးအသင်းချုပ် (MRF) ရဲ့စာရင်းများအရ သိရပါတယ် ။

#Local_News
Published 07 March 2025
#ဆန် #ဆန်ကွဲ
#YMG/NN #Yangon_Times

#World_Health
Published 08 March 2026

■ ဒေါသလေးတစ်ချက် ထွက်လိုက်တာနဲ့ သွေးကြောတွေ တောင့်တင်းစေကာ သွေးလည်ပတ်မှု အားနည်းပြီး နှလုံးဖောက်ခြင်း လေဖြတ်ခြင်းတို့ ဖြစ်နိုင်ခြေများတယ်လို့ တွေ့ရှိထားပါတယ်။

■ ၈ မိနစ်တာလောက် ဒေါသထွက်ရင်တောင် သွေးကြောချဲ့နိုင်စွမ်း တဝက်နီးပါးလောက် လျော့ကျသွားကာ နောက်ထပ် မိနစ် ၄၀ လောက်အထိ ကြာမြင့်နိုင်ပါတယ်။

■ ဒါကြောင့် မကြာခဏ ဒေါသထွက်ခြင်းက အချိန်ကြာလာရင် နှလုံးသွေးကြောပြဿနာတွေနဲ့ ပတ်သက်လာနိုင်တယ်လို့ ယူဆရပါတယ်။

■ ကျန်းမာရေးကောင်းတဲ့ လူပေါင်း ၂၈၀ ကို အမေရိကန်အဖွဲ့အစည်း အများအပြားက လေ့လာခဲ့ကြပါတယ်။

■ အဖွဲ့လေးဖွဲ့ခွဲကာ ၈ မိနစ်ကြာအောင် ဒေါသထွက်စရာ စိုးရိမ်စရာ ဝမ်းနည်းစရာ အမှတ်တရတွေကို ပြန်စဉ်းစားခိုင်းသလို စိတ်ကိုပုံမှန်အတိုင်းပဲ နေခိုင်းပါသေးတယ်။

■ ဒီနောက် သွေးကြောတွေ ဘယ်လောက်ချဲ့လဲဆိုတာကို စစ်ဆေးခဲ့ကြရာ သာမန်အတိုင်း စိတ်ခံစားချက်ထားတဲ့ အဖွဲ့နဲ့ယှဉ်ရင် ဒေါသထွက်စရာ ပြန်စဉ်းစားသူတွေက သွေးကြောကျယ်နှုန်း သိသိသာသာ ကျဆင်းသွားတာ တွေ့ရပါတယ်။

■ ဒေါသထွက်ရင် ကော်တီဆောနဲ့ အက်ဒရီနယ်လင်တို့လို ဖိစီးမှုဟော်မုန်းတွေ ထွက်လာပြီး သွေးကြောနံရံတွေ တောင့်တင်းစေတာကြောင့် သွေးကြောချဲ့ထွင်ရ ခက်ခဲစေကာ သွေးပေါင်ချိန်မြင့်တက်စေပါတယ်။

■ ဝမ်းနည်းခြင်း၊ စိုးရိမ်ပူပန်ခြင်းတို့လို ခံစားချက်တွေထက် ဒေါသစိတ်က သွေးကြောလုပ်ဆောင်ချက်တွေကို ဆိုးရွားစွာ ထိခိုက်စေပါတယ်။

■ အသက်ရှူလေ့ကျင့်ခန်း၊ သတိကပ်ခြင်း၊ ဒေါသထိန်းချုပ်ခြင်းတို့ဖြင့် နှလုံးကျန်းမာရေးကို ကာကွယ်နိုင်စေမှာ ဖြစ်ပါတယ်။

Source: India Today

#World_Health
Published 08 March 2026

■ တစ်နေ့ကို ၃ ကြိမ်သွားတိုက်ပြီး ခံတွင်းကျန်းမာရေး စစ်ဆေးမှု ပုံမှန်ပြုလုပ်ပေးပါက ရောဂါပြဿနာပေါင်း ၅၀ ကျော် ဖြစ်နိုင်ခြေ နည်းစေတယ်လို့ မင်နီဆိုတာ သွားဆေးတက္ကသိုလ်မှ ပရော်ဖက်ဆာ အဲ့ဒိုဂန်ကန်တာချီက ပြောပါတယ်။

■ ခံတွင်းကျန်းမာရေးက အလုံးစုံကျန်းမာရေးနဲ့ ဆက်စပ်နေကြောင်း ယခင်တည်းက သိရှိထားကာ အယ်ဇိုင်းမား၊ ကင်ဆာ၊ နှလုံးသွေးကြောရောဂါများ၊ ဆီးချိုစတာတွေနဲ့ ဆက်စပ်နေပါတယ်။

■ သုတေသနအရဆိုရင် ပုံမှန်သွားတိုက်ပြီး သွားဂရုစိုက်တတ်တဲ့ အလယ်အလတ်ရောဂါတွေ ရှိသူတွေဟာ ဦးနှောက်အသိဉာဏ်တုံ့ပြန်မှု များစွာသာလွန်တာ တွေ့ရပါတယ်။

■ ခံတွင်းရောဂါတွေမှ ဘက်တီးရီးယားတွေက သွေးကြောတွေ ဦးနှောက်တွေထဲထိ ဝင်ရောက်ပြီး ရောင်ရမ်းမှုတွေ ဖြစ်စေကာ အဆစ်အမြစ်နာခြင်း၊ အနည်စုပြုံခြင်းတို့ ဖြစ်လာစေပါတယ်။

■ ဥရောပနိုင်ငံအများစုက ခံတွင်းသန့်ရှင်းရေးနဲ့ ပတ်သက်လို့ သိပ်ပြီးဂရုမစိုက်ကြတာ တွေ့ရပါတယ်။

■ ယူကေမှာ အဝလွန်ခြင်း အဖြစ်များနေတာကို ကြည့်ရင် အဆင့်ဆင့်ထုပ်ပိုး စားစရာတွေကို မှီခိုလွန်းတာက ခံတွင်းကျန်းမာရေး ပိုဆိုးစေတာ တွေ့ရပါတယ်။

■ သွားဖုံးရောဂါက ရောင်ရမ်းမှုတွေ ဖြစ်စေပေမယ့် ဒီမန်ရှာ၊ အဆစ်အမြစ်ရောင်ရောဂါတို့ကို တိုက်ရိုက်ဖြစ်စေတယ်လို့တော့ မဟုတ်ပါဘူး။

■ အနောက်တိုင်း စားသောက်ပုံစံတွေ လူမှုစီးပွားရေးကိစ္စတွေကြောင့် ခံတွင်းကျန်းမာရေး ညံ့နေကြပြီး သက်ကြီးရွယ်အိုတွေမှာ ပိုဆိုးစေပါတယ်။

■ အိပ်ရာမဝင်ခင်နဲ့ အချိုစာတွေ စားအပြီးမှာ သွားတိုက်သင့်ပြီး လျှပ်စစ်သွားတိုက်တံအသုံးပြုတိုက်ကာ လျှာကိုလည်း သန့်ရှင်းသင့်တယ်လို့ အကြံပြုထားကြပါတယ်။

Source: EuroNews

တနင်္လာနေ့ညနေက လော့စ်အိန်ဂျလိစ်မြို့တော်ခန်းမရှေ့မှာ စစ်ပွဲဆန့်ကျင်ရေးလှုပ်ရှားမှုပြုလုပ်ခဲ့ကြပြီး အီရန်အပေါ် အမေရိကန်အစိုးရတိုက်ခိုက်မှုတွေကို ပြင်းထန်စွာရှုတ်ချခဲ့ကြပါတယ်။

#World_News
Published 07 March 2025
#အီရန် #လော့စ်အိန်ဂျလိစ်
#YMG #Yangon_Times #Yangon_Media_Group

ပုဂ္ဂလိကယာဉ်တွေကို စက်သုံးဆီဝယ်ယူ‌ရောင်းချပေးမှုကို စုံ/မ အလှည့်ကျစနစ်နဲ့ မတ် ၇ ရက် ဒီကနေ့ကစတင်ပြီး ရောင်းချပေးနေတယ်လို့ သိရပါတယ်။

#Local_News
Published 07 March 2025
#ပုဂ္ဂလိကယာဉ် #စက်သုံးဆီ
#YMG/NN #Yangon_Times

အခုတစ်ပတ်အတွက်စက်သုံးဆီရည်ညွှန်းဈေး အားလုံးမြင့်တက်လာတယ်လို စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ အခုတစ်ပတ်အတွက်ထုတ်ပြန်တဲ့ စာရင်းတွေအရ သိရပါတယ်။

#Local_News
Published 07 March 2025
#စက်သုံးဆီ
#YMG/NN #Yangon_Times

တနင်္သာရီတိုင်းအပါအဝင်ဒေသအချို့မှာ မိုးရွာသွန်းနိုင်တယ်လို့ မိုးလေဝသ နှင့်ဇလဗေဒညွှန်ကြားမှုဦးစီးဌာနရဲ့ဒီကနေ့ထုတ်ပြန်ချက်အရသိရပါတယ်။

#Local_News
Published 07 March 2025
#တနင်္သာရီတိုင်း #မိုးရွာသွန်း
#YMG/NN #Yangon_Times

#Daily_News
Published 07 March 2025

၁။‌ ‎ပုဂ္ဂလိကယာဉ်များကို စုံ/မ စနစ်ဖြင့် စက်သုံးဆီများစတင်ရောင်းချပေး

‌‎၂။ ‌‌‌‌‌‌‌‌‌‌‌‎စက်သုံးဆီ ဈေးအားလုံးမြင့်တက်

‎၃။‌‌‎ ‌‌‌‌‌‌‌‌‌‎တနင်္သာရီတိုင်းအပါအဝင်ဒေသအချို့၌ မိုးရွာသွန်းနိုင်

‎၄။‎ ‌‌‌‌‌‌‌‌‌အီရန်အပေါ်အမေရိကန်တိုက်ခိုက်မှုများကို လော့စ်အိန်ဂျလိစ်၌ဆန္ဒပြကန့်ကွက်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group