လူမှုရေးပင်စင်နဲ့ မိခင်နဲ့ကလေးသူငယ်ငွေကြေးထောက်ပံ့မှု (MCCT) အစီအစဉ်တွေရဲ့ ထောက်ပံ့ကြေးတွေကို လာမယ့် အောက်တိုဘာ ၂၈ ရက်ကစပြီး Mobile Pay နည်းလမ်းနဲ့ လွှဲပြောင်းပေးသွားမယ်လို့ သိရပါတယ်။

#Local_News
Published 22 October 2026
#MCCT #Mobile_Pay
#YMG/SW #Yangon_Times

#Local_News
Published 22 October 2026

■ ရှမ်းပြည်နယ်နောင်ချိုမြို့နယ်၊ ကျောက်မဲမြို့နယ်၊ သီပေါမြို့နယ်နှင့် လားရှိုးမြို့နယ်တို့၌
အခြေခံပညာ ကျောင်းပေါင်း ၃၆၀ ကျော်ပြန်လည်ဖွင့်လှစ်သင်ကြားနေပြီဖြစ်ကြောင်း ပြည်ထဲရေးဝန်ကြီးဌာန ဒုတိယဝန်ကြီး ဗိုလ်ချုပ်မင်းသူက ပြောသည်။

■ ယမန်နေ့မွန်းလွဲ ၁ နာရီခွဲက နေပြည်တော်ရှိ လွှတ်တော်အဆောက်အအုံ ပြည်သူ့လွှတ်တော် အစည်းအဝေးခန်းမ၌ကျင်းပသည့် တတိယအကြိမ် ပြည်သူ့လွှတ်တော် တတိယပုံမှန်အစည်းအဝေး ၁၉ ရက်မြောက်နေ့၌ နောင်ချိုမဲဆန္ဒနယ်မှ ဦးကျော်မြင့်နိုင်၏ နောင်ချို၊ ကျောက်မဲ၊ သီပေါ၊ လားရှိုးမြို့များအပါအဝင် အချို့မြို့ရွာများ၌ ပျက်စီးခဲ့ရသည့် ဆုံးရှုံးမှုနှင့်ပတ်သက်၍ မည်သို့ကုစားဆောင်ရွက်မည်ကို သိရှိလိုခြင်း မေးခွန်းနှင့်စပ်လျဉ်း၍ ပြည်ထဲရေးဝန်ကြီးဌာန ဒုတိယဝန်ကြီး ဗိုလ်ချုပ်မင်းသူက ပြန်လည်ဖြေကြားရာ၌ အထက်ပါအတိုင်းထည့်သွင်း ဖြေကြားခဲ့ခြင်းဖြစ်သည်။

■ ပြည်ထဲရေးဝန်ကြီးဌာန ဒုတိယဝန်ကြီး ဗိုလ်ချုပ်မင်းသူက ရှမ်းပြည်နယ် နောင်ချိုမြို့နယ်၊ ကျောက်မဲမြို့နယ်၊ သီပေါမြို့နယ်နှင့်လားရှိုးမြို့နယ်များတွင် အကြမ်းဖက်ဖြစ်စဉ်များကြောင့် ပြည်သူလူထုနေအိမ်များ၊ သာသနိကအဆောက်အအုံများ၊ ဌာနဆိုင်ရာ ရုံး/ အဆောက်အအုံ အချို့ပျက်စီးဆုံးရှုံးခဲ့ရပြီး ပြည်သူလူထုများ ယာယီနေရပ်စွန့်ခွာ ထွက်ပြေးတိမ်းရှောင်ခဲ့ကြရပါကြောင်း၊ အကြမ်းဖက်ဖြစ်စဉ်များကြောင့် ဒေသခံပြည်သူများ၏ အိုးအိမ်အဆောက်အအုံများ၊ သာသနိကအဆောက်အအုံများ၊ တံတားများ ပျက်စီးဆုံးရှုံးခဲ့ရပါကြောင်း၊ အကြမ်းဖက်ဖြစ်စဉ်များကြောင့် ဌာနဆိုင်ရာဝန်ထမ်းများနှင့် ယာယီနေရပ်စွန့်ခွာပြည်သူများအား ရှမ်းပြည်နယ်အစိုးရအဖွဲ့နှင့် ရှမ်းပြည်နယ်သဘာဝဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနတို့မှ ဆန်၊ ဆီ၊ ဆား၊ ပဲ၊ ငါးပိနှင့် ကယ်ဆယ်ရေးပစ္စည်း ၁၆ မျိုး ထောက်ပံ့ပေးအပ်ခဲ့ပါကြောင်းပြန်လည် ဖြေကြားသည်။
 
■ ထို့အပြင် ပြန်လည်ထူထောင်ရေးလုပ်ငန်းများအတွက် ပညာရေးကဏ္ဍနှင့် ကျန်းမာရေးကဏ္ဍအပါအဝင် ဌာနဆိုင်ရာအဆောက်အအုံများ ပြန်လည်ပြင်ဆင်တည်ဆောက်ခြင်းနှင့် ဆက်သွယ်ရေးတာဝါတိုင်များ၊ ဆက်သွယ်ရေး (ဖုန်း/ အင်တာနက်) လိုင်းများကောင်းမွန်စွာ အသုံးပြုနိုင်ရေး ပြင်ဆင်ပြုပြင်ဆောင်ရွက်လျက်ရှိပါကြောင်း၊ ပညာရေးကဏ္ဍအနေဖြင့် ကျောင်းသား ကျောင်းသူများ ပညာသင်ကြားနိုင်ရေးအတွက် နောင်ချိုမြို့နယ်၊ ကျောက်မဲမြို့နယ်၊ သီပေါမြို့နယ်နှင့် လားရှိုးမြို့နယ်တို့တွင် ကျောင်းပေါင်း ၃၆၀ ကျော် ဖွင့်လှစ်သင်ကြားလျက်ရှိပါကြောင်း၊ ပို့ဆောင်ရေးကဏ္ဍနှင့် လျှပ်စစ်ကဏ္ဍအပါအဝင် ကျန်းမာရေးစောင့်ရှောက်မှုအတွက် ဆေးရုံများဖွင့်လှစ်၍ ကုသပေးလျက်ရှိပါကြောင်း၊ သို့ဖြစ်ပါ၍ အကြမ်းဖက်ဖြစ်စဉ်များကြောင့် ပျက်စီးဆုံးရှုံးသွားသည့် နေအိမ်များ၊ ဌာနဆိုင်ရာအဆောက်အအုံများ၊ သာသနိကဆိုင်ရာအဆောက်အအုံများနှင့် ဓာတ်အားလိုင်းများ၊ နိုင်ငံတော်အစိုးရမှ ကူညီထောက်ပံ့ပြုပြင်မှုများ ဆောင်ရွက်နေသည့်အပြင် တရားဥပဒေစိုးမိုးရေးအတွက်လည်း တပ်မတော်၊ မြန်မာနိုင်ငံရဲတပ်ဖွဲ့နှင့် ဌာနဆိုင်ရာများမှ ပူးပေါင်းဆောင်ရွက်လျက်ရှိပါကြောင်း ပြန်လည်ဖြေကြားခဲ့ ကြောင်း သိရသည်။

#YMG/NN #Yangon_Times

#Local_News
Published 22 October 2026

■ ကမ္ဘာ့အကောင်းဆုံးဆန်ဆု ရရှိထားသည့် မြန်မာ့ပေါ်ဆန်းဆန်ကို အမျိုးသားအဆင့် အရည်အသွေးမြင့်ထုတ်ကုန်တစ်ခုအဖြစ် ဖော်ဆောင်နိုင်ရေး အစိုးရ၊ ပုဂ္ဂလိက၊ ပညာရှင်များနှင့် တောင်သူများ စည်းလုံးညီညွတ်စွာ ပူးပေါင်းဆောင်ရွက်ကြရန် နိုင်ငံတော်သမ္မတက တိုက်တွန်းပြောကြားခဲ့သည်။

■ ၂၀၂၆ ခုနှစ် ကမ္ဘာ့အကောင်းဆုံးဆန်ဆုရရှိခဲ့သည့် မြန်မာ့ပေါ်ဆန်းဆန်ကို စိုက်ပျိုးထုတ်လုပ်တင်ပို့ရောင်းချသူများအား ဂုဏ်ပြုသည့်အခမ်းအနားနှင့်ဆန်ကဏ္ဍ စဉ်ဆက်မပြတ်ဖွံ့ဖြိုးတိုးတက်ရေးဆိုင်ရာ အလုပ်ရုံဆွေးနွေးပွဲ ဖွင့်ပွဲကို ယနေ့နံနက်ပိုင်းက နေပြည်တော်၊ ရေဆင်းစိုက်ပျိုးရေးတက္ကသိုလ် ဘွဲ့နှင်းသဘင်ခန်းမတွင် ကျင်းပခဲ့ခြင်းဖြစ်‌ကြောင်းသိရသည်။

■ အဆိုပါအခမ်းအနားတွင် “မြန်မာ့ပေါ်ဆန်း တစ်ခေတ်ဆန်းစေရမည်” ဆိုသည့် ရည်မှန်းချက်ကို လက်တွေ့အောင်မြင်မှုအဖြစ် ဖော်ဆောင်နိုင်ရန် သက်ဆိုင်ရာကဏ္ဍအသီးသီးမှ ပူးပေါင်းဆောင်ရွက်ကြရန် သမ္မတက တိုက်တွန်းခဲ့ခြင်းဖြစ်‌ကြောင်းသိရသည်။

#YMG/SW #Yangon_Times

#Local_News
 Published_ 22 October 2026

■ မြန်မာနိုင်ငံ အာမခံဈေးကွက်တွင် အာမခံလုပ်ငန်းပေါင်း ၂၇ ခုဖြင့် လုပ်ငန်းများ လည်ပတ်ဆောင်ရွက်လျက်ရှိကြောင်း သိရပါတယ်။

■ ပြည်တွင်းပုဂ္ဂလိက အသက်အာမခံကုမ္ပဏီကိုးခု၊ ဖက်စပ်အသက်အာမခံ ကုမ္ပဏီသုံးခု၊ ရာနှုန်းပြည့် နိုင်ငံခြားအသက်အာမခံကုမ္ပဏီငါးခု၊ ပြည်တွင်းပုဂ္ဂလိက အထွေထွေအာမခံ ကုမ္ပဏီခြောက်ခု၊ ဖက်စပ်အထွေထွေ အာမခံကုမ္ပဏီသုံးခု၊ အသက်နှင့် အထွေထွေအာမခံနှစ်မျိုးလုံး လုပ်ကိုင်သည့် နိုင်ငံပိုင် မြန်မာ့အာမခံလုပ်ငန်းအပါအဝင် စုစုပေါင်း (၂၇) ခုဖြင့် လုပ်ငန်းများ လည်ပတ်ဆောင်ရွက်နေတာဖြစ်ကြောင်း အာမခံလုပ်ငန်းကြီးကြပ်ရေးအဖွဲ့၏ (၄၁) ကြိမ်မြောက် (ပုံမှန်) အစည်းအဝေး (၂/၂၀၂၆)မှ သိရပါတယ်။
 
■ အဆိုပါအစည်းအဝေးကို အောက်တိုဘာ ၂၁ ရက်က နေပြည်တော်ရှိ ဘဏ္ဍာရေးနှင့်အခွန်ဝန်ကြီးဌာန ရုံးအမှတ် (၃၄) အစည်းအဝေးခန်းမ၌ ကျင်းပခဲ့တာ ဖြစ်ပါတယ်။
 
■ အာမခံလုပ်ငန်းကြီးကြပ်ရေးအဖွဲ့ဥက္ကဋ္ဌ ဘဏ္ဍာရေးနှင့်အခွန်ဝန်ကြီးဌာန ဒုတိယဝန်ကြီး ဦးကျော်ထင်က မြန်မာနိုင်ငံ အာမခံဈေးကွက်တွင် နိုင်ငံသားပိုင်၊ နိုင်ငံခြားသား ရာနှုန်းပြည့်ပိုင်၊ နိုင်ငံသားနှင့် နိုင်ငံခြားသားဖက်စပ်ပိုင်စသည်ဖြင့် ဟန်ချက်ညီစွာ ခွင့်ပြုထားပြီး အာမခံအမျိုးအစားစုံလင်စွာ ခွင့်ပြုထားပြီးဖြစ်၍ ဈေးကွက်တွင် ယှဉ်ပြိုင်လုပ်ကိုင်နေကြပြီဖြစ်တယ်လို့ ဆိုပါတယ်။

■ ထို့ပြင် အာမခံကဏ္ဍ စနစ်တကျ ဖွံ့ဖြိုးတိုးတက်လာစေရေး၊ ပြည်သူ ပြည်သားများအတွက် အာမခံအကာအကွယ် ပိုမိုရရှိစေရေးအတွက် အာမခံအမျိုးအစားသစ်များကို တိုးချဲ့လုပ်ကိုင်ဆောင်ရွက်ခွင့်ပြုရေးနှင့် မြန်မာနိုင်ငံ အာမခံဈေးကွက် ဖွံ့ဖြိုးတိုးတက်ခြင်းဖြင့် နိုင်ငံတော်၏စီးပွားရေးကို အထောက်အကူပြုစေရေးစသည်တို့ကို ဆက်လက်အကောင်အထည်ဖော်ရမှာဖြစ်ကြောင်း ပြောကြားခဲ့ပါတယ်။
 
■ ဆက်လက်၍ အာမခံလုပ်ငန်းကြီးကြပ်ရေးအဖွဲ့ အတွင်းရေးမှူးက အကြိမ် (၄၀) မြောက် အစည်းအဝေးဆုံးဖြတ်ချက်များအပေါ် ဆောင်ရွက်ပြီးစီးမှုများကို တင်ပြရာ အာမခံအမျိုးအစားသစ်များဖြစ်ကြသည့် အသေးစားငွေရေးကြေးရေးအဖွဲ့အစည်းများ၏ အသင်းသားများအတွက် အသက်အာမခံအမျိုးအစားသစ်၊ PRU မေတ္တာအာမခံ အမျိုးအစားသစ်၊ AIA တိုးပွားစီမံအာမခံ အမျိုးအစားသစ်၊ စိတ်ကြိုက်ဓနတိုး အသက်အာမခံအမျိုးစားသစ်၊ ပြည်ပပါဆယ် အာမခံအမျိုးအစားသစ်၊ Daiichi Smart Protect  ကျန်းမာရေးအာမခံအမျိုးအစားသစ် စုစုပေါင်း အာမခံအမျိုးစားသစ် ခြောက်မျိုးကို အဖွဲ့ဝင်များက ဖြည့်စွက်ဆွေးနွေး အကြံပြုဆွေးနွေးကြပါတယ်။
 
■ အာမခံလုပ်ငန်းကြီးကြပ်ရေးအဖွဲ့အနေဖြင့် မြန်မာနိုင်ငံ၏အာမခံကဏ္ဍ ဖွံ့ဖြိုးတိုးတက်ရေးအတွက် အာမခံအမျိုးအစား (၇၂) မျိုးကို ခွင့်ပြုထားပြီး နိုင်ငံခြား အာမခံကိုယ်စားလှယ်ရုံး (၂၄)ခု၊ အာမခံလျော်ကြေးတွက်ချက်သည့် Adjuster & Surveyors ကုမ္ပဏီငါးခု၊ ကော်ပိုရိတ်အာမခံ ကိုယ်စားလှယ် ၇၀ ၊ တစ်ဦးချင်း အာမခံကိုယ်စားလှယ် စုစုပေါင်း ၂၅၈၁၉ ဦး၊ အာမခံကိုယ်စားလှယ် အရည်အချင်းစစ်စင်တာတစ်ခုနှင့် ဌာနတွင်း အာမခံကိုယ်စားလှယ် သင်တန်းကျောင်း ၂၅ ခုတို့ကို ခွင့်ပြုထားပြီးဖြစ်ကြောင်း သတင်းရရှိပါတယ်။

#YMG #Yangon_Times #Yangon_Media_Group
Ymg_mnn

#World_News
Published 22 October 2026

■ အမေရိကန်သမ္မတ ဒေါ်နယ်ထရမ့်ဟာ ရုရှားအပေါ် ပိတ်ဆို့အရေးယူမှုတွေ ဖြေလျှော့ပေးခဲ့တဲ့ကိစ္စနဲ့ ပတ်သက်ပြီး မေးခွန်းမေးမြန်းခဲ့တဲ့ CNN နဲ့ ABC News သတင်းထောက်တွေကို ဒေါသတကြီး တုံ့ပြန်ခဲ့ပါတယ်။

■ အိမ်ဖြူတော်အပြင်ဘက်မှာ သတင်းထောက်တွေနဲ့ တွေ့ဆုံစကားပြောနေချိန်အတွင်း ဖြစ်ပွားခဲ့တဲ့ အဲဒီအခြေအနေမှာ ထရမ့်ကသတင်းထောက်တွေကို “လူတုံးတွေ”၊ “ဉာဏ်မရှိတဲ့သူတွေ” လို့ ပြောဆိုခဲ့ပါတယ်။

■ ဒီဖြစ်ရပ်ဟာ ရုရှားနိုင်ငံမှာ လေးနှစ်ကြာ ဖမ်းဆီးထိန်းသိမ်းခံထားရတဲ့ အမေရိကန်နိုင်ငံသားတစ်ဦး ပြန်လည်လွတ်မြောက်လာပြီး နာရီပိုင်းအကြာမှာဖြစ်ပွားခဲ့တာပါ။

■ အသက် ၇၄ နှစ်အရွယ် မစ်ချီဂန်ပြည်နယ်သား Stephen Hubbard ဟာ ယူကရိန်းဘက်က ကြေးစားစစ်သားအဖြစ် လုပ်ကိုင်ခဲ့တယ်ဆိုတဲ့ စွပ်စွဲချက်နဲ့ ရုရှားနိုင်ငံမှာ အကျဉ်းချခံထားရသူဖြစ်ပါတယ်။

■ CNN သတင်းထောက် Kaitlan Collins က Hubbard ပြန်လည်လွတ်မြောက်လာတဲ့ကိစ္စနဲ့ ပတ်သက်ပြီး ထရမ့်ကို မေးမြန်းခဲ့ပါတယ်။

■ ထရမ့်က အဲဒီအမေရိကန်နိုင်ငံသား အိမ်ပြန်နိုင်တော့မှာဖြစ်ကြောင်း ပြောခဲ့ပေမယ့် ရုရှားသမ္မတ ဗလာဒီမာပူတင်အပေါ် ပိတ်ဆို့အရေးယူမှုတွေကို ဆက်လက်ထိန်းသိမ်းထားမယ်ဆိုရင် အခုလို လွတ်မြောက်လာနိုင်မှာ မဟုတ်ဘူးလို့တုံ့ပြန်ခဲ့ပါတယ်။

■ “ခင်ဗျားတို့သာ အဲဒီပိတ်ဆို့အရေးယူမှုတွေ လုပ်ခဲ့မယ်ဆိုရင် သူ့ကို မေ့ထားလိုက်လို့ရပြီ။ သူဟာ နောက်ထပ် ၂၅ နှစ်လောက် အကျဉ်းထောင်ထဲမှာပဲ နေနေရဦးမှာ” လို့ ထရမ့်က ပြောပါတယ်။

■ ဒါ့အပြင် Collins က ထပ်ဆင့်မေးခွန်းမေးမြန်းခဲ့တဲ့အခါ ထရမ့်က သူမကို ပုဂ္ဂိုလ်ရေးအရ ထိုးနှက်ပြောဆိုခဲ့ပါတယ်။

■ ထရမ့်နဲ့ သတင်းထောက်တွေအကြား အချေအတင်ဖြစ်မှုဟာ အဲဒီမှာတင် မပြီးဆုံးခဲ့ပါဘူး။
နောက်ပိုင်းမှာ ABC News သတင်းထောက်တစ်ဦးက Hubbard ကို ပြန်လွှတ်ပေးနိုင်ဖို့အတွက် ရုရှားအပေါ် ပိတ်ဆို့အရေးယူမှုတွေ ဖြေလျှော့ပေးခဲ့တာဟာ မော်စကိုဘက်ကို အလျှော့ပေးလိုက်တာ မဟုတ်ဘူးလားလို့ မေးမြန်းခဲ့ပါတယ်။

■ “ရုရှားအပေါ် ပိတ်ဆို့အရေးယူမှုတွေကို ဖြေလျှော့ပေးပြီး Hubbard ကို ပြန်လွှတ်ပေးခဲ့တာဟာ ရုရှားဘက်ကို အလျှော့ပေးလိုက်တာ မဟုတ်ဘူးလား” လို့ သတင်းထောက်က မေးခဲ့တာပါ။

Source-Wion

#World_Health
Published 22 October 2026

■ Aspirin ဆိုတာ ရောင်ရမ်းမှုနဲ့ နာကျင်မှုကို သက်သာစေတဲ့အပြင် သွေးဥမွှားလေးတွေ အချင်းချင်းကပ်ပြီး သွေးခဲဖြစ်ပေါ်တာကိုလည်း တားဆီးပေးနိုင်တဲ့ ဆေးတစ်မျိုးပါ။

■ အသက်ကြီးသူတွေမှာ Aspirin ပမာဏနည်းနည်း သောက်သုံးခြင်းဟာ Dementiaဖြစ်နိုင်ခြေကို ၇၀ ရာခိုင်နှုန်းခန့် လျှော့ချပေးနိုင်တယ်လို့ မျိုးဗီဇဆိုင်ရာ သုတေသနအသစ်တစ်ခုက ဖော်ပြထားပါတယ်။

■ ဒါပေမဲ့ ဒီအကျိုးကျေးဇူးကို လူတိုင်းမှာ တွေ့ရှိခဲ့တာ မဟုတ်ပါဘူး။ သွေးဥမွှားအရေအတွက်နဲ့ ဆက်စပ်တဲ့ မျိုးဗီဇလက္ခဏာတစ်မျိုးရှိသူတွေမှာသာ ထင်ရှားတဲ့ ဆက်စပ်မှုကို တွေ့ရှိခဲ့တာဖြစ်ပါတယ်။

■ အရေးကြီးဆုံးကတော့ Aspirin သောက်သုံးသူတွေမှာ ပြင်းထန်တဲ့ သွေးယိုစီးမှုဖြစ်နိုင်ခြေလည်း မြင့်တက်လာခဲ့တာပါ။

■ သုတေသနမှာ ဘာတွေကို လေ့လာခဲ့သလဲ။

■ သုတေသီတွေဟာ ASPREE Trial (Aspirin in Reducing Events in the Elderly) လို့ခေါ်တဲ့ သက်ကြီးရွယ်အိုတွေကို လေ့လာထားတဲ့ စမ်းသပ်မှုက လူပေါင်း ၁၃,၅၀၀ ကျော်ရဲ့ မျိုးဗီဇဆိုင်ရာ အချက်အလက်တွေကို ပြန်လည်ဆန်းစစ်ခဲ့ကြပါတယ်။

■ သုတေသနကို ဦးဆောင်သူ Peter Fransquet ဟာ သြစတြေးလျနိုင်ငံ Monash တက္ကသိုလ်၊ ပြည်သူ့ကျန်းမာရေးနဲ့ ကြိုတင်ကာကွယ်ရေးဆေးပညာဌာနက သုတေသီတစ်ဦးဖြစ်ပါတယ်။

■ သူတို့ သိချင်ခဲ့တာက လူတစ်ယောက်ရဲ့ မျိုးဗီဇပုံစံဟာ Aspirin သောက်သုံးခြင်းကြောင့်  Dementia ဖြစ်နိုင်ခြေ လျော့နည်းမှုအပေါ် သက်ရောက်မှုရှိ၊ မရှိ ဆိုတာပါ။

■ အရင်က ပြုလုပ်ခဲ့တဲ့ Aspirin စမ်းသပ်မှုတွေမှာ လူအားလုံးကို စုပေါင်းကြည့်တဲ့အခါ  Dementia ကို ကာကွယ်ပေးနိုင်တယ်ဆိုတဲ့ သိသာထင်ရှားတဲ့ အထောက်အထား မတွေ့ခဲ့ကြပါဘူး။

■ ဒါပေမဲ့ ဒီသုတေသနအသစ်မှာတော့ မျိုးဗီဇအုပ်စုတချို့အတွက် ကွဲပြားတဲ့ရလဒ်ကို တွေ့ရှိခဲ့ပါတယ်။

■ ဒီသုတေသနက နောက်ထပ် ဘာတွေကို ဖော်ပြနေသလဲ။

■ သုတေသီတွေက ဒီရလဒ်ဟာ အနာဂတ်မှာ လူတစ်ယောက်ချင်းစီရဲ့ မျိုးဗီဇပုံစံနဲ့ ကျန်းမာရေးအခြေအနေကို အခြေခံပြီး ကာကွယ်ရေးနည်းလမ်းတွေ ရွေးချယ်နိုင်ဖို့ လမ်းဖွင့်ပေးနိုင်တယ်လို့ ယူဆထားပါတယ်။

■ လက်ရှိမှာတော့မျိုးဗီဇအမှတ်တစ်ခုတည်းကို အခြေခံပြီး Aspirin သောက်သင့်၊ မသောက်သင့် ဆုံးဖြတ်ဖို့ မလုံလောက်သေးပါဘူး။

■ ဒီရလဒ်ကို အခြားလူအုပ်စုတွေမှာ ထပ်မံအတည်ပြုဖို့လိုအပ်ပါတယ်။

■ အဲဒီမျိုးဗီဇပုံစံရှိသူတွေအတွက် သီးသန့်ဒီဇိုင်းလုပ်ထားတဲ့ လက်တွေ့စမ်းသပ်မှုတွေ ပြုလုပ်ဖို့ လိုအပ်ပါတယ်။

■ Aspirin ရဲ့ အကျိုးကျေးဇူးနဲ့ သွေးယိုစီးမှုအန္တရာယ်ကို လူတစ်ဦးချင်းစီအလိုက် ချိန်ဆဖို့ လိုပါတယ်။

■ ဒီသုတေသနမှာ သွေးဥမွှားအရေအတွက်နဲ့ ဆက်စပ်တဲ့ မျိုးဗီဇအမှတ် မြင့်မားသူတွေထဲမှာ Aspirin သောက်သုံးသူတွေဟာ Placebo သောက်သူတွေထက်  Dementia   ဖြစ်ပွားမှု နည်းပါးခဲ့ပါတယ်။ နှိုင်းရအန္တရာယ်က ၇၀ ရာခိုင်နှုန်းခန့် လျော့နည်းခဲ့ပေမဲ့ ပြင်းထန်တဲ့ သွေးယိုစီးမှုအန္တရာယ်ကတော့ မြင့်တက်ခဲ့ပါတယ်။

■ အဓိကမှတ်ထားရမှာက Aspirin ဟာ Dementia ကို ကာကွယ်ဖို့ လူတိုင်းပုံမှန်သောက်သင့်တဲ့ဆေးလို့ ဒီသုတေသနက သက်သေမပြနိုင်သေးပါဘူး။

■ Aspirin ကို နှလုံးသွေးကြောရောဂါအတွက် ဆရာဝန်ညွှန်ကြားချက်နဲ့ သောက်နေသူတွေဟာ ကိုယ့်သဘောနဲ့ ဆေးမရပ်သင့်သလို၊ ဒီမင်ရှားကာကွယ်ဖို့အတွက်လည်း ဆရာဝန်နဲ့ မတိုင်ပင်ဘဲ စတင်မသောက်သင့်ပါဘူး။

Source-NDTV

#World_Health
Published 22 October 2026

■ ဗီတာမင် D ဆိုတာ အရိုးနဲ့ သွားတွေ ကျန်းမာဖို့အတွက်ပဲ လိုအပ်တာမဟုတ်ပါဘူး။ ခန္ဓာကိုယ်ထဲမှာ ကယ်လ်စီယမ်နဲ့ ဖော့စဖိတ်ဓာတ်တွေကို ထိန်းညှိပေးတဲ့အပြင် ဦးနှောက်နဲ့ အာရုံကြောစနစ်ရဲ့ လုပ်ဆောင်မှုတွေနဲ့လည်း ဆက်စပ်နေပါတယ်။

■ အရင်က ပြုလုပ်ခဲ့တဲ့ သုတေသနတွေမှာ ဗီတာမင် D ပမာဏနည်းနေသူတွေဟာ မှတ်ဉာဏ်ပိုင်းဆိုင်ရာ စွမ်းဆောင်ရည် ကျဆင်းတာ၊ စဉ်းစားတွေးခေါ်နိုင်စွမ်း အားနည်းလာတာနဲ့ ဦးနှောက်ရဲ့ လုပ်ဆောင်ချက်တွေထိခိုက်လာတာမျိုး ပိုတွေ့ရတတ်ကြောင်းဖော်ပြထားပါတယ်။

■ ဒါ့အပြင် ဗီတာမင် D ချို့တဲ့မှုဟာ Dementia နဲ့ အယ်လ်ဇိုင်းမားရောဂါ (Alzheimer’s disease) ဖြစ်ပွားနိုင်ခြေတို့နဲ့လည်း ဆက်စပ်နေနိုင်တယ်လို့ လေ့လာမှုအချို့က ဖော်ပြထားပါတယ်။

■ ဒါပေမဲ့ ဗီတာမင် D နည်းနေတာကြောင့် ဒီရောဂါတွေ တိုက်ရိုက်ဖြစ်လာတယ်လို့ အတည်ပြုနိုင်ခြင်းတော့ မရှိသေးပါဘူး။

■ ဗီတာမင် D ချို့တဲ့သူတွေမှာ ဦးနှောက်အိုမင်းမှု ပိုမြန်နေတတ်တယ်

■ ဒီသုတေသနရဲ့ အဓိကတွေ့ရှိချက်ကတော့ ဗီတာမင် D ချို့တဲ့နေသူတွေမှာ ဦးနှောက်ရဲ့ အိုမင်းမှုဟာ ပိုမိုမြန်ဆန်နေခြင်းနဲ့ ဆက်စပ်နေတယ်ဆိုတာပါ။

■ ဒီနေရာမှာ သတိထားရမယ့်အချက်တစ်ခုရှိပါတယ်။ ဦးနှောက်အိုမင်းမှု ပိုမြန်တယ်ဆိုတာ ဦးနှောက်က အသက်အရွယ်အလိုက် မျှော်လင့်ထားတာထက် ပိုအိုမင်းနေတဲ့ ပုံစံကို ဆိုလိုတာပါ။ လူတစ်ယောက်ရဲ့ ဦးနှောက်ဟာ တကယ်ပဲ ဘယ်နှနှစ်စာ ပိုအိုမင်းနေတယ်ဆိုတာကို ဒီရလဒ်တစ်ခုတည်းနဲ့ တိတိကျကျ မသတ်မှတ်နိုင်ပါဘူး။

■ ဗီတာမင် D ပမာဏနဲ့ ဦးနှောက်ထုထည်တို့ ဆက်စပ်မှုရှိတယ်

■ သုတေသီတွေ တွေ့ရှိခဲ့တာက ဗီတာမင် D ပမာဏ ပိုမြင့်တဲ့သူတွေမှာ
ဦးနှောက်တစ်ခုလုံးရဲ့ ထုထည် ပိုများနေတတ်တယ်။

■ Gray matter လို့ခေါ်တဲ့ ဦးနှောက်မီးခိုးရောင်တစ်ရှူးရဲ့ ထုထည်လည်းပိုများနေတတ်တယ်။

■ Gray matter ဟာ သတင်းအချက်အလက်တွေကို စီမံဆောင်ရွက်ခြင်း၊ လှုပ်ရှားမှုတွေကို ထိန်းချုပ်ခြင်းနဲ့ မှတ်ဉာဏ်ဆိုင်ရာ လုပ်ဆောင်ချက်တွေမှာ အရေးကြီးတဲ့ အခန်းကဏ္ဍက ပါဝင်ပါတယ်။

■ ဒီတွေ့ရှိချက်တွေကြောင့် ဗီတာမင် D ဟာ ဦးနှောက်တစ်ရှူးတွေကို ထိန်းသိမ်းကာကွယ်ရာမှာ အခန်းကဏ္ဍရှိနိုင်တယ်လို့ သုတေသီတွေက ယူဆထားကြပါတယ်။

■ ဒါပေမဲ့ ဒီလေ့လာမှုဟာ ဆက်စပ်မှုကို ဖော်ပြတာဖြစ်ပြီး ဗီတာမင် D သောက်သုံးခြင်းက ဦးနှောက်ထုထည်ကို တိုးစေတယ်ဆိုတာကို တိုက်ရိုက်သက်သေပြထားတာ မဟုတ်ပါဘူး။

■ ဒီသုတေသနက လူပေါင်း ၁,၈၆၅ ယောက်ရဲ့ အချက်အလက်တွေကို လေ့လာပြီး ဗီတာမင် D ချို့တဲ့ခြင်းဟာ ဦးနှောက်အိုမင်းမှု ပိုမြန်ခြင်းနဲ့ ဆက်စပ်နေကြောင်း ဖော်ပြခဲ့ပါတယ်။

■ ဗီတာမင် D ပမာဏ ပိုမြင့်သူတွေမှာ ဦးနှောက်တစ်ခုလုံးနဲ့ Gray matter ထုထည် ပိုများနေတတ်ပေမဲ့ Hippocampus ထုထည်နဲ့တော့ သိသာတဲ့ဆက်စပ်မှု မတွေ့ခဲ့ပါဘူး။

■ အဓိကမှတ်ထားရမှာက ဗီတာမင် D လုံလောက်မှုဟာ ဦးနှောက်ကျန်းမာရေးအတွက် အရေးပါနိုင်ပေမဲ့ ဗီတာမင် D ဖြည့်စွက်သောက်ရုံနဲ့ ဦးနှောက်အိုမင်းမှုကို ကာကွယ်နိုင်တယ်လို့ အတည်ပြုနိုင်သေးတာ မဟုတ်ပါဘူး။

■ ဗီတာမင် D ချို့တဲ့မှုကို ရှာဖွေပြုပြင်ခြင်း၊ အာဟာရမျှတစွာစားခြင်း၊ ပုံမှန်လှုပ်ရှားခြင်းနဲ့ အိပ်ရေးဝဝအိပ်ခြင်းတို့ဟာ ဦးနှောက်ကျန်းမာရေးကို ထိန်းသိမ်းဖို့ အရေးကြီးတဲ့ အစိတ်အပိုင်းတွေ ဖြစ်ပါတယ်။

Source-Science Direct

ပီရူးနိုင်ငံရှိ ရေဝပ်ဒေသတစ်ခုမှာ အယ်လ်နီညို (El Nino) ရာသီဥတုကြောင့် အပူချိန်မြင့်တက်ခြင်းနဲ့ မိုးသည်းထန်စွာ ရွာသွန်းခြင်းတို့ဖြစ်ပေါ်နေပြီး တောရိုင်းတိရစ္ဆာန်တွေရဲ့ ဂေဟစနစ်ထိခိုက်မယ့် စိန်ခေါ်မှုတွေလည်း ရင်ဆိုင်နေရပါတယ်။

#World_News
Published 22 October 2026
#ပီရူး #အယ်လ်နီညိုရာသီဥတု
#YMG #Yangon_Times #Yangon_Media_Group

ပြည်ပနိုင်ငံများသို့ ပဲမျိုးစုံတင်ပို့ရာတွင်အရည်အသွေးမြှင့်တင်ပို့ခြင်းနဲ့ တန်ဖိုးမြှင့်ထုတ်ကုန်များအဖြစ်ပြုလုပ်တင်ပို့ပါက နိုင်ငံခြားဝင်ငွေတိုးတက်ရရှိနိုင်တယ်လို့မြန်မာနိုင်ငံ ပဲမျိုးစုံ၊ ပြောင်းနှင့်နှမ်းကုန်သည်များအသင်း ဒုတိယဥက္ကဋ္ဌ ဒေါက်တာမျိုးလွင်က ပြောပါတယ်။

#Local_News
Published 21 October 2026
#ပဲမျိုးစုံ
#YMG/NN #Yangon_Times

ရန်ကုန်တိုင်းဒေသကြီးအတွင်း စက်မှုကဏ္ဍမှာ နိုင်ငံခြားရင်းနှီးမြှုပ်နှံမှုလုပ်ငန်း ၁၀ ခုနဲ့ မြန်မာနိုင်ငံသား ရင်းနှီးမြှုပ်နှံမှုလုပ်ငန်း ၂ ခု၊ စုစုပေါင်း ၁၂ ခုကို အတည်ပြုပေးခဲ့ပြီး ပြည်တွင်းအလုပ်အကိုင် ၉,၃၁၅ ဦး ဖန်တီးပေးနိုင်မှာဖြစ်တယ်လို့ သိရပါတယ်။

#Local_News
Published 21 October 2026
#ရန်ကုန်တိုင်းဒေသကြီး #စက်မှုကဏ္ဍ
#YMG/SW #Yangon_Times

သီတင်းကျွတ်ကာလအတွက် ရထားအစီးရေ(၃၂)စီးအထိတိုးမြှင့်ပြေးဆွဲသွားမှာဖြစ်ပြီး လက်ရှိအချိန်မှာတော့ ORTPစနစ်နဲ့ အွန်လိုင်းမှရထားလက်မှတ်များကြိုတင်ဝယ်ယူမှုများပြားနေတယ်လို့ မြန်မာ့မီးရထားကနေ သိရပါတယ်။

#Local_News
Published 21 October 2026
#သီတင်းကျွတ် #ရထား
#YMG/NN #Yangon_Times

#Daily_News
Published 21 October 2026

၁။‌ အရည်အသွေးမြှင့် ပဲမျိုးစုံအားတန်ဖိုးမြှင့်ထုတ်ကုန်အဖြစ်တင်ပို့ပါက နိုင်ငံခြားဝင်ငွေတိုးတက်ရရှိနိုင်

၂။ ‌ ရင်းနှီးမြှုပ်နှံမှုလုပ်ငန်း(၁၂)ခု အတည်ပြု၊လူကိုးထောင်ကျော်အတွက် အလုပ်အကိုင်ဖန်တီးနိုင်မည်

၃။‌‌‎ သီတင်းကျွတ်ကာလအတွက် ရထားအစီးရေ(၃၂)စင်း အထိတိုးမြှင့်ပြေးဆွဲမည်ဖြစ်ပြီး ရထားလက်မှတ်ကြိုတင်ဝယ်ယူမှုများပြားနေ

၄။‎ ပီရူးတွင် အယ်လ်နီညိုရာသီဥတုကြောင့် ရာသီဥတုဖောက်ပြန်မှုများရင်ဆိုင်နေရ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group