#Local_News
Published 01 April 2026

■ ထိုင်း- မြန်မာ နယ်စပ်ကုန်သွယ်ရေးအတွက် အရေးပါသည့် ဘားအံ-ကော့ကရိတ်-မြဝတီ အာရှလမ်းမကြီးကို ၂၀၂၆ ခုနှစ်၊ ဧပြီ ၂ ရက်တွင် ပြန်လည်ဖွင့်လှစ်တော့မည်ဖြစ်ကြောင်း သိရသည်။

■ အဆိုပါ ဘားအံ-ကော့ကရိတ်-မြဝတီ(အာရှလမ်း)ကြီး ဖွင့်လှစ်ခြင်းကိုအာရှလမ်းမကြီးအစပိုင်းဖြစ်သည့် ဘားအံမြို့နယ်တံတားဦးကျေးရွာ(လွန်းညရေပြာအိုင်အနီး) တွင် အခမ်းအနားဖြင့် ကျင်းပမည်ဖြစ်သည်။

■ အာရှလမ်းမကြီးသည် ထိုင်း-မြန်မာ ကုန်သွယ်မှုအတွက်အရေးပါသည့်လမ်းမကြီးဖြစ်ရာ
ပြန်လည်ဖွင့်လှစ်ပါက ကုန်စည်စီးဆင်းမှုပြန်လည်ကောင်းမွန်လာနိုင်ပြီး ကုန်စျေးနှုန်းများလည်း ပြန်လည်ကျဆင်းလာနိုင်ကြောင်း သိရသည်။

#YMG/NN #Yangon_Times

#World_News
Published 01 April 2026

■ အီရန်သမ္မတ မာဆုဒ်ပါဇက်ရှ်ကီယန်က အမေရိကန်၊ အစ္စရေးလ်တို့နဲ့ ဖြစ်နေတဲ့ စစ်ပွဲကို မဖြစ်မနေ အဆုံးသတ်လိုတဲ့ဆန္ဒ ရှိတဲ့သဘော မတ်လ ၃၁ ရက်နေ့က ပြောပါတယ်။

■ ဒါပေမဲ့ နောက်ထပ် ရန်လိုတိုက်ခိုက်မှုတွေ ထပ်မလုပ်ရဘူးဆိုတဲ့ အာမခံချက်တွေ အလိုရှိတယ်လို့ အလေးထားပြောပါတယ်။

■ နောက်ထပ် တိုက်ခိုက်မှုတွေ မလုပ်ဘူးလို့ အာမခံချက်မျိုးရရင် ပဋိပက္ခအဆုံးသတ်လိုတယ်လို့ ပါဇက်ရှ်ကီယန်က ဥရောပကောင်စီဥက္ကဌနဲ့ ဖုန်းပြောဆိုခဲ့ပါတယ်။

■ ဒီစကားတွေက အီရန်ရဲ့သဘောထား ပျော့ပျောင်းလာတဲ့သဘော မြင်နေရပါတယ်။

■ အမေရိကန်သမ္မတ ဒေါ်နယ်ထရမ့်ကလည်း ဟော်မုဇ်ရေလက်ကြား အများစုပိတ်ထားရင်တောင်မှ စစ်ဆင်ရေးအဆုံးသတ်ဖို့ ပြင်ဆင်နေကြောင်း ပြောထားပါတယ်။

■ ရေလက်ကြားပြန်ဖွင့်ရေး စစ်ဆင်ရေး အင်ပြည့်အားပြည့် ဆောင်ရွက်နေခြင်းက ထရမ့်မျှော်မှန်းထားတဲ့ အချိန်ကာလထက် ကျော်လွန်သွားဖွယ် ‌ရှိနေပါတယ်။

■ ထရမ့်ရဲ့ လက်ရှိဗျူဟာက အီရန်ရဲ့ ဒုံးကျည်တွေနဲ့ ရေတပ်အင်အားတွေကို ရိုက်ခတ်စေဖို့ ဖြစ်ပါတယ်။

■ ဒါပေမဲ့ အမေရိကန်က နောက်ထပ်တပ်အင်အားတွေနဲ့ ဖြည့်တင်းသွားမယ်လို့လည်း သတိပေးနေပါတယ်။

■ မကြာခင်မှာ သဘောတူညီချက်တစ်ခုခု မရဘူးဆိုရင် အီရန်ရဲ့ အရပ်ဘက် အဆောက်အအုံတွေကို တိုက်ခိုက်သွားမယ်လို့ သတိပေးထားပါတယ်။

■ အီရန်က အရေးပါတဲ့ ဟော်မုဇ်ရေလက်ကြားကို ထိန်းချုပ်နေပြီး အီရန်အပေါ် ခင်မင်တဲ့သဘောပြတဲ့ နိုင်ငံတွေကို ရေလက်ကြားကနေ ဖြတ်သန်းခွင့် ပေးထားပါတယ်။

Source: WION

#World_Science
Published 01 April 2026

■ အိန္ဒိယအလယ်ပိုင်းမှာ ၂၀၁၇ ကွင်းဆင်းစစ်တမ်းတစ်ခုမှာ သုတေသီများအဖွဲ့က ရုပ်ကြွင်းဥ ၁၁ ဥကို မှတ်တမ်းပြုစုခဲ့ကြပါတယ်။

■ တစ်ဥချင်းစီက ၁၅ စင်တီမီတာခန့်ရှိပြီး ဆန်းကျယ်စွာဖြင့် ပုံသဏ္ဍာန်တွေ တူညီနေပါတယ်။

■ ဥခွံသွင်ပြင်အရ တိုင်တန်နိုဆော အမျိုးအစားဝင်တွေ ဖြစ်နိုင်ပေမယ့် နမူနာတစ်ခုကတော့ အပြင်အခွံအောက်ဘက်မှာ သွယ်ဝိုက်အရိပ်တစ်ခု ဖြစ်နေပြီး နောက်ထပ်ပုံရိပ်တွေ စူးစမ်းလာစေပါတယ်။

■ ဒါဟာ ရှားပါးဖွဲ့စည်းပုံတစ်ခုဖြစ်ပြီး သက်တမ်းနှစ်ပေါင်း ၆၈ သန်းရှိပြီ ဖြစ်ပါတယ်။

■ အရည်အသွေးမြင့် CT စကင်များအရ ခြားနားတဲ့ အခွံအလွှာနှစ်ခု တွေ့ရပြီး အတွင်းပိုင်းဥက လားရာပြောင်းပြန်ဖြစ်နေကာ နောက်ထပ်အခွံက အုပ်ထားတာ ဖြစ်ပါတယ်။

■ ပုံရိပ်တွေကို အခြားတိုင်တန်နိုဆောဥတွေနဲ့ နှိုင်းယှဉ်ခဲ့ရာမှာ ဒီမျိုးစိတ်ထဲက ဘယ်ဥနဲ့မှ မကိုက်ညီခဲ့ပါဘူး။

■ သုတေသနပြုစုချက်တွေအရ ဥအခွံအထူနဲ့ ကောက်ကွေးသွားပုံက နောက်ထပ်အခွံတစ်ခု ဖြစ်ပေါ်လာခဲ့တယ်လို့ ယူဆခဲ့ကြပါတယ်။

■ အပြင်ဘက်အခွံက ၂.၆ မီလီမီတာရှိကာ အတွင်းဘက်အခွံကတော့ ၂ မီလီမီတာခန့်ရှိပါတယ်။

■ အခွံနှစ်ခုပါ ဖွဲ့စည်းပုံအတိုင်းဆိုရင် တိုင်တန်နိုဆောတွေက ငှက်တွေလိုမျိုး ပိုင်းခြားထားတဲ့ ဥပြွန်တွေ ရှိနေနိုင်ပါတယ်။

■ အနုစိတ်ဖွဲ့စည်းပုံဆန်းစစ်ချက်အရ ကယ်ဆိုက်ဖွံ့ဖြိုးမှုထင်ရှားပြီး အနည်ထိုင်ကွာဟမှုကြောင့် မတူညီတဲ့ အချိန်ဒေသတွေမှာ ဥအခွံတွေ ဖြစ်ပေါ်ခဲ့တဲ့သဘော မြင်တွေ့ရပါတယ်။

■ ဒီတွေ့ရှိချက်အရ တိုင်တန်နိုဆောတွေရဲ့ မျိုးပွားပုံတွေကို သိရှိလာရပြီး အချို့ဒိုင်နိုဆောတွေဟာ ငှက်တွေလို မျိုးပွားစနစ်တွေ ရှိခဲ့တယ်လို့ ယူဆရပါတယ်။

Source: Daily Galaxy.

#World_Health
Published 01 April 2026

■ သိပ္ပံပညာရှင်တွေက သားအိမ်တွင်းဆဲလ်များ နေရာလွဲခြင်း၊ သားအိမ်ခေါင်းကင်ဆာ၊ ဆီးချို၊ ဗိုက်တာမင်ချို့တဲ့ခြင်းကဲ့သို့ ရောဂါအခြေအနေများ ရှာဖွေတွေ့ရှိဖို့အတွက် ရာသီသွေးအလားအလာကို စူးစမ်းနေကြပါတယ်။

■ သားအိမ်တွင်းဆဲလ်များ နေရာလွဲခြင်းရောဂါက ကမ္ဘာတဝှမ်းက အမျိုးသမီးပေါင်း သန်း ၁၉၀ မှာ ဖြစ်ပေါ်နေပြီး ရောဂါရှာဖွေတွေ့ရှိဖို့ ၅ နှစ်မှ ၁၂ နှစ်အထိ ကြာမြင့်တတ်ကာ ကိုယ်တွင်းအင်္ဂါကြည့်မှန်ပြောင်း အသုံးပြုခြင်းလိုမျိုး ကိုယ်တွင်းခွဲစိတ်နည်းလမ်းတွေ လိုအပ်လေ့ရှိပါတယ်။

■ NextGen Jane လိုမျိုး ကုမ္ပဏီတွေက ရာသီသွေးအသုံးပြုတဲ့ ကိုယ်တွင်းခွဲစိတ်စရာမလိုတဲ့ နည်းလမ်းတွေ ဖန်တီးနေပြီး ပရိုတိန်း၊ ဟော်မုန်း၊ မျိုးပွားစနစ်မှ ဆဲလ်တွေ ရောစပ်ပါဝင်တာ ဖြစ်ပါတယ်။

■ ရာသီသွေးက သားအိမ်ခေါင်းကျန်းမာရေးအကြောင်း ဘက်ပေါင်းစုံအမြင်တွေ ပေးစွမ်းနိုင်ပြီး သားအိမ်ခေါင်းကင်ဆာ၊ သားအိမ်ကြွက်သားများ နံရံသို့ထွက်သည့်ရောဂါ၊ သားအိမ်အတွင်းပိုင်း ပိုးဝင်ခြင်းစတဲ့ ရောဂါအခြေအနေတွေကို ရှာဖွေပေးနိုင်မှာ ဖြစ်ပါတယ်။

■ ရာသီသွေးထဲက သားအိမ်ခေါင်း သဘာဝဖျက်ဆီးဆဲလ်များ၊ ဖိုင်ဘရိုဘလက်စ်ဆဲလ်တွေလို ဇီဝအမှတ်အသားတွေ ကွဲပြားခြင်းကနေ သားအိမ်ကြွက်သားများ နံရံသို့ထွက်သည့်ရောဂါနဲ့ အခြားရောဂါတွေ ရှာဖွေနိုင်မှာ ဖြစ်ပါတယ်။

■ ရာသီသွေးဖြင့် ကိုယ်ခံအားရောဂါများ၊ ဆီးချို၊ သိုင်းရွိုက်ပြဿနာများ၊ ပတ်ဝန်းကျင်အဆိပ်အတောက် ထိတွေ့မှုတွေအကြောင်းလည်း သိရှိစေနိုင်မှာ ဖြစ်ပါတယ်။

■ Qvin ရဲ့ FDA အသိအမှတ်ပြု Q-Pad လိုမျိုး ဖန်တီးမှုများဖြင့် သွေးတွင်းသကြားဓာတ်ကို တိုင်းတာနိုင်ပြီး HPV ဖြစ်နိုင်ခြေတွေကို တွေ့ရှိနိုင်မှာ ဖြစ်ပါတယ်။

■ အမျိုးသမီးတွေရဲ့ ကျန်းမာရေးသုတေသနမှာ နှောင့်နှေးမှုတွေ ရှိပေမယ့် ယခုလိုမျိုး ရာသီသွေးအချက်အလက်များဖြင့် စိတ်ဝင်စားမှု မြင့်မားစေမှာ ဖြစ်ပါတယ်။

Source: BBC

ပိုဆောင်မှုလုံခြုံရေးစီမံအုပ်ချုပ်ရေး(TSA) ဝန်ထမ်းများ နည်းပါးနေသဖြင့် လူဝင်မှုနဲ့ အကောက်ခွန်ကြီးကြပ်ရေး (ICE)အေးဂျင့်တွေ ကူညီနေတာကြောင့် ဗာဂျီးနီးယား အာလင်တန်ရှိ ရီဂန်အပြည်ပြည်ဆိုင်ရာလေဆိပ်မှာ ခရီးသည်တွေ ကြာရှည်စောင့်ဆိုင်းနေရပြီး အဆင်မပြေဖြစ်နေပါတယ်။

#World_News
#TSA #ICE
Published 31 March 2026
#YMG #Yangon_Times #Yangon_Media_Group

#Local_News
Published 31 March 2026

■ ဗဟိုမိုဘိုင်းစက်ပစ္စည်း သက်သေခံမှတ်ပုံတင်စနစ် (Central Equipment Identity Register- CEIR)ကို ဧပြီလ၁ရက်တွင်စတင်ကျင့်သုံးမည့်စနစ်ကြောင့် မိုဘိုင်းအော်ပရေတာဆိုင်များတွင် SIMကတ်များတိုးကြိတ်ဝယ်ယူနေကြကြောင်း သိရသည်။

■ အဆိုပါ စနစ်ကိုပြည်တွင်း၌ မိုဘိုင်းဖုန်းများကို အခွန်ကောက်နိုင်ရန် ဆောင်ရွက်ခြင်းဖြစ်ကြောင်းသိရသည်။" ဒီမှာက နှစ်ရက်/သုံးရက်ရှိပြီ လူတွေတအားတိုးကြိတ်ပြီး SIM ကတ်တွေလာဝယ်ကြတာ။ဒီနေ့တော့ တိုကင်စနစ်နဲ့လုပ်လိုက်တော့ တိုးဝှေ့ရတာနည်းနည်းသက်သာသွားတာပေါ့"ဟု MPT မိုဘိုင်းအော်ပရေတာရုံးမှ တာဝန်ထမ်းဆောင်နေသူတစ်ဦးကပြောသည်။

■ ယနေ့မတ်လ ၃၁ရက်သည် လက်ရှိအသုံးပြုနေသော ဖုန်းများ၏ IMEI ကို နောက်ဆုံး မှတ်ပုံတင်ရမည့် နေ့ဖြစ်သောကြောင့်လည်း ရနိကုန်မြို့ရှိ ဆင်းကတ်အရောင်းဆိုင်များတွင် တန်းစီဝယ်ယူသူလည်းများပြားနေခြင်းဖြစ်ပြီး လက်ရှိတွင် Physical SIM ကတ်ဝယ်ယူပြီး ESIM လျှောက်ထားမှု ပိုမိုများပြားနေ‌ကြောင်း သိရသည်။

#YMG/SW #Yangon_Times

အိမ်ရာချေးငွေလုပ်ငန်းဖွံဖြိုးတိုးတက်ရေး စီမံကိန်းအစီအစဉ်နဲ့ ပြီးခဲ့တဲ့ ဇန်နဝါရီလအတွင်းက ဝယ်ယူထားတဲ့ ရိုးမရိပ်သာအိမ်ရာ အခန်း ယာယီနေထိုင်ခွင့်များကို အခုရက်ပိုင်းအတွင်း ထုတ်ပေးသွားမယ်လို့ မြို့ပြနှင့်အိမ်ရာဖွံဖြိုးရေးဦးစီးဌာနက သိရပါတယ်။

#Local_News
Published 31 March 2026
#ရိုးမရိပ်သာအိမ်ရာ #အိမ်ရာချေးငွေ
#YMG/NN #Yangon_Times

အိန္ဒိယနိုင်ငံက ငလျင်အပြီး အဆောက်အအုံများစစ်ဆေးရာမှာ အသုံးပြုဖို့အတွက် ကျပ်သိန်းပေါင်း တစ်သောင်းကျော်တန်ဖိုးရှိတဲ့ စက်ကိရိယာပစ္စည်း‌တွေလှူဒါန်းခဲ့တယ်လို့သိရပါတယ်။

#Local_News
Published 31 March 2026
#အိန္ဒိယ #စက်ကိရိယာပစ္စည်း‌
#YMG/SW #Yangon_Times

ဓာတ်မြေဩဇာတွေကို ဈေးနှုန်းသက်သာစွာ တိုက်ရိုက်ဝယ်ယူသုံးစွဲနိုင်ဖို့ ချုပ်ဆိုခဲ့တဲ့စာချုပ်တွေနဲ့ ပတ်သက်တဲ့ တံဆိပ်ခေါင်းခွန်တွေကို ကင်းလွတ်ခွင့်ပြုလိုက်တယ်လို့ ဘဏ္ဍာရေးနဲ့အခွန်ဝန်ကြီးဌာနက အသိပေးထုတ်ပြန်ထားပါတယ်။

#Local_News
Published 31 March 2026
#ဓာတ်မြေဩဇာ #တံဆိပ်ခေါင်းခွန်
#YMG/SW #Yangon_Times

မန္တလေးတိုင်းဒေသကြီး၊ ညောင်ဦးမြို့နယ်၊ ပုဂံမြို့ဟောင်း၊ ပုဂံရှေးဟောင်းယဉ်ကျေးမှုနယ်မြေမှာပြုလုပ်မယ့်လမ်းလျှောက်သင်္ကြန်မှာ ဗဟိုမဏ္ဍပ်မုခ်ဦးပုံဒီဇိုင်းကို ပုဂံအငွေ့အသက်ပုံ ဒီဇိုင်းရေးဆွဲတည်ဆောက်သွားမယ်လို့ ညောင်ဦးခရိုင်အထွေထွေအုပ်ချုပ်ရေးဦးစီးဌာနက သိရပါတယ်

#Local_News
Published 31 March 2026
#ပုဂံလမ်းလျှောက်သင်္ကြန် #သင်္ကြန်
#YMG/NN #Yangon_Times

#Daily_News
Published 31 March 2026

၁။‌ ရိုးမရိပ်သာအိမ်ရာအခန်းယာယီနေထိုင်ခွင့်များထုတ်ပေးမည်

‌‎၂။ ‌‌‌‌‌‌‌‌‌‌‌ဓာတ်မြေဩဇာဝယ်ယူခွင့်စာချုပ်များအတွက် တံဆိပ်ခေါင်းခွန်ကင်းလွတ်ခွင့်ပြု

‎၃။‌‌‎ ‌‌‌‌‌‌‌‌‌ပုဂံလမ်းလျှောက်သင်္ကြန်ဗဟိုမဏ္ဍပ်မုခ်ဦးပုံဒီဇိုင်းကို ပုဂံအငွေ့အသက်ပုံ ဒီဇိုင်းရေးဆွဲ တည်ဆောက်မည်

၄။‎ လူဝင်မှုနှင့်အကောက်ခွန်ကြီးကြပ်ရေးမှဝင်ရောက်ကူညီနေရသဖြင့် ဗာဂျီးနီးယားအပြည်ပြည်ဆိုင်ရာလေဆိပ်၌ခရီးသည်များအဆင်မပြေဖြစ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

နေပြည်တော်၊ မတ် ၃၁

တပ်မတော်သားလွှတ်တော်ကိုယ်စားလှယ်များအစုအဖွဲ့၏ ဒုတိယသမ္မတအဖြစ် ကိုကိုးကျွန်းမဲဆန္ဒနယ်  မှ ပြည်သူ့လွှတ်တော်ကိုယ်စားလှယ် နှင့်လက်ရှိဝန်ကြီးချုပ်ဖြစ်သူ ဦးညိုစောအား ယနေ့ မတ်လ ၃၁ ရက် တွင် ကျင်းပသော အစည်းအဝေး၌ အတည်ပြု ရွေးချယ်လိုက်ကြောင်းသိရသည်။

နေပြည်တော် စစ်ကြောရေးနှင့် တည်းခိုရေးစခန်းရှိ ဆင်ဖြူရှင်ခန်းမ၌ ယနေ့နံနက်ပိုင်းက ကျင်းပပြု လုပ်သော ဒုတိယသမ္မတရွေးချယ်ရေး အစည်းအဝေးတွင် တပ်မတော်သား အမျိုးသားလွှတ်တော်  ကိုယ်စားလှယ် ဗိုလ်ချုပ်ကျော်သူရအေးက ဦးညိုစောကို အဆိုပြုတင်သွင်းခဲ့ခြင်းဖြစ်သည်။ ယင်းအဆိုကို တပ်မတော်သား ပြည်သူ့လွှတ်တော်ကိုယ်စားလှယ် ဗိုလ်မှူးချုပ်စိုးညွန့်က ထောက်ခံခဲ့ပြီး ကန့်ကွက်သူ  မရှိသည့်အတွက် အစုအဖွဲ့၏ ဒုတိယသမ္မတအဖြစ် အတည်ပြုခဲ့ခြင်းဖြစ်သည်။

အဆိုပါ အစည်းအဝေးကို တပ်မတော်သား ပြည်သူ့လွှတ်တော်ကိုယ်စားလှယ် ဗိုလ်ချုပ်ရဲကျော်သူက သဘာပတိအဖြစ် ဆောင်ရွက်ခဲ့ပြီး နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ရေး ဆိုင်ရာ ဥပဒေ၊ နည်းဥပဒေများနှင့်အညီ ကျင်းပခဲ့ခြင်းဖြစ်သည်။ အစည်းအဝေးသို့ တက်ရောက်ခွင့် ရှိသည့် တပ်မတော်သား လွှတ်တော်ကိုယ်စားလှယ် ၁၆၆ ဦးစလုံး ရာခိုင်နှုန်းပြည့် တက်ရောက်ခဲ့ကြသည်။

ယခုကဲ့သို့ တပ်မတော်သားလွှတ်တော်ကိုယ်စားလှယ်များ အစုအဖွဲ့မှ အတည်ပြုရွေးချယ်လိုက်သော ဒုတိယသမ္မတ အမည်စာရင်းကို ပြည်ထောင်စုလွှတ်တော်နာယကထံသို့ ဆက်လက်ပေးပို့ တင်ပြသွား မည်ဖြစ်ကြောင်း သဘာပတိက ကြေညာခဲ့သည်။

ယခုအခါ သမ္မတအဖြစ် အရွေးချယ်ခံနိုင်ရန်အတွက် ဒုတိယသမ္မတများအဖြစ် ဦးမင်းအောင်လှိုင်၊ ဒေါ်နန်းနီနီအေး နှင့်ဦးညိုစောတို့ကို သက်ဆိုင်ရာ အစုအဖွဲ့များက ရွေးချယ်တင်မြှောက်ခဲ့ကြပြီးဖြစ်ပြီး မကြာမီ ကျင်းပမည့် ပြည်ထောင်စုလွှတ်တော်တွင် နိုင်ငံတော်သမ္မတကို ဆန္ဒမဲပေးရွေးချယ်ကြမည်ဟုသိရသည်။

#ymg/knl