မန္တလေးတိုင်း၊ ပြင်ဦးလွင်မြို့နယ်မှာ ကော်ဖီစိုက်ဧကတွေ တိုးချဲ့စိုက်ပျိုးလာတယ်လို့ ပြင်ဦးလွင်မြို့နယ်ကော်ဖီသုတေသနနှင့်နည်းပညာပြန့်ပွားရေးဗဟိုဌာနက သိရပါတယ်။
#Local_News
Published 14 May 2025
#ကော်ဖီစိုက်ဧက #တိုးချဲ့စိုက်ပျိုးလာ
#YMG/NN #Yangon_Times

#Local_News
Published 14 May 2025

▪️ စက်သုံးဆီ လုပ်ငန်းရှင်များအတွက် အမေရိကန်ဒေါ်လာ ၂၃.၆၇ သန်းနှင့် သွင်းကုန်လုပ်ငန်းရှင်များအတွက် ထိုင်းဘတ် သန်း ၅၀ကို ရောင်းချပေးသွားမည်ဖြစ်ကြောင်း မြန်မာနိုင်ငံ‌ေတာ်ဗဟိုဘဏ်မှ ထုတ်ပြန်ထားသည်။

▪️ အဆိုပါ အမေရိကန်ဒေါ်လာနှင့် ထိုင်းဘတ်များကိုနိုင်ငံခြားငွေကြေးဈေးကွက် (FX Trading Platform)မှ တဆင့်ရောင်းချပေးမည်ဖြစ်သော်လည်းသီးခြား နှုန်းထားသတ်မှတ်ဖော်ပြထားခြင်းမရှိကြောင်း သိရသည်။

▪️ မြန်မာနိုင်ငံတော်ဗဟိုဘဏ်အနေဖြင့် လုပ်ငန်းရှင်များအတွက် နိုင်ငံခြားငွေများကို FX Trading Platformမှ တဆင့်ရောင်းချပေးလျှက်ရှိရာ ယခုအကြိမ်သည် မေလအတွင်း တတိယအကြိမ်မြောက်ရောင်းချပေးခြင်းဖြစ်ပြီး ပြီးခဲ့သည့်နှစ်ကြိမ်တွင် စုစုပေါင်းအမေရိကန်ဒေါ်လာစုစုပေါင်းအမေရိကန်ဒေါ်လာ၇၁သန်းနှင့် ထိုင်းဘတ်ထိုင်းဘတ်သန်း၂၀၀ကိုရောင်းချပေးပြီးဖြစ်ကြောင်း သိရသည်။

#YMG/SW #Yangon_Times

#Local_News
Published  14 May 2025

▪️ ယနေ့မနက်အစောပိုင်း၌ မန္တလေးတိုင်း၊ ပုသိမ်ကြီးမြို့နယ်အပါအဝင် ဒေသသုံးခု၌ မြေငလျင်သုံးကြိမ်လှုပ်ခတ်ခဲ့ကြောင်း သိရသည်။

▪️ မေလ  ၁၄ရက်နေ့ မနက်  ၂ နာရီ ၅၁ မိနစ် ၁၈ စက္ကန့်အချိန်က ပုသိမ်ကြီးမြို့နယ်၏ မြောက်-အရှေ့မြောက်ဘက် (၂) မိုင်ခန့်အကွာ တွင်ဗဟိုချက်တည်နေရာအနက် ၁၀ကီလိုမီတာတွင် အင်အားပမာဏ ၃.၀ ရစ်(ခ်)တာစကေးရှိသည့်မြေငလျင်ငယ်တစ်ခုလှုပ်ခတ်ခဲ့ကြောင်း မြေငလျင်ဌာနခွဲမှ အသိပေးထားသည်။

▪️ ထို့အပြင် မနက်  ၅ နာရီ ၁၅ မိနစ် ၄၂ စက္ကန့်အချိန်ကလည်း ပုဗ္ဗသီရိမြို့၏ မြောက်ဘက် (၅) မိုင်ခန့်အကွာ တွင်ဗဟိုချက်တည်နေရာ
အနက် ၁၉ ကီလိုမီတာတွင် အင်အားပမာဏ ၃.၁ ရစ်(ခ်)တာစကေး သည့်မြေငလျင်ငယ်တစ်ခုထပ်မံ လှုပ်ခတ်ခဲ့ကြောင်း သိရသည်။

▪️ ထို့နောက် နောက်ဆက်တွဲငလျင် အဖြစ် မိတ္ထီလာအရှေ့တောင်ဘက် လှိုင်းတက်အနီး၊ မဂ္ဂနီကျု ၃.၀ မြေအောက်အနက် ၆ မိုင် ရှိသော မြေငလျင်တစ်ခုလည်း ယနေ့မနက်   ၆နာရီ ၅ မိနစ်အချိန် ကလှုပ်ခတ်ခဲ့ကြောင်း မြေငလျင်သတင်းများစင်တာမှ အသိပေးထားသည်။

#YMG/NN #Yangon_Times

#World_News
Published 14 May 2025

▪️ အမေရိကန်သမ္မတ ဒေါ်နယ်ထရမ့် အင်္ဂါနေ့က ပါရှန်းပင်လယ်ကွေ့ခရီးစဉ် စတင်သွားရောက်ခဲ့ကာ ဆီးရီးယားအပေါ် အချိန်ကာလကြာမြင့်စွာ ချမှတ်ထားတဲ့ ဒဏ်ခတ်ပိတ်ဆို့မှုတွေကို အမေရိကန်ဖယ်ရှားပေးသွားဖို့နဲ့ ဆော်ဒီအာရေဗျဘက်မှ အမေရိကန်သို့ ဒေါ်လာ ၆၀၀ ဘီလီယံ ရင်းနှီးမြှုပ်နှံရေး ကတိကဝတ်တို့အကြောင်း အံ့အားသင့်ဖွယ် ကြေညာလိုက်ပါတယ်။

▪️ အမေရိကန်က ဆော်ဒီအာရေဗျထံ ဒေါ်လာ ၁၄၂ ဘီလီယံနီးပါး တန်ကြေးရှိတဲ့ လက်နက်ပစ္စည်းများ ရောင်းချရန် သဘောတူညီခဲ့ကာ အိမ်ဖြူတော်ကတော့ ဒါကို အကြီးမားဆုံး ကာကွယ်ရေး ပူးပေါင်းဆောင်ရွက်မှု သဘောတူညီချက်လို့ သတ်မှတ်လိုက်ပါတယ်။

▪️ ဆီးရီးယားအပေါ် ဒဏ်ခတ်ပိတ်ဆို့မှုများ ရပ်တန့်တဲ့အခါ ဆယ်စုနှစ်တစ်ခုကျော်အထိ ပြည်တွင်းစစ်ဒဏ်သင့်ခဲ့ရာကနေ ထောက်ပံ့မှုကြီးရလာနိုင်ပါတယ်။

▪️ ဆော်ဒီမြို့တော် ရီယတ်မှာပြုလုပ်တဲ့ ဖိုရမ်မှာ သံတမန်ရေးကိစ္စများလည်း ပါဝင်ခဲ့ပြီး ဆော်ဒီအာရေဗျရဲ့ အရှင်သခင် မင်းသားမိုဟာမက်ဘင်ဆယ်မန်မှ ဒဏ်ခတ်ပိတ်ဆို့မှုများ ဖယ်ရှားပေးရန် တောင်းဆိုတဲ့အတိုင်း ထရမ့်က လုပ်ဆောင်တာဖြစ်တယ်လို့ ပြောပါတယ်။

▪️ ဒဏ်ခတ်ပိတ်ဆို့မှုတွေက အရေးပါတဲ့လုပ်ဆောင်ချက်အဖြစ် ရှိခဲ့ပေမယ့် အခုအချိန်မှာတော့ ဆီးရီးယားအနေနဲ့ ရှေ့သို့လှမ်းရမယ့်အချိန်ရောက်ပြီလို့ ပြောပါတယ်။

▪️ ဒီလုပ်ရပ်ဟာ အမေရိကန်ရဲ့ မူဝါဒပြောင်းလဲရေးသဘောကို မြင်ရပါတယ်။

▪️ ဆီးရီးယားနိုင်ငံခြားရေးဝန်ကြီး အာဆက်အယ်ရှီဘာနီက ဒီလိုဖယ်ရှားပေးခြင်းဖြင့် တိုင်းပြည်ရဲ့ ပြန်လည်တည်ဆောက်ရေးလမ်းကြောင်းအတွက် အခန်းကဏ္ဍသစ် ဖြစ်လာတယ်လို့ X ဆိုရှယ်မီဒီယာမှာ ဖော်ပြထားပါတယ်။

▪️ ထရမ့်နဲ့ ဆော်ဒီအိမ်ရှေ့စံမင်းသားတို့က စွမ်းအင်၊ ကာကွယ်ရေး၊ သတ္တုတူးဖော်ရေးနဲ့ အခြားကဏ္ဍတွေပါဝင်တဲ့ သဘောတူညီချက်မှာ လက်မှတ်ရေးထိုးခဲ့ပါတယ်။

▪️ ထရမ့်က ဗုဒ္ဓဟူးနေ့မှာ ရီယတ်ကနေ ကာတာသို့သွားပြီး ကြာသပတေးနေ့မှာ ယူအေအီးသို့ ဆက်လက်သွားရောက်မှာ ဖြစ်ပါတယ်။

▪️ ခရီးစဉ်အတွင်း အမေရိကန်ရဲ့ အနီးစပ်ဆုံးမဟာမိတ် အစ္စရေးလ်သို့ သွားရောက်မှာမဟုတ်ဘူးလို့ သိရပါတယ်။

#Source: Reuters

#World_Health
Published 14 May 2025

▪️ ကျန်းမာရေးအတွက် စားတဲ့အစားအစာအပြင် စားတဲ့ကြာချိန်ကလည်း အရေးကြီးပါတယ်။
အရမ်းမြန်မြန်ကြီး စားလိုက်ရင် အစာတွေ ပြည့်ကြပ်သွားပြီး ဦးနှောက်ကနေ မစားတော့ဖို့ အချက်မပြခင်မှာပဲ အလွန်အကျွံ စားမိနိုင်ပါတယ်။

▪️ စားတဲ့အခါ မိနစ် ၂၀-၃၀ တောင်မကြာဘူးဆိုရင် စားတာမြန်လွန်းတယ်လို့ ဆိုရမှာပါ။

▪️ အစာအိမ်မှာ ဗိုက်ပြည့်ပြီဆိုတဲ့ ဟော်မုန်းအချက်ပြစနစ်ကနေ ဦးနှောက်သို့ ဆက်သွယ်ရာမှာ မိနစ် ၂၀ ခန့်ကြာမြင့်တာကြောင့် မြန်မြန်စားလိုက်ရင် အချက်ပြမှုတွေကို လွတ်သွားပြီး ဗိုက်ပြည့်တာထက် ပိုစားမိစေနိုင်တယ်လို့ ကလိဗ်လန်းဆေးခန်းမှ လက်စ်လီဟိုင်းဘတ်က ပြောပါတယ်။

▪️ မြန်မြန်စားတဲ့သူတွေဟာ လေတွေကိုမျိုချမိနိုင်ကာ လေပွခြင်း အစာမကြေခြင်းတို့ ဖြစ်နိုင်ပါတယ်။

▪️ ဒါကြောင့် မြန်မြန်စားတဲ့သူတွေဟာ အဝလွန်နိုင်ခြေအများဆုံး ဖြစ်တယ်လို့ လေ့လာချက်တွေမှာ ယူဆထားပါတယ်။

▪️ စားတဲ့အမြန်နှုန်း လျှော့ချဖို့အတွက်ဆိုရင် တီဗီပိတ် ဖုန်းကိုချထားသင့်ပါတယ်။

▪️ တစ်ခုခုကြည့်ရင်း စားတယ်ဆိုရင် အစီအစဉ်တစ်ခုမပြီးမချင်း စားချင်နေတာကြောင့်ပါ။

▪️ အစားအစာကိုသာ အာရုံစိုက်ပြီးစားတယ်ဆိုရင် အရသာရှိစွာဖြင့် နည်းပါးစွာစားကြပါတယ်။

▪️ မိမိမသန်တဲ့လက်ဖြင့်စားခြင်း၊ သုံးနေကျမဟုတ်တဲ့ တူဖြင့်စားခြင်း၊ ထမင်းကုန်ခါနီးမှာ ရေထသောက်ခြင်းတို့ ပြုလုပ်နိုင်တယ်လို့ ဟိန်းဘတ်က ပြောပါတယ်။

▪️ ရုံးတွေမှာ အလုပ်များရင် စားမိရင်လည်း သတိမထားမိဘဲ အများကြီးစားမိနိုင်ပါတယ်။

▪️ အစာကို ပါးစပ်ထဲမှာ ကြေညက်အောင် သေချာဝါးပေးရင် စားတာနှေးစေပြီး ဗိုက်ထဲမှာလည်း လျင်မြန်စွာ ချေဖျက်နိုင်စေပါတယ်။

Source: Toronto Sun.

#Local_News
Published_14 May 2025

▪️ သုတစွယ်စုံစာပေဆု ဆုရရှိသူများ ဆက်သွယ်သတင်းပို့ကြရန် သက်ဆိုင်ရာက အကြောင်း ကြားထားကြောင်း သိရသည်။

▪️ သုတစွယ်စုံစာပေဆုကို စွယ်စုံမီဒီယာဂရု(ပ်)(SweSone Media Group) က ပေးအပ်နေခြင်းဖြစ်ပြီး ယခုအခါ (၁၅) ကြိမ်မြောက်ရှိပြီဖြစ်ကြောင်းနှင့် ဆုချီးမြှင့်သည့်အခမ်းအနားကို မကြာမှ ကျင်းပမည် ဖြစ်ကြောင်း သိရသည်။

▪️ သုတစွယ်စုံစာပေဆုချီးမြှင့်ပွဲအတွက် ဆုရရှိသူများစာရင်းကို ဆုရွေးချယ်ရေးအဖွဲ့က မေလ ၁၂ ရက်တွင် ထုတ်ပြန်ကြေညာရာတွင် ၂၀၁၈ ခုနှစ်အတွက် ရည်ညွှန်းစာပေဘာသာရပ်တွင် နိုင်ဇော်၏"ထင်ရှား ထူးချွန်ဆရာဝန်" ၊ အတ္ထုပ္ပတ္တိစာပေ ဘာသာရပ်အတွက် ဗိုလ်အေးမြင့်ကြူ ၏ "ကျွန်တော့်ကိုမမေ့ပါနဲ့"၊ ၂၀၁၉ ခုနှစ်အတွက် သုတ(ဝိဇ္ဇာ)ဘာသာရပ်တွင် သိန်းထွန်း(မြဝတီ)၏ "တိုင်းရင်းသားလူမျိုးတို့၏ ဓလေ့ထုံးစံများ" ၊ ၂၀၂၀ ပြည့်နှစ်အတွက် အသုံးချသိပ္ပံဘာသာရပ်တွင် ဒေါက်တာသိန်းဆွေ(ပြည်သူ့ကျန်းမာ)၏ "ကျန်းမာခြင်း ဆုလာဘ်"၊ ၂၀၂၁ ခုနှစ်အတွက် သုတ(ဝိဇ္ဇာ) ဘာသာရပ်တွင် ကျော်ကျော်လှိုင်၏ "ရှေးမြန်မာမင်းများ၏ ခေါင်းဆောင်မှုအရည် အသွေးကိုလေ့လာခြင်း (တတိယမြန်မာနိုင်ငံတော်)"၊ ၂၀၂၂ ခုနှစ်အတွက် ၊ ဘာသာ ပြန်စာပေဘာသာရပ်တွင် နေဇင်လတ် ၏ "စီးပွားဖျက်သူလျှို၏ ဖြောင့်ချက်"၊ စာပဒေသာဘာ သာရပ်တွင် မောင်ခေတ်ထွန်း ၏ "မောင်ခေတ်ထွန်း၏စာ(စိန်ရတုလက်ရွေးစင် စာပေါင်းစု)" ၊ အတ္ထုပ္ပတ္တိစာပေဘာ သာ ရပ်တွင် ဟိန်းလတ်၏ "မြန်မာ့စွမ်းအင်လူချွန်လူကောင်း" ၊ ၂၀၂၃ ခုနှစ်အတွက် စာပဒေသာဘာသာရပ်တွင် ဒေါက်ထွေး(ဆေး/မန်း)၏ "နိပွန်ပြည်တွင်တဒင်္ဂ" ၊ သုတ(ဝိဇ္ဇာ)ဘာသာရပ်တွင် ကျော်ညွန့်ရည် ၏ "အန်ကော ခေတ်ယဉ်ကျေးမှု"၊ အသုံးချသိပ္ပံဘာသာရပ်တွင် ပါမောက္ခဒေါက်တာမြသိန်းဟန် ၏ "ခွဲစိတ်ဆရာဝန်တစ်ဦး၏ဖြောင့်ချက်"စသည့်စာအုပ်များနှင့် ၂၀၂၃ ခုနှစ်အတွက် သုတစွယ်စုံတစ်သက်တာစာပေဆုကို ဆရာကြီး ဒေါက်တာခင်မောင်ညိုအား ရွေးချယ်လိုက်ကြောင်း သိရသည်။

▪️ တစ်သက်တာ စာပေဆုအတွက် ငွေကျပ် သိန်း ၃၀ နှင့် စာအုပ်ဆုများအတွက် စာရေးဆရာတစ်ဦးလျှင် ကျပ် ၁၅ သိန်းစီ ချီးမြှင့်မည်ဖြစ်ကြောင်း သိရသည်။

#Yangon_Times/PP

#World_Science
Published 14 May 2025

▪️ ဘိုနိုဘော့စ်လို့ခေါ်တဲ့ မျောက်မတွေဟာ တောထဲမှာ မျောက်ထီးတွေရန်မှ ကာကွယ်ဖို့အတွက် အရေအတွက်များများဖြင့် စုဖွဲ့နေထိုင်ကြတယ်လို့ လေ့လာချက်တစ်ခုမှာ တွေ့ရှိထားပါတယ်။
ချင်ပန်ဇီတွေလိုပဲ ဘိုနိုဘော့စ်တွေဟာ လူသားတွေနဲ့ အနီးစပ်ဆုံးမျိုးနွယ်တွေထဲ ပါဝင်ပါတယ်။

▪️ မျောက်ထီးတွေက ကိုယ်လုံးကိုယ်ထည် ပိုမိုကြီးမားပြီး သန်မာကြရာ ဘိုနိုဘော့အမတွေက အစုအဖွဲ့ဖြင့် နေထိုင်ကြတဲ့အကြောင်းအရင်းကို သိပ္ပံပညာရှင်များ သိချင်နေခဲ့တာ ကြာပါပြီ။
မျိုးသုဉ်းအန္တရာယ်ရှိနေတဲ့ ဘိုနိုဘော့စ်များနေထိုင်ရာ တစ်ခုတည်းသော ကွန်ဂိုနိုင်ငံမှာ ဆယ်စုနှစ်သုံးခုကြာအောင် စောင့်ကြည့်လေ့လာခဲ့ရာမှာ ဘိုနိုဘော့စ်အမတွေ အတူတကွ စုစည်းနေထိုင်ကြတဲ့စိတ်ကူးကို သဘောပေါက်ဖို့ အကူအညီဖြစ်စေပါတယ်။

▪️ မျောက်မအဖွဲ့တွေက မျောက်ထီးတွေကို သစ်ပင်ပေါ်တွေကနေ မောင်းချကာ အစားအစာတွေ ကာကွယ်ကြပြီး မျောက်မပိုများတဲ့အဖွဲ့တွေက အဆင့်အတန်းပိုမြင့်မားတဲ့သဘော ရှိတယ်လို့ သုတေသီများ တွေ့ရှိခဲ့ကြပါတယ်။

▪️ မျောက်ထီးရဲ့ ခွန်အားကို တွန်းလှန်ဖို့အတွက် မျောက်မတွေက စုစည်းနေထိုင်တဲ့ပုံစံဖြစ်တယ်လို့ ဟားဗတ်တက္ကသိုလ်မှ မာတင်ဆာဘက်က ပြောပါတယ်။

▪️ ဘိုနိုဘော့စ်အမတွေက သိပ်ပြီးမရင်းနှီးရင်တောင် အထီးတွေနဲ့ရင်ဆိုင်ရာမှာ တစ်ကောင်နဲ့တစ်ကောင် ကူညီကြပြီး ခိုင်ခိုင်မာမာ ရပ်တည်ကြပါတယ်။

▪️ ဒီတွေ့ရှိချက်အရ လူသားတွေနဲ့ ရှေးအစဉ်အဆက်မျိုးရိုးတွေဟာ ခွန်အားစုစည်းခိုင်မြဲဖို့အတွက် စည်းလုံးနေထိုင်လာကြတာ နှစ်သန်းနဲ့ချီရှိနေပြီလို့ သိရှိလာရပါတယ်။

Source: New York Post

မေလ ၄ ရက်နေ့ကဆိုရင် ထရမ့်က နိုင်ငံရပ်ခြားမှာထုတ်လုပ်တဲ့ ဇာတ်ကားအားလုံးကို ၁၀၀ ရာခိုင်နှုန်းအခွန်စည်းကြပ်ဖို ကြေညာခဲ့ရာ ဘာကြောင့်ဒီလိုသတ်မှတ်ရလဲဆိုတဲ့အပေါ် မေးခွန်းထုတ်လာကြပါတယ်။

#Asia_Agriculture
#ဒေါ်နယ်ထရမ့် #နိုင်ငံခြားထုတ်ရုပ်ရှင်များအပေါ်(၁၀၀)ရာခိုင်နှုန်းအခွန်စည်းကြပ်
Published 13 May 2025
#YMG #Yangon_Times #Yangon_Media_Group

#Daily_News

Published 13 May 2025

၁။ ကန်ဒေါ်လာနှစ်သန်းကျော်ဖြင့် ဂန္ဓမာပန်းမျိုးစိတ် အမှုန့်လုပ်ငန်းကို FDI လျှောက်ထား

၂။ ရန်ကုန်တိရစ္ဆာန်ဥယျာဉ်၌ Back to School ဈေး ပွဲတော်ကျင်းပမည်

၃။ မန္တလေးရှိဆောက်လုပ်ဆဲ အဆောက်အအုံများ တည်ဆောက်မှု ခေတ္တရပ်နားထားရမည်

၄။ နိုင်ငံခြားထုတ်ရုပ်ရှင်များအပေါ်(၁၀၀)ရာခိုင်နှုန်းအခွန်စည်းကြပ်မည့်ဒေါ်နယ်ထရမ့်အဆိုကို နိုင်ငံတကာအသိုင်းအဝိုင်းမှပြစ်တင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ငလျင်ကြောင့် ထိခိုက်ခံစားရသူတွေထဲမှာ ကလေးငယ်တွေလည်း ပါဝင်လျှက်ရှိတာကြောင့်ငလျင်ဒဏ်ခံစားခဲ့ရတဲ့ကလေးငယ်တွေအတွက် ကလေးပျော်စင်တာတွေကို ဖွင့်လှစ်ပေးလျှက်ရှိတယ်လို မြန်မာနိုင်ငံကြက်ခြေနီအသင်းမှ သိရပါတယ်။

#Local_News
#ငလျင်ဒဏ်ခံစားခဲ့ရသည့်ကလေးငယ်များ #ကလေးပျော်စင်တာဖွင့်လှစ်
Published 13 May 2025
#YMG #Yangon_Times #Yangon_Media_Group

မန္တလေးတိုင်းဒေသကြီး မြို့နယ် ၆ မြို့နယ် အတွင်းရှိ ဆောက်လုပ်ဆဲ အဆောက်အအုံများ တည်ဆောက်မှု ခေတ္တရပ်နားထားဖို့ မန္တလေးမြို့တော်စည်ပင်သာယာရေး ကော်မတီမှ အသိပေးကြေညာထားပါတယ်။

#Local_News
#မန္တလေးရှိဆောက်လုပ်ဆဲအဆောက်အအုံများ #မြို့နယ်၆မြို့နယ်
Published 13 May 2025
#YMG #Yangon_Times #Yangon_Media_Group

ရန်ကုန်မြို့မှာရှိတဲ့ ရန်ကုန်တိရစ္ဆာန်ဥယျာဉ်အတွင်းမှာ Showပွဲတွေ ၊ဖျော်ဖြေတင်ဆက်တာတွေအပြင်၊ကျောင်းသုံးနဲ့အိမ်သုံးပစ္စည်းတွေပါ ရောင်းချပေးမယ့် Happy Monsoon & Back to School ပွဲတော်ကို သုံးရက်တိုင်တိုင်ကျင်းပသွားမယ်လို့ သိရပါတယ်။

#Local_News
#ရန်ကုန်တိရစ္ဆာန်ဥယျာဉ် #ပွဲတော်ကိုသုံးရက်တိုင်တိုင်ကျင်းပ
Published 13 May 2025
#YMG #Yangon_Times #Yangon_Media_Group