#World_Health
Published 03 May 2026

■ နေ့စဉ် အိပ်စက်မှု၊ စားသောက်မှု၊ လေ့ကျင့်ခန်းပုံစံတို့မှာ အနည်းငယ်တိုးတက်မှု ပြုလုပ်ရင်တောင် နှလုံးပြဿနာဖြစ်နိုင်ခြေတွေ လျှော့ချနိုင်တယ်လို့ ဆစ်ဒနီတက္ကသိုလ်က သုတေသန ဖော်ပြထားပါတယ်။

■ ပျမ်းမျှအသက် ၆၃ နှစ်ရှိတဲ့ လူပေါင်း ၅၃,၂၄၂ ဦးကို လေ့လာခဲ့ရာမှာ ၁၁ မိနစ်ခန့် ပိုအိပ်ခြင်း၊ ကိုယ်လက်လှုပ်ရှားမှု ၄ မိနစ်ခွဲခန့် ပိုလုပ်ခြင်း၊ အသီးအရွက် အနည်းငယ် ပိုစားခြင်းတို့က နှလုံးသွေးကြော ပြဿနာတွေ ၁၀ ရာခိုင်နှုန်း လျှော့ချပေးနိုင်လိမ့်မယ်လို့ တွေ့ရှိထားပါတယ်။

■ ဒီကဏ္ဍတွေမှာ ပြောင်းလဲမှုတွေ ပေါင်းစပ်လိုက်ခြင်းဖြင့် နှလုံးသွေးကြောကျန်းမာရေးမှာ သက်ရောက်မှုများပြားစေတယ်လို့ အာဟာရသိပ္ပံပညာရှင် နီကိုလတ်စ်ကိုမယ်က ပြောပါတယ်။

■ အနည်းငယ်စီ ပြောင်းလဲခြင်းက တစ်ခုတည်းကို ကြီးကြီးမားမား ပြောင်းလဲတာထက်စာရင် ပိုပြီးသိသာထိရောက်စေမယ်လို့ ဆိုပါတယ်။

■ တစ်ညကို ၈-၉ နာရီအိပ်စက်ခြင်း၊ တစ်နေ့ကို အနည်းဆုံး ၄၂ မိနစ်ခန့် လှုပ်ရှားမှုပြုလုပ်ခြင်း၊ ကျန်းမာရေးညီညွတ်စွာ စားသုံးခြင်းတို့ဖြင့် နှလုံးသွေးကြောပြဿနာတွေ ၅၇ ရာခိုင်နှုန်း လျှော့ချပေးနိုင်မယ်လို့လည်း ယူဆရပါတယ်။

■ အစားအသောက်တွေအနေနဲ့ အသီးအနှံ၊ ဟင်းရွက်၊ ငါး၊ ဂျုံပြောင်းဆန်တို့ စားသုံးပေးပြီး အဆင့်ဆင့်ထုပ်ပိုးစားစရာများ လျှော့ချစားသုံးသင့်တယ်လို့ အကြံပြုထားပါတယ်။

■ နှလုံးသွေးကြောရောဂါဆိုတာက ကမ္ဘာပေါ်မှာ အသေအများဆုံး အကြောင်းအရင်းတွေထဲက ပါဝင်ပြီး နေ့စဉ်နေထိုင်စားသောက်မှုပုံစံတွေမှာ အနည်းငယ်မျှ ပြောင်းလဲရုံဖြင့် နှလုံးသွေးကြော အကျိုးကျေးဇူးများသာမက အနာဂတ်အတွက် ပြောင်းလဲမှုတွေမှာပါ အခွင့်အရေးရှိလာမယ်လို့ ပြောထားပါတယ်။

Source: NDTV

ရန်ကုန်၊ မေ ၂

လှိုင်သာယာမြို့နယ်၏ မြို့ပြစနစ်ကို စနစ်တကျဖြစ်စေရန်အတွက် Town Plan အား တိကျစွာ  တွက်ချက်ရေးဆွဲရန်နှင့် မြို့ပြအသစ်များ တည်ဆောက်ရာတွင် လယ်ယာမြေများ ဆုံးရှုံးမှုမရှိစေရေး အထူးဂရုပြုဆောင်ရွက်ရန် နိုင်ငံတော်သမ္မတ ဦးမင်းအောင်လှိုင်က သက်ဆိုင်ရာတာဝန်ရှိသူများသို့ ယနေ့တွင် တိုက်ရိုက်လမ်းညွှန်မှာကြားလိုက်သည်။

အဆိုပါ လမ်းညွှန်မှာကြားချက်ကို ယနေ့ မေလ ၂ ရက် နံနက်ပိုင်းက လှိုင်သာယာမြို့နယ်၊ ဘုရင့်နောင်  ပန်းခြံ ရှင်းလင်းဆောင်၌ ပြုလုပ်သည့် ရန်ကုန်မြို့ပြဖွံ့ဖြိုးတိုးတက်ရေးနှင့် သန့်ရှင်းသာယာလှပရေး   လုပ်ငန်းများ ဆောင်ရွက်ထားရှိမှုအခြေအနေများကို ကွင်းဆင်း ကြည့်ရှုစစ်ဆေးစဉ် ထည့်သွင်းပြောကြား  ခဲ့ခြင်းဖြစ်သည်။ ထိုသို့စစ်ဆေးရာတွင် နိုင်ငံတော်သမ္မတနှင့်အတူ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး၊ ပြည်ထောင်စုဝန်ကြီးများ၊ ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူနှင့် အဆင့်မြင့်တပ်မတော်အရာရှိကြီးများ လိုက်ပါခဲ့ကြသည်။

ရှင်းလင်းဆောင်ခန်းမတွင် ရန်ကုန်တိုင်းဒေသကြီးဝန်ကြီးချုပ်က လမ်းညွှန်ချက်များအပေါ် ဆောင်ရွက်  ပြီးစီးမှုများ၊ ဆက်သွယ်ရေးကြိုးများ စနစ်တကျဖြစ်စေရေး၊ လမ်းမကြီးများတစ်လျှောက် ဇလားပုံ  ရေမြောင်းများ ဖောက်လုပ်နေမှုနှင့် တံတားများ တိုးချဲ့တည်ဆောက်မှုအခြေအနေများကို တင်ပြခဲ့သည်။ ယင်းတင်ပြချက်များအပေါ် နိုင်ငံတော်သမ္မတက မြို့ပြဖွံ့ဖြိုးရေးအတွက် မြို့ပြအင်္ဂါရပ်နှင့်အညီ လမ်းများ တိုးချဲ့ရာတွင် လူသွားပလက်ဖောင်းများနှင့် ရေနုတ်မြောင်းများကို စနစ်တကျထည့်သွင်းရန်၊ မိုးရာသီ  မတိုင်မီ ရေစီးရေလာကောင်းမွန်စေရေးနှင့် အနံ့အသက်ဆိုးများ ကင်းစင်စေရေးအတွက် အမှိုက်   စွန့်ပစ်  မှုစနစ်များကို အဆက်မပြတ် ကြပ်မတ်ဆောင်ရွက်ရန် ထပ်လောင်းမှာကြားခဲ့သည်။

ထို့ပြင် ရန်ကုန်မြို့အတွင်း ယာဉ်စည်းကမ်း၊ လမ်းစည်းကမ်း လိုက်နာမှုရှိစေရေး အသိပညာပေး  လုပ်ငန်းများနှင့် ကြပ်မတ်မှုအပိုင်းများကို စနစ်တကျလုပ်ဆောင်ရန် လိုအပ်ကြောင်းနှင့် အများပြည်သူ အပန်းဖြေနိုင်မည့် ပန်းခြံများ၊ ဥယျာဉ်များနှင့် အားကစားကွင်းများ တည်ဆောက်ရာတွင် မြို့ပြနေ   လူဦးရေအပေါ် မူတည်တွက်ချက်၍ အကောင်အထည်ဖော်ရန် နိုင်ငံတော်သမ္မတက လမ်းညွှန်ခဲ့သည်။

တွေ့ဆုံပွဲအပြီးတွင် နိုင်ငံတော်သမ္မတနှင့် အဖွဲ့ဝင်များသည် လှိုင်သာယာ၊ ရွှေပြည်သာ၊ မင်္ဂလာဒုံနှင့် မြောက်ဥက္ကလာပမြို့နယ်များအတွင်း လမ်းနယ်နိမိတ် ကျူးကျော်မှုများ ဖယ်ရှားရှင်းလင်းထားမှု၊ လမ်းအင်္ဂါရပ်နှင့်အညီ လမ်းများအဆင့်မြှင့်တင် တိုးချဲ့ထားရှိမှုနှင့် လျှပ်စစ်ဓာတ်အားတိုင်များ ရွှေ့ပြောင်း  ထားရှိမှုများကို မော်တော်ယာဉ်များဖြင့် လှည့်လည်ကြည့်ရှုစစ်ဆေးခဲ့ကြောင်း သတင်းရရှိသည်။

တရုတ်ကတနင်္ဂနွေနေ့မှာ အရည်သဘာဝဓာတ်ငွေ့(‌LNG) တင်ဆောင်မယ့် အကြီးမားဆုံးသင်္ဘောကြီး ရေချလိုက်ပြီဖြစ်ကာ သန့်စင်စွမ်းအင်ပို့ဆောင်ရေးကဏ္ဍအတွက် သင်္ဘောကြီးများဆောက်လုပ်နိုင်စွမ်းမှာ သမိုင်းတွင်သွားပြီ ဖြစ်ပါတယ်။

#Asia_Industry
Published 02 May 2026
#တရုတ်ပြည် #LNG
#YMG #Yangon_Times #Yangon_Media_Group

ရန်ကုန်စတေ့ာ့အိတ်ချိန်း YSX ကို စာရင်းဝင်ကုမ္ပဏီ တစ်ခုထပ်မံဝင်ရောက်ဖို့ဆောင်ရွက်နေတယ်လို့ YSX ကနေသိရပါတယ်။

#Local_News
Published 02 May 2026
#YSX
#YMG/NN #Yangon_Times

မြန်မာ့ပေါ်ဆန်းဆန်အား အမေရိကန်နိုင်ငံသို့ တင်ပို့ရောင်းချနိုင်ရေးနှင့်စပ်လျဉ်းတဲ့ ညှိနှိုင်းအစည်းအဝေးတစ်ရပ်ကို ဧပြီလကုန်ပိုင်းကပြုလုပ်ခဲ့တယ်လို့ မြန်မာကုန်သွယ်မှုမြှင့်တင်ရေးအဖွဲ့မှ သိရပါတယ်။

#Local_News
Published 02 May 2026
#မြန်မာ့ပေါ်ဆန်းဆန်
#YMG/SW #Yangon_Times

မိုးလယ်နဲ့မိုးနှောင်းကာလများအတွင်း ဧရာဝတီအပါအဝင်မြစ်‌ရေများ စိုးရိမ်ရေမှတ်အထက်သို့ကျော်လွန်နိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ မိုးလယ်နဲ့မိုးနှောင်းကာလခန့်မှန်းချက်အရသိရပါတယ်။

#Local_News
Published 02 May 2026
#မိုးလယ်နှင့်မိုးနှောင်း
#YMG/NN #Yangon_Times

#Daily_News
Published 02 May 2026

၁။‌ YSX၌ စာရင်းဝင်ကုမ္ပဏီ တစ်ခုထပ်မံဝင်ရောက်ရန်ဆောင်ရွက်နေ

‌‎၂။ ‌‌‌‌မြန်မာ့ပေါ်ဆန်းဆန်အား အမေရိကန်နိုင်ငံသို့ တင်ပိံရောင်းချနိုင်ရေးဆောင်ရွက်နေ

‎၃။‌‌‎ မိုးလယ်နှင့်မိုးနှောင်းကာလများအတွင်း ဧရာဝတီအပါအဝင်မြစ်‌ ရေများ စိုးရိမ်ရေမှတ့်အထက်သို့ကျော်လွန်နိုင်

၄။‎ ‌‌‌‌‌‌‌‌‌တရုတ်ပြည်၏LNGသယ်ဆောင်ရေးအကြီးမားဆုံးသင်္ဘော စင်္ကာပူသိံစတင်ထွက်ခွာ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 02 April 2026

■ ဂျာမနီကနေ အမေရိကန်တပ်သား ၅ ထောင် တပ်ဆုတ်ဖို့ သမ္မတဒေါ်နယ်ထရမ့် ညွှန်ကြားလိုက်ပါတယ်။

■ လက်ရှိဖြစ်ပွားနေတဲ့ အီရန်စစ်ပွဲနဲ့ ပတ်သက်ပြီး ထောက်ပံ့ကူညီ သဘောထား ကွဲလွဲမှုများအပေါ် အမေရိကန်နဲ့ ဂျာမနီ၊ နေတိုး(NATO) မဟာမိတ်များကြား တင်းမာမှု မြင့်တက်နေချိန် ဖြစ်ပါတယ်။

■ အမေရိကန်က ဥရောပမှာ တပ်အင်အားတွေ ဖြည်းဖြည်းချင်း လျှော့ချသွားပြီး ဥရောပကတော့ ကိုယ်ပိုင်ကာကွယ်ရေးအတွက် ကိုယ်တိုင်၌သာ တာဝန်ယူစေဖို့ ဗျူဟာပြောင်းလဲနေတယ်လို့ ပင်တဂွန်က ပြောထားပါတယ်။

■ အီရန်ပဋိပက္ခအပေါ် ထရမ့်ကိုင်တွယ်ပုံကို ဂျာမနီနိုင်ငံ့အကြီးအကဲ ဖရိုင်းဒရစ်မာ့ဇ် ဝေဖန်ပြီးနောက် ခဏအကြာမှာပဲ ထရမ့်ကြေညာလိုက်တာ ဖြစ်ပါတယ်။

■ ဂျာမနီက လက်ရှိမှာ အမေရိကန်တပ်သား ၃၆,၀၀၀ ကျော် နေရာချထားပြီး ဥရောပမှာ အကြီးမားဆုံး အမေရိကန်အခြေစိုက်နေရာ ဖြစ်ပါတယ်။

■ ဒီတပ်တွေက အရှေ့အလယ်ပိုင်းသို့ အမေရိကန်အင်အား တိုးချဲ့ရေးအတွက် အရေးပါနေပါတယ်။

■ ဂျာမနီမှ တပ်ဆုတ်ခွာမှုက လာမယ့် ၆ လမှ ၁၂ လအတွင်း အပြီးသတ်ဖို့ရှိတယ်လို့ ပင်တဂွန် ပြောရေးဆိုခွင့်အကြီးအကဲ ရှောင်ပါနယ်က ပြောပါတယ်။

■ ရိုမေးနီးယားမှာ လျှော့ချပြီးဖြစ်သလို စပိန်၊ အီတလီတို့ကနေလည်း လျှော့ချသွားဖွယ် ရှိပါတယ်။

■ နိုင်ငံရေးတင်းမာမှုများ ဆက်ရှိနေပေမယ့် ဂျာမနီခေါင်းဆောင်တွေက အမေရိကန်နဲ့ ဆက်လက်ပူးပေါင်းသွားဖို့ ကြိုးပမ်းနေပါတယ်။

■ တပ်အင်အား ပြန်လည်ဖြန့်ကျက်ရေးဗျူဟာက ဥရောပသာ မဟုတ်ဘဲ ကမ္ဘာ့အနောက်ဘက်ခြမ်းနဲ့ အင်ဒိုပစိဖိတ်ဒေသတို့အတွက်လည်း ပါဝင်ပါတယ်။

Source: WION

#World_Health
Published 02 May 2026

■ ကမ္ဘာပေါ်က အဆိပ်ဆူးဆုံး သတ္တဝါတွေထဲမှာ နဂျီကောင်၊ နကျယ်ကောင်၊ ပင်လယ်ရေခူတို့ ထိပ်ဆုံးမှာ ပါဝင်ပါတယ်။

■ အရီဇိုးနားမှ အင်းဆက်ပညာရှင် ဂျက်စတင်ရှမစ်က အင်းဆက်မျိုးကွဲပေါင်း ၁၀၀ နီးပါး ကိုက်ခံပြီးတော့ သုံးသပ်စစ်ဆေးခဲ့ပါတယ်။

■ အဆိပ်ဆူးတွေကို နာကျင်မှုပမာဏ ၄ မျိုးခွဲခြားခဲ့ရာမှာ ပြင်းထန်တဲ့နာကျင်မှုဖြစ်တဲ့ ကျည်ဆံပုရွက်ဆိတ်၊ မျက်စိပြူးလောက်တဲ့ ပင့်ကူနကျယ်၊ နှိပ်စက်ခံစားရလောက်တဲ့ စစ်သည်နကျယ်ကောင်ဆိုပြီး ခွဲခြားခဲ့ပါတယ်။

■ ရှမစ်က ၂၀၂၃ မှာ ပါကင်ဆန်ရောဂါ နောက်ဆက်တွဲဝေဒနာတွေကြောင့် ဆုံးပါးသွားခဲ့ပေမယ့် ယူကျူ့နဲ့ တောရိုင်းပညာရှင် ကိုရုတ်ပီတာဆန်က သုတေသနတွေကို ဆက်လုပ်ခဲ့ပါတယ်။

■ ဒီထဲမှာမှ ဂျပန်ဧရာမနဂျီကောင်တွေဟာ ကိုက်ခံရတဲ့အခါ အဆိုးရွားဆုံးလို့ ပြောပြပါတယ်။

■ နာကျင်မှုက ၁၂ နာရီကြာအောင် ခံရပြီး အသားတွေ ပဲ့ထွက်လောက်တဲ့အထိ နာကျင်ရကာ အမာရွတ်ရှိနေဆဲလို့ ရှင်းပြခဲ့ပါတယ်။

■ ကမ္ဘာတဝှမ်းမှာ နှစ်စဉ် ပင်လယ်ရေခူ ကိုက်ခံရသူ သန်း ၁၅၀ ခန့်ရှိနေကာ အီရူကန်ဂျီပင်လယ်ရေခူဆိုရင် အရှောင်ရှားသင့်ဆုံး သတ္တဝါထဲ ပါဝင်ပါတယ်။

■ ဒီသတ္တဝါလေးတွေ ကိုက်တာက သိပ်ပြီးမနာကျင်ပေမယ့် အီရူကန်ဂျီရောဂါ ဖြစ်စေနိုင်ကာ အရေးပေါ်ကုသမှုလိုအပ်နိုင်ပြီး အချို့လူတွေမှာဆိုရင် အသက်အန္တရာယ် ဆုံးရှုံးစေနိုင်တယ်လို့ ဆိုပါတယ်။

■ စစချင်းမှာ ပင်ပန်းနွမ်းနယ်ပြီးနောက် ကျောက်ကပ်ကိုက်ခဲခြင်း၊ ချွေးထွက်များခြင်း၊ အော့အန်ခြင်းတို့ ခံစားရနိုင်ပါတယ်။

■ လူနာတွေဟာ နာကျင်လွန်းတဲ့အတွက် ဆရာဝန်တွေရှေ့မှာ သေလောက်အောင် ခံစားရကြောင်း ဖွင့်ဟခဲ့ကြတယ်လို့ ပင်လယ်ရေခူ သုတေသီ လီဆာအန်းဂျာရွှင်းက ပြောပါတယ်။

Source: AOL.

#World_Health
Published 02 May 2026

■ ဗိုက်တာမင်တွေကို သောက်သုံးလို့ ဘာမှမဖြစ်ဘူးလို့ လူအများယူဆကြပါတယ်။

■ ဒါပေမဲ့ ဗိုက်တာမင်တွေ ဖြည့်စွက်ဆေးတွေ များလွန်းရင် ဘေးအန္တရာယ်တွေ ရှိနိုင်တယ်လို့ မီချီဂန်ဆေးတက္ကသိုလ်မှ ဆေးဘက်ဆိုရင်ရာပရော်ဖက်ဆာ ရောဘတ်ဂျေဖွန်တာနာက ပြောပါတယ်။

■ ဖြည့်စွက်ဆေးတွေဆိုတာဟာ ကျန်းမာရေးအတွက် ကြော်ငြာဈေးကွက်တွေဖြစ်ပြီး ဆေးထုတ်ကုန်တွေ မဟုတ်ဘူးလို့ ဘော့စတွန်ဆေးဘက်ဆိုင်ရာဌာနမှ အာဟာရပညာရှင် အိုလီဗီယာသောမတ်စ်က ပြောပါတယ်။

■ ဖြည့်စွက်ဆေးဆိုတာက အာဟာရကွာဟချက်ကို ဖြည့်ဆည်းသင့်တယ်လို့ ဆိုပါတယ်။

■ ကုမ္ပဏီတွေအနေနဲ့ သူတို့ရဲ့ ထုတ်ကုန်တွေရဲ့ ဘေးကင်းစိတ်ချမှုတွေကို စမ်းသပ်သင့်တယ်လို့ ပြောထားပါတယ်။

■ ဗိုက်တာမင်ဓာတ်တွေ များလွန်းရင် ရောဂါလက္ခဏာတွေ ခံစားရတတ်တယ်လို့ သောမတ်စ်က ရှင်းပြပါတယ်။

■ (၁) ရင်ဘတ်အောင့်ခြင်း
ဒီပစ္စည်းတွေက သွေးပေါင်ချိန် မြင့်တက်နိုင်ပြီး နှလုံးရောဂါအခံရှိသူတွေအနေနဲ့ ဒါတွေကို သိထားသင့်တယ်လို့ ပြောပါတယ်။

■ (၂) အရေပြားယားယံခြင်း
ဗိုက်တာမင်သောက်ခြင်းရဲ့ ဘေးထွက်ဆိုးကျိုးတွေက အရေပြားယားယံခြင်းဖြစ်တယ်လို့ ဆိုပါတယ်။

■ (၃) ဆီးနှင့်အရေပြား အရောင်လျော့ခြင်း
ဆီးက အရောင်မည်းပြီး အရေပြား ဝါလာကာ အသည်းထိခိုက်တဲ့လက္ခဏာ ဖြစ်နိုင်တယ်လို့ ဒေါက်တာ ဖွန်တာနာ ရှင်းပြပါတယ်။

■ (၄) မူးဝေခြင်း
သံဓာတ်များလွန်းတဲ့အခါ သွေးပေါင်ချိန်ကျပြီး ပါးစပ်ထဲ သတ္တုအရသာ ဖြစ်ပေါ်တတ်ပါတယ်။

■ (၅) အစာအိမ်အူလမ်းကြောင်း ပြဿနာများ
ဗိုက်တာမင်-စီ များလွန်းရင် ဝမ်းလျှောခြင်း၊ အစာအိမ်မကောင်းခြင်း၊‌ အော့အန်ခြင်းတို့ ဖြစ်နိုင်ပါတယ်။

■ ဘယ်လိုပဲဖြစ်ဖြစ် ဗိုက်တာမင်ဖြည့်စွက်ဆေးတွေ အသုံးပြုမယ်ဆိုရင် ကျန်းမာရေး ကျွမ်းကျင်သူတွေနဲ့ တိုင်ပင်သင့်ပါတယ်။

Source: AOL

#Local_News
Published 01 May 2026

■ လာမည့် ၂၀၂၆-၂၀၂၇ ပညာသင်နှစ်မှစ၍လစာပေးပြီး စာသင်ပေးမည့် တပ်မတော်လူငယ်ပညာရေးသင်တန်းကျောင်းများအတွက် ကျောင်းသားသစ်များခေါ်ယူနေပြီဖြစ်ကြောင်း ပြည်သူ့ဆက်ဆံရေးနှင့်စိတ်ဓာတ်စစ်ဆင်ရေးညွှန်ကြားရေးမှူးရုံး ကာကွယ်ရေးဦးစီးချုပ်ရုံး(ကြည်း)က အသိပေးခေါ်ယူထားသည်။

■ အခြေခံပညာအထက်တန်းဆင့် Grade-10 Grade-11 နှင့် Grade-12 အတန်းပညာများကို သင်ကြားလေ့ကျင့်ပေးမည်ဖြစ်သဖြင့် ကျောင်းသားသစ်များအဖြစ် လျှောက်ထားနိုင်မည်ဖြစ်သည်။

■ အဆိုပါ သင်ကြားလေ့ကျင့်ပေးမည့်ကျောင်းများကို အမှတ်(၁)တပ်မတော်လူငယ်ပညာရေးသင်တန်းကျောင်း(ရဲမွန်)၊ အမှတ်(၂)တပ်မတော်လူငယ်ပညာရေး သင်တန်းကျောင်း(နေပြည်တော်)တို့တွင် ဖွင့်လှစ်သွားမည်ဖြစ်ပြီး လျှောက်ထားလိုသူသည် Grade-10 သင်တန်းအတွက် Grade-9 အောင်မြင်ပြီး အသက် ၁၇ နှစ်ထက်မကြီးသူ၊ Grade-11 သင်တန်းအတွက် Grade-10 အောင်မြင်ပြီး အသက် ၁၈ နှစ်ထက်မကြီးသူ၊ Grade-12 သင်တန်းအတွက် Grade-11 အောင်မြင်ပြီး အသက် ၁၉ နှစ်ထက်မကြီးသူ ဖြစ်ရမည်ဖြစ်ကြောင်းသိရသည်။

■ အလားတူ ပြည်ထောင်စုသမ္မတမြန်မာနိုင်ငံသား အိမ်ထောင်မရှိဖူးသူအမျိုးသား(လူပျို)ဖြစ်ရမည်ဖြစ်သလို တရားရုံးတစ်ခုခုတွင် အမှုရင်ဆိုင်နေရသူ၊ သို့မဟုတ် ပြစ်ဒဏ်စီရင်ခြင်းခံရဖူးသူ မဖြစ်စေရဘဲ စစ်ဘက်ဆိုင်ရာ ဆေးစစ်ခြင်းအောင်မြင်ရမည်ဖြစ်ကြောင်း ကြိုတင်အသိပေးထားသည်။

■ အဆိုပါ သတ်မှတ်အရည်အချင်းနှင့် ပြည်စုံသူအနေဖြင့် တစ်လအတွင်း ရိုက်ကူးထားသော ပတ်စ်ပို့အရွယ်ရောင်စုံဓာတ်ပုံ ၃ ပုံ၊ နိုင်ငံသားစိစစ်ရေးကတ်(မိတ္တူ)၊ မိဘ/အုပ်ထိန်းသူ၏ နိုင်ငံသားစိစစ်ရေးကတ်(မိတ္တူ)၊ အိမ်ထောင်စုဝင်လူဦးရေစာရင်း(ပုံစံ-၆၆/၆)(မိတ္တူ)၊ ကျောင်းထွက်လက်မှတ်(မိတ္တူ)၊ အကျင့်စာရိတ္တကောင်းမွန်ကြောင်း မြို့နယ်အထွေထွေအုပ်ချုပ်ရေးမှူးရုံး၊ သို့မဟုတ် မြို့နယ်ပြည်သူ့ရဲတပ်ဖွဲ့မှူးရုံး၏ ထောက်ခံစာမူရင်း၊ မိဘ/အုပ်ထိန်းသူ၏ သဘောတူညီကြောင်းထောက်ခံချက်တို့ဖြင့် လျှောက်လွှာများကို နီးစပ်ရာတပ်/ဌာနချုပ်များတွင် အခမဲ့ထုတ်ယူ၍ မေလ ၁၄ ရက်နေ့မှ ၂၀ ရက်နေ့အတွင်း လျှောက်ထားသူကာယကံရှင်ကိုယ်တိုင်ဖြစ်စေ၊ စာတိုက်မှဖြစ်စေ နီးစပ်ရာတိုင်းစစ်ဌာနချုပ်များသို့ လျှောက်ထားနိုင်ကြောင်း ၊ကျောင်းသားသစ်အဖြစ်လျှောက်ထားသူကို သက်ဆိုင်ရာ တိုင်းစစ်ဌာနချုပ်များမှ တိုင်းကြီးကြပ်ရေးနှင့် ကျောင်းသားစိစစ်ရွေးချယ်ရေးအဖွဲ့က ပဏာမရွေးချယ်ရန် အကြောင်းကြားလာပါက အထက်ဖော်ပြပါ စာရွက်စာတမ်းများမူရင်းနှင့် မိတ္တူ(၃)စောင်စီ ယူဆောင်၍ မေလ ၂၂ ရက်အရောက် မိဘ/အုပ်ထိန်းသူနှင့်အတူ သတင်းပို့ရမည်ဖြစ်ပြီး ရွေးချယ်ခံရသူများကို ဆေးစစ်ခြင်းများပြုလုပ်၍ ဆေးစစ်အောင်မြင်သူများကို ကျောင်းသားအဖြစ် အတည်ပြုရွေးချယ်သွားမည်ဖြစ်သည်။

■ အဆိုပါ တပ်မတော်လူငယ်ပညာရေးသင်တန်းကျောင်းများသို့ တက်ရောက်ခွင့်ရရှိသော ကျောင်းသားများ၏ နေထိုင်စားသောက်ရေး၊ ကျန်းမာရေးစောင့်ရှောက်မှု၊ ဆေးဝါးကုသမှု၊ ကျောင်းဝတ်စုံ၊ ကျောင်းသုံးပြဋ္ဌာန်းစာအုပ်၊ ဗလာစာအုပ်၊ စာရေးကိရိယာနှင့် အခြား သင်ထောက်ကူပစ္စည်းများ၊ အခြေခံပစ္စည်းများ အခမဲ့ရရှိမည့်အပြင် ပညာသင်ကြားနေစဉ်ကာလအတွင်း လစာအဖြစ် တစ်လလျှင် Grade-10 အတန်းအတွက် အခြေခံတပ်သားသစ်လစာ၏ ၃၀ ရာခိုင်နှုန်း(၄၃၂၀ဝိ/-ကျပ်)၊ Grade-11 အတန်းအတွက် အခြေခံ တပ်သားသစ်လစာ၏ ၄၀ ရာခိုင်နှုန်း(၅၇၆၀ဝိ/-ကျပ်)နှင့် Grade-12 အတန်းအတွက် အခြေခံတပ်သားသစ်လစာ၏ ၅၀ ရာခိုင်နှုန်း (၇၂၀၀ဝိ/-ကျပ်)တို့ကိုပါ ခံစားခွင့်ရရှိမည်ဖြစ်ကြောင်း သိရသည်။

■ ယင်းကျောင်းသားများကို အခြေခံပညာအထက်တန်းဆင့်ဘာသာရပ်များကို ပညာရေးဝန်ကြီးဌာနနှင့်ပူးပေါင်း၍ နှစ်အလိုက် သင်ကြားလေ့ကျင့်ပေးသွားမည်ဖြစ်ပြီး နိုင်ငံတော်မှကျင်းပပြုလုပ်သည့်တက္ကသိုလ်ဝင်စာမေးပွဲကို ဝင်ရောက်ဖြေဆိုကြရမည်ဖြစ်ကာ တက္ကသိုလ်ဝင်စာမေးပွဲအောင်မြင်သူကျောင်းသားများသည် သတ်မှတ်အရည်အချင်းများနှင့်ကိုက်ညီမှုရှိပါက တပ်မတော်ဆိုင်ရာ တက္ကသိုလ်နှင့်သိပ္ပံများသို့ လျှောက်ထားခွင့်ရှိသည်ဟုလည်း ဆိုထားသည်။

■ ထိုပြင် တပ်မတော်ဆိုင်ရာတက္ကသိုလ်နှင့်သိပ္ပံများသို့တက်ရောက်ရန် သတ်မှတ် အရည်အချင်းနှင့်ကိုက်ညီမှုမရှိပါက ကွန်ပျူတာဒီပလိုမာတပ်ကြပ်ကြီး/စာရေးသင်တန်းနှင့် တပ်မတော်ဆေးဘက်ဆိုင်ရာပညာ သင်ကျောင်း၌ဖွင့်လှစ်သည့် တတိယအဆင့်ဆေးလက်ထောက်သင်တန်း(အထူး)သို့ လျှောက်ထားခွင့်ရှိမည်ဖြစ်ပြီး အသေးစိတ်သိရှိလိုပါက သက်ဆိုင်ရာတိုင်းစစ်ဌာနချုပ်များနှင့် ကာကွယ်ရေးဦးစီးချုပ်ရုံး(ကြည်း)၊ ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေးညွှန်ကြားရေးမှူးရုံး၊ ပညာရေးဌာနစု၊ ဖုန်း-၀၃၆-၃၀၅၃၁/၀၃၆-၃၀၅၆၆ သို့ ဆက်သွယ်မေးမြန်းစုံစမ်းနိုင်ကြောင်း သိရသည်။

#YMG/NN #Yangon_Times

#World_Health
Published 01 May 2026

■ ရံဖန်ရံခါ တစ်ထိုင်တည်းဖြင့် အရက်ပမာဏ များများသောက်ခြင်းသည် အသည်းရောဂါဆိုး ဖြစ်နိုင်ခြေ ၃ ဆပိုများစေတယ်လို့ လေ့လာချက်အသစ်မှာ ဖော်ပြထားပါတယ်။

■ အသည်းရောဂါနောက်ခံရှိသူတွေမှာ တစ်လကို တစ်ခါလောက် ပမာဏများများ သောက်သုံးလျှင်ပင် အသည်းအမာရွတ်ရောဂါ ဖြစ်နိုင်ခြေ ၃ ဆ ပိုများစေတယ်လို့ ဆောက်သန်းကယ်လီဖိုးနီးယား တက္ကသိုလ်မှ သုတေသန လုပ်ထားပါတယ်။

■ ဒီရောဂါက နာတာရှည်အသည်းရောဂါ နောက်ပိုင်းအဆင့်ဖြစ်ပြီး ရေရှည်ရောင်ရမ်းမှုကြောင့် အမာရွတ်တစ်ရှူးတွေ စုပြုံလာတာ ဖြစ်ပါတယ်။

■ အချိန်တစ်ခဏအတွင်း အယ်ကိုဟော အများအပြား သောက်ခြင်းက အသည်းထိခိုက်ခြင်းနဲ့ ရောင်ရမ်းခြင်းတို့ကို ဖြစ်စေနိုင်ပြီး အထူးသဖြင့် အသည်းအဆီဖုံးရောဂါတစ်မျိုးဖြစ်တဲ့ MASLD ရှိသူတွေမှာ ပိုဆိုးစေပါတယ်။

■ အမေရိကန် အရွယ်ရောက်သူတွေရဲ့ ၂၅-၃၀ ရာခိုင်နှုန်းမှာ MASLD ရှိနေကြပြီး အဝလွန်ခြင်း၊ ဆီးချို၊ သွေးတိုး၊ ကိုလက်စထရောများခြင်းတို့နဲ့ ဆက်စပ်နေပါတယ်။

■ တစ်ထိုင်တည်းအတွင်း ၄-၅ ခွက်အထက် အသောက်များသူတွေဟာ ပမာဏနည်းနည်း မျှသောက်သူတွေထက် အသည်းအမာရွတ် ဖြစ်နိုင်ခြေပိုများတယ်လို့ တွေ့ရှိထားပါတယ်။

■ လူရွယ်တွေနဲ့ အမျိုးသားတွေဟာ တစ်ခဏအတွင်း အလွန်အကျွံ သောက်တတ်ကြပြီး အသည်းပိုမိုထိခိုက်စေနိုင်ပါတယ်။

■ ဒါကြောင့် သောက်သုံးတဲ့ အကြိမ်ပုံစံက ပမာဏထက် ပိုပြီးအရေးပါနေပါတယ်။

■ ဘယ်လိုပဲဖြစ်ဖြစ် အယ်ကိုဟောကို အသင့်အတင့် သောက်သုံးဖို့သာ အကြံပြုထားပြီး ကျန်းမာရေးကျွမ်းကျင်သူတွေနဲ့ တိုင်ပင်ပြသသင့်ပါတယ်။

Source: AOL