#World_Health
Published 18 October 2025

■ မေ့လျော့တတ်ခြင်းက လူအများစု တစ်ချိန်ချိန်မှာ ကြုံတတ်ကြပေမယ့် သာမန်မှတ်ဉာဏ်မေ့လျော့ခြင်းနဲ့ ဒီမန်ရှာအစောပိုင်းလက္ခဏာတို့ကြား ခွဲခြားသိရှိဖို့က ခက်ခဲပါတယ်။

■ လူရွယ်အများစု အလုပ်များပြီး တစ်ခုခုကို မေ့တတ်ကြတာကို မလိုလားဘဲ စိုးရိမ်နေကြတယ်လို့ မရင်ဂိုအာရှဆေးရုံမှ အာရုံကြောအကြီးအကဲ ဒေါက်တာကူနယ်ဘာရာနီက ပြောပါတယ်။

■ ဒါတွေဟာ ဖိစီးမှု၊ အိပ်ရေးပျက်ခြင်း၊ အလုပ်များခြင်းတို့ရဲ့ ယာယီသက်ရောက်မှုတွေဖြစ်ပြီး နေထိုင်စားသောက်မှုပုံစံ ပြေလည်သွားတာနဲ့ အဆင်ပြေသွားကြတယ်လို့ ဆိုပါတယ်။

■ ဒီမန်ရှာကြောင့်ဖြစ်တဲ့ မှတ်ဉာဏ်ဆုံးရှုံးမှုကတော့ တသက်လုံးစာ ဆက်လက်ဆိုးရွားနိုင်ပြီး နေ့စဉ်လုပ်ငန်းဆောင်တာတွေမှာ နှောင့်ယှက်နိုင်ပါတယ်။

■ ပစ္စည်းတွေရဲ့ အသုံးဝင်ပုံမေ့လျော့ခြင်း၊ ရင်းနှီးပြီးသားနေရာကို မသိရှိခြင်း၊ ပုံမှန်တာဝန်များ မလုပ်နိုင်ခြင်းတို့ကတော့ ပိုမိုဆိုးရွားတဲ့ အခြေအနေပါ။

■ အသက်အရွယ်ကြီးလာခြင်းက ဒီမန်ရှာဖြစ်စေတဲ့ အဓိကအကြောင်းအရင်း ဖြစ်သလို ဒီမန်ရှာမျိုးရိုးလိုက်ခြင်း၊ သွေးတိုး၊ ဆီးချို၊ အဝလွန်ခြင်း၊ ဦးခေါင်းဒဏ်ရာများ၊ ဆေးလိပ်၊ အိပ်ရေးမဝခြင်း၊ စိတ်ဓာတ်ကျခြင်း၊ အထီးကျန်တို့ကလည်း ဖြစ်စေနိုင်ပါတယ်။

■ တက်ကြွလှုပ်ရှားစွာ နေထိုင်ပြီး ညီညွတ်မျှတစွာ စားသောက်တဲ့ပုံစံ၊ စာဖတ်ခြင်း၊ ပဟေဌိဖြေရှင်းခြင်းတို့က ဦးနှောက်ကို ကာကွယ်ပေးကာ မှတ်ဉာဏ်ကျဆင်းမှုကို နှောင့်နှေးစေနိုင်ပါတယ်။

■ ရံဖန်ရံခါမှ မေ့လျော့ခြင်းက သာမန်ပဲဖြစ်ပေမယ့် အမြဲတမ်းကြီး ပိုမိုဆိုးရွားလာရင်တော့ လစ်လျူမရှုသင့်ပါဘူး။

■ ဒီပြဿနာတွေကို တွေ့ရှိပါမှ ပိုဆိုးမလာအောင် ကြိုတင်လုပ်ဆောင်နိုင်မှာ ဖြစ်ပါတယ်။

■ သာမန်မေ့လျော့ခြင်းနဲ့ ဒီမန်ရှာတို့ကြား ကွာခြားချက်ကို သိရှိအောင်လုပ်ပြီး ဦးနှောက်ကျန်းမာရေးအတွက် ကောင်းတဲ့အလေ့အကျင့်များ မွေးမြူသင့်ပါတယ်။

Source: India Today.

#World_Health
Published 18 October 2025

■ အရေပြားကင်ဆာခွဲစိတ်မှုတွေ ပြုလုပ်ကြတဲ့ ဆရာဝန်တွေက ဗိုက်တာမင်-ဘီ၃ တစ်မျိုးဖြစ်တဲ့ နီကိုတီနမိုက်အသုံးပြုရန် လူနာတွေကို ညွှန်ကြားတတ်ကြပြီး ဒါက ဆဲလ်တွေကို ခရမ်းလွန်ရောင်ခြည်ထိခိုက်မှုကနေ ကာကွယ်ပေးနိုင်မယ်လို့ တွေ့ရှိထားပါတယ်။

■ လူပေါင်း ၃၄,၀၀၀ နီးပါးကို လေ့လာရာမှာ ဒီဖြည့်စွက်ဆေးက အရေပြားကင်ဆာ ဖြစ်ပွားမှုကို လျှော့ချပေးနိုင်တာနဲ့ ဆက်စပ်နေတယ်လို့ တွေ့ရှိခဲ့ပါတယ်။

■ အရေပြားကင်ဆာ ပထမဆုံးတွေ့ပြီးနောက် ဖြည့်စွက်ဆေး စတင်အသုံးပြုသူတွေမှာ ဖြစ်ပွားမှုနှုန်း အလျှော့ချနိုင်ဆုံး ဖြစ်ခဲ့ပါတယ်။

■ နီကိုတီနမိုက် ၅၀၀ မီလီဂရမ်ကို တစ်နေ့နှစ်ကြိမ် အနည်းဆုံးတစ်လတိုင်အောင် သုံးစွဲခြင်းဖြင့် အရေပြားကင်ဆာဖြစ်ပွားမှုကို ၅၄ ရာခိုင်နှုန်း လျှော့ချနိုင်ကြောင်း သုတေသီများ တွေ့ရှိခဲ့ကြပါတယ်။

■ ဒီလောက်လျှော့ချနိုင်ခြင်းကို အံ့ဩမိတယ်လို့ တန်နက်ဆီဗယ်လီ ကျန်းမာရေးစောင့်ရှောက်မှု VA ဆေးရုံမှ ဒေါက်တာ လီဝယ်လက်စ်က ပြောထားပါတယ်။

■ ၂၀၁၅ လေ့လာတွေ့ရှိချက်တွေမှာလည်း ဆရာဝန်တွေက အရေပြားကင်ဆာလူနာတွေကို ဘီ၃ ဖြည့်စွက်စာများ ညွှန်းပေးကြပါတယ်။

■ စောစီးစွာ စတင်အသုံးပြုရင် အထိရောက်ဆုံးဖြစ်ပြီး ဘေးထွက်ဆိုးကျိုး အနည်းဆုံးသာ ရှိပါတယ်။

■ ယခင်က အရေပြားကင်ဆာ ရှိသူတွေမှာတော့ နီကိုတီနမိုက်က အကျိုးရှိစေလားဆိုတာ သေချာတဲ့ အထောက်အထား မရှိပါဘူး။

■ ဘယ်လိုပဲဖြစ်ဖြစ် အရေပြားကင်ဆာ ကာကွယ်ခြင်းအတွက် နေရောင်ကာကွယ်တဲ့ နည်းလမ်းကသာ အကောင်းဆုံးဖြစ်ပါတယ်။

Source: NPR.

တရုတ်နဲ့ ရှန်ဟိုင်းပူးပေါင်း‌ဆောင်ရွက်ရေးအဖွဲ့ (SCO)အဖွဲ့ဝင်နိုင်ငံများ ကုန်သွယ်မှုပြုလုပ်တဲ့ ပမာဏဟာ ယခုနှစ် ပထမ ၉ လအတွင်း စံချိန်တင်ခဲ့တယ်လို တရားဝင်အချက်အလက်များ တနင်္လာနေ့ကဖော်ပြခဲ့ပါတယ်။

#Asia_Business
Published 17 October 2025
#တရုတ် #SCO
#YMG #Yangon_Times #Yangon_Media_Group

မကွေးနဲ့ စစ်ကိုင်းတိုင်းအောက်ပိုင်းတို့မှာ မိုးတိမ်တောင်တွေ ဖြစ်ထွန်းနေ ပြီး ရွေ့လျားရာလမ်းတလျှောက်မှာ မိုး‌လေကြီးနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနက သိရပါတယ်။

#Local_News
Published 17 October 2025
#မကွေးတိုင်း #စစ်ကိုင်းတိုင်း
#YMG/NN #Yangon_Times

လာမယ့် အောက်တိုဘာ (၂၀) ရက်က စတင်ပြီး တိုင်းရင်းသားလူမျိုးများ (၂၀၀)ကျပ်တန် (၈) လုံးပါ Block of Stamp အထူးထုတ် စာပို့တံဆိပ်ခေါင်းသစ်(၁)မျိုးကို မြန်မာနိုင်ငံတစ်ဝန်းက စာတိုက်ကြီး‌တွေမှာစတင် ရောင်းချပေးသွားမယ်လို့ မြန်မာ့စာတိုက်လုပ်ငန်းရဲ့ ထုတ်ပြန်ချက်အရသိရပါတယ်။

#Local_News
Published 17 October 2025
#တိုင်းရင်းသားလူမျိုး #စာတိုက်ကြီး‌
#YMG/SW #Yangon_Times

လက်ရှိဘဏ္ဍာနှစ်ဖြစ်တဲ့ ၂၀၂၅-၂၀၂၆ ဘဏ္ဍာနှစ်အတွင်း ပြည်ပသို့ ပဲမျိုးစုံတန်ချိန် ၁.၈၃ သန်းတင်ပို့ရန် လျာထားတယ်လို့ မြန်မာနိုင်ငံပဲမျိုးစုံ၊ ပြောင်းနှင့် နှမ်းကုန်သည်များအသင်းမှ သိရပါတယ်။

#Local_News
Published 17 October 2025
#ပဲမျိုးစုံ #မြန်မာနိုင်ငံ
#YMG/SW #Yangon_Times

စက်သုံးဆီ ရည်ညွှန်းဈေးသုံးပတ်ဆက်တိုက်ကျဆင်းနေတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ ဒီကနေ့ထုတ်ပြန်ချက်အရ သိရပါတယ်။

#Local_News
Published 17 October 2025
#စက်သုံးဆီ
#YMG/NN #Yangon_Times

#Daily_News

Published 17 October 2025

၁။‌ ‎‎‎‎လက်ရှိဘဏ္ဍာနှစ်အတွင်း ပြည်ပသို့ ပဲမျိုးစုံတန်ချိန် ၁.၈၃ သန်းတင်ပို့ရန်လျာထား
‎
၂။ ‌‌‌‌‎တိုင်းရင်းသားလူမျိုးများ အထူးထုတ် စာပို့တံဆိပ်ခေါင်းသစ်ရောင်းချမည်
‎
‎‎၃။‌‎ ‎‎‎မကွေးနှင့်စစ်ကိုင်းတိုင်းတို့၌ မိုးတိမ်တောင်များဖြစ်ထွန်းနေ
‎
‎၄။ ‎‎တရုတ်နှင့်ရှန်ဟိုင်းပူးပေါင်း‌ ဆောင်ရွက်ရေးအဖွဲ့ကြားတင်သွင်းတင်ပို့မှုပမာဏ စံချိန်တင်မြင့်တက်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 17 October 2025

▪️ ရန်ကုန်-မန္တလေးလမ်းဟောင်း၌ယာဉ်(၂)စီးတိုက်မိ၍ တစ်ဦး‌ေ-သဆုံးကာ
တစ်ဦးဒဏ်ရာရရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ အောက်တိုဘာ ၁၆ ရက်နေ့၊ညနေ ၆နာရီ ၅၀မိနစ် အချိန်ခန့်က နေပြည်တော်၊ ဉတ္တရခရိုင်၊ တပ်ကုန်းမြို့နယ်၊ ညောင်လွန့်ကျေးရွာ၊ ရန်ကုန်-မန္တလေးလမ်းဟောင်း၊ မိုင်တိုင်အမှတ်(၂၅၉/၂)၊ ညောင်လွန့်အထကကျောင်းရှေ့တွင် ယာဉ်(၂)စီးတိုက်မိပြီး လူညပ်နေကြောင်း သိရသည်။

▪️ အဆိုပါ သတင်းရရှိသဖြင့် တပ်ကုန်းမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်ခဲ့ရာ ယာဉ်ပေါ်ပါ အမျိုးသား(၂)ဦးအနက် ကျား(၁)ဦး ထိခိုက်ဒဏ်ရာ(စိုးရိမ်ရ)နှင့် အမျိုးသား(၁)ဦး ‌ေ-သဆုံးတို့အား ပရဟိတသူနာတင်ယာဉ်များဖြင့် တပ်ကုန်းမြို့ ကုတင်(၁၀၀) ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

#YMG/NN #Yangon_Times

#World_Science
Published 17 October 2025

■ နာဆာ(NASA)က လူသားမျိုးဆက် ရေရှည်ရှင်သန်ဖို့ အခြေအနေများ ဖန်တီးရန်အတွက် လပေါ်မှာ ရွာတည်သွားဖို့ အစီအစဉ်များ ထုတ်ဖော်လိုက်ပါတယ်။

■ တနင်္လာနေ့က ဩစတြေးလျ ဆစ်ဒနီမှာပြုလုပ်တဲ့ နိုင်ငံတကာအာကာသကွန်ဂရက် (IAC)မှာ အုပ်ချုပ်ရေးမှူး ရှောင်ဒပ်ဖီက ဆယ်စုနှစ်အတွင်း အခြေချနိုင်ဖို့ ဖွဲ့စည်းသွားနိုင်တယ်လို့ ကြေညာသွားပါတယ်။

■ အခြားလူတွေရဲ့ နယ်မြေကို သိမ်းယူတာမဟုတ်ဘဲ လူသားတွေ ရေရှည်ရှင်သန်နိုင်ဖို့ လပေါ်မှာ ရွာတည်မှာဖြစ်ကြောင်း ပြောပါတယ်။

■ ဒီရွာကို နျူကလီးယားဓာတ်အားပေးသွားမှာ ဖြစ်ပြီး ၂၀၃၀ အရောက်မှာ လပေါ်မှာ နျူကလီးယားဓာတ်ပေါင်းဖိုကို နာဆာက ဆောက်လုပ်သွားဖို့ စီစဉ်မှာဖြစ်ကြောင်း မစ္စတာဒပ်ဖီက ဆိုပါတယ်။

■ အမေရိကန်၊ တရုတ်၊ ရုရှား၊ အိန္ဒိယ၊ ဂျပန်အပါအဝင် နိုင်ငံတွေဟာ လူသားများ အမြဲတမ်း အခြေချနေထိုင်နိုင်ရန် လကမ္ဘာပေါ်မှာ အပြိုင်အဆိုင် စူးစမ်းလေ့လာနေကြပါတယ်။

■ ဒီမတိုင်ခင်ကလည်း နာဆာဟာ ဒုံးပျံဖြင့် လပေါ်ကို အာကာသယာဉ်မှူးများ စေလွှတ်မယ့် အစီအစဉ်တွေကိုလည်း ကြေညာခဲ့ပါတယ်။

■ ဒီလိုသာဖြစ်လာရင် နှစ် ၅၀ အတွင်း လကမ္ဘာခရီးစဉ်ကို ပထမဆုံးသွားနိုင်တဲ့ နိုင်ငံဖြစ်လာပြီး မားစ်ဂြိုဟ်ကို သွားနိုင်ဖို့အတွက်လည်း ခြေလှမ်းကြီးတစ်ခု ဖြစ်လာနိုင်ပါတယ်။

■ Artemis II အာကာသခရီးစဉ်မှာဆိုရင် အာကာသယာဉ်မှူး ၄ ဦးဖြင့် လကမ္ဘာမျက်နှာပြင်နဲ့ မားစ်ခရီးစဉ်များအတွက် ပြင်ဆင်မှုတွေအကြောင်း ပညာရှင်တွေ ဆွေးနွေးနေကြတယ်လို့ အမေရိကန်အာကာသအေဂျင်စီက ဖော်ပြထားပါတယ်။

■ အာကာသယာဉ်မှူးတွေကို တင်ဆောင်မယ့် ဒုံးပျံကို ဆောက်လုပ်ထားပြီး Space Launch System က အတော်လေးခရီးရောက်နေပြီလို့ Artemis Launch ညွှန်ကြားရေးမှူး ချာလီဘလက်ဝဲလ်က ပြောသွားပါတယ်။

Source: Mirror

#Local_News
Published 17 October 2025

■ TNLA နှင့် PDF ပူးပေါင်းအဖွဲ့များက သီပေါမြို့အတွင်းရှိ ဌာနဆိုင်ရာ အဆောက်အအုံများဖြစ်သည့် အကျဉ်းဦးစီးဌာန၊ အထွေထွေအုပ်ချုပ်ရေးမှူးရုံး၊ မြေစာရင်းရုံး၊ သီပေါဟိုတယ်အပါအဝင် အခြားဌာနဆိုင်ရာအဆောက် အအုံများနှင့် ပြည်သူလူထု၏ နေအိမ်များကို မီးရှို့ထွက်ပြေးသွားကြောင်း သိရသည်။

■ TNLA အကြမ်းဖက်အဖွဲ့နှင့် DPLA ၊ PDF အမည်ခံအကြမ်းဖက် သောင်းကျန်းသူများအနေဖြင့် ရှမ်းပြည်နယ် (မြောက်ပိုင်း)၊ သီပေါမြို့နှင့် ၎င်းဒေသ တစ်ဝိုက်ကိုလည်း ခေတ္တစိုးမိုးပြီး အကြမ်းဖက်လုပ်ရပ်များကို လုပ်ဆောင်လျက်ရှိသဖြင့် တပ်မတော်စစ်ကြောင်းများက သီပေါမြို့နှင့် ၎င်းဒေသတစ်ဝိုက်ကိုပြန်လည် သိမ်းပိုက်ရရှိရေးအတွက် ဆောင်ရွက်လျက်ရှိရာ ယနေ့ အောက်တိုဘာလ ၁၆ ရက် ညနေပိုင်းတွင် သီပေါမြို့ အဝင် Toll Gate သို့ ရောက်ရှိစဉ် မြို့တွင်းမှ မီးခိုးလုံးများ တွေ့ရှိသဖြင့် မြို့တွင်းသို့ ဝင်ရောက်ရှင်းလင်းခဲ့ရာ အထက်ပါဖြစ်စဉ်ကို သိရှိခဲ့ရခြင်းဖြစ်ကြောင်း အစိုးရက ထုတ်ပြန်ထားသည်။

■ ထို့ကြောင့် တပ်မတော်စစ်ကြောင်းများက အခြားအဆောက်အအုံများ မီးကူးစက်မှုမရှိစေရေးအတွက် မီးငြှိမ်းသတ်နိုင်ရေးနှင့် လိုအပ်သည့် နယ်မြေလုံခြုံရေးလုပ်ငန်းများ ဆက်လက်ဆောင်ရွက်လျက်ရှိကြောင်း သိရသည်။

■ တပ်မတော်အနေဖြင့် TNLA အကြမ်းဖက်အဖွဲ့နှင့် DPLA ၊ PDF အမည်ခံ အကြမ်းဖက်သောင်းကျန်းသူများ ခေတ္တစိုးမိုးထားသည့် မြို့ ၊ ရွာများကို ပြန်လည် သိမ်းပိုက် ထိန်းချုပ်နိုင်ရေးအတွက် အကြမ်းဖက်ချေမှုန်းမှု စစ်ဆင်ရေး (Counter-Terrorism Operation) ဆောင်ရွက်ခဲ့ကြောင်း သိရသည်။

■ ယင်းသို့ဆောင်ရွက်ခဲ့ပြီး နောင်ချိုမြို့ကို ဇူလိုင်လ (၁၆) ရက်တွင် လည်းကောင်း၊ ကျောက်မဲမြို့ကို အောက်တိုဘာ (၁) ရက် တွင်လည်းကောင်း အပြီးတိုင်ပြန်လည်ထိန်းချုပ်နိုင်ခဲ့ပြီး ဒေသပြန်လည်ထူထောင်ရေးနှင့် ဖွံ့ဖြိုးတိုးတက်ရေးလုပ်ငန်းများဆောင်ရွက်လျက်ရှိကြောင်း သိရသည်။

#YMG/PP #Yangon_Times

#World_Health
Published 17 October 2025

■ ကမ္ဘာတဝှမ်းမှာ ကွန်ဒုံးတွေက သားဆက်ခြားခြင်းနဲ့ လိင်မှတဆင့်ကူးစက်ရောဂါများ ကာကွယ်ရာမှာ အသုံးအများဆုံး နည်းလမ်းတွေထဲက တစ်ခုဖြစ်ပါတယ်။

■ ဒါပေမဲ့ သူတို့ရဲ့ ထိရောက်မှုက ထိန်းသိမ်းတဲ့ အခြေအနေတွေ၊ ရက်လွန်ခြင်းတွေအပါအဝင် အချက်ပေါင်းများစွာအပေါ် မူတည်နေပါတယ်။

■ အချိန်ကြာလာတာနဲ့အမျှ ပိုလီယူရီသိန်းပစ္စည်းက ကျုံ့နိုင်ဆန့်နိုင်စွမ်း လျော့နည်းလာပြီး ကျိုးပျက်လွယ်လာတယ်လို့ PSRI ဆေးရုံမှ ဆီးလမ်းကြောင်း တွဲဖက်ညွှန်ကြားရေးမှူး ဒေါက်တာ ပရာရှန်ဂျိန်းက ပြောပါတယ်။

■ ရက်လွန်ကွန်ဒုံးတွေကို အရဲစွန့်ပြီး မသုံးစွဲသင့်ဘူးလို့ သတိပေးထားပါတယ်။

■ ရက်လွန်ကွန်ဒုံးတွေမှာ အလွန်သေးငယ်တဲ့ ကွဲအက်ရာတွေဖြစ်လာပြီး သုတ်ရည်တွေ၊ ရောဂါပိုးမွှားတွေ ဖြတ်သန်းသွားနိုင်ပါတယ်။

■ သာမန်မျက်စိနဲ့ကြည့်လို့ ဘယ်လိုပဲ ကောင်းနေသည်ဖြစ်စေ ကိုယ်ဝန်နဲ့ ကူးစက်ရောဂါတွေကို အပြည့်အဝ မကာကွယ်နိုင်ဘူးလို့ ထောက်ပြထားပါတယ်။

■ ကောင်းစွာ ထိန်းသိမ်းခြင်းမရှိပါက ရေးထားတဲ့ ရက်လွန်သက်တမ်းထက်ပင် စောစီးစွာ ရက်လွန်သွားတတ်ပါသေးတယ်။

■ အပူ၊ ပွတ်တိုက်မှု၊ နေရောင်တို့နဲ့ ထိတွေ့တဲ့နေရာတွေက ထိန်းသိမ်းဖို့ မသင့်လျော်ဆုံးဖြစ်ပါတယ်။

■ ဒါကြောင့် ပိုက်ဆံအိတ်၊ ဘောင်းဘီအိတ်၊ ကားဒက်ရှ်ဘုတ်တို့မှာ သိမ်းမထားသင့်ပါဘူး။

■ ဒါကြောင့် အေးမြခြောက်သွေ့ပြီး နေရောင်ခြည်မထိတွေ့တဲ့နေရာမှာ သိမ်းထားသင့်ပါတယ်။

■ ကွန်ဒုံးဟာ ရက်လွန်ပြီဆိုတာနဲ့ ဘေးကင်းစိတ်ချရခြင်း မရှိတော့ဘဲ ဘေးအန္တရာယ်တွေ သယ်ဆောင်လာနိုင်တာကို သတိပြုသင့်တယ်လို့ ဒေါက်တာဂျိန်းက ပြောသွားပါတယ်။

Source: Indian Express.