#World_News
Published 26 March 2025
▪️ အမေရိကန်ဟာ ပင်လယ်ပြင်တိုက်ခိုက်မှုတွေနဲ့ စွမ်းအင်ဆိုင်ရာ ပစ်မှတ်များအပေါ် တိုက်ခိုက်မှုတွေကို ရပ်တန့်ဖို့ ယူကရိန်း၊ ရုရှားတို့နဲ့ သီးခြားသဘောတူညီချက်တွေ အင်္ဂါနေ့က ရရှိခဲ့ပြီဖြစ်ပြီး ရုရှားအပေါ် ချမှတ်ထားတဲ့ ဒဏ်ခတ်ပိတ်ဆို့မှုအချို့ကို ရုပ်သိမ်းဖို့ သဘောတူလိုက်ပါတယ်။
▪️ ပင်လယ်နက် ရေကြောင်းလုံခြုံရေး သဘောတူညီမှုတွေ ဘယ်အချိန် ဘယ်လိုစတင်မလဲ သေချာမသိရပေမယ့် သမ္မတဒေါ်နယ်ထရမ့် တာဝန်ယူချိန်ကစပြီးနောက် နှစ်ဖက်စလုံးမှ ပထမဆုံးတရားဝင် သဘောတူညီလာကြတာ ဖြစ်ပါတယ်။
▪️ အမေရိကန်နဲ့ ရုရှားသဘောတူညီချက်က ယူကရိန်းထက် ခရီးပိုရောက်နေပြီး အမေရိကန်က ရုရှားလယ်ယာစိုက်ပျိုးရေးနဲ့ မြေဩဇာတင်ပို့မှုများအပေါ် ချမှတ်ထားတဲ့ နိုင်ငံတကာ ဒဏ်ခတ်ပိတ်ဆို့မှုတွေကို ဖယ်ရှားပေးဖို့ ကြိုးပမ်းသွားမယ်လို့ ကတိပြုလိုက်ပါတယ်။
▪️ အမေရိကန်ဘက်မှ ထုတ်ပြန်ပြီးမကြာခင်မှာပဲ ရုရှားတို့က ယင်းတို့ဘဏ်အချို့နဲ့ နိုင်ငံတကာ ဘဏ္ဍာရေးစနစ်တွေကြား ချိတ်ဆက်မှုတွေ ပြန်လည်မရမချင်း ပင်လယ်နက်သဘောတူညီမှု အကျုံးဝင်မှာမဟုတ်ဘူးလို့ ပြောလိုက်ပါတယ်။
▪️ ယူကရိန်းသမ္မတ ဗိုလိုဒီမာဇယ်လန်စကီကတော့ ငြိမ်းချမ်းရေး သဘောတူညီချက်မှာ စတင်အသက်ဝင်ဖို့အတွက် ဒဏ်ခတ်ပိတ်ဆို့မှု လျှော့ချတာတွေ မလိုအပ်ဘူးလို့ ဆိုလိုက်ကာ ရုရှားတို့က သဘောတူညီချက်တွေကို ခြယ်လှယ်ဖို့ ကြိုးစားနေတယ်လို့ ပြောခဲ့ပါတယ်။
▪️ "ရုရှားတို့ဟာ သဘောတူညီချက်တွေကို ထင်ယောင်ထင်မှားဖြစ်အောင် လုပ်နေပြီး ကြားဝင်စေ့စပ်သူတွေရော တစ်ကမ္ဘာလုံးကိုပါ လှည့်ဖျားနေတယ်" လို့ ဇယ်လန်စကီက ပြောသွားပါတယ်။
▪️ ရုရှားနိုင်ငံခြားရေးဝန်ကြီး ဆာဂေးလက်ဗ်ရော့ဗ်က "ရှင်းလင်းတဲ့ အာမခံချက်တွေ လိုပါလိမ့်မယ်။ အရင်က ယူကရိန်းနဲ့ သဘောတူညီချက်ယူရာမှာ စိတ်ပျက်စရာ ဖြစ်ခဲ့တာကြောင့် အမေရိကန်ကနေ ဇယ်လန်စကီကို ညွှန်ကြားလို့ဖြစ်လာတဲ့ အရာကသာ အာမခံချက်ဖြစ်နိုင်ပါတယ်" လို့ ပြောပါတယ်။
▪️ ရုရှားအနေနဲ့ သဘောတူညီချက်တွေကို ချိုးဖောက်ပါက ရုရှားအပေါ် နောက်ထပ်ဒဏ်ခတ်ပိတ်ဆို့မှုများ ချမှတ်ရန်နဲ့ ယူကရိန်းကို လက်နက်တွေ ထပ်ပြီးထောက်ပံ့ရန် ထရမ့်ကို တောင်းဆိုသွားမယ်လို့ ဇယ်လန်စကီ ပြောပါတယ်။
#Source: Reuters
မြန်မာနိုင်ငံလုပ်သားများ ကျွမ်းကျင်မှုစံသတ်မှတ်ပြဌာန်းရေးအဖွဲ့အနေနဲ့ ၂၀၁၄ ခုနှစ်မှ ၂၀၂၅ ခုနှစ် ဖေဖော်ဝါရီလအထိ တစ်နှစ်တာကာလအတွင်းကျွမ်းကျင်လုပ်သားပေါင်း သုံးသောင်းခန့်ကို အသိအမှတ်ပြုလက်မှတ်တွေ ထုတ်ပေးခဲ့တယ်လို့ သိရပါတယ်။
#Local_News
Published 26 March 2025
#ကျွမ်းကျင်လုပ်သား #အသိအမှတ်ပြုလက်မှတ်ထုတ်ပေး
#YMG/SW #Yangon_Times
ရန်ကုန်တိုင်းဒေသကြီးအတွင်း၌ အခု၂၀၂၄-၂၀၂၅ ခုနှစ်အတွက် ပဲမျိုးစုံ ဧက ငါးသိန်းအထိ စိုက်ပျိုးထားပြီး လျာထားချက်ထက်ပိုမို စိုက်ပျိုးထားနိုင်တယ်လို့ တိုင်းဒေသကြီးစိုက်ပျိုးရေးဦးစီးဌာနက သိရပါတယ်။
#Local_News
Published 26 March 2025
#ပဲမျိုးစုံဧကငါးသိန် #တိုင်းဒေသကြီးစိုက်ပျိုးရေးဦးစီးဌာန
#YMG/NN #Yangon_Times
အခုနှစ်နေပြည်တော်မှာ ပြုလုပ်မယ့် လမ်းလျှောက်သင်္ကြန်မှာသနပ်ခါးသင်္ကြန်ကိုပါ ထည့်သွင်း ကျင်းပသွားမယ်လို့ နေပြည်တော်လမ်းလျှောက်သင်္ကြန် ကျင်းပရေးကော်မတီက သိရပါတယ်။
#Local_News
Published 26 March 2025
#နေပြည်တော်လမ်းလျှောက်သင်္ကြန် #သနပ်ခါးသင်္ကြန်ထည့်သွင်းကျင်းပ
#YMG/NN #Yangon_Times
#Local_News
Published 26 March 2025
▪️ ပဲခူးတိုင်းဒေသကြီး ပြည်မြို့လွတ်လပ်ရေးကျောက်တိုင်ကွင်းနှင့် မြို့နယ်အားကစားကွင်းအတွင်း၌ 'သနပ်ခါးအလှ မြန်မာကအစ၊ ခြင်းလုံးအစ သရေခေတ္တရာက'ခေါင်းစဥ်ဖြင့် ဈေးရောင်းပွဲတော်နှင့် ပျော်ပွဲရွှင်ပွဲများကို မတ်၂၅ ရက်မှ ၃၁ ရက်အထိ (၇) ရက်တိုင်တိုင်ကျင်းပလျှက်ရှိကြောင်း သိရသည်။
▪️ ရိုးရာအားကစားနှင့် ယဉ်ကျေးမှုအမွေအနှစ်များ ထိန်းသိမ်းစောင့်ရှောက်ရေးအဖွဲ့ကကြီးမှူး၍ ' သနပ်ခါးအလှ မြန်မာကအစ၊ ခြင်းလုံးအစသရေခေတ္တရာက' ဟူသော ခေါင်းစဥ်ဖြင့် ဈေးရောင်းပွဲတော်နှင့် ပျော်ပွဲရွှင်ပွဲများကို ကျင်းပနေခြင်းဖြစ်သည်။
▪️ အဆိုပါပွဲ ပထမနေ့၌ မြန်မာ့သနပ်ခါးအလှသမိုင်းကြောင်းနှင့် သနပ်ခါးပင်၏ ဆေးဘက်ဝင်ပုံအကြောင်း၊ ရိုးရာတပင်တိုင်ခြင်းအလှခတ်ဖျော်ဖြေမှုများ၊ သနပ်ခါးအလှလိမ်းချယ်ပြိုင်ပွဲကို ကျင်းပခဲ့ကာဆုများချီးမြှင့်ပေးအပ်ခဲ့ကြသည်။
▪️ အဆိုပါပွဲတော်ရက်အတွင်း ရိုးရာခြင်းအလှခတ်ပွဲနှင့် ပြည်မြို့ရှိ ဌာနဆိုင်ရာများ၊ လူမှုအဖွဲ့အစည်းများနှင့် တက္ကသိုလ်ဒီဂရီကောလိပ်များမှ ပြိုင်ပွဲဝင်လှပျိုဖြူများ၏ အဖွဲ့အလိုက် သနပ်ခါးလိမ်းချယ်ပြိုင်ပွဲများ၊ အနုပညာရှင်များ၏ ဖျော်ဖြေမှုများကို အခမဲ့ကြည့်ရှုအားပေးနိုင်မည်ဖြစ်ကာ ဒေသထွက် ထုတ်ကုန်အရောင်းဆိုင်များနှင့် ပွဲဈေးဆိုင်တန်းများ၊ ချား/ရဟတ်၊ အပျော်စီးလှေနှင့် ကလေးကစားကွင်းများဖြင့် ပျော်ပွဲရွှင်ပွဲများကိုလည်း စည်ကားသိုက်မြိုက်စွာကျင်းပသွားမည်ဖြစ်ကြောင်း သိရသည်။
#YMG/NN #Yangon_Times
#Local_News
Published 26 March 2025
▪️ ယခုအပတ်အတွင်း၌ တစ်စိတ်တစ်ပိုင်း နေကြတ်မှု ဖြစ်ပွားမည် ဖြစ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။
▪️ ၂၀၂၅ ခုနှစ်၊ မတ်လ ၂၉ ရက်နေ့၊ မြန်မာစံတော်ချိန် ၃နာရီ၂၀မိနစ်မှ ၇နာရီ ၁၅မိနစ်အချိန် အတွင်း တစ်စိတ်တစ်ပိုင်း နေကြတ်ခြင်းဖြစ်စဉ် ဖြစ်ပေါ်နိုင်ကြောင်း သိရသည်။
▪️ အဆိုပါ တစ်စိတ်တစ်ပိုင်းနေကြတ်ခြင်းဖြစ်စဉ်ကို ဥရောပတိုက်၊ အာရှတိုက်မြောက်ပိုင်း၊ အာဖရိကတိုက် အနောက်မြောက်ပိုင်းနှင့် မြောက်အမေရိကတိုက်ဒေသများရှိ နိုင်ငံအသီးသီးတို့မှ မြင်တွေ့နိုင်နည်ဖြစ်ကြောင်း သိရသည်။
#YMG/NN #Yangon_Times
#World_Health
Published 26 March 2025
▪️ ဝိုင်နီက ဝိုင်ဖြူထက် ကျန်းမာရေးအရ ပိုကောင်းတယ်လို့ သိထားကြပါတယ်။
▪️ ဒါဟာ ဝိုင်နီမှာက စွမ်းအားမြင့် ဓာတ်တိုးဆန့်ကျင်ပစ္စည်း ရက်စ်ဗရာထရိုလ် ကြွယ်ဝတာကြောင့် ရောင်ရမ်းခြင်းနဲ့ ကင်ဆာ၊ နှလုံးရောဂါတို့ ဖြစ်နိုင်ခြေကို လျှော့ချနိုင်တာ ဖြစ်ပါတယ်။
▪️ ဝိုင်ဖြူက ကယ်လိုရီပါဝင်မှု နည်းပါးပြီး အစားအသောက် ထိန်းသိမ်းရာမှ ပိုသင့်တော်ပြီးတော့ ဝိုင်နီကတော့ ရေရှည်ကျန်းမာရေးအတွက် ပိုမိုကောင်းမွန်တယ်လို့ သတ်မှတ်ကြကြောင်း သက်ရှည်ကျန်းမာရေး ပညာရှင် ဒန်ဘတ်နာက ဆိုပါတယ်။
▪️ လူပေါင်း ၉၆,၀၀၀ နီးပါးပါဝင်တဲ့ လေ့လာချက်ပြုလုပ်ရာမှာ ဝိုင်နီဝိုင်ဖြူ သောက်သုံးခြင်းနဲ့ ကင်ဆာဖြစ်နိုင်ခြေတို့ကြား ဆက်စပ်မှု ကွာခြားချက်မရှိဘူးလို့ ဆန်းစစ်တွေ့ရှိလာပါတယ်။
▪️ ဖြစ်နိုင်ခြေရှိတာက ဝိုင်ဖြူသောက်ခြင်းက အရေပြားကင်ဆာ ဖြစ်နိုင်ခြေများစေတာနဲ့ ဆက်စပ်နေပါတယ်။
▪️ ဒါဟာ ဝိုင်ဖြူကို နေ့ခင်းဘက်တွေမှာ အပြင်ဖက်နေရာတွေမှာထိုင်ရင်း သောက်တတ်ကြတာကြောင့် အရေပြားကင်ဆာဖြစ်နိုင်ခြေ များတာဖြစ်နိုင်ပါတယ်။
▪️ ဝိုင်နီရဲ့ အကျိုးကျေးဇူးတွေကို လေ့လာရာမှာတော့ အူလမ်းကြောင်း ကျန်းမာရေး၊ နုပျိုတဲ့အရေပြား၊ မျိုးပွားနိုင်စွမ်းမြင့်မားခြင်းတို့နဲ့ ဆက်စပ်နေပါတယ်။
▪️ ဝိုင်နီက နှလုံးကျန်းမာရေးအတွက် ကောင်းတယ်လို့ ဆိုကြပေမယ့် ပြီးခဲ့တဲ့ နှစ် ၂၀ အတွင်း အငြင်းပွားနေကြဆဲဖြစ်ပါတယ်။
▪️ လေ့လာချက်တွေအရ အနည်းငယ်သောက်သုံးခြင်းက ကျန်းမာရေးအတွက် ကောင်းတယ်ဆိုတာပဲ ဖြစ်တယ်လို့ ယူစီဆန်ဖရန်ဆစ္စကို သူနာပြုကျောင်းမှ ကိုင်းဖီလ်မိုးက ပြောသွားပါတယ်။
▪️ အယ်လ်ကိုဟောကို သာမန်ပမာဏ သောက်သုံးရင်တောင် ကင်ဆာဖြစ်နိုင်ခြေများစေတယ်လို့ သုတေသနအဖွဲ့တစ်ခုက ပြောထားပါတယ်။
#Source: New York Post
#Local_News
Published 26 March 2025
▪️ ယနေ့နံနက်အစောပိုင်းက ရန်ကုန်-နေပြည်တော်အမြန်လမ်းမကြီးပေါ်တွင် ၆ ဘီးကားနှင့် Express ယာဉ်တို့ယာဉ်တိုက်မှုဖြစ်ပွါးခဲ့ကြောင်း သိရသည်။
▪️ မတ်လ ၂၆ ရက် နံနက် ၀၃ နာရီ ၁၀ မိနစ်အချိန်ခန့်၊ ရန်ကုန်-နေပြည်တော်အမြန်လမ်းမကြီး၊ မိုင်တိုင်အမှတ်(၆၀/၆-၇)ကြားတွင် ယာဉ်တိုက်မှုဖြစ်ပွားပြီး လူညပ်နေကြောင်းသတင်းရရှိသဖြင့် ဘောနီအမြန်လမ်းနယ်မြေမီးသတ်စခန်းနှင့် ဉသျှစ်ကုန်းအမြန်လမ်းနယ်မြေမီးသတ်စခန်းတို့မှ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ကြောင်း သိရသည်။
▪️ အဆိုပါယာဉ်တိုက်မှုကြောင့် PK Express ယာဉ်ပေါ်ပါ ကျား(၃)ထိခိုက်ဒဏ်ရာ(စိုးရိမ်ရ)နှင့် (၆)ဘီးကုန်ကားယာဉ်ပေါ်ပါ ကျား(၁)ထိခိုက်ဒဏ်ရာ (မစိုးရိမ်ရ)တို့အား စေတနာရှင်လူမှုကူညီရေးအသင်းမှ သူနာတင်ယာဉ်ဖြင့် မြို့ချောင်းတိုက်နယ်ဆေးရုံသို့ ပို့ဆောင်ပေးခဲ့ကြောင်း သိရသည်။
#YMG/SW #Yangon_Times
#World_Health
Published 26 March 2025
▪️ အသုံးများတဲ့ အကိုက်အခဲပျောက်ဆေးတစ်မျိုးက အချို့သောကင်ဆာတွေ ပျံ့နှံ့ခြင်းမှ ကာကွယ်နိုင်ဖွယ်ရှိပါတယ်။
▪️ အက်စ်ပရင်က လူနာရဲ့ ကိုယ်ခံအားစနစ်ကို လှုံ့ဆော်ပေးပြီးတော့ ကင်ဆာအကျိတ်ပျံ့နှံ့မှုကို လျှော့ချပေးနိုင်တယ်လို့ ကိမ်းဘရစ်ချ်တက္ကသိုလ်မှ လေ့လာတွေ့ရှိထားပါတယ်။
▪️ အက်စ်ပရင်က သွေးခဲခြင်းကို ကူညီပေးတဲ့ TXA2ထုတ်လုပ်မှုနဲ့ သွေးခဲခြင်းကို ဟန့်တားပေးပါတယ်။
▪️ အက်စ်ပရင်က TXA2ကို လျှော့ချပေးကာ ကိုယ်ခံအားဆဲလ်တွေ ထွက်စေခြင်းဖြင့် ကင်ဆာပျံ့နှံ့ခြင်းကို ကာကွယ်ပေးတယ်လို့ သုတေသနအသစ်မှာ တွေ့ရှိခဲ့ကြောင်း ဖော်ပြထားပါတယ်။
▪️ အရေပြားကင်ဆာရှိနေတဲ့ ကြွက်တွေမှာ အက်စ်ပရင်ပေးလိုက်တဲ့အခါ တခြားကြွက်တွေနဲ့ယှဉ်ရင် ကင်ဆာပျံ့နှံ့မှု လျော့နည်းသွားပါတယ်။
▪️ အက်စ်ပရင်နဲ့ အလားတူဆေးတွေက ဒီလိုဆောင်ရွက်ချက်မျိုးဖြင့် အခြားကုသနည်းတွေထက် အကုန်အကျ သက်သာနိုင်တယ်လို့ ကိမ်းဘရစ်ချ် ရောဂါဗေဒဌာနမှ ဒေါက်တာ ကျိယန်က ပြောပါတယ်။
▪️ ယခင်သုတေသနတွေမှာလည်း နေ့စဉ်အက်စ်ပရင်အသုံးပြုခြင်းက ရောဂါရှိတဲ့သူတွေမှာ ကင်ဆာပျံ့နှံ့မှုနဲ့ ကင်ဆာကြောင့် အသက်ဆုံးရှုံးမှုတို့ကို လျှော့ချနိုင်တယ်လို့ ယူဆထားကြောင်း ကိမ်းဘရစ်ချ်မှ ဒေါက်တာ ရာဟူရွိုင်ချောင်ဒရီက ပြောပါတယ်။
▪️ စမ်းသပ်မှုတစ်ခုမှာတော့ အက်စ်ပရင်ကို နေ့စဉ် ၆၀၀ မီလီဂရမ်ဖြင့် ၂၅ လခန့် သုံးစွဲခြင်းဖြင့် အူမကြီးကင်ဆာဖြစ်နိုင်သူတွေမှာ ဖြစ်ပျက်မှုနှုန်း သိသိသာသာ လျော့နည်းသွားပါတယ်။
▪️ အက်စ်ပရင်က ဈေးသက်သာပြီး ဝယ်လို့လွယ်ပေမယ့် ရေရှည်သုံးတဲ့အခါ ဆိုးကျိုးမရှိဘဲနဲ့တော့ မနေပါဘူး။
▪️ သက်ကြီးရွယ်အိုတွေမှာ အထူးသဖြင့် သွေးထွက်ခြင်း၊ သွေးယိုခြင်းတို့ ဖြစ်လာနိုင်ပါတယ်။
▪️ ဒါကြောင့် ဆရာဝန် ညွှန်ကြားချက်မရဘဲ ကင်ဆာကာကွယ်ဖို့အတွက် ကိုယ်တိုင် အက်စ်ပရင်သောက်သုံးတာမျိုးတော့ မလုပ်သင့်ဘူးလို့ အကြံပြုထားပါတယ်။
▪️ ယခုလေ့လာချက်ကလည်း ကြွက်တွေမှာသာ စမ်းသပ်ထားတာကြောင့် ယုံကြည်ဖို့တော့ လိုအပ်နေပါသေးတယ်။
#Source: Fox News
သမ္မတဒေါ်နယ်ထရမ့်အစိုးရအဖွဲ့ ကြေညာထားတဲ့အတိုင်း အမေရိကန် မော်တော်ယာဉ်လုပ်ငန်းဟာ စည်းကြပ်ခွန် ၂၅ ရာခိုင်နှုန်းအပါအဝင် ကုန်သွယ်ရေးမူဝါဒသစ်များရဲ့ အကျိုးဆက်တွေကို ခံစားနေရပါတယ်။
#World_Industry
Published 25 March 2025
#ဒေါ်နယ်ထရမ့် #ကုန်သွယ်ရေးအခွန်စည်းကြပ်မှု
#YMG #Yangon_Times #Yangon_Media_Group
#Daily_News
Published 25 March 2025
၁။ ယူနက်စကိုစာရင်းဝင် မြန်မာ့ရိုးရာအတာသင်္ကြန်ကို ရန်ကုန်၌စည်ကားသိုက်မြိုက်စွာကျင်းပမည်
၂။ လာမည့်ဘဏ္ဍာနှစ်တွင် ပြည်ပသို့ပေါင်းဆန် တန်ချိန် ၃ သိန်း တင်ပို့မည်
၃။ ‘ပြည်တွင်းဆီ ပိဿာချိန် ခြောက်သောင်းကျော်ရောင်းချပေးမည့် သင်္ကြန်အကြိုဈေးရောင်းပွဲတော်’ကျင်းပမည်
၄။ ဒေါ်နယ်ထရမ့်အစိုးရအဖွဲ့၏ ကုန်သွယ်ရေးအခွန်စည်းကြပ်မှု မူဝါဒအသစ်များကြောင့် မော်တော်ယာဉ်လုပ်ငန်းထိခိုက်ကျဆင်းလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
ပြည်ပအလုပ်အကိုင်အေဂျင်စီတွေအနေနဲ့ တစ်လတစ်ကြိမ်သာ အလုပ်ခေါ်စာတင်ပြရမှာဖြစ်ပြီး နိုင်ငံအလိုက် အလုပ်ခေါ်စာအသစ်တင်ရမယ့် လုပ်သားဦးရေကို ကန့်သတ်ခွင့်ပြုပေးသွားမှာဖြစ်တယ်လို့ အလုပ်သမားဝန်ကြီးဌာနမှ သိရပါတယ်။
#Local_News
Published 25 March 2025
#နိုင်ငံအလိုက်လုပ်သားဦးရေကန့်သတ် #ပြည်ပအလုပ်အကိုင်အေဂျင်စီ
#YMG/SW #Yangon_Times
Page 5 of 1592