#Local_News
Published 12 September 2026

■ MSME လုပ်ငန်းများစွာအောင်မြင်လာပါက ဒေသစီးပွားရေးတိုးတက်လာစေနိုင်မည်ဖြစ်ကြောင်းစက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းကပြောသည်။

■ စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာနနှင့် မြန်မာစီးပွားရေးလုပ်ငန်းရှင် အမျိုးသမီးများကွန်ရက် (MYANWEN) တို့ ပူးပေါင်း၍ MSME လုပ်ငန်းရှင်များနှင့် အစပျိုးစီးပွားရေးလုပ်ငန်းရှင်များ လုပ်ငန်းစွမ်းရည်မြှင့်တင်ရေးအစီအစဉ် “Startup Ignite Program 2026” ကို ယမန်နေ့က စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ရုံးအမှတ် (၃၀) အစည်းအဝေးခန်းမ၌ ကျင်းပရာပြည်ထောင်စုဝန်ကြီး ဒေါက်တာချာလီသန်းက
အထက်ပါအတိုင်းထည့်သွင်းပြောကြားခဲ့ခြင်းဖြစ်သည်။

■ အဆိုပါအစီအစဉ်တွင် စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းက MSME တစ်ခု အောင်မြင်လာပါက အလုပ်အကိုင်များ ဖန်တီးနိုင်မည်ဖြစ်ပြီး MSME များစွာအောင်မြင်လာပါက ဒေသစီးပွားရေးတိုးတက်လာစေနိုင်မည်ဖြစ်ကြောင်း၊ ထို့အတူ ဒေသစီးပွားရေးများ တိုးတက်လာမှုနှင့်အတူ နိုင်ငံ့ထုတ်လုပ်မှု၊ ပို့ကုန်နှင့် နိုင်ငံ့ဝင်ငွေလည်း တိုးတက်လာမည်ဖြစ်ကြောင်း၊ သင်တန်းသားများအနေဖြင့် သင်တန်းပြီးဆုံးချိန်တွင် စမ်းသပ်မည့်အကြံဉာဏ်တစ်ခု၊ ရက်ပေါင်း ၃၀ လုပ်ငန်းအစီအစဉ်တစ်ခုဖြင့် စတင်ဆောင်ရွက်မည့် သတ္တိတစ်ခုယူဆောင်သွားကြစေလိုကြောင်း ပြောကြားသည်။

■ ထို့အတူ မြန်မာစီးပွားရေးလုပ်ငန်းရှင် အမျိုးသမီးများကွန်ရက်ဥက္ကဋ္ဌက အစပျိုးစီးပွားရေးလုပ်ငန်းရှင်များ လုပ်ငန်းစွမ်းရည်မြှင့်တင်ရေး အစီအစဉ်-၂၀၂၆ နှင့် စပ်လျဉ်း၍ ရှင်းလင်းဆွေးနွေး သည်။

■ ဆက်လက်၍ ဆွေးနွေးမှုအစီအစဉ်များအဖြစ် တာဝန်ရှိသူများက စွန့်ဦးတီထွင်စိတ်ဓာတ်မွေးမြူခြင်း၊ ဘဏ်လုပ်ငန်းဝန်ဆောင်မှုများနှင့် လုပ်ငန်းတိုးချဲ့ရန်အခွင့်အလမ်းများ၊ အစပျိုးလုပ်ငန်းစီမံခန့်ခွဲခြင်း၊ အောင်မြင်သော စွန့်ဦးတီထွင်လုပ်ငန်းရှင်များ၏ အတွေ့အကြုံမျှဝေခြင်း ခေါင်းစဉ်များဖြင့် ရှင်းလင်းဆွေးနွေးမှုအပေါ် တက်ရောက်လာသူများက သိရှိလိုသည်များကို မေးမြန်းဆွေးနွေးကြသည်။

■ အဆိုပါအစီအစဉ်သို့ ဒုတိယဝန်ကြီး ဒေါက်တာ အောင်ဇေယျနှင့် တာဝန်ရှိသူများ၊ ပြည်ထောင်စုသမ္မတ မြန်မာနိုင်ငံတော်ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်မှ တာဝန်ရှိသူများ၊ မြန်မာအမျိုးသမီးစီးပွားရေးလုပ်ငန်းရှင်များကွန်ရက်မှ တာဝန်ရှိသူများ၊ သင်တန်းနည်းပြဆရာ ဆရာမများ၊ စီးပွားရေးလုပ်ငန်းရှင်များ၊ လူငယ်စွန့်ဦးတီထွင်သူများ တက်ရောက်ကြကြောင်း သိရသည်။

#YMG/NN #Yangon_Times

#Local_News
ဆီရမ်ရိ၊ စက်တင်ဘာ ၁၂

ကမ္ဘောဒီးယားနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် (State Visit) အဖြစ် ရောက်ရှိနေသည့် ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ ယနေ့ စက်တင်ဘာ ၁၂ ရက်တွင် ကမ္ဘောဒီးယားနိုင်ငံ ဆီရမ်ရိပြည်နယ် အုပ်ချုပ်ရေးမှူး  Mr. Prak Sophoan က လာရောက်ဂါရဝပြုတွေ့ဆုံ၍ မြန်မာ-ကမ္ဘောဒီးယား နှစ်နိုင်ငံအကြားရှိရင်းစွဲချစ်ကြည်ရင်းနှီးမှုနှင့် ဘက်စုံပူးပေါင်းဆောင်ရွက်မှုမိတ်ဖက်ဆက်ဆံရေးကို ပိုမိုခိုင်မာစေရေး၊ ခရီးသွားကဏ္ဍ မြှင့်တင်ရေးတို့ကို ဆွေးနွေးခဲ့ကြပါသည်။

ဆွေးနွေးပွဲကောက်နုတ်ချက်များမှာ -

■ နိုင်ငံတော်သမ္မတက ပြောကြားခဲ့သည့်အချက်များ
 
ခရီးသွားကဏ္ဍဖွံ့ဖြိုးသည့် ဆီရမ်ရိပြည်နယ်သို့ ပြီးခဲ့သည့်၂၀၂၅ ခုနှစ်အတွင်း ကမ္ဘာလှည့်ခရီးသွား ၁ သန်းခန့် လာရောက်ခဲ့မှုအပေါ် ဝမ်းမြောက်မိပါကြောင်းနှင့် မြန်မာနိုင်ငံရှိ ပုဂံကိုလည်း ဆီရမ်ရိကဲ့သို့ ခရီးသွားကဏ္ဍဖွံ့ဖြိုးစေလိုပါကြောင်း။
 
ယခုခရီးစဉ်သည် အောင်မြင်သည့်ခရီးစဉ် ဖြစ်ပြီး မြန်မာ-ကမ္ဘောဒီးယား နှစ်နိုင်ငံ ပူးပေါင်းဆောင်ရွက်မည့် လုပ်ငန်းများရှိလာမည်ဖြစ်ပါကြောင်း။
 
ဆီယမ်ရိမြို့မှာ မြန်မာအလုပ်သမားများ ရောက်ရှိနေသည်ဟုသိရပြီး အဆိုပါ မြန်မာအလုပ်သမား များအား ကမ္ဘောဒီးယားဥပဒေဘောင်အတွင်းမှ စောင့်ရှောက်ပေးရန်နှင့် အလုပ်သမားအခွင့်အရေး အပြည့်အဝရရှိစေရန် မေတ္တာရပ်ခံလိုပါကြောင်း။

 
■ ဆီရမ်ရိပြည်နယ် အုပ်ချုပ်ရေးမှူး၏ ဆွေးနွေးချက်များ
 
သမ္မတကြီးအား တွေ့ဆုံဂါရဝပြုခွင့်ရသည့်အတွက် ကျေးဇူးတင်ပါကြောင်း။
 
သမ္မတကြီး လာရောက်လည်ပတ်သည့်အခါတိုင်းအသစ်အသစ်တွေသာ တွေ့ရမည်ဟု ယုံကြည်ပါ ကြောင်း။
 
ယမန်နေ့က ဖနွမ်းပင်မြို့သို့ ရောက်ရှိပြီး အကြီးအကဲများနှင့် အောင်မြင်စွာ တွေ့ဆုံရသည်ကို တွေ့ရသည့်အတွက် ဝမ်းမြောက်ဂုဏ်ယူမိပါကြောင်း။
 
သမ္မတကြီး၏ ဆွေးနွေးခဲ့မှုများနှင့် MoU လက်မှတ်ရေးထိုးခဲ့မှုများကို သိရှိရပြီး ၎င်းတို့နှင့်ပတ်သက်၍ ဆက်လက်ပူးပေါင်းအကောင်အထည်ဖော်သွားမည်ဖြစ်ပါကြောင်း။
 
သမ္မတကြီး ဆက်လက်တိုးတက်အောင်မြင်ပါစေရေး ဆုတောင်းပါကြောင်းဆွေးနွေးခဲ့ကြပါသည်။
 
#YMG #Yangon_Times #Yangon_Media_Group

#Local_News
Published 12 September 2026
 
■ ‎ကမ္ဘောဒီးယားနိုင်ငံသို့ နိုင်ငံတော်အဆင့်ခရီးစဉ်ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်သည် စက်တင်ဘာ ၁၂ ရက်၊ နံနက်ပိုင်းက ဖနောင်ပင်မြို့ရှိ Techo အပြည်ပြည်ဆိုင်ရာ လေဆိပ်မှ ဆီရမ်ရိမြို့သို့ အထူးလေယာဉ်ဖြင့် ထွက်ခွာသွား‌ကြောင်း သတင်းရရှိသည်။
‎
■ ‎နိုင်ငံတော်သမ္မတကြီးဦးဆောင်သည့် မြန်မာကိုယ်စားလှယ်အဖွဲ့ကို ကမ္ဘောဒီးယားနိုင်ငံ ရေအရင်းအမြစ်နှင့် မိုးလေဝသဝန်ကြီးဌာနဝန်ကြီးဦးဆောင်သည့် အစိုးရအဖွဲ့မှ တာဝန်ရှိသူများက ပို့ဆောင်နှုတ်ဆက်ခဲ့ကြသည်။
‎
■ ‎နိုင်ငံတော်သမ္မတဦးမင်းအောင်လှိင်ဦးဆောင်သော မြန်မာကိုယ်စားလှယ်အဖွဲသည် ကမ္ဘောဒီးယားနိုင်ငံ ဘုရင်မင်းမြတ်၏ ဖိတ်ကြားချက်အရ ကမ္ဘောဒီးယားနိုင်ငံကို နိုင်ငံတော်အဆင့် ချစ်ကြည်ရေးခရီးစဉ်အဖြစ် စက်တင်ဘာ ၁၁ ရက်က ရောက်ရှိနေခြင်းဖြစ်သည်။

#YMG #Yangon_Times #Yangon_Media_Group

#World_Health
Published 12 September 2026

■ Cialis အမှတ်တံဆိပ်ဖြင့် လူသိများတဲ့ Tadalafil ဆေးဟာ ကျားအင်္ဂါမသန်စွမ်းခြင်းပြဿနာအတွက် အသုံးအများဆုံးဆေးတွေထဲက တစ်ခုဖြစ်ပါတယ်။

■ ဒါ့အပြင် ဆီးကျိတ်ကြီးခြင်း၊ အဆုတ်သွေးကြောကျဉ်းရောဂါတို့အတွက် အမေရိကန် FDA က အတည်ပြုပေးထားပေမယ့် အသက်ရှည်ကျန်းမာရေးအတွက် အတည်ပြုထားခြင်း မရှိပါဘူး။

■ လေ့လာစောင့်ကြည့်မှု သုတေသနများအရ Tadalafil လိုမျိုး PDE-5 inhibitor သုံးစွဲသူအမျိုးသားတွေမှာ အသက်ဆုံးပါးနိုင်ခြေ သိသိသာသာ လျော့နည်းကြောင်း တွေ့ရှိရပါတယ်။

■ Tadalafil သုံးစွဲသူများဟာ နှလုံးရောဂါ ပြင်းထန်စွာဖြစ်ပွားခြင်း၊ နှလုံးဖောက်ခြင်း၊ လေဖြတ်ခြင်း၊ သွေးခဲခြင်း၊ အယ်ဇိုင်းမားနဲ့ သူငယ်ပြန်ရောဂါ ဖြစ်ပွားနိုင်ခြေ လျော့နည်းကြပါတယ်။

■ နှိုင်းယှဉ်ချက်များအရ Tadalafil ဟာ Viagra ထက် ကျန်းမာရေးကောင်းကျိုးများ ဆက်စပ်မှု ပိုမိုအားကောင်းကြောင်း ပြသနေပါတယ်။

■ ဆေးပုံမှန်သောက်သုံးမှု ပိုမိုမြင့်မားခြင်းဟာ နှလုံးနဲ့ သွေးကြောဆိုင်ရာ ရောဂါအန္တရာယ်နဲ့ အသက်ဆုံးပါးနိုင်ခြေတို့ကို ပိုမိုလျှော့ချပေးခြင်းနဲ့ ဆက်စပ်နေပါတယ်။

■ ဒါတွေဟာ ဆက်စပ်မှုကိုသာ ပြသခြင်းဖြစ်ပြီး တိုက်ရိုက်အကြောင်းအကျိုး ဆိုတာကိုတော့ သက်သေမပြနိုင်သေးကြောင်း သုတေသီများ အလေးအနက်ပြောထားပါတယ်။

■ ပန်းသေပန်းညှိုးဆေး သောက်သုံးတဲ့ အမျိုးသားများဟာ သဘာဝအတိုင်း ကျန်းမာရေးအတွက် ဆေးကုသမှု ပိုမိုခံယူလေ့ရှိသူများ ဖြစ်နိုင်ပါတယ်။

■ စမ်းသပ်မှုများ ထပ်မံလိုအပ်သေးပေမယ့် Tadalafil ပမာဏနည်းနည်း သုံးစွဲခြင်းက နှလုံးရောဂါ ဖြစ်နိုင်ခြေမြင့်မားတဲ့ အမျိုးသားများနဲ့ သင့်လျော်နိုင်ကြောင်း ဆေးဘက်ဆိုင်ရာ အဖွဲ့အစည်းများ အကြံပြုထားပါတယ်။

Source: NPR

#Local_News
Published 12 September 2026

■ ကမ္ဘောဒီးယားနိုင်ငံ၊ ဖနောင်ပင်မြိုတွင် ချစ်ကြည်ရေးခရီးစဉ်ရောက်ရှိနေသည့် ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်နှင့် ကမ္ဘောဒီးယားနိုင်ငံဝန်ကြီးချုပ် ဆမ်ဒက် ဟွန်မာနက်တို့သည် စက်တင်ဘာ ၁၁ ရက်က ကမ္ဘောဒီးယားနိုင်ငံ ဝန်ကြီးချုပ်ရုံးအစည်းအဝေးခန်း၌ တွေ့ဆုံဆွေးနွေးပွဲကျင်းပခဲ့ပြီးနောက် နှစ်နိုင်ငံအကြား သဘောတူစာချုပ်နှင့် နားလည်မှုစာချွန်လွှာ ၄ ခု ကို လက်မှတ်ရေးထိုးသည့် အခမ်းအနားသို့ တက်ရောက်ခဲ့သည်။

■ အဆိုပါ သဘောတူစာချုပ်နှင့် နားလည်မှုစာချွန်လွှာ ၄ ခု ဖြစ်သည့် ပြည်ထောင်စုသမ္မတ မြန်မာနိုင်ငံတော်နှင့် ကမ္ဘောဒီးယားနိုင်ငံတိုအကြား ရင်းနှီးမြှုပ်နှံမှု အပြန်အလှန်မြှင့်တင်နိုင်ရေးနှင့် အကာအကွယ်ပေးရေးဆိုင်ရာ သဘောတူစာချုပ်၊ အခွန်နှစ်ထပ်ကျသင့်မှုမှ ရှောင်ရှားရေးသဘောတူစာချုပ်၊ ယဉ်ကျေးမှုပူးပေါင်းဆောင်ရွက်ရေးဆိုင်ရာ သဘောတူစာချုပ်နှင့် ပြန်ကြားရေးဆိုင်ရာ ပူးပေါင်းဆောင်ရွက်ရေး နားလည်မှုစာချွန်လွှာတို့ကို နှစ်နိုင်ငံမှ သက်ဆိုင်ရာကဏ္ဍအလိုက် ပြည်ထောင်စုဝန်ကြီးများနှင့် တာဝန်ရှိသူများက ပြည်ထောင်စု သမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်နှင့် ကမ္ဘောဒီးယားနိုင်ငံဝန်ကြီးချုပ် ဆမ်ဒက်ဟွန်မာနက်၏ ရှေ့မှောက်၌ လက်မှတ်ရေးထိုးပြီး အပြန်အလှန်လဲလှယ်ခဲ့ကြသည်။

#YMG #Yangon_Times #Yangon_Media_Group

#Local_News
Published 12 September 2026

■ ‎ ကမ္ဘောဒီးယားနိုင်ငံသို့ နိုင်ငံတော်အဆင့် ခရီးစဉ်ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်သည် စက်တင်ဘာ ၁၂ ရက်၊ နံနက်ပိုင်းက ဖနောင်ပင်မြို့ရှိ မြန်မာသံရုံးတည်ဆောက်မယ့် မြေနေရာသစ်ကို သွားရောက်ကြည့်ရှုခဲ့ကြောင်းသတင်းရရှိသည်။

■ နိုင်ငံတော်သမ္မတသည် အဆိုပါ သံရုံးတည်ဆောက်မည့်နေရာသို့ မသွားရောက်မီ ဦးစွာ မြန်မာသံရုံးသို့ သွားရောက်ခဲ့ပြီး သံရုံးနှင့် စစ်သံရုံးဝန်ထမ်းများနှင့် မိသားစုဝင်များ၊ ပညာတော်သင်များကို တွေ့ဆုံပြီးအမှာစကားပြောကြားခဲ့သည်။

■ နိုင်ငံတော်သမ္မတနှင့်အတူ ကမ္ဘောဒီးယားနိုင်ငံခရီးစဉ်တွင် လိုက်ပါလာကြသည့် ပြည်ထောင်စုဝန်ကြီးများနှင့် တာဝန်ရှိသူတွေလည်းလိုက်ပါခဲ့ကြကြောင်း သိရသည်။

#YMG #Yangon_Times #Yangon_Media_Group

#Local_News
Published 12 September 2026

‎ ■ ကမ္ဘောဒီးယားနိုင်ငံသို့ နိုင်ငံတော်အဆင့် ခရီးစဉ်ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်သည် စက်တင်ဘာ ၁၂ ရက်၊ နံနက်ပိုင်းက ဖနောင်ပင်မြို့ရှိ နာမည်ကျော် Preah Sihamoniraja ဗုဒ္ဓတက္ကသိုလ်သို့ရောက်ခဲ့ကြောင်း သတင်းရရှိသည်။
‎
■ ‎ယင်းသို့ သွားရောက်စဉ် နိုင်ငံတော်သမ္မတသည် Preah Sihamoniraja ဗုဒ္ဓတက္ကသိုလ် ကျောင်းထိုင် ဆရာတော် Samdech Preah Abhisiri Sugandha Mohasangharajah Dhipati Bour Kry ကို ဖူးမြော်ကြည်ညိုခဲ့သည်။

■ ‎နိုင်ငံတော်သမ္မတဦးမင်းအောင်လှိုင်ဦးဆောင်သော မြန်မာကိုယ်စားလှယ်အဖွဲ့သည် ကမ္ဘောဒီးယားနိုင်ငံ ဘုရင်မင်းမြတ်၏ ဖိတ်ကြားချက်အရ ကမ္ဘောဒီးယားနိုင်ငံကို နိုင်ငံတော်အဆင့် ချစ်ကြည်ရေးခရီးစဉ်အဖြစ် စက်တင်ဘာ ၁၁ ရက်က ရောက်ရှိနေခြင်းဖြစ်သည်။

#YMG #Yangon_Times #Yangon_Media_Group

#World_Health
Published 12 September 2026

■ ဆီးချိုမဖြစ်ခင်အဆင့်ရှိသူတွေမှာ သွေးတွင်းသကြားဓာတ်ကို ပုံမှန်အဆင့်သို့ ပြန်ရောက်ရန် ကူညီပေးနိုင်ပါတယ်။

■ သုတေသနပြုချက်များအရ ပန်ကရိယရှိ ဘီတာဆဲလ်များကို ထောက်ပံ့ပေးပြီး ခန္ဓာကိုယ်တွင်း ရောင်ရမ်းမှုများကို လျှော့ချပေးကာ အင်ဆူလင်ဟော်မုန်း ထွက်ရှိမှုကို ကောင်းမွန်စေကြောင်း သိရပါတယ်။

■ ဆေးဘက်ဆိုင်ရာ စမ်းသပ်မှုတွေမှာ သွေးတွင်းသကြားဓာတ် အကျိုးကျေးဇူးများ မြင်တွေ့ရဖို့ကတော့ တစ်နေ့ကို ပျမ်းမျှ ၄,၃၀၀ IU အထိ မြင့်မားတဲ့ပမာဏ အသုံးပြုခဲ့ကြပါတယ်။

■ ဟော်မုန်းနဲ့ ဂလင်းဆိုင်ရာ အဖွဲ့အစည်းက ဆီးချိုဖြစ်နိုင်ခြေ မြင့်မားတဲ့ ဆီးချိုမဖြစ်မီအဆင့် အရွယ်ရောက်ပြီးသူများအနေဖြင့် ပုံမှန်သတ်မှတ်ထားတဲ့ နေ့စဉ်သောက်သုံးရမယ့် ပမာဏထက် ပိုမိုသောက်သုံးရန် အကြံပြုထားပါတယ်။

■ ဒါပေမဲ့ ရေရှည်ဘေးကင်းလုံခြုံမှု ရှိစေရန်အတွက် နေ့စဉ်သောက်သုံးမှုပမာဏ ၅ ထောင် IU အောက်သာ ထားရှိဖို့ ကျွမ်းကျင်သူတွေ သတိပေးထားပါတယ်။

■ ဗိုက်တာမင်-ဒီပမာဏ လွန်ကဲပါက သွေးတွင်းကယ်စီယံဓာတ် လွန်ကဲခြင်း ဖြစ်စေနိုင်ပြီး ကျောက်ကပ်ကျောက်တည်ခြင်း၊ အရိုးနဲ့ နှလုံးအားနည်းခြင်းတို့ ဖြစ်ပေါ်စေနိုင်ပါတယ်။

■ အဆီများတဲ့ငါးများ၊ နွားနို့၊ ကွေကာတို့လို သဘာဝအစားအစာတွေကနေ ဗိုက်တာမင်-ဒီ ရရှိနိုင်ပါတယ်။

■ လူနေမှုပုံစံ ပြောင်းလဲနေထိုင်ခြင်းက အထိရောက်ဆုံး နည်းလမ်းဖြစ်တာကြောင့် ဖြည့်စွက်စာများ မသောက်သုံးမီ ဆရာဝန်နဲ့ တိုင်ပင်ဆွေးနွေးသင့်ပါတယ်။

Source: Very Well Health

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា អញ្ជើញចូលរួមជាអធិបតីភាពជាមួយ ឯកឧត្តម មីន អោង ឡាំង (Min Aung Hlaing) ប្រធានាធិបតី នៃសាធារណរដ្ឋសហភាពមីយ៉ាន់ម៉ា ក្នុងពិធីចុះហត្ថលេខាលើឯកសារចំនួន០៤៖

១. កិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋ សហភាពមីយ៉ាន់ម៉ា ស្តីពីការលុបបំបាត់ការយកពន្ធត្រួតគ្នាពាក់ព័ន្ធនឹងពន្ធលើប្រាក់ចំណូល និងការបង្ការការគេចវេះពន្ធនិងការចៀសវាងពន្ធ។

២. កិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋ សហភាពមីយ៉ាន់ម៉ា ស្តីពីការជំរុញ និងការការពារទៅវិញទៅមកនៃវិនិយោគ។

៣. វិសោធនកម្មកិច្ចព្រមព្រៀង ស្តីពីកិច្ចសហប្រតិបត្តិការលើវិស័យវប្បធម៌ រវាងក្រសួងវប្បធម៌ និងវិចិត្រសិល្បៈនៃរាជរដ្ឋាភិបាលកម្ពុជា និងក្រសួងវប្បធម៌, សណ្ឋាគារ និងទេសចរណ៍ នៃ រដ្ឋាភិបាលនៃសាធារណរដ្ឋសហភាពមីយ៉ាន់ម៉ា។

៤. អនុស្សរណៈនៃការយោគយល់គ្នា រវាងរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃ សាធារណរដ្ឋសហភាពមីយ៉ាន់ម៉ា ស្តីពីកិច្ចសហប្រតិបត្តិការលើវិស័យព័ត៌មាន និងប្រព័ន្ធផ្សព្វផ្សាយ។

រាជធានីភ្នំពេញ រសៀលថ្ងៃសុក្រ ទី១១ កញ្ញា ២០២៦

His Excellency Min Aung Hlaing, President of the Republic of the Union of Myanmar, and I witnessed the signing of four documents as follows:

1. Agreement between the Government of the Kingdom of Cambodia and the Government of the Republic of the Union of Myanmar for the Elimination of Double Taxation with Respect to Taxes on Income and the Prevention of Tax Evasion and Avoidance.

2. Agreement between the Government of the Kingdom of Cambodia and the Government of the Republic of the Union of Myanmar on the Reciprocal Promotion and Protection of Investments.

3. Amendment to the Agreement on Cultural Cooperation between the Ministry of Culture and Fine Arts of the Royal Government of Cambodia and the Ministry of Culture, Hotels and Tourism of the Government of the Republic of the Union of Myanmar.

4. Memorandum of Understanding between the Government of the Kingdom of Cambodia and the Government of the Republic of the Union of Myanmar on Media and Information Cooperation.

Phnom Penh, Friday afternoon, 11 September 2026