#Local_News
Published 25 February 2025

▪️ ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်း၍ မြန်မာနိုင်ငံအတွင်းသို့ နယ်စပ်လမ်းကြောင်းများမှ တရားမဝင် ဝင်ရောက်လာပြီး ကရင်ပြည်နယ်၊ မြဝတီ-ရွှေကုက္ကိုလ် နယ်မြေတွင် တရားမဝင် အွန်လိုင်းလောင်းကစားမှုများ၊ အွန်လိုင်းလိမ်လည်မှုများ၊ ဒုစရိုက်မှုများ ကျူးလွန်ခဲ့ကြသည့် အင်ဒိုနီးရှားနိုင်ငံသား ၁၀၁ ဦး၊ နမီးဘီးယားနိုင်ငံသား ခြောက်ဦး၊ သီရိလင်္ကာ နိုင်ငံသား ငါးဦး၊ ကင်ညာနိုင်ငံသား လေးဦး၊ အိန္ဒိယနိုင်ငံသား လေးဦး၊ တောင်အာဖရိကနိုင်ငံသား လေးဦး၊ ဇင်ဘာဘွေနိုင်ငံသား သုံးဦး၊ နိုင်ဂျီးရီးယားနိုင်ငံသား သုံးဦး၊ မလေးရှားနိုင်ငံသား နှစ်ဦး၊ ဘီနင်နိုင်ငံသား တစ်ဦးနှင့် ဘူရွန်ဒီနိုင်ငံသား တစ်ဦး၊ စုစုပေါင်း ပြည်ပနိုင်ငံသား ၁၃၄ ဦးတို့အား မြန်မာ-ထိုင်း အမှတ်(၂)ချစ်ကြည်ရေး တံတားမှတစ်ဆင့် သက်ဆိုင်ရာနိုင်ငံများသို့ လူသားချင်း စာနာထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှုတို့ကို ရှေးရှု၍ ဥပဒေလုပ်ထုံးလုပ်နည်းများနှင့်အညီ ထပ်မံလွှဲပြောင်းပေးခဲ့ကြောင်း သိရသည်။

▪️ အဆိုပါ ပြည်နှင်လွှဲပြောင်းပေးမှုလုပ်ငန်းများ စနစ်တကျရှိစေရေးနှင့် အဆင်ပြေ ချောမွေ့ စေရေးအတွက် မြဝတီခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဌ ခရိုင်အုပ်ချုပ်ရေးမှူး ဦးကောင်းစံလင်းနှင့် တာဝန်ရှိသူများက ဌာနဆိုင်ရာများနှင့်တွေ့ဆုံကာ စာရင်းဇယား၊ အချက် အလက်များ ကိုက်ညီမှုရှိရေးနှင့် ပြည့်စုံမှန်ကန်မှုရှိရေးတို့ကို လိုက်လံကြည့်ရှုစစ်ဆေးပြီး လိုအပ် သည်များ ပေါင်းစပ်ညှိနှိုင်းဆောင်ရွက်ပေးကြောင်း သိရသည်။

▪️ ထိုသို့ ပြည်နှင်လွှဲပြောင်းပေးအပ်ရာတွင် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီး ဌာန၊ ခရိုင်ဦးစီးမှူး ဒုတိယညွှန်ကြားရေးမှူး ဦးကျော်ကျော်သန်းနှင့် တာဝန်ရှိသူများ၊ ထိုင်းနိုင်ငံ ဆိုင်ရာ အင်ဒိုနီးရှားနိုင်ငံသံရုံးမှ
Minister Counsellor Mr. Mohamad Arif Sulaksono နှင့်တာဝန်ရှိသူများ၊ ထိုင်းနိုင်ငံဆိုင်ရာ မလေးရှားနိုင်ငံသံရုံးမှ Counsellor Ms. Jarin Sijaya Abdul Hathi နှင့်တာဝန်ရှိသူများ၊ မလေးရှားနိုင်ငံဆိုင်ရာ နမီးဘီးယားနိုင်ငံသံရုံးမှ Second Secretary Ms. Laina S Mundilo နှင့်တာဝန်ရှိသူများ၊ ထိုင်းနိုင်ငံဆိုင်ရာ အိန္ဒိယနိုင်ငံသံရုံးမှ Administrative and Technical Staff Mr. Deepak Pathak နှင့်တာဝန်ရှိသူများ၊ သီရိလင်္ကာနိုင်ငံ၊ ကင်ညာနိုင်ငံ၊ တောင်အာဖရိက နိုင်ငံ၊ ဇင်ဘာဘွေနိုင်ငံ၊ နိုင်ဂျီးရီးယားနိုင်ငံ၊ ဘီနင်နိုင်ငံနှင့် ဘူရွန်ဒီနိုင်ငံတို့မှ သံရုံးကိုယ်စားလှယ် Mr. Tana Judah Hira နှင့်တာဝန်ရှိသူများ၊ ထိုင်းနိုင်ငံ တာ့ခ်ခရိုင် လူဝင်မှုကြီးကြပ်ရေးဦးစီးဌာနမှ တာဝန်ရှိသူများ တက်ရောက်ခဲ့ကြပြီး မြန်မာနိုင်ငံမှ တာဝန်ရှိသူတို့က သက်ဆိုင်ရာနိုင်ငံများမှ တာဝန်ရှိသူများထံသို့ ပြည်နှင်လွှဲပြောင်း လက်ခံရေးဆိုင်ရာ အထောက်အထား စာရွက်စာတမ်း များကို စနစ်တကျ လွှဲပြောင်းပေးအပ်ခဲ့ကြောင်း သိရသည်။

#YMG/PP #Yangon_Times

#World_Health
Published 25 February 2026

■ ဒီဂျစ်တယ်ပစ္စည်းတွေ စွဲလမ်းလာခြင်းနဲ့အတူ ကလေးတွေနဲ့ ဆယ်ကျော်သက်တွေကြားမှာ စိတ်ပိုင်းဆိုင်ရာ ကျန်းမာရေးပြဿနာများ အဖြစ်များလာတယ်လို့ Economics Survey မှာ ဖော်ပြထားပါတယ်။

■ ကျောင်းသားတွေကြား ဆိုရှယ်မီဒီယာ အသုံးပြုမှု မြင့်တက်လာကာ နေရာဒေသ လူမျိုးပေါင်းစုံ အခက်အခဲမရှိ ချိတ်ဆက်လာနိုင်ပေမယ့် စိတ်ပိုင်းဆိုင်ရာ ပြဿနာများ၊ အာရုံစူးစိုက်မှု ပြဿနာများ၊ လက်တွေ့လောက အားနည်းခြင်း စတာတွေ စိုးရိမ်စရာဖြစ်လာပါတယ်။

■ ဒါ့အပြင် ကလေးတွေမှာ အိပ်စက်မှု၊ ပညာသင်ကြားမှု၊ မျက်နှာချင်းဆိုင် ဆက်ဆံမှုတွေမှာ လိုအပ်ချက်တွေ ဖြစ်လာစေပါတယ်။

■ ဆိုရှယ်မီဒီယာပလက်ဖောင်းတွေမှာ မြင်နေရတာတွေက လူငယ်တွေရဲ့ ဦးနှောက်လုပ်ဆောင်ချက်အပေါ် စိုးရိမ်မှုမြင့်လာစေပြီး အာရုံစူးစိုက်မှု အားနည်းခြင်း၊ စိုးရိမ်စိတ်မြင့်ခြင်း၊ အပြုအမူပိုင်းပြဿနာများ ဖြစ်လာစေနိုင်ပါတယ်။

■ ကျောင်းတွေမှာ မီဒီယာအချက်အလက်တွေအကြောင်း ဆန်းစစ်နိုင်အောင် လေ့ကျင့်ခြင်းဖြင့် လူငယ်တွေရဲ့ အရေးပေါ်တွေးခေါ်နိုင်စွမ်း အားကောင်းစေပြီး ဆိုရှယ်မီဒီယာကို အားမကိုးဘဲ ဖန်တီးလာနိုင်စေမှာ ဖြစ်ပါတယ်။

■ အင်တာနက်ပေါ်မှ စံပြပုဂ္ဂိုလ်တွေဟာလည်း တာဝန်ယူစိတ်ရှိပြီး လူ့ကျင့်ဝတ်ညီစွာ ပြုမူကြဖို့နဲ့ မှန်ကန်တဲ့ နေထိုင်မှုပုံစံတွေ ပြုမူပြဖို့ လိုအပ်ပါတယ်။

■ ဆိုရှယ်မီဒီယာပလက်ဖောင်းတွေအနေနဲ့ စိတ်ကျန်းမာရေး သတိပေးချက်များ ထုတ်ပြန်ပြီး ဘေးကင်းစိတ်ချရတဲ့ ဒီဂျစ်တယ်ဝန်းကျင်ဖြစ်အောင် ဖန်တီးသင့်ပါတယ်။

■ လူငယ်တွေအနေနဲ့ အားကစား၊ ဖန်တီးမှုလိုက်စားခြင်း၊ ပြဿနာ ဖြေရှင်းခြင်း၊ အရေးပေါ်တွေးခေါ်ခြင်း၊ ကိုယ်ရည်ကိုယ်သွေး လေ့ကျင့်ခြင်းတို့ ကျင့်ကြံသင့်ပါတယ်။

■ အဓိပ္ပာယ်ပြည့်ဝတဲ့ ဆက်ဆံရေး တည်ဆောက်ခြင်း၊ ဒီဂျစ်တယ်ဖန်သားပြင်ပစ္စည်း အသုံးပြုမှု လျှော့ချခြင်းတို့ဖြင့် စိတ်ဓာတ်ကြံ့ခိုင်စေပြီး စိတ်ကျန်းမာရေး အထောက်အကူ ဖြစ်စေမှာပါ။

Source: Indian Express

#World_Health
Published 25 February 2026

■ ရာသီဥတု မိုးတွေရွာတဲ့အခါ လူတွေက လျှော်ပြီးသားအဝတ်တွေကို အိမ်ထဲမှာပဲ လှန်းကြပါတယ်။

■ ဒီလိုမျိုး အိမ်ထဲမှာ အဝတ်လှန်းတာဟာ အိမ်တွင်းထဲမှာ စိုထိုင်းဆတက်စေပြီး လေတွေ လေးလံလာပါတယ်။

■ စိုစွတ်မှုများလာကာ မှိုပေါက်ဖွားနိုင်ပြီး အသက်ရှူကြပ်ခြင်း၊ ဓာတ်မတည့်ခြင်းတို့ ဖြစ်လာနိုင်ပါတယ်။

■ လေဝင်လေထွက် မကောင်းတော့ဘဲ နံရံတွေ၊ မျက်နှာကျက်တွေ၊ ပရိဘောဂတွေမှာ စိုစွတ်လာပါတယ်။

■ အချိန်ကြာလာရင် မှိုတွေ ရှင်သန်ပေါက်ဖွားလာကြပြီး ပစ္စည်းမျက်နှာပြင်တွေ ပျက်စီးစေပါတယ်။

■ လေထဲက မှိုအပေါက်တွေက မျက်စိ၊ နှာခေါင်း၊ လည်ချောင်းတို့ကို ယားယံစေပြီး ရင်ကြပ်၊ အသက်ရှူပြဿနာ ရှိသူတွေဆိုရင် မှိုနဲ့ထိတွေ့တဲ့အခါ ပိုဆိုးစေနိုင်ပါတယ်။

■ မှိုအမှုန်အမွှားတွေက အသက်ရှူလမ်းကြောင်းများ ရောင်ရမ်းစေကာ ရင်ကြပ်ကို ပိုဆိုးစေသလို ကျန်းမာတဲ့လူတွေမှာတောင် စိုထိုင်းတဲ့လေနဲ့ ကြာရှည်ထိတွေ့တဲ့အခါ ချောင်းဆိုးခြင်းလိုမျိုး လက္ခဏာတွေ ဖြစ်စေပါတယ်။

■ ချသတ္တဝါတွေကို အားပေးရာရောက်ပြီး ပရိဘောဂတွေ ကြမ်းခင်းတွေ ပျက်စီးစေသလို အခန်းထဲမှာ ချမ်းအေးမှု ပိုမိုခံစားရစေပါတယ်။

■ လေဝင်လေထွက် မကောင်းတဲ့အိမ်တွေမှာ အဝတ်စိုတွေလှန်းရင် ဒီလိုအန္တရာယ်တွေ အဖြစ်များပါတယ်။

■ မတတ်သာလို့ အိမ်ထဲမှာ လှန်းရမယ်ဆိုရင် ပြတင်းပေါက်တွေဖွင့်၊ လေမှုတ်ထုတ်ပန်ကာများ အသုံးပြုခြင်း၊ အခန်းထဲမှာ လေသန့်စင်စက် ထားရှိခြင်း၊ အိပ်စက်တဲ့နေရာအနီး မလှန်းခြင်း၊ စိုစွတ်မှုတွေ ထွက်သွားအောင် တံခါးများဖွင့်ထားခြင်းတို့ ပြုလုပ်သင့်ပါတယ်။

■ လေဝင်လေထွက် ကောင်းအောင်ထားပြီး စိုစွတ်မှုကို ထိန်းသိမ်းနိုင်ပါက မှိုပေါက်ဖွားမှု လျှော့ချနိုင်ပြီး အိမ်တွင်းလေ အန္တရာယ်ကင်းစေမှာ ဖြစ်ပါတယ်။

Source: India Today

တရုတ်မီဒီယာအဖွဲ့(CMG)ရဲ့ တရုတ်နှစ်ကူးပွဲတော်အတွင်း လူသားပုံစံစက်ရုပ်တွေရဲ့ ဖျော်ဖြေမှုတွေက အံ့ဩဖွယ်ကောင်းလွန်းပြီး တစ်ကမ္ဘာလုံးကလူတွေကို စိတ်လှုပ်ရှားစေတဲ့အပြင် တရုတ်တို့ရဲ့ စက်ရုပ်ကဏ္ဍ အလျင်အမြန်တိုးတက်လာနှုန်းကို မြင်တွေ့နေရပါတယ်။

#Asia_Technology
Published 24 February 2025
#CMG #တရုတ်နှစ်ကူးပွဲတော်
#YMG #Yangon_Times #Yangon_Media_Group

တောင်ကိုရီးယားနိုင်ငံမှ လှူဒါန်းထားတဲ့ အရန်ဆန်တန်ချိန် ၁၆၂၀ကို မန္တလေးငလျင်ကြီးဒဏ်သင့်သူများထံခရိုင်၊ မြို့နယ်တွေကတစ်ဆင့် စနစ်တကျ ခွဲဝေထောက်ပံ့ပေးသွားမယ်လို့ မန္တလေးတိုင်းဒေသကြီးဝန်ကြီးချုပ် ဦးမျိုးအောင်က ပြောပါတယ်။

#Local_News
Published 24 February 2025
#ဆန် #မန္တလေးငလျင်ကြီးဒဏ်
#YMG/NN #Yangon_Times

လာမယ့်ပညာသင်နှစ်မှစတင်ကာအလယ်တန်းအဆင့်မှာ စက်မှု၊ စိုက်ပျိုးရေးနဲ့ မွေးမြူရေးဘာသာရပ်တွေကို သင်ကြားပေးနိုင်ဖို့ ဆောင်ရွက်နေတယ်လို့ သိရပါတယ်။

#Local_News
Published 24 February 2025
#စက်မှု_စိုက်ပျိုးရေး
#YMG/SW #Yangon_Times

နေပြည်တော်ကောင်စီနယ်မြေအတွင်း ယခုလ၂၁ရက်နေ့က လေပြင်းတိုက်ခတ်မှုကြောင့် နေအိမ်‌များ ထိခိုက်ပျက်စီးခဲ့ရာ အဆိုပါထိခိုက်ပျက်စီးခဲ့တဲ့နေအိမ်များအား ထောက်ပံ့‌ငွေများပေးအပ်ခဲ့တယ်လို့လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ သိရပါတယ်။

#Local_News
Published 24 February 2025
#လေပြင်းတိုက်ခတ်
#YMG/SW #Yangon_Times

#Local_News
Published 24 February 2026

▪️ ဂျပန်နိုင်ငံသို့ အလုပ်သွားရောက်လုပ်ကိုင်နိုင်ရန်အတွက်ပေးသွင်းထားသည့်ငွေများ ပြန်လည်ရရှိလိုမှုအတွက် ထိုင်းနိုင်ငံ၊ဘန်ကောက်မြို့ရှိ အလုပ်သမားသံအရာရှိရုံးက ကူညီဆောင်ရွက်ပေးခဲ့ကြောင်း သိရသည်။

▪️ ဖြစ်စဉ်မှာ ခင်ပွန်းဖြစ်သူ ဂျပန်နိုင်ငံသို့ အလုပ်သွားရောက်လုပ်ကိုင်နိုင်ရန်အတွက် ၂၀၂၃ ခုနှစ်တွင် ဗိုလ်တထောင်မြို့နယ်၊ သိမ်ဖြူမှတ်တိုင်အနီးရှိ Five Star အဆောက်အဦ၌ ရုံးခန်းဖွင့်လှစ်ထားသည့် ပြည်ပအလုပ်အကိုင် အကျိုးဆောင်လိုင်စင်ရအေဂျင်စီသို့ ကြား Agent ထံမှတစ်ဆင့် စုစုပေါင်း ကျပ် ၆,၀၀၀,၀၀ဝိ/- (ကျပ်သိန်းခြောက်ဆယ်တိတိ/-)ကို ကျပ် ၃,၀၀၀,၀၀ဝိ/- စီ ၂ ကြိမ်ခွဲ၍ ပေးခွင်းခဲ့သော်လည်း ၎င်း၏ခင်ပွန်းဖြစ်သူသည် ဂျပန်နိုင်ငံသို့ သွားရောက်လုပ်ကိုင်ရခြင်းမရှိသဖြင့် ပေးသွင်းထားသည့်ငွေများ ပြန်လည်ရရှိလိုကြောင်း၊ ငွေကြေးလက်ခံခဲ့သူ Agent ဆိုသူအား ၂၁-၂-၂၀၂၆ ရက်နေ့ နေ့လယ်ပိုင်းတွင် ထိုင်းနိုင်ငံ၌ အမှတ်မထင် ပြန်လည်တွေ့ရှိခဲ့သဖြင့် ၎င်းထံ ပေးသွင်းခဲ့ရသည့် ငွေကြေးများ ပြန်လည်ရရှိရန် ကူညီဆောင်ရွက် ပေးစေလိုကြောင်း အလုပ်သမားသံအရာရှိရုံးသို့ တယ်လီဖုန်းဖြင့် ဆက်သွယ်တိုင်ကြားလာသဖြင့် အလုပ်သမားသံမှူးနှင့်အဖွဲ့သည် သက်ဆိုင်သူများနှင့် သွားရောက်တွေ့ဆုံခဲ့ပြီး ညှိနှိုင်းပေးခဲ့မှုအရ Agent ဆိုသူမှ ကျပ် ၃,၀၀၀,၀၀ဝိ/- နှင့်ညီမျှသည့် ထိုင်းဘတ်ငွေ ၂၄,၀၀ဝိ/- (ဘတ်နှစ်သောင်း လေးထောင်တိတိ)အား ၂၁-၂-၂၀၂၆ ရက်နေ့ ၁၉:၄၅ အချိန်တွင် ပေးချေခဲ့ပြီး ကျန်ရှိသည့်ငွေကျပ် ၃,၀၀၀,၀၀ဝိ/- အား ၂၀-၃-၂၀၂၆ ရက်နေ့တွင် ထပ်မံပေးချေရန် နှစ်ဦးနှစ်ဖက် သဘောတူညီမှု ရရှိခဲ့‌ကြောင်းသိရသည်။

▪️ မြန်မာရွှေ့ပြောင်းအလုပ်သမားများအနေဖြင့် အလုပ်သမားရေးရာကိစ္စရပ်များနှင့်စပ်လျဉ်း၍ တိုင်ကြားလိုပါက အလုပ်သမားသံအရာရှိရုံး (Call Center) 020030015,အလုပ်သမားသံမှူး (ဗန်ကောက်) 0618108454,အလုပ်သမားသံအရာရှိ (ဗန်ကောက်) 0626890119
, အလုပ်သမားသံအရာရှိ (ဗန်ကောက်) 0652206952,အလုပ်သမားသံအရာရှိ (မဲဆောက်) 0652206953,အလုပ်သမားသံအရာရှိ (ချင်းမိုင်) 0945866607,
အလုပ်သမားသံအရာရှိ (ရနောင်း) 0634818121စသည့် အလုပ်သမားသံအရာရှိ ဖုန်းနံပါတ်များသို့ ရုံးချိန်အတွင်း အချက်အလက်တိကျစွာ သတင်းပေးပို့ပြီးအကူအညီတောင်းခံ တိုင်ကြားနိုင်ကြောင်းသိရသည်။

#YMG/SW #Yangon_Times

အမေရိကန်ဒေါ်လာ ၂၇ သန်းကျော်တန်ဖိုးရှိ ပုစွန်တန်ချိန် ၉,၀၀၀ နီးပါးကို
အခုဘဏ္ဍာနှစ်(၁၀)လတာအတွင်း ပြည်ပနိုင်ငံတွေကိုတင်ပို့ထားတယ်လို့ ငါးလုပ်ငန်းဦးစီးဌာနကနေ သိရပါတယ်။

#Local_News
Published 24 February 2025
#ပုစွန် #ငါး
#YMG/NN #Yangon_Times

#Daily_News
Published 24 February 2025

၁။‌ ‎‎‎အရန်ဆန်တန်ချိန် ၁၆၂၀ကို မန္တလေးငလျင်ဒဏ်သင့်သူများထံ ခရိုင်၊မြို့နယ်အလိုက်စနစ်တကျထောက်ပံ့ပေးမည်
‎
‎၂။ ‌‌‌‌‌‌‌‌‌‌‌‌‎‎‎‎‎အလယ်တန်းအဆင့်တွင် စက်မှု၊ စိုက်ပျိုးရေးနှင့် မွေးမြူရေးဘာသာရပ်များ သင်ကြားပေးနိုင်ရန်ဆောင်ရွက်နေ
‎
၃။‌‌‎ ‌‌‌‌‌‌‌‌‌‎‎‎‎လေပြင်းတိုက်ခတ်မှုကြောင့် ထိခိုက်ပျက်စီးခဲ့သည့်နေအိမ်များအား ထောက်ပံ့‌ငွေပေးအပ်

‎၄။‎ ‌‌‌‌‌‌‌‌‌‎(၂၀၂၆)CMGတရုတ်နှစ်ကူးပွဲတော်၌ တရုတ်ပြည်ထုတ်လူသားပုံစံစက်ရုပ်များ မှင်သက်စရာစွမ်းဆောင်ရည်ပြသဖျော်ဖြေခဲ့... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 24 February 2025

▪️ အာဆီယံအပေါင်းသုံး အရေးပေါ်ဆန်အရန်ရိက္ခာ အစီအစဉ်-၃ အရ ကိုရီးယားဆန်တန်ချိန် ၁ဝ၂ဝကို ယမာန်နေ့ကလွှဲပြောင်းပေးအပ်ခဲ့ကြောင်းသိရသည်။

▪️ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမင်းနောင်
သည် ပြည်ထောင်စုဝန်ကြီးသည် နေပြည်တော်ကောင်စီရုံး ဇမ္ဗူသီရိခန်းမ၌ ကျင်းပသည့် အာဆီယံအပေါင်းသုံး အရေးပေါ်ဆန်အရန်ရိက္ခာ အစီအစဉ်-၃ အရ ကိုရီးယားဆန် တန်ချိန် ၁ဝ၂ဝ လွှဲပြောင်းပေးအပ်ပွဲအခမ်းအနားသို့ တက်ရောက်ခဲ့ကြောင်းသိရသည်။

▪️ ထို့အပြင် ၂၀၂၅ ခုနှစ် မတ် ၂၈ ရက်က လှုပ်ခတ်ခဲ့သော ငလျင်ကြောင့်ထိခိုက်ခံစားခဲ့ရသည့် ပြည်သူများအတွက် APTERR အစီအစဉ်-၃ (၂ဝ၂၅)ဖြင့် ကိုရီးယားသမ္မတနိုင်ငံမှ လှူဒါန်းသည့် ဆန်တန်ချိန် ၃၀၀၀ အနက် နေပြည်တော်ကောင်စီနယ်မြေရှိ ငလျင်ဘေးသင့်ပြည်သူများအား ဖြန့်ဝေလှူဒါန်းရန် ဆန်တန်ချိန် ၁ဝ၂ဝ (၂၅၅၀၀-အိတ်)ကို နေပြည်တော်ကောင်စီဥက္ကဋ္ဌထံ လွှဲပြောင်းပေးအပ်ခဲ့ကြောင်းသိရသည်။

▪️ ယခု လွှဲပြောင်းပေးအပ်သော ကိုရီးယားဆန် တန်ချိန် ၁၀၂၀ သည် ငလျင်ဘေးသင့်ပြည်သူများအတွက် ဒုတိယအကြိမ် လှူဒါန်းခြင်းဖြစ်ကြောင်း၊ ပထမအကြိမ်အဖြစ် ကိုရီးယားဆန် တန်ချိန် ၁၃၆၀ ကို ၂၀၂၅ ခုနှစ် ဇွန်လတွင် လွှဲပြောင်းပေးအပ်ခဲ့ပြီး ငလျင်ဘေးသင့်ပြည်သူများထံ ဖြန့်ဖြူးလှူဒါန်းခဲ့ပြီးဖြစ်ကြောင်း သိရသည်။

#YMG/NN #Yangon_Times

#Local_News
Published 24 February 2025

▪️ နေပြည်တော်တွင်ကျင်းပခဲ့သည့် ဒုတိယအကြိမ်စပ်မျိုးပြောင်းမျိုးသစ်များ မျိုးရွေးချယ်ခြင်း ကွင်းသရုပ်ပြပွဲတွင် မျိုးစေ့ကုမ္ပဏီ(၁၁)ခု ပါဝင်ဆောင်ရွက်ခဲ့ကြောင်းသိရသည်။

▪️ အစိုးရနှင့်ပုဂ္ဂလိက ပူးပေါင်းဆောင်ရွက်မှုဖြင့် စပ်မျိုးပြောင်း မျိုးစေ့စီးပွားဖြစ်ထုတ်လုပ်ရန် “စပ်မျိုးပြောင်း မျိုးသစ်များ မျိုးရွေးချယ်ခြင်း ကွင်းသရုပ်ပြပွဲ” ကို ယမာန်နေ့ မနက်ပိုင်းက နေပြည်တော် တပ်ကုန်းမြို့နယ်ရှိ စိုက်ပျိုးရေးသုတေသနခြံ၌ ကျင်းပခဲ့ခြင်းဖြစ်သည်။

▪️ အဆိုပါ အခမ်းအနားသို့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမင်းနောင်၊ ဌာနဆိုင်ရာတာဝန်ရှိသူများ၊ မျိုးစေ့ထုတ်ကုမ္ပဏီများမှ ကိုယ်စားလှယ်များနှင့် တောင်သူများ တက်ရောက်ကြပြီး မျိုးစေ့ထုတ်ကုမ္ပဏီများမှ ကိုယ်စားလှယ်များ၊ တောင်သူများက စပ်မျိုးပြောင်း မျိုးသစ် ၂၈ မျိုး၏ အရည်အသွေးနှင့်အထွက်နှုန်းအပေါ် သဘောထားမှတ်ချက်များ၊ အကြံပြုချက်များ တင်ပြကြရာပညာရှင်များက ဖြေကြားဆွေးနွေးကြသည်။

▪️ စိုက်ပျိုးရေးသုတေသန ဦးစီးဌာနက သုတေသနပြု ဖော်ထုတ်ရရှိထားသော အလားအလာ ကောင်းစပ်မျိုးပြောင်းမျိုးသစ်များကို မျိုးစေ့ကုမ္ပဏီများ၊ ဒေသခံပြောင်းစိုက်တောင်သူများ ကိုယ်တိုင်မျက်မြင်စိတ်ကြိုက် မျိုးရွေးချယ်နိုင်ကြစေရန် ၂၀၂၅ ခုနှစ်တွင် ကျင်းပခဲ့သည့် ပထမအကြိမ် စပ်မျိုးပြောင်း မျိုးသစ်များ မျိုးရွေးချယ်ခြင်း ကွင်းသရုပ်ပြပွဲ၌ မျိုးစေ့ထုတ်ကုမ္ပဏီ ခြောက်ခု ပါဝင်ဆောင်ရွက်ခဲ့ပြီး ယမာန်နေ့ကကျင်းပသည့် ဒုတိယအကြိမ် ကွင်းသရုပ်ပြပွဲတွင် မျိုးစေ့ကုမ္ပဏီ(၁၁)ခု ပါဝင်ဆောင်ရွက်ခဲ့သဖြင့် သုတေသနရလဒ်များ လက်တွေ့အသုံးချနိုင်ရေးအတွက် အရေးပါသည့် တိုးတက်မှုတစ်ရပ်ဖြစ်ကြောင်း၊ ၂၀၂၆-၂၀၂၇ မိုးသီးနှံ ပြောင်းစိုက်ဧရိယာများတွင် ပြည်တွင်းထုတ် စပ်မျိုးပြောင်းမျိုးစေ့များ အသုံးပြုစိုက်ပျိုးနိုင်မည်ဖြစ်ကြောင်း သိရသည်။

▪️ ထို့နောက် ပြည်ထောင်စုဝန်ကြီးသည် နေပြည်တော် ဇေယျာသီရိမြို့နယ် ရေဆင်းရှိ စိုက်ပျိုးပညာပေးရေးနှင့် ကျေးလက်ဒေသဖွံ့ဖြိုးရေးသင်တန်းကျောင်း(AERDTC)ခန်းမ၌ ကျင်းပသည့် မြန်မာနိုင်ငံတွင်စွမ်းအားမြှင့်မီးဖိုများ ဖြန့်ဖြူးခြင်းစီမံကိန်း၏ထောက်ပံ့ငွေဖြင့် ဆောင်ရွက်သည့် ကျေးရွာသစ်လှုပ်ရှားမှု စံပြကျေးရွာများအား ရန်ပုံငွေထောက်ပံ့ပေးအပ်ပွဲ အခမ်းအနားသို့ တက်ရောက်ခဲ့‌ကြောင်းသိရသည်။

#YMG/NN #Yangon_Times