NAYPYITAW, May 9, 2026 — Myanmar and Thailand are set to jointly implement the Aung Theinkha Project (Block M3), an initiative aimed at ramping up electricity generation across Myanmar.
Union Minister for Electricity and Energy U Ko Ko Lwin discussed the project's development with the Chief Executive Officer of Thailand's PTTEP International Limited during a meeting at the ministry's headquarters in Naypyidaw on May 8.
According to a press release from the ministry, the talks covered a broad range of topics, including elevating bilateral cooperation in the electricity and energy sectors and expanding exploration and production across Myanmar's offshore blocks. The officials also reviewed successful technical solutions applied in the drilling of new and supplementary wells to boost output at the Yadana project, which has recently experienced declining yields.
Furthermore, the two sides engaged in open and cordial discussions regarding prospective investments in highly promising deep-water offshore projects in Myanmar, as well as joint strategies to enhance security along the region's pipelines.
This recent meeting between the PTTEP International Limited CEO and the Union Minister builds upon discussions held in April 2026, when Thailand’s Deputy Prime Minister and Minister of Foreign Affairs paid a courtesy call on President U Min Aung Hlaing. During that April meeting, leaders emphasized the need to strengthen bilateral ties in the energy sector, increase oil and natural gas production, and ensure the security of the critical Myanmar-Thailand natural gas pipeline routes.
The Naypyitaw meeting was attended by the Union Minister for Electricity and Energy, the Permanent Secretary, Directors-General, and Managing Directors of departments and enterprises under the ministry, alongside the CEO and key officials from PTTEP International Limited.
-END-
မေ၉၊၂၀၂၆(နေပြည်တော်)-
မြန်မာနိုင်ငံတွင် လျှပ်စစ်ဓာတ် အားတိုးမြှင့်ထုတ်လုပ်နိုင်ရန်ရည်ရွယ်၍ ဆောင်ရွက်နေသည့် လုပ်ကွက် M3 ဖြစ်သော အောင်သိင်္ခစီမံကိန်းကို မြန်မာနှင့်ထိုင်း ပူးပေါင်းဆောင်ရွက်မည်ဖြစ်ကြောင်းသိရသည်။
လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်သည် ထိုင်းနိုင်ငံ၊ PTTEP International Limited ၏ အမှုဆောင်အရာရှိချုပ်နှင့် မေလ ၈ရက်က နေပြည်တော်ရှိ ဝန်ကြီးဌာန အစည်းအဝေးခန်းမတွင် တွေ့ဆုံဆွေးနွေးစဉ် အဆိုပါစီမံကိန်းဖွံ့ဖြိုးတိုးတက်ရေး အတွက်ဆွေးနွေးခဲ့ခြင်းဖြစ်သည်။
ထိုသို့ဆွေးနွေးကြရာတွင် မြန်မာနှင့် ထိုင်းနိုင်ငံအကြား လျှပ်စစ်နှင့်စွမ်းအင်ကဏ္ဍတွင် ပူးပေါင်း ဆောင်ရွက်မှုများတိုးမြှင့်ရေး၊ မြန်မာ့ကမ်းလွန်လုပ်ကွက်များ၏ ရှာဖွေရေးနှင့် ထုတ်လုပ်ရေး လုပ်ငန်းများ ပိုမိုဆောင်ရွက်နိုင်ရေး၊ အထွက်နှုန်းကျဆင်းနေသည့် ရတနာစီမံကိန်းတွင် တိုးမြှင့်ထုတ် လုပ်နိုင်ရန်အတွက်တွင်းသစ်များနှင့် ဖြည့်စွက်တွင်းများ တူးဖော်ရာတွင် နည်းပညာဆိုင်ရာ ဖြေရှင်း ဆောင်ရွက်နိုင်ခဲ့မှုကိစ္စရပ်များလည်းပါဝင်သည်ဟု ဝန်ကြီးဌာန၏ သတင်းထုတ်ပြန်ချက်တွင် ဖော် ပြထားသည်။
ထို့အပြင် မြန်မာ့ရေနက်ကမ်းလွန်တွင် ဆောင်ရွက်နေသည့် အာမခံချက်ကောင်းမွန်သည့် စီမံကိန်းများတွင် ရင်းနှီးမြှပ်နှံလိုသည့်ကိစ္စရပ်များ၊ ပိုက်လိုင်းများ တစ်လျှောက်လုံခြုံရေးတိုးမြှင့် ဆောင်ရွက်ရန်ပူးပေါင်းဆောင်ရွက်မည့် ကိစ္စရပ်များကိုလည်း ရင်းနှီးပွင့်လင်းစွာ ဆွေးနွေးခဲ့ ကြကြောင်းသိရှိရသည်။
၂၀၂၆ ခုနှစ်၊ ဧပြီလ အတွင်း နိုင်ငံတော်သမ္မတဦးမင်းအောင်လှိုင်အား ထိုင်းနိုင်ငံ ဒုတိယ ဝန်ကြီးချုပ်နှင့် နိုင်ငံခြားရေးဝန်ကြီးမှ လာရောက်၍ ဂါရဝပြုတွေ့ဆုံစဉ် မြန်မာ-ထိုင်း နှစ်နိုင်ငံ အကြား လျှပ်စစ်နှင့် စွမ်းအင်ကဏ္ဍ ပူးပေါင်းဆောင်ရွက်မှု ဆက်လက်တိုးမြှင့်သွားရေး၊ ရေနံနှင့် သဘာဝဓာတ်ငွေ့ တိုးမြှင့်ထုတ်လုပ်ရေးနှင့် မြန်မာ-ထိုင်းသွယ်တန်းထားသည့် သဘာဝ ဓာတ်ငွေ့ပိုက်လိုင်းလမ်း ကြောင်းများ လုံခြုံရေးဆိုင်ရာကိစ္စရပ်အား ဆွေးနွေးခဲ့မှုများအပေါ် ဆက်လက်အကောင်အထည် ဖော်ဆောင်ရွက်နိုင်ရေးအတွက် PTTEP International Limited ၏ အမှုဆောင်အရာရှိချုပ်က ပြည်ထောင်စုဝန်ကြီးအား လာရောက်တွေ့ဆုံဆွေးနွေးခဲ့ခြင်းဖြစ်သည်။
အဆိုပါတွေ့ဆုံဆွေးနွေးပွဲသို့ လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီးနှင့်အတူ အမြဲ တမ်းအတွင်းဝန်၊ ဝန်ကြီးဌာနကြီးကြပ်မှုအောက်ရှိ ဦးစီးဌာန၊ လုပ်ငန်းများမှ ညွှန်ကြားရေး မှူးချုပ်၊ ဦးဆောင်ညွှန်ကြားရေးမှူး၊ လျှပ်စစ်နှင့်စွမ်းအင်ဝန်ကြီးဌာနနှင့် PTTEP International Limited အမှုဆောင်အရာရှိချုပ်နှင့်တာဝန်ရှိသူများ တက်ရောက်ခဲ့ကြကြောင်းသတင်းရရှိသည်။
-END-
မေ၅၊၂၀၂၆
မြန်မာနိုင်ငံခြားရေးဝန်ကြီးကို အာဆီယံနိုင်ငံခြားရေးဝန်ကြီးများနှင့် တွေ့ဆုံပေးမည့် အစီအစဉ်တစ်ခု ကြိုးစားနေကြောင်း ထိုင်းနိုင်ငံခြားရေးဝန်ကြီး ဆီဟာဆက်ဖွမ်ကစ်ကေအိုက ထုတ်ဖော်ပြောကြားသည်။
မေ ၅ရက်က ထုတ်ပြန်သည့် ရိုက်တာသတင်းဌာန၏ သတင်းတွင် ထိုင်းနိုင်ငံခြားရေးဝန်ကြီး၏ အင်တာ ဗျူးကို ကိုးကားပြီး ယင်းကဲ့သို့ဖော်ပြထားခြင်းဖြစ်သည်။
မြန်မာအစိုးရသစ်နှင့် ပိုမိုထိတွေ့ဆက်ဆံနိုင်ရေးအတွက် အာဆီယံအဖွဲ့အတွင်း တူညီသဘောဆန္ဒ ရယူရန် ရည်ရွယ်လျက် မြန်မာနိုင်ငံခြားရေးဝန်ကြီးကို ဒေသတွင်း ထိပ်တန်းသံတမန်များနှင့် တွေ့ဆုံရန် ဖိတ်ကြားဖို့အစီအစဉ်ရှိကြောင်း ထိုင်းနိုင်ငံခြားရေးဝန်ကြီးက ရိုက်တာကို ပြောကြားခဲ့သည်။
လွန်ခဲ့သည့် နှစ်ပတ်ခန့်က နိုင်ငံတော်သမ္မတဦးမင်းအောင်လှိုင်နှင့် တွေ့ဆုံခဲ့သော ထိုင်းနိုင်ငံခြားရေး ဝန်ကြီး ဆီဟာဆက် က မြန်မာခေါင်းဆောင်ပိုင်းနှင့် နိုင်ငံခြားရေးဝန်ကြီးအဆင့် အပါအဝင် ပြန်လည် ထိတွေ့ဆက်ဆံနိုင်ရန် တွန်းအားပေး လုပ်ဆောင်နေကြောင်း ရိုက်တာနှင့် အင်တာဗျူးတွင် ပြောကြား ခဲ့သည်။
အာဆီယံ နိုင်ငံခြားရေးဝန်ကြီးများ အစည်းအဝေး၏ ဘေးတိုက်ဆွေးနွေးပွဲတစ်ခုအဖြစ် ကျင်းပမည့် အဆို ပါတွေ့ဆုံမှုတွင် မြန်မာနိုင်ငံ၏ လက်ရှိအခြေအနေများနှင့် အနာဂတ်အစီအစဉ်များကို မြန်မာနိုင်ငံခြား ရေးဝန်ကြီးက ရှင်းလင်းပြောကြားမည်ဖြစ်ပြီး ယင်းမှတစ်ဆင့် အဆင့်ဆင့် ဆက်လက်ဆောင်ရွက်သွား မည်ဟုလည်း ထိုင်းနိုင်ငံခြားရေးဝန်ကြီးက ပြောသည်။
ယခုအပတ် ဖိလစ်ပိုင်နိုင်ငံတွင် ကျင်းပမည့် ထိပ်သီးအစည်းအဝေး၌ အခြားသော အာဆီယံ နိုင်ငံခြားရေးဝန်ကြီးများနှင့် မိမိ၏အစီအစဉ်ကို ဆွေးနွေးသွားမည်ဖြစ်ကြောင်း ဆီဟာဆက်က ဆိုသည်။ အာဆီယံအနေဖြင့် စုပေါင်းလုပ်ဆောင်ရန် လိုအပ်ကြောင်းနှင့် ယင်းလုပ်ရပ်သည် ထိုင်းနိုင်ငံက တစ်ဖက် သတ် အတင်းအကျပ် ပြုလုပ်လိုခြင်းမဟုတ်ကြောင်း သူက ဖြည့်စွက်ပြောကြားသည်။
၂၃ဧပြီ၊၂၀၂၆-- မြန်မာသမ္မတသစ် ဦးမင်းအောင်လှိုင်က ဖမ်းဆီးထိန်းးသိမ်းခံထားရသော ဒေါ်အောင် ဆန်းစုကြည်အတွက် "ကောင်းမွန်သောအရာများ" ကို စဉ်းစားပေးနေကြောင်း ထိုင်းနိုင်ငံခြားရေးဝန်ကြီး က ဗုဒ္ဓဟူးနေ့တွင် ပြောကြားခဲ့ကြောင်း ရိုက်တာသတင်းဌာနက သတင်းရေးသားသည်။
ဒေါ်အောင်ဆန်းစုကြည်၏ အခြေအနေနှင့်ပတ်သက်၍ မြန်မာခေါင်းဆောင် ဦးမင်းအောင်လှိုင်နှင့် ထိုင်း ထိပ်တန်းသံတမန် နိုင်ငံခြားရေးဝန်ကြီး ဆီဟာဆတ် ဖောင်ကက်ကီယိုတို့ တွေ့ဆုံစဉ် ဗုဒ္ဓဟူးနေ့က နေပြည်တော်တွင် တွေ့ဆုံဆွေးနွေးခဲ့ကြခြင်းဖြစ်ကြောင်းသိရသည်။
အရှေ့တောင်အာရှနိုင်ငံများအဖွဲ့ (အာဆီယံ)အနေဖြင့် ဒေါ်အောင်ဆန်းစုကြည်၏ အခြေအနေနှင့် ပတ်သက်၍ စိုးရိမ်ပူပန်မှုနေကြောင်း ဆီဟာဆတ်က ဆက်လက်ပြောကြားပြီးနောက် အသက် ၈၀ အရွယ်ရှိ ဒေါ်အောင်ဆန်းစုကြည်အား "ကောင်းစွာ စောင့်ရှောက်ထားကြောင်း" သမ္မတဦးမင်းအောင် လှိုင်က သူ့အား အသိပေးခဲ့သည်ဟု ဆီဟာဆတ်က ပြောသည်။
"အာဆီယံနိုင်ငံအများအပြားက ဒေါ်အောင်ဆန်းစုကြည်နဲ့ သူမရဲ့ ကျန်းမာရေးအတွက် စိုးရိမ်နေကြပါ တယ်။ သူတို့အနေနဲ့ ကောင်းမွန်တဲ့အရာတွေကို စဉ်းစားနေတယ်လို့ သူကပြောတဲ့အတွက် ဒါဟာ ကောင်းတဲ့ကိစ္စတစ်ခု ဖြစ်နိုင်ပါတယ်" ဟု ဆီဟာဆတ်က ပြောကြားခဲ့သည်၊ သို့သော် ဦးမင်းအောင်လှိုင် က အသေးစိတ် မပြောခဲ့ကြောင်း သူကဖြည့်စွက်ပြောကြားခဲ့သည်။
ထိုင်းနိုင်ငံအနေဖြင့် မြန်မာနိုင်ငံ၏ ပြင်းထန်သော ပြည်တွင်းစစ်ကို အဆုံးသတ်ရန်နှင့် အာဆီယံနှင့် ဆက်ဆံရေးပြေလျော့ရန် ကြိုးပမ်းမှုများကို ကူညီပံ့ပိုးပေးရန် အသင့်ရှိကြောင်း ဆီဟာဆတ်က ပြော ကြားခဲ့သည်။
"သူတို့က ပိုကောင်းတဲ့ ဦးတည်ချက်ဆီကို ရွေ့လျားနေတယ်ဆိုတာကို ပြသဖို့ ကြိုးစားနေပါတယ်" ဟု ထိုင်းအစိုးရက မီဒီယာများထံ မျှဝေထားသော ဗီဒီယိုတစ်ခုတွင် သူက မှတ်ချက်ပေး ပြောကြားခဲ့သည်။
"ဒီအရာတွေက မရှိမဖြစ် အရေးကြီးပါတယ်။ ဘာဖြစ်လို့လဲဆိုတော့ သူတို့ကို အာဆီယံကို ပြန်လာစေ ချင်လို့ပါ။ ကျွန်တော်တို့က သူတို့ကို ကူညီချင်ပေမယ့် သူတို့ကိုယ်သူတို့ မကူညီနိုင်ဘူးဆိုရင်တော့ ကျွန်တော်တို့လည်း ကူညီနိုင်မှာ မဟုတ်ပါဘူး။" ဟုသူကဆက်ပြောသည်။
Source Reuters
NAYPYITAW, April 22 — Myanmar President U Min Aung Hlaing and Thailand’s Deputy Prime Minister and Minister of Foreign Affairs, Mr. Sihasak Phuangketkaew, met in Naypyitaw this morning to discuss bolstering bilateral cooperation on border stability, trade promotion, and Myanmar's ongoing peace processes.
During the meeting held at the Presidential Guest House, the leaders addressed key border challenges facing the two neighboring countries. The discussions focused heavily on joint efforts to eradicate online scams and illegal gambling operations, combat illicit drug trafficking, and resolve the persistent issue of cross-border transboundary haze. Furthermore, both sides deliberated on reopening trade routes to enhance cross-border commerce and economic exchange.
On the political and peacebuilding fronts, the dialogue covered Myanmar's cooperation in providing humanitarian assistance in accordance with the ASEAN Five-Point Consensus. The Myanmar administration elaborated on its recent invitations for internal peace dialogues, while exploring potential avenues for Thailand to assist and participate in Myanmar's broader peace initiatives.
The high-level meeting aimed to further elevate the long-standing diplomatic relations and good neighborly cooperation between the two nations. As part of the contextual briefing, Myanmar officials informed the Thai delegation about the convening of multiparty democratic general elections and the government's stated commitment to continuing its path toward democracy.
The meeting was attended by a high-level Myanmar delegation, including Union Minister for the President's Office U Khin Maung Yi, Union Minister for Foreign Affairs U Tin Maung Swe, Union Minister for National Planning, Investment and Foreign Economic Relations U Aung Kyaw Hoe, and Union Minister for Electric Power and Energy U Ko Ko Lwin. The Thai delegation included advisors to the Foreign Minister, Mr. Kallayana Vipattipumiprates and Gen. Nothapol Boonngam, alongside officials from the Royal Thai Embassy in Myanmar.
Concluding the talks, both nations agreed to further solidify their diplomatic ties and mutual friendship. They committed to expanding multifaceted cooperation across various key sectors, including agriculture, livestock, investment, electricity and energy, and manufacturing.
နေပြည်တော်၊ ဧပြီ ၂၂ - နိုင်ငံတော်သမ္မတ ဦးမင်းအောင်လှိုင်နှင့် ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး Mr. Sihasak Phuangketkaew တို့သည် ယနေ့နံနက်ပိုင်းက နေပြည်တော်၌ တွေ့ဆုံခဲ့ပြီး နှစ်နိုင်ငံနယ်စပ်ဒေသ တည်ငြိမ်အေးချမ်းရေး၊ ကုန်သွယ်မှုမြှင့်တင်ရေးနှင့် မြန်မာ့ ငြိမ်းချမ်း ရေးလုပ်ငန်းစဉ်များတွင် ပူးပေါင်းဆောင်ရွက်ရေး ကိစ္စရပ်များကို အဓိကထား ဆွေးနွေးခဲ့ကြသည်။
နေပြည်တော်ရှိ နိုင်ငံတော်သမ္မတ၏ ဧည့်ဆောင်တော်၌ ပြုလုပ်ခဲ့သော အဆိုပါ တွေ့ဆုံဆွေးနွေးပွဲတွင် အိမ်နီးချင်း နှစ်နိုင်ငံအကြား အဓိကရင်ဆိုင်နေရသည့် နယ်စပ်ရေးရာ စိန်ခေါ်မှုများကို ထည့်သွင်း ဆွေးနွေးခဲ့ကြသည်။ အထူးသဖြင့် အွန်လိုင်းလိမ်လည်မှုနှင့် လောင်းကစားများ ပပျောက်ရေး၊ မူးယစ် ဆေးဝါး တားဆီးနှိမ်နင်းရေးနှင့် နယ်စပ်ဖြတ်ကျော် မီးခိုးမြူငွေ့ပြဿနာ ဖြေရှင်းရေးတို့အတွက် ပူးပေါင်း ဆောင်ရွက်မည့် အခြေအနေများကို အပြန်အလှန် ဆွေးနွေးခဲ့ကြသည်။ ထို့ပြင် နယ်စပ်ကုန်သွယ်ရေး မြှင့်တင်ရန်အတွက် ကုန်သွယ်မှုလမ်းကြောင်းများ ပြန်လည်ဖွင့်လှစ်ရေးကိုလည်း ပြောဆိုခဲ့ကြသည်။
နိုင်ငံရေးနှင့် ငြိမ်းချမ်းရေးဆိုင်ရာ ကိစ္စရပ်များအနေဖြင့် အာဆီယံ ဘုံသဘောတူညီချက် (၅) ရပ်အရ လူသားချင်းစာနာထောက်ထားမှု အကူအညီပေးရေးနှင့် ငြိမ်းချမ်းရေး ကြိုးပမ်းမှုများတွင် မြန်မာနိုင်ငံ၏ ပူးပေါင်းဆောင်ရွက်နေမှု အခြေအနေများကို ဆွေးနွေးခဲ့သည်။ မြန်မာအစိုးရ၏ ပြည်တွင်းငြိမ်းချမ်းရေး ဖိတ်ခေါ်မှုများနှင့် ငြိမ်းချမ်းရေး လုပ်ငန်းစဉ်များတွင် ထိုင်းနိုင်ငံဘက်မှ ပါဝင်ကူညီမည့် အခြေအနေများ ကိုလည်း ထည့်သွင်းဆွေးနွေးခဲ့ကြသည်။
ယခုတွေ့ဆုံမှုသည် မြန်မာ-ထိုင်း နှစ်နိုင်ငံ သံတမန်ဆက်ဆံရေးနှင့် အိမ်နီးချင်းကောင်း ပူးပေါင်း ဆောင် ရွက်မှုများကို ပိုမိုတိုးမြှင့်ရန် ရည်ရွယ်သည့် တွေ့ဆုံမှုတစ်ခု ဖြစ်သည်။ ဆွေးနွေးပွဲတွင် မြန်မာနိုင်ငံ၌ ပါတီစုံဒီမိုကရေစီ အထွေထွေရွေးကောက်ပွဲ ကျင်းပခဲ့မှုနှင့် အစိုးရအဖွဲ့မှ နိုင်ငံတော်အား ဒီမိုကရေစီ လမ်းကြောင်းပေါ် ဆက်လက်လျှောက်လှမ်းနေမှု အခြေအနေများကိုလည်း အသိပေး ပြောကြားခဲ့သည်။
အဆိုပါ တွေ့ဆုံပွဲသို့ မြန်မာနိုင်ငံဘက်မှ နိုင်ငံတော်သမ္မတနှင့်အတူ နိုင်ငံတော်သမ္မတရုံး ပြည်ထောင်စ ုဝန်ကြီး ဦးခင်မောင်ရီ၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေ၊ အမျိုးသား စီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင် ကျော်ဟိုးနှင့် လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်တို့ တက်ရောက် ခဲ့ကြသည်။ ထိုင်းနိုင်ငံဘက်မှ ဒုတိယဝန်ကြီးချုပ်နှင့်အတူ နိုင်ငံခြားရေးဝန်ကြီး၏ အကြံပေးပုဂ္ဂိုလ်များ ဖြစ်ကြသည့် Mr. Kallayana Vipattipumiprates နှင့် Gen. Nothapol Boonngam တို့အပါအဝင် မြန်မာ နိုင်ငံဆိုင်ရာ ထိုင်းသံရုံးမှ တာဝန်ရှိသူများ တက်ရောက်ခဲ့ကြသည်။
ယခု တွေ့ဆုံဆွေးနွေးမှုအပြီးတွင် နှစ်နိုင်ငံအကြား သံတမန်ဆက်ဆံရေးနှင့် ချစ်ကြည်ရင်းနှီးမှု ဆက် လက်ခိုင်မာစေရေးအပြင် စိုက်ပျိုးရေး၊ မွေးမြူရေး၊ ရင်းနှီးမြှုပ်နှံမှု၊ လျှပ်စစ်နှင့် စွမ်းအင်ကဏ္ဍ၊ ကုန်ထုတ် လုပ်မှု လုပ်ငန်းများ အပါအဝင် ဘက်ပေါင်းစုံ ပူးပေါင်းဆောင်ရွက်မှုများကို ဆက်လက် တိုးမြှင့်သွားရန် နှစ်ဖက်သဘောတူညီခဲ့ကြကြောင်း သိရသည်။
-END-
မနီလာ၊ ၃ မတ်၊၂၀၂၆ – အရှေ့အလယ်ပိုင်းက တင်းမာမှုတွေကြောင့် ကမ္ဘာ့ရေနံဈေးတွေ ရုတ်တရက် တက်လာခဲ့ရင် အရေးပေါ် ဝင်ရောက်ကုစားဖို့ အစိုးရက ပြင်ဆင်နေတဲ့အချိန်မှာပဲ အစိုးရရုံးတွေအနေနဲ့ စွမ်းအင်ချွေတာရေး အစီအစဉ်တွေကို အကောင်အထည်ဖော်ဖို့ သမ္မတ ဖာဒီနန်မားကို့စ် ဂျူနီယာက အင်္ဂါနေ့မှာ အမိန့်ပေးလိုက်ပါတယ်။
မာလာကန်နန်း သမ္မတနန်းတော်မှာ လုပ်ခဲ့တဲ့ သတင်းစာရှင်းလင်းပွဲမှာ စွမ်းအင်ဖူလုံရေး၊ ကုန်ဈေးနှုန်း တည်ငြိမ်ရေးနဲ့ ဘဏ္ဍာရေး ရေရှည်တည်တံ့ရေးတွေကို မျှမျှတတဖြစ်အောင် လုပ်ဖို့လိုတယ်လို့ မားကို့စ်က ထည့်သွင်းပြောသွားခဲ့ပါတယ်။ ပဋိပက္ခတွေ ဆက်မဖြစ်ဖို့ သူက မျှော်လင့်ထားပေမယ့် ရေနံ ဈေး အတက်အကျဒဏ်တွေ ဆက်ရှိနေမယ်ဆိုရင်တော့ အရေးပေါ် အစီအမံတွေကို ချမှတ်ထား ပြီးပြီလို့လည်း သူက ဆိုပါတယ်။ ဒါ့အပြင် အစိုးရဌာနတွေအားလုံး စွမ်းအင်သုံးစွဲမှု လျှော့ချဖို့ ညွှန်ကြား ထားသလို စွမ်းအင်ချွေတာနိုင်မယ့် နည်းလမ်းတွေရှာဖို့လည်း မှာကြားထားတယ်လို့ သိရပါတယ်။
ပြည်သူတွေအနေနဲ့လည်း ကားကြုံလိုက်စီးတာ၊ မလိုအပ်ဘဲ ခရီးမသွားတာနဲ့ အများပြည်သူသုံး သယ်ယူ ပို့ဆောင်ရေးစနစ်ကို အဓိကထား အသုံးပြုတာစတဲ့ စွမ်းအင်ချွေတာရေး အလေ့အကျင့်တွေ လုပ်ကြဖို့ ကိုလည်း မေတ္တာရပ်ခံထားပါတယ်။ အများပြည်သူသုံး သယ်ယူပို့ဆောင်ရေးကို သုံးဖို့ သူက တိုက်တွန်း ထားပြီး ကိုယ်ပိုင်ကားသုံးမယ်ဆိုရင်တောင် တစ်ယောက်တည်းမစီးဘဲ လူအပြည့်တင်စီးကြဖို့ကိုလည်း ထပ်လောင်းပြောဆိုထားပါတယ်။
ပြည်တွင်းမှာ လောင်စာဆီ လုံလုံလောက်လောက် ရှိနေသေးပေမယ့် သုံးစွဲမှုလျှော့ချတာက ကမ္ဘာ့ ဈေးကွက်မှာ ဈေးတက်လာတဲ့အခါ အိမ်ထောင်စုတွေအပေါ် သက်ရောက်လာမယ့် ရိုက်ခတ်မှုတွေကို သက်သာစေနိုင်တယ်လို့ မားကို့စ်က ပြောပါတယ်။
ကမ္ဘာ့ရေနံစိမ်းဈေးက တစ်စည်ကို ကန်ဒေါ်လာ ၈၀ ကျော်သွားမယ်ဆိုရင်တော့ အစိုးရရဲ့ လောင်စာဆီ ထောက်ပံ့ကြေး အစီအစဉ်ကို အလိုအလျောက် စတင်သွားမှာဖြစ်ပြီး ရေနံဈေးအတက်အကျကြောင့် အထိခိုက်ဆုံး ကဏ္ဍတွေကို ပစ်မှတ်ထား ကူညီသွားမှာပါ။ ဒီလိုကူညီတဲ့အခါမှာ ပို့ဆောင်ရေးနဲ့ စိုက်ပျိုး ရေးကဏ္ဍတွေဟာ အမျိုးသားဘတ်ဂျက်အောက်မှာရှိတဲ့ လက်ရှိ လောင်စာဆီအကူအညီပေးရေး အစီ အစဉ်တွေအရ ထောက်ပံ့မှုရဖို့ မျှော်လင့်ရတဲ့အထဲမှာ ပါဝင်နေပါတယ်။
ဈေးတက်တာတွေ ကြာလာမယ်ဆိုရင်တော့ လောင်စာဆီ ယစ်မျိုးခွန်တွေကို ပြင်ဆင်သတ်မှတ်ဖို့ အစိုးရ က လေ့လာနေတယ်လို့လည်း သမ္မတက ဆိုပါတယ်။ ဖိလစ်ပိုင်နိုင်ငံဟာ လိုအပ်တဲ့ ရေနံအားလုံးနီးပါးကို ပြည်ပကနေ တင်သွင်းနေရတာဖြစ်လို့ အရှေ့အလယ်ပိုင်းက ပဋိပက္ခတွေလိုမျိုး ကမ္ဘာ့ရေနံဖြန့်ဖြူးမှုနဲ့ ဈေးနှုန်းအပေါ် သက်ရောက်စေတဲ့ ပထဝီနိုင်ငံရေး မတည်ငြိမ်မှုတွေကြောင့် အလွယ်တကူ ထိခိုက်နိုင်ခြေ ရှိနေတာပါ။
စွမ်းအင်ချွေတာရေး အစီအမံတွေနဲ့ ပတ်သက်ပြီး ပြည်သူတွေကို အသိပေးတာတွေကို လာမယ့်ရက်ပိုင်း အတွင်း အစိုးရက ထပ်မံထုတ်ပြန်သွားမယ်လို့လည်း သိရပါတယ်။ (PNA)
Page 1 of 152
