#Local_News
Published 21 September 2026

■ တရုတ်နိုင်ငံ ပေကျင်းမြို့၌ကျင်းပသည့်(၁၃) ကြိမ်မြောက် ပေကျင်းရှန်ဆန်းဖိုရမ်သို့ကာကွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီးထွန်းအောင် ဦးဆောင်သော
မြန်မာကိုယ်စားလှယ်အဖွဲ့တက်ရောက်ခဲ့ကြောင်းသိရသည်။

■ အဆိုပါ (၁၃) ကြိမ်မြောက် ပေကျင်းရှန်ဆန်းဖိုရမ်ကိုပေကျင်းမြို့၌ ၂၀၂၆ ခုနှစ် စက်တင်ဘာ ၁၅ ရက်မှ ၁၇ ရက်အထိကျင်းပခဲ့ခြင်းဖြစ်ရာတရုတ်ပြည်သူ့သမ္မတနိုင်ငံ အမျိုးသားကာကွယ်ရေးဝန်ကြီးဌာနဝန်ကြီး ရေတပ်ဗိုလ်ချုပ်ကြီး တုံကျွင်း (Admiral Dungjun) ၏ ဖိတ်ကြားချက်အရ ကာကွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး ထွန်းအောင် ဦးဆောင်သော မြန်မာကိုယ်စားလှယ်အဖွဲ့တက်ရောက်ခဲ့ခြင်းဖြစ်သည်။
 
■ ခရီးစဉ်အတွင်း တရုတ်နိုင်ငံ အမျိုးသားကာကွယ်ရေးဝန်ကြီးဗိုလ်ချုပ်ကြီး တုံကျွင်းက ပေကျင်း အပြည်ပြည်ဆိုင်ရာ ကွန်ဗင်းရှင်းဗဟိုဌာန (Beijing International Convention Center)၌ ဂုဏ်ပြုတပ်ဖွဲ့ဖြင့် ကြိုဆိုခဲ့ပြီး မြန်မာ-တရုတ် နှစ်နိုင်ငံကာကွယ်ရေးဆိုင်ရာ ပူးပေါင်းဆောင်ရွက်မှုကိစ္စရပ်များနှင့် နှစ်နိုင်ငံ နယ်စပ်ဒေသတည်ငြိမ်အေးချမ်းရေးဆိုင်ရာ ကိစ္စများကို ဆွေးနွေးခဲ့ကြသည်။
 
■ ညနေပိုင်းတွင် ပြည်ထောင်စုဝန်ကြီးနှင့်အဖွဲ့သည် တရုတ်ပြည်သူ့လွတ်မြောက်ရေးတပ်မတော်က တည်ခင်းဧည့်ခံသော ဖိုရမ်ဖွင့်ပွဲ ကြိုဆိုနှုတ်ခွန်းဆက် ညစာစားပွဲသို့ ပါဝင်တက်ရောက်ခဲ့သည်။
 
■ စက်တင်ဘာ ၁၆ ရက်တွင် ဖိုရမ်ပထမနေ့ စုံညီအစည်းအဝေးသို့ ပါဝင်တက်ရောက်ခဲ့သည့် အပြင် ဖိုရမ်သို့ ပါဝင်တက်ရောက်လျက်ရှိသည့် ဒေသတွင်းနှင့် အိမ်နီးချင်းနိုင်ငံများမှ ကာကွယ်ရေးဝန်ကြီးများနှင့် နှစ်နိုင်ငံအလွတ်သဘောသီးသန့် တွေ့ဆုံမှုများကိုလည်း ဆောင်ရွက်ခဲ့သည်။
 
■ ညနေပိုင်းတွင် တရုတ်ပြည်သူ့သမ္မတနိုင်ငံ အမျိုးသားကာကွယ်ရေးဝန်ကြီးက ပေကျင်းမြို့ စစ်သမိုင်းပြတိုက်တွင် တည်ခင်းဧည့်ခံသော ဂုဏ်ပြုညစာစားပွဲအခမ်းအနားသို့ ပါဝင်တက်ရောက်ခဲ့သည်။
 
■ စက်တင်ဘာ ၁၇ ရက်တွင် BICC ၌ ကျင်းပသော ဖိုရမ်ဒုတိယနေ့ စုံညီအစည်းအဝေးသို့ တက်ရောက်ပြီး ဖွံ့ဖြိုးဆဲနိုင်ငံများ၏ စိန်ခေါ်မှုများနှင့်အခန်းကဏ္ဍခေါင်းစဉ်ဖြင့် ပါဝင်ဆွေးနွေးကာ တက်ရောက်လာသူများ၏ မေးမြန်းချက်များကို ပြန်လည်ဆွေးနွေးဖြေကြားခဲ့သည်။
 
■ (၁၃) ကြိမ်မြောက် ပေကျင်းရှန်ဆန်းဖိုရမ်သို့ နိုင်ငံပေါင်း ၁၀၀ ကျော်မှ ကာကွယ်ရေးဝန်ကြီးများ၊ လုံခြုံရေးနှင့်သက်ဆိုင်သော အဆင့်မြင့်အရာရှိကြီးများနှင့် နိုင်ငံတကာလုံခြုံရေးနှင့် ကာကွယ်ရေးဆိုင်ရာ လေ့လာသူများ ပါဝင်တက်ရောက်ခဲ့ကြသည်။
 
■ ခရီးစဉ်အတွင်း ပြည်ထောင်စုဝန်ကြီးနှင့်အဖွဲ့သည် တရုတ်နိုင်ငံ ပေကျင်းမြို့ရှိ စစ်ဘက်နည်းပညာဆိုင်ရာ ကုမ္ပဏီများကိုလည်း ကြည့်ရှုလေ့လာခဲ့သည်။
 
■ ထို့ပြင် ပြည်ထောင်စုသမ္မတ မြန်မာနိုင်ငံတော် မြန်မာသံရုံး (ပေကျင်း) သို့သွားရောက်၍ သံရုံးနှင့် စစ်သံရုံးတို့မှ အရာရှိ/ စစ်သည်/ မိသားစုဝင်များနှင့် သင်တန်းသားများအား တွေ့ဆုံနှုတ်ဆက်ခဲ့ကြောင်း သတင်းရရှိသည်။
 
#YMG/NN #Yangon_Times

#World_News
အိန္ဒိယ | ၂၀၂၆ ခုနှစ် စက်တင်ဘာ ၂၁ ရက်

■ အိန္ဒိယနိုင်ငံသား ရှရီကန့်ပန်ဒေး သည် မိခင်ဖြစ်သူ ကင်ဆာရောဂါဖြင့် ကွယ်လွန်ပြီးနောက် မိသားစုနှင့်အတူ ကုန်ဆုံးရမည့်အချိန်၏ တန်ဖိုးကို ပိုမိုသိရှိလာခဲ့သဖြင့် အလုပ်ထွက်ပြီး အသက် ၈၀ အရွယ် ဖခင်နှင့်အတူခရီးထွက်ရန်ဆုံးဖြတ်ခဲ့ကြောင်း NDTV က ဖော်ပြသည်။

■ ရှရီကန့်သည် ဖခင်ဖြစ်သူ သွားရောက်လိုခဲ့သည့်နေရာများကို လိုက်လံပို့ဆောင်ပေးနေပြီး မကြာသေးမီက ဖခင်၏ ဘဝတစ်လျှောက် ပထမဆုံးလေယာဉ်စီးခရီးစဉ်ကိုလည်း မှတ်တမ်းတင်ခဲ့သည်။

■ လေယာဉ်ကို ပထမဆုံးမြင်တွေ့ချိန်မှ ပြတင်းပေါက်ဘေးတွင် ထိုင်ကာ အပြင်ဘက်ရှုခင်းကို ကြည့်ရှုနေသည့်အချိန်အထိ ဖခင်၏ပျော်ရွှင်မှုကို ဗီဒီယိုတွင်မြင်တွေ့ရသည်။

■ ရှရီကန့်က ယင်းဗီဒီယိုကို လူမှုကွန်ရက်တွင် မျှဝေပြီး အသက် ၈၀ ရောက်မှ အကောင်အထည်ပေါ်လာသည့် အိပ်မက်တစ်ခုဟု ရေးသားခဲ့သည်။

■ ဖခင်နှင့်သားအကြား သံယောဇဉ်ကို ပြသသည့် ဗီဒီယိုမှာ လူမှုကွန်ရက်အသုံးပြုသူများကြား အာရုံစိုက်မှုရရှိခဲ့ပြီး မိဘများနှင့် အချိန်ပေးနေထိုင်ရန် အရေးကြီးကြောင်း ပြောဆိုမှုများလည်း ပေါ်ထွက်ခဲ့သည်။

Source: NDTV

#Local_News
Published 21 September 2026

■ အရဟံဖောင်ဒေးရှင်း၏ (၆)နှစ်ပြည့်အထိမ်းအမှတ် "ဩဝါဒခံယူပွဲ၊ဝါဆိုသင်္ကန်းဆက်ကပ်လှူဒါန်းပွဲ၊အာစရိယပူဇော်ပွဲနှင့် အရဟံ သာသနာပြုဓမ္မကောလိပ် ကျောင်းသား/သူများ၏ စာတမ်းဖတ်ပွဲအခမ်းအနားကို စက်တင်ဘာ၂၀ ရက်နေ့က ရန်ကုန်မြို့၊မရမ်းကုန်းမြို့နယ်ရှိ ဇမ္ဗူသီရိဗိမ္မာန်တော်၌ ကျင်းပပြုလုပ်ခဲ့ကြောင်းသိရသည်။

■ သင်ကြား/စီမံဆရာတော်များနှင့် ကျောင်းသား/သူများ၊ ဧည့်သည်တော် များက "နမောတဿ" (၃) ကြိမ်ရွတ်ဆို ဘုရားရှိခိုး၍ အခမ်းအနားကို ဖွင့်လှစ်ခဲ့ပြီး အရဟံဖောင်ဒေးရှင်း (၆) နှစ်ပြည့် နှစ်ပတ်လည် အခမ်းအနားနှင့်စပ်လျဉ်း၍ အရဟံဖောင်ဒေးရှင်းတည်ထောင်သူနှင့် ပဓာနဦးဆောင်ဆရာတော် "ဓမ္မဝီရဒေါက်တာအရှင်တေဇနိယ" က မိန့်ကြားခဲ့ကြောင်း သိရသည်။

■ ထို့အပြင် အရဟံဖောင်ဒေးရှင်း ဦးဆောင်နာယကဆရာတော် ပါမောက္ခဒေါက်တာအရှင်သာဓိန အား "သဘာပတိဆရာတော်"အဖြစ် တင်မြှောက်ခြင်း ၊ "ယနေ့ခေတ်တွင် ဘာသာမဲ့လူငယ်များ များပြားလာရခြင်းအကြောင်းကို လေ့လာသုံးသပ်ခြင်း" စာတမ်းကို အရဟံ သာသနာပြုဓမ္မကောလိပ် ကျောင်းထိုင်ဆရာတော်များ၊ ဓမ္မာစရိယကျမ်းပြီး၊ကျမ်းစွဲဆရာတော်များဆိုင်ရာ B.A (Buddhist Missionary) "အရဟံ သာသနဟိတဓမ္မာစရိယ၊အရဟံသာသနဟိတဂဏဝါစက"တန်း သံဃာတော်များက တင်သွင်းဖတ်ကြားခြင်းများပြုလုပ်ခဲ့ကြောင်းသိရသည်။

■ ၎င်းအပြင် "မိမိပတ်ဝန်းကျင်ရှိ ဗုဒ္ဓဘာသာဝင်တို့၏ ဘာသာရေးအခြေအနေကို လေ့လာသုံးသပ်ခြင်း" စာတမ်းကို အရဟံ သာသနာပြုဓမ္မကောလိပ် လူပုဂ္ဂိုလ် ဒကာ၊ဒကာမများဆိုင်ရာ Diploma in Dhamma Studies (အရဟံ ဓမ္မမာမက) တန်း ကျောင်းသား/သူများက တင်သွင်းဖတ်ကြားခဲ့ပြီး "မျက်မှောက်ခေတ် မြန်မာပြည်ဗုဒ္ဓသာသနာနှင့် သီလရှင်ဆရာလေးများ၏ အခန်းကဏ္ဍကို လေ့လာသုံးသပ်ခြင်း" စာတမ်းကို အရဟံ သာသနာပြုဓမ္မကောလိပ် Diploma in Araham Missionary (သာသနဟိတာရမ္ဘ) တန်းနှင့် B.A (Buddhist Missionary ) "အရဟံ သာသနဟိတဓမ္မာစရိယ၊အရဟံသာသနဟိတဂဏဝါစက" တန်း ဆရာလေးများက တင်သွင်းဖတ်ကြားခဲ့ပြီး "ဗုဒ္ဓတရားတော်များသည် ချမ်းသာကြီးပွားခြင်းကိုအားမပေးဟူသော စကားသည် မှန်၊မမှန် လေ့လာသုံးသပ်ခြင်း" စာတမ်းကို အရဟံသာသနာပြုဓမ္မကောလိပ် လူပုဂ္ဂိုလ် ဒကာ၊ဒကာမများဆိုင်ရာ B.A (Dhamma studies Studies ) တန်း ကျောင်းသား/သူများက တင်သွင်းဖတ်ကြားခဲ့ကြောင်းသိရသည်။

■ ထို့နောက် နေ့လယ်ပိုင်းအစီအစဉ်များအနေဖြင့်အရဟံသာသနာပြု ဓမ္မကောလိပ်သင်ကြားရေးဆရာ၊ဆရာမများအား ၂၀၂၅/၂၀၂၆ ပညာသင်နှစ် အတွင်း 'အရဟံဖောင်ဒေးရှင်း 'ကထုတ်ဝေခဲ့သည့် ပညာရေးအထောက်အကူပြုကျမ်းစာများနှင့် အာစရိယပူဇာ လက်ဆောင်များပေးအပ်ခြင်း၊အရဟံဖောင်ဒေးရှင်း ဩဝါဒစရိယ ကျောက်မဲ ဆရာတော်ကြီးကဒက္ခိဏောဒက ရေစက်သွန်းချ အမျှပေးဝေပြီးနောက် အဓိပတိဆရာတော်အမှူးပြုသောသင်ကြား/စီမံ ဆရာတော်များနှင့်ကျောင်းသား/ကျောင်းသူများ ၊ဧည့်သည်တော်များ က " ဗုဒ္ဓသာသနာ စိရံတိဌတု "သုံးကြိမ်ရွတ်ဆိုအဓိဌာန်ပြုဆုတောင်း၍ အခမ်းအနားကို ရုပ်သိမ်းခဲ့ကြောင်း သိရသည်။

#YMG/NN #Yangon_Times

#World_News
Published 21 September 2026

■ အမေရိကန်နဲ့ စစ်ပွဲပြန်လည်စတင်လာပါက အိန္ဒိယသမုဒ္ဒရာအတွင်းရှိ အမေရိကန် စစ်သင်္ဘောများကို ပစ်မှတ်ထား တိုက်ခိုက်သွားမယ်လို့ အီရန်က သတိပေးခဲ့ပါတယ်။

■ အီရန်က ကြီးမားတဲ့ ရေတပ်ရင်ဆိုင်တိုက်ပွဲအတွက် စွမ်းဆောင်ရည်များကို မြှင့်တင်ထားကြောင်း လုံခြုံရေးကောင်စီ အတွင်းရေးမှူး မိုဆန်ရေဇာအီက ပြောခဲ့ပါတယ်။

■ ရန်က အသံထက်မြန် ဒုံးကျည်များရဲ့ အရှိန်ကို Mach 6 မှ Mach 10 သို့ တိုးမြှင့်ခဲ့ကြောင်း ရေဇာအီက အခိုင်အမာ ပြောဆိုခဲ့ပါတယ်။

■ အီရန်က စစ်ပွဲပိုမိုကြီးထွားလာနိုင်မှုအတွက် ပြင်ဆင်တဲ့အနေဖြင့် လျှပ်စစ်ဓာတ်အားသုံး စစ်ဆင်ရေးစနစ်များနဲ့ လေကြောင်းရန်ကာကွယ်ရေးများကိုလည်း အဆင့်မြှင့်တင်ထားပါတယ်။

■ အမေရိကန်က ပဋိပက္ခကို ထပ်မံစတင်ပါက ပိုမိုပြင်းထန်များပြားတဲ့ တိုက်ခိုက်မှုတွေ လုပ်ဆောင်သွားမယ်လို့ ရေဇာအီက ဆိုပါတယ်။

■ ပါလီမန်ဥက္ကဌ မိုဟာမက်ဂါလီဘတ်က အနောက်အာရှရှိ အမေရိကန်စနစ်ဟောင်းမှာ ပြိုလဲသွားပြီလို့ ကြေညာခဲ့ပါတယ်။

■ အမေရိကန်က ကတိကဝတ်များကို မကျေပွန်မချင်း ဟော်မုဇ်ရေလက်ကြားကို ဆက်လက်ပိတ်ထားမယ်လို့ ဂါလီဘတ်က အလေးပေးပြောကြားခဲ့ပါတယ်။

■ ပဋိပက္ခအဆုံးသတ်ရန် ယင်းတို့ရဲ့ အခြေအနေများကို ကြားခံများမှတဆင့် အမေရိကန်သို့ အကြောင်းကြားထားကြောင်း အီရန်က ပြောကြားခဲ့ပါတယ်။

Source: WION

#World_Health
Published 21 September 2026

■ ၂၀၀၀ ပြည့်နှစ်မှ ၂၀၂၄ ခုနှစ်အတွင်း အမေရိကန် အဆိပ်အတောက် ထိန်းချုပ်ရေးစင်တာများသို့ သတင်းပို့ချက်များအရ ပြင်ပဓာတုပစ္စည်းများကြောင့် အသည်းထိခိုက်ဒဏ်ရာရမှု ၄၀၀ ရာခိုင်နှုန်းနီးပါး မြင့်တက်လာခဲ့ပါတယ်။

■ ဖြစ်စဉ်ပေါင်း ၂၂၀,၁၆၀ အများစုမှာ ဆေးဝါးများကြောင့်ဖြစ်ပြီး ၈၀ ရာခိုင်နှုန်းကျော်မှာ ဆေးရုံတက်ရောက်ကုသမှု ခံယူခဲ့ရပါတယ်။

■ Acetaminophen ပါရာစီတမော/ တိုင်လီနောဟာ အသည်းထိခိုက်မှုဖြစ်စေတဲ့ အဓိကဆေးဝါးအဖြစ် တွေ့ရှိရပါတယ်။

■ အမျိုးသမီးတွေမှာ Acetaminophen ကြောင့် အသည်းထိခိုက်မှု ပိုမိုမြင့်မားပြီး အမျိုးသားနဲ့ အမျိုးသမီး နှစ်မျိုးစလုံးမှာ သေကြောင်းကြံစည်မှုက အဓိကအကြောင်းအရင်း ဖြစ်ပါတယ်။

■ ပေါင်းစပ်ပါဝင်တဲ့ ညွှန်ကြားဆေးဝါးတွေမှာ Acetaminophen ပါဝင်မှုကို FDA က ကန့်သတ်လိုက်ခြင်းကြောင့် ဆေးထိတွေ့မှု ၆၀ မှ ၈၅ ရာခိုင်နှုန်းအထိ အောင်မြင်စွာ လျှော့ချနိုင်ခဲ့ပါတယ်။

■ ပေါင်းစပ်ဆေးဝါးတွေမှာ ကန့်သတ်ထားပေမယ့် Acetaminophen သောက်သုံးမှုကြောင့် အန္တရာယ်တွေ ဆက်လက်မြင့်တက်နေဆဲ ဖြစ်ပါတယ်။

■ အရက်က အသည်းထိခိုက်မှုရဲ့ ဒုတိယမြောက် အဓိကအကြောင်းအရင်းဖြစ်ပြီး ကိုဗစ်ကပ်ရောဂါကာလအတွင်း ယောက်ျားမိန်းမ နှစ်မျိုးစလုံး ပိုမိုမြင့်တက်လာခဲ့ပါတယ်။

■ ဖြည့်စွက်စာများ၊ မူးယစ်ဆေးဝါးများ၊ စိတ်ကြွဆေးများနဲ့ ပတ်ဝန်းကျင်ဆိုင်ရာ အဆိပ်အတောက်များကြောင့် အသည်းထိခိုက်မှုများလည်း တိုးတက်လာပါတယ်။

Source: SciTechDaily

#World_Health
Published 21 September 2026

■ လေ့လာမှုများအရ အခြားအဖျော်ယမကာများထက် ဘီယာကို ပိုမိုကြိုက်နှစ်သက်ခြင်းဟာ တက်စတိုစတီရုန်း ဟော်မုန်းပမာဏ မြင့်မားခြင်းနဲ့ ဆက်စပ်နေပါတယ်။

■ တက်စတိုစတီရုန်း မြင့်မားသူတွေဟာ ဘီယာရဲ့ ခါးသက်သက် သတ္တိကိုပေးတဲ့ ဘီယာမှာ ပါဝင်လေ့ရှိတဲ့ ခါးသက်စိမ့်စိမ်း အရသာများကို ပိုမိုနှစ်သက်ကြပါတယ်။

■ တက်စတိုစတီရုန်း မြင့်မားခြင်းဟာ စွန့်စားလိုစိတ်နဲ့ ပေါင်းသင်းဆက်ဆံရေးဆိုင်ရာ ဖော်ပြလိုစိတ်တို့ကို တိုးတက်စေပြီး ဆိုင်ထိုင်သောက်စားတဲ့ ယဉ်ကျေးမှုနဲ့ ကိုက်ညီနေပါတယ်။

■ ဘီယာရဲ့ ခါးသက်မှုက စတင်သောက်သုံးသူများကို တွန့်ဆုတ်သွားစေပေမယ့် ဟော်မုန်းကြောင့် ဖြစ်ပေါ်လာတဲ့ အသစ်အဆန်းစမ်းသပ်လိုစိတ်က ဒီအတားအဆီးကို ကျော်လွှားစေပါတယ်။

■ အမျိုးသားတွေမှာ တက်စတိုစတီရုန်း ပိုမိုမြင့်မားလေ့ရှိပေမယ့် အဆိုပါ ဇီဝရုပ်ပိုင်းဆိုင်ရာ လုပ်ဆောင်ချက်က ယောက်ျားမိန်းမအားလုံးမှာ အရသာခံစားမှုကို သက်ရောက်မှုရှိပါတယ်။

■ ဟော်မုန်းပမာဏ မြင့်မားခြင်းက ပြင်းထန်တဲ့ အာရုံခံစားမှုများကို ရှာဖွေခြင်းနဲ့ ဆက်စပ်နေတာကြောင့် ဘီယာအမြှုပ်ထွက်မှုနဲ့ အယ်လ်ကိုဟောရဲ့ ပြင်းအားကို သဘောကျစေပါတယ်။

■ သဘာဝအတိုင်း ခါးသက်တဲ့အရသာက အဆိပ်အတောက်ဖြစ်ကြောင်း ပြသလေ့ရှိပေမယ့် တက်စတိုစတီရုန်း သက်ရောက်မှုရှိတဲ့ အပြုအမူက ပြင်းထန်တဲ့အရသာများကို နှစ်သက်ဖွယ်ရာအဖြစ် ပြောင်းလဲပေးပါတယ်။

■ ဇီဝဗေဒအပြင် တက်စတိုစတီရုန်းနဲ့ ဆက်စပ်နေတဲ့ ပေါင်းသင်းဆက်ဆံရေး စရိုက်များက ဘီယာသောက်တဲ့ အလေ့အထများကို ပိုမိုအားကောင်းစေပါတယ်။

Source: The US Sun

#World_Health
Published 20 September 2026

■ အသုံးများတဲ့ ဆေးဝါးအချို့ဟာဦးနှောက်ရဲ့ အပူချိန်ထိန်းညှိစနစ်ကို အနှောင့်အယှက်ပေးပြီး ခန္ဓာကိုယ်အပူချိန် ပုံမှန်မထိန်းနိုင်အောင် တားဆီးတတ်ပါတယ်။

■ SSRI လိုမျိုး စိတ်ကျရောဂါပျောက်ဆေးများဟာ ချွေးထွက်လွန်စေပြီး အရေးပါတဲ့ ရေဓာတ်နဲ့ ဓာတ်ဆားများကို အလျင်အမြန် ဆုံးရှုံးစေနိုင်ပါတယ်။

■ စိတ်ကျရောဂါပျောက်ဆေး အဟောင်းများနဲ့ အပြင်မှာ အလွယ်တကူဝယ်ယူနိုင်တဲ့ ဓာတ်မတည့်မှု ပျောက်ဆေးများဟာ ချွေးထွက်ခြင်းကို လုံးဝပိတ်ပင်လိုက်ပြီး သဘာဝအတိုင်း အပူလျှော့ချပေးတဲ့ စနစ်ကို ရပ်တန့်သွားစေပါတယ်။

■ စိတ်ဝေဒနာကုသဆေးများဟာ ဒိုပါမင်း လမ်းကြောင်းများကို အနှောင့်အယှက်ဖြစ်စေပြီး ခန္ဓာကိုယ် အပူတုံ့ပြန်မှုစနစ်ကို ပျက်စီးစေကာ အသက်အန္တရာယ်စိုးရိမ်ရမှုကို မြင့်တက်စေပါတယ်။

■ အာရုံစူးစိုက်မှုအားနည်းတဲ့ရောဂါ (ADHD) အတွက် သောက်ဆေးများဟာ ခန္ဓာကိုယ်အတွင်း အပူပိုထွက်စေပြီး သွေးကြောများကို ကျဉ်းစေတဲ့အပြင် ပင်ပန်းနွမ်းနယ်လွန်းတာကို သတိမမူမိဘဲ ဖြစ်စေနိုင်ပါတယ်။

■ ဆီးဆေးများနဲ့ သွေးတိုးဆေးများဟာ ခန္ဓာကိုယ်တွင်း ရေဓာတ်ကို လျှော့ချပေးသဖြင့် ပြင်းထန်စွာ ရေဓာတ်ခမ်းခြောက်ခြင်းနဲ့ အင်္ဂါအစိတ်အပိုင်းများ ထိခိုက်ခြင်း အန္တရာယ်ကို မြင့်တက်စေပါတယ်။

■ Beta-blockers သွေးတိုး/နှလုံးဆေးများဟာ အရေပြားဆီသို့ သွေးလှည့်ပတ်မှုကို ကန့်သတ်လိုက်တာကြောင့် ကိုယ်ခန္ဓာအေးမြသွားစေရန် အပူများ အပြင်သို့ စွန့်ထုတ်ခြင်းကို ဟန့်တားလိုက်ပါတယ်။

■ ဆရာဝန်ညွှန်ကြားတဲ့ ဆေးအမျိုးအစားများစွာကို ပူးတွဲသောက်သုံးခြင်းဟာ ထိုအန္တရာယ်များကို ပိုမိုဆိုးရွားစေပြီး အပူဒဏ်ခံရမှုကို ပိုမိုစိုးရိမ်ရတဲ့ အခြေအနေသို့ ရောက်ရှိစေပါတယ်။

Source: BBC

#World_Health
Published 20 September 2026

■ စတန်းဖို့ဒ် သုတေသီများက ကြွက်များရဲ့ ဦးခေါင်းခွံအတွင်း လူသား ဦးနှောက်ဆဲလ်များ ရှင်သန်ကြီးထွားလာစေရန် မျိုးဗီဇ ပြုပြင်ပြောင်းလဲခဲ့ကြပါတယ်။

■ လူသားဆဲလ်များအတွက် နေရာလွတ်ရရှိစေရန် ကြွက်များရဲ့ ဦးနှောက်အခွံ မဖွံ့ဖြိုးအောင် မွမ်းမံခဲ့ကြပါတယ်။

■ လူသားအရေပြားဆဲလ်များကို ဦးနှောက်နဲ့တူတဲ့ အော်ဂယ်နိုက်တစ်ရှူးပုံစံငယ်များအဖြစ် ပြောင်းလဲခဲ့ပါတယ်။

■ ထည့်သွင်းပြီးနောက် လူသားတစ်ရှူးများဟာ ကြီးထွားလာပြီး ကြွက်ဦးနှောက် ကွန်ရက်များနဲ့ ကျောရိုးအာရုံကြောမကြီးတို့နဲ့ အောင်မြင်စွာ ချိတ်ဆက်သွားခဲ့ပါတယ်။

■ သုတေသီများက အဆိုပါကြွက်များဟာ လူလိုမျိုး စဉ်းစားနိုင်တဲ့ ကြွက်များ မဟုတ်ဘဲ ဉာဏ်ရည် မြင့်တက်လာခြင်းလည်း မရှိကြောင်း အလေးအနက် ပြောပါတယ်။

■ ခွဲစိတ်မှုပြုလုပ်ပြီး ၆ လအကြာ စမ်းသပ်မှုများမှာ ယင်းဟိုက်ဘရစ်ကြွက်များဟာ ပုံမှန်ဓာတ်ခွဲခန်းကြွက်တွေလိုပဲ ပြုမူနေထိုင်ခဲ့ကြပါတယ်။

■ ဒီစမ်းသပ်မှုပုံစံဟာ စိတ်ကျန်းမာရေးနဲ့ အာရုံကြောဖွံ့ဖြိုးမှုဆိုင်ရာ ရောဂါများအတွက် ကုသနည်းများကို သက်ရှိသတ္တဝါများဖြင့် စမ်းသပ်နိုင်စေမှာ ဖြစ်ပါတယ်။

■ ကျင့်ဝတ်ဆိုင်ရာ စိစစ်စောင့်ကြည့်မှုများ ပြုလုပ်ခဲ့ပေမယ့် ဒီသုတေသနဟာ သတ္တဝါများရဲ့ အသိဉာဏ်ဆိုင်ရာနဲ့ စောင့်ရှောက်မှု စံနှုန်းများအပေါ် မေးခွန်းအသစ်များ ထွက်ပေါ်လာစေပါတယ်။

Source: BBC