ဆူရက်ရှ် ကူးမား Suresh Kumarရေးသည်

အိန္ဒိယနိုင်ငံသည် ၂၀၂၈–၂၉ ခုနှစ် သက်တမ်း အတွက် ကုလသမဂ္ဂ လုံခြုံရေးကောင်စီ၏ အမြဲတမ်းမဟုတ်သော (အလှည့်ကျ) အဖွဲ့ဝင်အဖြစ် ရွေးကောက်တင်မြှောက်ခံရရေး မဲဆွယ်စည်းရုံးမှုကို စတင်လုပ်ဆောင်နေပြီ ဖြစ်သည်။ ပြည်ပရေးရာဝန်ကြီး Subrahmanyam Jaishankar သည် ဇူလိုင်လ ၁၃ ရက်နေ့တွင် နယူးယောက်မြို့၌ အဆိုပါ မဲဆွယ်စည်းရုံးမှုကို တရားဝင် စတင်ဖွင့်လှစ်ခဲ့သည်။

ဤသို့ ရွေးကောက်ခံရန် ကြိုးပမ်းမှုသည် အိန္ဒိယနိုင်ငံအား လုံခြုံရေးကောင်စီ၏ အမြဲတမ်းအဖွဲ့ဝင် အဖြစ် ထည့်သွင်းသင့်သည်ဟူသော သိကျွမ်းပြီးသား အကြောင်းပြချက်ကို သေချာပေါက် ပြန်လည် သက်ဝင်လာစေမည် ဖြစ်သည်။ အိန္ဒိယသည် လုံခြုံရေးကောင်စီတွင် (၂၀၂၁–၂၂ သက်တမ်း အပါအဝင်) အဖွဲ့ဝင်အဖြစ် ၈ ကြိမ်တိုင်တိုင် တာဝန်ထမ်းဆောင်ခဲ့ဖူးသည်။ ၁၉၅၀ ပြည့်လွန်နှစ်များမှစ၍ မစ်ရှင်ပေါင်း ၅၀ ကျော်သို့ ငြိမ်းချမ်းရေးထိန်းသိမ်းမှုတပ်ဖွဲ့ဝင် ၂၉၀,၀၀၀ ကျော် စေလွှတ်ခဲ့သည်ဟု တရားဝင် စာရင်းများအရ သိရပြီး၊ ကုလသမဂ္ဂ၏ ငြိမ်းချမ်းရေးထိန်းသိမ်းမှုလုပ်ငန်းများတွင် အဓိက  ပါဝင်ကူညီနေသည့် နိုင်ငံအဖြစ် ဆက်လက်တည်ရှိနေသည်။

အိန္ဒိယ၏ ပထဝီဝင်အနေအထားအရ ၎င်းကို ဖယ်ထုတ်ထားခြင်းမှာ ကာကွယ်ပြောဆိုရန် ပို၍ပင် ခက်ခဲစေသည်။ အိန္ဒိယသည် တောင်အာရှ၊ အိန္ဒိယသမုဒ္ဒရာနှင့် အင်ဒို-ပစိဖိတ်ဒေသတို့၏ ဗဟိုချက်တွင် တည်ရှိသည်။ ရေကြောင်းလုံခြုံရေး၊ အကြမ်းဖက်မှုတိုက်ဖျက်ရေး၊ စွမ်းအင်လမ်းကြောင်းများ၊ သဘာဝ ဘေးအန္တရာယ် တုံ့ပြန်ရေး၊ ဒေသတွင်း တည်ငြိမ်ရေးနှင့် အာရှ၏ ဗျူဟာမြောက် အင်အားချိန်ခွင်လျှာညှိမှုတို့တွင် အဓိကအခန်းကဏ္ဍမှ ပါဝင်နေသည်။ ထိုကဲ့သို့သော နိုင်ငံမျိုးကို ဖယ် ထုတ်ထားခြင်း  သည် လုံခြုံရေးကောင်စီကို ပိုမိုတည်ငြိမ်စေမည် မဟုတ်ပေ။

အိန္ဒိယ၏ "မဟာဗျူဟာမြောက် လွတ်လပ်စွာ ရပ်တည်မှု" (Strategic Autonomy) ကိုလည်း အားနည်းချက်တစ်ခုအဖြစ် မရှုမြင်ဘဲ အားသာချက်တစ်ခုအဖြစ် မြင်သင့်သည်။ ပြိုကွဲနေသော လက်ရှိန ိုင်ငံတကာအစီအစဉ်များကြားတွင် အုပ်စုကွဲပြားမှုများကို ကျော်လွန်၍ ဆွေးနွေးပြောဆိုနိုင်စွမ်းသည် ပိုမိုတန်ဖိုးရှိလာသည်။ အိန္ဒိယသည် အနောက်အုပ်စု၊ ရုရှား၊ အာဖရိက၊ အနောက်အာရှ၊ အာဆီယံ၊ အင်ဒို-ပစိဖိတ်နှင့် ကျယ်ပြန့်သော Global South နိုင်ငံများနှင့် မည်သည့်အုပ်စု၏ နောက်လိုက်မှ မဖြစ်ဘဲ လွတ်လပ်စွာ ဆက်ဆံဆွေးနွေးနိုင်သည်။

ဘလော့ဂ်နိုင်ငံရေး (Bloc politics) နှင့် ဗျူဟာမြောက် မယုံကြည်မှုများ ပြန်လည်မြင့်တက်နေသည့် လက်ရှိအချိန်တွင်၊ လုံခြုံရေးကောင်စီအနေဖြင့် အင်အား (Power) သာမက အမြော်အမြင်နှင့် ရှုထောင့် (Perspective) ကိုပါ ယူဆောင်လာနိုင်သည့် နိုင်ငံများ၊ စွမ်းဆောင်ရည် သာမက ယုံကြည်စိတ်ချရမှု ကိုပါ ပေးစွမ်းနိုင်သည့် နိုင်ငံများကို လိုအပ်လျက်ရှိသည်။

အိန္ဒိယသည် အဓိက လုံခြုံရေးဆိုင်ရာ အင်အားကြီးနိုင်ငံတစ်ခုလည်း ဖြစ်သည်။ စတော့ဟုမ်း နိုင်ငံတကာ ငြိမ်းချမ်းရေး သုတေသနအင်စတီကျု SIPRI ၏ မှတ်တမ်းများ  အရ အိန္ဒိယသည် ၂၀၂၅ ခုနှစ်တွင် စစ်ရေး အသုံးစရိတ် အမေရိကန်ဒေါ်လာ ၉၂.၁ ဘီလီယံဖြင့် ကမ္ဘာ့ပဉ္စမမြောက် စစ်ရေးအသုံးစရိတ် အများဆုံး  နိုင်ငံ ဖြစ်သည်။ သို့သော် အိန္ဒိယ၏ မဟာဗျူဟာရပ်တည်ချက်သည် ကျူးကျော်စွန့်စားခြင်းထက် ထိန်း  သိမ်းစောင့်ဆည်းခြင်း (Restraint) ကိုသာ အဓိကအခြေခံသည်။ အိန္ဒိယ၏ တရားဝင် နျူကလီး  ယားရပ်တည်ချက်တွင် ယုံကြည်လက်ခံနိုင်လောက်သည့် အနိမ့်ဆုံး ဟန့်တားနိုင်စွမ်း (Credible Minimum Deterrence) နှင့် "ပထမဦးစွာ စတင်အသုံးမပြုရေး" (No First Use) မူဝါဒတို့ ပါဝင်သည်။

ဤသို့ စွမ်းဆောင်ရည်နှင့် ထိန်းသိမ်းစောင့်ဆည်းမှုတို့ ပေါင်းစပ်နေခြင်းက အိန္ဒိယ၏ တောင်းဆိုမှုကို ပိုမိုခိုင်မာစေသည်။ အဘယ်ကြောင့်ဆိုသော် လုံခြုံရေးကောင်စီသည် သာမန် စစ်ရေးအင်အား  သက်သက်  ကို မဟုတ်ဘဲ တာဝန်သိသော အင်အားကို လိုအပ်သောကြောင့် ဖြစ်သည်။

သို့သော် အိန္ဒိယ၏ မဲဆွယ်စည်းရုံးမှုသည် နက်ရှိုင်းသော အဖွဲ့အစည်းဆိုင်ရာ ပြဿနာတစ်ခုကိုလည်း ဖော်ပြနေသည်။ အလှည့်ကျအဖွဲ့ဝင်အဖြစ် အောင်မြင်စွာ ရွေးချယ်ခံရတိုင်း အိန္ဒိယ၏ အမြဲတမ်း အဖွဲ့ဝင်ဖြစ်သင့်ကြောင်း အကြောင်းပြချက်ကို ပိုမိုခိုင်မာစေသည်။ ထိုအောင်မြင်မှုကပင် လုံခြုံရေး  ကောင်စီအား အိန္ဒိယ၏ ပါဝင်ကူညီမှု အကျိုးကျေးဇူးများကို ရရှိစေပြီး၊ အိန္ဒိယ လိုလားသော ပြုပြင်  ပြောင်းလဲရေးကိုမူ ဆက်လက် ရွှေ့ဆိုင်းခွင့် ရရှိစေသည်။ ၎င်းသည် ၂၀၂၈–၂၉ မဲဆွယ်စည်းရုံးမှု၏ အဓိက ရှေ့နောက်မညီသဘာဝ (Paradox) ပင် ဖြစ်သည်။

ကုလသမဂ္ဂ ပဋိညာဉ်စာချုပ်သည် နိုင်ငံတကာ ငြိမ်းချမ်းရေးနှင့် လုံခြုံရေးအတွက် ပါဝင်ကူညီမှုနှင့် တရား မျှတသော ပထဝီဝင်အနေအထားအရ ဖြန့်ကျက်မှုတို့ကို လုံခြုံရေးကောင်စီ အလှည့်ကျအဖွဲ့ဝင် ရွေးချယ်ရာတွင် ထည့်သွင်းစဉ်းစားရမည့် အချက်များအဖြစ် အသိအမှတ်ပြုထားသည်။ ထို့ကြောင့် အလှည့်ကျအဖွဲ့ဝင်နေရာသည် အိန္ဒိယအတွက် တာဝန်ယူမှုရှိခြင်း၊ သံတမန်ရေးရာ ဖြန့်ကျက်နိုင်စွမ်းနှင့် လက်တွေ့ပိုင်းဆိုင်ရာ ပါဝင်ကူညီမှုတို့ကို သက်သေပြရန် အခွင့်အလမ်းများကို အကြိမ်ကြိမ် ဖန်တီး ပေးလျက်ရှိသည်။

သို့ရာတွင် အလှည့်ကျအဖွဲ့ဝင်နေရာသည် မူလသဘာဝအရ ယာယီသာ ဖြစ်သည်။ အမြဲတမ်းမဟုတ်သော အဖွဲ့ဝင်များသည် ၂ နှစ်တာ သက်တမ်းသာ ထမ်းဆောင်ရသည်။ ၎င်းတို့တွင် ဗီတိုအာဏာ (Veto power) မရှိပါ။ ကောင်စီ၏ အမြဲတမ်းတည်ဆောက်ပုံကိုလည်း ပြောင်းလဲနိုင်ခြင်း မရှိပါ။ ၎င်းတို့သည် အခြေခံ  အာဏာအဆင့်ဆင့် တည်ဆောက်ပုံကို မထိခိုက်စေဘဲ အဖွဲ့အစည်း လည်ပတ်နိုင်ရန်သာ ကူညီပေး  ကြသည်။

ထိုအချက်သည် လက်ရှိစနစ်အတွက် အဆင်ပြေသော ချိန်ခွင်လျှာညှိမှုတစ်ခုကို ဖန်တီးပေးသည်။ အိန္ဒိယကို ရွေးကောက်တင်မြှောက်နိုင်သည်။ အိန္ဒိယသည် ကော်မတီများကို ဥက္ကဋ္ဌအဖြစ် ဦးဆောင်ခြင်း၊ ဆွေးနွေးပွဲများကို ပုံဖော်ခြင်း၊ တပ်ဖွဲ့ဝင်များ စေလွှတ်ကူညီခြင်း၊ စာချုပ်စာတမ်းများ ညှိနှိုင်းခြင်းနှင့် Global South ၏ ရှုထောင့်များကို ကောင်စီဆွေးနွေးပွဲများသို့ ယူဆောင်လာခြင်းတို့ လုပ်ဆောင် နိုင်သည်။ ကောင်စီအနေဖြင့် ၁၉၄၅ ခုနှစ်ကတည်းက အမွေဆက်ခံခဲ့သည့် အမြဲတမ်းအာဏာ ခွဲဝေမှုကို မပြောင်းလဲဘဲ အိန္ဒိယ၏ ပါဝင်မှုမှ အကျိုးကျေးဇူးများ ရရှိနေသည်။

ဤသဘောတရားသည် အိန္ဒိယတစ်နိုင်ငံတည်းအတွက်သာ မဟုတ်ပေ။ ဘရာဇီး၊ ဂျာမနီနှင့် ဂျပန်တို့ သည်လည်း ကောင်စီတွင် အကြိမ်ကြိမ် တာဝန်ထမ်းဆောင်ခဲ့ပြီး G4 ပြုပြင်ပြောင်းလဲရေး မဲဆွယ်မှုများ လုပ်ဆောင်နေသော်လည်း အလားတူ ကန့်သတ်ချက်များနှင့် ရင်ဆိုင်နေရသည်။ အာဖရိကတိုက်သည် ဤပြဿနာ၏ အဆိုးရွားဆုံးအခြေအနေကို ရင်ဆိုင်နေရသည်။ အာဖရိကသမဂ္ဂ၏ Ezulwini Consensus က အာဖရိကအတွက် အနည်းဆုံး အမြဲတမ်းအဖွဲ့ဝင်နေရာ (၂) နေရာနှင့် အလှည့်ကျအဖွဲ့ဝင် (၅) နေရာ တောင်းဆိုထားသော်လည်း ယနေ့ထက်တိုင် အာဖရိကတိုက်အတွက် အမြဲတမ်းကိုယ်စားပြုမှု မရှိ သေးပေ။

၂၀၂၄ ခုနှစ် အနာဂတ်အတွက် သဘောတူစာချုပ် (2024 Pact for the Future) တွင် လုံခြုံရေးကောင်စီ ပြုပြင်ပြောင်းလဲရေး လိုအပ်ချက်ကို အသိအမှတ်ပြုခဲ့ပြီး၊ အထူးသဖြင့် အာဖရိက၏ ကိုယ်စားပြုမှု နည်းပါးနေခြင်းကို ဖြေရှင်းရန် အလေးပေးထားကာ ၁၉၆၀ ပြည့်လွန်နှစ်များနောက်ပိုင်း အခိုင်မာဆုံး ကတိကဝတ်အဖြစ် ဖော်ပြခဲ့သည်။ ထိုအသုံးအနှုန်းက တရားဝင်မှုဆိုင်ရာ ပြဿနာ (Legitimacy problem) ကို အတည်ပြုပေးသော်လည်း၊ အဖွဲ့အစည်းဆိုင်ရာ တွန်းအားပေးမှု ပြဿနာကိုမူ မဖြေ ရှင်းနိုင်ပေ။

တရားဝင် ပြုပြင်ပြောင်းလဲရေးမှာ အလွန်ခက်ခဲလျက်ရှိသည်။ အဘယ်ကြောင့်ဆိုသော် ကုလသမဂ္ဂ ပဋိညာဉ်စာချုပ် အပိုဒ် ၁၀၈ အရ ပြုပြင်ပြောင်းလဲရေး လုပ်ဆောင်ရန် အထွေထွေညီလာခံ၏ သုံးပုံနှစ်ပုံ ထောက်ခံမဲနှင့် လုံခြုံရေးကောင်စီ အမြဲတမ်းအဖွဲ့ဝင်အားလုံး အပါအဝင် ကုလသမဂ္ဂ အဖွဲ့ဝင်နိုင်ငံများ၏ သုံးပုံနှစ်ပုံက အတည်ပြုလက်မှတ်ရေးထိုးရန် လိုအပ်သောကြောင့် ဖြစ်သည်။

ထို့ကြောင့် အိန္ဒိယ၏ ၂၀၂၈–၂၉ မဲဆွယ်စည်းရုံးမှုကို ပုံမှန် ရွေးကောက်ပွဲတစ်ခုထက် ပိုမိုသော အဓိပ္ပာယ်ဖြင့် ရှုမြင်သင့်သည်။ ၎င်းသည် ယာယီကိုယ်စားပြုမှုများဖြင့် အမြဲတမ်း ပြုပြင်ပြောင်းလဲရေး ဖိအားများကို ဆက်လက် စုပ်ယူထားနိုင်ဦးမည်လား ဆိုသည့် နောက်ထပ် စမ်းသပ်ချက်တစ်ခု ဖြစ်သည်။ အိန္ဒိယ အကြိမ်ကြိမ် ရွေးကောက်ခံရခြင်းသည် ၎င်း၏ အရေးပါမှုကို သက်သေပြနေသည်။ သို့သော် အစောပိုင်းခေတ် ကမ္ဘာ့အစီအစဉ်ကိုသာ ထင်ဟပ်နေဆဲဖြစ်သည့် ကောင်စီ၏ အမြဲတမ်းတည်ဆောက်   ပုံဆိုင်ရာ သွေဖည်မှု (Anomaly) ကိုမူ ဖယ်ရှားပေးနိုင်ခြင်း မရှိပေ။

အိန္ဒိယ အလွယ်တကူ အနိုင်ရရှိခြင်းက ကုလသမဂ္ဂစနစ်အတွင်း အိန္ဒိယ၏ ရပ်တည်မှုကို ထပ်လောင်း  အတည်ပြုလိမ့်မည် ဖြစ်သည်။ သို့သော် အလှည့်ကျအဖွဲ့ဝင်အဖြစ် အောင်မြင်စွာ တာဝန်  ထမ်းဆောင် တိုင်း အိန္ဒိယ၏ အမြဲတမ်းအဖွဲ့ဝင်ဖြစ်ရေး အကြောင်းပြချက်ကို ပိုမိုခိုင်မာစေပြီး၊ တစ်ချိန် တည်းမှာပင် အဆိုပါ  အကြောင်းပြချက်က တောင်းဆိုနေသည့် ဆုံးဖြတ်ချက်ကို အဖွဲ့အစည်းအနေဖြင့် ထပ်မံ ရွှေ့ဆိုင်းရန် နည်းလမ်းတစ်ခု ပေးထားသကဲ့သို့ ဖြစ်နေသည်။ ယင်းကြောင့် အဓိကဆန့်ကျင်ဘက် (ရှေ့နောက်မညီ) သဘာဝကိုလည်း ဆက်လက်  ထိန်းသိမ်းထားရာ ရောက်နေမည်ဖြစ်တော့သည်။

အိန္ဒိယတိုင်းမ် သတင်းစာပါ ဆူရက်ရှ်ကူးမားရေးသားသည့် The UNSC paradox: How India’s 2028–29 campaign exposes UN stagnation‌ ဆောင်းပါးကိုဆီလျော်အောင်ပြန်ဆိုပါသည်။

ဆူရက်ရှ် ကူးမား Suresh Kumarသည် ပန်ဂျပ်ပြည်နယ် ဝန်ကြီးချုပ်၏ အဓိကအတွင်းဝန်ဟောင်း ဖြစ်သည်။

မန္တလေးတိုင်းဒေသကြီး၊ ညောင်ဦးခရိုင်၊ ပုဂံမြို့ဟောင်း၊ မြင်းကပါကျေးရွာ ရှိ မြစေတီဘုရားမှ ရာဇကုမာရ်ကျောက်စာရုံအတွင်းသို့ အလှူငွေများလှူဒါန်းမှုမပြုကြရန်နဲ့ သတ်မှတ်နေရာများ၌သာလှုဒါန်းကြရမယ်လို့ ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ပုဂံဌာနခွဲက
သိရပါတယ်။

#Local_News
Published 02 August 2026
#ရာဇကုမာရ်ကျောက်စာရုံ
#YMG/NN #Yangon_Times

#World_Health
Published 02 August 2026

■ လူတစ်ယောက်ရဲ့ သက်တမ်းအသက်ဆိုတာက မွေးဖွားချိန်ကစလို့ တစ်နှစ်ပြီးတစ်နှစ် ရေတွက်သွားရတဲ့ အချိန်ကာလဖြစ်ပြီး ဇီဝကမ္မအသက်ဆိုတာကတော့ ခန္ဓာကိုယ်နဲ့ဆဲလ်များ ဘယ်လိုမျိုး အမှန်တကယ်ကောင်းမွန်စွာလုပ်ဆောင်နေတယ်ဆိုတာကို တိုင်းတာခြင်းဖြစ်ပါတယ်။

■ ခန္ဓာကိုယ်တွင်းနဲ့ ပြင်ပအကြောင်းအရင်းများကြောင့် တစ်ဦးချင်းစီရဲ့ ခန္ဓာကိုယ်ယိုယွင်းပုံမှာ မတူညီကြဘဲ သာမန်သတ်မှတ်ထားတဲ့ သက်တမ်းစံနှုန်းများအတိုင်း တိကျစွာသတ်မှတ်လို့ မရနိုင်ပါဘူး။

■ မျိုးရိုးဗီဇနဲ့ ပတ်ဝန်းကျင် အခြေအနေများက အခြေခံအပိုင်းကို ဖန်တီးပေးပေမယ့် စိတ်ဖိစီးမှုအဆင့်နဲ့ နေ့စဉ်လူနေမှုဘဝပုံစံ ရွေးချယ်မှုများက ဇီဝကမ္မအသက်အပေါ် များစွာသက်ရောက်မှု ရှိပါတယ်။

■ ဓာတ်တိုးဆန့်ကျင်ပစ္စည်းများ ပါဝင်တဲ့ အာဟာရကို မှီဝဲခြင်း၊ ပုံမှန်လေ့ကျင့်ခန်းလုပ်ခြင်းနဲ့ အနည်းဆုံး ၇ နာရီ ကောင်းမွန်စွာ အိပ်စက်ခြင်းတို့က နာတာရှည်ရောင်ရမ်းမှုများနဲ့ ဆဲလ်များ ယိုယွင်းပျက်စီးမှုကို ထိရောက်စွာလျှော့ချပေးပါတယ်။

■ ဘက်ပေါင်းစုံမှ စနစ်တကျ ပြုပြင်နေထိုင်ခြင်းတို့ဖြင့် ဇီဝကမ္မအသက် ကြီးရင့်မှုကို နှေးစေရုံမက ဆဲလ်များရဲ့ အသက်အရွယ်ကိုပြတဲ့ အမှတ်အသားတွေကိုတောင် ပြန်လည်လျှော့ချပေးနိုင်ကြောင်း တွေ့ရပါတယ်။

■ မျိုးဗီဇကုထုံးနဲ့ Yamanaka Factors ဆိုင်ရာ ခေတ်မီသုတေသနများက ဇီဝမော်လီကျူးအဆင့်အထိ ယိုယွင်းနေတဲ့ ဆဲလ်များကို ပြန်လည်နုပျိုစေရန် ဦးတည်လုပ်ဆောင်နေပေမယ့် လူသားတွေမှာ အသုံးပြုနိုင်ရန်အတွက် စမ်းသပ်ဆဲအဆင့်မှာသာ ရှိပါသေးတယ်။

■ အချိန်ကုန်လွန်မှုကို တားဆီးမရနိုင်ပေမယ့် ကျန်းမာရေးနဲ့ ညီညွတ်တဲ့နေ့စဉ်အလေ့အထများကို ကျင့်သုံးခြင်းက ဇီဝကမ္မအသက်ကို ကောင်းမွန်အောင်ထိန်းသိမ်းရန် စိတ်အချရဆုံးနဲ့ အားအကိုးရဆုံး နည်းလမ်းဖြစ်ပါတယ်။

Source: Healthing

#World_Health
Published 02 August 2026

■ ၂၀၅၀ ပြည့်နှစ်အရောက်မှာ ကမ္ဘာတဝှမ်း ခါးကိုက်ခဲမှုဖြစ်ပွားသူဦးရေ ၈၄၃ သန်းအထိ ရှိလာမယ်လို့ ခန့်မှန်းထားပြီး ဒါဟာ နှစ်ပေါင်း ၃၀ အတွင်း သန်း ၂၃၀ ကျော် တိုးလာခြင်း ဖြစ်ပါတယ်။

■ ၁၉၉၀ မှ ၂၀၂၀ အတွင်း နိုင်ငံပေါင်း ၂၀၀ ကျော်မှ ကျန်းမာရေးဒေတာများကို ဆန်းစစ်လေ့လာထားပြီး Lancet Rheumatology ဂျာနယ်မှာ ဖော်ပြခဲ့ပါတယ်။

■ လူဦးရေ လျင်မြန်စွာ တိုးတက်နေတဲ့ ဒေသတွေနဲ့ လူအိုဦးရေ တိုးများလာတဲ့ ဒေသတွေမှာ ခါးကိုက်ခဲမှု ဖြစ်ပွဦးမှုအများဆုံး ဖြစ်လာမယ်လို့ မျှော်လင့်ရပါတယ်။

■ ဒီဝေဒနာဟာ အသက်အရွယ်မရွေး အမျိုးသားများထက် အမျိုးသမီးတွေမှာ ပိုမိုဖြစ်ပွားပြီး အသက် ၈၅ နှစ်ကျော်လာတဲ့အခါ အဆိုးရွားဆုံးအခြေအနေသို့ ရောက်ရှိကာ ပိုမိုဆိုးရွားလာတတ်ပါတယ်။

■ ခန္ဓာကိုယ်မသန်စွမ်းမှုဒဏ် ၃ ပုံ ၁ ပုံကျော်ဟာ ကာကွယ်ရနိုင်တဲ့ အန္တရာယ်များဖြစ်တဲ့ အလုပ်အကိုင်ဆိုင်ရာ အချက်အလက်များ၊ ဆေးလိပ်သောက်ခြင်း၊ ခန္ဓာကိုယ်အလေးချိန် မြင့်မားခြင်းတို့နဲ့ ဆက်စပ်နေပါတယ်။

■ လက်ရှိကုသမှုလမ်းညွှန်ချက်များမှာ သက်ကြီးရွယ်အိုများအတွက် သီးသန့်စနစ်တကျ ကုသနည်းများ လိုအပ်နေပြီး မလိုအပ်ဘဲ နာကျင်မှုပျောက်ဆေးများ ပေးမိခြင်း မကြာခဏ ဖြစ်ပေါ်စေပါတယ်။

■ ကျန်းမာရေးဆိုင်ရာ ခေါင်းဆောင်များက ပေါင်းစပ်ညှိနှိုင်းထားတဲ့ ကမ္ဘာ့စီမံခန့်ခွဲမှုနည်းဗျူဟာများ မရှိပါက စီးပွားရေးနဲ့ ကျန်းမာရေးစောင့်ရှောက်မှု ဝန်ထုပ်ဝန်ပိုးများ လျင်မြန်စွာ မြင့်တက်လာမယ်လို့ သတိပေးထားပါတယ်။

Source: Healthing

အီရန်သမ္မတ မာဆွတ်ပက်ဇက်ရှ်ကီယန်က သူ့တိုင်းပြည်ဟာ အမေရိကန်နဲ့ စစ်ပွဲကြီးဆင်နွှဲနေရပြီး ဒီကာလအတွင်း စီးပွားရေးတည်ငြိမ်မှုရှိအောင် ထိန်းသိမ်းနိုင်ဖို့ အရေးကြီးကြောင်း တနင်္လာနေ့ကပြောပါတယ်။

#World_Military
Published 01 August 2026
#အမေရိကန် #အီရန်
#YMG #Yangon_Times #Yangon_Media_Group

#Local_News
Published 01 August 2026

■ သီလဝါအထူးစီးပွားရေးဇုန်အတွင်း ပြန်လည်ပြည့်ဖြိုးမြဲစွမ်းအင်အသုံးပြုမှု မြှင့်တင် ရန် ရည်ရွယ်သည့် ၃.၃၇ မဂ္ဂါဝပ် နေရောင်ခြည်စွမ်းအင်သုံး လျှပ်စစ်ဓာတ်အားပေး ထုတ်လုပ်ရေး ရှေ့ပြေးစီမံကိန်းကို ဇူလိုင် ၃၁ ရက်တွင် ဖွင့်လှစ်ခဲ့ကြောင်း သိရသည်။

■ Thilawa Property Development Limited (TPD) က အကောင်အထည်ဖော် ဆောင်ရွက်ခဲ့သည့် အဆိုပါ Solar Power Project ဖွင့်ပွဲအခမ်းအနားကို သန်လျင်မြို့နယ်၊ သီလဝါဥယျာဉ်မြို့တော်ရှိ Residential & Commercial ဧရိယာတွင် ကျင်းပခဲ့ပြီး ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးအောင်နိုင်သူနှင့် တာဝန်ရှိသူများ တက်ရောက်ခဲ့ကြသည်။

■ ယင်းစီမံကိန်းသည် နေရောင်ခြည်စွမ်းအင်ကို အသုံးချ၍ လျှပ်စစ်ဓာတ်အား ထုတ်လုပ်နိုင်ရေးအတွက် စမ်းသပ်အကောင်အထည်ဖော်သည့် စီမံကိန်းတစ်ခုဖြစ်ပြီး စက်မှုနှင့် စီးပွားရေးလုပ်ငန်းများ ဖွံ့ဖြိုးတိုးတက်နေသည့် သီလဝါဒေသအတွက် သန့်ရှင်းသောစွမ်းအင်အသုံးပြုမှု တိုးမြှင့်ရေးတွင် အထောက်အကူပြုမည်ဖြစ်သည်။

■ ဖွင့်ပွဲအခမ်းအနားတွင် သီလဝါအထူးစီးပွားရေးဇုန် စီမံခန့်ခွဲမှုကော်မတီဥက္ကဋ္ဌ ဦးစိုးလင်းဟန်က အဖွင့်အမှာစကားပြောကြားခဲ့ပြီး Thilawa Property Development Limited ဥက္ကဋ္ဌ ဦးဝင်းအောင်က စီမံကိန်း အကောင်အထည်ဖော် ဆောင်ရွက်ခဲ့မှုများနှင့် ရှေ့ဆက်ဆောင်ရွက်မည့် လုပ်ငန်းစဉ်များကို ရှင်းလင်းတင်ပြခဲ့သည်။ထို့နောက် ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးအောင်နိုင်သူက လမ်းညွှန်အမှာစကားပြောကြားခဲ့ပြီး တာဝန်ရှိသူများနှင့်အတူ စီမံကိန်းအား ဖဲကြိုးဖြတ်ဖွင့်လှစ်ပေးခဲ့သည်။

■ အဆိုပါဖွင့်ပွဲအပြီးတွင် ဝန်ကြီးချုပ်နှင့် တာဝန်ရှိသူများသည် စီမံကိန်းဧရိယာအတွင်း လှည့်လည်ကြည့်ရှုကာ နေရောင်ခြည်စွမ်းအင်သုံး လျှပ်စစ်ဓာတ်အား ထုတ်လုပ်ရေးလုပ်ငန်းများ ဆောင်ရွက်ထားရှိမှုများကို ကြည့်ရှုစစ်ဆေးခဲ့ကြသည်။စွမ်းအင်လိုအပ်ချက်များ မြင့်တက်လာနေချိန်တွင် ပြန်လည်ပြည့်ဖြိုးမြဲစွမ်းအင် အရင်းအမြစ်များ အသုံးချနိုင်ရေးသည် အရေးပါလာပြီး သီလဝါ ၃.၃၇ မဂ္ဂါဝပ် စီမံကိန်းသည် ရေရှည်တည်တံ့သည့် စွမ်းအင်ဖွံ့ဖြိုးရေးအတွက် ရှေ့ပြေးလုပ်ငန်းတစ်ရပ်အဖြစ် ဆောင်ရွက်ခြင်းဖြစ်ကြောင်းသိရသည်။

#YMG/SW #Yangon_Times

၂၀၂၆ ခုနှစ် ဩဂုတ်လအတွင်း ပိုကုန်နှင့်သွင်းကုန်လုပ်ငန်းများ အဆင်ပြေချောမွေ့စေရေးအတွက် ကုန်သေတ္တာတင်သင်္ဘော (၅၅) စီးပြေးဆွဲသွားမယ်လို မြန်မာ့ဆိပ်ကမ်းအာဏာပိုင်အဖွဲ့က အသိပေးထုတ်ပြန်ထားပါတယ်။

#Local_News
Published 01 August 2026
#ကုန်သေတ္တာတင်သင်္ဘော
#YMG/SW #Yangon_Times

ပြည်ပနိုင်ငံများသို့ နှစ်စဉ်ဆန်များတိုးချဲ့တင်ပို့နိုင်ရေးကိုကြိုးပမ်းလုပ်ဆောင်နေပြီး ကမ္ဘာ့စပါးကျီနိုင်ငံအဖြစ်ပါဝင်လာနိုင်ရန် ရည်မှန်းလုပ်ဆောင်နေတယ်လို့ နိုင်ငံတော်သမ္မတကြီး ဦးမင်းအောင်လှိုင်က ပြောပါတယ်။

#Local_News
Published 01 August 2026
#စပါးကျီနိုင်ငံ
#YMG/NN #Yangon_Times

ယခုနှစ်(၆)လကျော်ကာလအတွင်း YBS ယာဉ်မတော်တဆမှု (၃၄) မှုဖြစ်ပွားခဲ့ပြီး သေဆုံးသူ (၁၉) ဦးနဲ့ ထိခိုက်ဒဏ်ရာရသူ (၃၅) ဦးရှိခဲ့တယ်လို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ(YRTC) ရဲ့ စာရင်းတွေအရသိရပါတယ်။

#Local_News
Published 01 August 2026
#YBS #YRTC
#YMG/SW #Yangon_Times

#Daily_News
Published 01 August 2026

၁။‌ ဩဂုတ်လအတွင်း ကုန်သေတ္တာတင်သင်္ဘော (၅၅) စီးပြေးဆွဲမည်

‌‎၂။ ‌ကမ္ဘာ့စပါးကျီနိုင်ငံအဖြစ်ပါဝင်လာနိုင်ရန်ရည်မှန်းလုပ်ဆောင်နေ

၃။‌‌‎ ယခုနှစ်(၆)လကျော်အတွင်း YBS ယာဉ်မတော်တဆမှု (၃၄)မှုဖြစ်ပွား၊ သေဆုံးသူ(၁၉)ဦးရှိ

၄။‎ ‌‌‌‌‌‌‌‌‌အမေရိကန်၏ဘက်ပေါင်းစုံစစ်ပွဲဆင်နွှမှုကိုရင်ဆိုင်နေရကြောင်း အီရန်သမ္မတပြော... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 01 August 2026

■ အီရန်တို့က ယင်းတို့တိုက်ခိုက်ခံရပါက အစ္စရေးလ်နဲ့ ဒေသတွင်းရှိ အမေရိကန် စွမ်းအင်ဆိုင်ရာ အခြေခံအဆောက်အအုံများကို ပစ်မှတ်ထားတိုက်ခိုက်သွားမယ်လို့ အီရန်က ကြိမ်းဝါးပြောဆိုလိုက်ပါတယ်။

■ အမေရိကန်သမ္မတ ဒေါ်နယ်ထရမ့်က အီရန်အပေါ် စစ်ရေးအရ နောက်ထပ် တိုက်ခိုက်မှုများ ပြုလုပ်ရန် အတည်ပြုလိုက်ကြောင်း သတင်းများထွက်ပေါ်လာပြီးနောက် အခုလိုမျိုး ခြိမ်းခြောက်မှု ပေါ်ပေါက်လာတာ ဖြစ်ပါတယ်။

■ အီရန် အကြီးတန်းလုံခြုံရေးအရာရှိတစ်ဦးက အမေရိကန်နဲ့ အစ္စရေးလ်တို့ တိုက်ခိုက်လာနိုင်မှုတွေကို ရူးသွပ်မှုတစ်မျိုးလို့ ရှုတ်ချလိုက်ပါတယ်။

■ အီရန်က တုံ့ပြန်တိုက်ခိုက်ရေး အမြောက်အမြားကိုရေးဆွဲထားပြီးဖြစ်ကြောင်းနဲ့ အဓိကစွမ်းအင်ဆိုင်ရာ ပိုင်ဆိုင်မှုများကို ပစ်မှတ်ထားရန် အသင့်ရှိကြောင်းကြေညာထားပါတယ်။

■ ဆွေးနွေးပွဲများဖြစ်လာစေရန် ဖိအားပေးတဲ့အနေဖြင့် အမေရိကန် တိုက်ခိုက်မှုများဟာ ယခုသီတင်းပတ်အကုန်မှာပင် စတင်နိုင်ကြောင်း The Wall Street Journal က သတင်းဖော်ပြထားပါတယ်။

■ အီရန်ကို အဆုံးစွန်အခြေအနေအထိ ရောက်ရှိသွားစေရန် အမေရိကန်က ပြင်းပြင်းထန်ထန်တိုက်ခိုက်သွားမယ်လို့ သမ္မတထရမ့်က ပြောကြားခဲ့ပါတယ်။

■ တင်းမာမှု မြင့်တက်လာခြင်းကြောင့် အနောက်အာရှတခွင်ရှိ စွမ်းအင်တည်ငြိမ်မှုကို ထိခိုက်စေနိုင်ကာ ပိုမိုကျယ်ပြန့်တဲ့ ပဋိပက္ခ ဖြစ်ပွားလာမှာကို စိုးရိမ်ပူပန်မှုများ ပိုမိုမြင့်မားစေပါတယ်။

Source: WION

#Local_News
Published 01 August 2026

■ မုတ္တမကမ်းလွန်လုပ်ကွက် M-3 ရှိ အောင်သိင်္ခဧရိယာမှထွက်ရှိသော သဘာဝဓာတ်ငွေ့များအား ပြည်တွင်း၌သာ သုံးစွဲနိုင်ရန် သဘာဝဓာတ်ငွေ့ရောင်းချခြင်း သဘောတူစာချုပ်ချုပ်ဆို လိုက်ပြီဖြစ်ရာ အစိုးရသစ်လက်ထက်တွင် လျှပ်စစ်နှင့်စွမ်းအင်ကဏ္ဍအတွက် မှတ်တိုင်သစ်များ စိုက်ထူနိုင်ခဲ့ကြောင်း လျှပ်စစ်နှင့်စွမ်းအင်ဝန်ကြီးဌာန၊ ပြည်ထောင်စုဝန်ကြီး ဦးကိုကိုလွင်က ပြောသည်။

■ လျှပ်စစ်နှင့်စွမ်းအင်ဝန်ကြီးဌာန၊ မြန်မာ့ရေနံနှင့်သဘာဝဓာတ်ငွေ့လုပ်ငန်းနှင့် ထိုင်းနိုင်ငံ PTTEP INTERNATIONAL LIMITED တို့အကြား မုတ္တမကမ်းလွန်လုပ်ကွက် M-3 ရှိ အောင်သိင်္ခဧရိယာမှထွက်ရှိသော သဘာဝဓာတ်ငွေ့များအား ထုတ်ယူ၍ ပြည်တွင်း၌သာအသုံးပြုနိုင်ရန်အတွက် သဘာဝဓာတ်ငွေ့ရောင်းချခြင်း သဘောတူစာချုပ် (Domestic Gas Supply Agreement - DGSA) လက်မှတ်ရေးထိုးပွဲအခမ်းအနားကို လျှပ်စစ်နှင့်စွမ်းအင်ဝန်ကြီးဌာန၊ ရုံးအမှတ်(၆)၌ ယမန်နေ့ညနေ က ကျင်းပပြုလုပ်ခဲ့ရာ လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ကအထက်ပါအတိုင်း ထည့်သွင်းပြောကြားခဲ့ခြင်းဖြစ်သည်။

■ ပထမဦးစွာ ပြည်ထောင်စုဝန်ကြီး ဦးကိုကိုလွင်က အဖွင့်အမှာစကားပြောကြားရာတွင် မုတ္တမကမ်း လွန်လုပ်ကွက် M-3 ရှိ အောင်သိင်္ခဧရိယာမှထွက်ရှိသော သဘာဝဓာတ်ငွေ့များအား ထုတ်ယူ၍ ပြည်တွင်း၌သာ သုံးစွဲနိုင်ရန်အတွက် သဘာဝဓာတ်ငွေ့ရောင်းချခြင်း သဘောတူစာချုပ် (Domestic Gas Supply Agreement - DGSA) ချုပ်ဆိုခြင်းဖြစ်ပါကြောင်း၊ နိုင်ငံတော်အစိုးရသစ် စတင်တာဝန်ယူသည့်နေ့တွင် ကုန်းတွင်းစီမံကိန်း တစ်ခုအတွက် ရေနံတိုးတက်ထုတ်ယူရရှိရေးစာချုပ်ချုပ်ဆိုနိုင်ခဲ့ပြီး ရက်(၁၀၀)ပြည့်မြောက်သည့်အချိန်တွင် သဘာဝဓာတ်ငွေ့ရောင်းချခြင်းသဘောတူစာချုပ် ချုပ်ဆိုနိုင်ခဲ့ခြင်းတို့သည် အစိုးရသစ်လက် ထက်တွင် လျှပ်စစ်နှင့်စွမ်းအင်ကဏ္ဍအတွက် မှတ်တိုင်သစ်များ စိုက်ထူနိုင်ခဲ့ခြင်းဖြစ်ပါကြောင်း၊ မုတ္တမကမ်းလွန် လုပ်ကွက် (M-3) (အောင်သိင်္ခစီမံကိန်း)ကို ၂၀၀၄ ခုနှစ်တွင် ထုတ်လုပ်မှုအပေါ်ခွဲဝေခံစားရေးစာချုပ် ချုပ်ဆိုခဲ့သော်လည်း အကြောင်းအမျိုးမျိုးကြောင့် နှောင့်နှေးကြန့်ကြာခဲ့ရပြီး ၂၀၂၃ ခုနှစ်မှသာ ဆွေးနွေးမှုများ ပြန်လည်စတင်နိုင်ခဲ့ရာ ယနေ့အချိန်တွင် လက်မှတ်ရေးထိုးနိုင်သည့် အခြေအနေသို့ ရောက်ရှိခဲ့ပါကြောင်း၊ စီမံကိန်းမှထွက်ရှိမည့် သဘာဝဓာတ်ငွေ့များကို ပြည်တွင်းလျှပ်စစ်ဓာတ်အားထုတ်လုပ်ရေးအတွက် အဓိက အသုံးပြုသွားမည်ဖြစ်ပြီး ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးတို့သို့ လေလွင့်ဆုံးရှုံးမှု အနည်းဆုံးဖြင့် လျှပ်စစ်ဓာတ်အားဖြန့်ဖြူးနိုင်ရေး ဆောင်ရွက်သွားမည်ဖြစ်ပါကြောင်း၊ ထို့အပြင် ဓာတ်မြေဩဇာထုတ်လုပ်သည့် စက်ရုံများအတွက် လိုအပ်မည့်သဘာဝဓာတ်ငွေ့ကို တစ်ဖက်တစ်လမ်းမှ ဖြည့်ဆည်းထောက်ပံ့ပေးနိုင်မည် ဖြစ်ပါကြောင်း၊ ၂၀၂၈ ခုနှစ်အကုန်တွင် သဘာဝဓာတ်ငွေ့ စတင် ထုတ် လုပ်နိုင်မည်ဖြစ်ပါကြောင်း၊ မြန်မာနိုင်ငံ၏ အလားအလာကောင်းသော ကမ်းလွန်လုပ်ကွက်များတွင် သဘာဝဓာတ်ငွေ့ရှာဖွေထုတ်လုပ်ခြင်းလုပ်ငန်းများတွင် ရင်းနှီးမြှုပ်နှံမှုများတိုးမြှင့်ပြုလုပ်ရန် ဖိတ်ခေါ်တိုက်တွန်းပါကြောင်း ပြောကြားခဲ့သည်။

■ ထို့နောက် PTTEP မှ ဒုတိယအမှုဆောင်အရာရှိချုပ်က ကျေးဇူးတင်စကားပြောကြားခဲ့ပြီး လျှပ်စစ်နှင့်စွမ်းအင်ဝန်ကြီးဌာနမှ တာဝန်ရှိသူများနှင့် PTTEP အထွေထွေမန်နေဂျာနှင့် ဒုတိယအမှုဆောင်အရာရှိချုပ်တို့က မုတ္တမကမ်းလွန်လုပ်ကွက် M-3 ရှိ အောင်သိင်္ခဧရိယာမှထွက်ရှိသော သဘာဝဓာတ်ငွေ့များအား ထုတ်ယူ၍ ပြည်တွင်း၌သာသုံးစွဲနိုင်ရန်အတွက် သဘာဝဓာတ်ငွေ့ရောင်းချခြင်းသဘောတူစာချုပ် (Domestic Gas Supply Agreement - DGSA) ကို လက်မှတ်ရေးထိုးချုပ်ဆိုခဲ့ကြကြောင်း သိရသည်။

#YMG/NN #Yangon_Times