ကာရေဘီယန်အနားမှာ အမေရိကန်စစ်တပ်ဆက်လက်တည်ရှိနေတာကို တုံပြန်တဲ့အနေနဲ့ ဗင်နီဇွဲလားက နိုင်ငံအနှံအပြား ပြည်သူ့စစ်လေ့ကျင့်ရေးအစီအစဉ် အကျယ်တဝင့် စတင်ပြုလုပ်နေကာ အရပ်သားသင်တန်းသားများအတွက် အခြေစိုက်စခန်း ၃၀၀ ကျော်ဖွင့်လှစ်ထားပါတယ်။

#World_Military
Published 17 September 2025
#ဗင်နီဇွဲလား #ကာရေဘီယန်
#YMG #Yangon_Times #Yangon_Media_Group

စပျစ်စိုက်ပျိုးအောင်မြင်နိုင်မယ့်တိုင်းနဲ့ပြည်နယ်တွေက မြေလွတ်/မြေရိုင်း တွေကိုဖော်ထုတ်ပြီး စပျစ်စိုက်ပျိုးခြံတည်ထောင်လိုတဲ့ တောင်သူ၊အသင်းအဖွဲ့ နဲ့ လုပ်ငန်းရှင်တွေကို ချထားဆောင်ရွက်ပေးသွားမယ်လို့ စိုက်ပျိုးရေးဦးစီးဌာနကသိရပါတယ်။

‎#Local_News
Published 17 September 2025
#မြေလွတ်မြေရိုင်း #စပျစ်
‎#YMG/NN #Yangon_Times

ပဲခူးတိုင်းဒေသကြီးမှာ Rice Export Zoneတွေဖော်ဆောင်သွားဖို့ ဆွေးနွေး နေတယ်လို့ အစိုးရ-ပုဂ္ဂလိက တွေ့ဆုံဆွေးနွေးပွဲကသိရပါတယ်။

#Local_News
Published 17 September 2025
#Rice_Export_Zone
#YMG/NN #Yangon_Times

“သန်လျင် အမွေအနှစ်စင်တာ”အဖြစ်ဖွင့်လှစ်မယ့် ၁၉၀၀ ပြည့်လွန်နှစ်အစောပိုင်းက တရုတ်-ပေါ်တူဂီဗိသုကာလက်ရာနဲ့ တည်ဆောက်ခဲ့တဲ့ အဆောက်အအုံကို မူလအတိုင်း ပြန်လည်ပြုပြင်မွမ်းမံသွားမယ်လို့ ဒို့အိမ်အဖွဲအစည်းမှ သိရပါတယ်။

#Local_News
Published 17 September 2025
#သန်လျင်အမွေအနှစ်စင်တာ #တရုတ်_ပေါ်တူဂီဗိသုကာလက်ရာ
#YMG/SW #Yangon_Times

မြန်မာ့ပတ္တမြားနှင့်နီလာတို့ကို တရုတ်ဈေးကွက်ထိုးဖောက်နိုင်ရေးအတွက် ယမန်နေ့ကတရုတ်နိုင်ငံ၊ နန်နင်းမြို့ရှိ နန်နင်းကုန်သွယ်ရေး ကိုယ်စားလှယ်ရုံးမှာကျင်းပတဲ့ မြန်မာ-တရုတ် စီးပွားရေးပူးပေါင်းဆောင်ရွက်မှု မြှင့်တင်ရေး တွေ့ဆုံဆွေးနွေးပွဲ “The Soul Treasure of Myanmar” ဆွေးနွေးခဲ့တယ်လို့သိရပါတယ်။

#Local_News
Published 17 September 2025
#မြန်မာ့ပတ္တမြား #နီလာ #နန်နင်းမြို့
#YMG/SW #Yangon_Times

#Daily_News
Published 17 September 2025

၁။‌ မြန်မာ့ပတ္တမြားနှင့်နီလာကို တရုတ်ဈေးကွက်သို့ ထိုးဖောက်မည်

၂။ ‌‌‌‌‎‎‎‎သန်လျင်အမွေအနှစ်စင်တာကို မူလလက်ရာအတိုင်း ပြုပြင်မွမ်းမံမည်
‎
၃။‌‎ ‎‎ပဲခူးတိုင်း၌  Rice Export Zone များဖော်ဆောင်မည်
‎
‎၄။ ‎ ‎‎ပြည်သူ့စစ်လေ့ကျင့်ရေးအစီအစဉ်သစ်ကြီး ဗင်နီဇွဲလားစတင်အကောင်အထည်ဖော် ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 17 September 2025

▪️ နောင်ချိုမြို့နယ်၌ကျေးလက်ကျန်းမာရေးဌာနနှင့် ဌာနခွဲ ၂၅ ခု ပြန်လည်ဖွင့်လှစ်ပြီး ပဏာမကျန်းမာရေးစောင့်ရှောက်ခြင်းလုပ်ငန်းများကို အားဖြည့်ဆောင်ရွက်နေကြောင်းကျန်းမာရေးဝန်ကြီးဌာန မှ သိရသည်။

▪️ ကျန်းမာရေးဝန်ကြီးဌာနသည် ပြည်သူလူထု ကျန်းမာရေးစောင့်ရှောက်မှုလုပ်ငန်းများ လွှမ်းခြုံမှုတိုးတက်စေရန် ဆောင်ရွက်လျက်ရှိရာ ရှမ်းပြည်နယ် (မြောက်ပိုင်း) နောင်ချိုမြို့၌ မြို့နယ်ပြည်သူ့ကျန်းမာရေးဦးစီးဌာနအောက်ရှိ ကျေးလက်ကျန်းမာရေးဌာနနှင့် ဌာနခွဲ ၂၅ ခု ပြန်လည်ဖွင့်လှစ်ပြီး ပဏာမကျန်းမာရေးစောင့်ရှောက်ခြင်းလုပ်ငန်းများကို အားဖြည့်ဆောင်ရွက်လျက်ရှိ ကြောင်း သိရသည်။

▪️ အဆိုပါ နောင်ချိုမြို့နယ် ပြည်သူ့ကျန်းမာရေးဦးစီးဌာနမှ အခြေခံကျန်းမာရေးဝန်ထမ်းများသည် နောင်ချိုမြို့ပေါ်နှင့်အနီးတစ်ဝိုက်ရှိ ကျေးရွာများမှ ဒေသခံတိုင်းရင်းသားပြည်သူများအား ကျန်းမာရေးပညာပေးခြင်းလုပ်ငန်း၊ ကူးစက်ရောဂါကာကွယ်နှိမ်နင်းရေးလုပ်ငန်း၊ ကျောင်းတွင်းအာဟာရကျွေးမွေးခြင်းနှင့် ကျန်းမာရေးလုပ်ငန်းများ ဆောင်ရွက်ပေးခြင်း၊ ကာကွယ်ဆေးထိုးနှံတိုက်ကျွေးခြင်းလုပ်ငန်းကို ပြန်လည်အားဖြည့်ဆောင်ရွက်ရန်အတွက် Big Catch-up၊ Routine Catch-up နည်းလမ်းများဖြင့် အမီလိုက် ကာကွယ်ဆေးထိုးနှံတိုက်ကျွေးခြင်းလုပ်ငန်းများ၊ အသက် (၁၅) နှစ်အောက်ကလေးများအား လိုအပ်သောကာကွယ်ဆေးများကို အထူးအစီအစဉ်ဖြင့် ကာကွယ်ဆေးထိုးနှံတိုက်ကျွေးရေးလုပ်ငန်းများ (Special Immunization Activities)၊ ကာကွယ်ဆေးဖြင့် ကာကွယ်၍ရသော ရောဂါများဖြစ်ပွားချိန်တွင် တုံ့ပြန်ကာကွယ်ဆေး ထိုးနှံတိုက်ကျွေးခြင်းလုပ်ငန်းများ (Outbreak Response Immunization) စသည်ဖြင့် ကာကွယ်ဆေးထိုးနှံတိုက်ကျွေးခြင်းလုပ်ငန်းများကို ကလေးတိုင်းဆီသို့ ရောက်ရှိအောင်နည်းလမ်းမျိုးစုံဖြင့် ဆောင်ရွက်လျက်ရှိခြင်းဖြစ်သည်။

▪️ ထိုသို့ဆောင်ရွက်ရာတွင် ၂၀၂၅ ခုနှစ် ဇူလိုင် ၂၅ ရက်မှ စက်တင်ဘာ ၁၅ ရက်အထိ နောင်ချိုမြို့နယ် ပြည်သူ့ကျန်းမာရေးဦးစီးဌာနမှ အခြေခံကျန်းမာရေးဝန်ထမ်းများသည် နောင်ချိုမြို့ပေါ်နှင့် ကျေးရွာများရှိ ကျောင်းပေါင်း ၈၈ ကျောင်းနှင့် ကျောင်းသားပေါင်း ၁၃၅၂၆ ဦးအား ကျန်းမာရေးစစ်ဆေးပေးခြင်းနှင့် ကျန်းမာရေးအသိပညာပေးခြင်းလုပ်ငန်းများ ဆောင်ရွက်ပေးခဲ့ပြီး မြို့ပေါ်နှင့် ကျေးလက်ကျန်းမာရေးဌာနများတွင် ဒေသခံတိုင်းရင်းသားပြည်သူ စုစုပေါင်း ၃၁၁၃ ဦးအား လိုအပ်သော ကျန်းမာရေးစောင့်ရှောက်မှုများ ဆောင်ရွက်ပေး ခဲ့သည်။

▪️ ထို့အတူ ကာကွယ်ဆေးထိုးနှံတိုက်ကျွေးခြင်းလုပ်ငန်း ပြန်လည်အားဖြည့်ဆောင်ရွက်လျက်ရှိပြီး အသက် (၅) နှစ်အောက် ကလေးငယ်များအား ငါးမျိုးစပ်ကာကွယ်ဆေး၊ ဝက်သက်-ဂျိုက်သိုးရောဂါကာကွယ်ဆေး၊ ဂျပန်ဦးနှောက်ရောင်ရောဂါကာကွယ်ဆေး၊ ပိုလီယိုရောဂါကာကွယ်ဆေး (အစက်ချဆေး၊ ထိုးဆေး) များကိုလည်းကောင်း၊ အသက် (၅) နှစ်မှ (၇) နှစ်အရွယ်ကလေးများအား ဆုံဆို့-မေးခိုင်ရောဂါကာကွယ်ဆေး၊ ဝက်သက်-ဂျိုက်သိုးရောဂါကာကွယ်ဆေး၊ ဂျပန်ဦးနှောက်ရောင်ရောဂါကာကွယ်ဆေး၊ ပိုလီယိုရောဂါကာကွယ်ဆေး (အစက်ချဆေး) များကိုလည်းကောင်း၊ အသက် (၇) နှစ်မှ (၁၅) နှစ်အရွယ် ကလေးများအား မေးခိုင်-ဆုံဆို့ရောဂါကာကွယ်ဆေး၊ ဝက်သက်-ဂျိုက်သိုးရောဂါကာကွယ်ဆေး၊ ဂျပန်ဦးနှောက်ရောင်ရောဂါကာကွယ်ဆေးများလည်းကောင်း ထိုးနှံတိုက်ကျွေးပေးလျက်ရှိရာ ၂၀၂၅ ခုနှစ် ဇူလိုင် ၂၅ ရက်မှ စက်တင်ဘာ ၁၅ ရက်အထိ ကလေးစုစုပေါင်း ၁၆၄၈၄ ဦးအား လိုအပ်သော ကာကွယ်ဆေးများ ထိုးနှံတိုက်ကျွေးပေးနိုင်ခဲ့‌ေကြာင်း ၊အသက် (၁၅) နှစ်အောက် ကလေးများအား လိုအပ်သော ကာကွယ်ဆေးများကို အထူးအစီအစဉ်ဖြင့် ကာကွယ်ဆေးထိုးနှံတိုက်ကျွေးရေးလုပ်ငန်းများကို နောင်ချိုမြိုနယ်အပြင် ရှမ်းပြည်နယ် (မြောက်ပိုင်း) အတွင်းရှိ ပုံမှန်ကျန်းမာရေးစောင့်ရှောက်မှုလုပ်ငန်း ဆောင်ရွက်နေသာ မြို့နယ်အားလုံးတွင် ထိုးနှံတိုက်ကျွေးပေးလျက်ရှိသည်။

▪️ နောင်ချိုမြို့နယ်၌ ၂၀၂၅ ခုနှစ် ဇူလိုင် ၂၀ ရက်က မြနန်းတော်ဝင်မင်္ဂလာခန်းမ၌ ယာယီဆေးရုံဖွင့်လှစ်၍ ဒေသခံတိုင်းရင်းသားပြည်သူများအား ကျန်းမာရေးစောင့်ရှောက်ပေးပြီး မြို့နယ်ပြည်သူ့ဆေးရုံကို ဩဂုတ် ၂ ရက်က ပြန်လည်ဖွင့်လှစ်ကာ လူနာများအား လက်ခံကုသပေးခြင်းနှင့် အရေးပေါ်ခွဲစိတ်ကုသပေးခြင်းလုပ်ငန်းများ ဆောင်ရွက်ပေးလျက်ရှိရာ ထိုဒေသအနီးတစ်ဝိုက်မှ ဒေသခံတိုင်းရင်းသားပြည်သူများ လာရောက်ကုသမှုခံယူလျက်ရှိပြီး စက်တင်ဘာ ၁၅ ရက်အထိ နောင်ချိုမြို့နယ် ပြည်သူ့ဆေးရုံ၌ ပြင်ပလူနာ ၃၅၉၅ ဦးနှင့် အတွင်းလူနာ ၄၂၁ ဦးအား လိုအပ်သောကုသမှုများ ဆောင်ရွက်ပေးခဲ့ကြောင်း သိရသည်။

#YMG/NN #Yangon_Times

#Local_News
Published 17 September 2025

▪️ ရန်ကုန်မြို့ရှိ လသာမြို့နယ် ၊မဟာဗန္ဓုလလမ်းနှင့် ရွှေတိဂုံဘုရားလမ်း ထောင့်၌ယနေ့မနက်အစောပိုင်းတွင် လူတစ်ဦးတိုက်ပေါ်မှပြုတ်ကျနေကြောင်း မြန်မာနိုင်ငံမီးသတ်တပ်ဖွဲ့မှသိရသည်။

▪️ စက်တင်ဘာ ၁၇ ရက်နေ့၊ မနက် ၁နာရီ၅၈ မိနစ်အချိန်ခန့်က ရန်ကုန်တိုင်းဒေသကြီး၊ လသာမြို့နယ်၊ (၈)ရပ်ကွက်၊ မဟာဗန္ဓုလလမ်းနှင့် ရွှေတိဂုံဘုရားလမ်းထောင့် တိုက်ပေါ်မှ လူတစ်ဉီး ပြုတ်ကျရာမှအောက်ရှိ ဂမုန်းပွင့်အဆောက်အဦပေါ်ရှိအမိုးပေါ်သို့တင်နေကြောင်း သိရသည်။

▪️ အဆိုပါ သတင်းရရှိ၍ ကျောက်တံတားမြို့နယ်မီးသတ်စခန်းမှ ရှာဖွေကယ်ဆယ်ရေယာဉ် (၁)စီး ထွက်ခွာခဲ့ကာ မနက် ၂ နာရီခွဲ အချိန်၌ ကယ်ဆယ်ပြီးစီး၍ ကျား(၁)ဦး ထိခိုက်ဒဏ်ရာရ(မစိုးရိမ်ရ)အား လသာမြို့နယ်(၂)ရပ်ကွက်၊ (၁၇)လမ်း(အထက်)၊ ပရဟိတအသင်းမှလူနာတင်ယာဉ်ဖြင့် ရန်ကုန်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်းသိရသည်။

#YMG/NN #Yangon_Times

#Local_News
Published 17 September 2025

▪️ ဟိုတယ်လုံခြုံရေးဝန်ထမ်းများအတွက် မြန်မာ့ရိုးရာသိုင်းသင်တန်းကို နေပြည်တော်တွင် ယမန်နေ့ကစတင်ဖွင့်လှစ်လိုက်ပြီး ရန်ကုန်နှင့်မန္တလေးတွင်လည်း ဆက်လိုက်ဖွင့်လှစ်သွားမည်ဖြစ်ကြောင်း သိရသည်။

▪️ နေပြည်တော်ဟိုတယ်ဇုန်ရှိ ဟိုတယ်များတွင် တာဝန်ထမ်းဆောင်လျက်ရှိသော လုံခြုံရေးဝန်ထမ်းများ၏ စွမ်းဆောင်ရည်ကို ပိုမိုမြှင့်တင်ပေးနိုင်ရန် ရည်ရွယ်ချက်ဖြင့် ရိုးရာကိုယ်ခံပညာနှင့် မြန်မာ့ရိုးရာသိုင်းသင်တန်းဖွင့်ပွဲကို နေပြည်တော်ဟိုတယ်ဇုန် (၁) ရှိ ရွှေနန်းတော်ဟိုတယ်၌ ကျင်းပခဲ့ခြင်းဖြစ်သည်။

▪️ အခမ်းအနားတွင် ပြည်ထောင်စုဝန်ကြီးက ယခုဖွင့်လှစ်သည့် ရိုးရာကိုယ်ခံပညာနှင့် မြန်မာ့သိုင်းသင်တန်းတွင် နေပြည်တော်ဟိုတယ်ဇုန်ရှိ ဟိုတယ်များတွင် လုံခြုံရေးအဓိကတာဝန်ယူထမ်းဆောင်နေကြသည့် ဝန်ထမ်းများအတွက် ဖွင့်လှစ်ပို့ချပေးခြင်းဖြစ်ပြီး ရန်ကုန်နှင့် မန္တလေးမြို့များတွင် ဆက်လက်ဖွင့်လှစ်ပို့ချပေးသွားမည်ဖြစ်ကြောင်း၊ ရိုးရာကိုယ်ခံပညာနှင့် မြန်မာ့သိုင်းပညာရပ်သည် ကျန်းမာရေးအရလည်း ကိုယ်ခန္ဓာကျန်းမာသန်စွမ်းမှု ရရှိစေနိုင်သည့်အပြင် မိမိ ကိုယ်ကိုလုံခြုံမှု၊ လျင်မြန်ဖျတ်လတ်မှု၊ ဖြတ်ထိုးဉာဏ်ကောင်းမွန်မှု၊ ဆုံးဖြတ်ချက်မှန်ကန်စွာ ချမှတ်နိုင်မှု၊ အပြန်အလှန်လေးစားမှုစသည့် အကျိုးကျေးဇူးများကို ရရှိစေနိုင်မည်ဖြစ်ကြောင်း၊ သင်တန်းသားများအနေဖြင့် ကိုယ်ခံပညာကို စနစ်တကျတတ်မြောက်ထားခြင်းဖြင့် မိမိတို့၏ လုပ်ငန်းတာဝန်များကို ယုံကြည်မှုရှိရှိနှင့် ပြည့်ပြည့်ဝဝတာဝန်ထမ်းဆောင်နိုင်မည်ဖြစ်ကြောင်း၊ မြန်မာ့ရိုးရာ သိုင်းပညာရပ် ဆက်လက်ပြန့်ပွားနိုင်ရေးအတွက် အားလုံးဝိုင်းဝန်းပူးပေါင်းဆောင်ရွက်ပေးကြစေလိုကြောင်း တိုက်တွန်းပြောကြားပြီး ရိုးရာကိုယ်ခံပညာနှင့် မြန်မာ့သိုင်းသင်တန်းနည်းပြများအား ချီးမြှင့်ထောက်ပံ့ငွေနှင့် အမှတ်တရလက်ဆောင်များ ပေးအပ်ခဲ့‌ကြောင်းသိရသည်။

▪️ အဆိုပါသင်တန်းသို့ နေပြည်တော်ပြည်ထောင်စုနယ်မြေ ဟိုတယ်ဇုန်အတွင်းရှိ ဟိုတယ်များမှ လုံခြုံရေးဝန်ထမ်းများ တက်ရောက်ကြပြီး ရက်သတ္တပတ် လေးပတ်ကြာ ဖွင့်လှစ်သင်ကြားပေးသွားမည်ဖြစ်ကြောင်း သိရသည်။

#YMG/SW #Yangon_Times

#World_News
Published 17 September 2025

▪️ ဘင်္ဂလားဒေ့ရှ် နယ်ခြားစောင့်တပ်ဖွဲ့ (BGB) က မနေ့က ထုတ်ပြန်တဲ့ ကြေညာချက်တစ်ခုမှာ Arakan Army(AA) ဟာ ရာဘ မူးယစ်ဆေးဝါး ကုန်သွယ်မှုမှာ ပါဝင်ပတ်သက်နေတယ်လို့ ပြောပါတယ်။

▪️ ရာမူးစစ်ကြောင်းမှူး ဗိုလ်မှူးကြီး မိုဟီဒူဒင် အာမက်က Cox's Bazar ဟိုတယ်တစ်ခုမှာ သတင်းထောက်တွေနဲ့ တွေ့ဆုံချိန်မှာ "ရာဘ မူးယစ်ဆေးဝါးတွေကို ဘင်္ဂလီတွေက အဓိက မှောင်ခို ကူးကြပါတယ်။
သူတို့က ဆေးပြားတွေကို အရမ်းမြန်မြန် သယ်ဆောင်တာကြောင့် ဖမ်းရဆီးရတာ ခက်ခဲပါတယ်။ ကျွန်တော်တို့နိုင်ငံက အကျိုးအမြတ်ကို မက်မောတဲ့ မသမာသူတချို့ဟာ မြန်မာနိုင်ငံက AA ဆီကနေ ရာဘတွေကို ဘင်္ဂလားဒေ့ရှ်ထဲကို သယ်ဆောင်လာကြပါတယ်" လို့ ပြောပါတယ်။

▪️ ဒီသတင်းစာရှင်းလင်းပွဲမှာ မူးယစ်ဆေးဝါးနဲ့ လက်နက်တွေ ဖမ်းဆီးရမိမှုနဲ့ နယ်စပ်လုံခြုံရေးကို တိုးမြှင့်ဖို့ အစီအမံအသစ်တွေအကြောင်းကို မီးမောင်းထိုးပြထားပါတယ်။

▪️ စာဖြင့်ရေးသားထားတဲ့ ကြေညာချက်မှာ ဗိုလ်မှူးကြီး မိုဟီဒူဒင်က ကမ်းရိုးတန်းဒေသတွေကနေ မူးယစ်ဆေးဝါး မှောင်ခိုကူးတာဟာ အခုအခါမှာ အကြီးမားဆုံး စိန်ခေါ်မှုတစ်ခု ဖြစ်လာတယ်လို့ ပြောပါတယ်။

▪️ "ဥက္ကိယ-တက္ကနက် နယ်စပ်တစ်လျှောက်မှာ တင်းကျပ်တဲ့ စောင့်ကြည့်မှုတွေကြောင့် မှောင်ခိုသမား တွေဟာ ပင်လယ်ရေကြောင်းကနေ လှုပ်ရှားလာပါတယ်။ မူးယစ်ဆေးဝါးရဲ့ ၈၀ ရာခိုင်နှုန်းနီးပါးဟာ Maheshkhali၊ Banshkhali၊ Kutubdia၊ Anwara နဲ့ Kuakata ကမ်းရိုးတန်းတွေကနေ ဘင်္ဂလား ဒေ့ရှ်ထဲကို ဝင်ရောက်တယ်လို့ ခန့်မှန်းရပါတယ်။ ဒီလမ်းကြောင်းတွေကနေ မူးယစ်ဆေးဝါးတွေဟာ ဘင်္ဂလားဒေ့ရှ်ပြည်တွင်းမှာသာမက တခြားနိုင်ငံတွေကိုပါ မှောင်ခိုကူးခံရတာကြောင့် ကျွန်တော်တို့ရဲ့ လူငယ်တွေနဲ့ စီးပွားရေးအတွက် အကြီးအကျယ် ခြိမ်းခြောက်မှုဖြစ်ပါတယ်" လို့ သူက ပြောပါတယ်။

▪️ သူက ဘင်္ဂလားဒေ့ရှ် ငါးဖမ်းလှေတွေဟာ အမှောင်ထဲမှာ မြန်မာရေပိုင်နက်ထဲကို ဖြတ်ကျော် သွားလာနေတဲ့ ရေဒါပုံရိပ်တွေကိုလည်း ပြသခဲ့ပါတယ်။

▪️ မူးယစ်ဆေးဝါး မှောင်ခိုကူးတာကို တားဆီးဖို့အတွက် BGB၊ ရေတပ်နဲ့ ကမ်းခြေစောင့်တပ်တို့ ပူးပေါင်းဆောင်ရွက်နေကြတယ်လို့လည်း သူက ထပ်လောင်းပြောပါတယ်။

▪️ နိုင်းချောင်ဆရီ နယ်စပ်ဟာလည်း အားနည်းချက်တွေရှိလာတယ်လို့ သူက ဆက်ပြောပါတယ်။ "ခက်ခဲကြမ်းတမ်းတဲ့ မြေမျက်နှာသွင်ပြင်နဲ့ ဆက်သွယ်ရေး အားနည်းတာကြောင့် ဒီဒေသကို စောင့်ကြည့်ဖို့က အရမ်းကို စိန်ခေါ်မှုဖြစ်ပါတယ်" လို့ BGB စစ်ကြောင်းမှူးက ထပ်လောင်းပြောပါတယ်။

▪️ မြန်မာအာဏာပိုင်တွေက ဘင်္ဂလားဒေ့ရှ် ငါးဖမ်းသမားတွေကို မကြာခဏ ဖမ်းဆီးနေတဲ့ကိစ္စနဲ့ ပတ်သက်ပြီး မိုဟီဒူဒင်က ငါးဖမ်းသမားတွေဟာ မတော်တဆဖြစ်စေ၊ တမင်ဖြစ်စေ မြန်မာရေပိုင်နက်ထဲကို ဖြတ်ကျော်ဝင်ရောက်မှသာ ဖမ်းဆီးခံရတယ်လို့ ဆိုပါတယ်။

▪️ " AA က ဘင်္ဂလားဒေ့ရှ်ထဲကို ဝင်ရောက်ပြီး ငါးဖမ်းသမားတွေကို ဖမ်းဆီးတဲ့ ဖြစ်စဉ်မျိုး တစ်ခါမှ မဖြစ်ဖူးပါဘူး။ ကျွန်တော်တို့က ကျွန်တော်တို့ရဲ့ ငါးဖမ်းသမားတွေကို ရေကြောင်းနယ်နိမိတ်ကို မဖြတ်ကျော်ဖို့ အမြဲတမ်း သတိပေးနေပါတယ်" လို့ သူက ထပ်ပြောပါတယ်။

ဇူလိုင်လ ၁၅ ရက်နေ့ကစပြီး BGB ဟာ Cox's Bazar နဲ့ Bandarban နယ်စပ်ဒေသတွေကနေ ရာဘဆေးပြား ၂၈ သိန်းလောက်ကို ဖမ်းဆီးရမိခဲ့ပါတယ်။ ဒီကာလအတွင်းမှာ သေနတ် ၂၂ လက်နဲ့ ခေတ်မီရိုင်ဖယ်တွေကိုလည်း ပြန်လည်သိမ်းဆည်းရမိခဲ့ပါတယ်။

▪️ တစ်ချိန်တည်းမှာပဲ သီးခြားကြေညာချက်တစ်ခုမှာ တရားမဝင် လက်နက်မှောင်ခိုကူးတာကို တားဆီးဖို့အတွက် နိုင်ငံရဲ့ နယ်စပ်တွေတစ်လျှောက်မှာ ထောက်လှမ်းရေး စောင့်ကြည့်မှုနဲ့ စစ်ဆင်ရေး တွေကို တိုးမြှင့်လိုက်ပြီလို့လည်း ပြောပါတယ်။

▪️ ကြေညာချက်အရ၊ ပြီးခဲ့တဲ့ သုံးလအတွင်း ဖမ်းဆီးရမိမှုတွေမှာ ပြည်တွင်းဖြစ်နဲ့ နိုင်ငံခြားဖြစ် ပစ္စတို ၁၆ လက်၊ reolver ၂ လက်၊ SMG သေနတ် ၂ လက်၊ ရိုင်ဖယ် ၅ လက်၊ လက်လုပ်သေနတ် ၁၆ လက်၊ သေနတ် တို၃ လက်၊ မော်တာကျည် ၃ လုံး၊ လက်ပစ်ဗုံး ၈ လုံး၊ တခြားလက်နက်အမျိုးအစား ၂၇ ခု၊ ကျည်အိမ် ၂၁ ခုနဲ့ ကျည် ၁,၀၀၃ တောင့်တို့ ပါဝင်ပါတယ်။

Source The Daily Star

#World_Health
Published 17 September 2025

▪️ လက်နှစ်ဖက်စလုံးဖြင့် စာရေးတတ်အောင် လေ့ကျင့်ခြင်းက ဦးနှောက်အတွက် အလွန်အကျိုးရှိနိုင်ဖွယ်ရှိကြောင်း CARE ဆေးရုံမှ အာရုံကြောအထူးကု ဒေါက်တာမူရယ်လီခရစ်ရှ်နာက ပြောသွားပါတယ်။

▪️ မတူညီတဲ့လက်ဖြင့် စာရေးခြင်းဟာ ဦးနှောက်ရဲ့ မတူညီတဲ့အခြမ်းတွေကို လှုံ့ဆော်ပေးပါတယ်။

▪️ နှစ်ဖက်စလုံးဖြင့် စာရေးလေ့ကျင့်ခြင်းဖြင့် ဦးနှောက်ရဲ့ မတူညီတဲ့အခြမ်းတွေကြား ပူးပေါင်းဆောင်ရွက်စေကာ ဦးနှောက်အသိဉာဏ်စွမ်းရည်ကို ကောင်းကျိုးရှိစေတယ်လို့ အထောက်အထား တွေ့ရပါတယ်။

▪️ ဦးနှောက်ရဲ့ ဖွဲ့စည်းပုံပြောင်းလဲပုံ အလိုက်သင့်ပြောင်းလဲနိုင်စွမ်း မြှင့်တင်ပေးကာ ပြဿနာဖြေရှင်းနိုင်စွမ်းကို တိုးတက်စေတယ်လို့ ပြောပါတယ်။

▪️ လက်နှစ်ဖက်စလုံး အသုံးပြုခြင်းဖြင့် ဦးနှောက်ရဲ့ နှစ်ခြမ်းစလုံးကို လှုံ့ဆော်ပေးပြီး ဘယ်ဘက်ခြမ်းက ကျိုးကြောင်းတွေးတောခြင်းနဲ့ ညာဘက်ခြမ်းက ဖန်တီးနိုင်စွမ်းတို့ရဲ့ ပူးပေါင်းလုပ်ဆောင်မှုကို တိုးတက်စေတယ်လို့ ဆိုပါတယ်။

▪️ သမားရိုးကျမဟုတ်တဲ့ ရှုထောင့်တွေကနေ စဉ်းစားတတ်စေပြီး တွေးခေါ်ဖန်တီးနိုင်စွမ်းလမ်းကြောင်းသစ်တွေ ဖွင့်ပေးနိုင်ပါတယ်။

▪️ ဒါပေမဲ့ ဘေးထွက်ဆိုးကျိုးတွေအနေနဲ့ မသန်တဲ့လက်ဖြင့် အလွန်အကျွံအသုံးပြုတဲ့အခါ စိတ်ပျက်ရခြင်း၊ စိတ်အားထက်သန်မှု လျော့နည်းခြင်း၊ ထိခိုက်ဒဏ်ရာရတတ်ခြင်း၊ စိတ်နဲ့ခန္ဓာ ပေါင်းစပ်လှုပ်ရှားမှု မှားယွင်းတတ်ခြင်းတို့ ဖြစ်နိုင်ပါတယ်။

▪️ ဒီလိုလေ့ကျင့်အသုံးပြုသူတွေက အခြားလူတွေထက် အသိဉာဏ်လုပ်ဆောင်ချက် ထူးခြားတယ်လို့ သိရသလို ဦးနှောက်လုပ်ဆောင်မှုအမြန်နှုန်း ကျဆင်းသွားတတ်ပါတယ်။

Source: Indian Express

#World_Health
Published 17 September 2025

▪️ TikTok ကို အမေရိကန်မှာ ဆက်လက်လည်ပတ်စေမယ့်အကြောင်း အမေရိကန်နဲ့ တရုတ်တို့ကြား သဘောတူညီချက်တစ်ခုကို သမ္မတဒေါ်နယ်ထရမ့်က အင်္ဂါနေ့မှာ ကြေညာလိုက်ကြောင်း သတင်းရင်းမြစ် ၃ ခုက ပြောပါတယ်။

▪️ သဘောတူညီချက်အရ TikTok ရဲ့ အမေရိကန်အချက်အလက် ပိုင်ဆိုင်မှုတွေကို တရုတ် ByteDance ကုမ္ပဏီထံကနေ အမေရိကန်ပိုင်ရှင်များသို့ လွှဲပြောင်းပေးရမှာဖြစ်ပြီး တစ်နှစ်နီးပါးကြာမြင့်နေပြီဖြစ်တဲ့ ဒီပြဿနာကြီး ပြေရှင်းဖို့ အလားအလာရှိနေပါတယ်။

▪️ အမေရိကန်မှာ သုံးစွဲသူပေါင်း သန်း ၁၇၀ လောက်ရှိနေတဲ့ TikTok ဆိုရှယ်မီဒီယာအက်ပ်အတွက် သဘောတူညီချက်ရရှိတာဟာ အင်အားကြီးနိုင်ငံနှစ်ခုကြား လနဲ့ချီဆွေးနွေးမှု အောင်မြင်တဲ့သဘော ဖြစ်လာမှာပါ။

▪️ TikTok ကို ဝယ်ယူလိုတဲ့ ကုမ္ပဏီအုပ်စုကြီးတွေ ရှိတယ်လို့ ထရမ့်က အိမ်ဖြူတော်မှာ ပြောကြားခဲ့ပါတယ်။

▪️ TikTok ကို ရောင်းချမှာလား ပိတ်သိမ်းခံမှာလားဆိုတဲ့ ဆုံးဖြတ်ချက်ချမှတ်ဖို့ နောက်ဆုံးသတ်မှတ်ရက်ကို ဒီဇင်ဘာ ၁၆ ရက်နေ့အထိ တိုးပေးထားပါတယ်။

▪️ အမေရိကန်မှ TikTok အသုံးပြုသူတွေရဲ့ အချက်အလက်တွေကို တရုတ်အစိုးရယူသုံးမှာကို အမေရိကန်စိုးရိမ်တဲ့အတွက် ဒီလိုမျိုးလုပ်ဆောင်တာ ဖြစ်ပါတယ်။

▪️ အပြီးသတ်မှာ ဘယ်လိုသဘောတူညီချက်တွေ အတိအကျထွက်လာမလဲဆိုတာတော့ သတင်းရင်းမြစ်တွေ သေချာမပြောနိုင်သေးပါဘူး။

▪️ အမေရိကန် နိုင်ငံတော်လုံခြုံရေးအတွက် သင့်တင့်တဲ့ လုံခြုံစိတ်ချရမှု မရဘဲနဲ့တော့ သဘောတူညီချက် ဖြစ်လာမှာမဟုတ်ဘူးလို့ အမေရိကန်ဘဏ္ဍာရေးဝန်ကြီး စကော့ဘက်ဆန့်က ပြောသွားပါတယ်။

Source: Reuters