#Local_News
Published 20 April 2026

■ သရုပ်ဆောင် အကယ်ဒမီ ခိုင်နှင်းဝေက ခိုကိုးရာမဲ့ သက်ကြီးရွယ်အို အဘိုးအဘွားများ အတွက် “ခိုင်နှင်းဝေ ဘိုးဘွားရိပ်သာ” ကို မန္တလေးမြို့၌ တည်ထောင်ဖွင့်လှစ်သွားမည်ဖြစ်ကြောင်း သိရသည်။

■ အဆိုပါ ကိစ္စရပ်နှင့်ပတ်သက်ပြီး ခိုင်နှင်းဝေက “အားလုံးပဲ မင်္ဂလာပါရှင်…“ခိုင်နှင်းဝေ ဖောင်ဒေးရှင်း” က မကြာမီလပိုင်းအတွင်း ခိုကိုးရာမဲ့သော၊ ဂီလာနဘိုးဘွားတွေအတွက် “ခိုင်နှင်းဝေ ဘိုးဘွားရိပ်သာ”ကို မန္တလေးမြိုမှာ တည်ထောင်ဖွင့်လှစ်ဖြစ်ပါမယ်ရှင့်။ အမှန်တကယ် ခိုကိုးစရာမဲ့နေတဲ့ ဘိုးဘွားတွေလျှောက်လွှာတွေတင်ပေးလို့ရပါတယ်”အသိပေးပြောကြားထားသည်။

■ “ခိုင်နှင်းဝေ ဘိုးဘွားရိပ်သာ” တွင် လျှောက်လွှာတင်ထားသည့် ခိုးကိုးရာမဲ့ ဘိုးဘွားများကို သေချာ စိစစ်စောင့်ရှောက်ပေးသွားမည် ဖြစ်ပြီး မိမိပတ်ဝန်းကျင်တွင် အမှန်တ ကယ် ခိုကိုးရာမဲ့သော ဘိုးဘွားများအတွက်လည်း Viber ဖုန်းနံပါတ် 09 793 842 208 ကိုဆက်သွယ်ပေးနိုင်ကြောင်းသိရသည်။

■ ပရဟိတမင်းသမီးအဖြစ် နာမည်ကြီးသည့် ခိုင်နှင်းဝေအနေဖြင့် လက်ရှိတွင် ခိုင်နှင်းဝေ ရင်သွေးလေးများဂေဟာကို တည်ထောင်ထားရှိကာ မိဘမဲ့ကလေးငယ်များအား ကယ်တင်စောင့်ရှောက်လျှက်ရှိကြောင်း သိရသည်။

#YMG/SW #Yangon_Times

#World_News
Published 20 April 2026

■ ပိတ်ဆို့တားဆီးထားတဲ့ကြားထဲက ဖြတ်ပြေးဖို့ကြိုးစားတဲ့ အီရန်ကုန်တင်သင်္ဘောတစ်စင်းကို အမေရိကန်က ဖမ်းဆီးလိုက်တယ်လို့ တနင်္ဂနွေနေ့က ပြောပါတယ်။

■ အီရန်ကလည်း လက်တုံ့ပြန်မယ်လို့ ပြောလိုက်ကာ နှစ်နိုင်ငံကြား အပစ်အခတ်ရပ်စဲရေးက ၂ ရက်တောင် ခံနိုင်ဖွယ်မရှိပါဘူး။

■ အပစ်အခတ်ရပ်စဲရေး သက်တမ်းမကုန်ခင် အမေရိကန်က နောက်ထပ်ညှိနှိုင်းလိုပေမယ့် အီရန်ကတော့ ပါဝင်သွားဖွယ် မရှိဘူးလို့ ဆိုထားတာကြောင့် ဒေသတွင်းငြိမ်းချမ်းရေး တာရှည်ခံအောင် ကြိုးပမ်းအားထုတ်နေတာတွေ မရေမရာ ဖြစ်လာနိုင်ပါတယ်။

■ သင်္ဘောလမ်းကြောင်း ကြာရှည်ပိတ်ဆို့ခံထားရတာကြောင့် ကမ္ဘာ့ရေနံဈေး ဆက်လက်မြင့်တက်နေနိုင်ပါတယ်။

■ အမေရိကန်က အီရန်ဆိပ်ကမ်းတွေကို ဆက်လက်ပိတ်ဆို့ထားသလို အီရန်ကလည်း ဟော်မုဇ်ရေလက်ကြား ဖြတ်သန်းမှုတွေကို ပြန်လည်ပိတ်ဆို့လိုက်ပါတယ်။

■ အီရန်အလံထူထားတဲ့ ကုန်တင်သင်္ဘောတစ်စင်းကို အမေရိကန်စစ်တပ် ပစ်ခတ်ခဲ့ပြီး လုံးဝထိန်းသိမ်းလိုက်ကာ ဘာတွေပါလာလဲဆိုတာ စစ်ဆေးနေတယ်လို့ သမ္မတ ဒေါ်နယ်ထရမ့်က ဆိုရှယ်မီဒီယာမှာ ဖော်ပြထားပါတယ်။

■ အမေရိကန်တပ်ရဲ့ လက်နက်ပြအနိုင်ကျင့်ခြင်းကို အီရန်အစ္စလာမ်တပ်တွေက လက်တုံ့ပြန်သွားမယ်လို့ အီရန်တပ်မတော်မှ ပြောရေးဆိုခွင့်ရှိသူ ပြောပါတယ်။

■ ပါကစ္စတန်က ငြိမ်းချမ်းရေးဆွေးနွေးမှုတွေ ပြင်ဆင်နေပေမယ့် အစ္စလာမာဘက်မှာ လုံခြုံရေးတင်းကြပ်မှုတွေ မြှင့်တင်ထားတဲ့ကြားက သံတမန်ရေးရာ ဆွေးနွေးမှုအခြေအနေတွေ မရေမရာ ဖြစ်နေပါတယ်။

Source: Reuters

မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် (𝐌𝐂𝐄𝐅) ရဲ့နှစ်(၃၀) ပြည့် ပုလဲရတုအထိမ်းအမှတ်အဖြစ်ကုန်စည်ပြပွဲကြီး တစ်ခုကိုပြုလုပ်သွားမယ်လို့သိရပါတယ်။

#Local_News
Published 20 April 2026
#𝐌𝐂𝐄𝐅
#YMG/SW #Yangon_Times

မကွေးတိုင်းဒေသကြီး၊ မင်းဘူး(စကု)မြို့နယ်ရှိ မန်းရွှေစက်တော်ရာဘုရား ဗုဒ္ဓပူဇနိယပွဲတော်ကာလအတွင်း ဘုရားဖူးရဟန်းရှင်လူ ပြည်သူနှစ်သိန်း ကျော် လာရောက်ဖူးမျှော်ခဲ့ကြတယ်လို့ မန်းရွှေစက်တော်ဘုရား ဂေါပကအဖွဲ့က သိရပါတယ်။

#Local_News
Published 20 April 2026
#မန်းရွှေစက်တော်ဘုရားပွဲ #မကွေးတိုင်းဒေသကြီး
#YMG/NN #Yangon_Times

စားသုံးသူကာကွယ်ရေးလုပ်ငန်းများဖြစ်သည့် ဈေးကွက်စောင့်ကြည့်စစ်ဆေးလုပ်ငန်းများဆောင်ရွက်ရာတွင် ယခုဘဏ္ဍာနှစ်တွင် ကုန်စည်(၁၀)မျိုးကို ဦးစားပေးစစ်ဆေးသွားမှာဖြစ်တယ်လို့ စားသုံးသူရေးရာဦးစီးဌာနမှ သိရပါတယ်။

#Local_News
Published 20 April 2026
#ကုန်စည်
#YMG/SW #Yangon_Times

အထူးသက်သာတဲ့ဈေးနဲ့ဓာတ်မြေဩဇာတွေကို နေပြည်တော်ကောင်စီနယ်မြေအတွင်း ကျေးရွာ ၆ ရွာရှိ တောင်သူတွေထံ တိုက်ရိုက်ဖြန့်ဖြူး ရောင်းချပေးခဲ့တယ်လို့ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနက သိရပါတယ်။

#Local_News
Published 20 April 2026
#ဓာတ်မြေဩဇာ
#YMG/NN #Yangon_Times

#Daily_News
Published 20 April 2026

၁။‌ 𝐌𝐂𝐄𝐅 နှစ်(၃၀) ပြည့် ပုလဲရတုအထိမ်းအမှတ်ကုန်စည်ပြပွဲပြုလုပ်မည်

‌‎၂။ ‌‌‌‌‌‌‌‌‌‌‌မန်းရွှေစက်တော်ဘုရားပွဲကာလအတွင်း ဘုရားဖူးနှစ်သိန်းကျော် လာရောက်ဖူးမျှော်ခဲ့

‎၃။‌‌‎ ‌‌‌‌‌‌‌‌‌ဈေးကွက်စောင့်ကြည့်စစ်ဆေးခြင်းလုပ်ငန်းစဉ်တွင် ကုန်စည်(၁၀)မျိုးကို ဦးစားပေးစစ်ဆေးမည်

‎၄။‎ ‌‌‌‌‌‌‌‌‌စစ်ပွဲပဋိပက္ခများကြောင့်ရေနံဈေးနှုန်းမြင့်တက်ရာကနေ တရုတ်လျှပ်စစ်ဘီးများပိုမိုရောင်းချလာရ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 20 April 2026

■ မြန်မာ-ရုရှား-တရုတ် သုံးနိုင်ငံပူးပေါင်း၍ စွမ်းအင်လုံခြုံရေးနှင့် စွမ်းအင်ဖူလုံရေး ဆောင်ရွက်သွားမည့် အစီအမံများအား ဆွေးနွေးခဲ့ကြောင်းသိရသည်။

■ လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်သည် ရုရှားဖက်ဒရေးရှင်းနိုင်ငံ သမ္မတ၏အကြံပေးပုဂ္ဂိုလ် H.E. Mr. Anton Kobyakov နှင့် ရုရှားဖက်ဒရေးရှင်းနိုင်ငံ စွမ်းအင်ဝန်ကြီး H.E. Mr. S.E.Tsivilev တို့၏ဖိတ်ကြားမှုအရ မြန်မာနိုင်ငံနှင့် ရုရှားနိုင်ငံတို့အကြား လျှပ်စစ်နှင့်စွမ်းအင်ကဏ္ဍ ပူးပေါင်းဆောင်ရွက်မှုကိုမြှင့်တင်နိုင်ရန် ဧပြီ ၁၂ ရက်မှ ၁၉ ရက်အထိ ရုရှားဖက်ဒရေးရှင်းနိုင်ငံနှင့် တရုတ်နိုင်ငံတို့သို့သွားရောက်ခဲ့ပြီး ယမာန်နေ့မွန်းလွဲပိုင်းက မန္တလေးအပြည်အပြည်ဆိုင်ရာလေဆိပ်သို့ ပြန်လည်ရောက်ရှိသည်။

■ အဆိုပါ ခရီးစဉ်အတွင်း ပြည်ထောင်စုဝန်ကြီးသည် နိုင်ငံအကြီးအကဲများနှင့် ဒေသဆိုင်ရာအကြီးအကဲများ၊ လျှပ်စစ်နှင့်စွမ်းအင်ကဏ္ဍနှင့်သက်ဆိုင်သည့် အဖွဲ့အစည်းအသီးသီးမှ တာဝန်ရှိသူများနှင့်တွေ့ဆုံ၍ မြန်မာ-ရုရှား-တရုတ် သုံးနိုင်ငံပူးပေါင်း၍ စွမ်းအင်လုံခြုံရေးနှင့် စွမ်းအင်ဖူလုံရေးဆောင်ရွက်သွားမည့် အစီအမံများအားဆွေးနွေးခြင်း၊ မြန်မာနိုင်ငံအတွက် ရေနံနှင့်‌ ရေနံထွက်ပစ္စည်းများအား ရေရှည်ဖြည့်ဆည်းပေးနိုင်ရန် သဘောတူညီမှုလက်မှတ်ရေးထိုးခြင်းတို့ကို ဆောင်ရွက်နိုင်ခဲ့ကြောင်း သိရသည်။

#YMG/NN #Yangon_Times

#Local_News
Published 20 April 2026

■ လျှပ်စစ်နှင့်စွမ်းအင်ဝန်ကြီးဌာန၊ ပြည်ထောင်စုဝန်ကြီးဦးဆောင်သောမြန်မာကိုယ်စားလှယ်အဖွဲ့ သည် ရုရှားနိုင်ငံ၊ မော်စကိုမြို့ရှိ လျှပ်စစ်ဓာတ်အားထိန်းချုပ်သည့်စနစ်နှင့် တရုတ်နိုင်ငံ၊ ကွမ်ကျိုးမြို့ရှိ စွန့်ပစ်အမှိုက်များမှ လျှပ်စစ်ဓာတ်အားထုတ်ယူသည့် စက်ရုံများလေ့လာကြည့်ရှုခဲ့ကြောင်း သိရသည်။

■ ထိုသို့ လေ့လာရာတွင် လျှပ်စစ်နှင့်စွမ်းအင်ဝန်ကြီးဌာန၊ ပြည်ထောင်စုဝန်ကြီးဦးကိုကိုလွင်ဉီးဆောင်သော မြန်မာ ကိုယ်စားလှယ်အဖွဲ့သည် ဧပြီလ ၁၇ ရက်နေ့တွင် ရုရှားနိုင်ငံ၊ မော်စကိုမြို့ရှိ ရုရှားနိုင်ငံတစ်ဝှမ်း လုံးအတွက် ဓာတ်အား ပို့လွှတ်ဖြန့်ဖြူးမှုအား ထိန်းချုပ်သည့် Russian Power System Operator သို့သွားရောက် လေ့လာကြည့်ရှုခဲ့ရာ ဒုတိယဥက္ကဋ္ဌက စွမ်းအင်အရင်းအမြစ်မျိုးစုံမှ လျှပ်စစ်ဓာတ်အား ထုတ်ယူ၍ ပေါင်းစပ်အသုံးပြုခြင်း၊ ( Power Generation Mix) ကို နာရီစဉ်အလိုက်အသုံးပြုသည့် ဝန်အားများအပေါ်တွင် ချိန်ညှိ၍ သုံးစွဲသူတို့ ဈေးနှုန်းအသက်သာဆုံး ဖြစ်စေရန်တွက်ချက်ပြီး Digital Control System ဖြင့် ဓာတ်အားပို့လွှတ်ဖြန့်ဖြူးနေခြင်းဖြစ်ပြီး စိတ်ချယုံကြည်ရသော တည်ငြိမ်သော ဓာတ်အားစနစ်အတွက် အချိန်နှင့်တစ်ပြေးညီ ထိန်းချုပ်ကွပ်ကဲနိုင်ကြောင်း ရှင်းလင်းပြောကြားခဲ့ကြောင်း သိရသည်။

■ ပြည်ထောင်စုဝန်ကြီးက မိမိတို့နိုင်ငံ၏ ရရှိနိုင်သော စွမ်းအင်အရင်းအမြစ်အမျိုးအစားများ အပေါ်တွင် မူတည်၍ အသင့်လျော်ဆုံးဖြစ်စေမည့် Power Generation Mix ကို ရယူအသုံးပြုနိုင်ရန် ဆောင်ရွက်သွား မည်ဖြစ်ပြီး ဓာတ်အားထုတ်ယူမှု၊ ဓာတ်အားပို့လွှတ်မှု၊ ဖြန့်ဖြူးမှုတို့တွင် လေလွင့်ဆုံးရှုံးမှုလျော့နည်း သွားစေခြင်းဖြင့် လျှပ်စစ်ဓာတ်အားပိုမိုအသုံးပြုလာနိုင်မည်ဖြစ်သည့်အပြင် ဝယ်ယူသုံးစွဲသူများ အနေဖြင့်လည်း ဓာတ်အားခပေးဆောင်ရမှုများ သက်သာလာမည်ဖြစ်သည့်အတွက် Power Control System တစ်ခုကို နည်းပညာအကူအညီရယူ၍ တည်ဆောက်လိုကြောင်း ဆွေးနွေးရာနည်းပညာဆိုင်ရာ အဖွဲ့တစ်ခုစေလွတ်ပေးသွားမည်ဖြစ်ပြီး မိမိတို့အဖွဲ့အစည်းသို့လည်း ပညာရှင်များစေလွှတ်၍ လေ့လာစေခြင်း၊ သင်တန်းများ ပို့ချပေးခြင်းတို့ဖြင့် ကူညီဆောင်ရွက်ပေးသွားမည်ဖြစ်ကြောင်း ပြန်လည်ဆွေးနွေးခဲ့ ကြောင်းသိရသည်။

■ ထို့အပြင် ဧပြီလ၁၈ ရက်နေ့တွင် ပြည်ထောင်စုဝန်ကြီးဦးဆောင်သော မြန်မာကိုယ်စားလှယ်အဖွဲ့သည် တရုတ်နိုင်ငံ၊ ကွမ်ကျိုးမြို့နယ်ရှိ GRANDTOP Fushan Circular Economic Industrial Park သို့ ရောက်ရှိရာ ကုမ္ပဏီမှတာဝန်ရှိသူများမှ Industrial Park အတွင်း စွန့်ပစ်အမှိုက်မျိုးစုံမှ လျှပ်စစ်ဓာတ်အားထုတ်လုပ်နိုင်ရန်အတွက် အမှိုက်များအား အမျိုးအစားခွဲခြား၍ သိမ်းဆည်းခြင်းနှင့် သယ်ယူပို့ဆောင်ခြင်းဆောင်ရွက်သည့်လုပ်ငန်းစဉ်များ၊ အမှိုက်မှလျှပ်စစ်ဓာတ်အား ထုတ်လုပ်ခြင်း အတွက် ဆောင်ရွက်လျက်ရှိသည့်လုပ်ငန်းစဉ်အဆင့်ဆင့်၊ စက်ရုံမှထွက်ရှိလာသည့် လျှပ်စစ်ဓာတ်အား များအား ဓာတ်အားဖြန့်ဖြူးရေးလိုင်းများမှတစ်ဆင့် National Grid သို့ ဖြန့်ဖြူးခြင်းလုပ်ငန်းစဉ်များ၊ စက်ရုံ၏ Control Roomမှ စံသတ်မှတ်ချက်များနှင့် ကိုက်ညီမှုရှိမရှိ စောင့်ကြည့်ထိန်းကြောင်းခြင်း ဆောင်ရွက်နေမှုအခြေအနေများအား ရှင်းလင်းပြသကြပြီး ပြည်ထောင်စုဝန်ကြီးက လုပ်ငန်းစဉ် အဆင့်ဆင့်အပေါ် သိရှိလိုသည်များကို ပြန်လည်မေးမြန်းဆွေးနွေးပြီး စက်ရုံသို့စေလွှတ်၍ လေ့လာ သင်ကြားပေးနိုင်ရန်နှင့် တရုတ်နိုင်ငံမှ နည်းပညာဆိုင်ရာအဖွဲ့များ မြန်မာနိုင်ငံသို့စေလွှတ်၍ ကွင်းဆင်း လေ့လာခြင်းများ ဆောင်ရွက်ပေးနိုင်ရန် ဆွေးနွေးပြောကြားသည့်အပေါ် ကုမ္ပဏီ တာဝန်ရှိ သူများမှ လိုအပ်သည်များကို ပူးပေါင်းဆောင်ရွက်သွားမည်ဖြစ်ကြောင်း ဆွေးနွေးပြောကြားခဲ့ ကြောင်း သိရသည်။

■ အဆိုပါ GRANDTOP Fushan Circular Economic Industrial Park ရှိ Guangzhou Waste to Energy Power Plant သည် တရုတ်နိုင်ငံတွင် အကြီးဆုံး အမှိုက်မှ လျှပ်စစ်ဓာတ်အားထုတ်လုပ်သည့် စက်ရုံဖြစ်ပြီး စက်စွမ်းအားမှာ နေ့စဉ် အမှိုက် ၉၃၀၀ တန်၊ နှစ်စဉ်အမှိုက် ၃.၁ သန်းတန် တို့မှ နှစ်စဉ်လျှပ်စစ်ဓာတ်အား ယူနစ်သန်းပေါင်း ၁၂၀၀ ကျော်ခန့် ထုတ်လုပ်၍ National Grid သို့ ဖြန့်ဖြူးရောင်းချပေးလျက်ရှိကြောင်း သိရသည်။

#YMG/NN #Yangon_Times

Nay Pyi Taw - April 18, 2026

With the aim of securing liquefied natural gas (LNG), liquefied petroleum gas (LPG), fertilizers, and crude oil from Russia to Myanmar at discounted prices, as well as guaranteeing quality and transit security, a Memorandum of Cooperation (MOC) on economic and technological cooperation was signed between Myanmar's Ministry of Electricity and Energy and Russia's Investment Development Fund "RC Investments" on April 16, 2026, in Russia.

During the visit to Russia, the Myanmar delegation led by Union Minister for Electricity and Energy U Ko Ko Lwin met with officials from Russia-based companies under the guidance and arrangement of the Russian Ministry of Energy. Through these meetings, arrangements for such a continuous, long-term supply were established based on the friendly relations between the two countries.

In addition, on the afternoon of that day, they met with the Russian company Inter RAO to discuss in detail matters concerning the construction of a coal-fired power plant, an oil refinery, and an LNG terminal at the Dawei Deep Seaport.

To strengthen the operations of the domestic energy sector, the discussions also included coordinating the capacity enhancement of natural gas turbines and engines currently used in Myanmar, their regular maintenance, and practical technical training related to turbine machinery.

It is reported that in addition to the recently signed economic and technological MOC, a further Memorandum of Understanding (MOU) between Myanmar's Ministry of Electricity and Energy and the Ministry of Energy of the Russian Federation will be signed in the near future. This MOU will cover increasing investments across the entire electricity and energy sector, as well as providing training for human resource development.

နေပြည်တော်-ဧပြီ၁၈၊၂၀၂၆

ရုရှားနိုင်ငံမှ မြန်မာနိုင်ငံသို့ သဘာဝဓာတ်ငွေ့ရည် (LNG)၊ ရေနံဓာတ်ငွေ့ရည် (LPG)၊ ဓာတ်မြေဩဇာနှင့် ရေနံစိမ်းကုန်ကြမ်းများကို သက်သာသော ဈေးနှုန်းဖြင့် ရရှိရေး၊ အရည်အသွေးနှင့် လမ်းခရီးလုံခြုံမှု အာမခံချက်ရှိစေရေး ရည်ရွယ်ချက်ဖြင့် မြန်မာနိုင်ငံ လျှပ်စစ်နှင့် စွမ်းအင်ဝန်ကြီးဌာနနှင့် ရုရှားနိုင်ငံ Investment Development Fund “RC Investments” တို့အကြား စီးပွားရေးနှင့် နည်းပညာဆိုင်ရာ ပူးပေါင်းဆောင်ရွက်မှုစာချွန်လွှာ (Memorandum Of Cooperation - MOC) ကို ၂၀၂၆ ခုနှစ်၊ ဧပြီလ ၁၆ ရက်နေ့တွင် ရုရှားနိုင်ငံ၌ လက်မှတ်ရေးထိုးခဲ့သည်။

လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင် ဦးဆောင်သော မြန်မာကိုယ်စားလှယ်  အဖွဲ့သည် ရုရှားခရီးစဉ်အတွင်း ရုရှားစွမ်းအင်ဝန်ကြီးဌာန၏ ကူညီပံ့ပိုးစီမံမှုဖြင့် ရုရှားအခြေစိုက် ကုမ္ပဏီ  တာဝန်ရှိသူများနှင့် တွေ့ဆုံခဲ့ပြီး ယခုကဲ့သို့ စဉ်ဆက်မပြတ် ရေရှည်ထောက်ပံ့နိုင်မည့် အစီအမံများကို နှစ်နိုင်ငံ ချစ်ကြည်ရင်းနှီးမှုကို အခြေခံ၍ ချမှတ်နိုင်ခဲ့ခြင်းဖြစ်သည်။

ထို့ပြင် ထိုနေ့မွန်းလွဲပိုင်းတွင် ရုရှားနိုင်ငံ Inter RAO ကုမ္ပဏီနှင့် တွေ့ဆုံကာ ထားဝယ်ရေနက်ဆိပ်ကမ်း၌ ကျောက်မီးသွေးသုံး လျှပ်စစ်ဓာတ်အားပေးစက်ရုံ၊ ရေနံချက်စက်ရုံနှင့် LNG ဆိပ်ကမ်းတည်ဆောက်ရေး ကိစ္စရပ်များကိုပါ အသေးစိတ် ဆွေးနွေးခဲ့ကြသည်။

နိုင်ငံအတွင်း စွမ်းအင်ကဏ္ဍ လည်ပတ်မှု ပိုမိုအားကောင်းစေရန်အတွက် တွေ့ဆုံဆွေးနွေးမှုများအတွင်း မြန်မာနိုင်ငံတွင် လက်ရှိအသုံးပြုနေသည့် သဘာဝဓာတ်ငွေ့သုံး တာဘိုင်များ၊ အင်ဂျင်များ၏ စွမ်းအား  မြှင့်တင်ရေး၊ ပုံမှန်ထိန်းသိမ်းပြုပြင်ရေးနှင့် တာဘိုင်စက်များနှင့် ပတ်သက်သည့် နည်းပညာပိုင်းဆိုင်ရာများကို လက်တွေ့လေ့ကျင့်သင်ကြားပေးရေး စသည့် အခြေအနေများကိုလည်း ထည့်သွင်းညှိနှိုင်းခဲ့ကြသည်။

ယခု ချုပ်ဆိုခဲ့သော စီးပွားရေးနှင့် နည်းပညာဆိုင်ရာ MOC အပြင် မြန်မာနိုင်ငံ လျှပ်စစ်နှင့် စွမ်းအင်ဝန်ကြီး  ဌာနနှင့် ရုရှားဖက်ဒရေးရှင်းနိုင်ငံ စွမ်းအင်ဝန်ကြီးဌာနတို့အကြား လျှပ်စစ်နှင့် စွမ်းအင်ကဏ္ဍ တစ်ရပ်လုံးတွင် ရင်းနှီးမြှုပ်နှံမှုများ တိုးမြှင့်ရန်နှင့် လူ့စွမ်းအားအရင်းအမြစ် ဖွံ့ဖြိုးတိုးတက်ရေးအတွက် လေ့ကျင့်သင်ကြား  ပေးခြင်းများပါဝင်မည့် နားလည်မှုစာချွန်လွှာ (Memorandum Of Understanding - MOU) တစ်ရပ်ကိုလည်း မကြာမီ အချိန်အတွင်း ထပ်မံရေးထိုးသွားမည်ဖြစ်ကြောင်း သတင်းရရှိသည်။

အကျဉ်းချုပ်

   - အမေရိကန်၏ ပိတ်ဆို့မှု ဆက်လက်ရှိနေပါက ရေလက်ကြားကို ပြန်ပိတ်မည်ဟု အီရန်က ဆိုသည်

    -ရေလက်ကြား ပြန်ဖွင့်ခြင်းကို 'တောက်ပသော နေ့တစ်နေ့' ဟု ထရမ့်က ခေါ်ဆိုသည်

   - နှစ်ဖက်ကြား သဘောထားကွဲလွဲမှုများ ကျန်ရှိနေသေးကြောင်း အီရန် အရာရှိက ပြောကြားသည်

   - သင်္ဘောကုမ္ပဏီများက သတိကြီးစွာဖြင့် တုံ့ပြန်ကြသည်

   - ဆွေးနွေးပွဲ ပြုလုပ်မည့် အချိန်ဇယားမှာ မသေချာသေးပေ

ဒူဘိုင်း/ဝါရှင်တန်၊ ဧပြီ ၁၇ (ရိုက်တာ) - လက်ဘနွန်တွင် အပစ်အခတ်ရပ်စဲရေး သဘောတူညီမှု ရရှိပြီးနောက် အီရန်သည် ဟော်မုဇ်ရေလက်ကြားကို သောကြာနေ့တွင် ယာယီပြန်လည်ဖွင့်လှစ်ပေးခဲ့ပြီး ငြိမ်းချမ်းရေး ဆွေးနွေးပွဲများနှင့် ပတ်သက်၍ အကောင်းမြင်မှုများကို မြင့်တက်စေခဲ့သော်လည်း၊ မကြာ   သေးမီက အမေရိကန် ရေတပ်မှ အီရန်ဆိပ်ကမ်းများကို ပိတ်ဆို့ထားမှုများ ဆက်လက်လုပ်ဆောင်နေပါက အဆိုပါ အရေးပါသော ရေကြောင်းလမ်းကို ပြန်လည်ပိတ်ဆို့နိုင်ကြောင်း တီဟီရန်က သတိပေးခဲ့သည်။

ကမ္ဘာ့စွမ်းအင်ကုန်သွယ်မှုအတွက် ကျဉ်းမြောင်းသော အဓိကရေကြောင်းလမ်းဖြစ်သည့် အဆိုပါရေ   လက်ကြားကို ကြာသပတေးနေ့က အစ္စရေးနှင့် လက်ဘနွန်တို့အကြား သဘောတူညီခဲ့သော အမေရိကန် ကြားဝင်စေ့စပ်ပေးသည့် ၁၀ ရက်ကြာ အပစ်အခတ်ရပ်စဲရေး ကာလကျန်ရှိနေချိန်အတွင်း ကုန်သွယ်ရေး သင်္ဘောများအားလုံးအတွက် ဖွင့်လှစ်ပေးထားကြောင်း နိုင်ငံခြားရေးဝန်ကြီး အဘတ်စ် အရက်ချီ က လူမှု  ကွန်ရက်ပေါ်တွင် ကြေညာခဲ့သည်။ အီရန်၏ မဟာမိတ် ဟစ်ဇ်ဘိုလာ စစ်သွေးကြွအဖွဲ့က တိုက်ပွဲဝင်လာ  ပြီးနောက် အစ္စရေးက လက်ဘနွန်ကို ကျူးကျော်ခဲ့ခြင်းဖြစ်သည်။

ဖေဖော်ဝါရီ ၂၈ ရက်တွင် အစ္စရေးနှင့်အတူ အီရန်အပေါ် စစ်ပွဲစတင်ဆင်နွှဲခဲ့ပြီး လူထောင်ပေါင်းများစွာ သေဆုံးကာ ရေလက်ကြားအား လက်တွေ့တွင် ပိတ်ဆို့သွားအောင်လုပ်ခဲ့သည့် အမေရိကန်သမ္မတ ဒေါ်နယ်ထရမ့်က အယ်ရီဇိုးနားပြည်နယ်ရှိ လူထုစုဝေးပွဲတစ်ခုတွင် အရက်ချီ၏ ကြေညာချက်သည် "ကမ္ဘာကြီးအတွက် ကြီးကျယ်ခမ်းနားပြီး တောက်ပသော နေ့တစ်နေ့" ဖြစ်ကြောင်း ယင်းကို ထောက်ခံသူများအား ပြောကြားခဲ့သည်။

သို့သော် နောက်ပိုင်း ထွက်ပေါ်လာသော နှစ်ဖက်စလုံး၏ ကြေညာချက်များနှင့် ရှင်းလင်းချက်များကြောင့် ရေကြောင်းသွားလာမှုများ မည်မျှမြန်မြန် ပုံမှန်အခြေအနေသို့ ပြန်လည်ရောက်ရှိနိုင်မည်ဆိုသည့်အပေါ် မသေချာမရေရာမှုများ ကျန်ရှိနေခဲ့ပြီး၊ သောကြာနေ့တွင် အချို့သော သင်္ဘောများသည် ရေလက်ကြားကို ဖြတ်သန်းရန် မအောင်မြင်ဘဲ ကြိုးပမ်းခဲ့ပြီးနောက် နောက်ကြောင်းပြန်လှည့်သွားသည်ကို တွေ့မြင် ခဲ့ရသည်။

သင်္ဘောများအားလုံး အစ္စလာမ္မစ် တော်လှန်ရေး အစောင့်တပ်ဖွဲ့နှင့် ညှိနှိုင်းဆောင်ရွက်ရမည်ဖြစ်ကြောင်း အီရန်က ပြောကြားခဲ့ပြီး ယင်းသည် စစ်မဖြစ်မီက မရှိခဲ့သော အခြေအနေဖြစ်သည်။ "ရန်လိုသော အင်အားစုများ" ဖြစ်သည့် အမေရိကန်နှင့် အစ္စရေးတို့နှင့် ဆက်စပ်နေသော စစ်သင်္ဘောများနှင့် သင်္ဘောများကိုမူ ဖြတ်သန်းခွင့် မပြုသေးကြောင်း နိုင်ငံပိုင်ရုပ်မြင်သံကြားမှ ကိုးကားဖော်ပြသော ကာကွယ်ရေးဝန်ကြီးဌာန၏ ကြေညာချက်တွင် ဖော်ပြထားသည်။

သောကြာနေ့ ညနေပိုင်းတွင် ကွန်တိန်နာသင်္ဘောများ၊ ကုန်တင်သင်္ဘောများနှင့် ရေနံတင်သင်္ဘောများ အပါအဝင် သင်္ဘောအစင်း ၂၀ ခန့်ပါဝင်သော အုပ်စုတစ်စုသည် ပင်လယ်ကွေ့ကို ဖြတ်၍ ဟော်မုဇ်  ရေလက်ကြားဆီသို့ ဦးတည်သွားနေကြောင်း သင်္ဘောသွားလာမှု အချက်အလက်များက ပြသနေသော်  လည်း၊ မည်သည့်အကြောင်းကြောင့်ဖြစ်သည်ကို ရှင်းလင်းစွာ မသိရဘဲ အများစုမှာ နောက်ကြောင်း   ပြန်လှည့်သွားခဲ့ကြသည်။ ထိုအုပ်စုတွင် ပြင်သစ် သင်္ဘောလုပ်ငန်းစု CMA CGM မှ ပြေးဆွဲနေသော ကွန်  တိန်နာသင်္ဘော ၃ စင်း ပါဝင်ပြီး သူတို့က မှတ်ချက်ပေးရန် ငြင်းဆိုခဲ့သည်။ ယင်းသည် စစ်ပွဲ  စတင်ပြီးကတည်းက ဖြတ်သန်းရန် ကြိုးပမ်းခဲ့သည့် အကြီးဆုံး သင်္ဘောအုပ်စု ဖြစ်သည်။

အီရန်က ယင်း၏ အရပ်ဘက် နျူကလီးယား စွမ်းအင် အစီအစဉ်ဖြစ်သည်ဟု ဆိုသော အခွင့်အရေးကို ကာကွယ်ပြောဆိုထားပြီး ယခုအချိန်အထိ ငြိမ်းချမ်းရေး ဆွေးနွေးပွဲများတွင် အဓိက အငြင်းပွားဖွယ်ရာ ဖြစ်နေသော အီရန်၏ နျူကလီးယား အစီအစဉ်ကို နှစ်ဖက်စလုံးက မည်သို့ ဖြေရှင်းမည်ဆိုသည်ကိုလည်း ရှင်းရှင်းလင်းလင်း မသိရသေးပေ။ အမေရိကန်အနေဖြင့် အီရန်၏ သန့်စင်ပြီး ယူရေနီယမ် သိုလှောင်ထားမှုများကို ဖယ်ရှားသွားမည်ဟု ထရမ့်က ရိုက်တာသတင်းဌာနသို့ ပြောကြားခဲ့သည်။ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ အက်စ်မေးလ် ဘာဂါရီ က အဆိုပါပစ္စည်းများကို မည်သည့်နေရာသို့မျှ လွှဲပြောင်းပေးမည်မဟုတ်ကြောင်း နိုင်ငံပိုင်ရုပ်မြင်သံကြားသို့ ပြောကြားခဲ့သည်။ သီးခြားအနေဖြင့်၊ လာမည့်သီတင်းပတ်တွင် သက်တမ်းကုန်ဆုံးမည့် အပစ်အခတ်ရပ်စဲရေးကို သက်တမ်းတိုးနိုင်မည့် ပဏာမ သဘောတူညီချက်တစ်ရပ်ကို လာမည့်ရက်ပိုင်းအတွင်း ရရှိနိုင်မည်ဟု အီရန်က မျှော်လင့်ထားကြောင်း အီရန် အကြီးတန်းအရာရှိတစ်ဦးက ပြောကြားခဲ့သည်။ ယင်းသည် အီရန်  အပေါ် ပိတ်ဆို့အရေးယူမှုများ ရုပ်သိမ်းရေးနှင့် စစ်လျော်ကြေးများ ရရှိရေး ဆွေးနွေးညှိနှိုင်းမှုများအတွက် အချိန်ပိုရစေနိုင်ကြောင်း အဆိုပါ အရာရှိက ပြောကြားခဲ့သည်။

ရေနံဈေးနှုန်းများ ထိုးကျသွားပြီး၊ စတော့ရှယ်ယာများ မြင့်တက်လာ

ရေလက်ကြားကို ဖြတ်၍ ရေကြောင်းသွားလာမှုများ ပြန်လည် စတင်နိုင်သည်ဟူသော သတင်းကြောင့် ရေနံဈေးနှုန်းများ ၁၀ ရာခိုင်နှုန်းခန့် ကျဆင်းသွားပြီး ကမ္ဘာလုံးဆိုင်ရာ စတော့ရှယ်ယာများ မြင့်တက်လာခဲ့သည်။

သင်္ဘောကုမ္ပဏီများက အီရန်၏ ကြေညာချက်ကို သတိကြီးစွာဖြင့် ကြိုဆိုခဲ့ကြသော်လည်း သင်္ဘောများ ပင်လယ်ကွေ့ အဝင်ဝသို့ မဖြတ်သန်းမီ မိုင်းအန္တရာယ် အပါအဝင် ရှင်းလင်းချက်များ လိုအပ်မည်   ဖြစ်ကြောင်း ပြောကြားခဲ့သည်။ အမေရိကန်ရေတပ်က ရေကြောင်းလမ်း၏ အချို့နေရာများတွင် မိုင်း အန္တရာယ် မည်မျှရှိသည်ကို အပြည့်အဝ နားလည်ထားခြင်း မရှိကြောင်းနှင့် အဆိုပါဧရိယာကို ရှောင်ရှား  ရန် စဉ်းစားသင့်ကြောင်း ရေကြောင်းသွားလာသူများအား သတိပေးခဲ့သည်။

သောကြာနေ့က ဗီဒီယိုကွန်ဖရင့် ပြုလုပ်ပြီးနောက် နိုင်ငံပေါင်း တစ်ဒါဇင်ကျော်က အခြေအနေခွင့်ပြုပါက ရေလက်ကြားအတွင်း သင်္ဘောသွားလာမှုကို ကာကွယ်ရန်အတွက် နိုင်ငံတကာ မစ်ရှင်တစ်ခုတွင် ပါဝင်ရန် ဆန္ဒရှိကြောင်း ဗြိတိန်က ပြောကြားခဲ့သည်။

သံတမန်ရေးရာ တိုးတက်မှု

ယခုသီတင်းပတ်ကုန်တွင် ငြိမ်းချမ်းရေး ဆွေးနွေးပွဲများ ထပ်မံပြုလုပ်နိုင်ခြေရှိကြောင်း ထရမ့်က ရိုက်တာ သတင်းဌာနသို့ ပြောကြားခဲ့သည်။ ဆွေးနွေးပွဲများ ပြုလုပ်ရန် မျှော်လင့်ထားသည့် ပါကစ္စတန်နိုင်ငံ မြို့တော်အစ္စလာမ္မာဘတ်တွင် စုဝေးရန် ထောက်ပံ့ပို့ဆောင်ရေး ကိစ္စရပ်များအရ ထိုသို့ဖြစ်နိုင်ခြေမရှိ  ကြောင်း အချို့သော သံတမန်များက ပြောကြားခဲ့သည်။ ဖျန်ဖြေရေး ကြိုးပမ်းမှုများတွင် ပါဝင်သော ပါကစ္စတန် သတင်းရင်းမြစ်တစ်ခုက လာမည့်အစည်းအဝေးတွင် ကနဦး နားလည်မှုစာချွန်လွှာ တစ်ရပ်ကို ရရှိနိုင်ပြီး၊ ထို့နောက် ရက်ပေါင်း ၆၀ အတွင်း ပြည့်စုံသော ငြိမ်းချမ်းရေး သဘောတူညီချက်တစ်ရပ် ရရှိ လာနိုင်ကြောင်း ပြောကြားခဲ့သည်။

သဘောတူညီချက်၏ တစ်စိတ်တစ်ပိုင်းအနေဖြင့် အီရန်၏ ဒေါ်လာဘီလီယံနှင့်ချီသော ပိုင်ဆိုင်မှုများအား ထိန်းချုပ်ထားခြင်းကို ရုပ်သိမ်းပေးရန် သဘောတူညီချက် ရရှိထားကြောင်း အချိန်ဇယား မပေးဘဲ အီရန် အရာရှိကြီးတစ်ဦးက ရိုက်တာသတင်းဌာနသို့ ပြောကြားခဲ့သည်။ သောကြာနေ့နှောင်းပိုင်းတွင် ငြိမ်းချမ်းရေး သဘောတူညီချက်ကို "သဘောတူညီမှု" သို့မဟုတ် "အရောင်းအဝယ်ကိစ္စ" ဟု အကြိမ်ကြိမ် ရည်ညွှန်းလေ့ရှိသော ထရမ့်က အယ်ရီဇိုးနားပြည်နယ် လူထုစုဝေးပွဲ၌ သူ့ကို ထောက်ခံသူများအား "မည်သည့်နည်းလမ်း၊ ပုံသဏ္ဍာန် သို့မဟုတ် ပုံစံဖြင့်မျှ ငွေကြေး အပေးအယူ လုပ်မည်မဟုတ်" ကြောင်း ပြောကြားခဲ့သည်။

ပြီးခဲ့သည့် သီတင်းပတ်ကုန် ဆွေးနွေးပွဲများတွင် အမေရိကန်က အီရန်၏ နျူကလီးယား လှုပ်ရှားမှု အားလုံးကို နှစ် ၂၀ ကြာ ရပ်ဆိုင်းထားရန် အဆိုပြုခဲ့ပြီး အီရန်က ၃ နှစ်မှ ၅ နှစ်အထိ ရပ်နားရန် အကြံပြုခဲ့  ကြောင်း ယင်းအဆိုပြုချက်များကို သိရှိသူများက ပြောကြားခဲ့သည်။ သိုလှောင်ထားမှု၏ တစ်စိတ် တစ်ပိုင်းကို ဖယ်ရှားနိုင်မည့် အပေးအယူတစ်ခု၏ လက္ခဏာများ ရှိနေကြောင်း အီရန် သတင်းရင်းမြစ် နှစ်ခုက ပြောကြားခဲ့သည်။

အမေရိကန်အနေဖြင့် အလျင်စလို လုပ်ဆောင်မည်မဟုတ်ကြောင်း ထရမ့်က ရိုက်တာသို့ ပြောကြား  ခဲ့သည်။ "ကျွန်တော်တို့ အီရန်နဲ့အတူ အေးအေးဆေးဆေးသွားပြီး ကြီးမားတဲ့ စက်ယန္တရားကြီးတွေနဲ့ စတင်တူးဖော်မယ်။ ပြီးရင် အမေရိကန်ကို ပြန်သယ်လာမယ်" ဟု သူက ဖုန်းအင်တာဗျူးတစ်ခုတွင် ပြော   ကြားခဲ့သည်။ ယင်းက "နျူကလီးယား ဖုန်မှုန့်" ဟု ပြောဆိုခဲ့ပြီး ယင်းမှာ ပြီးခဲ့သည့်နှစ် ဇွန်လက အီရန်၏ နျူကလီးယား စက်ရုံများကို အမေရိကန်နှင့် အစ္စရေးတို့ ဗုံးကြဲတိုက်ခိုက်ခဲ့ပြီးနောက် အခြေအနေကို ရည်ညွှန်းခြင်းဖြစ်သည်။

ထရမ့်၏ အကောင်းမြင်မှုများရှိနေသော်လည်း၊ ပဏာမ သဘောတူညီချက် မရမီ "ဖြေရှင်းရန် ကွာဟ  ချက်များ ကျန်ရှိနေသေးကြောင်း" အီရန် သတင်းရင်းမြစ်များက ရိုက်တာသို့ ပြောကြားခဲ့ပြီး၊ အကြီးတန်း ဘာသာရေးခေါင်းဆောင်များက သောကြာနေ့ ဝတ်ပြုဆုတောင်းပွဲများတွင် အံတုသည့် လေသံဖြင့် ပြောကြားခဲ့ကြသည်။ "ကျွန်ုပ်တို့ လူမျိုးသည် အရှက်ခွဲခံရချိန်တွင် စေ့စပ်ညှိနှိုင်းမှု ပြုလုပ်မည်မဟုတ်" ဟု ဘာသာရေးခေါင်းဆောင် အာမက် ခါတာမီ က ပြောကြားခဲ့သည်။

ကိုးကား−ရိုက်တာသတင်းဌာန