မြန်မာနိုင်ငံအတွင်း ပြည်တွင်း၊ ပြည်ပဝင်ရောက်ရင်းနှီးမြှုပ်နှံမယ့်အမေရိကန် ဒေါ်လာ(၇)သန်းကျော်နဲ့ ကျပ်(၅၅၀)ဘီလီယံကျော်ပမာဏရှိတဲ့ ရင်းနှီးမြှုပ်နှံမှုလုပ်ငန်းသစ် (၁၇)ခုကို မြန်မာနိုင်ငံရင်းနှီးမြှုပ်နှံမှုကော်မရှင်
(MIC)က ခွင့်ပြုပေးလိုက်ပါတယ်။

#Local_News
Published 26 February 2025
#MIC
#YMG/SW #Yangon_Times

#World_Health
Published 2 Mar 2026

■ လူတစ်ယောက် အသက်ဆုံးပါးသွားတဲ့အခါ ခန္ဓာကိုယ်က ချက်ချင်းကြီး ရပ်တန့်သွားတာ မဟုတ်ပါဘူး။

■ ကိုယ်တွင်းအင်္ဂါတွေက အောက်ဆီဂျင် ဘယ်လောက်လိုအပ်လဲ သွေးဘယ်လောက်လိုအပ်လဲ ဆိုတဲ့အပေါ် မူတည်ပြီး ရပ်တန့်သွားတဲ့အချိန် မတူကြပါဘူး။

■ ဒါတွေကို နားလည်မယ်ဆိုရင် သေဆုံးခြင်းဖြစ်စဉ်ကို သိနိုင်ရုံမက ဘာကြောင့် အချို့အင်္ဂါတွေ အစားထိုးခြင်းမျိုး ပြုလုပ်နိုင်သေးလဲဆိုတာကိုပါ သိရှိစေနိုင်ပါတယ်။

■ အောက်ဆီဂျင်အများကြီးလိုအပ်တဲ့ ဦးနှောက်က ပထမဆုံးရပ်ဆိုင်းသွားပြီး ဦးနှောက်ဆဲလ်တွေဟာ အောက်ဆီဂျင်မရပါက ၄-၇ မိနစ်အတွင်း သေဆုံးသွားတတ်ပါတယ်။

■ နှလုံးမခုန်တော့ဘူးဆိုရင် သွေးမလည်ပတ်တော့ဘဲ မကြာခင်မှာ အဆုတ်တွေ ရပ်တန့်သွားပါတယ်။

■ သဘာဝအတိုင်း သေဆုံးတယ်ဆိုရင် အသက်ရှူရပ်သွားချိန် သွေးတွေက အောက်ဆီဂျင် မသယ်နိုင်တော့ချိန်မှာ နှလုံးနဲ့ အဆုတ်တွေ အတူတူ ရပ်ဆိုင်းသွားပါတယ်။

■ အသက်ဆုံးပါးပြီး ၄-၆ နာရီခန့်အထိ နှလုံးနဲ့ အဆုတ်တွေကို အစားထိုးခွဲစိတ်ဖို့အတွက် အသုံးပြုနိုင်ဆဲ ဖြစ်ပါတယ်။

■ အသည်း၊ ပန်ကရိယ၊ အူတွေလိုမျိုး အင်္ဂါတွေက စွမ်းအင်နဲ့ အင်ဇိုင်းတို့ကို အသုံးပြုကာ သွေးမလည်ပတ်တော့ပြီးနောက် ၈-၁၈ နာရီအတွင်း လုပ်ဆောင်ချက် စတင်ရပ်ဆိုင်းနိုင်ပါတယ်။

■ ကျောက်ကပ်တွေက ပိုပြီးကြံ့ခိုင်တဲ့ ကိုယ်တွင်းအင်္ဂါတွေဖြစ်ကာ သေချာထိန်းသိမ်းထားရင် ၂၄-၃၆ နာရီအထိ အသုံးပြုနိုင်ပါတယ်။

■ အရေပြား၊ အရိုးတို့လို အရာတွေကတော့ ရက်ပိုင်းကစလို့ နှစ်တွေကြာတဲ့အထိ အကောင်းအတိုင်း ရှိနေနိုင်ပါတယ်။

■ ဒါကြောင့် ဘယ်အင်္ဂါတွေက ဘယ်လောက်ကြာရင် ရပ်တန့်သွားလဲဆိုတာ သိထားခြင်းဖြင့် လူ့အသက်သေဆုံးချိန်နဲ့ အင်္ဂါတွေ ဘယ်အချိန်ထိ သုံးနိုင်လဲဆိုတာကို ဆုံးဖြတ်နိုင်စေမှာ ဖြစ်ပါတယ်။

Source: India Today.

#World_Health
Published 1 March 2026

■ တစ်နေ့ကို ကော်ဖီ ၂ ခွက် ၃ ခွက် သောက်သုံးပါက ဒီမန်ရှာရောဂါဖြစ်နိုင်ခြေကို သိသိသာသာ လျှော့ချနိုင်ဖွယ်ရှိတယ်လို့ သိပ္ပံပညာရှင်တွေ တွေ့ရှိထားပါတယ်။

■ ဒါပေမဲ့ ဒီထက်ပိုသောက်လို့တော့ ဦးနှောက်ကို ပိုပြီးကာကွယ်ပေးနိုင်မှာတော့ မဟုတ်ပါဘူး။

■ အမေရိကန် သူနာပြုတွေနဲ့ ကျန်းမာရေးပညာရှင် ၁၃၁,၈၂၁ ဦးကို ၄၃ နှစ်ကြာအောင် လေ့လာခဲ့ရာမှာ ၈ ရာခိုင်နှုန်းလောက်က ဒီမန်ရှာဖြစ်ခဲ့ပါတယ်။

■ ကဖင်းပါတဲ့ ကော်ဖီ၊ လက်ဖက်ရည် သောက်သူတွေကတော့ ဒီမန်ရှာဖြစ်နိုင်ခြေ လျော့နည်းတာ တွေ့ရပါတယ်။

■ အသက် ၇၅ နှစ်နဲ့အထက် လူတွေမှာ ဒီလိုကာကွယ်နိုင်စွမ်းက အသိသာဆုံးဖြစ်ပြီး နေ့စဉ် ကော်ဖီ ၂ ခွက် ၃ ခွက်သောက်ခြင်းဖြင့် ၃၅ ရာခိုင်နှုန်း ဒီမန်ရှာဖြစ်နိုင်ခြေ လျော့နည်းတာ တွေ့ရပါတယ်။

■ ကဖင်းဓာတ်က အက်ဒီနိုဆင်းကို ပိတ်ပင်ကာ ရောင်ရမ်းမှုကို လျှော့ချပေးပြီး သွေးတွင်းသကြားဓာတ် ထိန်းသိမ်းပေးသဖြင့် ဦးနှောက်ကျန်းမာရေးကို ကာကွယ်ပေးပါတယ်။

■ ကဖင်းပါတဲ့ကော်ဖီတွေ ပိုမိုသောက်သုံးသူတွေဟာ မှတ်ဉာဏ်ကျဆင်းမှု ပိုမိုမြန်ဆန်တယ်လို့လည်း စိတ်ဝင်စားစရာ တွေ့ရှိထားပါသေးတယ်။

■ လက်ဖက်အကြမ်းရည် သင့်တော်ရုံ သောက်သုံးခြင်းဖြင့် ဒီမန်ရှာ ကာကွယ်ပေးနိုင်သလို လက်ဖက်စိမ်းကလည်း အလားတူအာနိသင်မျိုး ပေးစွမ်းနိုင်ဖွယ် ရှိပါတယ်။

■ ကဖင်းသောက်တာ များလွန်းရင်တော့ အိပ်စက်မှုကို အနှောင့်အယှက်ဖြစ်စေပြီး စိုးရိမ်ပူပန်စိတ် ဖြစ်စေကာ ဦးနှောက်ကျန်းမာရေးကို ဆိုးရွားစွာ သက်ရောက်စေနိုင်ပါတယ်။

■ ကဖင်းသောက်ခြင်းက နှလုံးသွေးကြောရောဂါ ဖြစ်နိုင်ခြေကို လျှော့ချနိုင်ကာ ဒီမန်ရှာလျှော့ချပေးခြင်းနဲ့ သက်ဆိုင်နေပေမယ့် သွေးပေါင်ချိန်များသူတွေကတော့ အကန့်အသတ်ဖြင့် သောက်သုံးသင့်ပါတယ်။

Source: CNA

တရုတ်သုတေသီများက AI စနစ်သုံးမျက်မှန်များ တီထွင်လိုက်ကာ မျက်စိမမြင်သူများနဲ့ အမြင်အာရုံချိုယွင်းသူများအတွက် ကမ္ဘာကြီးကို ပိုမိုရှင်းလင်းစွာ မြင်နိုင်ဖို အထောက်အကူပြုပေးမယ့် မျက်လုံးအတုဖြစ်လာနိုင်ပြီး အမြင်အချက်အလက်များကို အသံပြချက်များအဖြစ်ပြောင်းလဲပေးပါတယ်။

#Asia_Technolog
Published 27 February 2025
#AI #တရုတ်
#YMG #Yangon_Times #Yangon_Media_Group

ရှမ်းစာပေနဲ့ရှမ်းစကားပြော အခမဲ့သင်တန်းကို နွေရာသီပိတ်ရက်တွေမှာ ဖွင့်လှစ်သွားမှာဖြစ်ပြီး မည်သူမဆိုလူမျိုးဘာသာအသက်အ‌ရွယ်‌မ‌ရွေးတက်ရောက်နိုင်တယ်လို့ ရှမ်းစာပေနှင့်ယဉ်ကျေးမှုအသင်းမှ သိရပါတယ်။

#Local_News
Published 26 February 2025
#ရှမ်းစာပေ #နွေရာသီပိတ်ရက်
#YMG/SW #Yangon_Times

အခုတစ်ပတ်အတွက် စက်သုံးဆီရည်ညွှန်းဈေး အားလုံးမြင့်တက်လာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ အခုတစ်ပတ်အတွက်ထုတ်ပြန်တဲ့စာရင်းတွေအရ သိရပါတယ်။

#Local_News
Published 26 February 2025
#စက်သုံးဆီ
#YMG/NN #Yangon_Times

ရန်ကုန်တိုင်းဒေသကြီး၊အောင်မင်္ဂလာအဝေးပြေးယာဉ်ရပ်နားစခန်းရဲ့ ယာဉ်ရပ်နားခကောက်ခံရေးလုပ်ငန်းအတွက် တင်ဒါခေါ်ယူထားတယ်လို့ရန်ကုန်မြို့တော်စည်ပင်သာယာရေးကော်မတီ အင်ဂျင်နီယာဌာနမှ သိရပါတယ်။

#Local_News
Published 26 February 2025
#အောင်မင်္ဂလာအဝေးပြေး
#YMG/SW #Yangon_Times

#Daily_News
Published 27 February 2025

၁။‌ ‎ရှမ်းစာပေနှင့်ရှမ်းစကားပြော အခမဲ့သင်တန်းကို နွေရာသီပိတ်ရက်များတွင် ဖွင့်လှစ်မည်

‌‎၂။ ‌‌‌‌‌‌‌‌‌‌‌‎စက်သုံးဆီဈေးအားလုံးတက်ရိပ်ရှိလာ

‎၃။‌‌‎ ‌‌‌‌‌‌‌‌‌‎အောင်မင်္ဂလာ အဝေးပြေး၏ယာဉ်ရပ်နားခကောက်ခံရေးလုပ်ငန်းအတွက် တင်ဒါခေါ်

‎၄။‎ ‌‌‌‌‌‌‌‌‌‎‎အမြင်အာရုံမကောင်းသူများအတွက်တကယ့်မျက်လုံးလိုခံစားရစေမည့် AIနည်းပညာသုံးမျက်မှန် တရုတ်သုတေသီများထုတ်လုပ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 28 February 2026

■ အီရန်က သင်္ဘောဖျက်ပဲ့ထိန်းဒုံးကျည်များ ဝယ်ယူရန် တရုတ်နဲ့ သဘောတူညီချက်ရရှိဖို့ နီးစပ်နေပြီလို့ သိရပါတယ်။

■ အမေရိကန်က အီရန်ကို တိုက်ခိုက်ရန် ခြိမ်းခြောက်နေကာ အရှေ့အလယ်ပိုင်းမှာ စစ်ရေးအင်အားအများဆုံး ချထားပါတယ်။

■ ၁၉၈၀ ဝန်းကျင်တွေမှာ တရုတ်က အီရန်အတွက် အဓိကလက်နက်တွေ ထောက်ပံ့ခဲ့ပါတယ်။
ဒါပေမဲ့ နိုင်ငံတကာဖိအားတွေကြောင့် ရပ်ဆိုင်းခဲ့ပါတယ်။

■ တရုတ်ထုတ် CM-302 ဒုံးကျည်များ သဘောတူညီချက် နီးစပ်နေပြီး ပေးပို့မယ့်နေ့တော့ မသိရသေးပါဘူး။

■ CM-302 အပြင် MANPADS လို့ခေါ်တဲ့ မြေပြင်မှ ဝေဟင်ပစ်ဒုံးကျည်စနစ်များ၊ ဂြိုဟ်တုဖျက်လက်နက်များအတွက်လည်း ဆွေးနွေးနေပါတယ်။

■ CM-302 က ၂၉၀ ကီလိုမီတာ အကွာအဝေးရှိပြီး သင်္ဘောမှ ခုခံစနစ်‌တွေ ရှောင်တိမ်းနိုင်အောင် အနိမ့်အမြန်ပျံသန်းပါတယ်။တရုတ်ကနေ အီရန်သို့ပို့တဲ့အထဲမှာ အဆင့်မြင့်ဆုံး စစ်ရေးပစ္စည်းတွေထဲ ပါဝင်ပါတယ်။

■ ဒီလက်နက်စနစ်တွေကို သင်္ဘော၊ လေယာဉ်၊ မြေပြင်ယာဉ်တွေမှာ တပ်ဆင်နိုင်ပါတယ်။

■ ဒီလိုရောင်းချခြင်းက အမေရိကန်ကြီးစိုးနေတဲ့ စစ်လက်နက်ဈေးကွက်မှာ တရုတ်နေရာရလာတဲ့သဘော မြင်နေရပါတယ်။

Source: NDTV

#Local_News
Published 28 February 2025

■ ပုသိမ်မြို့နယ်၌ ယနေ့မနက်အစောပိုင်းက နေအိမ်မီးလောင်မှုဖြစ်ပွားခဲ့ကြောင်းသိရသည်။

■ ဖေဖော်ဝါရီ ၂၈ရက်နေ့၊ မနက် ၂ နာရီ ၁၇မိနစ် အချိန်ခန့်က ဧရာဝတီတိုင်းဒေသကြီး၊ ပုသိမ်မြို့နယ်၊ အမှတ်(၉)ရပ်ကွက်၊ စန္ဒာအေးလမ်းမကြီး၊ လန်ဘားလေးရပ်ကွက်၊ (၁)လမ်းတွင် လူနေအိမ် မီးလောင်နေကြောင်း သိရသည်။

■ အဆိုပါ သတင်းရရှိသဖြင့် ပုသိမ်ခရိုင်မီးသတ်စခန်းမှ မီးငြှိမ်းသတ်ယာဉ်(၄)စီး၊ မီးသတ်ရေသယ်ယာဉ်(၂)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲဝင်များဖြင့် ထွက်ခွာငြှိမ်းသတ်ခဲ့ရာ မနက်၂နာရီ ၃၅မိနစ် အချိန်က မီးငြိမ်းခဲ့ကြောင်းသိရသည်။

■ မီးလောင်မှုနှင့်ဖြစ်စဉ်နှင့်ဆုံးရှုံးမှုတန်ဖိုးများအားဆက်လက် စုံစမ်းနေကြောင်းသိရသည်။

#YMG/NN #Yangon_Times

#World_Science
Published 28 February 2026

■ တူရကီ အစ္စတန်ဘူလ်အနီး မာမရာပင်လယ်အောက်မှ မြောက်အန်နာတိုလီယန်ပြတ်ရွေ့ကြော(NAF)ဟာ နှစ်ပေါင်း ၂၅၀ ကျော်ကြာအောင် အဓိကငလျင်ကြီး မဖြစ်ခဲ့ပါဘူး။

■ ဒီအောက်မှာ ဖိအားတွေ များလာပြီး အနီးနားက အပိုင်းတွေကတော့ အနောက်ဘက်ဆီ ဖောက်ထွက်လာပါတယ်။

■ တိုကျိုသိပ္ပံတက္ကသိုလ်မှ သုတေသီတွေက လျှပ်စစ်သံလိုက် x-rays များအသုံးပြုပြီး ဒီပြတ်ရွေ့ကြောရဲ့ မမြင်ရတဲ့ အစိတ်အပိုင်းကို တွေ့ရှိခဲ့ပါတယ်။

■ မာမရာပင်လယ်အောက်ဘက်မှ ထိုအပိုင်းဟာ နောက်ထပ်ဧရာမငလျင်ကြီး အခြေပြုဖွယ်အရှိဆုံးလို့ သိပ္ပံပညာရှင်တွေ ယုံကြည်နေပါတယ်။

■ မာမရာပင်လယ်အောက်က ပြတ်ရွေ့ကြောရဲ့ ပုံစံအတိအကျကို သိပ္ပံပညာရှင်တွေ ဖန်တီးဖို့ကြိုးစားနေတာ နှစ်နဲ့ကြာပါပြီ။

■ တူရကီ Multidisciplinary Resilience သုတေသနစင်တာမှ ပရော်ဖက်ဆာ ယာဆောအိုဂါဝါနဲ့ ဘိုဂါဇီချီတက္ကသိုလ်မှ ဒေါက်တာ ကျူလေကာယာအက်ကင်တို့က မာမရာပင်လယ်အောက် မျက်နှာပြင်အောက်ဘက်နေရာရဲ့ 3D ပုံစံအပြည့်ကို ပထမဆုံး ဖန်တီးနိုင်ခဲ့ပါတယ်။

■ ကျောက်သား မာကျောတဲ့နေရာ၊ အရည်ကြောင့် ပျော့ညံ့တဲ့နေရာတွေကို တွေ့ရှိခဲ့ကြပါတယ်။

■ မျက်နှာပြင်သားတွေ အားနည်းတဲ့အပိုင်းတွေနဲ့ မာကျောတဲ့အပိုင်းတွေ ဆုံတွေ့တဲ့ နယ်နမိတ်တွေမှာ ငလျင်တွေဖြစ်လာနိုင်တယ်ဆိုတာကို လေ့လာပြသချင်တာ ဖြစ်ပါတယ်။

■ ဒီတွေ့ရှိချက်တွေကနေ တူရကီမှာ ကပ်ဘေးကာကွယ်ရေးနဲ့ လျှော့ချရေးကိစ္စရပ်တွေ ပြုလုပ်ဖို့ အထောက်အကူ ဖြစ်လာနိုင်ပါတယ်။

Source: WION

#World_Health
Published 28 February 2026

■ သွေးလှူဒါန်းခြင်းဆိုတာက အသက်ပေါင်းများစွာကို ကယ်ဆယ်ပေးနိုင်တဲ့ ကောင်းမှုကြီးတစ်ခုဖြစ်ပါတယ်။

■ ပထမဆုံး သွေးလှူသူတွေမှာ စိုးရိမ်ပူပန်တာမျိုး ရှိတတ်ပါတယ်။

■ ဒါက ဘေးကင်းစိတ်ချရပြီး ခန္ဓာကိုယ်က ချက်ချင်းဆိုသလို သဟဇာတဖြစ်အောင် လုပ်ဆောင်ပါတယ်။

■ သွေးလှူပြီးနောက် ၂၄ နာရီအတွင်း ခန္ဓာကိုယ်ထဲ ဘာဖြစ်ပျက်သလဲဆိုတာနဲ့ ပတ်သက်ပြီး အိန္ဒိယဆေးရုံတစ်ခုမှ ဒေါက်တာ ရာဂျက်ကန့်ဂျိန်းက "နာရီပိုင်းအတွင်းမှာ ဆုံးရှုံးသွားတဲ့ အရည်တွေ ဆဲလ်တွေကို ပြန်ဖြည့်ပေးပြီး တစ်ရက်အတွင်း ကျန်းမာသူတွေဆိုရင် ပုံမှန်ပြန်ဖြစ်သွားတယ်" လို့ ရှင်းပြပါတယ်။

■ နွမ်းနယ်ခြင်း၊ အနည်းငယ်ခေါင်းကိုက်ခြင်းတို့ ခံစားရပေမယ့် ရေဓာတ်ဖြည့်ခြင်း၊ အာဟာရဖြည့်ခြင်း၊ အနားယူခြင်းတို့ဖြင့် လျင်မြန်စွာသက်သာစေပါတယ်။

■ တစ်ရှူးတွေထဲမှ အရည်တွေက သွေးကြောထဲ ဝင်သွားကာ သွေးပမာဏ၊ သွေးလည်ပတ်မှု၊ သွေးပေါင်ချိန်တို့ကို ပြန်ဖြည့်ပေးပါတယ်။

■ အသည်းကလည်း ပလတ်စ်မာပရိုတိန်းတွေ ဖြည်းဖြည်းချင်း ပြန်ဖြည့်ပေးပါတယ်။

■ သွေးနီဥဆဲလ်တွေက အချိန်ကြာမြင့်တတ်ပြီး ပလတ်စ်မာ၊ သွေးဖြူဥဆဲလ်တွေကတော့ လျင်မြန်စွာ တုံ့ပြန်လာကြပါတယ်။

■ ရိုးတွင်းခြင်ဆီက ချက်ချင်း ဆဲလ်အသစ်တွေ ထုတ်လုပ်ကာ ရက်သတ္တပတ်အတွင်း ပုံမှန်ပြန်ရောက်ပါတယ်။

■ ဒါကြောင့် သွေးအလှူရှင်တွေဟာ လှူပြီးနောက် ခဏအတွင်းမှာပဲ ပုံမှန်လှုပ်ရှားမှုတွေ ဘေးကင်းစွာ ပြန်လုပ်နိုင်တာ ဖြစ်ပါတယ်။

■ သူတစ်ပါးတွေရဲ့ အသက်တွေကို ကယ်ဆယ်ပေးနိုင်တဲ့အပြင် သွေးလှူသူတွေမှာ နှလုံး၊ ကျောက်ကပ်၊ အသည်း၊ ရိုးတွင်းခြင်ဆီ၊ သားငံရည်စနစ်တို့ ပူးပေါင်းတုံ့ပြန်လာကြပါတယ်။

Source: Indian Express