#Daily_News
Published 07 November 2026

၁။‌ မာရဝိဇယဗုဒ္ဓရုပ်ပွားတော်မြတ်ကြီးသိုတန်ဆောင်တိုင်ပွဲတော်ကာလ၌ အခမဲ့ယာဥ်လိုင်းများဖြင့် ပို့ဆောင်ပေးမည်

၂။ ‌ မော်လမြိုင်တွင် ကုန်းတွင်းဆိပ်တည်ဆောက်နိုင်ရေး မြေနေရာနှစ်ခုကို စိစစ်

၃။‌‌‎ နိုဝင်ဘာလအတွက် ရန်ကုန်အထိုင်မြေဩဇာလက်ကားဈေးနှုန်းများထုတ်ပြန်

၄။‎ ယခုလ ဂျပန်တွင်စားသောက်ကုန်နှင့်အဖျော်ယမကာပစ္စည်း ၁,၄၇၇ မျိုး ဈေးတက်မည်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 07 November 2026

■ မြန်မာနိုင်ငံနှင့် အိုမန်နိုင်ငံတို့အကြား လေကြောင်းဆက်သွယ်ပျံသန်းမှုများ ဆောင်ရွက်နိုင်ရေးအတွက် လေကြောင်းပို့ဆောင်ရေးသဘောတူစာချုပ်ကို နိုဝင်ဘာ ၂ ရက်တွင် အိုမန်နိုင်ငံ မတ်စကတ်မြို့၌ လက်မှတ်ရေးထိုးခဲ့ကြောင်း သိရသည်။

■ အဆိုပါသဘောတူစာချုပ် လက်မှတ်ရေးထိုးပွဲကို အိုမန်မြို့ပြလေကြောင်းအာဏာပိုင်အဖွဲ့ရုံးချုပ်၌ ကျင်းပခဲ့ပြီး မြန်မာနိုင်ငံဘက်မှ ပို့ဆောင်ရေးဝန်ကြီးဌာန၊ လေကြောင်းပို့ဆောင်ရေးညွှန်ကြားမှုဦးစီးဌာန ညွှန်ကြားရေးမှူးချုပ် ဦးဇော်ဇော်နှင့် အိုမန်နိုင်ငံဘက်မှ မြို့ပြလေကြောင်းအာဏာပိုင်အဖွဲ့ဥက္ကဋ္ဌ နိုင်းဖ် အလီ ဟာမက် အာ-အာဘရီတို့က လက်မှတ်ရေးထိုးခဲ့ကြသည်။

■ အခမ်းအနားသို့ နှစ်နိုင်ငံလေကြောင်းအာဏာပိုင်အဖွဲ့များမှ အဆင့်မြင့်အရာရှိများ၊ လေကြောင်းလိုင်းများနှင့်လေဆိပ်များမှကိုယ်စားလှယ်များတက်ရောက်ခဲ့ကြသည်။

■ သဘောတူစာချုပ်အရ နှစ်နိုင်ငံမှသတ်မှတ်ထားသည့် လေကြောင်းလိုင်းများအနေဖြင့် အပြန်အလှန် လေကြောင်းခရီးစဉ်များ ပြေးဆွဲနိုင်တော့မည်ဖြစ်ပြီး ယင်းမှတစ်ဆင့် ကုန်သွယ်ရေး၊ ခရီးသွားလုပ်ငန်းနှင့် ရင်းနှီးမြှုပ်နှံမှုဆိုင်ရာ ပူးပေါင်းဆောင်ရွက်မှုများ ပိုမိုတိုးတက်လာစေရန် အထောက်အကူပြုနိုင်မည်ဖြစ်ကြောင်း သိရသည်။

#YMG/SW #Yangon_Times

#Local_News
Published 07 November 2026

■ ၂၀၂၇ ခုနှစ်ဧပြီလ ၌ ကြားဖြတ်ရွေးကောက်ပွဲကျင်းပသွားမည် ဖြစ်ကြောင်း ပြည်ထောင်စုရွေးကောက်ပွဲကော်မရှင်မှအသိပေးထုတ်ပြန်ထားသည်။

■ ပြည်ထောင်စုရွေးကောက်ပွဲကော်မရှင်သည် ၂၀၂၇ ခုနှစ်၊ ဧပြီလ ၄ ရက်နေ့တွင်ကျင်းပမည့် ကြားဖြတ်ရွေးကောက်ပွဲအတွက် လွှတ်တော်မဲဆန္ဒနယ်များအား ၂၀၂၆ ခုနှစ်၊ နိုဝင်ဘာလ ၅ ရက်‌ ရက်စွဲပါ ကြေညာချက်အမှတ်(၆၈/၂၀၂၆)ဖြင့် သတ်မှတ်ထုတ်ပြန်ခဲ့ပသည်။

■ ယင်းမဲဆန္ဒနယ်မြေ သတ်မှတ်ထုတ်ပြန်ချက်များနှင့် လွှတ်တော်အလိုက်မဲဆန္ဒနယ်များတွင် ကျင်းပမည့် နယ်မြေများစာရင်းအသေးစိတ်ကို ပြည်ထောင်စုရွေးကောက်ပွဲကော်မရှင်ရုံး Website ဖြစ်သည့် www.uec.gov.mm တွင် ဝင်ရောက်ကြည့်ရှုနိုင်ကြောင်း သတင်းရရှိသည်။

#YMG/NN #Yangon_Times