#Local_News
Published 04 July 2026
■ ထားဝယ်အထူးစီးပွားရေးဇုန်၊ ရေနက်ဆိပ်ကမ်းနယ်နိမိတ် (Port Limit) သတ်မှတ်နိုင်ရေးအတွက် ပို့ဆောင်ရေးဝန်ကြီးဌာနနှင့် ညှိနှိုင်းဆောင်ရွက်လျက်ရှိပြီး အပြီးသတ်အဆင့်သို့ ရောက်ရှိနေပြီ ဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးဝင်းမြင့်ခိုင်ကပြောသည်။
■ ယမာန်နေ့နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ အမျိုးသားလွှတ်တော်အစည်းအဝေးခန်းမ၌ ကျင်းပသည့် တတိယအကြိမ်အမျိုးသားလွှတ်တော် ဒုတိယပုံမှန်အစည်းအဝေး ၁၂ ရက်မြောက်နေ့၌ တနင်္သာရီတိုင်းဒေသကြီး အမျိုးသားလွှတ်တော်ကိုယ်စားလှယ်အမှတ် (၃) ဦးမောင်စိန်၏ တနင်္သာရီတိုင်းဒေသကြီး၊ ထားဝယ်ခရိုင်၊ ရေဖြူမြို့နယ်၊ နဘုလယ်ဒေသတွင် ဆောင်ရွက်မှုရပ်တန့်လျက်ရှိသော ထားဝယ်ရေနက်ဆိပ်ကမ်းစီမံကိန်းကို ဆက်လက်အကောင်အထည်ဖော်ဆောင်ရွက်ပေးရန် အစီအစဉ် ရှိ၊ မရှိ မေးခွန်းနှင့်စပ်လျဉ်း၍ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးဝင်းမြင့်ခိုင်က အထက်ပါအတိုင်းပြန်လည်ဖြေကြားခဲ့ခြင်းဖြစ်သည်။
■ ဒုတိယဝန်ကြီး ဦးဝင်းမြင့်ခိုင်က နေပြည်တော်၌ ၂၀၂၅ ခုနှစ် ဖေဖော်ဝါရီတွင် ကျင်းပခဲ့သည့် ပဉ္စမအကြိမ် မြန်မာ-ရုရှား အစိုးရအချင်းချင်းကုန်သွယ်ရေးနှင့် စီးပွားရေးပူးပေါင်းဆောင်ရွက်ရေးကော်မရှင်အစည်းအဝေးတွင် နှစ်နိုင်ငံအကြား ပူးပေါင်းဆောင်ရွက်မှုများကို တိုးမြှင့်ဆောင်ရွက်ရန် ဆွေးနွေးခဲ့ကြပြီး ထားဝယ်အထူးစီးပွားရေးဇုန်အတွင်းနှင့် အနီးဝန်းကျင်တွင် ရင်းနှီးမြှုပ်နှံမှု ပူးပေါင်းဆောင်ရွက်ရေးဆိုင်ရာ ရည်ရွယ်သည့် စာလွှာ (Memorandum of Intent-MOI) ကို နှစ်ဖက်လက်မှတ်ရေးထိုးခဲ့ကြောင်းကို အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာနမှ ဖြေကြားထားပါကြောင်း၊
ထားဝယ်အထူးစီးပွားရေးဇုန် စီမံခန့်ခွဲမှုကော်မတီသည် စီမံကိန်းကို ပြန်လည်စတင်နိုင်ရန် ယခင်ရေးဆွဲခဲ့သည့် ITD Master Plan၊ အိမ်နီးချင်းနိုင်ငံများ စီးပွားရေးဖွံ့ဖြိုးတိုးတက်မှု ပူးပေါင်းဆောင်ရွက်ရေးအေဂျင်စီ (Neighbouring Countries Economic Development Cooperation Agency -NEDA) ၏ Master Plan နှင့် Japan International Cooperation Agency - JICA Study တို့ကိုအခြေခံ၍ လက်ရှိအခြေအနေအရ အသင့်တော်ဆုံးဖြစ်မည့် စီမံချက်ကို ထားဝယ်အထူးစီးပွားရေးဇုန် စီမံခန့်ခွဲမှုကော်မတီနှင့် မြို့ပြနှင့် အိမ်ရာဖွံ့ဖြိုးရေးဦးစီးဌာနတို့ပူးပေါင်း၍ အဆင့် (၃) ဆင့်ခွဲကာ အကောင်အထည်ဖော်ဆောင်သွားရန် ကြိုးပမ်းဆောင်ရွက်လျက်ရှိကြောင်းကို ထားဝယ်အထူးစီးပွားရေးဇုန်စီမံခန့်ခွဲမှုကော်မတီမှ ဖြေကြားထားပါကြောင်းပြောကြားသည်။
■ ထို့အပြင် ထားဝယ်အထူးစီးပွားရေးဇုန်၊ ရေနက်ဆိပ်ကမ်းနယ်နိမိတ် (Port Limit) သတ်မှတ်နိုင်ရေးအတွက် ပို့ဆောင်ရေးဝန်ကြီးဌာနနှင့် ညှိနှိုင်းဆောင်ရွက်လျက်ရှိပြီး အပြီးသတ်အဆင့်သို့ ရောက်ရှိနေပြီဖြစ်ပါကြောင်းကို ပို့ဆောင်ရေးဝန်ကြီးဌာနမှ ဖြေကြားထားပါကြောင်း၊ ယခုအခါ ရပ်တန့်နေသော တနင်္သာရီတိုင်း၊ ရေဖြူမြို့နယ်၊ နဘုလယ်ဒေသတွင်တည်ရှိသည့် ထားဝယ်အထူးစီးပွားရေးဇုန် စီမံကိန်းအား ၂၀၁၄ ခုနှစ် မြန်မာအထူးစီးပွားရေးဇုန်ဥပဒေအရ ရင်းနှီးတည်ဆောက်သူနှင့်အတူ အခြားလိုအပ်သော လုပ်ငန်းစဉ်များကိုဆောင်ရွက်နေပြီး စီမံကိန်းအား ပြန်လည်စတင်ဆောင်ရွက်လျက်ရှိပါကြောင်းဖြေကြားခဲ့ကြောင်းသိရသည်။
#YMG/NN #Yangon_Times
#Local_News
Published 04 July 2026
■ လာအိုပြည်သူ့ဒီမိုကရက်တစ်သမ္မတနိုင်ငံသို နိုင်ငံတော်အဆင့်ချစ်ကြည်ရေးခရီးစဉ် (State Visit) ရောက်ရှိနေသည့် ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် နှင့် ဇနီး ဦးဆောင်သည့် ကိုယ်စားလှယ်အဖွဲ့သည် လာအိုနိုင်ငံရှိ သမိုင်းဝင် ထက်လွမ် Pha That Luang စေတီတော်အား ဇူလိုင် ၄ ရက် နံနက်က ဖူးမျှော်ကြည်ညိုကြသည်။
■ နိုင်ငံတော်သမ္မတ ဦးမင်းအောင်လှိုင်နှင့်ဇနီး ဒေါ်ကြူကြူလှ တို့သည် ဘုရားအား ဆွမ်း၊ ပန်း၊ ရေချမ်း၊ သစ်သီးများနှင့် ဆီမီးများ ဆပ်ကပ်ပူဇော်ခဲ့ကြပြီး နိုင်ငံတော်သမ္မတ ဦးမင်းအောင်လှိုင် သည် ထက်လွမ်စေတီတော်၏ ဧည့်သည်တော်မှတ်တမ်း၌ လက်မှတ်ရေးထိုးခဲ့သည်။
■ ထက်လွမ်စေတီတော်သည် လာအိုနိုင်ငံ၏ မြို့တော် ဗီယင်ကျန်း (Vientiane) မြို့လယ်ခေါင်မှ ရှေ့ဘက် ၄ ကီလိုမီတာခန့်အကွာတွင် တည်ရှိသည်။
■ ခရစ်တော်မပေါ်မီ (ဘီစီ ၃ ရာစု) ကတည်းက အာသောကမင်းကြီး စေလွှတ်လိုက်သော သာသနာပြုအဖွဲ့ သည် မြတ်စွာဘုရား၏ ညှပ်ရိုးတော် (ရင်ညွန့်ရိုးတော်) ကို ယခုထက်လွမ်စေတီတည်ရှိရာနေရာ၌ ပထမဆုံး ဌာပနာခဲ့သည်ဟု ယုံကြည်ကြသည်။
■ ယခုမြင်တွေ့ရသည့် ကြီးကျယ်ခမ်းနားသော အသွင်သဏ္ဌာန်ကို ၁၅၆၆ ခုနှစ်တွင် လာအိုဘုရင် ဇေဌာဓိရာဇ် (King Setthathirath) က မြို့တော်ကို လွမ်ပရာဘန်းမှ ဗီယင်ကျန်းသို့ ပြောင်းရွှေ့ သည့်အချိန်တွင် ရွှေရောင်ဝင်းပသော စေတီကြီးအဖြစ် တည်ဆောက်ခဲ့ခြင်း ဖြစ်သည်။
■ ထက်လွမ်စေတီတော်သည် လာအိုပြည်သူတို့အတွက် ဘာသာရေးအရသာမက အမျိုးသားရေးအရပါ အလွန်အရေးပါသည်။ ထို့ကြောင့် လာအိုနိုင်ငံ၏ နိုင်ငံတော်တံဆိပ် (National Emblem) နှင့် ငွေစက္ကူများပေါ်တွင် ထက်လွမ်စေတီတော်ပုံကို ဂုဏ်ယူစွာ ရိုက်နှိပ်အသုံးပြုထားသည်ကို တွေ့ကြရသည်။
#Daily_News
Published 03 July 2026
၁။ ငဝန်မြစ်အတွင်း ရေဘေးအန္တရာယ်တုံ့ပြန်ဆောင်ရွက်ရေးသရုပ်ပြသခြင်းပြုလုပ်
၂။ “သယ်ယူပိုဆောင်ရေး လုပ်ငန်းဆိုင်ရာစိန်ခေါ်မှုများနှင့်အာမခံ” စကားဝိုင်းဆွေးနွေးပွဲပြုလုပ်မည်
၃။ လေဖိအားနည်းရပ်ဝန်းအရှိန်ကြောင့် ဒေသအချို့ ၌ မိုးသက်လေပြင်းကျရောက်နိုင်
၄။ တီယန်ကောင်အာကာသစခန်း၌ရှင်ကျိုး-၂၃အာကာသယာဉ်မှုးများ သိပ္ပံနည်းကျစမ်းသပ်မှုအမျိုးမျိုးလုပ်ဆောင်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
ဧရာဝတီတိုင်းဒေသကြီး၊ပုသိမ်မြို့ရှိ ငဝန်မြစ်အတွင်း ရေဘေးအန္တရာယ်တုံ့ပြန်ဆောင်ရွက်ရေးသရုပ်ပြသခြင်းကိုပြုလုပ်ခဲ့တယ်လို့
မြန်မာနိုင်ငံမီးသတ်တပ်ဖွဲ့ကနေ သိရပါတယ်။
#Local_News
Published 03 July 2026
#ငဝန်မြစ် #ရေဘေးအန္တရာယ်
#YMG/NN #Yangon_Times
“သယ်ယူပို့ဆောင်ရေးလုပ်ငန်းဆိုင်ရာ စိန်ခေါ်မှုများနှင့်အာမခံ”စကားဝိုင်းဆွေးနွေးပွဲကို လာမယ့် ဇူလိုင် ၄ ရက်မှာ ကျင်းပသွားမယ်လို့ မြန်မာနိုင်ငံအဝေးပြေးကုန်စည်ပို့ဆောင်ရေးဝန်ဆောင်မှုလုပ်ငန်းရှင်များအသင်း (MHFTSA) မှ သိရပါတယ်။
#Local_News
Published 03 July 2026
#MHFTSA
#YMG/SW #Yangon_Times
လေဖိအားနည်းရပ်ဝန်းအရှိန်ကြောင့် ဒေသအချို့၌ မိုးသက်လေပြင်းကျရောက်နိုင်တယ်လို့မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ ဒီကနေ့မနက်မှာထုတ်ပြန်တဲ့ မိုးကြီးမယ့်သတိပေးချက် အမှတ်စဉ်(၄/၂၀၂၆)အရသိရပါတယ်။
#Local_News
Published 03 July 2026
#လေဖိအားနည်းရပ်ဝန်း #မိုးသက်လေပြင်း
#YMG/NN #Yangon_Times
ဆုတောင်းစာများ ဝါးပင်မှာချိတ်ဆွဲတဲ့ ဂျပန်ရိုးရာပွဲတော်ကို ရန်ကုန်မြို့က ဂျပန်ယဉ်ကျေးမှုစင်တာမှာ ယခုလ(၁၀)ရက်နေ့မှာပြုလုပ်သွားမှာဖြစ်တယ်လို့သိရပါတယ်။
#Local_News
Published 03 July 2026
#ဆုတောင်းစာ # ဂျပန်ရိုးရာပွဲတော်
#YMG/SW #Yangon_Times
Page 8 of 2377
