#Local_News
Published 24 March 2026

■ မြန်မာ့ဘောလုံးလောကအတွင်း အရည်အသွေးရှိသော ဒိုင်လူကြီးသစ်များ ပေါ်ထွက်လာစေရန် ရည်ရွယ်၍ မြန်မာနိုင်ငံဘောလုံးအဖွဲ့ချုပ် (MFF)၊ ဒိုင်ကော်မတီနှင့် ဒိုင်ဌာနတို့ ပူးပေါင်းဖွင့်လှစ်သည့် "MFF Basic Referee Course 1/2026" သင်တန်းဖွင့်ပွဲ အခမ်းအနားကို ယနေ့ နံနက် (၁၀:၀၀) နာရီက သုဝဏ္ဏကွင်းအတွင်းရှိ သတင်းစာရှင်းလင်းပွဲခန်းမတွင် ပြုလုပ်ခဲ့သည်။

■ အဆိုပါ အခြေခံဒိုင်သင်တန်းကို မတ်လ ၂၄ ရက်မှ ၃၀ ရက်အထိ ဖွင့်လှစ်သင်ကြားသွားမည်ဖြစ်ပြီး၊ ရန်ကုန်၊ ဧရာဝတီ၊ ကရင် နှင့် ပဲခူးတိုင်းဒေသကြီး အပါအဝင် ဒေသအသီးသီးမှ ပညာရေးဝန်ထမ်းများ၊ အားကစားနှင့်လူငယ်ရေးရာဝန်ကြီးဌာနမှ ဝန်ထမ်းများ၊ တက္ကသိုလ်ကျောင်းသားများနှင့် ဘောလုံးဝါသနာရှင် လူငယ်စုစုပေါင်း (၂၉) ဦး တက်ရောက်လျက်ရှိ‌ေကြာင်း သိရသည်။

■ သင်တန်းကာလအတွင်း သင်တန်းသားများသည် ဘောလုံးစည်းမျဉ်းဥပဒေများ၊ ဒိုင်လူကြီးတစ်ဦး လိုက်နာရမည့် ကျင့်ဝတ်များနှင့် ကွင်းအတွင်း ဆုံးဖြတ်ချက်ချမှတ်မှုဆိုင်ရာ အခြေခံသီအိုရီနှင့် လက်တွေ့လေ့ကျင့်ခန်းများကို စနစ်တကျသင်ကြားကြရမည်ဖြစ်သည်။

■ ယခုသင်တန်းမှတစ်ဆင့် ထူးချွန်သည့် ဒိုင်လူကြီးလောင်းများကို ပြည်တွင်းပြိုင်ပွဲများတွင် တာဝန်ပေးအပ်နိုင်ရန် ဆက်လက် လေ့ကျင့်ပျိုးထောင်သွားမည်ဖြစ်‌ေကြာင်း သိရသည်။

#YMG/SW #Yangon_Times

#Daily_News
Published 24 March 2026

၁။‌ ‎သမီးလှကျွန်းကိုစတုတ္ထမြောက် အဏ္ဏဝါအမျိုးသားဥယျာဉ် သဘာဝထိန်းသိမ်းရေးနယ်မြေအဖြစ် ပြောင်းလဲသတ်မှတ်

‌‎၂။ ‌‌‌‌‌‌‌‌‌‌‌ကမ္ဘာ့ရွှေဈေးနှင့်အတူ ကျဆင်းခဲ့သည့် မြန်မာ့‌ရွှေဈေးတစ်ရက်အတွင်း ကျပ်နှစ်သိန်းပြန်တက်လာ

‎၃။‌‌‎ ‌‌‌‌‌‌‌‌‌မန္တလေးသင်္ကြန် ၂၀၂၆ ကို မဏ္ဍပ် ၄၀ ကျော်အပြင် လမ်းလျှောက်သင်္ကြန်ကိုလည်း ထည့်သွင်းကျင်းပမည်

၄။‎ အမေရိကန်အစိုးရစုစုပေါင်း ကြွေးမြီ ဒေါ်လာ(၃၉)ထရီလီယံကျော်လွန်သွားပြီ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ဧရာဝတီတိုင်းဒေသကြီး၊ ပုသိမ်ခရိုင်၊ ငပုတောမြို့နယ်အတွင်းရှိ သမီးလှကျွန်း တောရိုင်းတိရစ္ဆာန်ဘေးမဲ့တောကို စတုတ္ထမြောက် အဏ္ဏဝါအမျိုးသားဥယျာဉ် သဘာဝထိန်းသိမ်းရေးနယ်မြေအဖြစ် ဧရိယာတိုးချဲ့ပြောင်းလဲသတ်မှတ်လိုက်တယ်လို့ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနရဲ့ ထုတ်ပြန်ချက်အရ သိရပါတယ်။

#Local_News
Published 24 March 2026
#သမီးလှကျွန်း #တောရိုင်းတိရစ္ဆာန်ဘေးမဲ့တော
#YMG/NN #Yangon_Times

ကမ္ဘာ့ရွှေဈေးစံချိန်တင်ကျဆင်းခဲ့ခြင်းနဲ့အတူ မြန်မာ့‌ရွှေဈေးလည်း လိုက်ပါကျဆင်းခဲ့ပြီးနောက် တစ်ရက်အတွင်း ကျပ်နှစ်သိန်းပြန်တက်လာတယ်လို့ ရွှေဈေးကွက်အသိုင်းအဝိုင်းမှ သိရပါတယ်။

#Local_News
Published 24 March 2026
#ကမ္ဘာ့ရွှေဈေး #မြန်မာ့‌ရွှေဈေး
#YMG/SW #Yangon_Times

၂၀၂၆ ခုနှစ် မြန်မာ့ရိုးရာမဟာသင်္ကြန်ပွဲတော်ကို နန်းမြို့ကျုံးပတ်လည်၌ မဏ္ဍပ် ၄၀ ကျော်နဲ့ စည်ကားသိုက်မြိုက်စွာကျင်းပသွားမယ့်အပြင် ၂၆ လမ်းတစ်လျှောက် လမ်းလျှောက်သင်္ကြန်အစီအစဉ်များကိုလည်း ထည့်သွင်းကျင်းပသွားမယ်လို့ မန္တလေးမြို့တော်စည်ပင်သာယာရေးကော်မတီက သိရပါတယ်။

#Local_News
Published 24 March 2026
#မန္တလေးသင်္ကြန် #မြန်မာ့ရိုးရာမဟာသင်္ကြန်ပွဲတော်
#YMG/NN #Yangon_Times

မြန်မာနိုင်ငံတော်ဗဟိုဘဏ်အနေနဲ့ ယခုလအတွင်း နိုင်ငံခြားငွေကြေးဈေးကွက်အတွင်း စက်သုံးဆီလုပ်ငန်းရှင်များအတွက် အမေရိကန်ဒေါ်လာ ၁၄၁ သန်း အထိရောင်းချပေးထားတယ်လို့ ဗဟိုဘဏ်ကထုတ်ပြန်တဲ့စာရင်းတွေအရ သိရပါတယ်။

#Local_News
Published 24 March 2026
#စက်သုံးဆီ
#YMG/SW #Yangon_Times

#Local_News
Published 24 March 2026

■ ရန်ကုန်မြို့ပတ်ရထားလမ်းပိုင်း၌ မတ်လ ၂၅ ရက် မနက်ဖန် မှ စတင်ပြီး ဘက်ထရီလျှပ်စစ်စက်ခေါင်းဖြင့် ပြေးဆွဲသွားမည် ဖြစ်ကြောင်း မြန်မာ့မီးရထားမှ သိရသည်။

■ အဆိုပါ ဘက်ထရီလျှပ်စစ်စက်ခေါင်းဖြင့် မြို့ပတ်ရထား စတင်ပြေးဆွဲသည့် အခမ်းအနားကို မတ်လ ၂၅ ရက်၊ မနက် ၇ နာရီမှာ ရန်ကုန်ဘူတာကြီး၊ အမှတ် ၁ စင်္ကြံ၌ ပြုလုပ်သွားမည် ဖြစ်ပြီး
ယင်း မြို့ပတ်ရထားတွင် လူစီးတွဲ ၄ တွဲနှင့် ဘရိတ်တွဲ ၁ တွဲ ပါဝင်မည်ဖြစ်ကြောင်းသိရသည်။

■ ထိုသို့ ရန်ကုန်မြို့ပတ်လမ်းပိုင်း၌ ဘက်ထရီလျှပ်စစ်စက်ခေါင်းကို အသုံးပြုသည့်အတွက် ဒီဇယ်စက် ခေါင်းအသုံးပြုမှုနှင့်နှိုင်းယှဉ်ပါက တစ်ရက်လျှင် ကျပ် ၆ သိန်းကျော်ခန့် သက်သာသွားမည် ဖြစ်ကြောင်းသိရသည်။

#YMG/NN #Yangon_Times

#World_News
Published 24 March 2026

■ မြောက်ကိုရီးယားခေါင်းဆောင် ကင်မ်ဂျုံအန်းက သူ့တိုင်းပြည်ဟာ နျူကလီးယားလက်နက်များ ထုတ်လုပ်ရေးကနေ နောက်ဆုတ်မှာ မဟုတ်ဘူးလို့ ကြုံးဝါးလိုက်ပါတယ်။
နျူကလီးယားရပ်တည်ချက်က ပြန်ပြင်လို့မရတော့ဘူးလို့ ဆိုလိုက်ပြီး ဒါဟာ နိုင်ငံရေးဆိုတာထက် သတိပေးချက်နဲ့ ပိုတူနေပါတယ်။

■ မြောက်ကိုရီးယား ထိပ်သီးဆုံးဖြတ်ချက်ချမှတ်ရေးအဖွဲ့ တိုင်းပြည်ရေးရာကော်မရှင်ရဲ့ အကြီးအကဲအဖြစ် ပြန်လည်ခန့်အပ်ခံရပြီး နောက်တစ်ရက်မှာပဲ ကင်မ်ဂျုံအန်းက အခုလို ထုတ်ပြန်လိုက်တာ ဖြစ်ပါတယ်။

■ အမေရိကန်၊ အစ္စရေးလ်နဲ့ အီရန်စစ်ပွဲကြားမှာ ပါဝင်ပတ်သက်ခွင့် မရမှာကို ကင်မ်ဂျုံအန်း စိုးရိမ်နေတဲ့ အကြောင်းအရာတွေ အင်တာနက်မှာ ထွက်ပေါ်နေပါတယ်။

■ နျူကလီးယားစွမ်းအား မြှင့်တင်ဖို့ တိုက်တွန်းထားပြီး နျူကလီးယားပိုင် နိုင်ငံတစ်ခုအဖြစ် ရပ်တည်သွားဖို့အပြင် ရန်လိုလာတဲ့သူတွေကို ခုခံသွားဖို့ကိုလည်း ဆက်လက်ပြင်ဆင်နေတယ်လို့ ကင်မ်ဂျုံအန်း ပြောကြားခဲ့ကြောင်း ဒေသတွင်းမီဒီယာတွေ ဖော်ပြထားပါတယ်။

■ ပြည်သူ့သမ္မတဖွဲ့စည်းပုံမှ ယုံကြည်ပေးအပ်ထားတဲ့ ဝတ္တရားများနဲ့အညီ ကိုယ်တိုင်ကာကွယ်ခွင့် နျူကလီးယား အတိုင်းအတာများကို ဆက်လက်ချဲ့ထွင်သွားမယ်လို့ ပြောပါတယ်။

■ မြောက်ကိုရီးယား နျူကလီးယားစွမ်းရည် ပိုင်ဆိုင်ခြင်းက လုံးဝတရားမျှတမှုရှိတယ်လို့လည်း ဆိုပါတယ်။

■ ခြိမ်းခြောက်မှုတွေကို တုန့်ပြန်ဖို့အတွက် နျူကလီးယားတပ်တွေကို အသင့်အနေအထား ပြင်ထားတယ်လို့ သေချာပြောသွားပါတယ်။

■ မိန့်ခွန်းကြာကြာ ပြောကြားခဲ့ရာမှာ ကာကွယ်ရေး၊ နျူကလီးယား ပေါ်လစီကစလို့ အမေရိကန် တောင်ကိုရီးယားတို့နဲ့ ဆက်ဆံရေး စီးပွားရေးတို့အထိ ကင်မ်ဂျုံအန်း ပြောသွားပါတယ်။

Source: WION

#Local_News
Published 24 March 2026

▪️ ရန်ကုန်မြို့ရှိ ဇီဝိတဒါနသံဃာ့ဆေးရုံကြီး၌ (၂၄) ကြိမ်မြောက် စုပေါင်းသွေးလှူဒါန်းပွဲကိုလာမည့်လအတွင်း ကျင်းပသွားမည်ဖြစ်ကြောင်း သိရသည်။

▪️ အဆိုပါ (၂၄) ကြိမ်မြောက် စုပေါင်းသွေးလှူဒါန်းပွဲကို ဧပြီလ ၁၁ ရက်၊ နံနက် ၈ နာရီတွင် ရန်ကုန်တိုင်းဒေသကြီး၊ ဗဟန်းမြို့နယ် ဇီဝိတဒါနသံဃာ့ဆေးရုံကြီး(ရန်ကုန်)ရှိအလှူတော်မင်္ဂလာခန်းမ၌ ကျင်းပပြုလုပ်သွားမည်ဖြစ်ကြောင်းသိရသည်။

▪️ ယင်းသွေးလှူဒါန်းပွဲသည် အရေးပေါ်သွေးလိုအပ်နေသည့် လူနာများအတွက် ဇီဝိတဒါနအလှူအဖြစ် သံဃာတော်များ၊ သီလရှင်များနှင့် လူပုဂ္ဂိုလ်များက စုပေါင်းသွေးလှူဒါန်းကြမည် ဖြစ်သည်။

▪️ အဆိုပါ လှူဒါန်းရရှိသည့် သွေးများကို ရန်ကုန်ဆေးရုံကြီးအမျိုးသားသွေးဌာနမှ တာဝန်ခံဆရာဝန်ကြီးနှင့်အဖွဲ့မှ လက်ခံယူရယူသွားမည် ဖြစ်ပြီး စုပေါင်းသွေးလှူဒါန်းပွဲ၌ ပါဝင်လှူဒါန်းလိုသူများအနေဖြင့် လူမှုဆက်ဆံရေးဌာန ဖုန်း ၀၁-၅၄၁၇၉၅၊ ဝ၉-၆၈၃၈၁၇၉၇ဝ ဆက်သွယ်နိုင်ပြီး လူကိုယ်တိုင်လာရောက်၍ဖြစ်စေ၊ တယ်လီဖုန်းဖြင့်ဖြစ်စေ ဧပြီလ ၁၀ ရက်အတွင်း စာရင်းပေးသွင်းလှူဒါန်းနိုင်ကြောင်း သိရသည်။

#YMG/NN #Yangon_Times

#World_Science
Published 24 March 2026

■ ကမ္ဘာပေါ်က လူပေါင်း ၁.၄ ဘီလီယံခန့် သွေးတိုးရောဂါ ရှိနေတဲ့အချိန်မှာ အတွေ့အကြုံ နှစ် ၂၀ ရှိတဲ့ နှလုံးအထူးကု ဒေါက်တာ ဆန်ဂျေဘိုရာဂျ်က အချိန်တခဏအတွင်း သွေးပေါင်ကျစေမယ့် နည်းလမ်းကို မျှဝေသွားပါတယ်။

■ သွေးပေါင်ချိန်ထိန်းသိမ်းနိုင်မယ့် နည်းလမ်းကောင်းတစ်ခုက အသက်ရှူခြင်းကို ထိန်းချုပ်ခြင်းဖြစ်တယ်လို့ အင်စတာဂရမ်မှာ ဖော်ပြသွားပါတယ်။

■ WHO ဖော်ပြချက်အရ သွေးတိုးက တိတ်တဆိတ် အန္တရာယ်ပေးနေပြီး ကမ္ဘာတဝှမ်းမှာ အရွယ်မတိုင်ခင် သေဆုံးမှုတွေ ဖြစ်စေပါတယ်။

■ ဒီရောဂါနဲ့ ပတ်သက်ရင် အာရုံကြောစနစ်ကို သိပ်ပြီးမမြင်ကြဘူးလို့ ဒေါက်တာ ဘိုရာဂျ်က ပြောပါတယ်။

■ ဒေါက်တာက "သွေးပေါင်ချိန်တက်လာတယ်ဆိုရင် ကော်ဖီသောက်တာတွေ ဘာတွေမလုပ်ဘဲ အသက်ရှူခြင်းကို ထိန်းချုပ်လိုက်တယ်" လို့ ရှင်းပြပါတယ်။

■ ဒီနည်းလမ်းက အဆုတ်နဲ့ နှလုံးကြား ဆက်စပ်မှုကို အခြေခံတာဖြစ်ပြီး အရင်ဆုံး နှာခေါင်းကနေ ၄ စက္ကန့်ကြာအောင် အသက်ရှူရပါတယ်။

■ ဒီနောက် ၆ စက္ကန့်မှ ၈ စက္ကန့်အတွင်း ဖြည်းဖြည်းချင်း အသက်ရှူထုတ်ကာ ဒီပုံစံအတိုင်း ၂ မိနစ်ကြာအောင် ထပ်ခါထပ်ခါ ပြုလုပ်ပေးရပါမယ်။

■ အချိန်ကြာကြာ အသက်ရှူထုတ်တာဟာ သွေးကြောတွေ တင်းမာမှုပြေလျော့စေပြီး မိနစ်ပိုင်းအတွင်း အပေါ်သွေးကျဆင်းစေနိုင်ပါတယ်။

■ ဒီနည်းလမ်းကို ပုံမှန်လေ့ကျင့်ပေးရင် အပေါ်သွေး ၅ - ၁၀ မီလီမီတာမာကျူရီခန့် ကျဆင်းစေတယ်လို့ လေ့လာချက်အများအပြားမှာ တွေ့ရှိထားပါတယ်။

■ အိမ်မှာ လိုက်လုပ်ချင်သူတွေကို အကြံပြုထားတာက ၂ မိနစ်လေ့ကျင့်ခန်းကို ပုံမှန်လေး ပြုလုပ်ပြီး အချက်အလက်အခြေအနေကို စောင့်ကြည့်တိုင်းတာဖို့ ဖြစ်ပါတယ်။

Source: Hindustan Times.

#World_Science
Published 24 March 2026

■ အိန္ဒိယမှ အာကာသကုမ္ပဏီတွေဟာ အရှိန်မြှင့်လုပ်ဆောင်လျက်ရှိပြီး ဟိုက်ဒရာဘက်အခြေစိုက် Skyroot Aerospace အာကာသယာဉ်ကုမ္ပဏီဟာဆိုရင် အင်ဂျင်စမ်းသပ်မှုကြီးတစ်ခု ပြုလုပ်ခဲ့ပါတယ်။

■ အိန္ဒိယအမျိုးသားသိပ္ပံနေ့မှာ Skyroot Aerospace က Dhawan-III လို့ အမည်ပေးထားတဲ့ အလွန်အေးခဲ ဒုံးပျံအင်ဂျင်ကို လွှတ်တင်ခဲ့ပါတယ်။

■ ဒီအင်ဂျင်က အရည်အောက်ဆီဂျင်နဲ့ အရည်ဖွဲ့သဘာဝဓာတ်ငွေ့တို့ အသုံးပြုကာ ပတ်ဝန်းကျင်အတွက် ပိုမိုသန့်စင်ပြီး ထိရောက်မှုရှိတဲ့ လွှတ်တင်မှုတွေ ပြုလုပ်နိုင်မှာ ဖြစ်ကာ ၁၄၅ စက္ကန့်ကြာ စမ်းသပ်ပစ်လွှတ်မှု အောင်မြင်ခဲ့ပါတယ်။

■ ပင်လယ်မျက်နှာပြင်လယ်ဗယ်မှာ ၂.၃ ကီလိုနယူတန်ပင့်တင်အားဖြင့် လွှတ်တင်ခဲ့ပြီး လေဟာနယ်ထဲမှာ ၂.၈ ကီလိုနယူတန် ရှိခဲ့ပါတယ်။

■ ပြင်းထန်လွန်းတဲ့ အပူချိန်နဲ့ ဖိအားတို့ကို ထိန်းသိမ်းနိုင်တဲ့ စူပါအလွိုင်း Inconel ကနေ 3D အပြည့်ဒီဇိုင်းဖော်ထားပါတယ်။

■ ဒီဒုံးပျံတွေဟာ အင်ဂျင်ပိတ်နိုင်သလို ပြန်လည်နှိုးထနိုင်ပြီး SpaceX ကလိုမျိုး ပြန်လည်သုံးစွဲနိုင်တဲ့ ယာဉ်တွေအတွက် မရှိမဖြစ် အရေးပါပါတယ်။

■ အလွန်အေးခဲ အရည်အောက်ဆီဂျင်နဲ့ သဘာဝဓာတ်ငွေ့လောင်စာ အသုံးပြုထားပြီး စမ်းသပ်မှုအတွင်း ၂ မိနစ်ကျော်မှာ တည်ငြိမ်စွာ လောင်ကျွမ်းခဲ့ပါတယ်။

■ မီးတောက်ပုံစံက လျှပ်စစ်ပြာအရောင်ဖြင့် Mach စိန်ပုံသဏ္ဍာန်တွေရှိပြီး သာမန်တွန်းကန်မီးတောက်တွေထက် ပတ်ဝန်းကျင် ပိုမိုသန့်ရှင်းစေသလို အကုန်အကျလည်း သက်သာစေနိုင်ပါတယ်။

■ Skyroot အောင်မြင်မှုက အိန္ဒိယကို ကမ္ဘာ့အလယ်မှာ အာကာသနည်းပညာနဲ့ ပတ်သက်ပြီး စောင့်ကြည့်စရာ ဖြစ်လာပါတယ်။

Source: India Today.

အရှေ့အလယ်ပိုင်း ပဋိပက္ခကြောင့် ရေနံဈေးမြင့်တက်ရာကနေ ထိုင်းနိုင်ငံရဲ့ စီးပွားရေး ရိုက်ခတ်လာပြီး ငါးဖမ်းလုပ်ငန်းကနေ လယ်ယာစိုက်ပျိုးရေးအထိ စွမ်းအင်မှီခိုရတဲ့ကဏ္ဍတွေ ထိခိုက်လာပါတယ်။

#Asia_Economy
Published 23 March 2026
#အီရန် #ထိုင်းနိုင်ငံ
#YMG #Yangon_Times #Yangon_Media_Group