ကုန်သည်၊ပွဲစားများအနေနဲ့ ပဲမျိုးစုံ ကုန်ပစ္စည်းမပါဘဲ လေရောင်း/လေဝယ်မပြုလုပ်ကြဖို မြန်မာနိုင်ငံ ပဲမျိုးစုံ၊ ပြောင်းနှင့် နှမ်းကုန်သည်များအသင်းက အသိပေး ထုတ်ပြန်ထားပါတယ်။

#Local_News
Published 17 November 2025
#ပဲမျိုးစုံ
#YMG/SW #Yangon_Times

မြန်မာနိုင်ငံသားတွေကိုမြန်မာနိုင်ငံသားဖြစ်ကြောင်း သက်သေခံလက်မှ တ် Certificates of Identification (CI) မှ နိုင်ငံကူးလက်မှတ် (PJ) သို ပြောင်းလဲ ထုတ်ပေးနေတဲ့ ဌာနခွဲကို ရက်အကန့်အသတ်မရှိ ရပ်ဆိုင်းလိုက်တယ်လို ဘန်ကောက်အခြေစိုက် မြန်မာသံအရာရှိရုံးက အသိပေးထုတ်ပြန်ထားပါတယ်။

#Local_News
Published 17 November 2025
#CI #PJ
#YMG/SW #Yangon_Times

ကမ္ဘာ့ရွှေဈေးနဲ့အတူ ပြည်တွင်းရှိ ပြင်ပရွှေဈေးတွေပါ ကျပ်သိန်းကျော်အထိပြန်လည်ကျဆင်းလာတယ်လို့ ဈေးကွက်ထဲက သိရပါတယ် ။

#Local_News
Published 17 November 2025
#ရွှေ
#YMG/NN #Yangon_Times

#Daily_News
Published 17 November 2025

၁။‌ ‎‎CIမှ PJ သို ပြောင်းလဲ ထုတ်ပေးနေသည့် ဌာနခွဲကိုရက်အကန့်အသတ်မရှိ ရပ်ဆိုင်း
‎
‎၂။ ‌‌‌‌‌‎‎‎‎‎‎‎‎ပဲမျိုးစုံကုန်ပစ္စည်းမပါဘဲ လေရောင်း/လေဝယ် မပြုလုပ်ကြရန်ထုတ်ပြန်
‎
‎၃။‌‎‎ ‎‎‎‎‎‎‎‎‎‎‎လေဖိအားနည်းရပ်ဝန်းအရှိန်ကြောင့် ရန်ကုန်နှင့် ဒေသလေးခု၌ မိုးဆက်ရွာနိုင်
‎
‎‎၄။‎ ‎‎‎‎‎‎‎‎‎‎‎တရုတ်သိုခရီးစဉ်လာရောက်လည်ပတ်သည့်စပိန်ဘုရင်အား ရှီကျင့်ဖျင်အခမ်းအနားဖြင့်ကြိုဆို... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 17 November 2025

▪️ ကမ္ဘာလုံးဆိုင်ရာ မျိုးသုဉ်းရန်အန္တရာယ်ရှိသောအဆင့်မှ စိုးရိမ်စရာအနည်းဆုံးအဆင့်သို့ ပြန်လည်လျှော့ချသတ်မှတ်ခဲ့သည့် ပြင်သာလိပ်များမှာ ထိုသို့အဆင့် လျှော့ချခဲ့သော်လည်း တစ်နှစ်ထက်တစ်နှစ် ကောင်ရေလျော့ကျလာကြောင်းမော်တင်ကမ်းခြေဒေသ- သဘာဝပတ်ဝန်းကျင်ထိန်းသိမ်းရေးအသင်း (ဟိုင်းကြီးကျွန်း) မှ သိရသည်။

▪️ “ကမ္ဘာလုံးဆိုင်ရာထိန်းသိမ်း စောင့်ရှောက်ရေးကြိုးပမ်းမှုကြောင့် လိပ်အကောင်ရေတိုးပွားလာလို့ စိုးရိမ်စရာ အနည်းဆုံးအဆင့်ကို လျှော့လိုက်တယ်ဆိုပေမယ့် ကျွန်တော်တို့ နိုင်ငံမှာတော့ ပြင်သာလိပ်ကောင်ရေက တစ်နှစ်ထက် တစ်နှစ်လျော့ကျနေပါတယ်။ နောက်ဒီပြင်သာလိပ်ဆိုရင် မြန်မာနိုင်ငံ ကိုကိုးကျွန်းနဲ့ သမီးလှကျွန်းမှာ အကောင်ရေအများဆုံး တက်ရောက်ဥချတာ၊ ရခိုင်ပြည်နယ် နံ့သာကျွန်းမှာတော့ ဥတက်ချမှုအနည်းအကျဉ်းလောက်ပဲရှိတယ်။ ကျွန်တော်ကိုကိုးကျွန်းကို ၂၀၀၃ ခုနှစ်မှာ တစ်ခေါက်၊ ၂၀၀၇ ခုနှစ်တုန်းကတစ်ခေါက်၊ နောက် ၂၀၂၃ ခုနှစ်မှာ သုံးခေါက်ရောက်တယ်။ အဲဒီမှာ ၂၀၀၇ ခုနှစ်တုန်းကဆိုရင် တစ်ညတည်းကို ၅ မနဲ့ ၁၀ မကြား တက်ရောက်ဥချတာ၊ ၂၀၂၃ ခုနှစ်ကျတော့ တစ်ရက်ကို တစ်ကောင်၊ နှစ်ကောင်လောက်ပဲ ဥချတော့တယ်။ အခုအထိဖြစ်နေတာ၊ အဲဒီဘက်မှာ အကောင်ရေလျော့နည်းလာတယ်ပြောရမှာပါ” ဟု မော်တင်ကမ်းခြေဒေသ-သဘာဝပတ်ဝန်းကျင် ထိန်းသိမ်းရေးအသင်း (ဟိုင်းကြီးကျွန်း)မှ ဥက္ကဋ္ဌ ဦးဖုန်းမော်က ပြောသည်။

▪️ မြန်မာနိုင်ငံ၏ ပင်လယ်ကမ်းရိုးတန်းနှင့် ကမ်းလွန်ပင်လယ်ပြင်သည် ဧရိယာ ၂၈၃၂ ကီလိုမီတာ ရှည်လျားကာ ကျွန်းပေါင်း ၁၀၀၀ ခန့် ပိုင်ဆိုင်ကြောင်း၊ အဆိုပါကမ်းခြေနှင့် ကျွန်းများတွင် ပင်လယ်လိပ်များ တက်ရောက်ဥချနိုင်သည့်နေရာဒေသ များစွာရှိကြောင်း၊ လွန်ခဲ့သည့် နှစ် ၂၀၊ နှစ် ၃၀ ခန့်က သမီးလှကျွန်းတွင် ဥကျင်း ၃၀၀ ကျော်ခန့် ဥခဲ့သော်လည်း ယခုအခါ ဥကျင်းအရေအတွက် ၁၀၀ ပြည့်ရန်ပင်မလွယ်ကူတော့ကြောင်းသိရသည်။

▪️ ပြင်သာလိပ်များ အကောင်ရေလျော့ကျလာခြင်းမှာ ငါးဖမ်းကိရိယာများဖြင့် ဖမ်းဆီးခံရခြင်း၊ ၎င်းတို့၏ ဥနှင့် အသားများစားသုံးရောင်းဝယ်ကြခြင်း၊ ကမ်းခြေများ ဖွံ့ဖြိုးလာ၍ ပင်လယ်လိပ်ဥချသည့် ကမ်းခြေများဆုံးရှုံးလာခြင်း၊ ပင်လယ်ပြင်အတွင်း ပလတ်စတစ်နှင့် စွန့်ပစ်ပစ္စည်းများပြားလာခြင်း၊ ရာသီဥတုပြောင်းလဲလာခြင်း၊ ပင်လယ်ရေပြင် ညစ်ညမ်းလာခြင်းတို့ကြောင့် ဖြစ်ကြောင်း သိရသည်။

#YMG/SW #Yangon_Times

#Local_News
Published 17 November 2025

■ ယနေ့ နိုဝင်ဘာလ ၁၇ရက်နှင့် ၁၈ရက်ညများတွင် ဖြစ်ပေါ်မည့် ကြယ်မိုးရွာသည့် ဖြစ်စဉ်ကို တိမ်ကင်းစင်နေပါက မြန်မာနိုင်ငံမှ မြင်တွေ့နိုင်မည်ဖြစ်ကြောင်း Myanmar Astronomy & Science Enthusiasts Society (MASES) မှ သိရသည်။

■ နိုဝင်ဘာလ ၁၇ ရက်နေ့ ည နှင့် ၁၈ ရက်နေ့ မနက် အစော ပိုင်းတွင် Leonid Meteor Shower ကြယ်မိုးရွာသည့် ဖြစ်စဉ်ဖြစ်ပေါ်မည် ဖြစ်ပြီး အဆိုပါဖြစ်စဉ်သည် နှစ်စဉ်တွေ့မြင်ရသည့် ကြယ်မိုးရွာသည့်ဖြစ်စဉ်များထဲတွင် ထင်ရှားသည့်ဖြစ်စဉ်တစ်ခုဖြစ်ပြီး အများဆုံး တစ်နာရီလျှင် ဥက္ကာခဲပေါင်း ၁၅-၂၀ ခန့် ကမ္ဘာ့လေထုထဲသို့ ဝင်ရောက်ကျဆင်းလေ့ရှိကြောင်း သိရသည်။

■ “ Leonids ကြယ်မိုးကို ကြည့်ရှုမယ်ဆိုပါက အလင်းရောင်နည်းပါးပြီး ကောင်းကင်ကြည်လင်တဲ့ နေရာမှာအရှေ့တောင်ဖက်ကို စောင့်မျှော်ကြည့်ရှုနိုင်ပါတယ်။

■ Leo Constellations ရှိရာအရပ်မှ ကျဆင်းတာကြောင့် Leonid Meteor Shower လို့ခေါ်ဆိုတာဖြစ်ပါတယ်။

■ ည ၁၂ နာရီ ခန့်ကနေ မနက် နေမထွက်ခင်အချိန်အထိ မြင်တွေ့နိုင်မှာဖြစ်ပါတယ်။ လကွယ်နေ့ နဲ့ နီးကပ်တာကြောင့် လရောင် အနှောက်အယှက်လဲ ရှိမှာမဟုတ်ပါဘူး။” ဟု MASES မှ တာဝန်ရှိသူတစ်ဦးကပြောသည်။

■ မြန်မာနိုင်ငံတွင်‌ နေထိုင်သူများအနေဖြင့် ယနေ့ နိုဝင်ဘာ ၁၇ရက် ဖက်တွင်တိမ်ကင်းစင်နေပါက ည ၁၂နာရီ မှ မနက် ၄ နာရီ ခန့်အတွင်း အရှေ့တောင်ဖက်ကောင်းကင်ကို စောင့်မျှော်ကြည့်ရှုပါက လင်းလက်သည့် ဥက္ကာခဲကျဆင်းမှုများကို မျက်မြင်တွေ့ရမည်ဖြစ်ကြောင်း သိရသည်။

#YMG/SW #Yangon_Times

#Local_News
Published 17 November 2025

■ မတူပီမြို့အနီး၌ အင်အားအနည်းငယ်ရှိသော မြေငလျင်တစ်ခု ယနေ့မနက်ပိုင်းက လှုပ်ခတ်ခဲ့ကြောင်းသိရသည်။

■ နိုဝင်ဘာလ ၁၇ ရက်နေ့၊ မြန်မာစံတော်ချိန် (၀၇)နာရီ၊ (၃၄)မိနစ်၊ (၂၆) စက္ကန့်အချိန်တွင် ဟားခါးမြေငလျင်စခန်းမှ တောင်ဘက် (၇၇) မိုင်ခန့် ကွာဝေးသော မြန်မာနိုင်ငံ ပြည်တွင်း (မတူပီမြို့၏ တောင်-အနောက်တောင်ဘက် (၅) မိုင်ခန့်အကွာ) မြောက်လတ္တီတွဒ် (၂၁.၅၃) ဒီဂရီ၊ အရှေ့လောင်ဂျီတွဒ် (၉၃.၄၂) ဒီဂရီ၊ အနက်(၁၀) ကီလိုမီတာကို ဗဟိုပြု၍
လှုပ်ခတ်ခဲ့ခြင်းဖြစ်သည်။

■ ယင်းငလျင်သည် အင်အား ရစ်(ခ်)တာစကေး (၃.၉) အဆင့်ရှိ အင်အားအနည်းငယ်ရှိ ကြောင်း သိရသည်။

#YMG/NN #Yangon_Times

#Local_News
Published 17 November 2025

▪️ ဧရာဝတီတိုင်းဒေသကြီးဟိုင်းကြီးကျွန်းမြိုအနီး၌ တောဆင်ရိုင်းတစ်ကောင် ငဝန်မြစ်ဝကိုရေကူးဖြတ်သန်း၍ စီလောင်ရွာ၌ ၂ ရက်ကြာနေထိုင်ခဲ့ပြီး ငဝန်မြစ်အား အသွားအပြန်ပြုလုပ်ခဲ့ကြောင်းသိရသည်။

▪️ ဟိုင်းကြီးကျွန်းမြို့အနီးတွင် နိုဝင်ဘာ ၁၃ ရက် ညနေပိုင်းက တောဆင်ရိုင်းတစ်ကောင် (၃) မိုင်ကျော်ခန့် ကျယ်သော ငဝန်မြစ်ကို ရေကူးဖြတ်သန်း၍ ဟိုင်းကြီးကျွန်းတစ်ဖက်ကမ်းရှိ ဝါးကုန်းကျေးရွာအုပ်စု စီလောင်ကျေးရွာဘက်ကမ်းသို့ ရောက်ရှိခဲ့ကြောင်းသိရသည်။

▪️ အဆိုပါတောဆင်ရိုင်းသည် သစ်တောကြိုးဝိုင်းတည်ရှိရာ မြို့သစ်ကျေးရွာဘက်အခြမ်းမှ မွန်းလွဲ ၂ နာရီခန့် မြစ်အတွင်းသို့ စတင်ဆင်း၍ ရေကူးဖြတ်သန်းခဲ့ခြင်းဖြစ်ပြီး မြစ်အတွင်းသွားလာနေကြသော စက်လှေသမားများက သစ်တောကြိုးဝိုင်းဘက်ကို ပြန်လည်မောင်းထုတ်ခဲ့သော်လည်း မသွားဘဲစီလောင်ရွာဘက်သို့သာ ကူးခပ်သွားခဲ့ကာ ညနေပိုင်းတွင် စီလောင်ရွာသားပိုင် ဥယျာဉ်ခြံတစ်ခုဆီကို ကမ်းတက်လာခဲ့ပြီး အဆိုပါဥယျာဉ်ခြံအနီးဝန်းကျင်တွင် နိုဝင်ဘာ ၁၃ ရက်နှင့် ၁၄ ရက် နှစ်ရက်ကြာ နေထိုင်ခဲ့ကြောင်း၊ နိုဝင်ဘာ ၁၅ ရက်တွင် ဟိုင်းကြီးကျွန်းဘက်ရှိ သစ်တောကြိုးဝိုင်းရှိရာသို့ ရေကူးပြန်သွားခဲ့ကြောင်းသိရသည်။

▪️ အဆိုပါတောဆင်ရိုင်းအား စီလောင်ကျေးရွာသား အများအပြားလာရောက်ကြည့်ကြသော်လည်း အန္တရာယ်မပြုဘဲ ငှက်ပျောပင်များ၊ အုန်းပင်များအား စားသောက်ကာ ပြန်သွားခြင်းဖြစ်ကြောင်း ဒေသခံများ၏ ပြောကြားချက်အရသိရသည်။

#YMG/NN #Yangon_Times

#World_News
Published 17 November 2025

■ ရုရှားတို့က ယူကရိန်းအရှေ့တောင်ပိုင်း ဇာပိုရစ်ဇ်ဇီယာဒေသမှာ ရှေသို့ချီစစ်ဆင်လာနိုင်ခဲ့ပြီး ထိုဒေသတစ်ခုလုံးကို ထိန်းချုပ်နိုင်ဖို့အတွက် ရွာကြီးနှစ်ခုကို အခြေကုပ်ရယူခဲ့တယ်လို့ တနင်္ဂနွေနေ့က ပြောသွားပါတယ်။

■ ယူကရိန်းက ရုရှားထက် တပ်အင်အားနည်းပါးသဖြင့် ဒိုနက်စ်ဒေသမှာ ခံစစ် မြှင့်တင်ဖို့ ခက်ခဲနေပြီး ကျန်တဲ့တပ်တွေကတော့ ရှေ့တန်းမှာ ရုရှားတပ်ဖွဲ့တွေရဲ့ အမြှောက်တွေ၊ ဒရုန်းတွေ တိုက်ခိုက်မှုတွေကြား ကြံ့ကြံ့ခံနေပါတယ်။

■ ရုရှားတပ်တွေက ဇွန်လနောက်ပိုင်းမှာ ဒီနီပရိုပက်ထရော့ဗ်ဒေသသို့ ချီတက်လာပြီးနောက်ပိုင်း ဇာပိုရစ်ဇ်ဇီယာဒေသအထိ တွန်းအားပေးလာခဲ့ပြီး ပြီးခဲ့တဲ့ ရက်သတ္တပတ် ၆ ပတ်အတွင်း ရှေ့တန်းမှာ ၃၀ ကီလိုမီတာလောက်အထိ ရှေ့တက်လာနိုင်ခဲ့ပါတယ်။

■ ရုရှားတပ်တွေ ရစ်ဗ်နိုပီလျာကို သိမ်းယူပြီးနောက် ရုရှားချီတက်လမ်းကြောင်းမှာ ဟူလျာပိုးလ်မြို့က ပစ်မှတ်ဖြစ်လာနိုင်ကာ အိုရီကိဗ်ကနေ ၉ ကီလိုမီတာဝေးတဲ့ မာလာတော့မက်ခါကိုလည်း သိမ်းပိုက်နိုင်ခဲ့တယ်လို့ ရုရှားကာကွယ်ရေးဝန်ကြီးဌာနက ပြောပါတယ်။

■ ယူကရိန်းဘက်ကတော့ ဒီအကြောင်းတွေကို ပြောကြားခြင်းမရှိသေးပါဘူး။

■ ဟူလျာပိုးလ်မြို့နားတဝိုက် အပါအဝင် ဇာပိုရစ်ဇ်ဇီယာရှေ့တန်းနေရာတွေမှာ တိုက်ခိုက်မှုပိုဆိုးရွားလာပြီး ယူကရိန်းတပ်တွေက ရွာအများအပြားထံကနေ ဆုတ်ခွာလာရတယ်လို့ ယူကရိန်းထိပ်သီးဗိုလ်ချုပ်တစ်ဦးက ပြောခဲ့ပါတယ်။

■ ယူကရိန်းတို့က ခုခံရေးနေရာအများအပြားကို ထိန်းထားနိုင်လောက်တဲ့ တပ်အင်အားမရှိပါဘူး။

■ အခုဆိုရင် ရုရှားက ယူကရိန်းနယ်မြေရဲ့ ၁၉ ရာခိုင်နှုန်းလောက်ဖြစ်တဲ့ ၁၁၅,၄၇၆ စတုရန်းကီလိုမီတာလောက်ကို ထိန်းချုပ်ထားပါတယ်။

■ ရုရှားက ဒိုနက်စ်၊ လူဟန့်စ်အပါအဝင် ဒွန်ဘက်စ်ဒေသတစ်ခုလုံးကို ထိန်းချုပ်ချင်သလို ခါဆန်နဲ့ ဇာပိုရစ်ဇ်ဇီယာတို့ကိုလည်း အလိုရှိနေပါတယ်။

Source: Reuters

#World_Health
Published 17 November 2025

▪️ ဆီးအမြှုပ်ထခြင်းက ကျောက်ကပ်ရောဂါဖြစ်တဲ့သဘော မဟုတ်ဘဲ ဆီးသွားနှုန်းပြင်းထန်ခြင်း၊ ရေဓာတ်ခန်းခြောက်ခြင်း၊ အိမ်သာခွက်ထဲ ဆပ်ပြာအစအန ကျန်ခြင်းတို့ကြောင့် ဖြစ်တတ်တယ်လို့ KIMS ဆေးရုံမှ ဆီးနှင့်ကျောက်ကပ်အထူးကု ဒေါက်တာ အာဂျစ်ဂူဂျယ်လာက ပြောပါတယ်။

▪️ ဆီးအမြှုပ်ထခြင်း ကာလကြာမြင့်လာရင်တော့ ဆီးထဲမှာ ပရိုတိန်းယိုစိမ့်တာဖြစ်နိုင်ပြီး ကျောက်ကပ်ပုံမှန် မစစ်ထုတ်နိုင်တာ ဖြစ်ပါတယ်။

▪️ တစ်နေ့တာအတွင်း ပြောင်းလဲမှုထက်စာရင် ဘာတွေကို သတိထားရမလဲဆိုတော့ ရက်အတော်ကြာ ဆက်တိုက်အမြှုပ်ထခြင်း၊ ခြေထောက် ခြေကျင်းဝတ် လက် မျက်လုံးတို့မှာ ဖောရောင်ခြင်း၊ ပင်ပန်းနွမ်းနယ်ခြင်း၊ ဆီးသွားနည်းခြင်း၊ ဆီးအရောင်ပြောင်းလဲခြင်းတို့ကို ဂရုပြုသင့်ပါတယ်။

▪️ ဒီလိုဆိုရင် ဆီးထဲက ပရိုတိန်းစစ်ဆေးခြင်းနဲ့ ကျောက်ကပ်လုပ်ဆောင်ချက် ဆန်းစစ်ဖို့က အရေးကြီးကြောင်း ဒေါက်တာက ဆိုပါတယ်။

▪️ ရေဓာတ်ပြည့်ဝစွာနေခြင်း၊ အငန်စာနဲ့ အဆင့်ဆင့်ထုပ်ပိုးစားစရာများ လျော့ချခြင်း၊ သွေးပေါင်ချိန်နဲ့ သွေးတွင်းသကြားဓာတ် ထိန်းသိမ်းခြင်း၊ အသားကြီးငါးကြီး ယာယီကန့်သတ်ခြင်း၊ မလိုလားအပ်တဲ့ အကိုက်အခဲပျောက်ဆေးများ ရှောင်ရှားခြင်း၊ လှုပ်ရှားမှုပြုလုပ်ပြီး ကိုယ်အလေးချိန် ထိန်းသိမ်းခြင်းတို့ဖြင့် ကျောက်ကပ်ကျန်းမာရေးကို ထိန်းချုပ်နိုင်ပါတယ်။

▪️ Creatinine နဲ့ eGFR တိုင်းတာဖို့ ပရိုတိန်းနဲ့ သွေးစစ်ဆေးမှုများ ပြုလုပ်နိုင်ကာ အမြှုပ်ထတဲ့ ကာလကြာချိန်၊ ဖောရောင်ခြင်းရှိမရှိ၊ ဆီးအရောင်ပြောင်းလဲခြင်း ရှိမရှိ၊ ဆီးချို သွေးတိုး ကျောက်ကပ်ရောဂါမျိုးရိုးရှိမရှိ၊ သုံးစွဲနေတဲ့ ဆေးဝါး ဖြည့်စွက်ဆေးများ စတာတွေကို အသေးစိတ် ကြည့်ခြင်းဖြင့် ဘေးအန္တရာယ်မရှိဘူးလား ကျောက်ကပ်ပတ်သက်နေလားဆိုတာကို ဆုံးဖြတ်နိုင်မှာ ဖြစ်တယ်လို့ ဆိုပါတယ်။

▪️ ဆီးအမြှုပ်ထခြင်းကို စောစီးစွာ သိရှိပြီး ကြိုတင်ကာကွယ်ကုသခြင်းက ကျောက်ကပ်ကျန်းမာရေးအတွက် အကောင်းဆုံးနည်းလမ်း ဖြစ်ပါတယ်။

Source: Indian Express

#World_Health
Published 17 November 2025

▪️ လူတစ်ယောက်ရဲ့လျှာကို MRI စကင်ဖတ်ရှုစစ်ဆေးခြင်းဖြင့် အာရုံကြောချို့ယွင်းရောဂါတစ်မျိုးဖြစ်တဲ့ မော်တာနျူရွန်ရောဂါ(MND)ကို စောစီးစွာ စောင့်ကြည့်တွေ့ရှိနိုင်ဖွယ်ရှိကြောင်း လေ့လာချက်တစ်ခုမှာ သိရပါတယ်။

▪️ MND ရှိတဲ့သူတွေဟာ လျှာကြွက်သားသေးငယ်တာကြောင့် စကားပြောရခက်ခြင်း၊ မျိုချရခက်ခြင်းတို့ ခံစားရတယ်လို့ ဩစတြေးလျ ကွင်းစ်လန်းတက္ကသိုလ်မှ သုတေသီများ ပြောပါတယ်။

▪️ ဒါဟာ အာရုံကြောချို့ယွင်းရောဂါရဲ့ အစောပိုင်းလက္ခဏာ ဖြစ်လာနိုင်တယ်လို့ လျှပ်စစ်အင်ဂျင်နီယာနဲ့ ကွန်ပျူတာသိပ္ပံကျောင်းမှ ဒေါက်တာ သောမတ်စ်ရှောက ပြောပါတယ်။

▪️ လျှာမှာ တွယ်ဆက်ကြွက်သား ၈ ခုရှိပြီး အစာစားခြင်း၊ မျိုချခြင်း၊ စကားပြောခြင်းတို့ အပါအဝင် ကြွက်သားတစ်ခုစီက တာဝန်အသီးသီးယူရပြီး မော်တာနျူရွန်ရောဂါ ရှိသူမှာတော့ လျှာကြွက်သားတွေ အားနည်းနေပါတယ်။

▪️ ဒါကို စောစီးစွာ စောင့်ကြည့်တွေ့ရှိနိုင်ပါက စစ်ဆေးစမ်းသပ်မှုများ စောစောလုပ်နိုင်ကာ လူနာတွေအတွက် အကျိုးရှိနိုင်မှာ ဖြစ်ပါတယ်။

▪️ MND ဖြစ်နေတဲ့သူရဲ့ ပါးစပ်အတွင်းထဲက လျှာကြွက်သားတွေကို လေ့လာရတာ ခက်ခဲပြီး ယခုသုတေသနအဖွဲ့ကတော့ MRI စကင်ပေါင်း ၂၀၀ ကျော်ကို လေ့လာစစ်ဆေးနိုင်ခဲ့ပါတယ်။

▪️ AI အကူအညီနဲ့ အဆင့်မြင့်ပုံရိပ်ဖတ်နည်းပညာများ ပေါင်းစပ်အသုံးပြုကာ လျှာကြွက်သားထုထည်နဲ့ ပုံစံအတိုင်းအတာတွေကို အတိအကျ ရရှိခဲ့တယ်လို့ ဆိုပါတယ်။

▪️ ထိုအခါမှာ MND ရောဂါရှိသူတွေနဲ့ မရှိသူတွေကြား ကွာခြားချက်သိသာထင်ရှားတာကို တွေ့ခဲ့ကြပါတယ်။

▪️ ပါးစပ်၊ လျှာ၊ လည်ချောင်း၊ လည်ပင်းကြွက်သားတွေမှာ MND ရှိသူတွေက ခြေထောက်မှာ လက္ခဏာပေါ်သူတွေထက် အသက်ရှင်သန်နိုင်ခြေ ပိုပြီးတိုတောင်းနေပါတယ်။

▪️ MND ဝေဒနာရှင်တွေမှာ လေလွင့်ဆုံးရှုံးနေတဲ့ လျှာကြွက်သားတွေကို နားလည်သိရှိခြင်းဖြင့် အစားပြန်ထိုးနိုင်မယ့် နည်းနစ်များ ထွက်ပေါ်စေနိုင်မှာဖြစ်တယ်လို့ ရှောကပြောသွားပါတယ်။

Source: NDTV

ရန်ကုန်စတော့အိတ်ချိန်း (YSX) ရဲ့ စာရင်းဝင်အကြိုဈေးကွက်မှာ လယ်ယာဝန်ဆောင်မှုလုပ်ငန်းတစ်ခုဖြစ်တဲ့ G.B.S အများနှင့်သက်ဆိုင်သော ကုမ္ပဏီလီမိတက်ကို မှတ်ပုံတင်ဖို့ခွင့်ပြုလိုက်တယ်လို့ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ကနေ သိရပါတယ်။

#Local_News
Published 15 November 2025
#YSX #G.B.S
#YMG/NN #Yangon_Times