#World_Health
Published 16 November 2025

▪️ နီကိုတင်းပါဝင်တဲ့ ဆေးလိပ်တွေ၊ အီး-စီးကရက်တွေစသဖြင့် ပစ္စည်းမျိုးစုံကို ကမ္ဘာပေါ်က လူအများအပြား သုံးစွဲနေကြပါတယ်။

▪️ သုတေသနတစ်ခုမှာ ဆေးလိပ်နဲ့ နီကိုတင်းပါဝင်ပစ္စည်းတွေက လိင်မှုစွမ်းဆောင်ရည်ကို ပြောင်းလဲစေဖွယ်ရှိကာ အခြားလေ့လာချက်တွေမှာဆိုရင် လိင်စိတ်ဆန္ဒကိုပါ ပြောင်းလဲစေတယ်လို့ တွေ့ရှိထားပါတယ်။

▪️ လေ့လာချက်အများအပြားထဲမှာ နီကိုတင်းသုံးစွဲခြင်းက အမျိုးသားတွေမှာ လိင်စိတ်ဆန္ဒကို ဆိုးကျိုးသက်ရောက်စေတယ်လို့ ဆိုပါတယ်။

▪️ နီကိုတင်းစွဲလမ်းတဲ့အခါ လိင်စိတ်ဆန္ဒ၊ လှုံ့ဆော်နိုင်စွမ်း၊ ထောင်မတ်နိုင်စွမ်း၊ ဆန္ဒပြီးမြောက်ခြင်းတို့ကိုပါ သက်ရောက်လာစေကာ လိင်ပိုင်းဆိုင်ရာ လုပ်ဆောင်ချက်ကျဆင်းလာစေတယ်လို့ သုတေသီတွေ တွေ့ရှိခဲ့ပါတယ်။

▪️ နီကိုတင်းက အာရုံကြောစနစ်နဲ့ ဟော်မုန်းတွေအပေါ် သက်ရောက်နိုင်တာကြောင့် ဖြစ်နိုင်ပါတယ်။

▪️ အမျိုးသမီးတွေမှာလည်း နီကိုတင်းက လိင်စိတ်ဆန္ဒအပေါ် ဆိုးကျိုးသက်ရောက်နိုင်ဖွယ် ရှိတယ်လို့ သိရှိထားပြီး ၂၀၁၅ လေ့လာချက်အရ ဆေးလိပ်သောက်တဲ့ အမျိုးသမီးတွေဟာ လိင်ပိုင်းဆိုင်ရာ လုပ်ဆောင်ချက်ကျဆင်းခြင်းနဲ့ လိင်စိတ်ဆန္ဒလျော့ပါးခြင်းတို့ အဖြစ်များပါတယ်။

▪️ နီကိုတင်းရဲ့ သက်ရောက်မှုက လိင်ပြောင်းလဲသူတွေနဲ့ လိင်တူဆက်ဆံသူတွေအပေါ်မှာ လေ့လာချက်တွေ မလုပ်ထားပေမယ့် သူတို့အပေါ်မှာလည်း ဆိုးကျိုးသက်ရောက်နိုင်ဖွယ် ရှိပါတယ်။

▪️ နီကိုတင်း မသုံးစွဲတဲ့အခါ လိင်စိတ်ဆန္ဒ တိုးတက်စေနိုင်လားဆိုတာ သိပ်ပြီးမလေ့လာရသေးပေမယ့် ဆေးလိပ်ဖြတ်ရင် လိင်စိတ်ဆန္ဒအတွက် အကျိုးရှိစေနိုင်တယ်လို့ လေ့လာချက်တစ်ခုမှာတော့ တွေ့ထားပါတယ်။

▪️ ဆေးလိပ်ဖြတ်ရင် လိင်စိတ်ဆန္ဒ တိုးတက်စေနိုင်လားဆိုတာကို လူအများအပြားဖြင့် သုတေသနပြုလုပ်ဖို့ လိုအပ်ပါသေးတယ်။

▪️ မိမိရဲ့လိင်စိတ်ဆန္ဒ ပြောင်းလဲလာတယ်လို့ ခံစားရရင် ဆရာဝန်နဲ့ ပြသသင့်ပြီး နီကိုတင်းကြောင့် ဖြစ်နိုင်သလို အခြားသော အကြောင်းအရင်းတွေလည်း ရှိနေနိုင်ပါတယ်။

Source: Healthline.

#World_Science
Published 16 November 2025

▪️ သိပ္ပံပညာရှင်တွေက shiitake mushroom mycelium (မှိုမည်း)ကို အသုံးပြုကာ လျှပ်စီးပမာဏကို မှတ်သားထားနိုင်တဲ့ မမ်ရစ္စတာများ ဖန်တီးလိုက်ပြီး ကုန်ကျစရိတ်သက်သာတဲ့ ဟာ့ဒ်ဝဲပစ္စည်းတွေ ထွက်ပေါ်လာနိုင်ခြေ ရှိပါတယ်။

▪️ မှိုရဲ့ မမ်ရစ္စတာတွေက ယခင်က လျှပ်စီးအခြေအနေတွေကို မှတ်မိပြီး mycelium ရဲ့ နျူရွန်ကဲ့သို့ ဂုဏ်သတ္တိတွေကို အသုံးချနိုင်ပါတယ်။

▪️ ဒီနည်းလမ်းဖြင့် တိုက်တေနီယံဒိုင်အောက်ဆိုဒ်၊ ဆီလီကွန်တို့လို ပစ္စည်းတွေကနေ ပြုလုပ်ထားကာ လက်ရှိ မမ်မိုရီဟာ့ဒ်ဝဲတွေထဲမှာ ကုန်ကျစရိတ်သက်သာတဲ့ နည်းလမ်း ရလာစေနိုင်ပါတယ်။

▪️ ဦးနှောက်အစိတ်အပိုင်းတွေကဲ့သို့ ကွန်ပျူတာတွေ ထွက်ပေါ်လာနိုင်ပြီး နျူရွန်တွေကြား အချက်အလက်တွေ ထိန်းချုပ်ပေးနိုင်မှာ ဖြစ်ပါတယ်။

▪️ တကယ့်အာရုံကြောလှုပ်ရှားမှုတွေအတိုင်း လိုက်လုပ်နိုင်တဲ့ မိုက်ခရိုဆားကစ်ပြားတွေ ထုတ်လုပ်နိုင်ခြင်းက စက်အသုံးပြုစရာမလိုဘဲ ကွန်ပျူတာနဲ့ စီးပွားရေးပိုင်းမှာ အားသာချက်ကြီး ရနိုင်မှာဖြစ်တယ်လို့ အိုဟိုင်ယိုပြည်နယ်တက္ကသိုလ်မှ စိတ်ကျန်းမာရေးအထူးကု ဂျွန်လာရော့ကိုက ပြောပါတယ်။

▪️ သိပ္ပံပညာရှင်တွေက မှိုတွေကို ကွန်ပျူတာအဖြစ် လေ့လာနေကြပြီး ဦးနှောက်လိုမျိုး လျှပ်စီးနဲ့ ဓာတုထုတ်လွှတ်မှုများအကြောင်း လေ့လာခဲ့ကြပါတယ်။

▪️ မှိုမည်းက ကြံ့ခိုင်မှုအားကောင်းတာကြောင့် ရွေးချယ်အသုံးပြုခဲ့ကြပြီး မမ်ရစ္စတာတွေ ဖြစ်လာနိုင်မယ့် အခြေအနေတွေဖြင့် နမူနာ ၉ ခု စိုက်ပျိုးခဲ့ကြပါတယ်။

▪️ စမ်းသပ်ခွက်ထဲမှာ အခြောက်ခံပြီးနောက် ကွန်ပျူတာမှာ အသုံးပြုနိုင်မလားဆိုတာကို သိရှိဖို့ လျှပ်စီးကွင်းများထဲ ပေါင်းစပ်ထည့်သွင်းခဲ့ပါတယ်။

▪️ ထိုအခါမှာ အခြေခံကျတဲ့ မမ်ရစ္စတာတွေထက် နှေးပေမယ့် လျှပ်စီးပြောင်းနှုန်း ၅,၈၅၀ ဟတ်ဇ်ဖြင့် ၉၀ ရာခိုင်နှုန်းတိကျစွာ ထုတ်လုပ်ပေးနိုင်ခဲ့ပါတယ်။

▪️ Mycelium စွမ်းအင်သုံးကွန်ပျူတာက စမတ်ဖုန်းတွေနေရာမှာ အစားထိုးနိုင်ဦးမှာ မဟုတ်ပေမယ့် အနာဂတ်ဆန်းသစ်တီထွင်မှုများအတွက် လမ်းကြောင်းဖြစ်လာနိုင်ပါတယ်။

Source: NDTV.

၁၅ ကြိမ်မြောက် အမျိုးသားအားကစားပြိုင်ပွဲမှာ အသုံးပြုနေတဲ့ အဆင့်မြင့်နည်းပညာ ၁၀ မျိုးကို တရုတ်မီဒီယာအဖွဲ(CMG)က ကွမ်ကျိုးရှိ ဖိုရမ်တစ်ခုမှာ ထုတ်ဖော်ပြသလိုက်ပါတယ်။

#Asia_Technology
Published 15 November 2025
#CMG #အမျိုးသားအားကစားပြိုင်ပွဲ
#YMG #Yangon_Times #Yangon_Media_Group

ဂျော်ဒန်နိုင်ငံသို့ သွားရောက်အလုပ်လုပ်ကိုင်မယ့် မြန်မာလုပ်သား(၁၀)ဦးကို ပြည်ပအလုပ်အကိုင်အလုပ်သမားသက်သေခံကတ် ( OWIC)ပြုလုပ်ခွင့်ပြုခဲ့တယ်လို့ အလုပ်သမားဝန်ကြီးဌာန Safe Migration Channel က သတင်းထုတ်ပြန်ထားပါတယ်။

#Local_News
Published 15 November 2025
#ဂျော်ဒန်နိုင်ငံ #OWIC
#YMG/SW #Yangon_Times

အခုနှစ်ထောပတ်သီးရာသီချိန်အတွင်း ထိုင်းနိုင်ငံကိုတန်ချိန်(၅၀၀၀) အထိတင်ပို့ရန်လျာထားတယ်လို့ မြန်မာနိုင်ငံထောပတ်သီးစိုက်ပျိုးထုတ်လုပ်တင်ပို့ရောင်းချသူများအသင်းက သိရပါတယ်။

#Local_News
Published 15 November 2025
#ထောပတ်သီး #ထိုင်း
#YMG/NN #Yangon_Times

ပြည်တွင်းမှမွေးမြူရေးငါးများကို ဆော်ဒီနိုင်ငံသို့ BAP စနစ်ဖြင့်တင်ပို့နိုင်ရေးဆောင်ရွက်လျှက်ရှိတယ်လို့ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာနမှ သိရပါတယ်။

#Local_News
Published 15 November 2025
#ဆော်ဒီနိုင်ငံ #BAP
#YMG/SW #Yangon_Times

နိုဝင်ဘာ ၁၅၊၂၀၂၅ (Sky News)-

Panorama အစီအစဉ်တွင် သူ၏ မိန့်ခွန်းကို ပြုပြင်တည်းဖြတ်မှုအတွက် BBC ကို အမေရိကန်ဒေါ်လာ ၁ ဘီလီယံမှ ၅ ဘီလီယံကြား တရားစွဲဆိုမည်ဟု ဒေါ်နယ်ထရမ့်က ပြောကြားလိုက်သည်။

အမေရိကန်သမ္မတက စနေနေ့ည၌ Air Force One လေယာဉ်ပေါ်တွင် ရှိနေစဉ် အဆိုပါ အသံလွှင့်ဌာနကို တရားဥပဒေအရ အရေးယူမည်ဖြစ်ကြောင်း အတည်ပြုခဲ့ခြင်းဖြစ်သည်။

"ကျွန်တော်တို့ သူတို့ကို တရားစွဲမယ်။ ဒေါ်လာ တစ်ဘီလီယံ (ပေါင် ၇၉၂ သန်း) နဲ့ ငါးဘီလီယံ (ပေါင် ၃.၇၉ ဘီလီယံ) ကြား လျော်ကြေးရဖို့ သူတို့ကို တရားစွဲမယ်၊ လာမယ့်အပတ်လောက်မှာ ဖြစ်နိုင်တယ်" ဟု သူက သတင်းထောက်များကို ပြောကြားခဲ့သည်။

"ကျွန်တော်တို့ ဒါကို လုပ်ရမယ်၊ သူတို့ လိမ်လည်ခဲ့တယ်ဆိုတာ ဝန်ခံပြီးသားပဲ။ သူတို့ ဒါကို မလုပ်ဘဲ နေခဲ့ကြတာ မဟုတ်ဘူး။ သူတို့ လိမ်လည်ခဲ့တယ်။ ကျွန်တော့်ပါးစပ်က ထွက်တဲ့ စကားလုံးတွေကို သူတို့ ပြောင်းလဲခဲ့တယ်"ဟုထရမ့်ကပြောသည်။

ထို့နောက် ထရမ့်က ယခုသီတင်းပတ်ကုန်တွင် ဝန်ကြီးချုပ် ဆာာ ကီယာစတားမား နှင့် ဤကိစ္စကို ဆွေးနွေးမည်ဖြစ်ကြောင်း သတင်းထောက်များအား ပြောကြားခဲ့ပြီး "ဖြစ်ပျက်ခဲ့သည့်အပေါ် ယူကေ  ပြည်သူများ အလွန်ဒေါသထွက်နေကြသည်၊အဘယ်ကြောင့်ဆိုသော် BBC သည် သတင်းတု ဖြစ်ကြောင်း ပြသလိုက်သောကြောင့်ဖြစ်သည်” ဟု အခိုင်အမာ ပြောကြားခဲ့သည်။

၂၀၂၁ ခုနှစ်၊ ဇန်နဝါရီလ ၆ ရက်နေ့တွင် လူအုပ်စုတစ်စုက အမေရိကန် ကက်ပီတိုလ် အဆောက်အအုံ၌ အဓိကရုဏ်းမဖြစ်ပွားမီ ထရမ့်ပြောကြားခဲ့သော မိန့်ခွန်းကို BBC က သတင်းအစီအစဉ်တွင် ပြုပြင်  တည်းဖြတ်ခဲ့ခြင်းနှင့် ပတ်သက်၍ စိုးရိမ်မှုများ မြင့်တက်ခဲ့ကြောင်း ဌာနတွင်း မှတ်တမ်းတစ်ခုကို The Daily Telegraph က ယခုလအစောပိုင်းတွင် ဖော်ပြခဲ့သည်။

BBC အကျပ်အတည်း ဘယ်လိုဖြစ်ပွားခဲ့သလဲ

စိုးရိမ်မှုများမှာ ပြီးခဲ့သည့်နှစ် အမေရိကန်ရွေးကောက်ပွဲ မတိုင်မီ တစ်ပတ်အလိုတွင် BBC က ထုတ်လွှင့် ခဲ့သော "Trump: A Second Chance?" မှတ်တမ်းရုပ်သံတွင် သမ္မတ၏ မိန့်ခွန်း အပိုင်းအစများမှ ဗီဒီယို  ဖိုင်များကို ဖြတ်ဆက်၍ သူက ကက်ပီတိုလ် အဆောက်အအုံသို့ ထောက်ခံသူများနှင့်အတူ လမ်းလျှောက်  သွားပြီး "သတ္တိရှိရှိ တိုက်ပွဲဝင်ရန်" ပြောကြားခဲ့သကဲ့သို့ ထင်ရအောင် ပြုလုပ်ခဲ့ခြင်းနှင့် သက်ဆိုင်နေ သည်။ ပြင်းထန်သော ဝေဖန်မှုများ ထွက်ပေါ်လာပြီးနောက် BBC ညွှန်ကြားရေးမှူးချုပ် တင်မ် ဒေဗီ နှင့် BBC News အမှုဆောင်အရာရှိချုပ် ဒေဘိုရာ တားနက်စ် တို့ နှစ်ဦးစလုံး သူတို့၏ ရာထူးများမှ နုတ်ထွက်  ခဲ့ကြသည်။

 အသရေဖျက်မှု တောင်းဆိုရန် အခြေအမြစ်မရှိ

ကြာသပတေးနေ့တွင် အဆိုပါ အသံလွှင့်ဌာနက သမ္မတအား တရားဝင် တောင်းပန်ခဲ့ပြီး ယင်းသည် "ဆုံးဖြတ်ချက် အမှားအယွင်း" ဖြစ်ကြောင်းနှင့် အစီအစဉ်ကို "မည်သည့် BBC ပလက်ဖောင်းများတွင်မဆို ဤပုံစံအတိုင်း ထပ်မံထုတ်လွှင့်တော့မည် မဟုတ်ကြောင်း" အာမခံပြောကြားခဲ့သည်။

ပြောရေးဆိုခွင့်ရှိသူတစ်ဦးက "ဗီဒီယိုဖိုင်ကို တည်းဖြတ်ခဲ့သည့်ပုံစံအတွက် BBC က စိတ်ရင်းအမှန်ပင် ဝမ်းနည်းပါသည်" ဟု ပြောကြားခဲ့သော်လည်း "အသရေဖျက်မှု တောင်းဆိုရန် အခြေအမြစ်ရှိသည် ဆိုခြင်းကိုမူ ကျွန်ုပ်တို့ လုံးဝ သဘောမတူပါ" ဟု သူတို့က ထပ်လောင်းပြောကြားခဲ့သည်။

ယခုသီတင်းပတ် အစောပိုင်းတွင် ထရမ့်၏ ရှေ့နေများက BBC အနေဖြင့် တောင်းပန်ခြင်း၊ ဗီဒီယိုဖိုင်ကို ပြန်လည်ရုပ်သိမ်းခြင်း နှင့် လျော်ကြေးပေးခြင်းတို့ မပြုလုပ်ပါက ဒေါ်လာ ၁ ဘီလီယံအတွက်  တရား စွဲမည်ဟု ခြိမ်းခြောက်ခဲ့သည်။

သမ္မတ၏ မိန့်ခွန်း အပိုင်းအစများကို ဖြတ်ဆက်၍ သူက ကက်ပီတိုလ် အဆောက်အအုံသို့ ထောက်ခံ  သူများနှင့်အတူ လမ်းလျှောက်သွားပြီး "သတ္တိရှိရှိ တိုက်ပွဲဝင်ရန်" ပြောကြားခဲ့သကဲ့သို့ ထင်သွားအောင် ပြီးခဲ့သည့်နှစ် အမေရိကန်ရွေးကောက်ပွဲ မတိုင်မီ တစ်ပတ်အလိုတွင် BBC က ထုတ်လွှင့်ခဲ့သော "Trump: A Second Chance?" မှတ်တမ်းရုပ်သံတွင် ဖန်တီး ပြုလုပ်ခဲ့သည်။

တရားဥပဒေအရ စိန်ခေါ်မှုများ

သို့သော် ဥပဒေပညာရှင်များက မစ္စတာထရမ့်အနေဖြင့် ယူကေ သို့မဟုတ် အမေရိကန် တရားရုံးများ၌ အမှုဖွင့်ရာတွင် စိန်ခေါ်မှုများ ရင်ဆိုင်ရမည်ဟု ပြောကြားထားသည်။

အသရေဖျက်မှု လျော်ကြေးငွေ ပေါင် ၁၀၀,၀၀၀ ($၁၃၂,၀၀၀) ထက် မကျော်လွန်လေ့ရှိသော ယူကေ  တရားရုံးများသို့ အမှုတင်သွင်းရန် နောက်ဆုံးသတ်မှတ်ရက်မှာ ကျော်လွန်သွားပြီဖြစ်သည်။ အဘယ် ကြောင့်ဆိုသော် အဆိုပါ မှတ်တမ်းရုပ်သံကို ၂၀၂၄ ခုနှစ် အောက်တိုဘာလတွင် ထုတ်လွှင့်ခဲ့ပြီး ယင်းမှာ တစ်နှစ်ထက် ပိုမိုကြာမြင့်သွားခဲ့သောကြောင့် ဖြစ်သည်။

ထို့အပြင် အဆိုပါ မှတ်တမ်းရုပ်သံကို အမေရိကန်တွင် မပြသခဲ့သောကြောင့်၊ အမေရိကန်ပြည်သူများ မကြည့်ရှု နိုင်ခဲ့သော အစီအစဉ်တစ်ခုကြောင့် သမ္မတအပေါ် အထင်အမြင်သေးသွားသည်ဟု သက်သေပြ ရန် ခက်ခဲလိမ့်မည်လည်းဖြစ်သည်။

The Telegraph တွင် ထပ်မံဖော်ပြခဲ့သည့် ၂၀၂၂ ခုနှစ် ဇွန်လတွင် ထုတ်လွှင့်ခဲ့သော အစီရင်ခံ  စာတစ်ခုတွင် BBC ၏Newsnight အစီအစဉ်ကလည်း အဆိုပါ မိန့်ခွန်း၏ ဗီဒီယိုဖိုင်ကိုပင် ရွေးချယ်   တည်းဖြတ်ခဲ့သည်ဟူသော စွပ်စွဲချက်အသစ်များကို စုံစမ်းစစ်ဆေးနေကြောင်း BBC က ပြောကြားခဲ့ သည်။

BBC ပြောရေးဆိုခွင့်ရှိသူတစ်ဦးက "BBC ဟာ အမြင့်မားဆုံးသော တည်းဖြတ်မှုစံနှုန်းတွေကို ကိုင်စွဲထားပါတယ်။ ဒီကိစ္စကို ကျွန်တော်တို့ သတိပြုမိပြီးဖြစ်ပြီး အခု စုံစမ်းစစ်ဆေးနေပါတယ်" ဟု ပြောကြားခဲ့သည်။ End

#Daily_News
Published 15 November 2025

၁။‌ ‎BAP စနစ်ဖြင့် ဆော်ဒီနိုင်ငံသို့မွေးမြူရေးငါးများတင်ပို့နိုင်ရေးဆောင်ရွက်နေ
‎
‎‎၂။ ‌‌‌‌‌‎‎‎‎‎‎‎ထိုင်းသို့ ထောပတ်သီးတန်ချိန်(၅၀၀၀)အထိတင်ပို့ရန်လျာထား
‎
‎၃။‌‎‎ ‎‎‎‎‎‎‎‎‎‎ဂျော်ဒန်နိုင်ငံသို့ သွားရောက်အလုပ်လုပ်ကိုင်မည့်သူများကို OWIC ကတ်ပြုလုပ်ခွင့်ပြု
‎
‎၄။‎ ‎‎‎‎‎‎‎‎‎‎(၁၅)ကြိမ်မြောက်အမျိုးသားအားကစားပြိုင်ပွဲ၌အသုံးပြုနေသောနောက်ဆုံးပေါ်နည်းပညာများအား CMGထုတ်ဖော်ပြသ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 15 November 2025

▪️ မြန်မာအီလက်ထရောနစ်မဲပေးစက် ( MEVM ) ၏ စံချိန်စံညွှန်းကို မြန်မာစံချိန်စံညွှန်းအဖြစ်သတ်မှတ်ပြီးဖြစ်ကာ အရည်အသွေးကိုက်ညီမှုထောက်ခံချက်လက်မှတ်နှင့် စံချိန်စံညွှန်းအမှတ်တံဆိပ် အသုံးပြုခွင့်လိုင်စင်ရရှိပြီးဖြစ်ကြောင်း ပြည်ထောင်စုရွေးကောက်ပွဲကော်မရှင်ကထုတ်ပြန်လိုက်သည်။

▪️ ၂၀၂၅ ခုနှစ်၊ ပါတီစုံဒီမိုကရေစီအထွေထွေရွေးကောက်ပွဲတွင် အသုံးပြုမည့် မြန်မာအီလက် ထရောနစ်မဲပေးစက် ( MEVM ) များကို ပြည်တွင်းနည်းပညာရှင်များက ပထမဆုံးတီထွင်ထုတ်လုပ်ထားခြင်းဖြစ်သဖြင့် စက်၏အရည်အသွေးနှင့် စံချိန်စံညွှန်းကိုစစ်ဆေးပေးနိုင်ရေးတင်ပြခဲ့ရာ အမျိုးသားစံချိန်စံညွှန်းကောင်စီက မြန်မာအီလက်ထရောနစ် မဲပေးစနစ်ဆိုင်ရာ စံချိန်စံညွှန်း ရေးဆွဲရေးနည်းပညာဆပ်ကော်မတီကို သက်ဆိုင်ရာ ကဏ္ဍအလိုက် ပညာရှင်များပါဝင်သည့် အဖွဲ့ဝင် ၂၀ ဦးဖြင့် ဖွဲ့စည်းခဲ့ကြောင်း သိရသည်။

▪️ အဆိုပါ နည်းပညာဆပ်ကော်မတီအနေဖြင့် မြန်မာအီလက်ထရောနစ် မဲပေးစက်ဆိုင်ရာစံချိန်စံညွှန်း (မူကြမ်း)ကို ရေးဆွဲတင်ပြခဲ့သဖြင့် အမျိုးသားစံချိန်စံညွှန်းကောင်စီအနေဖြင့် စံချိန်စံညွှန်း သတ်မှတ်ခြင်းဆိုင်ရာ ဥပဒေပုဒ်မ ၃၃ ပုဒ်မခွဲ (ခ) အရ အပ်နှင်းထားသောလုပ်ပိုင်ခွင့်ကိုကျင့်သုံး၍ ပုဒ်မ ၅ ပုဒ်မခွဲ (ခ) ပါ လုပ်ငန်းတာဝန်အရ ၂ - ၉ - ၂၀၂၅ ရက်စွဲပါ အမိန့်ကြော်ငြာစာအမှတ်၊ ၀၇၅/၂၀၂၅ ဖြင့် မြန်မာအီလက်ထရောနစ် မဲပေးစက်ဆိုင်ရာ စံချိန်စံညွှန်းကို မြန်မာစံချိန်စံညွှန်းအဖြစ် သတ်မှတ်ခဲ့ခြင်းဖြစ်ကြောင်းသိရသည်။

▪️ ထို့နောက် အမျိုးသားစံချိန်စံညွှန်းကောင်စီသည် မြန်မာအီလက်ထရောနစ်မဲပေးစက် (MEVM) ၏ ထုတ်ကုန်နှင့်ထုတ်လုပ်မှုနည်းစဉ်များအား သတ်မှတ်စံချိန်စံညွှန်းများနှင့် ကိုက်ညီခြင်းရှိမရှိကို အကဲဖြတ်စစ်ဆေးခြင်းဆောင်ရွက်နိုင်ရန် အမိန့်ကြော်ငြာစာအမှတ်၊ ၀၈၃/၂၀၂၅ ဖြင့် လျှပ်စစ်၊ အီလက်ထရောနစ်နှင့် သတင်းအချက်အလက်နည်းပညာဆိုင်ရာ အကဲဖြတ်စစ်ဆေးရေးကော်မတီကိုဖွဲ့စည်း၍ဆောင်ရွက်ခဲ့ကြောင်းသိရသည်။

▪️ ယခုအခါ မြန်မာအီလက်ထရောနစ်မဲပေးစက်နှင့်စပ်လျဉ်း၍ မြန်မာအီလက်ထရောနစ် မဲပေးစက်ဆိုင်ရာ စံချိန်စံညွှန်းကို အမျိုးသားစံချိန်စံညွှန်းကောင်စီက မြန်မာစံချိန်စံညွှန်း (MMS) အဖြစ်လည်းကောင်း၊ အမျိုးသားအဆင့်အရည်အသွေးထောက်ခံချက် ထုတ်ပေးရေးဆိုင်ရာ ໑໐ (National Certification Committee NCC)မှ မြန်မာအီလက်ထရောနစ် မဲပေးစက်(MEVM)၏ အရည်အသွေးသည် စံချိန်စံညွှန်းပါ စံသတ်မှတ်ချက်များနှင့် ကိုက်ညီမှုရှိကြောင်း စိစစ်အတည်ပြုထုတ်ပေးခဲ့သည့် အရည်အသွေးကိုက်ညီမှု ထောက်ခံချက် (Certification of Conformity CoC) လက်မှတ်ကိုလည်းကောင်း၊ အမျိုးသားအဆင့် အရည်အသွေးထောက်ခံချက် ထုတ်ပေးရေးအဖွဲ့ (National Certification Body NCB)မှ ထုတ်ပေးသည့် မြန်မာစံချိန်စံညွှန်း အမှတ်တံဆိပ် (MMS Standard Mark) အသုံးပြုခွင့် လိုင်စင်ကိုလည်းကောင်း ရရှိပြီးဖြစ်ကြောင်း ပြည်ထောင်စုရွေးကောက်ပွဲကော်မရှင်၏ ထုတ်ပြန်ချက်တွင် ဖော်ပြထားသည်။

#YMG/PP #Yangon_Times

#Local_News
Published 15 November 2025

▪️ ဇီဝကျင့်ဝတ်များ (Bioethics) ဆိုင်ရာဆွေးနွေးပွဲ (၁/၂၀၂၅) ကို နိုဝင်ဘာ ၁၁ ရက်နံနက်ပိုင်းတွင် မန္တလေးတိုင်းဒေသကြီး ကျောက်ဆည်မြို့ရှိ ဇီဝနည်းပညာသုတေသနဦးစီးဌာန၌ ကျင်းပခဲ့ကြောင်းသိရသည်။

▪️ အဆိုပါ ဆွေးနွေးပွဲတွင် သိပ္ပံနှင့်နည်းပညာဝန်ကြီးဌာန ဒုတိယဝန်ကြီး ဒေါက်တာအောင်ဇေယျက ဇီဝနည်းပညာ ဆန်းသစ်တီထွင်မှုများကို သဘာဝလုပ်ငန်းစဉ်များအတိုင်းအသုံးချ၍ စိုက်ပျိုး-မွေးမြူရေး စက်မှုလုပ်ငန်းများ၊ စားရေရိက္ခာဖူလုံရေး၊ လူသားများ၏ ကျန်းမာရေးသာယာဝပြောရေးနှင့် ရေရှည်တည်တံ့ရေး၊ ရာသီဥတုပြောင်းလဲမှုတိုက်ဖျက်ရေးစသည့်ကဏ္ဍများတွင် အကျိုးရှိစွာအသုံးချနိုင်ကြောင်း၊ ယနေ့ခေတ် ဇီဝနည်းပညာအပါအဝင် နည်းပညာဖွံ့ဖြိုးမှုနှုန်းများ မြန်ဆန်လျက်ရှိပြီး AI အပါအဝင် ဒစ်ဂျစ်တယ် နည်းပညာအသုံးချမှုများသည် အဓိကမောင်းနှင်အားများဖြစ်လာရာ မျိုးရိုးဗီဇပြုပြင်မှု၊ မျိုးရိုးဗီဇအချက်အလက်များကာကွယ်မှု၊ ကျန်းမာရေးစောင့်‌ရှောက်မှု၊ Circular Economy စသည်တို့တွင် ဇီဝကျင့်ဝတ်နှင့်ကိုက်ညီသော သုတေသနလုပ်ငန်းများ၊ တာဝန်ယူမှုရှိသော ဇီဝနည်းပညာဆန်းသစ်တီထွင် ဆောင်ရွက်မှုများကို မြှင့်တင်ရန်လိုအပ်လာကြောင်း၊ ယင်းမှတစ်ဆင့် နိုင်ငံတော်ရေရှည် စဉ်ဆက်မပြတ် ဖွံ့ဖြိုးတိုးတက်စေရေးအတွက် မိမိတို့အားလုံး တက်ညီလက်ညီ ပူးပေါင်းဆောင်ရွက်သွားရန် လိုအပ်ကြောင်း တိုက်တွန်းပြောကြားသည်။

▪️ ယင်းနောက် ဌာနဆိုင်ရာတာဝန်ရှိသူများက ဇီဝနည်းပညာသုတေသနကျင့်ဝတ်များ၊ အာဆီယံနှင့် နိုင်ငံတကာတွင် ဇီဝကျင့်ဝတ်မူဝါဒများရေးဆွဲဆောင်ရွက်လျက်ရှိမှုများကို ရှင်းလင်းတင်ပြကြရာ တက်ရောက်လာသူများက ရင်းနှီးပွင့်လင်းစွာ အပြန်အလှန်မေးမြန်းဆွေးနွေးကြသည်။

▪️ ဆွေးနွေးပွဲသို့ သိပ္ပံနှင့်နည်းပညာဝန်ကြီးဌာနနှင့် ဆက်စပ်ဝန်ကြီးဌာန ၁၂ ခုတို့မှ တာဝန်ရှိသူများ၊ ဒေသတွင်း တက္ကသိုလ်အသီးသီးမှ ပါမောက္ခချုပ်များနှင့် ပါမောက္ခများ၊ ပညာရှင်များ၊ တောင်သူများနှင့် MSME လုပ်ငန်းရှင်များ တက်‌ရောက်ကြသည်။

▪️ မွန်းလွဲပိုင်းတွင် ဒုတိယဝန်ကြီးသည် နည်းပညာ၊ သက်မွေးပညာနှင့် လေ့ကျင့်ရေးဦးစီးဌာနအစိုးရ စက်မှုလက်မှုသိပ္ပံ(ကျောက်ဆည်)သို့ ရောက်ရှိကာ ဝန်ထမ်းများနှင့် ရင်းရင်းနှီးနှီးတွေ့ဆုံ၍ ဒေသတွင်း ဖွံ့ဖြိုးရေးနှင့် လူငယ်များ၏ လူမှုစီးပွားဘဝဖွံ့ဖြိုးတိုးတက်ရေးကို အမှန်တကယ် အထောက်အကူပြုသည့် သင်တန်းများကိုအရည်အသွေးပြည့်မီစွာ စဉ်ဆက်မပြတ် ဖွင့်လှစ်သွားရန်မှာကြားပြီး အင်ဂျင်နီယာဌာနအလုပ်ရုံများ၌ ၂၀၂၄-၂၀၂၅ ပညာသင်နှစ် တတိယနှစ် ကျောင်းသား ကျောင်းသူများ၏ ဆိုလာလျှပ်စစ် စက်ဘီးအားသွင်းစနစ်၊ အင်တာနက်အခြေပြု ဆိုလာစိုက်ပျိုးရေပေးဝေရေးစနစ်၊ ပြန်လည် ပြည့်ဖြိုးမြဲ စွမ်းအင်စနစ်များနှင့်ဓာတ်အားစနစ်ပုံစံငယ်၊ ကြိုးမဲ့ထိန်းချုပ်မြက်ဖြတ်စက် စသည့် သုတေသနပရောဂျက်များ ဆောင်ရွက်ပြီးစီးမှုအခြေအနေများကို ကြည့်ရှုအားပေးကာ သုတေသနထူးချွန်ဆုများကို ဂုဏ်ပြုချီးမြှင့်သည်။

▪️ ဆက်လက်၍ ဒုတိယဝန်ကြီးသည် အစိုးရနည်းပညာအထက်တန်းကျောင်း (ကျောက်ဆည်)သို့ ရောက်ရှိပြီး ဝန်ထမ်းများနှင့် ရင်းရင်းနှီးနှီးတွေ့ဆုံကာ ဝန်ထမ်းများ၏ လိုအပ်ချက်တင်ပြမှုများအပေါ် ဖြည့်ဆည်းဆောင်ရွက်ပေးပြီး အင်ဂျင်နီယာဘာသာရပ်အလိုက် စာသင်ခန်းများနှင့် အလုပ်ရုံများတွင် သင်ကြားလေ့ကျင့်လျက်ရှိကြသည့် ကျောင်းသား ကျောင်းသူများအား ရင်းရင်းနှီးနှီးနှုတ်ဆက်အားပေးကာ နိုင်ငံတော်ကအမှန်တကယ်အားထားရသော နည်းပညာရှင်လူငယ်ကောင်းများဖြစ်စေရေး ရည်မှန်းကြိုးပမ်းသွားကြရန်မှာကြား၍ သုတေသနထူးချွန်ဆုများကို ဂုဏ်ပြုချီးမြှင့်ခဲ့ကြောင်း သိရသည်။

#YMG/NN #Yangon_Times

#Local_News
Published 15 November 2025

▪️ ရန်ကုန်-ပြည်ကားလမ်းပေါ်တွင် ဆန်ကားမှောက်ပြီး အမျိုးသားတစ်ဦး ‌ေ-သဆုံးမှူတစ်ခု ဖြစ်ပွားခဲ့ကြောင်းသိရသည်။

▪️ နိုဝင်ဘာလ ၁၅ရက်နေ့၊ နေ့လယ် ၁၁နာရီ ၅၆မိနစ် အချိန်၊ ရန်ကုန်တိုင်းဒေသကြီး၊ တိုက်ကြီးမြို့နယ်၊ တာဂွကျေးရွာအုပ်စု၊ ရန်ကုန်-ပြည်ကားလမ်းမပေါ်တွင် ဆန်ကားမှောက်၍ ယာဉ်မောင်းညပ်နေကြောင်း သိရသည်။

▪️ အဆိုပါသတင်းရရှိသဖြင့် တိုက်ကြီးမြို့နယ်မီးသတ်စခန်းမှ ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ခဲ့ရာ ၁၂ : ၁၀ အချိန်တွင် ကားခေါင်းခန်းတွင် ညှပ်နေသူ ယာဉ်မောင်းကျား(၁)ဦး (‌ေ-သဆုံး)အား ခိုကိုးရာမဲ့အသင်းသူနာတင်ယာဉ်ဖြင့် တိုက်ကြီးဆေးရုံသို့ ပို့ဆောင်ပေးခဲ့ ကြောင်းသိရသည်။

#YMG/NN #Yangon_Times

#World_Science
Published 14 November 2025

■ အသက် ၇၀ ကျော်အရွယ်မှာ သီချင်းနားထောင်ခြင်းက ဒီမန်ရှာရောဂါဖြစ်နိုင်ခြေ ၃၉ ရာခိုင်နှုန်းလျော့နည်းစေခြင်းနဲ့ ဆက်စပ်နေတယ်လို့ မိုနက်ရှ်တက္ကသိုလ်က သက်ကြီးရွယ်အို ၁၀,၈၀၀ ကျော်ကို လေ့လာတွေ့ရှိခဲ့ပါတယ်။

■ အသက် ၇၀ ကျော်တဲ့အခါ သီချင်းအမြဲနားထောင်သူတွေက နားမထောင်ဖြစ်တဲ့သူတွေထက်စာရင် ဒီမန်ရှာဖြစ်နိုင်ခြေ ၃၉ ရာခိုင်နှုန်း လျော့နည်းစေကာ ဂီတတူရိယာ တီးခတ်ခြင်းကတော့ ၃၅ ရာခိုင်နှုန်း လျော့ကျစေတယ်လို့ ပရော်ဖက်ဆာ ဂျိုအန်ရိုင်ယန်နဲ့ ကျောင်းသူ အမ်မာဂျက်ဖာတို့က တွေ့ရှိခဲ့ပါတယ်။

■ ဒါ့အပြင် သီချင်းနားထောင်ခြင်းဖြင့် ဦးနှောက်ချို့ယွင်းခြင်းကိုလည်း ၁၇ ရာခိုင်နှုန်းလျှော့ချပေးကာ ဦးနှောက်အသိဉာဏ်စွမ်းရည်နဲ့ မှတ်ဉာဏ်ပြန်ခေါ်ခြင်းတို့မှာ ရလဒ်ကောင်းပါတယ်။

■ ကမ္ဘာကြီးမှာ သက်ကြီးရွယ်အိုဦးရေ များပြားလာပြီး အသက်အရွယ်နဲ့ဆိုင်တဲ့ ရောဂါတွေလည်းအဖြစ်များလာပါတယ်။

■ ဒီမန်ရှာအတွက် ကုသနည်းမရှိတာကြောင့် ရောဂါကို ကြိုတင်ကာကွယ်ခြင်းက အရေးကြီးကြောင်း ရိုင်ယန်က ဆိုပါတယ်။

■ ဦးနှောက်အိုမင်းလာခြင်းက အသက်အရွယ်တစ်ခုတည်းသာ မှီခိုတာမဟုတ်ဘဲ ပတ်ဝန်းကျင်နဲ့ နေထိုင်မှုပုံစံတို့ကလည်း သက်ရောက်နေပါတယ်။

■ သီချင်းနားထောင်ခြင်းက ဦးနှောက်အစိတ်အပိုင်းအမျိုးမျိုးကို လှုံ့ဆော်ပေးကာ မှတ်ဉာဏ်၊ စိတ်ခံစားမှု၊ အာရုံစူးစိုက်မှုတို့ကို ထောက်ကူပေးပြီး အသက်ကြီးတဲ့အချိန်မှာ ဦးနှောက်အသိဉာဏ်လုပ်ဆောင်ချက်ကို ထိန်းသိမ်းပေးပါတယ်။

■ နောက်ဆုံးကောက်ချက်ချရလျှင် သီချင်းနားထောင်ခြင်းဟာ အသက်ကြီးတဲ့အခါ ဦးနှောက်ချို့ယွင်းမှုကို လျှော့ချစေပြီး ဒီမန်ရှာဖြစ်ခြင်းကို နှောင့်နှေးစေနိုင်တယ်လို့ ဆိုရမှာဖြစ်ပါတယ်။

Source: Neuroscience.