အင်ဒိုနီးရှားနိုင်ငံ ဘာလီမြို့မှာ ကျင်းပတဲ့ 8th WVVF World Vovinam Championship 2025 ပြိုင်ပွဲမှာ မြန်မာဗိုဗီနမ်အသင်းက ရွှေတံဆိပ် ၂ ခု၊ ငွေတံဆိပ် ၅ ခု၊ ကြေးတံဆိပ် ၇ ခု၊ စုစုပေါင်း ဆုတံဆိပ် ၁၄ ခု ဆွတ်ခူးရရှိခဲ့တယ်လို့ သိရပါတယ်။

#Local_News
Published 10 November 2025
#World_Vovinam_Championship_2025
#YMG/SW #Yangon_Times

ဈေးကွက်အတွင်းမှာဆေးဝါး ပစ္စည်း‌တွေကို ဈေးနှုန်းမြင့်တက်ရောင်းချမှုရှိမရှိလိုက်လံစစ်ဆေးနေတယ်လို့ စားသုံးသူ‌ရေးရာဦးစီးဌာနမှ သိရပါတယ်။

#Local_News
Published 10 November 2025
#ဆေးဝါးပစ္စည်း
#YMG/SW #Yangon_Times

စစ်မှုထမ်းတာကို ကျေပွန်စွာထမ်းဆောင်ပြီးသူတွေကို ပြည်တွင်း/ပြည်ပအလုပ်အကိုင် ရှာဖွေခန့်အပ်ပေးနိုင်ရေးလုပ်ငန်းတွေ ဆောင်ရွက်နေတယ် လို့ပြည်ပအလုပ်အကိုင် ခန့်အပ်ပေးနိုင်ရေးလုပ်ငန်းကော်မတီအစည်းအဝေးက သိရပါတယ်။

#Local_News
Published 10 November 2025
#စစ်မှုထမ်း
#YMG/NN #Yangon_Times

#Daily_News
Published 10 November 2025

၁။‌ ‎‎ဆေးဝါးပစ္စည်းများ ဈေးနှုန်းမြင့်တက်ရောင်းချမှုရှိမရှိစစ်ဆေးနေ
‎
၂။ ‌‌‌‌‌‎‎‎‎World Vovinam Championship 2025 ပြိုင်ပွဲတွင် မြန်မာဗိုဗီနမ်အသင်းရွှေတံဆိပ် (၂) ခုရရှိ
‎
‎၃။‌‎‎ ‎‎‎‎‎‎‎ရန်ကုန်နှင့်ဒေသလေးခု၌ မိုးတိမ်တောင်ဖြစ်ထွန်းမှုအားကောင်းနေ
‎
‎၄။‎ ‎‎‎‎‎‎‎အစိုးရယန္တရားများစံချိန်တင်ကြာမြင့်သည်အထိရပ်တန့်သွားခြင်းကြောင့် အမေရိကန်ပြည်သူများစိုးရိမ်မှုမြင့်တက်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၁၀ နိုဝင်ဘာ၊၂၀၂၅-

◾️BBC ၏ ညွှန်ကြားရေးမှူးချုပ် တင်မ်ဒေဗီTim Davie နှင့် သတင်းဌာန အကြီးအကဲ ဒီဘိုရာတာနက်စ် Deborah Turness တို့သည် နိုင်ငံရေးဘက်လိုက်မှုဆိုင်ရာ စွပ်စွဲချက်များ၊ အထူးသဖြင့် ၂၀၂၁ ခုနှစ် အမေရိကန် ကက်ပီတယ်လ (Capitol) အဓိကရုဏ်းကို ဒေါ်နယ်ထရမ့်က အားပေးတိုက်တွန်းပုံ ပေါက်အောင် တည်းဖြတ်ထားသည့် Panorama မှတ်တမ်းရုပ်ရှင်ကြောင့် နုတ်ထွက်ခဲ့ကြရသည်။

◾️ပေါက်ကြားခဲ့သော အတွင်းပိုင်း အစီရင်ခံစာတစ်ခုတွင် အစ္စရေး-ဟားမတ်စ် စစ်ပွဲ၊ လိင်ပြောင်း   လဲသူများဆိုင်ရာ အငြင်းပွားမှုများနှင့် ထရမ့်၏ မိန့်ခွန်းတည်းဖြတ်မှု အပါအဝင် ကိစ္စရပ်များစွာအပေါ် BBC ၏ သတင်းတင်ဆက်ပုံများကို ဝေဖန်ထားသည်။ BBC Arabic ဌာနသည် အစ္စရေးဆန့်ကျင်ရေး ဘက်လိုက်မှုကို ပြသခဲ့ပြီး ဝန်ထမ်းအချို့က လိင်ပြောင်းလဲသူ တက်ကြွ  လှုပ်ရှားသူများကို ထိခိုက်သည်  ဟု သူတို့ယူဆသည့် သတင်းတင်ဆက်မှုများကို ဖုံးကွယ်ခဲ့ကြောင်း အဆိုပါ အစီရင်ခံစာက ဆိုသည်။

◾️ “အမှားအယွင်းများ ရှိခဲ့ကြောင်း" Davie က ဝန်ခံခဲ့သော်လည်း ယုံကြည်စိတ်ချရသော သတင်း  ပညာရပ်အတွက် BBC ၏ ကမ္ဘာလုံးဆိုင်ရာ ဂုဏ်သတင်းကိုမူ သူကခုခံ ကာကွယ်ပြောဆိုခဲ့သည်။ Turnessကမူ ဌာနတွင်း ဘက်လိုက်မှု ရှိသည်ဟူသော စွပ်စွဲချက်များကို ငြင်းဆိုခဲ့သည်။ သူတို့၏ နုတ်ထွက်မှုသည် BBC ဘုတ်အဖွဲ့ကို အံ့အားသင့်စေခဲ့သည်ဟု ဆိုကြပြီး၊ ၂၀၂၇ ခုနှစ်တွင် ယင်း၏ လုပ်ငန်းလိုင်စင် သက်တမ်းတိုးရန်အတွက် နိုင်ငံရေးဖိအားများနှင့် ရင်ဆိုင်နေရချိန်တွင် ယခုကဲ့သို့ ဖြစ်  ပွားခဲ့ခြင်း ဖြစ်သည်။

တုံ့ပြန်မှုများ

◾️ ထရန့်က သူတို့နှစ်ဦးကို "အလွန်မရိုးသားသူများ" ဟု ခေါ်ဝေါ်ခဲ့ပြီး BBC ကို ရွေးကောက်ပွဲတွင် ဝင်ရောက်စွက်ဖက်သည်ဟု စွပ်စွဲလိုက်သည်။

◾️ ယူကေ (UK) ယဉ်ကျေးမှုဝန်ကြီးက မတည်ငြိမ်သော နှစ်များအတွင်း အသံလွှင့်ဌာနကို ဦးဆောင်   လမ်းပြခဲ့မှုအတွက် Davie ကို ချီးကျူးခဲ့သည်။

◾️ ဗြိတိန်၏ သဘောထားကွဲပြားသော မီဒီယာဝန်းကျင် အလယ်တွင် ဘက်မလိုက်မှုကို ထိန်းသိမ်းရန် BBC ၏ ဆက်လက်ရုန်းကန်နေရမှုကို ဤအငြင်းပွားဖွယ်ရာက မီးမောင်းထိုးပြနေကြောင်း လေ့လာသူ များက ပြောကြားသည်။

ကိုးကား-ရိုက်တာသတင်းများ

#Local_News
Published 10 November 2025

▪️ ရန်ကုန်-မန္တလေးအမြန်လမ်းမကြီး၊ယနေ့မနက်ပိုင်းက ယာဉ်မတော်တဆမှုတစ်ခုဖြစ်ပွားခဲ့ရာ က‌ေ-လးငယ်တစ်ဉီး ‌ေ-သဆုံး မှုတစ်ခုဖြစ်ပွားခဲ့ကြောင်းသိရသည်။

▪️ နိုဝင်ဘာ(၁၀)ရက်နေ့၊ မနက်၆နာရီ ၅၅ မိနစ်အချိန်ခန့်က ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ်(၁၀၁/၇)နှင့် (၁၀၂/၀)ကြားတွင် SUZUKI ERTIGA အမျိုးအစား(အဖြူရောင်)ယာဉ်သည် ရှေ့ဘီးပေါက်၍ လမ်းဘေးတွင် ကာရံထားသော Guard Rail တန်းအား ဝင်ရောက်တိုက်မိမှုဖြစ်ပွားကြောင်း သိရသည်။

▪️ အဆိုပါ သတင်းရရှိသဖြင့် ၁၁၅ မိုင် အမြန်လမ်းမီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ ယာဉ်တိုက်မှုကြောင့် ယာဉ်ပေါ်ပါ ကျား(၃)ဦး၊ မ(၂)ဦး၊ ကလေး ကျား(၁)ဦး စုစုပေါင်း(၆)ဦး အနက် ကလေး ကျား(၁)ဦး(‌ေ-သဆုံး)အား(၁၁၅)မိုင် ကြက်ခြေနီအသင်းမှယာဉ်ဖြင့် ဖြူးပြည်သူ့ဆေးရုံသို့ ကူညီပို့ဆောင်ပေးခဲ့ကြောင်းသိရသည်။

#YMG/NN #Yangon_Times

#Local_News
Published 10 November 2025

▪️ အဆောက်အအုံများ ပြန်လည်ပြုပြင်အသုံးပြုရေးနှင့် အသစ်တည်ဆောက်ရေး ကြီးကြပ်မှုကော်မတီဥက္ကဋ္ဌ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးမျိုးသန့်သည် တာဝန်ရှိသူများနှင့်အတူ ယနေ့တွင် ရန်ကုန်-မန္တလေး အမြန်လမ်း (မန္တလေး-နေပြည်တော်အပိုင်း) မိုင်တိုင် (၃၅၈/၁)တွင် ငလျင်ဒဏ်ကြောင့် ပျက်စီးသွားသော ဒုဋ္ဌဝတီတံတားအသစ် ပြန်လည်တည်ဆောက်နေမှုကို ကြည့်ရှုစစ်ဆေးသည်။

▪️ ကြည့်ရှုစစ်ဆေးစဉ် တံတားတည်ဆောက်ရေး တာဝန်ခံအင်ဂျင်နီယာက မန္တလေးငလျင်ကြီးကြောင့် မူလဒုဋ္ဌဝတီတံတားပျက်စီးမှု၊ တံတားသစ်တည်ဆောက်ရန် မြေနေရာရွေးချယ်မှု၊ အသစ်တည်ဆောက်မည့် တံတားဆိုင်ရာအချက်အလက်များနှင့် ဆက်လက်ဆောင်ရွက်မည့် လုပ်ငန်းအစီအမံများကို ရှင်းလင်းတင်ပြသည်။

▪️ ထို့နောက် အမြန်လမ်းမကြီးထိန်းသိမ်းပြုပြင်ရေးနှင့် ကြီးကြပ်ရေးအဖွဲ့မှ ညွှန်ကြားရေးမှူး၊ လမ်းဦးစီးဌာနနှင့်တံတားဦးစီးဌာန ညွှန်ကြားရေးမှူးချုပ်တို့က ရန်ကုန်-မန္တလေးအမြန်လမ်း (မန္တလေး-နေပြည်တော်အပိုင်း)တွင် မန္တလေးငလျင်ကြီးကြောင့် ပျက်စီးသွားသော လမ်းအပိုင်းများ ပြန်လည်ပြုပြင်နေမှု၊ ဆောင်ရွက်ပြီးစီးမှုနှင့် ဆက်လက်ဆောင်ရွက်မည့် လုပ်ငန်းအစီအမံများကို ရှင်းလင်းတင်ပြကြသည်။

▪️ တင်ပြချက်များအပေါ် ပြည်ထောင်စုဝန်ကြီးက ငလျင်ဒဏ်ကြောင့်ပျက်စီးသွားသော လမ်း၊ တံတားများ အပိုင်းလိုက်ပြီးစီးရေး တွန်းအားပေးဆောင်ရွက်ရန်၊ အသစ်ပြန်လည်တည်ဆောက်ရာတွင် ငလျင်ဒဏ်ခံနိုင်သော ဒီဇိုင်းဖြင့် စနစ်တကျ တွက်ချက်ဆောင်ရွက်ရန်နှင့် သတ်မှတ်စံချိန်စံညွှန်းနှင့်အညီ အရည်အသွေးပြည့်ဝစွာ ဆောင်ရွက်ရန် မှာကြားပြီး တံတားတည်ဆောက်ရေး လုပ်ငန်းခွင်အတွင်း ဘိုးပိုင်တူးခြင်းလုပ်ငန်းများ ဆောင်ရွက်နေမှုကို ကြည့်ရှုစစ်ဆေးသည်။

▪️ ယင်းနောက် မိုင်တိုင်(၃၆၀/၀)ရှိ ငလျင်ဒဏ်ကြောင့် ပျက်စီးခဲ့သော မြစ်ဆွတ်ချောင်းတံတား ပြုပြင်နေသည့်လုပ်ငန်းခွင်၌ ပင်မတံတားနှင့် ချဉ်းကပ်လမ်းများ ပြုပြင်နေမှုအခြေအနေတို့ကို ကြည့်ရှုစစ်ဆေးသည်။

▪️ ဆက်လက်၍ မန္တလေးငလျင်ကြီးကြောင့် ပျက်စီးသွားသော ရန်ကုန်-မန္တလေးအမြန်လမ်း (မန္တလေး-နေပြည်တော်အပိုင်း) မိုင်တိုင်(၃၆၆/ ၃မှ ၃၆၁/၃ အထိ) ကတ္တရာကွန်ကရစ်ခင်းခြင်းလုပ်ငန်း ပြီးစီးနေမှု၊ မိုင်တိုင်(၃၆၁/၄)တွင် ကတ္တရာကွန်ကရစ် ခင်းခြင်းဆောင်ရွက်နေမှု၊ လမ်းမြေသား အမာခံရရှိရေး စက်ယန္တရားများဖြင့် ခင်းကြိတ်နေမှုတို့ကို ကြည့်ရှုစစ်ဆေးပြီး စံချိန်စံညွှန်းနှင့်အရည်အသွေး ပြည့်မီရေး၊ လမ်းမြေသားအမာခံရရှိရေး စနစ်တကျဆောင်ရွက်ရန် မှာကြားသည်။

▪️ ထို့နောက် ရန်ကုန်-မန္တလေး (လမ်းဟောင်း) (နေပြည်တော်-မန္တလေးလမ်းပိုင်း) မိုင်တိုင် (၃၅၅/၀)ရှိ ယုဇနတံတားသို့ရောက်ရှိပြီး ငလျင်ဒဏ်ကြောင့် ရန်ကုန်မှ မန္တလေးသို့သွားသည့် အသွားလမ်းဘက်ခြမ်းရှိ တံတားတိုင်များ ပြိုကျပျက်စီး၍ ကြမ်းခင်းနှင့် ရက်မများ နိမ့်ကျပျက်စီးမှုအား ပြန်လည်တည်ဆောက်နေသည့် အခြေအနေတို့ကို ကြည့်ရှုစစ်ဆေးပြီး တာဝန်ရှိသူများအား လုပ်ငန်းလိုအပ်ချက်များ မှာကြားခဲ့ကြောင်းသိရသည်။

#YMG/NN #Yangon_Times

#World_News
Published 10 November 2025

■ အစိုးရအရာရှိဟန်ဆောင်ကာ အမျိုးသမီးတစ်ဦးကို ပစ်မှတ်ထားလိမ်လည်တဲ့အမှုမှာ ပါဝင်ပတ်သက်တဲ့ မလေးရှားအမျိုးသား ၂ ဦးကို စင်္ကာပူရဲတပ်ဖွဲ့က ဖမ်းဆီးခဲ့ပါတယ်။

■ တရားဥပဒေဝန်ကြီးဌာန (MinLaw)နဲ့ စင်္ကာပူဘဏ္ဍာရေးအာဏာပိုင် (MAS)တို့မှ အစိုးရအုပ်ချုပ်ရေးအရာရှိများအဖြစ် ဟန်ဆောင်လိမ်လည်သူများ ရှိတယ်လို့ တိုင်ကြားမှုရှိခဲ့ကြောင်း ရဲတွေက နိုဝင်ဘာ ၉ ရက်နေ့က ပြောပါတယ်။

■ လိမ်လည်ခံရသူက ဘဏ်တစ်ခုမှာ အလုပ်လုပ်နေတယ်လို့ ပြောလာတဲ့လူဆီကနေ ဖုန်းလက်ခံရရှိခဲ့ပါတယ်။

■ သူမနာမည်နဲ့ ခရက်ဒစ်ကတ် လျှောက်ထားတယ်လို့ အသိပေးခဲ့ရာမှာ သူမက ငြင်းပယ်ခဲ့ပါတယ်။

■ ဒီနောက် MinLaw နဲ့ MAS မှ တာဝန်ရှိသူများအဖြစ် ဟန်ဆောင်လိမ်လည်သူများထံ ဖုန်းလွှဲပေးခဲ့ပါတယ်။

■ ငွေဖြူငွေမည်းကိစ္စတစ်ခုမှာ ငြိစွန်းနေတယ်လို့ ပြောခဲ့ကြပါတယ်။

■ သူတို့ရဲ့ ဝန်ထမ်းအထောက်အထား အတုတွေ၊ ထောက်ခံစာအတုတွေကို Whatsapp ကနေ ပေးပို့ခဲ့ပြီးနောက် သူမရဲ့ ဘဏ်အအကောင့်တစ်ခုကနေ ခရက်ဒစ်ကတ်ထဲသို့ စင်္ကာပူဒေါ်လာတစ်သန်း လွှဲပေးရန် ပြောပါတယ်။

■ ထိုခရက်ဒစ်ကတ်နဲ့ပဲ Mustafa Centre ထံမှ စင်္ကာပူဒေါ်လာ ၄၁၂,၀၀၀ တန်ဖိုးရှိတဲ့ ရွှေတွေကို ဝယ်ယူဖို့ ပြောခဲ့ပါတယ်။

■ အမျိုးသမီးက တစ်ခုခုလွဲမှားနေတာကို သတိထားမိပြီး ရဲကိုတိုင်ကြားခဲ့ပါတယ်။

■ စုံစမ်းစစ်ဆေးမှုများ ပြုလုပ်ပြီးနောက် အသက် ၃၈ နှစ်အရွယ် အမည်မသိ ဖုန်းခေါ်ဆိုသူကို စနေနေ့ စင်္ကာပူသို့ ပြန်ဝင်လာတဲ့အချိန်မှာ ဖမ်းဆီးလိုက်ပါတယ်။

■ စင်္ကာပူမှာ အလားတူအမှုတွေထဲ ပါဝင်ပတ်သက်ထားတဲ့ အသက် ၂၂ နှစ်အရွယ် လူတစ်ဦးကိုလည်း ထိုနေ့မှာပဲ ဖမ်းဆီးခဲ့ပါတယ်။

■ နှစ်ယောက်စလုံးဟာ နိုင်ငံခြားလိမ်လည်မှုအဖွဲ့မှာ ပါဝင်တယ်လို့ ယူဆရပြီး လူတွေဆီကနေ ငွေကြေးနဲ့ တန်ဖိုးကြီးပစ္စည်းတွေ လ်မ်လည်ရယူဖို့ အခြားသူတွေဆီကနေ တာဝန်ပေးအပ်ခံရကြောင်း ယူဆရတယ်လို့ ရဲတွေက ပြောပါတယ်။

■ မလေးရှားကနေ စင်္ကာပူသို့ လာရောက်ပြီး လိမ်လည်တာတွေ များလာတယ်လို့ သိရပါတယ်။

■ ပြည်သူတွေအနေနဲ့ ငွေကြေးတွေ တန်ဖိုးကြီးပိုင်ဆိုင်မှုများကို မသိတဲ့သူတွေထံ လွှဲပြောင်းခြင်းမပြုကြဖို့ ရဲတွေက တိုက်တွန်းထားပါတယ်။

Source: CNA

#World_Health
Published 09 November 2025

■ ကြက်ဥက ကျန်းမာရေးအတွက် အလွန်ကောင်းမွန်ပြီး ပရိုတိန်းနဲ့ မရှိမဖြစ် အမိုင်နိုအက်ဆစ် ၉ မျိုးစလုံး အချိုးကျပါဝင်ပါတယ်။

■ ကြက်ဥမကြိုက်တဲ့ သက်သက်လွတ်စားသုံးသူတွေအတွက် လိုအပ်တဲ့ပရိုတိန်းရနိုင်မယ့် အခြားသောအစားအစာတွေ အများကြီးလည်း ရှိပါတယ်။

■ (၁) နို့ဒိန်ခဲ - နို့ဒိန်ခဲ ၁၈ - ၂၀ ဂရမ်မှာ ပရိုတိန်း ၁၀၀ ဂရမ်ပါဝင်ပါတယ်။

■ (၂) ဂရိဒိန်ချဉ် - ဒိန်ချဉ် ၁၀ -၁၂ ဂရမ်မှာ ပရိုတိန်း ၁၀၀ ဂရမ်ခန့်ပါဝင်ပြီး အူလမ်းကြောင်းလည်း ကောင်းမွန်စေပါတယ်။

■ (၃) နို့ - နို့ ၁၀၀ မီလီလီတာမှာ ပရိုတိန်း ၃.၅ ဂရမ်ခန့်ပါဝင်ကာ ကယ်စီယံနဲ့ ဗိုက်တာမင်-ဒီလည်း ပါဝင်ပါတယ်။

■ (၄) ပဲနီလေး - ၁၀၀ ဂရမ်ချက်ပြုတ်တဲ့အခါ ပရိုတိန်း ၉ ဂရမ်ခန့် ရရှိနိုင်ပါတယ်။

■ (၅) ကုလားပဲနဲ့ ပဲကြီး - အမျှင်ဓာတ်ကြွယ်ဝသလို ၁၀၀ ဂရမ်ချက်ပြုတ်လျှင် ပရိုတိန်း ၈ - ၉ ဂရမ်ခန့် ပါဝင်ပါတယ်။

■ (၆) ပဲပိစပ်ထုတ်ကုန်များ - ပရိုတိန်းအကြွယ်ဝဆုံးဖြစ်ပြီး ၁၀၀ ဂရမ်လျှင် ပရိုတိန်း ၁၅ - ၂၀ ဂရမ်ခန့် ပေးစွမ်းနိုင်ပါတယ်။

■ (၇) ကွီနိုအာ - အမိုင်နိုအက်ဆစ် ၉ မျိုးစလုံးပါဝင်ပြီး ၁၀၀ ဂရမ်ချက်ပြုတ်ရင် ပရိုတိန်း ၄ ဂရမ်ပါဝင်ပါတယ်။

■ (၈) အခွံမာသီးနဲ့ အစေ့အဆန်များ - ဗာဒံစေ့၊ မြေပဲ၊ ချီယာ၊ လျှော်စေ့၊ ဖရုံစေ့တို့ တစ်ခါစားရင် ပရိုတိန်း ၅ - ၇ ဂရမ်ခန့် ရရှိပါတယ်။

■ (၉) ပဲနို့၊ ဗာဒံနို့ - တစ်ခွက်မှာ ပရိုတိန်း ၆ - ၈ ဂရမ်ခန့်ပါဝင်ပြီး ကွေကာအုပ်ထဲ ထည့်သောက်လို့ရပါတယ်။

■ (၁၀) ဂျုံကစီ - ၁၀၀ ဂရမ်မှာ ပရိုတိန်း ၂၅ ဂရမ်ပါဝင်ပါတယ်။

■ ဒါတွေကို စားသုံးပေးပါက မျှတတဲ့စားသောက်ပုံစံရရှိပြီး ကြက်ဥမလိုအပ်ဘဲ အာဟာရဓာတ်ရနေမှာ ဖြစ်ပါတယ်။

Source: India Today.

#World_Science
Published 07 November 2025

■ ကျွန်ုပ်တို့ နေစကြဝဠာထဲက အကြီးဆုံးဂြိုဟ်ဖြစ်တဲ့ ဂျူပီတာဟာ ကမ္ဘာဂြိုဟ်မရှိခင်တည်းက ကူညီပေးခဲ့ဖွယ်ရှိပါတယ်။

■ ရိုက်စ်တက္ကသိုလ်မှ သိပ္ပံပညာရှင်များ သုတေသနအရ ဂျူပီတာကြီးထွားလာခြင်းက အတွင်းစကြဝဠာထဲဆီသို့ ဓာတ်ငွေ့များ အမှုန်များစီးဆင်းမှုကို ပိတ်ဆို့လိုက်ပါတယ်။

■ ဒီပစ္စည်းတွေဟာ နေလုံးထဲသို့ အဆွဲမခံရတော့ဘဲ ကမ္ဘာ၊ ဗီးနပ်စ်၊ မားစ်ဂြိုဟ်တို့ ဖြစ်ပေါ်လာစေပါတယ်။

■ ဂျူပီတာရဲ့ ဆွဲအားက အတွင်းဂြိုဟ်တွေကို တည်ငြိမ်စေရုံမက စက်ကွင်းတွေ ဟာကွက်တွေ ဖြစ်ပေါ်စေပြီး စကြဝဠာတည်ဆောက်ပုံကိုလည်း ပုံဖော်စေပါတယ်။

■ အတွင်းပိုင်းစကြဝဠာစနစ်တစ်ခုလုံးရဲ့ ပုံဖော်ထုဆစ်သူကြီးဖြစ်ကာ ဂျူပီတာကြောင့်မဟုတ်ရင် ကမ္ဘာကြီး ဖြစ်လာမှာမဟုတ်ဘူးလို့ ရိုက်စ်တက္ကသိုလ်မှ လက်ထောက်ပရော်ဖက်ဆာ အန်ဒရီအီဇီဒိုရိုက ပြောပါတယ်။

■ ကွန်ပျူတာသရုပ်ဖော်ချက်ဖြင့် လေ့လာရာမှာ ဂျူပီတာရဲ့ ပြင်းထန်တဲ့ဆွဲအားက လှိုင်းတွေဖြစ်စေပြီး ဓာတ်ငွေ့နဲ့ အခြားပစ္စည်းတွေကို နှောင့်ယှက်စေကာ စကြဝဠာထဲမှာ ကြပ်ညပ်သွားစေပါတယ်။

■ စကြဝဠာကို အတွင်းပိုင်းနဲ့ အပြင်ပိုင်း ကွဲပြားသွားစေကာ အရာဝတ္ထုတွေ လွတ်လပ်စွာ လွင့်မနေစေတော့ပါဘူး။

■ စကြဝဠာထဲမှာ ပထမဆုံး အစိုင်အခဲတွေ ဖြစ်ပေါ်ပြီးနောက် နှစ်သန်းပေါင်းကြာတော့မှ အချို့ဥက္ကာခဲတွေ ဖြစ်ပေါ်ရတဲ့အကြောင်းကိုလည်း သိပ္ပံပညာရှင်တွေ နားလည်လာနိုင်စေမှာ ဖြစ်ပါတယ်။

■ ဂျူပီတာက အခြားသောအရာတွေ ဖြစ်ပေါ်လာဖို့အတွက် အခြေအနေတွေ ဖန်တီးခဲ့တာကို တွေ့ခဲ့ကြတယ်လို့ ပြောသွားပါတယ်။

Source: Indian Express

#World_Health
Published 07 November 2025

■ ကမ္ဘာတဝှမ်း ငယ်ရွယ်သူတွေကြား ကင်ဆာဖြစ်ပွားမှု မြင့်တက်နေတယ်လို့ လေ့လာချက်တစ်ခုမှာ တွေ့ရှိထားပြီး အဝလွန်ခြင်းနဲ့ များစွာဆက်စပ်နေပါတယ်။

■ ဒါက အသက် ၅၀ အောက်လူတွေမှာတင် မဟုတ်ဘဲ ဒီထက်အသက်ပိုကြီးသူတွေမှာလည်း ဆက်စပ်နေတာ ဖြစ်ပါတယ်။

■ ၂၀၀၃ မှ ၂၀၁၇ အတွင်း တိုက်ကြီးငါးတိုက်မှ နိုင်ငံပေါင်း ၄၂ ခုထံကနေ ကင်ဆာအချက်အလက်များ စစ်ဆေးခဲ့ကြပါတယ်။

■ လူလတ်ပိုင်းတွေမှာ အဖြစ်များလာတဲ့ ကင်ဆာ ၁၃ မျိုးကို ဆန်းစစ်ခဲ့ကြပါတယ်။

■ ဒီထဲမှာ သိုင်းရွိုက်၊ ရင်သား၊ အူမကြီး၊ ကျောက်ကပ်၊ သားအိမ်ခေါင်း၊ သွေးကင်ဆာတို့ ပါဝင်ပြီး လေ့လာတဲ့နိုင်ငံ ၄ ပုံ ၃ ပုံကျော်မှာ ဖြစ်ပွားမှုနှုန်း မြင့်တက်နေပါတယ်။

■ သိုင်းရွိုက်၊ သားအိမ်ခေါင်းနဲ့ အူမကြီးကင်ဆာတို့ကတော့ အဖြစ်အများဆုံး ဖြစ်နေပါတယ်။

■ ကင်ဆာတွေ အဖြစ်များလာရခြင်း အကြောင်းအရင်းတွေထဲမှာ အဝလွန်သူများလာခြင်း၊ အစားအစာပြောင်းလဲခြင်း၊ ပဋိဇီဝဆေးအသုံးပြုခြင်းတို့နဲ့ ဆက်စပ်နေနိုင်တယ်လို့ မှတ်ချက်ပြုထားပါတယ်။

■ အမေရိကန်မှာ ၂၀၂၂ ခုနှစ်က အသက် ၅၀ အောက် အမျိုးသမီးတွေ ရင်သားကင်ဆာဖြစ်ပွားသူ ၅ သောင်းခန့်ရှိပြီး အသက် ၅၀ အထက်ကတော့ ၂၁၀,၀၀၀ ကျော် ရှိနေပါတယ်။

■ ကင်ဆာတွေကို စောစောစီးစီး တွေ့ရှိလာရခြင်းက ရောဂါတကယ်ကို အဖြစ်များလာတယ်ဆိုတာထက် ရောဂါစစ်ဆေးမှုများလာတာကြောင့်လည်း ဖြစ်နိုင်ဖွယ်ရှိပါတယ်။

■ အဖြစ်များလာတဲ့ ကင်ဆာ ၈ မျိုးကို အသက် ၅၀ အောက်လူတွေမှာ လေ့လာကြည့်ရာ ၁၉၉၂ နောက်ပိုင်း ထိုကင်ဆာရှာဖွေတွေ့ရှိမှု နှစ်ဆပိုများလာပေမယ့် အသက်ဘေးဆုံးရှုံးမှုနှုန်းကတော့ ပုံမှန်ပဲရှိနေပါတယ်။

■ ဒါကြောင့် ရောဂါရှာဖွေစစ်ဆေးခြင်းတွေ ပြုလုပ်လာခြင်းက ကင်ဆာအဖြစ်များလာခြင်းအပေါ် များစွာသက်ရောက်နေနိုင်တယ်လို့ ယူဆလာကြပါတယ်။

Source: Euro News

တရုတ်ပြည် ကျဲကျန်းတက္ကသိုလ်မှ ပညာရှင်များက ဂျက်အင်ဂျင်သုံး ကျောပိုးစက်တပ်ယာဉ်ကို အောင်မြင်စွာစမ်းသပ်နိုင်ခဲ့ကာ သိပ္ပံစိတ်ကူးယဉ်ကားတွေထဲကလို့ ကိုယ်ပိုင်ပို့ဆောင်ရေးပစ္စည်း ဖြစ်လာနိုင်ပါတယ်။

#Asia_News
Published 07 November 2025
#တရုတ်ပြည် #ကျဲကျန်းတက္ကသိုလ်
#YMG #Yangon_Times #Yangon_Media_Group