#World_Health
Published 22 February 2026

■ ထမင်းစားပြီးနောက် ကော်ဖီလေးသောက်လိုက်ရင် အစာကြေဖို့ အကူအညီဖြစ်နိုင်ပေမယ့် အမြဲတမ်းတော့ မဟုတ်ဘူးလို့ ကင်းစ်ကောလိပ်လန်ဒန်မှ အာဟာရပညာရှင် ဒေါက်တာ အမ်မလီလီမင်က ပြောပါတယ်။

■ ကဖင်းဓာတ်က အူတွေကိုလှုံ့ဆော်ပြီး ကြွက်သားအလုပ်လုပ်စေကာ အစာခြေမှုကို အရှိန်ကောင်းကောင်း လုပ်စေပါတယ်။

■ ဒါပေမဲ့ ဗိုက်မကောင်းသူတွေမှာတော့ ပိုမိုဆိုးရွားစေပြီး အစာခြေခြင်းကို အနှောင့်အယှက် ဖြစ်စေနိုင်ပါတယ်။

■ ကော်ဖီပုံမှန်သောက်ရင် အူလမ်းကြောင်းကျန်းမာရေး ကောင်းစေတယ်လို့ တွေ့ရှိထားပြီး ပုံမှန်သောက်သူတွေမှာ အူလမ်းကြောင်း ပိုးမွှားစနစ် ကွဲပြားနေတာကို အထောက်အထား တွေ့ရှိထားပါတယ်။

■ ပိုလီဖီနော ဓာတ်တိုးဆန့်ကျင်ပစ္စည်းလည်း ပါဝင်ကာ အမျှင်ဓာတ်အနည်းငယ်လည်း ပါဝင်ပါတယ်။

■ အူလမ်းကြောင်း ကျန်းမာရေးအတွက် ကော်ဖီသောက်မယ်ဆိုရင် သင့်တော်တဲ့အချိန်မှာ သောက်ဖို့လိုအပ်ပြီး အူလမ်းကြောင်းကျန်းမာရေး တစ်ကိုယ်လုံးရဲ့စနစ်တွေနဲ့ ဆက်စပ်နေတာကြောင့် ဖြစ်ပါတယ်။

■ ကဖင်းဓာတ်က ခန္ဓာကိုယ်ထဲမှာ ၁၂ နာရီလောက်အထိ လှည့်ပတ်နေနိုင်ပြီး အချို့လူတွေမှာ အိပ်စက်မှုကို ထိခိုက်တတ်ပါတယ်။

■ ကောင်းစွာ မအိပ်ရတဲ့အခါ အူလမ်းကြောင်းကျန်းမာရေး ထိခိုက်စေပြီး အိပ်ရေးမဝတာကနေ ကျန်းမာရေးထိခိုက်စေတဲ့ အစားအစာတွေ စားမိစေနိုင်ပါတယ်။

■ ဒါကြောင့် ကဖင်းဓာတ်ပါတဲ့ ကော်ဖီကို မွန်းလွဲမတိုင်ခင် သောက်သုံးဖို့ အကြံပြုထားပါတယ်။

Source: The Guardian

အရေးပေါ်စစ်အုပ်ချုပ်ရေးဥပဒေထုတ်ပြန်ခဲ့တဲ့ တောင်ကိုရီးယားသမ္မတဟောင်း ယွန်ဆော့ယောကို နိုင်ငံတော်ပုန်ကန်မှုဖြင့် ထောင်ဒဏ်တသက်တစ်ကျွန်း ပြစ်ဒဏ်ချမှတ်လိုက်ကြောင်း ကြာသပတေးနေ့တိုက်ရိုက်ထုတ်လွှင့်မှုမှာ မြင်တွေ့ရပါတယ်။

#Local_News
Published 21 February 2025
#တောင်ကိုရီးယားသမ္မတဟောင်းယွန်ဆော့ယော
#YMG #Yangon_Times #Yangon_Media_Group

မန္တလေးတိုင်းဒေသကြီးပုသိမ်ကြီးမြို့နယ်ရှိ ရွှေစာရံဘုရားပွဲတော်ကို စည်ကားသိုက်မြိုက်စွာ ကျင်းပသွားမယ်လို့သိရပါတယ် ။

#Local_News
Published 21 February 2025
#ရွှေစာရံဘုရားပွဲတော် #မန္တလေးတိုင်းဒေသကြီး
#YMG/NN #Yangon_Times

၂၁ ဖေဖော်ဝါရီ ၂၀၂၆-

မန်ချက်စတာယူနိုက်တက်အသင်းရဲ့ အဓိကရှယ်ယာရှင်နှင့်ပိုင်ရှင် ဂျင်မ် ရက်ကလစ်ဖ်ဟာ ဗြိတိန်နိုင်ငံကို ရွှေ့ပြောင်းနေထိုင်သူတွေက "နယ်ချဲ့ကျူးကျော်နေပြီ" လို့ ပြောကြားခဲ့တဲ့အတွက် ဝေဖန်မှုတွေ ထွက်  ပေါ်ခဲ့ပေမဲ့၊ အင်္ဂလန်ဘောလုံးအဖွဲ့ချုပ် (FA) ကတော့ သူ့ကို အရေးယူမှာမဟုတ်ဘူးလို့ စနေနေ့မှာ အတည်ပြုလိုက်ပါတယ်။

ဒီကိစ္စနဲ့ပတ်သက်ပြီး ရက်ကလစ်ဖ်က သူသုံးနှုန်းခဲ့တဲ့ အသုံးအနှုန်းအတွက် ပြီးခဲ့တဲ့အပတ်က တောင်းပန်ခဲ့ပါတယ်။ ဒါပေမဲ့ နိုင်ငံရဲ့စီးပွားရေးမှာ လူဝင်မှုကြီးကြပ်ရေးပြဿနာက ဆွေးနွေးဖို့ အရေးကြီးတဲ့အချက်ဖြစ်တယ်လို့လည်း သူက ဆိုပါတယ်။ သူရဲ့ ကနဦးပြောကြားချက်တွေကြောင့် ဝန်ကြီးချုပ် ကီယာ စတာမာရဲ့ ပြစ်တင်ဝေဖန်မှုကိုတောင် ခံခဲ့ရတာပါ။

FA ရဲ့ ထုတ်ပြန်ချက်အရ ရက်ကလစ်ဖ်ကို အရေးယူမှုမလုပ်ပေမဲ့၊ အင်္ဂလိပ်ဘောလုံးလောကမှာ ပါဝင်ပတ်သက်နေသူတစ်ဦးအနေနဲ့ မီဒီယာတွေမှာ စကားပြောတဲ့အခါ ပိုပြီးတာဝန်ယူမှုရှိဖို့ သတိပေး  ချက်တစ်ခုတော့ ထုတ်ပြန်ထားတယ်လို့ သိရပါတယ်။

ရက်ကလစ်ဖ်ဟာ ဖေဖော်ဝါရီ ၁၁ ရက်နေ့က အင်တာဗျူးမှာ "အစိုးရထောက်ပံ့ကြေးနဲ့ နေနေသူ ၉ သန်းလောက်ရှိပြီး ရွှေ့ပြောင်းနေထိုင်သူတွေ ဒီလောက်အလုံးအရင်းနဲ့ ဝင်လာနေရင် စီးပွားရေးက ဘယ်လိုမှ မကောင်းနိုင်ဘူး။ တကယ်တော့ ယူကေဟာ နယ်ချဲ့ခံနေရတာပါ၊ ဒါဟာ ကုန်ကျစရိတ်တွေ အရမ်းများလွန်းတယ်" ဆိုပြီး ထည့်သွင်းပြောကြားခဲ့တာပါ။

အသင်းပိုင်ရှင်ရဲ့ ဒီလိုအငြင်းပွားဖွယ်ရာ မှတ်ချက်တွေနဲ့ ပတ်သက်ပြီး မန်ယူမန်နေဂျာ မိုက်ကယ် ကာရစ်ကို မေးမြန်းတဲ့အခါမှာတော့ သူက ဒီကိစ္စထဲကို ဝင်မပါဘဲ ရှောင်လွှဲသွားခဲ့ပါတယ်။ ကာရစ်က "ကျွန်တော်တို့ ကလပ်အသင်းအနေနဲ့ တစ်ဦးကိုတစ်ဦး လေးစားဖို့၊ တန်းတူညီမျှရှိဖို့နဲ့ ကွဲပြား ခြားနားမှုတွေကို လက်ခံဖို့ဆိုတဲ့ မူဝါဒတွေကိုပဲ နေ့စဉ်ကျင့်သုံးသွားမှာပါ" လို့သာ တုံ့ပြန်ခဲ့ပါတယ်။

လောလောဆယ် မန်ချက်စတာယူနိုက်တက်ဟာ ၂၆ ပွဲကစားအပြီးမှာ ရမှတ် ၄၅ မှတ်နဲ့ အဆင့် ၄ နေရာ မှာ ရှိနေပါတယ်။ လာမယ့်တနင်္လာနေ့မှာ အဲဗာတန်နဲ့ ကစားရမှာဖြစ်ပြီး ချန်ပီယံလိဂ်ဝင်ခွင့်အတွက် အဆင့် ၄ အတွင်း မြဲနေအောင် ဆက်လက်ကြိုးစားသွားရမှာ ဖြစ်ပါတယ်။

Source: Reuters

ဆန်ဈေးနှုန်းများကြီးမြင့်မှုမရှိစေရေးအတွက် ဈေးကွက်အတွင်းရောင်းချနေတဲ့ ဆန်ဈေးကို ဈေးနှုန်းအဆမတန်မြင့်တင်ရောင်းချတာတွေမရှိစေဖို့ ဆန်ဆိုင်များအား ကွင်းဆင်းစစ်ဆေးနေတယ်လို့ စားသုံးသူဦးစီးဌာနမှ သိရပါတယ်။

#Local_News
Published 21 February 2025
#ဆန် #ဆန်ဆိုင်
#YMG/NN #Yangon_Times

#Local_News
Published 21 February 2026

■ မြန်မာနိုင်ငံတွင် အီးစီးကရက် (Vape) များ သုံးစွဲခွင့်ကို ယခု ဖေဖော်ဝါရီ ၁၈ ရက်မှစတင်ကာတားမြစ်လိုက်ကြောင်း ကျန်းမာရေးဝန်ကြီးဌာနမှ သိရသည်။

■ အီးစီးကရက်နှင့် ဆက်စပ်ပစ္စည်းများသည် ပြည်သူ့ကျန်းမာရေးအတွက် ထိခိုက်နိုင်ခြေ မြင့်မားကြောင်း၊ အထူးသဖြင့် လူငယ်လူရွယ်များအကြား သုံးစွဲမှုတိုးပွားလာခြင်းကို ထိန်းချုပ်ရန် လိုအပ်ခြင်းကြောင့် မြန်မာနိုင်ငံတွင် အီးစီးကရက် (Vape) များကို တင်သွင်းခြင်း၊ တင်ပို့ခြင်း၊ ရောင်းချခြင်း၊ သိုလှောင်ထားရှိခြင်း၊ ဖြန့်ဖြူးခြင်းနှင့် သုံးစွဲခြင်းအားလုံးကို တားမြစ်ပိတ်ပင်လိုက်ခြင်းဖြစ်ကြောင်း သိရသည်။

■ ထို့အပြင်တားမြစ်ချက်ကို ချိုးဖောက်သူများအား သက်ဆိုင်ရာ ဥပဒေများအရ အရေးယူသွားမည်ဖြစ်ကြောင်း သိရသည်။

#YMG/SW #Yangon_Times

လုပ်ငန်းလိုင်စင်မရှိဘဲ ရုပ်ရှင်ရုံဖွင့်လှစ်ပြသခြင်း၊ ဆင်ဆာမဲ့ဇာတ်ကားများပြသခြင်းများ ကို တည်ဆဲဥပဒေများနှင့်အညီ အရေးယူဆောင်ရွက်သွားမယ်လို့ ဗီဒီယိုလုပ်ငန်းစိစစ်ကြီးကြပ်ရေး ဗဟိုကော်မတီကထုတ်ပြန်တဲ့ ပုဂ္ဂလိကရုပ်ရှင်ရုံငယ်များ(Private Cinema) ဖွင့်လှစ်ပြသနေမှုနဲ့ပတ်သက်ပြီး အသိပေးကြေညာချက်မှာ ဖော်ပြထားပါတယ်။

#Local_News
Published 21 February 2025
#လိုင်စင် #Private_Cinema
#YMG/SW #Yangon_Times

#Daily_News
Published 21 February 2025

၁။‌ ‎‎ရွှေစာရံဘုရားပွဲတော် စည်ကားသိုက်မြိုက်စွာကျင်းပသွားမည်
‎
‎၂။ ‌‌‌‌‌‌‌‌‌‌‌‌‎‎‎‎ဆန်ဈေးနှုန်းများ ကြီးမြင့်မှုမရှိစေရေး ဆန်ဆိုင်များအား ကွင်းဆင်းစစ်ဆေးနေ
‎
၃။‌‌‎ ‌‌‌‌‌‌‌‌‌‎‎‎လိုင်စင်မရှိဘဲ ရုပ်ရှင်ရုံဖွင့်လှစ်ပြသခြင်း၊ ဆင်ဆာမဲ့ဇာတ်ကားများပြသခြင်းများကို အရေးယူမည်

‎၄။‎ ‌‌‌‌‌‌‌‌‌‎‎စစ်အုပ်ချုပ်ရေးဥပဒေထုတ်ပြန်ခဲ့သော သမ္မတဟောင်းယွန်ဆော့ယောကိုပုန်ကန်မှုဖြင့် ဆိုးလ်တရားရုံးမှတသက်တစ်ကျွန်းထောင်ဒဏ်ချမှတ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News 
Published 21 February 2026

■ အမေရိကန်သမ္မတ ဒေါ်နယ်ထရမ့်က မတ်လ ၃၁ ရက်နေ့မှ ဧပြီ ၂ ရက်နေ့အထိ တရုတ်သို့ သွားရောက်မှာဖြစ်ပြီး ကမ္ဘာ့စီးပွားရေးအင်အားအကြီးဆုံး နှစ်နိုင်ငံခေါင်းဆောင်ကြား တွေ့ဆုံဆွေးနွေးဖို့ မျှော်လင့်နေကြပါတယ်။

■ အိမ်ဖြူတော်အရာရှိတစ်ဦးက ဒီခရီးစဉ်အကြောင်း သောကြာနေ့မှာ အတည်ပြုခဲ့ပြီးနောက် အမေရိကန် တရားရုံးချုပ်က ထရမ့်ရဲ့ စည်းကြပ်ခွန်ကိစ္စတွေကို ဥပဒေအရ ပယ်ဖျက်ခဲ့ပါတယ်။

■ ထရမ့်နဲ့ တရုတ်သမ္မတ ရှီကျင့်ဖျင်တို့ ဆွေးနွေးမှုတွေကနေ နောက်ထပ်အခွန်တိုးမြှင့်မလာအောင် ကုန်သွယ်ရေးသဘောတူညီချက် ရယူသွားနိုင်ဖို့ မျှော်လင့်နေကြပါတယ်။

■ တရုတ်ရဲ့လုပ်ရပ်တွေကို တန်ပြန်တဲ့အနေနဲ့ ထရမ့်က တရုတ်အပေါ် အခွန်တိုးမြှင့်စည်းကြပ်ခဲ့ပြီးနောက်မှာမှ မကြာသေးမီ အမေရိကန်-တရုတ် ဆက်ဆံရေး ပြန်လည်တည်ငြိမ်လာတဲ့အပေါ် တရားရုံးရုပ်က မေးခွန်းထုတ်နေပါတယ်။

■ ဒီအခွန်တွေက ဖန်တနိုင်းဖြန့်ဝေခြင်းနဲ့ ကုန်သွယ်ရေး မညီမမျှဖြစ်တာတွေနဲ့ ပတ်သက်တဲ့ အရေးပေါ်ကိစ္စတွေနဲ့ ဆက်စပ်နေပါတယ်။

■ အမေရိကန်သမ္မတ တစ်ယောက်အနေနဲ့ တရုတ်ကို နောက်ဆုံးလည်ပတ်ခဲ့တာဟာ ၂၀၁၇ ခုနှစ်က ထရမ့်သွားခဲ့တာ ဖြစ်ပါတယ်။

■ အမေရိကန်မှ တရုတ်သံရုံးနဲ့ တရုတ်ဘက်ကနေတော့ ဒီခရီးစဉ်နဲ့ ပတ်သက်ပြီး ဘာမှမပြောသေးပါဘူး။

Source: Reuters

၂၁ ဖေဖော်ဝါရီ၊၂၀၂၆

တရားလွှတ်တော်ချုပ်မှာ အမှုရှုံးသွားပြီးတဲ့နောက် ထရမ့်က ကမ္ဘာတစ်ဝန်းကို ၁၀ ရာခိုင်နှုန်း အကောက်   ခွန် ချမှတ်ဖို့ ရှိနေပါတယ်။ တရားလွှတ်တော်ချုပ်က ပယ်ဖျက်လိုက်တဲ့ အကောက်ခွန်   တချို့နေရာမှာ အစားထိုးဖို့အတွက် နိုင်ငံအားလုံးအပေါ် ၁၀ ရာခိုင်နှုန်း အကောက်ခွန် ချမှတ်မယ့် အုပ်ချုပ်ရေးအမိန့်  တစ်ခုကို လက်မှတ်ရေးထိုးမယ်လို့ သမ္မတထရမ့်က သောကြာနေ့မှာ ပြောပါတယ်။

ဘာကြောင့် အရေးကြီးတာလဲ -

တရားမဝင်ဘူးလို့ သတ်မှတ်ခံလိုက်ရတဲ့ ကြီးမားလှတဲ့ အခွန်အခတွေနေရာမှာ အစားထိုးဖို့ အစိုးရအဖွဲ့ ကနေ အသစ်ချမှတ်မယ့် အကောက်ခွန်အစီအစဉ်သစ်တွေရဲ့ အစပြုမှုလေးပဲ ဖြစ်နိုင်ပါတယ်။

သူတို့ ဘာတွေပြောနေကြလဲ  

"ပုံမှန်ကောက်ခံနေကျ အကောက်ခွန်တွေအပြင် ပုဒ်မ ၁၂၂ အရ ကမ္ဘာတစ်ဝန်းလုံးကို ၁၀ ရာခိုင်နှုန်း အကောက်ခွန် ထပ်ချမှတ်မယ့် အမိန့်တစ်ခုကို ဒီကနေ့ ကျွန်တော် လက်မှတ်ထိုးပါမယ်" လို့ ထရမ့်က သတင်းစာရှင်းလင်းပွဲမှာ ပြောခဲ့ပါတယ်။

ဒါဟာ အကောက်ခွန်တွေချမှတ်ဖို့ ဒီလိုကုန်သွယ်ရေးအာဏာပိုင်အဖွဲ့အစည်းကို အမေရိကန်က ပထမဆုံး   အကြိမ် အသုံးပြုတာလည်း ဖြစ်လာမှာပါ။ ဒီအကောက်ခွန်တွေက လာမယ့်အပတ်မှာ စတင်သက်ဝင်မယ်  လို့ ထရမ့်က သတင်းထောက်တွေကို ပြောခဲ့ပါတယ်။

ဒီလုပ်ရပ်ဟာ ပြီးခဲ့တဲ့ ဧပြီလ အမေရိကန်"လွတ်မြောက်ရေးနေ့" မှာ အစိုးရအဖွဲ့က ကြေညာခဲ့တဲ့ ကမ္ဘာ့  ကုန်စည်တွေအပေါ် ကောက်ခံမယ့်  အခွန်နှုန်းတွေနေရာမှာ၁၀ ရာခိုင်နှုန်း အကောက်ခွန်ကို အစား ထိုးသွားမှာ ဖြစ်ပါတယ်။

ဘာကိုဆိုလိုကြတာလဲ

၁၉၇၄ ခုနှစ် ကုန်သွယ်ရေးအက်ဥပဒေမှာပါတဲ့ ပြဋ္ဌာန်းချက်က အတော်လေးကျယ်ပြန့်ပေမယ့် အကန့်   အသတ်တော့ ရှိပါတယ်။

အကောက်ခွန်ချမှတ်ဖို့ အသုံးပြုလို့မရဘူးလို့ တရားလွှတ်တော်ချုပ်က ဆုံးဖြတ်ထားတဲ့ နိုင်ငံတကာ အရေးပေါ် စီးပွားရေးလုပ်ပိုင်ခွင့် အက်ဥပဒေနဲ့ မတူတာက၊ ပုဒ်မ ၁၂၂ မှာ အကောက်ခွန်တွေကို အချိန် ဘယ်လောက်ကြာကြာ ထားရှိနိုင်သလဲဆိုတာနဲ့ အခွန်နှုန်းထား ဘယ်လောက်အထိ ကောက်ခံနိုင်သလဲဆိုတာကို ကန့်သတ်ထားတာပဲ ဖြစ်ပါတယ်။

ကုန်သွယ်မှုလိုငွေပြတာ ဒါမှမဟုတ် ဒေါ်လာငွေကြေး အကျပ်အတည်းဖြစ်တာတွေကို ဖြေရှင်းဖို့အတွက် သမ္မတအနေနဲ့ ၁၅ ရာခိုင်နှုန်းအထိရှိတဲ့ အကောက်ခွန်ကို ရက်ပေါင်း ၁၅၀ အထိ ချမှတ်နိုင်တယ်လို့ ဥပဒေ မှာ ဖော်ပြထားပါတယ်။ ဒါပေမယ့် လွှတ်တော်ရဲ့ ခွင့်ပြုချက်မရဘဲ အဲဒီကာလထက်တော့ ကျော်လွန်ပြီး ကောက်ခံလို့ မရပါဘူး။

စောင့်ကြည့်ရမယ့်အချက်  

တရုတ်နိုင်ငံနဲ့ သံမဏိ/အလူမီနီယံတွေအပေါ် အကောက်ခွန်ချဖို့ သုံးခဲ့တဲ့ ပြဋ္ဌာန်းချက်တွေ အပါအဝင်၊ တရားလွှတ်တော်ချုပ်က ပယ်ဖျက်လိုက်တဲ့ အခွန်အခတွေနေရာမှာ အစားထိုးနိုင်ဖို့ ကုန်သွယ်ရေး ဥပဒေ  မှာပါတဲ့ တခြားပြဋ္ဌာန်းချက်တွေကိုလည်း အစိုးရအဖွဲ့က အထောက်အကူရယူသွားမယ်လို့ ထရမ့်  က ပြောပါတယ်။

ထရမ့်ရဲ့ ထိပ်တန်း ကုန်သွယ်ရေး ညှိနှိုင်းရေးမှူး ဂျေမီဆင် ဂရီးယားကတော့ ဒီအစီအမံတွေဟာ "ဥပဒေ  ကြောင်းအရ အင်မတန် ခိုင်မာပါတယ်" လို့ ဆိုပါတယ်။

"ကျွန်တော်တို့ ဆက်တိုက်လုပ်ဆောင်သွားမှာပါ၊လိုငွေပြမှုကို ဆက်ပြီးလျှော့ချနိုင်ဖို့အတွက် ဒါကိုဆက်လက်ဖြေရှင်းသွားမှာပါ" လို့ သောကြာနေ့မှာ ဂရီးယားက ပြောခဲ့ပါတယ်။

"ဘဏ္ဍာရေးဝန်ကြီးဌာနရဲ့ ခန့်မှန်းချက်တွေအရ ပုဒ်မ ၁၂၂ လုပ်ပိုင်ခွင့်အာဏာကို အသုံးပြုတာဟာ၊ ပိုမိုအားကောင်းလာနိုင်တဲ့ ပုဒ်မ ၂၃၂၊ ၃၀၁ ပါ အကောက်ခွန်တွေနဲ့ ပေါင်းစပ်လိုက်မယ်ဆိုရင် ၂၀၂၆ ခုနှစ်အတွက် အကောက်ခွန်ဝင်ငွေတွေက လက်တွေ့မှာပြောင်းလဲသွားမှာ မဟုတ်ဘူးလို့ ပြသနေပါတယ်" လို့ ဘဏ္ဍာရေးဝန်ကြီး စကော့တ် ဘက်စ်ဆင့် (Scott Bessent) က သောကြာနေ့မှာ ပြောခဲ့ပါတယ်။

အရင်းအမြစ်။ AXIOS

#World_Health
Published 21 February 2026

■ စိုးရိမ်ပူပန်စိတ်ဖြစ်ခြင်းဟာ စိတ်ပိုင်းဆိုင်ရာကြောင့်လို့ ထင်နေကြပေမယ့် ယခုအခါ ကျန်းမာရေးပညာရှင်တွေက ဗိုက်တာမင်-ဒီ ချို့တဲ့တာကြောင့်လို့ ထောက်ပြနေပါတယ်။

■ ဗိုက်တာမင်-ဒီ နည်းတဲ့အခါ စိတ်က ဖိစီးမှုခံစားလွယ်ခြင်း၊ စိတ်ပိုင်းကြံ့ခိုင်စွမ်း ကျဆင်းခြင်းတို့ ဖြစ်လာတယ်လို့ ဝေါ့ခ်ဟာ့ဒ်ဆေးရုံမှ ဒေါက်တာ ရီတူဂျာအူဂယ်မူဂျယ်က ပြောပါတယ်။

■ ဗိုက်တာမင်-ဒီက စိတ်အခြေအနေ၊ ရောင်ရမ်းခြင်း၊ ဖိစီးမှုဟော်မုန်းတွေမှာ ကူညီပေးတာကြောင့် ဗိုက်တာမင်-ဒီ နည်းသွားရင် နွမ်းနယ်ခြင်း၊ စိတ်ပိုင်းကျဆင်းခြင်းတို့ ခံစားရတာ ဖြစ်ပါတယ်။

■ အရမ်းနည်းသွားရင်တော့ စိတ်ပိုင်းဆိုင်ရာ အောက်ဆုံးအထိရောက်ပြီး အရင်တည်းက စိုးရိမ်ပူပန်တတ်သူတွေအတွက် ပိုဆိုးစေပါတယ်။

■ အိမ်ထဲမှာပဲနေပြီး စိုးရိမ်ပူပန်စိတ်တွေ ဖြစ်လာတယ်ဆိုရင် နေရောင်ခြည်ထိတွေ့ပေးပြီး ဗိုက်တာမင်-ဒီရရှိဖို့ ဂရုစိုက်သင့်ပါတယ်။

■ အရွယ်ရောက်သူတွေအနေနဲ့ တစ်နေ့ကို ဗိုက်တာမင်-ဒီ ၆၀၀-၈၀၀ IU ခန့် လိုအပ်ပြီး ဖြည့်စွက်အားဆေးဖြင့်လည်း ပုံမှန်ပြန်ဖြစ်အောင် လုပ်နိုင်ပါတယ်။

■ ဒါ့အပြင် ကျန်းမာရေးနဲ့ ညီညွတ်အောင် နေထိုင်ကျင့်ကြံပါက အိပ်စက်မှု၊ စိတ်အခြေအနေ၊ ခွန်အားတို့အတွက် အကောင်းဆုံး အထောက်အကူ ဖြစ်စေပါတယ်။

■ ဟော်မုန်းအတက်အကျဖြစ်နေတဲ့ အမျိုးသမီးတွေ၊ အခန်းတွင်း အလုပ်လုပ်သူတွေ၊ အသားအရောင်ညိုသူတွေ၊ ခန္ဓာကိုယ်လုံအောင် ဝတ်စားသူတွေ၊ အသက်ကြီးသူတွေ၊ အဝလွန်သူတွေ၊ မလှုပ်ရှားနိုင်သူတွေမှာ အလိုအလျောက် မဟုတ်ပေမယ့် ဗိုက်တာမင်-ဒီ နည်းသွားရင်တော့ စိတ်ပိုင်းဆိုင်ရာ အခြေအနေတွေ ကျဆင်းသွားနိုင်ပါတယ်။

■ ဗိုက်တာမင်-ဒီ ပြန်တက်လာအောင် လုပ်ခြင်းဖြင့် ချက်ချင်းကြီး စိုးရိမ်ပူပန်စိတ် ပြန်မကောင်းနိုင်ပေမယ့် စိတ်ပိုင်းဆိုင်ရာ ပိုမိုတည်ငြိမ်လာနိုင်ပါတယ်။

Source: Indian Express

#World_Science
Published 21 February 2026

■ ကမ္ဘာမြေဂြိုဟ်နဲ့ အတော်လေးဆင်တူပြီး ကမ္ဘာကနေ ၁၄၆ အလင်းနှစ်ကွာဝေးတဲ့ စကြဝဠာပြင်ပဂြိုဟ်တစ်ခုကို နက္ခတ္တပညာရှင်များ တွေ့ရှိခဲ့ကြပါတယ်။

■ ကမ္ဘာဂြိုဟ်နဲ့ ပတ်လမ်းကြောင်း ဆင်တူနီးပါးဖြစ်ကာ နေနဲ့ဆင်တူတဲ့ ကြယ်တစ်လုံးလည်း ရှိပါတယ်။

■ သိထားသမျှ ပြင်ပဂြိုဟ် ၆ ထောင်တွေထဲကမှ ဒီဂြိုဟ်က ဖြစ်နိုင်ခြေအရှိဆုံး ဖြစ်ပါတယ်။

■ Planet Hunters ပရောဂျက်မှ သုတေသီများ တွေ့ရှိထားတာ ဖြစ်ပါတယ်။

■ ၂၀၀၉ မှ ၂၀၁၈ ကြား ကြယ်ပေါင်း ၅ ထောင်ကျော်ရဲ့ တောက်ပမှုကို စောင့်ကြည့်ခဲ့ကြကာ အချက်အလက်တွေ ဆန်းစစ်ခဲ့ကြပါတယ်။

■ သုတေသီတွေက ဂြိုဟ်ရဲ့ အရွယ်အစား၊ လည်ပတ်ချိန်တို့နဲ့ ပတ်သက်ပြီး ယုံကြည်ချက်ရှိနေပါတယ်။

■ HD 137010 b လို့အမည်ပေးထားကာ ကမ္ဘာ့ပတ်လမ်းကြောင်းထက် ၆ ရာခိုင်နှုန်းမျှသာ ပိုကြီးပြီး တစ်ပတ်အပြည့်လည်ဖို့ ၃၅၅ ရက်ကြာပါတယ်။

■ နေကနေ ကမ္ဘာရရှိတဲ့ စွမ်းအင်ရဲ့ သုံးပုံတစ်ပုံအောက်သာ ရရှိပါတယ်။

■ မျက်နှာပြင်အပူချိန်ကတော့ အနုတ် ၆၈ မှ ၇၀ ဒီဂရီဆဲလ်စီးယပ်စ်ရှိပြီး မားစ်ဂြိုဟ်နဲ့ ပိုတူနေပါတယ်။

■ ဒီပြင်ပဂြိုဟ်က နေထိုင်အသက်ရှင်နိုင်တဲ့ နေရာရဲ့ အပြင်ဘက်စွန်းမှာ ရှိပါတယ်။

■ သူ့မှာ ကာဗွန်ဒိုင်အောက်ဆိုဒ်ပမာဏ များများဖြင့် လေထုသိပ်သည်းပါက ဖန်လုံအိမ်သက်ရောက်မှုကနေ မျက်နှာပြင်ပူနွေးလာနိုင်ပါတယ်။

■ သူ့ရဲ့ကြယ်နဲ့ နီးကပ်တာကြောင့် အနာဂတ်မှာ လေထုဆန်းစစ်ဖို့အတွက် အလားအလာကောင်း ရှိနိုင်ပါတယ်။

■ ဒါပေမဲ့ ကမ္ဘာနဲ့ များစွာကွာဝေးတာကြောင့် လက်ရှိနည်းပညာတွေနဲ့ ရောက်ရှိဖို့ နှစ်သိန်းနဲ့ချီ ကြာမြင့်နိုင်ပါတယ်။

Source: WION.