#World_News
Published 12 July 2025

▪️ Air India လေယာဉ်ပျက်ကျတဲ့ဖြစ်စဉ် ကနဦးစုံစမ်းစစ်ဆေးချက်တစ်ခုအရ လေယာဉ်ပျက်မကျခင်လေးမှာ လေယာဉ်ထိန်းချုပ်ခန်းအတွင်း နားလည်မှုရှုပ်ထွေးတဲ့ပုံစံ ရှိခဲ့မယ်လို့ ဖော်ပြလာပါတယ်။

▪️ အင်ဂျင်လောင်စာဆီဖြတ်တောက်ခလုတ်များ တပြိုင်တည်းနီးပါး နှိပ်မိခဲ့ကြပြီး အင်ဂျင်မှာ လောင်စာပြတ်တောက်သွားခဲ့တယ်လို့ ဆိုလာပါတယ်။

▪️ ဆယ်စုနှစ်အတွင်း အသေအပျောက်အများဆုံး လေယာဉ်မတော်တဆမှုကို အိန္ဒိယစစ်ဆေးရေးများက စုံစမ်းပြီးနောက် စနေနေ့က ဖော်ပြခဲ့ရာ လန်ဒန်သို့သွားရောက်မယ့် Boeing 787 Dreamliner က အိန္ဒိယ အမ်မာဒါဘက်မြို့ကနေ ထွက်ခဲ့ပြီးနောက် ခဏမှာပဲ တွန်းကန်အားမရှိတော့ဘဲ နိမ့်ဆင်းလာခဲ့ပါတယ်။

▪️ အိန္ဒိယလေယာဉ်မတော်တဆမှု စုံစမ်းစစ်ဆေးရေးဗျူရို(AAIB)ရဲ့ တင်ပြချက်ထဲမှာ အင်ဂျင်လောင်စာဆီ အရေးပေါ်ဖြတ်တောက်ရေးခလုတ်တွေရဲ့ အနေအထားအကြောင်း မေးခွန်းထုတ်စရာ ဖြစ်လာခဲ့ပြီး Boeing နဲ့ အင်ဂျင်ထုတ်လုပ်ရေး GE တို့ကတော့ ဒီကိစ္စအတွက် တာဝန်မရှိဘူးလို့ ယူဆထားပါတယ်။

▪️ Air India လေကြောင်းကို Tata Group က ၂၀၂၂ မှာ အစိုးရထံကနေ လွှဲပြောင်းရယူပြီး ပြန်လည်မွမ်းမံဖို့ကြိုးစားနေတဲ့အချိန်မှာ အခုလိုမတော်တဆမှု ဖြစ်ခဲ့တာပါ။

▪️ CCTV ရုပ်သံဖိုင်ထဲမှာ မြေပြင်ပေါ်မှ တက်သွားပြီးနောက် ခဏမှာပဲ အရံလောင်စာစနစ် ဖွင့်ရတာကိုကြည့်ရင် အင်ဂျင်ပါဝါကျသွားတဲ့ပုံ ပေါ်ပါတယ်။

▪️ လေယာဉ်စက်ထိန်းချုပ်ခန်းထဲက အသံမှတ်တမ်းထဲမှာ လေယာဉ်မှူးတစ်ဦးက အခြားလေယာဉ်မှူးကို ဘာလို့လောင်စာ ဖြတ်တောက်လိုက်လဲလို့ မေးမြန်းခဲ့ပြီး အခြားလေယာဉ်မှူးက မလုပ်ခဲ့ဘူးလို့ ပြန်ဖြေခဲ့ကြောင်း ဖော်ပြထားပါတယ်။

▪️ အဓိကလေယာဉ်မှူးက အသက် ၅၆ နှစ်အရွယ် ဆူမိဆာဘာဝယ်ဖြစ်ပြီး လေယာဉ်မှူးအတွေ့အကြုံ ၁၅,၆၃၈ နာရီရှိကာ တွဲဖက်လေယာဉ်မှူး ကလိုက်ဗ်ကွန်ဒါကတော့ ၃၂ နှစ်ရှိပြီး အတွေ့အကြုံ ၃,၄၀၃ နာရီရှိပါတယ်။

▪️ လောင်စာဆီဖြတ်တောက်ခလုတ်တွေကို တပြိုင်တည်းနီးပါး နှိပ်လိုက်တာက အင်ဂျင်ရပ်သွားစေတဲ့အကြောင်းအရင်း ဖြစ်နေပါတယ်။

▪️ Boeing က စုံစမ်းစစ်ဆေးမှုများကို ဆက်လက်ထောက်ခံအားပေးနေကြောင်း ပြောထားပါတယ်။

#Source: Reuters

#World_Health
Published 12 July 2025

▪️ ဟင်းသီးဟင်းရွက်တွေကို ပြုတ်စားခြင်းက အာဟာရဓာတ်အများစုကို ထိန်းသိမ်းနိုင်ပြီး အစာခြေရလွယ်ကူစေပါတယ်။

▪️ ကြောချက်သလိုမျိုး ဆီမလိုတာကြောင့် ကယ်လိုရီနည်းပါးကာ နှလုံးကျန်းမာရေးကို အထောက်အကူပေးပါတယ်။

▪️ ဒါကြောင့် ဟင်းရွက်ပြုတ်တွေက ကျန်းမာရေးအတွက် အရေးကြီးရတဲ့အကြောင်းအရင်းတွေကို ဖော်ပြလိုက်ပါတယ်။

▪️ (၁) အစာခြေရလွယ်ကူခြင်း - အမျှင်ဓာတ်တွေ နူးညံ့သွားတာကြောင့် ကောင်းစွာ အစာမခြေနိုင်ခြင်းအတွက် သင့်လျော်ပြီး အာဟာရဓာတ်များ စုပ်ယူနိုင်ပါတယ်။

▪️ (၂) ကယ်လိုရီနဲ့ အဆီနည်းပါးခြင်း - အဆီတွေမလိုတာကြောင့် ကယ်လိုရီနည်းပါးစေပြီး ကိုယ်အလေးချိန်ထိန်းခြင်းနဲ့ နှလုံးကျန်းမာရေးကို အကူအညီပေးပါတယ်။

▪️ (၃) အာဟာရဓာတ်စုပ်ယူမှုကောင်းမွန်ခြင်း - မုန်လာဥနီ၊ ခရမ်းချဉ်သီးတို့ကို ပြုတ်လိုက်တဲ့အခါ ဘီတာကယ်ရိုတင်းနဲ့ လိုင်ကိုပင်းတို့လို အာဟာရဓာတ်တွေ ပိုထွက်စေပြီး ခန္ဓာကိုယ်ကနေ ပိုမိုစုပ်ယူစေနိုင်ပါတယ်။

▪️ (၄) ရေဓာတ်ထိန်းသိမ်းခြင်း - ဟင်းရွက်တွေပြုတ်တဲ့အခါ ရေကျန်ရှိစေသဖြင့် သဘာဝအတိုင်း ရေဓာတ်ဖြည့်ပေးသလို အစာအိမ်ကို ချောမွေ့စေပါတယ်။

▪️ (၅) အဆိပ်အတောက်ဖယ်ရှားခြင်း - မျက်နှာပြင်ပေါ်မှ ပိုးမွှားများ၊ အမှုန်များ၊ ဘက်တီးရီးယားများ ဖယ်ရှားပေးကာ သန့်ရှင်းစေခြင်းဖြင့် အဆိပ်အတောက်များ ဖယ်ရှားစေပါတယ်။

▪️ (၆) ကိုယ်အလေးချိန်လျော့စေခြင်း - အမျှင်ဓာတ်နဲ့ ရေဓာတ်ကြွယ်ဝတာကြောင့် ဗိုက်ပြည့်ဝစေပြီး အလွန်အကျွံစားခြင်းမှ ကာကွယ်ပေးသဖြင့် ကိုယ်အလေးချိန် ထိန်းသိမ်းစေနိုင်ပါတယ်။

▪️ (၇) နှလုံးအတွက်သင့်လျော်ခြင်း - ဆိုဒီယံနဲ့ ပြည့်ဝဆီပါဝင်မှုနည်းတာကြောင့် သွေးပေါင်ချိန်လျော့စေပြီး နှလုံးသွေးကြောကျန်းမာရေးကို ထောက်ကူပေးပါတယ်။

▪️ (၈) ဓာတ်တိုးဆန့်ကျင်ပစ္စည်းထိန်းသိမ်းပေးခြင်း - မုန်လာဥနီ၊ သကြားမုန်လာ၊ ဟင်းနုနွယ်တို့ကို ပြုတ်လိုက်ရင် ဓာတ်တိုးဆန့်ကျင်ပစ္စည်းများ ကျန်ရှိပြီး နာတာရှည်ရောဂါများမှ ကာကွယ်ပေးပါတယ်။

▪️ (၉) ဇီဝကမ္မဖြစ်စဉ်တိုးတက်စေခြင်း - ဟင်းနုနွယ်၊ ပဲကြီး၊ ပန်းဂေါ်ဖီစိမ်းတို့ကို ပြုတ်ပြီးစားသုံးပေးပါက ဗိုက်တာမင်-ဘီများ၊ မဂ္ဂနီဆီယံ၊ သံဓာတ်တို့ ရရှိစေပြီး ဇီဝဖြစ်စဉ်လှုပ်ရှားစေပါတယ်။

▪️ (၁၀) ချက်ပြုတ်ပြင်ဆင်ရလွယ်ကူခြင်း - ပြုတ်ပြီးသားဟင်းရွက်တွေကို ပြင်ဆင်ချက်ပြုတ်ရတာ လွယ်ကူပြီး ပုံစံအမျိုးမျိုးဖြင့် စားသောက်နိုင်ပါတယ်။

#Source: DoctorNDTV

#World_Science
Published 12 July 2025

▪️ လီသီယံအိုင်းယွန်းဘက်ထရီ ဘေးကင်းစိတ်ချရရေး မြှင့်တင်တဲ့အနေနဲ့ ရှိဗ်နာဒါအမ်မီနန့်စ်အဖွဲ့က ဘက်ထရီပျက်စီးခြင်းတွေကနေ ကာကွယ်ပေးနိုင်မယ့် အပူတုံ့ပြန်အီလက်ထရိုလိုက်ကို ဖော်ထုတ်လိုက်ပါတယ်။

▪️ စမတ်ဖုန်း၊ လက်ပ်တော့၊ လျှပ်စစ်ကားတွေအပါအဝင် လီသီယံဘက်ထရီများဖြင့် ဓာတ်အားပေးတဲ့ ပစ္စည်းကိရိယာများ ဘေးကင်းစွာအသုံးပြုနိုင်ရေးအဖြစ် ပြောင်းလဲပေးနိုင်မှာ ဖြစ်ပါတယ်။

▪️ သာမန်လီသီယံအိုင်းယွန်း ဘက်ထရီတွေက ပိုလီမာခွဲထုတ်ခြင်းအပေါ် မူတည်ကာ အပူချိန် ၁၆၀ ဆဲလ်စီးယပ်စ်မှာ အရည်ပျော်သွားအောင် ပြုလုပ်ထားပါတယ်။

▪️ ဒါပေမဲ့ ဘက်ထရီအတွင်းပိုင်းအပူချိန်က ဒီသတ်မှတ်ချက်ကို ကျော်လွန်ကာ ပေါက်ကွဲမှုဖြစ်တတ်ပါတယ်။

▪️ ရှိဗ်နာဒါအဖွဲ့က နည်းလမ်းအသစ်အသုံးပြုကာ ဗီနိုင်လင်းကာဗွန်နိတ်နဲ့ 2,5-ဒိုင်မီသိုင်းဖူရန်ပေါင်းစပ်တဲ့ Diels – Alder click ဓာတုနည်းလမ်းဖြင့် အီလက်ထရိုလိုက်ကို ထုတ်လုပ်လိုက်ပါတယ်။

▪️ ဘက်ထရီအပူချိန် ၁၀၀ ဆဲလ်စီးယပ်စ်ကျော်သွားရင် အရေးပေါ်အချက်ပြပြီး Diels – Alder ဓာတ်ပြုခြင်း ဖြစ်ပေါ်စေပါတယ်။

▪️ လီသီယံအိုင်းယွန်းလှုပ်ရှားမှုကို ချက်ချင်းပိတ်ဆို့ကာ ခွဲထုတ်ခြင်းအပေါက်တွေကို ပိတ်ပေးတဲ့ ပိုလီမာပစ္စည်းတွေ ထုတ်လုပ်ပေးတာကြောင့် အပူချိန်မလွန်ကဲခင်မှာ ဘက်ထရီလုပ်ဆောင်ချက် ရပ်တန့်လိုက်ပါတယ်။

▪️ ဒီနည်းပညာဖြင့် လျှပ်စစ်ပစ္စည်းတွေကစလို့ လျှပ်စစ်ကားတွေအထိ ကာကွယ်မှုပေးနိုင်ကာ အသက်အိုးအိမ်စည်းစိမ်တွေကို ကယ်တင်စေနိုင်မှာဖြစ်ပါတယ်။

▪️ အခုလို ထိုးဖောက်လာနိုင်တာဟာ ဘက်ထရီသုတေသနအပိုင်းမှာ အိန္ဒိယရဲ့ ဦးဆောင်လာနိုင်စွမ်းကို မြင်တွေ့နေရပါတယ်။

#Source: IndiaToday

အမေရိကန် တက္ကဆပ်အလယ်ပိုင်း ကာဗီးလ်မှ နေထိုင်သူ တီမိုသီဂလော်ရီယာက ရေကြီးရေလျှံခဲ့ခြင်းကြောင့် အိမ်နီးချင်းတွေ မျောပါသွားပုံကို ပြန်ပြောပြခဲ့ပါတယ်။
#World_Crisis
Published 11 July 2025
#အိမ်နီးချင်းများမျောပါသွားပုံကိုပြန်ပြော #‎အမေရိကန်ရေကြီးရေလျှံမှု
#YMG #Yangon_Times #Yangon_Media_Group

#Daily_News

Published 11 July 2025

၁။ ‌‎‎‎ပြည်ပသို့ ငါးမျိုးစုံတန် ငါးသောင်းကျော်တင်ပို့နိုင်
‎
၂။ ‌‎‎တညင်းကုန်းဈေး၌ဈေးရုံ (၇) စက်တင်ဘာလဆန်း၌ ဖွင့်လှစ်မည်

၃။ ‎‎‎(၆)လအတွင်း အမြန်လမ်းယာဉ်မတော်တဆမှုများမှ သိန်းပေါင်း(၄၀၀၀) ကျော် ပျက်စီးဆုံးရှုံးခဲ့

၄။ ‎အမေရိကန်ရေကြီးရေလျှံမှု၌ အသက်ရှင်ကျန်ရစ်သူ အိမ်နီးချင်းများမျောပါသွားပုံကိုပြန်ပြော ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 11 July  2025

▪️ စားသုံးဆီတင်သွင်းသည့် ကုမ္ပဏီများကို ဒေါ်လာ ၁သန်းကျော်ထုတ်ရောင်းခဲ့ကြောင်း မြန်မာနိုင်ငံတော် ဗဟိုဘဏ်မှ သိရသည်။

▪️ မြန်မာနိုင်ငံတော်ဗဟိုဘဏ်သည် CMP ကုမ္ပဏီများထံမှ  ဝယ်ယူထားသည့် နိုင်ငံခြားငွေများမှ အမေရိကန်ဒေါ်လာ ၁ဒဿမ ၅၅၈ သန်းကို စားသုံးဆီတင်သွင်းသည့် ကုမ္ပဏီများထံသို့ ယမန်နေ့ကထုတ်ရောင်းပေးခဲ့ခြင်းဖြစ်သည်။

▪️ ထို့အပြင် FX Trading Platformမှ ငွေလဲနှုန်း ၃၆၁၇ ကျပ်နှင့် အမေရိကန်ဒေါ်လာ ၆၂၁,၁၀၀ ၊ ငွေလဲနှုန်း ၅၅၁ ကျပ်နှင့် တရုတ်ယွမ် ၆၀၀,၀၀၀ ကိုလည်း ရောင်းချပေးခဲ့ကြောင်း သိရသည်။

#YMG/NN #Yangon_Times

#Local_News
Published 11 July  2025

▪️ မုဒုံမြို့ပေါ်ရှိ ရွှေဆိုင်တစ်ဆိုင်ကို ဆိုင်ကယ်ဦးထုပ်ဆောင်းကာ မျက်မှန်အမဲတပ်ထားသည့် အမျိုးသား ၁ ဦးမှ ဝင်ရောက်ပစ်ခတ်၍ ဆိုင်ရှင်  ‌ေ-သ ဆုံး ခဲ့သည့်ဖြစ်စဉ်တစ်ခု ယနေ့ဖြစ်ပွားခဲ့ကြောင်း ဒေသခံများနှင့် ပရဟိတအသင်းများထံမှ သိရသည်။

▪️ ယနေ့ ဇူလိုင်လ ၁၁ နာရီ ၁၅ မိနစ်အချိန်ခန့်က မုဒုံမြို့၊ မြို့မ(၄) ရပ်ကွက်မှာရှိတဲ့ ရွှေဟင်္သာဈေးအတွင်းက ဦီးပန်းလာပိုင်ဆိုင်သည့်  ရွှေရတနာဦး ရတနရွှေဆိုင်ကိုဝင်ရောက်ပစ်ခတ်သွားခြင်းဖြစ်ကြောင်း သိရသည်။

▪️ 'ဆိုင်ကယ်နဲ့လာပြီးတော့ သားအဖနှစ်ယောက်ကို လာပစ်ပြီးတော့ထွက်ပြေးသွားတယ်၊လူစည်တဲ့အချိန်မှာပဲ ပစ်သွားတာပါ၊ ရွှေဝယ်သူတွေရော အလုပ်သမားတွေရောရှိတယ်၊ ရွှေတွေယူသွားမသွားတော့ မသိသေးဘူး'ဟု ဒေသခံတစ်ဦးက YMG ကို ပြောသည်။

▪️ ယင်းဖြစ်စဉ်ကြောင့် ရွှေရတနာဦးရွှေဆိုင်ပိုင်ရှင် ဦးပန်းလာ၏ မေ့စေ့ဖောက်ဝင်ဒဏ်ရာ ရင်ဘတ်ထိမှန်ဒဏ်ရာရရှိခဲ့ပြီး သမီးဖြစ်သူဒေါ်ပပဖြိုးမှာလည်းသေနတ်ဒဏ်ရာများ ရရှိခဲ့သည့်အတွက်မုဒုံမြို့ပြည်သူ့ဆေးရုံသို့ ပို့ဆောင်ခဲ့ကြောင်း သိရသည်။

▪️ အဆိုပါ  ရွှေဆိုင်ပိုင်ရှင် ဦးပန်းလာသည် မော်လမြိုင်ပြည်သူ့ဆေးရုံသည့် ပို့ဆောင်စဥ်ရရှိဒဏ်ရာများဖြင့် သေဆုံးသွားခဲ့ပြီး သက်ဆိုင်ရာမှ စုံစမ်းစစ် ဆေးမှုများပြုလုပ်လျှက်ရှိကြောင်း သိရသည်။

#YMG/NN #Yangon_Times

ကိုဗစ်ချေးငွေပြန်မဆပ်တဲ့ ကုမ္ပဏီများကို အ‌‌ရေးယူရာမှာ ငလျင်ဘေးဒဏ် အမှန် တကယ်ထိခိုက်ခံစားခဲ့ရတဲ့ ကုမ္ပဏီများကို ချန်လှပ်ခဲ့မှာဖြစ်တယ်လို ကိုဗစ်-၁၉ ကြောင့် ဖြစ်ပေါ်လာနိုင်သည့် စီးပွားရေးသက်ရောက်မှုများအပေါ်ကုစားရေး လုပ်ငန်းကော်မတီ အစည်းအဝေးမှ သိရပါတယ်။
#Local_News
Published 11 July 2025
#ကိုဗစ်ချေးငွေပြန်မဆပ် #‎ငလျင်ဒဏ်ခံစားခဲ့ရသည့်ကုမ္ပဏီ
#YMG/SW #Yangon_Times

ရန်ကုန်-မန္တလေးအမြန်လမ်းမကြီးတွင် (၆) လအတွင်း ယာဉ်မတော်တဆမှုပေါင်း (၉၄) ခု ဖြစ်ပွါးခဲ့ပြီး ငွေကျပ်သိန်းပေါင်း သိန်းပေါင်း(၄၀၀၀) ကျော် ပျက်စီးဆုံးရှုံးခဲ့တယ်လို့ အမြန်လမ်းရဲတပ်ဖွဲ့မှူးရုံးမှ သိရပါတယ်။
#Local_News
Published 11 July 2025
#အမြန်လမ်းယာဉ်မတော်တဆမှု #‎အမြန်လမ်းရဲတပ်ဖွဲမှူးရုံး
#YMG/SW #Yangon_Times

တညင်းကုန်းဈေး (၁၀) နှစ်ပြည့် အထိမ်းအမှတ်အဖြစ် ဈေးရုံ (၇)ကို လာမယ့် စက်တင်ဘာ လဆန်းမှာ ဖွင့်လှစ်သွားမယ်လို့ မြန်မာအက်ဂရိုအိတ်(စ်)ချိန်း အများနှင့်သက်ဆိုင်သောကုမ္ပဏီလီမိတက် (MAEX)က သိရပါတယ်။
#Local_News
Published 11 July 2025
#တညင်းကုန်းဈေး #မြန်မာအက်ဂရိုအိတ်(စ်)ချိန်း
#YMG/NN #Yangon_Times

အခု ၂၀၂၅-၂၀၂၆ဘဏ္ဍာနှစ် သုံးလတာကာလအတွင်း ပြည်ပနိုင်ငံတွေကို ငါးမျိုးစုံ မက်ထရစ်တန်ချိန်ငါးသောင်းကျော် တင်ပို့နိုင်တယ်လို့ ငါးလုပ်ငန်းဦးစီးဌာနက သိရပါတယ်။
#Local_News
Published 11 July 2025
#ငါးမျိုးစုံတင်ပို့ #ငါးလုပ်ငန်းဦးစီးဌာန
#YMG/NN #Yangon_Times

#Local_News
Published 11 July 2025

ထိခိုက်ပျက်စီးမှုနည်းသော အပြာရောင် အဆင့် အဆောက်အအုံများကို ပြန်လည်ပြုပြင်မွမ်းမံ၍ ခရီးသွားရာသီကာလ ခရီးသွားများပိုမို ဝင်ရောက်လာချိန်မတိုင်မီ အဆင်သင့်ဖြစ်နေစေရေး ကြိုတင်ပြင်ဆင်ဆောင်ရွက်ကြရမည်ဖြစ် ကြောင်းဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးကျော်စိုးဝင်းက ယမန်နေ့က နေပြည်တော်တွင် ပြုလုပ်သည့် နေပြည်တော် ဟိုတယ်ဇုန်(၂)အတွင်းရှိ ဟိုတယ်များမှ တာဝန်ရှိသူများနှင့်တွေ့ဆုံပွဲ၌ ပြောကြားခဲ့သည်။

တွေ့ဆုံပွဲ၌ ပြည်ထောင်စုဝန်ကြီးက ဟိုတယ်ဇုန်(၂)ရှိ ပြိုကျပျက်စီးနေသော အဆောက်အအုံများကို အမြန်ဆုံးဖယ်ရှား ရှင်းလင်းပြီးသတ်မှတ်ချက်များနှင့်အညီ ပြန်လည်တည်ဆောက် ပြုပြင်ရေးလုပ်ငန်းများ ဆောင်ရွက်ကြရမည်ဖြစ်ကြောင်း၊ ထိခိုက်ပျက်စီးမှုနည်းသော အပြာရောင်အဆင့် အဆောက်အအုံများကို ပြန်လည်ပြုပြင် မွမ်းမံ၍ ခရီးသွားရာသီကာလ ခရီးသွားများပိုမို ဝင်ရောက်လာချိန်မတိုင်မီ အဆင်သင့်ဖြစ် နေစေရေး ကြိုတင်ပြင်ဆင်ဆောင်ရွက်ကြရမည်ဖြစ်ကြောင်း ပြောကြားခဲ့သည်။

ဝန်ကြီးဌာနအနေဖြင့် ဟိုတယ်လုပ်ငန်းများ အမြန်ဆုံး ပြန်လည်လည်ပတ်နိုင်စေ ရေးအတွက် လိုအပ်သည်များ ကူညီပံ့ပိုးဆောင်ရွက်ပေးသွားမည်ဖြစ်ကြောင်း၊ ဟိုတယ်များအနေဖြင့် ဟိုတယ်နှင့် ဆက်စပ်လုပ်ငန်းများကိုသာ လိုင်စင်သတ်မှတ်ချက်နှင့်အညီ လုပ်ကိုင်ဆောင်ရွက်ကြရန်နှင့် မြို့တော်အင်္ဂါရပ်နှင့်အညီ သန့်ရှင်းသာယာလှပရေး ဆောင်ရွက်ကြရန် တိုက်တွန်းပြောကြားသည်။

#YMG/SW #Yangon_Times