မြန်မာနိုင်ငံမှ စိုက်ပျိုးထွက်ရှိတဲ့ လတ်ဆတ်တဲ့သရက်သီးတွေနဲ့ သရက်သီးခြောက်တွေကိုဝယ်ယူလိုကြောင်း ရုရုားစီးပွါးရေးလုပ်ငန်းရှင်တွေက ဆက်သွယ်လာတယ်လို့ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့က ထုတ်ပြန်ထားပါတယ်။
#Local_News
Published 25 Apirl 2025
#မြန်မာ့သရက်သီး #ရုရှားကသရက်သီးခြောက်များဝယ်ယူ
#YMG/SW #Yangon_Times

#Local_News
Published 25 April 2025

▪️ ဘိလပ်မြေအပါအဝင် အိမ်ဆောက်ပစ္စည်းများအား စျေးနှုန်းမြင့်မားစွာ ရောင်းချသူ များအားအ‌ရေးယူရန် ဆောင်ရွက်နေကြောင်း နစက ကထုတ်ပြန်ထားသည်။

▪️ မတ်လ ၂၈ရက်က ဖြစ်ပွားခဲ့သော မန္တလးမြေငလျင်ကြီး‌ လှုပ်ခတ်မှုနှင့်ဆက်စပ်၍ ဈေးကွက်အတွင်း၌ ဘိလပ်မြေဝယ်လိုအားမြင့်တက်ခဲ့သဖြင့် အဆမတန်ဈေးနှုန်း မြင့်တင် ရောင်းချခြင်းမရှိ‌စေရေးအတွက် နေပြည်တော်ကောင်စီနယ်မြေ၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊စစ်ကိုင်းတိုင်းဒေသကြီးနှင့် ရှမ်းပြည်နယ်တို့ ရှိမြို့ကြီးအချို့တွင် ရောင်းဝယ်လျှက်ရှိသည့် ဆောက်လုပ်‌ရေး ပစ္စည်းဆိုင်များကို တာဝန်ရှိသူများ ပါဝင်သော ပူးပေါင်းအဖွဲ့များက ဧပြီလ ၂၃ရက်တွင် ကွင်းဆင်းစစ်ဆေး ဆောင်ရွက်ခဲ့ကြောင်း သိရသည်။

▪️ ထိုသို့ ကွင်းဆင်းစစ်ဆေးရာတွင် နေပြည်တော်ကောင်စီနယ်မြေအတွင်းရှိ မြို့နယ် ၈မြို့နယ်မှ ဆောက်လုပ်‌ရေးလုပ်ငန်းသုံးပစ္စည်းဆိုင် ၅၉ဆိုင်နှင့် ဂိုထောင်၁လုံး၊ ရန်ကုန် တိုင်း ဒေသကြီးအတွင်းရှိ မြို့နယ် ၃၄ မြို့နယ်မှ ဆောက်လုပ်‌ရေးလုပ်ငန်းသုံးပစ္စည်းဆိုင် ၈၇ဆိုင်နှင့် ပြည်ပမှ ဘိလပ်မြေတင်သွင်းရောင်းချသည့်ကုမ္ပဏီ ၃ခု၊ မန္တလေးတိုင်း ဒေသကြီး အတွင်းရှိ မြို့နယ် ၁၁မြို့နယ်မှ ဆောက်လုပ်‌ရေးလုပ်ငန်းသုံးပစ္စည်းဆိုင် ၈၈ဆိုင်၊ စစ်ကိုင်းတိုင်းဒေသကြီး အတွင်းရှိ စစ်ကိုင်းမြို့နယ်မှ ဆောက်လုပ်‌ရေးလုပ်ငန်း သုံးပစ္စည်းဆိုင် ၄ဆိုင်၊ ပဲခူးတိုင်းဒေသကြီးအတွင်းရှိ မြို့နယ် ၃မြို့နယ်မှ ဆောက်လုပ်‌ရေးလုပ်ငန်းသုံးပစ္စည်းဆိုင် ၁၉ဆိုင်၊ ရှမ်းပြည်နယ် အတွင်းရှိ မြို့နယ် ၃မြို့နယ်မှ ဆောက်လုပ်‌ရေးလုပ်ငန်းသုံး ပစ္စည်း ဆိုင် ၅၉ဆိုင်တို့အား ပူးပေါင်းအဖွဲ့ဖြင့် စစ်ဆေးခဲ့ရာ စုစုပေါင်းဆောက်လုပ်ရေးပစ္စည်းဆိုင် ၃၂၀ကို စစ်ဆေးတွေ့ရှိချက်များအရ ဝယ်ရင်းဈေးထက် အမြတ်၁၀ရာခိုင်နှုန်းမှ ၁၅ရာခိုင် နှုန်းထိ အမြတ်ယူရောင်းချသည့်ဆိုင်၃၀၊ ဝယ်ရင်းဈေးထက် အမြတ် ၁၅ရာခိုင်နှုန်းနှင့် အထက် အမြတ်ယူရောင်းချ သည့်ဆိုင် ၃၂ဆိုင်နှင့် ဘိလပ်မြေအိတ်များအား မသမာသည့် နည်းလမ်းဖြင့် ပြုလုပ်ရောင်းချသည့် တောင်ကြီးမြို့ အနောက်မြို့ပတ်လမ်း၊ ရတနာသီရိ ရပ်ကွက်တွင် ဖွင့်လှစ်ထားသည့် ပြည့်စုံအောင်အိမ်ဆောက်ပစ္စည်းအ‌‌ရောင်းဆိုင်ပိုင်ရှင် စိုးတင့်အောင်အပါအဝင် ၈ဦးတို့ကို တည်ဆဲဥပဒေများနှင့်အညီ အရေးယူနိုင်ရေး ဆောင်ရွက်လျှက်ရှိကြောင်း သိရသည်။

▪️ ဆက်လက်၍လည်း အိမ်ဆောက်ပစ္စည်းများကို ဈေးနှုန်းမြင့်တင်ရောင်းချသူများကို ဖော်ထုတ်အရေးယူသွားမည်ဖြစ်‌ကြောင်း သိရသည်။

#YMG/SW #Yangon_Times

#Local_News
Published 25 April  2025

▪️ ယခုရက်ပိုင်းအတွင်း နိုင်ငံအနှံ့အချိန်အခါမဟုတ် မိုးရွာသွန်းမည့်အပြင် နေရာကွက်၍ မိုးကြီးနိုင် သောကြောင့် မြေပြိုမှုများသတိပြုရန်
မိုးလေဝသနှင့် ဇလဗေဒညွှန်ကြားမှုဦးစီးဌာနမှ အသိပေးထားသည်။

▪️ မိုးလေဝသနှင့် ဇလဗေဒညွှန်ကြားမှုဦးစီးဌာန၏ ယမန်နေ့ မြန်မာစံတော်ချိန် ၆နာရီခွဲအချိန် တိုင်းထွာချက်များအရ အနောက်ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း၊ အရှေ့ဘက်မှ ရွေ့လျား လာသော လေပွေလှိုင်းများ၏ အရှိန်ကြောင့်လည်းကောင်း၊ ကပ္ပလီပင်လယ်ပြင်နှင့် ဘင်္ဂလား ပင်လယ်အော်တို့မှ လေနွေးများနှင့် တရုတ်ပြည်မကြီးပေါ်ရှိ လေဖိအားကြီးရပ်ဝန်းဒေသမှ ရွေ့လျားလာသော လေအေးများတွေ့ဆုံမှုကြောင့်လည်းကောင်းဧပြီ လ  ၂၈ ရက်နေ့မှ မေလ  ၃ ရက်နေ့အတွင်း ဒေသအနှံ့အပြား၌ မိုးရွာသွန်းနိုင်ကြောင်း သိရသည်။

▪️ ထိုသို့ရွာသွန်းရာတွင် နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာကျဲကျဲမှ နေရာစိပ်စိပ် မိုးထစ်ချုန်းရွာပြီး၊ အချို့ဒေသများတွင် နေရာကွက်၍ မိုးကြီးနိုင် ကြောင်း သိရသည်။

▪️ ထို့အပြင် အချိန်အခါမဟုတ်မိုးရွာခြင်းနှင့်အတူ လေပြင်းများတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်းနှင့် မြေပြိုခြင်းစသည့် မိုးလေဝသ ဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုထားကြောင်း သိရသည်။

#YMG/NN #Yangon_Times

#Local_News
Published 25 April  2025

▪️ ကမ္ဘာ့ရွှေဈေးသည် ယနေ့တစ်ရက်ထဲကို တစ်အောင်စလျှင် အမေရိကန် ဒေါ်လာ ၂၀နီးပါး အထိ ကျဆင်းလာကြောင်း ရွှေဈေးကွက်အတွင်းမှ သိရသည်။

▪️ ယနေ့မနက်အစောပိုင်းက ကမ္ဘာ့ရွှေဈေးတစ်အောင်စလျှင် ၃၃၄၈ဒေါ်လာအထိ ရှိခဲ့ရာမှ နေ့လယ်ပိုင်းတွင် ၃၃၁၉ဒေါ်လာအထိကျဆင်းလာကာ တစ်အောင်စလျှင် ၁၉ ဒေါ်လာအထိကျဆင်းလာကြောင်း သိရသည်။

▪️ ထိုသို့ကျဆင်းသော်လည်းပြင်ပ ရွှေဈေးများကျဆင်းခြင်းမရှိသေးဘဲ ယနေ့ နေ့လယ်ပိုင်းအချိန်အထိ ကျဆင်းလာခြင်းမရှိသေးဘဲ မနက်ပိုင်းနည်းတူ တစ်ကျပ်သားလျှင် ၇၄သိန်း၇သောင်းကျပ်အထိသာ ရှိနေဆဲ ဖြစ်ကြောင်း သိရသည်။

▪️ နိုင်ငံခြားငွေလဲနှုန်းမှာမူ ဒေါ်လာဈေးမှာ အမေရိကန်တစ်ဒေါ်လာလျှင် ၄,၄၀၀ကျပ်ဖြင့် ငြိမ်သက်နေပြီး ကမ္ဘာ့ရွှေဈေးကြောင့်သာ ယခုလအတွင်း ပြည်တွင်းရွှေ ဈေးတက်လာခြင်းဖြစ်ကြောင်း ရွှေဈေးကွက်ကျွမ်းကျင်သူများကသုံးသပ်ထားသည်။

▪️ ယနေ့တွင် ရန်ကုန်တိုင်းဒေသကြီး ရွှေလုပ်ငန်းရှင်များအသင်း၏
ဓာတ်သတ္တု(ရွှေ )ရည်ညွှန်းစျေးမှာ တစ်ကျပ်သားလျှင်  ၅၆သိန်း ၆သောင်း ကျပ်အထိဈေးနှုန်းရှိနေကြောင်း သိရသည်။

#YMG/NN #Yangon_Times

#Local_News
Published 25 April 2025

▪️ ဧရာဝတီဖောင်ဒေးရှင်းသို့ ခိုင်သင်းကြည်မှ ငွေကျပ် သိန်း (၁၀၀) လှူဒါန်းခဲ့ကြောင်း သိရသည်။

▪️ ခိုင်သင်းကြည်အနေဖြင့် မြန်မာနိုင်ငံတစ်ဝှမ်းရှိ ငလျင်ဘေးဒဏ်သင့် ဒေသများအတွက် ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများအား ဝ်ိုင်းဝန်းကူညီပေးလျက်ရှိသော ဧရာဝတီဖောင်ဒေးရှင်းသို့‌ ဦးခန့်နိုင် + သရုပ်ဆောင် ခိုင်သင်းကြည် မှ (၂၃) နှစ်ပြည့် မင်္ဂလာနှစ်ပတ်လည်အလှူအဖြစ် ငွေကျပ် သိန်း (၁၀၀) ကို ပံ့ပိုးကူညီ လှူဒါန်းပေးခဲ့ခြင်းဖြစ်ကြောင်း သိရသည်။

▪️ ယခုကဲ့သို့ ပံ့ပိုးကူညီပေးခြင်းအတွက် ဧရာဝတီဖောင်ဒေးရှင်း အနေဖြင့် အထူးကျေးဇူးတင်ဝမ်းမြောက်မိပါကြောင်းနှင့် စီးပွားဥစ္စာများ ဒီရေအလား တိုးပွား၍ အများအကျိုးအတွက် ဆတက်ထမ်းပိုးပံ့ပိုးကူညီနိုင်ပါစေကြောင်း ဆုမွန်ကောင်း တောင်းအပ်ပါသည်ဟု ဖောင်ဒေးရှင်း၏ လူမှုကွန်ရက်စာမျက်နှာတွင်ဝေမျှထားသည်။

#YMG/SW #Yangon_Times

#World_News
Published 25 April 2025

▪️ အမေရိကန်က ဆော်ဒီအာရေဗျကို ဒေါ်လာ ၁၀၀ ဘီလီယံကျော်တန်ကြေးရှိတဲ့ လက်နက်ထောက်ပံ့မှုကြီး ကမ်းလှမ်းသွားရန် ဟန်ပြင်နေတယ်လို့ သတင်းတိုက်ရိုက်နီးစပ်သူ ၆ ဦးက ရိုက်တာသတင်းဌာနကို ပြောသွားပါတယ်။

▪️ သမ္မတ ဒေါ်နယ်ထရမ့် မေလအတွင်း ဆော်ဒီသို့သွားရောက်လည်ပတ်တဲ့အခါ ဒီကမ်းလှမ်းချက်ကို ကြေညာသွားရန် ထည့်သွင်းစဉ်းစားထားပါတယ်။

▪️ ဆော်ဒီအာရေဗျနဲ့ အစ္စရေးလ် ဆက်ဆံရေးပုံမှန်ပြန်ဖြစ်စေရန် မျှော်မှန်းတဲ့ သဘောတူညီချက် တစ်စိတ်တစ်ပိုင်းအနေနဲ့ ကာကွယ်ရေးသဘောတူညီချက်တစ်ခုကို သမ္မတဟောင်း ဂျိုးဘိုင်ဒင်လက်ထက်က အောင်မြင်စွာ အပြီးမသတ်နိုင်ခဲ့တဲ့နောက် အခုလို ထောက်ပံ့မှုကမ်းလှမ်းသွားမှာ ဖြစ်ပါတယ်။

▪️ ဘိုင်ဒင်တို့က အမေရိကန်တို့ရဲ့ အဆင့်မြင့်လက်နက်ပစ္စည်းများ ဝယ်ယူခွင့်အတွက် ကမ်းလှမ်းခဲ့ပြီး အပြန်အလှန်အနေနဲ့ တရုတ်လက်နက်ဝယ်ယူမှုများ ရပ်တန့်ကာ ဆော်ဒီတိုင်းပြည်အတွင်း တရုတ်ရင်းနှီးမြှုပ်နှံမှုများကို ကန့်သတ်ပေးရမှာဖြစ်ပါတယ်။

▪️ ထရမ့်အစိုးရအဖွဲ့ တင်သွင်းချက်မှာတော့ အလားတူသတ်မှတ်ချက်များ ပါဝင်လားဆိုတာ မသိရပါဘူး။

▪️ အမေရိကန်ကာကွယ်ရေး အရာရှိတစ်ဦးက "ဆော်ဒီနဲ့ ကာကွယ်ရေးဆက်ဆံမှုဟာ ထရမ့်လက်အောက်မှာ ပိုမိုခိုင်မာလာပြီး လုံခြုံရေးပူးပေါင်းမှု ဆက်လက်ထိန်းသိမ်းဖို့က အရေးကြီးတဲ့ အစိတ်အပိုင်းဖြစ်ပါတယ်" လို့ ပြောပါတယ်။

▪️ Lockheed Martinကုမ္ပဏီက C-130လေယာဉ်အပါအဝင် အဆင့်မြင့်လက်နက်စနစ် အမျိုးမျိုးနဲ့ ဒုံးကျည်များထောက်ပံ့နိုင်သလို Raytheon Technologies(RTX)ကုမ္ပဏီကလည်း အရေးပါတဲ့ကဏ္ဍမှ ပါဝင်သွားဖို့ ရှိပါတယ်။

▪️ ကာကွယ်ရေးကုမ္ပဏီများမှ အမှုဆောင်အများအပြားက ဆော်ဒီသို့ သွားရောက်ဖို့လည်း စဉ်းစားနေကြပါတယ်။

▪️ အမေရိကန်ဟာ ဆော်ဒီကို လက်နက်များထောက်ပံ့တာ ကြာပြီဖြစ်ပြီး ၂၀၁၇ ခုနှစ်က ထရမ့်ဟာ ဒေါ်လာ ၁၁၀ ဘီလီယံတန်ကြေးရှိ ရောင်းချမှုကိုလည်း ကမ်းလှမ်းခဲ့ပါသေးတယ်။

▪️ ၂၀၂၁ ဘိုင်ဒင်လက်ထက်မှာတော့ ခါရှိုဂီအသတ်ခံရမှုနဲ့ ပတ်သက်ပြီး ဆော်ဒီအာရေဗျသို့ တိုက်ခိုက်ရေးလက်နက်များ ရောင်းချမှုကို ပိတ်ပင်ခဲ့ပါတယ်။

#Source: Reuters

#World_Health
Published 25 April 2025

▪️ ဆီးချိုဝေဒနာရှင်တွေနဲ့ ဆီးချိုဖြစ်နိုင်ခြေရှိသူတွေမှာ သွေးတွင်းသကြားဓာတ်ကို ထိန်းချုပ်ရန် အလွန်အရေးကြီးပါတယ်။

▪️ ချို့တဲ့စားစရာတွေက မကောင်းဘူးဆိုပေမယ့် အချို့သော သစ်သီးခြောက်တွေက မျှတရုံစားပေးရင် သွေးတွင်းသကြားဓာတ် တည်ငြိမ်စေနိုင်ပြီး ကျန်းမာရေးအကျိုးကျေးဇူးများစွာ ပေးနိုင်ပါသေးတယ်။

▪️ ဒါကြောင့် သွေးတွင်းသကြားဓာတ်ပမာဏကို လျှော့ချပေးနိုင်မယ့် အသီးခြောက် ၇ မျိုးကို ဖော်ပြလိုက်ပါတယ်။

▪️ (၁) ဗာဒံသီး - ကာဗိုဟိုက်ဒရိတ်နည်းကာ ကောင်းကျိုးပြုအဆီ၊ မဂ္ဂနီဆီယံ၊ အမျှင်ဓာတ်တို့ ကြွယ်ဝပြီး အင်ဆူလင်အလုပ်လုပ်စေပါတယ်။

▪️ (၂) သစ်ကြားသီး - အိုမီဂါ-၃ ဖက်တီးအက်ဆစ်နဲ့ ဓာတ်တိုးဆန့်ကျင်ပစ္စည်းများ ပါဝင်တာကြောင့် နှလုံးကျန်းမာရေးကို ကူညီပေးကာ ရောင်ရမ်းခြင်းကို လျှော့ချပေးပါတယ်။

▪️ (၃) ပစ္စတာရှီယို - ပုံမှန်စားပေးရင် အစာမရှိချိန် သွေးတွင်းသကြားဓာတ်ကို လျှော့ချပေးနိုင်တယ်လို့ တွေ့ရှိထားသလို အင်ဆူလင်တိုးများစေပါတယ်။

▪️ (၄) သီဟိုဠ်စေ့ - မဂ္ဂနီဆီယံနဲ့ မပြည့်ဝဆီတို့က သွေးတွင်းသကြားဓာတ် ထိန်းပေးနိုင်ပြီး အလွန်အကျူးမဖြစ်အောင်တော့ ထိန်းသိမ်းစားပေးသင့်ပါတယ်။

▪️ (၅) စွန်ပလွန်သီး - သဘာဝအရ ချိုပေမယ့် အမျှင်ဓာတ်ကြွယ်ဝပြီး နည်းနည်းစီစားပေးပါက စွမ်းအင်နဲ့ အာဟာရဓာတ် ပံ့ပိုးပေးပါတယ်။

▪️ (၆) သဖန်းသီး - သဖန်းသီးခြောက်တွေက အစာခြေခြင်းကို တိုးတက်စေသလို သွေးတွင်းသကြားဓာတ် ထိန်းညှိပေးပြီး ဓာတ်တိုးဆန့်ကျင်ပစ္စည်းများနဲ့ သဘာဝဒြပ်ပေါင်းများလည်း ပါဝင်တာကြောင့် အင်ဆူလင်အလုပ်လုပ်စေပါတယ်။

▪️ (၇) စပျစ်ခြောက် - အမျှင်ဓာတ်နဲ့ ဖိုင်တိုဓာတုတွေက ဂလူးကို့စ်ဖြစ်စဉ်ကို ပံ့ပိုးပေးကာ သဘာဝအတိုင်း သကြားပါဝင်ပေမယ့် ဆီးချိုဝေဒနာရှင်တွေမှာ သွေးတွင်းသကြားဓာတ် သိသိသာသာ မြင့်တက်ခြင်း မဖြစ်စေဘူးလို့ ဖော်ပြထားပါတယ်။

▪️ ဆီးချိုအတွက် အသီးခြောက်တွေကို စားသုံးမယ်ဆိုရင် သတိပြုရမှာတွေက စားမယ့်ပမာဏ ထိန်းသိမ်းခြင်း၊ သကြားထပ်မထည့်ခြင်း၊ ပရိုတိန်း အမျှင်တို့နဲ့ပေါင်းစပ်ခြင်း၊ ဆရာဝန်နဲ့တိုင်ပင်ခြင်းတို့ ပြုလုပ်ရပါမယ်။

▪️ အသီးခြောက်တွေကို သင့်တင့်မျှတစွာ စားသုံးမယ်ဆိုရင် အရသာရှိသလို သွေးတွင်းသကြားဓာတ်ကို ထိရောက်စွာ ထိန်းချုပ်နိုင်မှာ ဖြစ်ပါတယ်။

#Source: DoctorNDTV

#World_Science
Published 25 April 2025

▪️ ယခင်ယူဆချက်တွေလို ဧဒင်ဥယျာဉ်မူလအစဟာ ယနေ့ခေတ် အီရတ်လို့သတ်မှတ်နိုင်တဲ့ မီဆိုပိုတေးမီးယားမှာ ဟုတ်မနေဘဲ အီဂျစ်နိုင်ငံ ဂီဇာဂရိတ်ပိရမစ်ကြီးရဲ့ အရိပ်အောက်ဖြစ်နိုင်တယ်လို့ သီအိုရီအသစ်တစ်ခုက စိန်ခေါ်လာပါတယ်။

▪️ ကွန်ပျူတာအင်ဂျင်နီယာ ဒေါက်တာ ကွန်စတန်တင်ဘိုရီဆော့ဗ်က လေ့လာချက်တစ်ခုဖြင့် သမ္မာကျမ်းစာပထဝီဝင်ကို လှုပ်ခတ်စေခဲ့ပါတယ်။

▪️ အာဒမ်နဲ့ ဧဝတို့ ပျော်ရွှင်နေထိုင်ခဲ့ကြတဲ့ သုခဘုံကြီးဟာ အီဂျစ်မြေပေါ် ထွန်းကားခဲ့တာ ဖြစ်နိုင်တယ်လို့ ဆိုလိုက်တာဖြစ်ပါတယ်။

▪️ ကျမ်းစာထဲမှာ ဧဒင်ဥယျာဉ်ကနေ မြစ်တစ်စင်းထွက်လာပြီး ဂီဟွန်၊ ပိရွှန်၊ တိုက်ဂရစ်၊ ယူဖရေးတီးစ်ဆိုပြီး ဖြာထွက်သွားတယ်လို့ ဖော်ပြထားပါတယ်။
ပညာရှင်တွေက ဧဒင်ဟာ တိုက်ဂရစ်နဲ့ ယူဖရေးတီးစ်တို့ တည်ရှိရာ အီရတ်မှာဖြစ်တယ်လို့ ယူဆထားကြပါတယ်။

▪️ ဒါပေမဲ့ ဘိုရီဆော့ဗ်ကတော့ ရှေးဟောင်းမြစ်တွေဟာ ယနေ့ခေတ် နိုင်းလ်၊ ယူဖရေးတီးစ်၊ တိုက်ဂရစ်၊ အင်ဒပ်စ်မြစ်တို့နဲ့လည်း ဆက်စပ်နေမယ်လို့ ဆိုလိုက်ပါတယ်။

▪️ ဒါ့အပြင် အထွတ်အမြတ်အပင် Tree of Lifeကလည်း ဂရိတ်ပိရမစ်ကြီးအနီးမှာ ရှိနေခဲ့တယ်လို့ ဆိုပါတယ်။

▪️ ၂၀၁၂ ခုနှစ်က ပိရမစ်ထဲက ဘုရင့်အဆောင်ကို ပုံစံတူသရုပ်ဖော်ရာမှာ ထိပ်ကနေ အလင်းမှုန်တွေစုပြုံလာပြီး ထွန်းလင်းနေတဲ့အပင်လိုမျိုး ဖြစ်ပေါ်ခဲ့တာကို ဘိုရီဆော့ဗ်က ထောက်ပြပါတယ်။

▪️ သူ့သီအိုရီခိုင်မာဖို့ ဘိုရီဆော့ဗ်ဟာ ရှေးဟောင်းစာသားတွေနဲ့ မြေပုံတွေကို လေ့လာခဲ့ပါတယ်။

▪️ Antiquities of the Jews စာအုပ်မှာဆိုရင် ဒီဥယျာဉ်ကို ယနေ့ခေတ်မှာ မြစ်တစ်ခုတည်းက ရေပို့ဆောင်နေပြီး တစ်ကမ္ဘာလုံးအထိပါ စီးဆင်းနိုင်ကာ အပိုင်း ၄ ပိုင်းဖြစ်သွားတယ်လို့ ရေးသားထားပါတယ်။

▪️ ဘိုရီဆော့ဗ်ရဲ့ယူဆချက် မှန်ကန်မယ်ဆိုရ်င အီဂျစ်နိုင်ငံမှ ဂရိတ်ပိရမစ်ဟာ ရှေးဟောင်းကမ္ဘာရဲ့ အံ့ဖွယ်တစ်ခုသာမက ကျမ်းစာကောင်းကင်ဘုံရဲ့ နောက်ဆုံးကျန်ရှိရာ မှတ်ကျောက်ဖြစ်လာနိုင်ပါတယ်။

#Source: New York Post

-ကောင်းမြတ်ကျော် 

 လက်နက်ကိုင်တစ်စုက အိန္ဒိယအုပ်ချုပ်မှုအောက်မှာရှိတဲ့ ကက်ရှ်မီးယားဒေသ ပါဟာဂမ်တွင် အိန္ဒိယနှင့် နီပေါ ခရီးသွားအုပ်စုတစ်စုကို ပစ်ခတ်ခဲ့ကြပါတယ်။ အဲဒီလုပ်ဆောင်မှုဟာ အပြစ်မဲ့အရပ်သားတွေရဲ့ သွေးတွေစွန်းထင်းသွားစေရုံမျှမကဘဲ  အိန္ဒိယနှင့်ပါကစ္စတန် နှစ်နိုင်ငအကြား တင်းမားမှုတွေကိုပါ အရှိန် မြင့်တက်သွားစေပါတယ်။

 ဧပြီ၂၂ရက်တိုက်ခိုက်မှုကြောင့် လူ ၂၆ဦးသေဆုံးခဲ့ပါတယ်။ အခုဆို သံခင်းတမန်ခင်းတွေ ချိနဲ့သွားတာ ကြောင့် ထိပ်တိုက်ရင်ဆိုင်မှုတွေ ခေါင်းပြန်ထောင်လာပါပြီ။

 အိန္ဒိယအစိုးရက ယင်းအပေါ် ချက်ခြင်းတုန့်ပြန်ခဲ့ပါတယ်။ ပါကစ္စတန်နှင့် သံတမန်အဆင့်လျှော့ချ ခဲ့ပါတယ်။ ပါကစ္စတန်နိုင်ငံသားတွေကို အိန္ဒိယကထွက်ခွာဖို့ အမိန့်ထုတ်ပါတယ်၊ အဲဒီအပြင် လှုပ်လှုပ် ရှားရှား အဖြစ်သွားဆုံးကတော့ အင်ဒတ်စ်ရေစာချုပ် Indus Waters Treatyကို အိန္ဒိယက ဆိုင်းငံ့လိုက် ခြင်းပဲဖြစ်ပါတယ်။ အဲဒီ ရေအရင်းအမြစ် ခွဲဝေသုံးစွဲရေးစာချုပ်ကို ၁၉၆၀ခုနှစ်က ချုပ်ဆိုခဲ့ကြပြီး နှစ်နိုင်ငံ အကြား သမိုင်းမှတ်တိုင်အထင်ကရတစ်ခုလို့ဆိုရမှာပါ။

 ပါကစ္စတန်အစိုးရကလည်း ပြန်လည်လက်တုန့်ပြန်တဲ့အနေနှင့် အိန္ဒိယရဲ့လေယာဉ်တွေကို ပါကစ္စတန် လေကြောင်းပိုင်နက်ထဲ ဖြတ်သန်းပျံသန်းခွင့်ကိုပိတ်ပစ်လိုက်ပါတယ်။ကုန်သွယ်မှုအားလုံးကိုလည်း ရပ် ဆိုင်းလိုက်ပါတယ်။

 အဲသလိုအပြန်အလှန် တုန့်ပြန်နေမှုတွေဟာ ငြိမ်းချမ်းရေးအတွက် အန္တရာယ်တစ်ခုသာမကဘဲ တောင်   အာရှရဲ့ အနာဂတ်အတွက်ပါ အန္တရာယ်ရှိလာစေနိုင်တယ်လို့ အချို့က သုံးသပ်နေပါတယ်။

 ကက်ရှ်မီးယားတိုက်ခိုက်မှုဟာ ၂၀၁၉ခုနှစ်က ပူဝါမာတိုက်ခိုက်မှုကို ပြန်သတိရစေပါတယ်။ ဒါပေမယ့် ယခုဖြစ်ရပ်ကတော့ နှစ်နိုင်ငံစလုံးအတွက် ပိုပြီးထိလွယ်ရှလွယ် ပေါက်ကွဲလွယ်အနေအထားဖြစ်နေ ပါတယ်။ နှစ်နိုင်ငံရဲ့ အမျိုးသားရေးဝါဒီတွေ ခေါင်းထောင်ထလာစေပါတယ်။ အိန္ဒိယမှာ ရွေးကောက်ပွဲက နီးလာနေပြီး  ပါကစ္စတန်နိုင်ငံမှာ စစ်တပ်က ဩဇာအရှိန်အဝါကြီးမားနေဆဲဖြစ်ပါတယ်။

 နှစ်နိုင်ငံအစိုးရတွေဟာ  ဖြစ်ရပ်ကို ခပ်တင်းတင်းမာမာတုန့်ပြန်ဖို့ ဖိအားတွေနှင့်ရင်ဆိုင်နေကြရပါတယ်။ 

 တုန့်ပြန်မှုတွေထဲမှာ အကြီးမားဆုံးစိန်ခေါ်မှုက အင်ဒတ်စ်ရေစာချုပ်ကို အိန္ဒိယက ရပ်ဆိုင်းလိုက်တာ ဖြစ်ပါတယ်။ ဒါဟာ သံတမန်ရေးရာ တုန့်ပြန်မှုထက်ပိုသွားစေပါတယ်။ ရေဟာ လက်နက်တစ်ခုဖြစ် လာနိုင်မယ့် အရိပ်လက္ခဏာလို့လည်းဆိုနိုင်ပါတယ်။

 အဲဒါကို ပါကစ္စတန်အစိုးရက စကားလုံးပြင်းပြင်းထန်ထန်နှင့်ပြန်တုန့်ပြန်ပါတယ်။ “ ရေစီးဆင်းမှုကို ပြောင်းလဲပစ်မယ်ဆိုရင် ဒါဟာ စစ်ပွဲတစ်ခုစလိုက်တာလို့ သတ်မှတ်ရလိမ့်မယ်" လို့ ပါကစ္စတန် နိုင်ငံခြား ရေးဝန်ကြီးဌာနကပြောပါတယ်။

 အဲဒီအပြင် အခြားသော ကမ္ဘာ့အငြင်းပွားမှုတွေနှင့်မတူတာက အိန္ဒိယနှင့်ပါကစ္စတန် နှစ်နိုင်ငံစလုံးဟာ နျူကလီယားစွမ်းအင်ကိုပိုင်ဆိုင်ထားခြင်းပဲဖြစ်ပါတယ်။ အဲဒီအတွက်လည်း စိတ်ပူစရာတစ်ခုပါ။ အခုဆို သံရုံးတွေမှာလူမရှိတော့ပါဘူး။ နှစ်နိုင်ငံအကြား ဆက်သွယ်ရေးတွေပြတ်သွားပါပြီ။ အုဲါကြောင့် မရည် ရွယ်တဲ့ တင်းမာမှုတွေအရှိန်တက်လာနိုင်ပါတယ်။ နယ်ခြားဒေသ ပြဿနာတစ်ခုကနေ စစ်ပွဲကြီးတစ်ခု ဖြစ်လာနိုင်မယ့် အန္တရာယ်က ရှိလာနေတာကို ကမ္ဘာ့အသိုက်အဝန်းက စိုးရိမ်နေကြပါတယ်။

 ဒါပေမယ့်အခုဖြစ်ရပ်အပေါ် ကမ္ဘာက သတိကြီးကြီးထားပြီး တုန့်ပြန်နေပါတယ်။ အမေရိကန်၊ဗြိတိန်နှင့် တရုတ် နိုင်ငံတွေက နှစ်ဘက်စလုံးကို သည်းခံကြဖို့တောင်းဆိုထားပါတယ်။ ဒါပေမယ့် နှစ်နိုင်ငံအကြား ကြားဝင်စေ့ဆပ်ပေးမယ့် အခြေအနေတော့ လက်ရှိမတွေ့ရသေးပါဘူး။

 အခြေအနေတွေကခက်ခဲနေပေမယ့် လုံးဝလက်လျှော့ရမယ့် အနေအထားကိုတော့ မရောက်သေးပါဘူး။  ပြီးခဲ့တဲ့ အတိတ်ဖြစ်ရပ်တွေတုန်းကလည်း ကန့်လန်ကာနောက်ကွယ်က သံခင်းတမန်ခင်းတွေကြောင့် အခြေအနေပုံမှန်ပြန်ဖြစ်ခဲ့တာတွေရှိခဲ့ဖူးပါတယ်။ နှစ်နိုင်ငံခေါင်းဆောင်တွေ ဘာဆက်လုပ်ကြမလဲ စောင့်ကြည့်ရပါဦးမယ်။

 နှစ်ဘက်စလုံးက နောက်ဆုတ်သွားမှာလား..၊ ဒါမှမဟုတ်ရှေ့ဆက်တိုးကြမှာလား။

ငြိမ်းချမ်းရေးဆိုတာ ပဋိပက္ခပျက်ကွက်သွားတာ မဟုတ်ပါဘူး။ ရဲရင့်မှုကို မျက်မှောက်ပြုလိုက်တာ  ဖြစ်တယ်လို့ ဆိုရိုးရှိပါတယ်။မေးစရာတော့ ရှိပါတယ်။ အဲဒါတွေကို ဘယ်သူကပြမှာလဲ။

Source: news wires

အဘူဒါဘီအမျိုးသားပြခန်းစင်တာမှာ ဧပြီ ၂၁ မှ ၂၃ ရက်အထိကျင်းပတဲ့ EVIS 2025ပြပွဲမှာ တရုတ်မှခင်းကျင်းပြသသူတွေ စံချိန်တင်များပြားခဲ့ပြီး ဆန်းသစ်တီထွင်မှုတွေကို ပြသခဲ့ကြကာ ကမ္ဘာတဝှမ်းမှာ လျှပ်စစ်ကားပိုမိုရောက်ရှိရေးအတွက် တရုတ်ရဲ့အားထုတ်မှုကို မြင်တွေ့ရပါတယ်။
#World_Technology
Published 24 Apirl 2025
#EVIS 2025ပြပွဲ #EVကုမ္ပဏီအများအပြားပါဝင်ပြသ
#YMG #Yangon_Times #Yangon_Media_Group

#Daily_News

Published 24 Apirl 2025

၁။ ငလျင်ပြီး တစ်လခန့်အကြာထိ လူဦးရေနှစ်သန်းအရေးပေါ်အကူအညီများ အလွန်အမင်းလိုအပ်နေဆဲဖြစ်

၂။ စိုက်/မွေး  (သိပ္ပံ)ကျောင်းနှင့် မြို့မဈေးပြန်လည်ဖွင့်နိုင်ရန်ဆောင်ရွက်နေ

၃။ ရန်ကုန်အပါအဝင်တိုင်းနှင့် ပြည်နယ်အချို့၌ နေ့အပူချိန်များပိုမိုမြင့်တက်လာမည်

၄။ အဘူဒါဘီ၌ကျင်းပသည့် EVIS2025 ပြပွဲတွင် တရုတ် EV ကုမ္ပဏီအများအပြားပါဝင်ပြသ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

'မိုင်းဖုန်းဆရာတော်ကြီး ရန်ကုန်၌ ဒေသစာရီလှည့်လည် ' မိုင်းဖုန်းဆရာတော်ကြီးရဲ့ငလျင်ဘေးသင့်ခဲ့တဲ့ တောင်ကြီး၊ မန္တလေး၊ စစ်ကိုင်း၊ နေပြ
ည်တော်မြို့တွေကို  သွားရောက်ကူညီထောက်ပံ့တဲ့ လှူဒါန်းခြင်းခရီးစဉ်အတွင်း ရန်ကုန်မြို့ကိုပါ ကြွရောက်ပြီး ဒေသစာရီလှည့်လည်နေပါတယ်။
#Local_News
Published 24 Apirl 2025
#မိုင်းဖုန်းဆရာတော်ကြီး #ရန်ကုန်၌ဒေသစာရီလှည့်လည်
#YMG/NN #Yangon_Times