လာမယ့်ရက်တွေမှာ ရန်ကုန်အပါအဝင်တိုင်းဒေသကြီးနဲ့ ပြည်နယ်အချို့မှာ နေ့အပူချိန်‌တွေ ပိုမိုမြင့်တက်လာနိုင်တာကြောင့် အပူဒဏ်အန္တရာယ် ကာကွယ်ရေး နှိုးဆော်ချက်တွေနဲ့ ခရမ်းလွန်ရောင်ခြည်အန္တရာယ်တွေကို နိုင်ငံပိုင်သတင်းဌာနတွေကတဆင့် ဆက်တိုက်ထုတ်ပြန်ပေးလျှက်ရှိပါတယ်။
#Local_News
Published 24 Apirl 2025
#ပြည်နယ်အချို့ #နေ့အပူချိန်များပိုမိုမြင့်တက်
#YMG/SW #Yangon_Times

ငလျင်ကြောင့်ထိခိုက်ခဲ့ရတဲ့ စိုက်ပျိုးရေးနှင့် မွေးမြူရေးသိပ္ပံ(ပျဉ်းမနား) နဲ့ နေပြည်တော်၊ ပျဉ်းမနားမြို့အမှတ် (၁) မြို့မဈေးကို  ပြန်လည်ပြုပြင်တာတွေဆောင်ရွက်နေတယ်လို့ သိရပါတယ်။    
#Local_News
Published 24 Apirl 2025
#စိုက်/မွေး (သိပ္ပံ)ကျောင်း #မြို့မဈေးပြန်လည်ဖွင့်နိုင်ရန်ဆောင်ရွက်
#YMG/NN #Yangon_Times

ငလျင်ဖြစ်ပွားပြီး တစ်လခန့်အကြာမှာ လူဦးရေ နှစ်သန်းခန့်ဟာ အရေးပေါ်အကူအညီတွေ အလွန်အမင်း လိုအပ်နေဆဲဖြစ်တယ်လို့ နိုင်ငံတကာ ရွှေ့ပြောင်းနေထိုင်သူများအဖွဲ့ (IOM) က ထုတ်ပြန်ထားပါတယ်။
#Local_News
Published 24 Apirl 2025
#လူဦးရေနှစ်သန်း #အရေးပေါ်အကူအညီများလိုအပ်
#YMG/SW #Yangon_Times

#World_News
Published 24 April 2025

▪️ နှစ်တွေကြာမြင့်လာပြီဖြစ်တဲ့ ယူကရိန်းစစ်ပွဲကို အဆုံးသတ်နိုင်ဖို့ စေ့စပ်ညှိနှိုင်းသူတွေက အလားအလာများ ချင့်ချိန်စဉ်းစားနေကြတဲ့အချိန်မှာ အမေရိကန်သမ္မတ ဒေါ်နယ်ထရမ့်နဲ့ ယူကရိန်းသမ္မတ ဗိုလိုဒီမာဇယ်လန်စကီတို့ ဗုဒ္ဓဟူးနေ့က ထပ်မံအချေအတင် ပြောကြားခဲ့ကြပါတယ်။

▪️ ဒီတစ်ကြိမ်ကတော့ ခရိုင်းမီးယားကိစ္စဖြစ်ပြီး ထရမ့်က ဒီကျွန်းကို ရုရှားနယ်မြေပိုင်လို့ သတ်မှတ်သင့်ကြောင်း ယူဆပြောဆိုလိုက်ကာ ဇယ်လန်စကီကတော့ ဒါကိုလက်ခံဖို့ ငြင်းဆိုလိုက်ပြီး ယူကရိန်းက ယင်းတို့ရဲ့ အဓိကအခြေခံမူများအတိုင်း ရပ်တည်သွားမယ်လို့ ထပ်မံပြောဆိုလိုက်ပါတယ်။

▪️ လန်ဒန်မှာ ယခုနောက်ဆုံး ဆွေးနွေးညှိနှိုင်းကြရာမှာ အမေရိကန်က ရုရှားရပ်တည်ချက်အတိုင်းခံယူတဲ့ အဓိကအချက် ၂ ချက်ကို ချပြခဲ့ပြီး ပထမတစ်ချက်က ခရိုင်းမီးယားကို ရုရှားနယ်မြေအဖြစ် တရားဝင်အသိအမှတ်ပြုရန်နဲ့ နောက်တစ်ချက်က ယူကရိန်းအနေနဲ့ နေတိုး(NATO)အဖွဲ့ဝင် ဘယ်တော့မှ ဖြစ်မလာရေးတို့ ဖြစ်ပါတယ်။

▪️ ဒီနှစ်ချက်စလုံးကို ယူကရိန်းက ငြင်းပယ်လိုက်ရာ ဒေါ်နယ်ထရမ့် အမျက်ထွက်စေခဲ့ပါတယ်။

▪️ ဒီအတွက် ထရမ့်က ဇယ်လန်စကီ လက်မခံတဲ့အပေါ် ကြိမ်းမောင်းပြောဆိုလိုက်ကာ ခရိုင်းမီးယားက လွန်ခဲ့တဲ့နှစ်တွေတည်းက ဆုံးရှုံးထားပြီးဖြစ်သလို ဆွေးနွေးစရာအကြောင်းတောင် မရှိဘူးလို့ ဆိုပါတယ်။

▪️ ဇယ်လန်စကီကလည်း ခရိုင်းမီးယားကို ရုရှားတို့ တရားမဝင်သိမ်းပိုက်တာကို အသိအမှတ်ပြုမှာ မဟုတ်ဘူးလို့ အခိုင်အမာငြင်းဆိုလိုက်ပါတယ်။

▪️ ဒီလိုအပြန်အလှန် ပြောဆိုမှုတွေကြောင့် ထရမ့်က ဇယ်လန်စကီကို ကြိမ်းမောင်းလိုက်ပြီး အမေရိကန်က ယူကရိန်းမှာ သေကြေပျက်စီးနေတာတွေကို ရပ်တန့်ရန် ကြိုးစားနေတာဖြစ်ပြီး ငြိမ်းချမ်းရေးသဘောတူညီချက်ရရန် အလွန်နီးစပ်နေပြီလို့ ဆိုလိုက်ကာ ယူကရိန်းသမ္မတ ခေါင်းမာတယ်ဆိုပြီး အပြစ်တင်လိုက်ပါတယ်။

▪️ ၂၀၁၄ ခုနှစ်က ရုရှားဟာ ခရိုင်းမီးယားကျွန်းဆွယ်ကို သိမ်းပိုက်ခဲ့ပြီး ယူကရိန်းဘက်က ခုခံတိုက်ခိုက်ခဲ့ခြင်းတောင် မရှိခဲ့ပါဘူး။

▪️ ဒေါ်နယ်ထရမ့် သမ္မတတာဝန် စတင်ထမ်းဆောင်တည်းက ရုရှား-ယူကရိန်းစစ်ပွဲကို ရက်ပိုင်းအတွင်း အဆုံးသတ်ပေးမယ်လို့ ကတိပြုထားကာ အပစ်အခတ်ရပ်စဲဖို့ ယူကရိန်းကို ဖိအားပေးလာပါတယ်။

#Source: NDTV

#Local_News
Published 24 April 2025

­­▪️ ဂျပန်ဖောင်ဒေးရှင်းရန်ကုန်၏ ဂျပန်ယဥ်ကျေးမှုစင်တာမှ ကလေးများအတွက် အခမဲ့နွေရာသီဂျပန်စာသင်တန်းဖွင့်လှစ်ပေးသွားမည်ဖြစ်ကြောင်း သိရသည်။

▪️ အဆိုပါသင်တန်းသည် ဂျပန်ဘာသာစကားနှင့် လုံးဝမထိတွေ့ဖူးသေးသော ကျောင်းသားများကို အဓိကဦးတည်၍ ဂျပန်ဘာသာစကားနှင့် ဂျပန်နိုင်ငံ၏ယဥ်ကျေးမှုကို ပျော်ပျော်ရွှင်ရွှင်ထိတွေ့နိုင်မည့် အခွင့်အရေးကို ရရှိစေရန် ရည်ရွယ်ထားတာဖြစ်ပြီး အခမဲ့သင်ကြားပေးမည့်အတန်းဖြစ်ကြောင်း၊ဂျပန်နိုင်ငံနှင့်ပတ်သက်ပြီး စိတ်ပါဝင်စားသော ကျောင်းသားများအနေဖြင့် နွေရာသီကျောင်းပိတ်ရက်အတွင်း ဂျပန်ဘာသာစကားကို လေ့လာတိုင်ရန်ဖွင့်လှစ်ပေးခြင်းဖြစ်ကြောင်း သိရသည်။

▪️ သင်တန်းကို မေလ၊ ၇ ရက်နေ့（ဗုဒ္ဓဟူးနေ့）မှ မေလ၊ ၃၀ ရက်နေ့（သောကြာနေ့）နေ့လည် ၂နာရီမှ ၃နာရီခွဲအထိ အပတ်စဥ် ဗုဒ္ဓဟူးနေ့ နှင့် သောကြာနေ့များတွင် သင်ကြားပေးမည်ဖြစ်ပြီးဂျပန်ဘာသာစကားကို မသင်ကြားဖူးသေးသော အသက်၁၁နှစ်မှ ၁၄နှစ်ရှိ Grade6 မှ Grade 9 ကျောင်းသားကျောင်းသူများတက်ရောက်နိုင်ကြောင်း သိရသည်။

▪️ တက်ရောက်ရန်အတွက် အွန်လိုင်းမှတဆင့် ဧပြီလ၃၀ရက်နောက်ဆုံးထားကာ လျှောက်ထားရမည်ဖြစ်ပြီး လျှောက်ထားသူများထဲမှ ၃၀ဦးကိုရွေးချယ်သွားမည်ဖြစ်ကြောင်း သိရသည်။

#YMG/SW #Yangon_Times

#Local_News
Published 24 April 2025

▪️ လှေဆိပ်တွင် ရေဆင်းချိုးသည့် ကလေးငယ် ၄ဦး ရေနစ်သေဆုံးသည့်ဖြစ်စဉ် ဧပြီလ ၂၃ရက် က ညောင်ဦးမြို့တွင် ဖြစ်ပွါးခဲ့ကြောင်း သိရသည်။

▪️ ၂၃.၄.၂၀၂၅ ရက်၊နေ့လည် ၁၂ ၁၀ အချိန်ခန့်၊ မန္တလေးတိုင်းဒေသကြီး၊ ညောင်ဦးမြို့၊ အမှတ်(၁) ရပ်ကွက်၊ ရုံးညောင်ပင်စက်လှေဆိပ်တွင် ကလေး (၄) ဦး ရေဆင်းချိုးရာမှ ရေနစ်ပျောက်ဆုံးနေကြောင်း သတင်းရရှိသဖြင့် ညောင်ဦးမြို့နယ်မီးသတ်စခန်းမှ အထောက်အကူပြုယာဉ်(၁)စီး၊ Asault Boat (၁)စီး၊ ရှာဖွေကယ်ဆယ်ရေးတပ်ဖွဲ့ဝင်များ၊ အမှတ်(၅ )အရန်မီးသတ်စခန်းမှ အရန်မီးသတ်တပ်ဖွဲ့ဝင်များ၊ လူမှုကူညီရေးယာဉ်(၁)စီးတို့ဖြင့် ပူးပေါင်း၍ ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ကြောင်း သိရသည်။

▪️ ထိုသို့ဆောင်ရွက်နေစဉ်နေ့လည်၁၂နာရီ၊မိနစ် ၄၀ အချိန်တွင် ကျား (၁)ဦး (သေဆုံး)နှင့် နေ့လည် ၁နာရီ၊၂၄ မိနစ်အချိန် ကျား(၁)ဦး (သေဆုံး)တို့၏ ရုပ်အလောင်းများအား ရှာဖွေတွေ့ရှိခဲ့ကြောင်း၊ ကျန်(၂)ဦးအား ရှာဖွေကယ်ဆယ်ရေးလုပ်ငန်းများ ဆက်လက်ဆောင်ရွက်ခဲ့ရာ
မွန်းလွဲ၂နာရီ၊၀၃ မိနစ်အချိန်တွင် ကျား (၁)ဦး (သေဆုံး)နှင့် မွန်းလွဲ၂နာရီ၊၀၄မိနစ် အချိန်တွင် ကျား(၁)ဦး (သေဆုံး)တို့၏ ရုပ်အလောင်းများအား ရှာဖွေတွေ့ရှိခဲ့ကြောင်း သိရသည်။

#YMG/SW #Yangon_Times

#Local_News
Published 24 April  2025

▪️ ရတနာပုံနည်းပညာတက္ကသိုလ်အနီး တောင်တန်းဒေသအောက်၌ ယနေ့မနက်အစောပိုင်းတွင်ငလျင်လှုပ်ခတ်ခဲ့ကြောင်းမြေငလျင်သတင်းများစင်တာမှ သိရသည်။

▪️ ယနေ့မနက်မြန်မာစံတော်ချိန် ၁၂နာရီ၁၄ မိနစ်အချိန်က မန္တလေးမြို့ အရှေ့တောင်ဘက်ပိုင်း ၁၃ မိုင်ခန့်၊ ပြင်ဦးလွင်မြို့အနောက်တောင်ဘက် ၁၅ မိုင်ခန့်အကွာ ရတနာပုံနည်းပညာတက္ကသိုလ်အနီး တောင်တန်းဒေသအောက်အနက် ၆ မိုင်ကျော်မှ မဂ္ဂနီကျု ၃.၁ အဆင့်မြေငလျင်ငယ် လှုပ်ရှားခဲ့ခြင်းဖြစ်‌ ကြောင်းသိရသည်။

▪️ ပြည်တွင်း မတ်လ၂၈ရက် နေ့က  မန္တလေးငလျင် ကြီး စတင် လှုပ်ခတ်ခဲ့ရာ လက်ရှိ အကြိမ်အထိ  နောက်ဆက်တွဲငလျင်ကြိမ်ရေ ၁၅၆ကြိမ်အထိ လှုပ်ခတ်ခဲ့ပြီးဖြစ်ကြောင်းသိရသည်။

#YMG/NN #Yangon_Times

#Local_News
Published 24 April  2025

▪️ (၁၂)လရာသီပွဲတော်များနှင့် ပန်းများအထိမ်းအမှတ် Block stamp အထူးထုတ် (၂၄၀၀ကျပ်တန်) တံဆိပ်ခေါင်းသစ် တစ်မျိုးရောင်းချပေးမည်ဖြစ်ကြောင်း သိရသည်။

▪️ ပို့ဆောင်ရေးနှင့်ဆက်သွယ်ရေးဝန်ကြီးဌာန မြန်မာ့စာတိုက်လုပ်ငန်းမှ (၁၂) လရာသီပွဲတော်များနှင့်  ပန်းများအထိမ်းအမှတ်Block stamp အထူးထုတ် (၂၄၀၀ကျပ်တန်)စာပို့တံဆိပ်ခေါင်းသစ်(၁)မျိုးကို  ဧပြီလ (၂၈) ရက်၊မြန်မာသက္ကရာဇ် ၁၃၈၇ ခုနှစ်၊ ကဆုန်လဆန်း ၂ ရက် (တနင်္လာနေ့)နံနက် ၉ နာရီခွဲမှစတင်၍ နေပြည်တော်ဗဟိုစာတိုက်ကြီး၊ရန်ကုန်စာတိုက်ကြီး၊ မန္တလေးစာတိုက်ကြီးတိုနှင့် တိုင်းဒေသကြီး/  ပြည်နယ်များရှိ စာတိုက်ကြီးများတွင်  တစ်ပြိုင်တည်း ရောင်းချပေးသွားမည်ဖြစ်သည်။

▪️ ထိုသို့ရောင်းချရာတွင် အထူးအစီအစဉ်တစ်ရပ်အနေဖြင့်နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီးနှင့် မန္တလေးစာတိုက်ကြီးတိုတွင်  ဧပြီလ (၂၈)ရက် (တနင်္လာနေ့)တွင် ဝယ်ယူသော စာပိုတံဆိပ်ခေါင်းများပေါ်တွင် နေ့စွဲအမှတ်အသားတံဆိပ်ရိုက်နှိပ်ပေးသွားမည်ဖြစ်ကြောင်း သိရသည်။

#YMG/NN #Yangon_Times

#World_Health
Published 24 April 2025

သားအိမ်မပါဘဲမွေးလာတဲ့ ဗြိတိန်အမျိုးသမီးဟာ ကျန်းမာသန်စွမ်းတဲ့ ကလေးကို မွေးဖွားနိုင်ခဲ့ပြီး ဗြိတိန်မှာ သားအိမ်အစားထိုးသူထံကနေ ပထမဆုံး‌ကလေးမွေးဖွားနိုင်ခဲ့တာ ဖြစ်ပါတယ်။

အသက် ၃၆ နှစ်ရှိ ဂရေ့စ်ဒေးဗစ်ဆန်ဟာ ဆယ်ကျော်သက်အရွယ်တုန်းက MRKHလို့ခေါ်တဲ့ သားအိမ်မဖွံ့ဖြိုးတဲ့ ရှားပါးရောဂါ တွေ့ရှိခဲ့ပါတယ်။

ကလေးမိခင်ဖြစ်ဖို့ စိတ်ပိုင်းဖြတ်ခဲ့ပြီးနောက် သူ့ရဲ့အစ်မ အေမီပါဒီထံကနေ သားအိမ်အင်္ဂါရယူကာ ၂၀၂၃ မှာ သားအိမ်အစားထိုးခွဲစိတ်မှု ခံယူခဲ့ပါတယ်။

၂၀၂၃ ဖေဖော်ဝါရီက အောက်စ်ဖို့ဒ်မှာ ၁၈ နာရီကြာအောင် ခွဲစိတ်ခဲ့ပြီး ဒေးဗစ်ဆန်ဟာ ယူကေမှာ သားအိမ်အစားထိုးမှု အောင်မြင်စွာပြုလုပ်နိုင်ခဲ့တဲ့ ပထမဆုံးအမျိုးသမီး ဖြစ်လာပါတယ်။

ဒေးဗစ်ဆန်တို့ ဇနီးမောင်နှံ ရရှိထားတဲ့ သန္ဓေသားလောင်း ၇ ခုထဲက တစ်ခုကို ဖန်ပြွန်သန္ဓေနည်းအသုံးပြုပြီး အစားထိုးခွဲစိတ်မှု မလုပ်ခင်မှာ အေးခဲထားခဲ့ပါတယ်။

၂၀၂၅ ဖေဖော်ဝါရီမှာ လန်ဒန် ကွင်းချာလော့နှင့် ချယ်လ်ဆီးဆေးရုံမှာ ဗိုက်ခွဲပြီးတော့ အေမီအစ္စဘယ်လ်ဆိုတဲ့ သမီးမိန်းကလေးကို မွေးဖွားခဲ့ပါတယ်။

တကယ်မွေးနိုင်ခဲ့တာကို မယုံနိုင်ဖြစ်နေပြီး အကြီးမြတ်ဆုံးလက်ဆောင်ဖြစ်တယ်လို့ ဒေးဗစ်ဆန်က ပြောပါတယ်။

ဒီမွေးဖွားမှုမှာ ကနဦးငွေကြေးပါဝင်ထောက်ပံ့တဲ့ သားဖွားဆရာဝန်ကြီး ပရော်ဖက်ဆာ ရစ်ချတ်စမစ်အတွက်လည်း အောင်မြင်မှုကြီးတစ်ခု ဖြစ်လာပါတယ်။

ကမ္ဘာပေါ်မှာ အမျိုးသမီးအယောက် ၅ ထောင်လျှင် ၁ ဦးနှုန်းက သားအိမ်မပါဘဲ မွေးဖွားလာတတ်ပါတယ်။

ကမ္ဘာတဝှမ်းမှာ သားအိမ်အစားထိုးပြီးနောက် ကလေးအယောက် ၅၀ ခန့်မွေးဖွားထားပြီးဖြစ်ကာ ၂၀၁၄က ဆွီဒင်မှာ ပထမဆုံးအောင်မြင်စွာ မွေးဖွားခဲ့တာ ဖြစ်ပါတယ်။

#Source: New York Post

#World_Health
Published 24 April 2025

▪️ မှိုရောဂါတွေက ပြည်သူ့ကျန်းမာရေးအတွက် ပိုပြီးစိုးရိမ်စရာ ဖြစ်လာတယ်လို့ WHOက ပြောပါတယ်။

▪️ ဆေးယဉ်ပါးရောဂါဖြစ်တဲ့ မှက်ခရုမှိုလိုမျိုး အပါအဝင် မှိုရောဂါတွေဟာ ကိုယ်ခံအားပြဿနာရှိတဲ့ လူနာတွေမှာ အဖြစ်များလာတယ်လို့ WHOက ဖော်ပြထားပါတယ်။

▪️ နွမ်းပါးတဲ့နိုင်ငံတွေမှာဆိုရင် ထိရောက်တဲ့ကုသမှု မရှိတာတွေ၊ ရောဂါရှာဖွေနိုင်စွမ်း အကန့်အသတ်တွေကြောင့် လူသန်းပေါင်းစွာမှာ ကူးစက်နိုင်ခြေရှိလာတယ်လို့ သတိပေးထားပါတယ်။

▪️ မှိုရောဂါကူးစက်မှု တိုက်ဖျက်ဖို့အတွက် ပိုမိုသာလွန်တဲ့ ဆေးဝါးတွေနဲ့ ရောဂါရှာဖွေရေးပစ္စည်းတွေ အရေးတကြီးလိုအပ်ကြောင်း အလေးပေးဖော်ပြလာပါတယ်။

▪️ ရောဂါကူးစက်နိုင်ခြေများသူတွေမှာ မှိုရောဂါကူးစက်မှုတွေက အသက်အန္တရာယ် ခြိမ်းခြောက်နေပေမယ့် ကုသနည်းလမ်းတွေ မရှိကြဘူးလို့ WHO လက်ထောက်ညွှန်ကြားရေးမှူးချုပ် ဒေါက်တာ ယူကီကိုနာကာတာနီက ပြောပါတယ်။

▪️ ပြီးခဲ့တဲ့ ဆယ်စုနှစ်အတွင်း မှိုရောဂါကုဆေးအသစ် ၄ ခုသာ အသိအမှတ်ပြုနိုင်ခဲ့ပါတယ်။

▪️ လက်ရှိမှိုရောဂါကုသနည်းတွေဆိုရင် ဆုတ်ယုတ်မှုများရှိလာပြီး ဘေးထွက်ဆိုးကျိုးများ၊ ဆေးဓာတ်ပြုမှုများ ပြင်းထန်သလို ကြာမြင့်စွာ ဆေးရုံတက်ကုသမှုတို့ လိုအပ်နိုင်ပါတယ်။

▪️ ဒါ့အပြင် ကလေးတွေအတွက်လည်း ကုသနည်းများနဲ့ စမ်းသပ်မှုများ မရှိကြောင်းကိုလည်း ဖော်ပြထားပါတယ်။

▪️ လက်ရှိ မှိုရောဂါစမ်းသပ်စစ်ဆေးနည်းတွေက နှောင့်နှေးပြီး ကုန်ကျစရိတ်များကာ အဆင့်မြင့်ဓာတ်ခွဲခန်းများ လိုအပ်သလို ရင်းမြစ်နည်းပါးတဲ့နေရာတွေမှာ မရနိုင်ပါဘူး။

▪️ ဒီအတွက် ကမ္ဘာလုံးဆိုင်ရာ ရောဂါစောင့်ကြည့်ရေး၊ ဆေးထုတ်လုပ်မှုအတွက် မြှုပ်နှံမှုများ၊ သုတေသနများအတွက် ပိုပြီးရင်းနှီးကြဖို့ WHOက တောင်းဆိုနေပါတယ်။

▪️ မှိုရောဂါကူးစက်မှုတွေက ပိုမိုပျံ့နှံ့လာပြီး လက်ရှိဆေးတွေကို ယဉ်ပါးလာတာကြောင့် ကုသရေးနဲ့ ရောဂါရှာဖွေမှု တိုးတက်လာဖို့ အရေးတကြီးလုပ်ဆောင်သင့်ကြောင်း အလေးပေးဖော်ပြသွားပါတယ်။

#Source: India Today

စနေနေ့က အီရတ်နိုင်ငံမြို့တော်ဘဂ္ဂဒက်မှာ စတင်ဖွင့်လှစ်ခဲ့တဲ့ ၁၃ ကြိမ်မြောက် လုံခြုံရေးကာကွယ်ရေး စစ်ဘက်ဆိုင်ရာစက်မှုလုပ်ငန်းများနဲ့ ဆိုက်ဘာလုံခြုံရေးပြပွဲမှာ တရုတ်ကာကွယ်ရေးလက်နက် ကုမ္ပဏီများမှ နောက်ဆုံးပေါ် နည်းပညာများ ပြသထားပါတယ်။
#World_Technology
Published 23 Apirl 2025
#ကာကွယ်ရေးပြပွဲ #ဆိုက်ဘာလုံခြုံရေးပြပွဲ
#YMG #Yangon_Times #Yangon_Media_Group

#Daily_News

Published 23 Apirl 2025

၁။ စက်သုံးဆီဖူလုံမှုရှိပြီး ရောင်းဈေးများလည်းကျဆင်း‌နေဟုဆို

၂။ ငလျင်ကြောင့် ပျက်စီးခဲ့သည့် အဆောက်အဦများကို မီတာခကောက်ခံခြင်းမရှိ

၃။ YBS စံပြယာဉ်မောင်းများအား ထိုင်းသို့ပို့ဆောင်

၄။ ဘဂ္ဂဒက်မြို့တွင်ကျင်းပသည့် ကာကွယ်ရေးပြပွဲ၌ တရုတ်ကုမ္ပဏီများမှနောက်ဆုံးပေါ်စစ်လက်နက် နည်းပညာများပြသ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group