တရုတ်မှာ တနင်္လာနေ့က နှစ်စဉ်တရုတ်နှစ်သစ်ကူးပွဲတော်မှာ မြင်းနောက်ခံပြု ဖျော်ဖြေတင်ဆက်မှု တခမ်းတနားပြုလုပ်ခဲ့ရာ ကြည့်ရှုသူသန်းရာချီ ရှိခဲ့ပါတယ်။

#Asia_Event
Published 19 February 2025
#မြင်း #တရုတ်နှစ်သစ်ကူးပွဲတော်
#YMG #Yangon_Times #Yangon_Media_Group

ဒဂုံမြို့သစ်တောင်ပိုင်းမြိုနယ်ရှိ သုခဒဂုံပြည်သူ့အငှါးအိမ်ရာအခန်းရောင်းစားသူများကိုဥပဒေအရ အရေးယူပြီးဖြစ်ကာ ထပ်မံစုံစမ်းတွေ့ရှိပါက ဆက်လက်အရေးယူသွားမယ်လို့ သိရပါတယ်။

#Local_News
Published 19 February 2025
#သုခဒဂုံပြည်သူ့အငှါးအိမ်ရာ
#YMG/NN #Yangon_Times

ရန်ကုန် - မန္တလေးအမြန်လမ်းမကြီးပေါ်ရှိ ဆွာချောင်းတံတားတည်ဆောက်မှု မတ်လကုန်မှာ ပြီးစီးမယ်လို့ အမြန်လမ်းမကြီး ထိန်းသိမ်းပြုပြင်ရေးနှင့် ကြီးကြပ်ရေးအဖွဲ့က သိရပါတယ်။

#Local_News
Published 19 February 2025
#ဆွာချောင်းတံတား #ရန်ကုန်_မန္တလေးအမြန်လမ်းမကြီး
#YMG/NN #Yangon_Times

ဈေးကွက်အတွင်း စက်သုံးဆီရောင်းချပေးနေတဲ့စက်သုံးဆီအရောင်းဆိုင်များအား ရှောင်တခင်စစ်ဆေးလျှက်ရှိတယ်လို့စားသုံးသူရေးရာဦးစီးဌာနမှ သိရပါတယ်။

#Local_News
Published 19 February 2025
#စက်သုံးဆီ
#YMG/SW #Yangon_Times

ယမန်နေ့ကဖြစ်ပွားခဲ့တဲ့ရွှေပြည်သာမြို့နယ်ရှိအထည်ချုပ်စက်ရုံမီးလောင်မှု ကို ၁၃နာရီကြာငြိမ်းသတ်ခဲ့ရတယ်လို့ မြန်မာနိုင်ငံမီးသတ်တပ်ဖွဲရဲ့ ထုတ်ပြန်ချက်တွေအရသိရပါတယ်။

#Local_News
Published 19 February 2025
#ရွှေပြည်သာ #အထည်ချုပ်စက်ရုံ
#YMG/SW #Yangon_Times

#Daily_News
Published 18 February 2025

၁။‌ ‎သုခဒဂုံ ပြည်သူ့အငှါးအိမ်ရာအခန်း‎ရောင်းစားသူများကို ဥပဒေအရ အရေးယူ
‎
‎၂။ ‌‌‌‌‌‌‌‌‌‌‌‌‎‎အမြန်လမ်း ဆွာချောင်းတံတားတည်ဆောက်မှု မတ်လကုန်တွင် ပြီးစီးမည်

‎၃။‌‌‎ ‌‌‌‌‌‌‌‌‌‎စက်သုံးဆီအရောင်းဆိုင်များအား ရှောင်တခင်စစ်ဆေးလျှက်ရှိ

‎၄။‎ ‌‌‌‌‌‌‌‌‌‎မြင်းနောက်ခံပြုဖျော်ဖြေမှုများတင်ဆက်သည့်တရုတ်နှစ်သစ်ကူးပွဲတော်အစီအစဉ်အား လူသန်းရာနှင့်ချီစံချိန်တင်ကြည့်ရှု... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 19 February 2025

▪️ မန္တလေးမြို့၏မဟာမုနိရုပ်ရှင်တော်မြတ်ကြီး၏ စိန်ဖူးတော်၊ ငှက်မြတ်နားတော်၊ ရွှေထီးတော်များ တင်လှူပူဇော်ရန်နှင့် ဗုဒ္ဓါဘိသေကအနေကဇာတင် မင်္ဂလာအခမ်းအနားများ ကျင်းပနိုင်ရန်ဆောင်ရွက်နေကြောင်း သိရသည်။

▪️ ထိုသို့ ဆောင်ရွက်နေမှုများကို မန္တလေးတိုင်းဒေသကြီးဝန်ကြီးချုပ်ဦးမျိုးအောင်မှ ဖေဖော်ဝါရီလ ၁၇ ရက်က ကြည့်ရှုစစ်ဆေးပြီး မန္တလေးငလျင်ကြီးလှုပ်ခတ်ခဲ့မှုကြောင့် ထိခိုက်ပျက်စီးခဲ့တဲ့ မဟာမုနိရုပ်ရှင်တော်မြတ်ကြီး၏ ဂန္ဓကုဋိတိုက်တော် ရွှေကျောင်းတော်ကြီးနှင့် သာသနိကအဆောက်အအုံများ ပြန်လည်ပြုပြင်မွမ်းမံတည်ဆောက်ပြီးစီးမှုကို ကြည့်ရှုစစ်ဆေးခဲ့ကြောင်း သိရသည်။

▪️ ထို့အပြင် တိုင်းဒေသကြီးဝန်ကြီးချုပ်မှ ငှက်မြတ်နားတော်၌ချိတ်ဆွဲရန် အဂ္ဂမဟာသီရိသုဓမ္မမဏိဇောတဓရ ဦးအောင်အောင် နှင့် အဂ္ဂမဟာသီရိ သုဓမ္မသိင်္ဂီ ဒေါ်လှလှဝေ(ဂရိတ်စိန်-စိန်ရွှေရတနာဆိုင်)မိသားစုမှ လှူဒါန်းသည့် မိုးကုတ်ပတ္တမြား ၁၀၉ ပွင့်၊ စိန်ဖွေးသန့် ၈၅ ပွင့်၊ ရွှေတန်ချိန် ၁၆ ဒသမ ၀၁၆ ဂရမ်တို့ကို လက်ခံရယူ၍ ဂုဏ်ပြုမှတ်တမ်းလွှာပြန်လည်ပေးအပ်ခဲ့ကြောင်း သိရသည် ။

#YMG/NN #Yangon_Times

#Local_News
Published 19 February 2026

▪️ မြန်မာ-ကိုရီးယားချစ်ကြည်ရေးဒလတံတားဖွင်လှစ်ပြီးနောက် အပျော်စီးသင်္ဘောခရီးစဉ်သစ်အဖြစ်ဆိပ်ကြီးခနောင်တို ကျွန်းပတ်ခရီးစဉ်ကို စမ်းသပ်ပြေးဆွဲနေကြောင်း The Best Traveling Myanmar မှ သိရသည်။

▪️ အဆိုပါခရီးစဉ်ကို ယခုလ၁၅ရက်တွင် ပထမအကြိမ်စမ်းသပ်ပြေးဆွဲခဲ့ပြီး လာမည့်၂၂ရက်တွင်လည်း ဒုတိယအကြိမ်ပြေးဆွဲမည်ဖြစ်ကြောင်း သိရသည်။

▪️ " ဆိပ်ကြီးခနောင်တို ကျွန်းပတ်ခရီးစဉ်ကို အရင်ကမပြေးဆွဲပေးဖူးဘူး။ တံတားကြီးဖွင့်ပြီးတဲ့နောက်မှစမ်းသပ်ပြေးဆွဲ‌တာပါ။ခရီးစဉ်ကို ပုံမှန်‌ပြေးဆွဲ‌ပေးတာတော့မရှိသေးဘူး။ စမ်းသပ်ပြေးဆွဲပြီးမှ ခရီးသည်စိတ်ဝင်စားမှုပေါ်မူတည်ပြီး ပြေးဆွဲပေးမှာပါ" ဟု The Best Traveling Myanmar မှ တာဝန်ရှိသူတစ်ဦးကပြောသည်။

▪️ အဆိုပါခရီးစဉ်ကို ယခုလ၂၂ရက် မနက် ၉:၃၀ မှနေ့လည် ၁၂:၃၀အထိ ပြေးဆွဲမည်ဖြစ်ပြီး ခရီးစဉ်လမ်းကြောင်း မှာ ဗိုလ်တထောင်ဆိပ်ကမ်း မှ မနက် ၉:၃၀ စတင် ထွက်ခွါပြီး ကိုးရီးယား / မြန်မာချစ်ကြည်ရေး ဒလတံတားရှုခင်းလေ့လာကာ ရန်ကုန်မြစ်ကြောင်း - တွံတေးတူးမြောင်း အနီးတဝိုက် - ခနောင်တိုချောင်းအတွင်း ခုတ်မောင်းပြေးဆွဲသွားမည်ဖြစ်ကြောင်း သိရသည်။

#YMG/SW #Yangon_Times

#Local_News
Published 19 February 2025

▪️ ပုဂံဒေသ သဗ္ဗညုဂူဘုရား ပြုပြင်ထိန်းသိမ်းခြင်းနှင့် မြေအောက်သုတေသနပြုခြင်း လုပ်ငန်းများကို တရုတ်နိုင်ငံ Shaanxi Academy of Archaeology မှပညာရှင်များနှင့် ပူးပေါင်းဆောင်ရွက်နေကြောင်းသိရသည်။

▪️ ထိုကဲ့သို့ သုတေသနလုပ်ငန်းများကို နိုင်ငံတကာပညာရှင်များနှင့်ပူးပေါင်းဆောင်ရွက်ခြင်းသည် အရေးကြီးသော အခန်းကဏ္ဍတစ်ခုဖြစ်ကြောင်း၊ အထူးသဖြင့် တရုတ်နိုင်ငံရှိ Shaanxi Academy of Archaeologyမှ ပညာရှင်(၇) ဦးနှင့်ရှေးဟောင်းသုတေသန နှင့်အမျိုးသားပြတိုက်ဦးစီးဌာနမှ အရာထမ်း၊အမှုထမ်းများပူးပေါင်း၍ နည်းပညာ အကူအညီများ၊ သုတေသနနည်းလမ်းများနှင့်အတွေ့အကြုံများကို နှီးနှောဖလှယ်ဆောင်ရွက်ခွင့်ရရှိခဲ့ကြသည်။

▪️ ထိုသို့သော ပူးပေါင်းဆောင်ရွက်မှုများသည် သုတေသနအရည်အသွေးမြှင့်တင်ရန်နှင့် နိုင်ငံတကာအဆင့်မီ သုတေသနစံနှုန်းများကို လိုက်နာနိုင်ရန် အထောက်အကူပြုပေးနေခြင်း ဖြစ်ကြောင်း ပုဂံဌာနခွဲညွှန်ကြားရေးမှူး ဦးညီမွန်းကပြောသည်။

▪️ ထို့အပြင် သုတေသနလုပ်ငန်းများကို ထိရောက်စွာဆောင်ရွက်နိုင်ရန်နှင့် အမွေအနှစ်ပစ္စည်းများ မပျက်စီးစေရန် ရည်ရွယ်ထားခြင်းဖြစ်ကြောင်း ပုဂံဒေသရှိ သမိုင်းဝင်အမွေအနှစ်များအပေါ် ဆောင်ရွက်နေသည့် သုတေသနနှင့်ပြုပြင်ထိန်းသိမ်းရေးလုပ်ငန်းများသည် ဒေသ၏ယဉ်ကျေးမှုအမွေအနှစ်တန်ဖိုးကိုမြှင့်တင်ပေးပြီး အနာဂတ်မျိုးဆက်များအတွက် တန်ဖိုးရှိသော သမိုင်းအမွေအနှစ်များကို ထိန်းသိမ်းပေးနိုင်ရန် အရေးပါသောအခန်းကဏ္ဍတစ်ရပ်အဖြစ် ရပ်တည်လျက်ရှိကြောင်း သိရသည်။

▪️ အဆိုပါ သဗ္ဗညုဂူဘုရား၏ အဆောက်အအုံပိုင်းဆိုင်ရာ ကြံ့ခိုင်မှုအခြေအနေပိုမိုကောင်းမွန်လာစေရန်နှင့် ဂူဘုရားကြီးရေရှည်တည်တံ့စေရန် တရုတ်-မြန်မာနှစ်နိုင်ငံပူးပေါင်း၍ ပြုပြင် ထိန်းသိမ်းခြင်းနှင့်သုတေသနပြုဖော်ထုတ်ခြင်းတို့ ဆောင်ရွက်လျက်ရှိ‌ကြောင်း၊ယင်းသဗ္ဗညုဂူဘုရားသည် ပုဂံကမ္ဘာ့အမွေအနှစ်ဒေသ၏ အမွေအနှစ်လက္ခဏာရပ်တစ်ခု ဖြစ်သကဲ့သို့ ထူးခြားလက်ရာကျန်ရှိမှုအဆင့်-၁ရှိသော ဂူဘုရားတစ်ဆူလည်းဖြစ်ကာ နောက်ခံသမိုင်းရာဇဝင်နှင့် တည်ဆောက်ပုံဗိသုကာလက်ရာအရ အေဒီ(၁၂) ရာစုဂူဘုရားတစ်ဆူဖြစ်ပြီး ရှားပါးလေးထပ်ဂူဘုရားတစ်ဆူဖြစ်ကြောင်းသိရပြီး စနစ်တကျအသေးစိတ်ပြုပြင်ထိန်းသိမ်းမှုလုပ်ငန်းများကို နည်းပညာအကူအညီများ ပေါင်းစပ်ထိန်းသိမ်းပြုပြင်ဆောင်ရွက်လျက်ရှိကြောင်းသိရသည်။

▪️ လတ်တလောတွင်သုတေသနလုပ်ငန်းများတွင် မြေပြင်စစ်တမ်းများကောက်ယူခြင်း Grid Layout စနစ်ဖြင့် တူးဖော်ရေးလုပ်ငန်းများဆောင်ရွက်ခြင်း၊ နေရာသတ်မှတ်ခြင်း (GPS Location)နှင့် အချက်အလက်မှတ်တမ်းတင်ခြင်းများကို စနစ်တကျမှတ်တမ်းတင်ခြင်းများဆောင်ရွက် လျက်ရှိကာ တူးဖော်မှုများအတွင်းတွေ့ရှိရသည့် အမွေအနှစ်ပစ္စည်းများကို သက်ဆိုင်ရာစံနှုန်းများနှင့်ကိုက်ညီစွာ မှတ်တမ်းတင်ထိန်းသိမ်းကာကွယ်ထားလျက်ရှိကြောင်းသိရသည်။

#YMG/NN #Yangon_Times

#World_Politics
Published 19 February 2026

■ ဘင်္ဂလားဒေ့ရှ်ရဲ့ ၁၃ ကြိမ်မြောက် ပါလီမန်ရွေးကောက်ပွဲမှာ ဘင်္ဂလားဒေ့ရှ်အမျိုးသားရေးပါတီ BNP က ၂၉၇ နေရာအနက် ၂၀၉ နေရာ ရရှိခဲ့ပါတယ်။

■ ဘင်္ဂလားဒေ့ရှ်ဝန်ကြီးချုပ်အဖြစ် ကျမ်းသစ္စာကျိန်ဆိုခဲ့တဲ့ တာရစ်ရာမန်ဟာ နာမည်ပြောင်တစ်ခု ရနေတဲ့သဘော မြင်နေရပါတယ်။

■ အမျိုးသားရေးနိုင်ငံသားများပါတီ NCP နဲ့ ဂျာမက်အယ်အစ္စလာမီအဖွဲ့ဝင်တွေက ရာမန်ဟာ ရွေးကောက်ပွဲရလဒ်ကို လိုသလိုတည်ဆောက်နေတဲ့အတွက် အင်ဂျင်နီယာလို့ စွပ်စွဲခေါ်ဝေါ်နေကြတာ ဖြစ်ပါတယ်။

■ NCP ခေါင်းဆောင်က ဖေ့စ်ဘွတ်ခ်ပေါ်မှာ "ဂုဏ်ယူပါတယ် အင်ဂျင်နီယာတာရစ်ရာမန်။ ၁၃ ကြိမ်မြောက် အမျိုးသားရွေးကောက်ပွဲအင်ဂျင်နီယာမှာ အနိုင်ရတဲ့အတွက် ဂုဏ်ပြုပါတယ်" လို့ ဖော်ပြခဲ့ပါတယ်။

■ ဒီနောက် ဆိုရှယ်မီဒီယာပေါ်မှာ လူတွေက ရာမန်ကို စတင်ပြီး လှောင်ပြောင်သရော်တဲ့ သဘောတွေနဲ့ ရေးသားလာကြပါတယ်။

■ ထိုထဲကတစ်ယောက်ဆိုရင် "ရာမန်ဟာ ပညာရပ်ခန်းမသင်ကြားရဘဲ အင်ဂျင်နီယာဖြစ်လာသူ" လို့ ပြောထားပါတယ်။

■ AI ဖြင့်ဖန်တီးတဲ့ရုပ်ပုံတွေထဲမှာဆိုရင် ရာမန်ကို ဆောက်လုပ်ရေးအင်ဂျင်နီယာဝတ်စုံဖြင့် အင်တာနက်ပေါ်မှာ ပလူပျံနေပါတယ်။

■ NCP နဲ့ ဂျာမက်အယ်အစ္စလာမီတို့က ရွေးကောက်ပွဲဟာ လိမ်လည်ထားတယ်လို့ စွပ်စွဲနေကြပြီး NCP မှ ပြောရေးဆိုခွင့်ရှိသူတစ်ဦးက အထောက်အထားတွေ ရှိထားတယ်လို့ ဆိုနေပါတယ်။

■ ရာမန်ဟာ ဒီစွပ်စွဲချက်တွေကို ငြင်းဆိုထားပြီး ပြည်သူတွေရဲ့ ထောက်ခံမှုကိုသာ အနိုင်ရအောင် ကြိုးစားခဲ့တယ်လို့ ဆိုပါတယ်။

Source: NDTV

#World_Health
Published 19 February 2026

■ မန်ကျည်းသီးဟာ အိန္ဒိယမီးဖိုချောင်တွေမှာ အသုံးများပြီး အစာခြေခြင်းအတွက် အကျိုးကျေးဇူးများစွာ ရစေပါတယ်။

■ အာဖရိကမှ စတင်အခြေပြုကာ tamarindus indica အပင်ကနေ ဆင်းသက်လာပါတယ်။
သူ့ရဲ့ ဆေးဖက်ဝင်ပုံများကို အသိအမှတ်ပြုထားကြပြီး ယခုသုတေသနမှာလည်း အကျိုးကျေးဇူးတွေ တွေ့ရပါတယ်။

■ မန်ကျည်းသီးရဲ့ ကျန်းမာရေးအာနိသင်ဝင်ပုံတွေထဲက တစ်ခုက သဘာဝအတိုင်း ဝမ်းပျော့စေတာ ဖြစ်ပါတယ်။

■ အမျှင်ဓာတ်တွေက အူလမ်းကြောင်းတလျှောက် ဝမ်းသွားရလွယ်ကူစေကာ ဝမ်းချုပ်ခြင်းမှ ကာကွယ်ပေးပါတယ်။

■ သူ့ရဲ့အချဉ်ဓာတ်က စွမ်းအားမြင့် ဓာတ်တိုးဆန့်ကျင်အာနိသင် ပေးစွမ်းနိုင်ပြီး အသည်းထဲက သည်းခြေရည်ကို လှုံ့ဆော်ပေးပါတယ်။

■ ဒီအတွက် အဆီတွေကို ဖြိုခွဲပေးပြီး တံတွေးကိုလည်း လှုံ့ဆော်ပေးကာ ကာဗိုဟိုက်ဒရိတ်တွေ ချေဖျက်ပေးပါတယ်။

■ သင့်တင့်စွာ စားသုံးပေးရင် အစာအိမ်ထဲက pH ပမာဏ ညီမျှစေပြီး ပိုတက်ဆီယံနဲ့ မဂ္ဂနီဆီယံတို့က အစာအိမ်နံရံတွေ ချောမွေ့စေပါတယ်။

■ မကောင်းတဲ့ ကိုလက်စထရောတွေကို လျှော့ချပေးကာ ရောင်ရမ်းဆန့်ကျင်အာနိသင်ရှိတဲ့အတွက် အစာမကြေ ဗိုက်အောင့်ဗိုက်နာခြင်းမှ ကာကွယ်ပေးပါတယ်။

■ အဆီချေဖျက်ပေးတာကြောင့် ထိန်းသိမ်းစားသောက်နေထိုင်ပါက ကိုယ်အလေးချိန် ထိန်းချုပ်နိုင်စေမှာ ဖြစ်ပါတယ်။

■ ၂၀၂၃ လေ့လာချက်အရ မန်ကျည်းသီးဟာ အန္တရာယ်ပြုဘက်တီးရီးယားများကို တိုက်ခိုက်ပြီး အစာအဆိပ်သင့်ခြင်း၊ အစာအိမ်ရောဂါကူးစက်ခြင်းတို့ကို လျှော့ချပေးနိုင်ပါတယ်။

Source: NDTV

#World_Health
Published 19 February 2026

■ အိမ်မှာ သွေးပေါင်ချိန်တိုင်းတော့ ပုံမှန်ပဲဖြစ်နေပြီး ဆေးခန်းရောက်တော့မှ သွေးပေါင်ချိန်တက်နေတာမျိုး ဖြစ်တတ်ပါသလား။

■ ဂလင်းအီးဂဲဆေးရုံမှ ဒေါက်တာ ရာဟူဂူ့ပ်တာက ဒါကို ဆေးရုံသွေးတိုးခြင်းလို့ သတ်မှတ်ပါတယ်။

■ လူတွေက ဆေးရုံသွားတဲ့အခါ စိုးရိမ်ပူပန်ခြင်း၊ စိတ်ဖိစီးခြင်းတို့ ခံစားရတဲ့အပြင် ဆေးစစ်ခြင်း၊ စောင့်ဆိုင်းခြင်း၊ ဆရာဝန်နဲ့တွေ့ခြင်းတို့မှာပင် ယာယီ သွေးပေါင်ချိန် မြင့်တက်တတ်ပါတယ်။

■ စိုးရိမ်ပူပန်တဲ့အခါ ဖိစီးမှုဟော်မုန်းတွေ ထွက်လာပြီး နှလုံးခုန်မြန်စေကာ သွေးကြောတွေ ကျဉ်းလာတဲ့အတွက် သွေးပေါင်ချိန် ရုတ်တရက်မြင့်တက်တာ ဖြစ်ပါတယ်။

■ စစ်ဆေးချက်တွေအပေါ် စိုးရိမ်ခြင်း၊ မရင်းနှီးတဲ့နေရာ ရောက်နေခြင်း၊ ယခင်ကျန်းမာရေးအကြောင်းတွေ ပြန်စဉ်းစားမိခြင်းတို့ဖြင့် ဖိစီးမှုဟော်မုန်းတွေ ထွက်လာစေပါတယ်။

■ ဒီအတွက် စိတ်ချရတဲ့ ဒီဂျစ်တယ်သွေးပေါင်ချိန်စက်ဖြင့် ပုံမှန်တိုင်းပေးသင့်ပါတယ်။

■ မတိုင်းခင် ၅ မိနစ်အလို ငြိမ်သက်စွာ ထိုင်နေရမှာဖြစ်သလို မတိုင်းခင် မိနစ် ၃၀ အတွင်း လက်ဖက်ရည်၊ ကော်ဖီ၊ ဆေးလိပ်၊ လေ့ကျင့်ခန်းတို့ ရှောင်ရှားရပါမယ်။

■ အိမ်မှာတိုင်းတဲ့ သွေးပေါင်ချိန်ရလဒ်တွေကို ဆရာဝန်နဲ့ တိုင်ပင်မယ်ဆိုရင် မှန်ကန်တဲ့ ရောဂါသုံးသပ်ချက် ရရှိစေနိုင်မှာ ဖြစ်ပါတယ်။

■ ဖိစီးမှုထိန်းချုပ်ခြင်း၊ လေ့ကျင့်ခန်းပုံမှန်လုပ်ခြင်း၊ ဆားလျှော့စားခြင်း၊ ကောင်းစွာအိပ်စက်ခြင်းတို့ဖြင့် သွေးပေါင်ချိန် ထိန်းသိမ်းနိုင်စေမှာပါ။

■ ဆရာဝန်ရဲ့ ညွှန်ကြားချက်တွေကို လိုက်နာပြီး သွေးပေါင်ချိန်ကို ပုံမှန်အတိုင်းအတာအတွင်း ဖြစ်နေအောင် ထိန်းသိမ်းရမယ်လို့ ဒေါက်တာဂူ့ပ်တာက ပြောသွားပါတယ်။

Source: Indian Express.