#Local_News
Published_21 April 2025

▪️ ပြင်ဦးလွင်မြို့နယ် တွင် လူနေထိုင်မှုပမာဏတစ်နှစ်ထက်တစ်နှစ်များပြားလာ၍ ရေအရင်းအမြစ်များ စဉ်ဆက်မပြတ်ရရှိရေး ရေရှည်စီမံကိန်း ချမှတ်၍ ဆောင်ရွက်ရန် နစက ဥက္ကဌ က ပြောသည်။

▪️ ယနေ့ ဧပြီလ ၂၀ ရက်က အမျိုးသားအထိမ်းအမှတ် ဥယျာဉ်ရှိ အစည်းအဝေးခန်းမ၌ကျင်းပပြုလုပ်သော မန္တလေးတိုင်းဒေသကြီး၊ ပြင်ဦးလွင်ခရိုင်၊ ပြင်ဦးလွင်မြို့နယ်၊ ရေဖူလုံမှုရှိစေရေး လုပ်ငန်းညှိနှိုင်းအစည်း အဝေးအတွင်း ယင်းက အထက်ပါအတိုင်းပြောကြားခြင်း ဖြစ်သည်။

▪️ ပြင်ဦးလွင်ဒေသ၏ လက်ရှိလူဦးရေနှင့် နောင်အနာဂတ်တွင် တိုးပွားလာနိုင်မည့်လူဦးရေပမာဏကိုပါ ကြိုတင် မျှော်မှန်း၍ စီမံဆောင်ရွက်ထားရှိရန် ၊ အနာဂတ်ကာလ ရေအရင်းအမြစ်လို အပ်ချက်အတွက် ရေရှိနိုင်မှု၊ ရေလှောင်တမံ များအလိုက် ရေသိုလှောင်နိုင်မှုပမာဏများနှင့် သောက်သုံးရေ၊ စိုက်ပျိုးရေပေးဝေရေး လုပ်ငန်းများဆောင်ရွက်ရန်တို့ကို ပြောကြားခဲ့ကြောင်း သိရသည်။

▪️ နစက ဥက္ကဌက လက်ရှိရေရရှိနေသည့် ရေလှောင်တမံများ၏ နှစ်စဉ်ရေရရှိနိုင်မှုနှင့် သိုလှောင်နိုင်မှုပမာဏတို့ကို ဆန်းစစ် သုတေသနပြုလုပ်ရန် ၊ ရေအရင်း အမြစ်များ ဆုံးရှုံးမှုမရှိစေရေးအတွက် ရေလှောင်တမံများအနီးရှိ ရေဝေ ရေလဲတော များကို စနစ်တကျ ထိန်းသိမ်းစောင့်ရှောက်သွားရန် ၊ ဆည်တာတမံများ အတွင်း ရာသီမရွေး ရေရှိနိုင်ရန် ၊ ရေဖူလုံစွာရရှိစေရေး တာဝန်ရှိသူများအနေဖြင့် စီမံဆောင်ရွက်သွားရန်လိုပြီး ဆည်များအတွင်းမှ ကျ ဆင်းသွားသည့် ရေများကိုလည်း အလေအလွင့်အနည်းဆုံးဖြစ်စေရေး တာ၊ တမံများ ကို သုတေသနပြု တည် ဆောက်သွားရန် ၊ သက်ဆိုင်ရာကဏ္ဍများအလိုက် သုတေသနပြုဆန်းစစ်ခြင်း၊ ကွင်းဆင်းဆောင် ရွက်ခြင်း တို့ကို ဆက်လက် ဆောင်ရွက် သွားရန်တို့ကို ပြောကြားခဲ့ကြောင်း သိရသည်။

#Yangon_Times/PP

#World_Science
Published 21 April 2025

▪️ ကမ္ဘာကြီးဟာ လွန်ခဲ့တဲ့ နှစ်ပေါင်း ၁၃.၇ ဘီလီယံခန့်က မွေးဖွားခဲ့တယ်လို့ ယူဆထားပြီး တစ်ချိန်ချိန်အဆုံးသတ်မယ်လို့ သိထားပေမယ့် ဘယ်အချိန်လဲတော့ မသိကြပါဘူး။

▪️ အိန္ဒိယဒဏ္ဍာရီအရတော့ ဒီစကြဝဠာကြီးရဲ့ သက်တမ်းဟာ ဗြဟ္မာသက်တမ်းနဲ့ ဆက်စပ်နေနိုင်ဖွယ် ရှိပါတယ်။

▪️ အူတာပရာဒက်ရှ်မှာရှိတဲ့ ကာရှီဗီရှဝါနက်ဘုရားကျောင်းမှာ ကြေးဝါပြားကြီးအပေါ်မှာ စိန်တိုင်ချောင်း ၃ ချောင်းထားရှိတယ်လို့ ယူဆထားပြီး ကမ္ဘာကြီးရဲ့ဗဟိုတည့်တည့်အဖြစ် ရှိနေပါတယ်။

▪️ ဒီဟာကို ဗြဟ္မာမျှော်စင်တိုင်လို့ခေါ်ပြီး တစ်ချောင်းစီဟာ လက်မ ၂၀ ခန့်မြင့်မားပါတယ်။

▪️ ဒီလောကကြီးကို ဘုရားသခင်ဖန်ဆင်းစဉ်က တစ်တိုင်စီမှာ ရွှေအဝိုင်းပြား ၆၄ ပြားစီထားရှိပါတယ်။

▪️ အောက်ဆုံးမှာ အကြီးဆုံးအပြားရှိပြီး အပေါ်ကအပြားတွေက တဖြည်းဖြည်းသေးသွားပါတယ်။

▪️ အပြားအားလုံးကို တတိယမြောက်တိုင်သို့ ရွှေ့ပြောင်းရမှာဖြစ်ပြီး တစ်ကြိမ်မှာ တစ်ပြားသာ ရွှေ့နိုင်ပါတယ်။

▪️ အလယ်ကတိုင်ကတော့ ကြားခံရွှေ့ပြောင်းဖို့ အသုံးပြုနိုင်ပြီး အဓိကက ပိုသေးတဲ့အပြားက ပိုကြီးတဲ့အပြားအောက်မှာ လုံးဝရှိလို့မရပါဘူး။

▪️ အိန္ဒိယပုံပြင်တွေအရဆိုရင် ဘုန်းကြီးတွေဟာ နေ့စဉ်နဲ့အမျှ ဒီပဟေဌိကို ဖြေရှင်းနေကြပြီး စည်းမျဉ်းတွေကို အပြည့်အဝလိုက်နာကာ အပြား ၆၄ ပြားစလုံး တတိယမြောက်တိုင်ကို ရွှေ့ပြောင်းပြီးတဲ့နေ့ဟာ ကမ္ဘာကြီးကြေပွပျက်စီးပြီး မိုးခြိမ်းသံနဲ့အတူ ကမ္ဘာမြေပျောက်ကွယ်သွားမှာ ဖြစ်ပါတယ်။

▪️ ဘုန်းကြီးတွေသာ နာရီစက္ကန့်တိုင်း အမှားအယွင်းမရှိ ဆက်ပြီးဖြေရှင်းနေမယ်ဆိုရင် ပြောင်းရွှေ့အကြိမ်ပေါင်း ၁၈,၄၄၆,၇၄၄,၀၇၃,၇၀၉,၅၅၁,၆၁၅ ကြိမ်ရွှေ့ရဦးမှာဖြစ်ကာ နှစ်ပေါင်း ၅၈၄ နှစ်ကြာမြင့်မှာပါ။

▪️ ဗြဟ္မာနဲ့ စကြဝဠာသက်တမ်းနှစ်က ၁၀၀ ရှိတယ်လို့ဆိုထားကာ ဒီသက်တမ်းပြည့်ရင် စကြဝဠာအဆုံးသတ်မှာဖြစ်ပေမယ့် ယခုအချိန်မှာ ဗြဟ္မာသက်တမ်းနဲ့ဆိုရင် ၅ ရက်ပဲရှိပါသေးတယ်။

▪️ ရှေးခေတ်အိန္ဒိယတွေ တွက်ချက်ကြည့်ရာမှာ အပြား ၃ ပြားထဲဆိုရင် တတိယမြောက်တိုင်ကို ရွှေ့ပြောင်းဖို့ ၇ ကြိမ်သာရွှေ့ရမှာဖြစ်ပြီး ပုံသေနည်းက 2n - 1 ဖြစ်ပါတယ်။

▪️ ၆၄ ပြားစလုံးဆိုရင်တော့ ၁.၈၄ x ၁၀အညွှန်း၁၉ ကြိမ်ဖြစ်ကာ ပဟေဌိပြီးမြောက်ဖို့အတွက် လက်ရှိစကြဝဠာသက်တမ်းရဲ့ ၄၂ ဆလောက် ကြာမြင့်နိုင်ပါတယ်။

#Source: WION

၂၀ ဧပြီ ၂၀၂၅

တရုတ်နိုင်ငံအစိုးရ၏ သတ္တမအသုတ် အရေးပေါ် လူသားချင်းစာနာမှုဆိုင်ရာ ငလျင်ကယ်ဆယ်ရေး ပစ္စည်းများ  ဧပြီ ၂၀ ရက်က မြန်မာနိုင်ငံသို့ရောက်ရှိလာကြောင်းသိရပါတယ်။

အဆိုပါ ကယ်ဆယ်ရေးပစ္စည်းများသည် ဆေးဝါးပစ္စည်းများဖြစ်ပြီး အလေးချိန် ၉၅တန်ကျော်ရှိပါတယ်။ Amoxicillin ဆေးတောင့် ၈၀၀,၀၀၀ ဗူး၊ Acetaminophen  ထိုးဆေး ၁၂၂,၀၀၀ ပုလင်း၊ Cephradine capsules ၂၂၅,၀၀၀ ဗူး  နှင့် Ibuprofen ၄၈၀,၀၀၀ ဗူး တို့ပါဝင်တယ်လို့ တရုတ်သံရုံးရဲ့ သတင်းထုတ်ပြန် ချက်မှာဖော်ပြထားပါတယ်။

အဆိုပါ ထောက်ပံ့ရေးပစ္စည်းတွေကို ငလျင်ဘေးသင့် ဒေသများသို့ နေ့ချင်းပို့ဆောင်ပေးသွားမယ်လို့ လည်း သိရပါတယ်။

တရုတ်နိုင်ငံသည် ငလျင်ကယ်ဆယ်ရေးပစ္စည်းများကို လေကြောင်းဖြင့် ဆက်တိုက်ပေးပို့လျက်ရှိရာ  ပြီးခဲ့တဲ့ ဧပြီ ၁၁ရက်က ဆဋ္ဌမမြောက်အသုတ်အဖြစ် ရွက်ဖျင်တဲ ၂၃လုံးနှင့်အတူ ချက်ပြုတ်   ပစ္စည်းများ၊ဆိုလာစွမ်းအင်သုံး စာကြည့် မီးလုံးများ၊ ဆပ်ပြာနှင့်ဆပ်ပြာရည်များ ၊ခေါင်းလျှော်     ရည်များ၊ သွားတိုက်ဆေးနှင့်သွားတိုက်သံများ၊  ဆပ်ပြာမှုန့်များပါဝင်ခဲ့ပါတယ်။

တရုတ်နိုင်ငံအပါအဝင် နိုင်ငံပေါင်း ၂၅ နိုင်ငံ သည် မြန်မာငလျင်ဘေးကူညီကယ်ဆယ်ရေးလုပ်ငန်းများ ဆောင်ရွက်ပေးလျက်ရှိကြောင်းသိရပါတယ်။

#ymg/knl

Yangon, April 20, 2025

The seventh batch of emergency humanitarian earthquake relief supplies from the Government of the People’s Republic of China arrived in Myanmar on April 20, according to official reports.

This latest consignment, comprising over 95 tons of medical supplies, includes 800,000 bottles of Amoxicillin tablets, 122,000 bottles of Acetaminophen injections, 225,000 bottles of Cephradine capsules, and 480,000 bottles of Ibuprofen. The Chinese Embassy in Myanmar confirmed the details in a press release.

Authorities have announced that the supplies will be promptly transported to regions most affected by the recent earthquake for immediate distribution and use.

This delivery follows a series of support efforts from China. The sixth batch of relief supplies, which arrived on April 11, contained 23 folding tents, cooking equipment, solar-powered reading lamps, soap and liquid soap, shampoo, toothpaste and toothbrushes, and detergent powder.

To date, China is among 25 countries providing active support for Myanmar's ongoing earthquake relief and recovery operations.

#ymg/knl

#World_Health
Published 20 April 2025

▪️ လူသုံးအများဆုံး သကြားအစားထိုးအမှုန့်တစ်မျိုးဖြစ်တဲ့ ဆူခရယ်လို့စ်က ဆာလောင်မှုကိုထိန်းချုပ်ဖို့ တာဝန်ရှိတဲ့ ဦးနှောက်အစိတ်အပိုင်းတစ်ခုကို နှောင့်ယှက်စေတယ်လို့ သုတေသနအသစ်မှာ ယူဆလာပါတယ်။

▪️ ကယ်လိုရီမတက်စေဘဲ အချိုဓာတ်ရရှိအောင် အသုံးပြုကြတဲ့ သကြားအစားထိုးအမှုန့်တွေက ကိုယ်အလေးချိန် ထိန်းသိမ်းဖို့အတွက် ထိရောက်မှုရှိလားဆိုတာကို မေးခွန်းထုတ်လာကြပါတယ်။

▪️ အမေရိကန်နှလုံးအဖွဲ့အစည်း အကြံပြုချက်အရ အမျိုးသားတွေအနေနဲ့ တစ်နေ့ကို သကြား လက်ဖက်ရည်ဇွန်း ၉ ဇွန်းထက်မပိုအောင်၊ အမျိုးသမီးတွေ ၆ ဇွန်းထက်မပိုအောင် စားသုံးသင့်ပါတယ်။

▪️ ဒီထက်ပိုများရင်တော့ ကယ်လိုရီများလာပြီး ကိုယ်အလေးချိန် တက်စေနိုင်ပါတယ်။

▪️ ဆိုဒါတွေ၊ မုန့်ဖုတ်ပစ္စည်းတွေ၊ ပီကေတို့မှာပါဝင်တဲ့ ဆူခရယ်လို့စ်ဟာ သကြားထက် အဆ ၆၀၀ လောက်ပိုချိုပါတယ်။

▪️ ဆောက်သမ်းကယ်လီဖိုးနီးယားတက္ကသိုလ်မှ သုတေသီများက စမ်းသပ်ခံ ၇၅ ဦးကို ဆူခရယ်လို့စ်ပါဝင်တဲ့ အချိုရည်နဲ့ သကြားပါဝင်တဲ့ အချိုရည်တို့ကို မတူညီတဲ့အချိန်တွေမှာ သောက်သုံးခိုင်းပြီး လေ့လာခဲ့ကြပါတယ်။

▪️ တစ်ခါသောက်ပြီးတိုင်းနဲ့ မသောက်ခင်တို့မှာ သူတို့ရဲ့ ဦးနှောက်လှုပ်ရှားပုံ၊ သွေးပမာဏ၊ ဆာလောင်စိတ်တို့ကို အနီးကပ်စောင့်ကြည့်ခဲ့ပါတယ်။

▪️ ဆူခရယ်လို့စ်သောက်တဲ့အခါမှာ ဦးနှောက်ထဲက ဆာလောင်စိတ်ကို ထိန်းချုပ်ပေးတဲ့ ဟစ်ပိုသဲလမတ်စ်ဆိုတဲ့ အစိတ်အပိုင်းကို လှုံ့ဆော်ပေးပြီး အဝလွန်သူတွေမှာ ဆာလောင်မှုကို မြင့်မားစေပါတယ်။

▪️ ရေရှည်မှာ ဆာလောင်မှုနဲ့ စားသုံးမှုပုံစံတွေ ပြောင်းလဲလာနိုင်တယ်လို့ USC သုတေသနမှ ညွှန်ကြားရေးမှူး ဒေါက်တာ ကက်သ်လင်းအယ်လန်နာပေ့ဂျ်က ရှင်းပြပါတယ်။

▪️ အမျိုးသမီးစမ်းသပ်ခံတွေမှာ အမျိုးသားတွေထက် ဦးနှောက်လှုပ်ရှားမှုပုံစံ ပိုမိုပြောင်းလဲတာကိုလည်း တွေ့ခဲ့ကြပါတယ်။

▪️ သကြားပိုမိုစားသုံးမိခြင်းက ကျန်းမာရေးအန္တရာယ်ရှိသလို သကြားအစားထိုးပစ္စည်းတွေကလည်း ဆိုးကျိုးတွေရှိနေပါတယ်။

▪️ လေ့လာချက်များအရ ဆူခရယ်လို့စ်ဟာ အူလမ်းကြောင်း ကျန်းမာရေး၊ ဒီအင်န်အေ၊ အသည်းအဆိပ်စွန့်ထုတ်ဖြစ်စဉ်တို့ကို ထိခိုက်စေတဲ့အပြင် ဆီးချိုဖြစ်နိုင်ခြေကိုပါ မြင့်မားစေနိုင်တယ်လို့ တွေ့ရှိထားပါတယ်။

#Source: New York Post

#World_Health
Published 20 April 2025

▪️ အမျိုးသမီးများ ဓမ္မတာလာချိန်မှာ လိင်မှုကိစ္စပြုလုပ်တာနဲ့ ပတ်သက်ပြီး ဘေးကင်းစိတ်ချရမှုရှိမရှိ အမြင်အမျိုးမျိုး ဖြစ်နေကြပါတယ်။

▪️ WHOနဲ့ အမေရိကန်သားဖွားမီးယပ်ကောလိပ်တို့မှ ပညာရှင်များကတော့ ဓမ္မတာအချိန်အတွင်း ဆက်ဆံခြင်းဟာ နှစ်ဦးစလုံးမှ သန့်ရှင်းမှုသတိရှိရင် ဘေးကင်းတယ်လို့ ဆိုထားပါတယ်။

▪️ ယခုအကြောင်းအရာမှာတော့ ဓမ္မတာအချိန်အတွင်း လိင်မှုကိစ္စပြုလုပ်ခြင်းရဲ့ အကျိုးကျေးဇူးတွေနဲ့ အန္တရာယ်များကို ဖော်ပြသွားပါမယ်။

▪️ (၁) သဘာဝအတိုင်း နာကျင်မှုသက်သာခြင်း - လိင်မှုကိစ္စပြုလုပ်စဉ် အင်ဒေါ်ဖင်ဟော်မုန်းထွက်တာကြောင့် နာကျင်မှုတွေကို သဘာဝအတိုင်း သက်သာစေပါတယ်။

▪️ (၂) ဓမ္မတာကြောင့်နေမထိုင်သာဖြစ်ခြင်းကို လျော့ကျခြင်း - ဓမ္မတာလာချိန်ကို တိုတောင်းစေပြီး လိင်ခံစားမှု အထွတ်အထိပ်ရောက်ချိန်မှာ သားအိမ်အကျုံ့အဆန့်ပြုလုပ်သဖြင့် သွေးမြန်မြန်စွန့်ထုတ်ပေးပါတယ်။

▪️ (၃) ရင်းနှီးမှုတိုးစေခြင်း - လက်တွဲဖော်ကြား ယုံကြည်မှုဖွင့်ပေးတာကြောင့် ရင်းနှီးချစ်ကြည်မှု မြှင့်တင်ပေးနိုင်ပါတယ်။

▪️ (၄) သဘာဝအတိုင်းချောမွေ့စေခြင်း - ဓမ္မတာသွေးတွေက သဘာဝအတိုင်း ချောစေကာ ဆက်ဆံရတာ ပိုပြီးသက်တောင့်သက်သာ ရှိစေပါတယ်။

▪️ (၅) ရောဂါဝင်ရောက်နိုင်ခြင်း - ထိုအချိန်မှာ လိင်မှုကိစ္စပြုခြင်းက လိင်ကြောင့်ဖြစ်တဲ့ ကူးစက်ရောဂါများ ဝင်ရောက်နိုင်ခြေများပါတယ်။

▪️ (၆) ကိုယ်ဝန်ရနိုင်ခြေရှိခြင်း - ဓမ္မတာစက်ဝန်းတိုတောင်းသူတွေမှာ သုတ်ပိုးတွေက မျိုးပွားလမ်းကြောင်းထဲမှာ ကြာရှည်ရှင်သန်နိုင်ပါတယ်။

▪️ (၇) တစ်ကိုယ်ရည်သန့်ရှင်းမှု - ဓမ္မတာသွေးက ဘေးမဖြစ်ပေမယ့် တစ်ကိုယ်ရည်သန့်ရှင်းမှု မကောင်းရင် ရောဂါပိုးဝင်နိုင်ခြေရှိပါတယ်။

▪️ (၈) မအီမသာဖြစ်မှုထိန်းသိမ်းပေးခြင်း - ဓမ္မတာလာချိန် နေရထိုင်ရခက်တဲ့အခါ လိင်မှုပြုခြင်းက နေလို့ထိုင်လို့ သက်သာစေပါတယ်။

#Source: DoctorNDTV

ယခုသီတင်းပတ်အတွင်း ကမ္ဘောဒီးယားမှာ ခမာနှစ်သစ်ကူး ပျော်ရွှင်စွာကျင်းပနေကြပြီး မိသားစုများ ပြန်လည်ပေါင်းစည်းကြကာ ဘုရားကျောင်းအခမ်းအနားများ၊ နှစ်ဟောင်းမှ ကံအညံ့များဆေးကြောပေးတဲ့ ရေဆော့ကစားခြင်းများ ပြုလုပ်ကြပါတယ်။
#Asia_Event
Published 19 Apirl 2025
#ခမာနှစ်သစ်ကူးပွဲတော် #ကမ္ဘောဒီးယား
#YMG #Yangon_Times #Yangon_Media_Group

#Daily_News

Published 19 Apirl 2025

၁။ ငလျင်ကြောင့် အာမခံလျော်ကြေး ကျပ်ဘီလီယံ ၈၀ ခန့်ပေးလျော်ရန်ရှိ

၂။ စက်သုံးဆီလုပ်ငန်းရှင်များအတွက် ဒေါ်လာ ၅၅ သန်း ရောင်းချပေးမည်

၃။ ဒေသအချို့၌ မိုးကြီးပြီးလေပြင်းတိုက်နိုင်

၄။ ခမာနှစ်သစ်ကူးပွဲတော်များ ကမ္ဘောဒီးယား၌သုံးရက်တာကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မြန်မာနိုင်ငံမှာ ငလျင်ဘေးသင့်အပြီး လူဦးရေ ၄ ဒသမ ၃ သန်းကျော်ဟာ သန့်ရှင်းတဲ့ရေနဲ့ သန့်ရှင်းရေးအကူအညီတွေ အရေးပေါ်လိုအပ်လာတယ်လို့ကုလသမဂ္ဂလူသားချင်းစာနာမှုဆိုင်ရာ ညှိနှိုင်းရေးရုံးကထုတ်ပြန်တဲ့ အစီရင်ခံစာမှာ ဖော်ပြထားပါတယ်။
#Local_News
Published 19 Apirl 2025
#ရေနှင့်သန့်ရှင်းရေးအကူအညီ #ကုလသမဂ္ဂလူသားချင်းစာနာမှုဆိုင်ရာညှိနှိုင်းရေးရုံး
#YMG/SW #Yangon_Times

"ဒေသအချို့၌ မိုးကြီးပြီးလေပြင်းတိုက်နိုင်" မန္တလေး တိုင်းအပါအဝင် ပြည်နယ်နဲ့တိုင်းအချို့မှာ အခုတစ်ပတ်အတွင်း မိုးကြီးပြီးလေပြင်းတိုက်နိုင်တယ်လို့ ပြင်ပမိုးလေဝသပညာရှင် ဦးဝင်းနိုင်ကခန့်မှန်းထားပါတယ်။
#Local_News
Published 19 Apirl 2025
#မိုးကြီးပြီးလေပြင်းတိုက်နိုင် #ပြင်ပမိုးလေဝသပညာရှင်ဦးဝင်းနိုင်
#YMG/NN #Yangon_Times

မြန်မာနိုင်ငံတော်ဗဟိုဘဏ်က စက်သုံးဆီလုပ်ငန်းရှင်တွေအတွက် အမေရိကန်ဒေါ်လာ ၅၅ သန်း ကိုရောင်းချပေးသွားမယ်လို့ ဧပြီလ ၁၆ ရက်က ထုတ်ပြန်ကြေညာထားပါတယ်။
#Local_News
Published 19 Apirl 2025
#စက်သုံးဆီလုပ်ငန်းရှင် #မြန်မာနိုင်ငံတော်ဗဟိုဘဏ်
#YMG/SW #Yangon_Times

မတ်လ၂၈ရက်က လှုပ်ခတ်ခဲ့တဲ့ မန္တလေးငလျင်ကြီးကြောင့် ပျက်စီးဆုံးရှုံးခဲ့မှုတွေအတွက် အာမခံလျော်ကြေးကျပ် ဘီလီယံ ၈၀ ခန့်ပေးလျော်ရန်ရှိတယ်လို့ မြန်မာ့အာမခံလုပ်ငန်းမှ သိရပါတယ်။
#Local_News
Published 19 Apirl 2025
#မန္တလေးငလျင် #ကျပ်ဘီလီယံ၈၀ခန့်ပေးလျော်ရန်ရှိ
#YMG/SW #Yangon_Times