#World_Health
Published 25 February 2025

▪️ အပင်အခြေပြု စားစရာတွေက ကျန်းမာခြင်းနဲ့ အသက်ရှည်ခြင်းတို့ကို မြှင့်တင်ပေးနိုင်မယ်လို့ ဒေါက်တာ လူဂျီဖွန်တာနာက အကြံပြုထားပါတယ်။

▪️ အသက်ရှည်ကျန်းမာအောင် နေထိုင်ခြင်းက ခန္ဓာကိုယ်ကို သင့်လျော်တဲ့ အာဟာရဓာတ်များဖြင့် ဖြည့်တင်းပေးပြီး ဆဲလ်ပြုပြင်ခြင်းနဲ့ အူလမ်းကြောင်းကျန်းမာရေးကို လှုံ့ဆော်ပေးတယ်လို့ ဆစ်ဒနီတက္ကသိုလ်မှ ဖွန်တာနာက ဆိုပါတယ်။

▪️ အပင်အခြေပြုအစာများကို တစ်ပတ် ၂ ကြိမ်ကနေ စတင်စားသုံးကြည့်ပြီး ၅ ကြိမ်အထိ တိုးမြှင့်သွားနိုင်တယ်လို့ အကြံပြုထားပါတယ်။

▪️ မှန်ကန်သင့်လျော်စွာ ရွေးချယ်စားသုံးပါက အိုမင်းရင့်ရော်ခြင်းနဲ့ ရောင်ရမ်းမှုကို နှောင့်နှေးစေပြီး ဇီဝကမ္မဖြစ်စဉ်တွေ အားကောင်းစေကြောင်း၊ အပင်အခြေပြု စားစရာများ မလုံလောက်ပါက အူလမ်းကြောင်း အကျိုးပြုဘက်တီးရီးယားများ သေဆုံးစေပြီး ကိုယ်ခံအားစနစ် အားနည်းလာနိုင်ပါတယ်။

▪️ ဘက်စုံအာဟာရရှိတဲ့ စားစရာတွေထဲမှာ အသားဆိုတာထက် များစွာပတ်သက်နေပြီး လူတွေက အသားမစားဘဲနေပေမယ့် အဆင့်ဆင့်ထုတ်လုပ်ထားတဲ့ စားစရာတွေ ဆက်စားနေတာကြောင့် လေဖြတ်ခြင်း၊ ဒီမန်ရှာ၊ အရွယ်မတိုင်ခင် သေဆုံးခြင်းတို့ ဖြစ်နိုင်ခြေများလာတယ်လို့ ပြောပါတယ်။

▪️ လေ့လာချက်တစ်ခုမှာဆိုရင် အပင်အခြေပြု အဆင့်ဆင့်ထုတ်လုပ်ထားတဲ့ စားစရာများကနေ ကယ်လိုရီ ၁၀ ရာခိုင်နှုန်း ပိုစားမိတိုင်းမှာ နှလုံးသွေးကြောပြဿနာတွေကြောင့် သေဆုံးနိုင်ခြေ ၁၂ ရာခိုင်နှုန်းနဲ့ နှလုံးရောဂါ ဖြစ်နိုင်ခြေ ၅ ရာခိုင်နှုန်း ပိုများလာတယ်လို့ တွေ့ရှိထားပါတယ်။

▪️ ရိုးရိုးရှင်းရှင်း အပင်အခြေပြုစားစရာများသာ အဓိကစားသုံးသူတွေကတော့ နှလုံးသွေးကြောရောဂါနဲ့ အသက်သေဆုံးနိုင်ခြေ လျော့ကျတာ တွေ့ခဲ့ကြပါတယ်။

▪️ အပင်အခြေပြုပြီး အမျှင်ဓာတ်ကြွယ်ဝတဲ့ စားစရာတွေထဲမှာ အဓိကအမျိုးအစား ၆ ခုက ဆန်ညို၊ ဂျုံ၊ မုယောစပါး၊ ပဲတောင့်၊ ကုလားပဲ၊ ပဲနီလေးတို့ ဖြစ်ပါတယ်။

▪️ ဒါတွေစားသုံးခြင်းဖြင့် ဆီးချို၊ နှလုံးရောဂါတို့ ဖြစ်နိုင်ခြေ လျော့နည်းစေတဲ့အပြင် အမျှင်ဓာတ်၊ ပရိုတိန်း၊ ဓာတ်တိုးဆန့်ကျင်ပစ္စည်းများ ထောက်ပံ့ပေးနိုင်တာကြောင့် နှလုံး၊ အစာခြေစနစ်နဲ့ အရိုးကျန်းမာရေးတို့ကို ကူညီပေးပါတယ်။

▪️ ဒါ့အပြင် အခွံမာသီးများ၊ အစေ့အဆံများ၊ သံလွင်ဆီလိုမျိုး ကျန်းမာရေးနဲ့ ညီညွတ်တဲ့အဆီများ၊ အသီးအနှံများ၊ ဟင်းရွက်များကိုလည်း စားသုံးခြင်းဖြင့် ဘက်စုံကျန်းမာရေးကို ထောက်ကူပေးမှာ ဖြစ်ပါတယ်။

#Source: New York Post

တရုတ်နိုင်ငံထုတ် Animationဇာတ်ကား "Ne Zha 2"ဟာ အမေရိကန်ရုပ်ရှင်ရုံတွေမှာ ပထမအပတ် စတင်ပြသနေပြီး အမေရိကန်ဈေးကွက်မှာ ပရိသတ်အားပေးမှု ထင်ထင်ရှားရှား ရရှိလာပါတယ်။
#World_Entertainment
Published 24 February 2025
#'Ne_Zha 2' #ပရိသတ်အားပေးမှုထင်ထင်ရှားရှားရှိလာ
#YMG #Yangon_Times #Yangon_Media_Group

#Daily_News

Published  24 February 2025

၁။ စားအုန်းဆီရည်ညွှန်းဈေးနှုန်း ဆက်တိုက်ကျသော်လည်း ပြင်ပပေါက်ဈေးကျဆင်းခြင်းမရှိ

၂။ နှစ်နိုင်ငံခရီးသွားလုပ်ငန်းမြှင့်တင်ရေး မဲခေါင်-ဂင်္ဂါအစားအစာယဉ်‌ကျေးမှုပွဲတော်ကျင်းပ

၃။ ပြည်ပလွှဲပို့ငွေ ၅ ရာခိုင်နှုန်းဖြင့် EV ယာဥ်များ တင်သွင်းခွင့်ပြုမည်

၄။ တရုတ်ပြည်ထုတ်'Ne Zha 2'ဇာတ်ကား အမေရိကန်၌ အားပေးမှုအမြောက်အများရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရန်ကုန်-တောင်ငူ-မန္တလေးလမ်းပိုင်းမှာ ရန်ကုန်-နေပြည်တော် ခရီးစဉ်ကို  ဂျပန်နိုင်ငံထုတ် DEMU အထူးအမြန်ရထားနဲ့ပြေးဆွဲသွားမယ်လို့ မြန်မာ့မီးရ
ထားက သိရပါတယ်။
#Local_News
Published  24 February 2025
#DEMUတွဲဆိုင်းသစ် #အထူးအမြန်ရထားပြေးဆွဲ
#YMG/NN #Yangon_Times

ပြည်ပလွှဲပို့ငွေ ၅ ရာခိုင်နှုန်းနဲ့ EV ကားနဲ့ ဆိုင်ကယ်စတဲ့ ယာဉ်တွေကိုတင်သွင်းခွင့်ပြုမယ်လို့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနက သိရပါတယ်။
#Local_News
Published  24 February 2025
#EVယာဥ်များတင်သွင်းခွင့်ပြု #ပြည်ပလွှဲပို့ငွေ
#YMG/NN #Yangon_Times

မြန်မာ-အိန္ဒိယ နှစ်နိုင်ငံအကြား ယဉ်ကျေးမှုဆိုင်ရာ ထိတွေ့ဆောင်ရွက်မှုနဲ့အတွေ့အကြုံဖလှယ်မှု‌တွေကတစ်ဆင့် နှစ်နိုင်ငံချစ်ကြည်ရင်းနှီးမှုနဲ့ ခရီးသွားလုပ်ငန်းမြှင့်တင်နိုင်ရေးကို မြှင့်တင်သွားနိုင်ဖို့ရည်ရွယ်ပြီး  မဲခေါင်-ဂင်္ဂါအစားအစာယဉ်‌ကျေးမှုပွဲတော်ကို ယမန်နေ့က ရန်ကုန်မြို့၊ သိမ်ဖြူလမ်းရှိ ဝန်ကြီးများရုံးမှာ ကျင်းပခဲ့ပါတယ်။
#Local_News
Published  24 February 2025
#မဲခေါင်-ဂင်္ဂါအစားအစာယဉ်‌ကျေးမှု #နှစ်နိုင်ငံခရီးသွားလုပ်ငန်းမြှင့်တင်ရေး
#YMG/SW #Yangon_Times

အပတ်စဉ်ထုတ်ပြန်ပေးနေတဲ့စားအုန်းဆီ အခြေခံလက်ကားရည်ညွှန်းဈေးနှုန်းတွေ ဆက်တိုက်ကျဆင်းနေပေမယ့် ပြင်ပမှာလက်လီ‌ရောင်းချ‌ေနတဲ့ ဈေးနှုန်းကျဆင်းမှုမရှိဘူးလို့ ဈေးကွက်အတွင်းကနေ စုံစမ်းသိရှိရပါတယ်။
#Local_News
Published  24 February 2025
#စားအုန်းဆီရည်ညွှန်းဈေးကျ #ပြင်ပပေါက်ဈေးကျဆင်းခြင်းမရှိ
#YMG/SW #Yangon_Times

#Local_News
Published  24 February 2025

▪️ အာဆီယံအမွေအနှစ် ဥယျာဉ်အဖြစ် သတ်မှတ်ခြင်းခံထားရသည့် "ထမံသီ တောရိုင်းတိရစ္ဆာန်ဘေးမဲ့တော"အတွင်း ရှားပါးမျိုးစိတ်ဝင် ဘင်္ဂလားကျားနှင့် ဝက်ဝံမျိုးစိတ်များ ရှင်သန်ကျက်စားနေကြောင်း ထမံသီတောရိုင်းတိရစ္ဆာန် ဘေးမဲ့တောအုပ်ချုပ်ရေးမှူးရုံးမှ သိရသည်။

▪️ အဆိုပါ ထမံသီတောရိုင်းတိရစ္ဆာန်ဘေးမဲ့တောသည်စစ်ကိုင်းတိုင်းတိုင်းဒေသကြီး ခန္တီးခရိုင် ခန္တီးမြို့နယ်နှင့် ဟုမ္မလင်းမြို့နယ်အတွင်း တည်ရှိပြီး  တိရစ္ဆာန်မျိုးစိတ်များ ရှင်သန်ကျက်စားမှုကို လေ့လာသိရှိနိုင်ရန် နှစ်စဉ်ကင်မရာထောင်ချောက်များ တပ်ဆင်၍ မှတ်တမ်းယူလေ့ရှိကြောင်း သိရသည်။

▪️ ထိုသို့ မှတ်တမ်းယူရာ  ၂၀၂၄ ခုနှစ် ဒီဇင်ဘာလ ဒုတိယအပတ်က ကင်မရာထောင်ချောက်များ တပ်ဆင်ခဲ့ပြီး ၂၀၂၅ ခုနှစ် ဖေဖော်ဝါရီလ ဒုတိယပတ်တွင် ကင်မရာများ ဖြုတ်သိမ်းခဲ့ကာ တောရိုင်းတိရစ္ဆာန်ကောင်ရေနှင့် အမျိုးအစားအလိုက် ရှင်သန်ကျက်စားမှုကို ဆက်လက်စစ်ဆေးမှတ်တမ်းတင်ခဲ့ကြောင်း၊ ယခုနှစ်တပ်ဆင်ထားသည့် ကင်မရာထောင်ချောက်များမှတစ်ဆင့် ရှားပါးမျိုးစိတ်ဝင်ဘင်္ဂလားကျားနှင့် ဝက်ဝံမျိုးစိတ်ရှင်သန်ကျက်စားမှုကို ဆက်လက်တွေ့ရှိရကြောင်း သိရသည်။

▪️ “ဒီနှစ်မှာလည်း နန်ရန်းရင်တစ်ဝိုက်မှာ တစ်ပွိုင့်ကို နှစ်လုံး၊ တစ်ယူနစ်ကို ကင်မရာ ၁၂ လုံးနဲ့ ကင်မရာထောင်ချောက် ၂၄ လုံး တပ်ဆင်ခဲ့ပါတယ်။ ရရှိထားတဲ့ပုံတွေကို ပြန်စစ်တဲ့အခါမှာ အရင်နှစ်ကလို ကျားနဲ့ဝက်ဝံတွေ ရှင်သန်ကျက်စားမှုကို တွေ့ခဲ့ရပါတယ်။ ကင်မရာတစ်လုံးကို ပုံထောင်ကျော်ရရှိတဲ့အတွက် စစ်ဆေးမှုအားလုံးတော့ မပြီးသေးပါဘူး။ ထမံသီဘေးမဲ့တောကြီး ရေရှည်တည်တံ့ဖို့အတွက် ဒေသခံတွေအပါအဝင် အားလုံးဝိုင်းဝန်းထိန်းသိမ်းစောင့်ရှောက်မှသာ အောင်မြင်မှုရရှိမှာပါ”ဟု ထမံသီတောရိုင်းတိရစ္ဆာန်ဘေးမဲ့တော အုပ်ချုပ်ရေးမှူး ဦးဝင်းလှိုင်က ပြောသည်။ 
 
▪️ အဆိုပါ  ထမံသီတောရိုင်းတိရစ္ဆာန်ဘေးမဲ့တောကို ၁၉၇၄ ခုနှစ် မေလတွင် ဘေးမဲ့တောအဖြစ် သတ်မှတ်ခဲ့ပြီး ၁၉၉၄ ခုနှစ် စက်တင်ဘာ ၁ ရက်တွင် ဟုမ္မလင်းမြို့၌ အုပ်ချုပ်ရေးမှူးရုံးဖွင့်လှစ်၍ ဘေးမဲ့တောထိန်းသိမ်းရေးလုပ်ငန်းများကို ဆောင်ရွက်လျက်ရှိကာ ၂၀၁၉ ခုနှစ် အောက်တိုဘာ ၈ ရက်တွင် အာဆီယံအမွေအနှစ် ဥယျာဉ်အဖြစ် အတည်ပြုသတ်မှတ်ခြင်းခံခဲ့ရသည်။

▪️ ထို့အပြင် ထမံသီတောရိုင်း တိရစ္ဆာန်ဘေးမဲ့တောသည် အမြဲစိမ်းတောနှင့်အထက် ရွက်ပြတ်ရောနှောတောစိုအဖြစ်တည်ရှိပြီး ရှားပါးတောရိုင်းတိရစ္ဆာန်များ၊ ငှက်မျိုးစိတ်များ၊ အပင်မျိုးစိတ်များစွာတည်ရှိနေကြောင်း သိရသည်။

▪️ ၎င်းအပြင်  မြန်မာနိုင်ငံတွင်သာတွေ့ရှိရသော မြန်မာ့တိုက်လိပ်အပါအဝင် နို့တိုက်သတ္တဝါ ၅၇ မျိုး၊ ငှက်မျိုးစိတ် ၃၃၂ မျိုး၊ ငါးမျိုးစိတ် ၆၇ မျိုး၊ ကုန်းနေရေနေနှင့် တွားသွားသတ္တဝါ ၇၇ မျိုး၊ အပင်မျိုးစိတ် ၄၃၂ မျိုး၊ ဆေးဖက်ဝင်အပင် ၁၉ မျိုး၊ ဝါး ၁၄ မျိုး၊ ကြိမ် ၈ မျိုး၊ ရေနေပင် ၂၃ မျိုး၊ မြက် ၁၈ မျိုးနှင့် သစ်ခွ ၁၆ မျိုးတို့ ရှင်သန်လျက်ရှိကြောင်း သိရသည်။

#YMG/NN #Yangon_Times

#Local_News
Published 24 February 2025

▪️ ရန်ကုန်တွင်ရောက်ရှိနေသည့် ယာယီနေရပ်စွန့်ခွာအိမ်ထောင်စုများကို ငွေကျပ် သန်း၉၀၀ကျော် ပေးအပ်သွားမည်ဖြစ်ကြောင်း သိရသည်။

▪️ ရန်ကုန်တိုင်းဒေသကြီးအတွင်းရှိ မြို့နယ်အသီးသီးတွင် ၅-၂-၂၀၂၅ ရက်နေ့အထိ ကောက်ခံရရှိသောစာရင်းများအရ ယာယီနေရပ်စွန့်ခွာ၍ လာရောက်နေထိုင်သူ အိမ်ထောင်စု (၁၄၅၂၉)စုနှင့် လူဦးရေ(၄၆၃၅၁)ဦးတို့အား ဇန်နဝါရီလအတွက် တစ်ဦးလျှင် ငွေကျပ်(၂၀၀၀၀)နှုန်းဖြင့် ငွေကျပ် (၉၂၇ဒသမ၀၂) သန်းအား ပေးအပ်သွားမည်ဖြစ်ပါကြောင်း သိရသည်။

▪️ ယာယီနေရပ်စွန့်ခွာ၍ ရန်ကုန်တိုင်းဒေသကြီးရှိ၊ သင်္ဃန်းကျွန်းမြို့နယ်တွင် ရောက်ရှိနေသည့် ပြည်သူများအား အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေမှ တစ်ဦးလျှင် ငွေကျပ်(၂၀၀၀၀)နှုန်းစီ ပေးအပ်ခြင်းအခမ်းအနားကို ဖေဖော်ဝါရီလ၂၃ရက်က ပြုလုပ်ခဲ့ခြင်းဖြစ်ပြီး ကျန်ရှိသည့် ယာယီ‌နေရပ်စွန့်ခွာလာသူများကိုလည်း ဆက်လက်ပေးအပ်သွားမည်ဖြစ်‌ကြောင်း သိရသည်။

▪️ ယာယီနေရပ်စွန့်ခွာပြည်သူများအတွက် လူ(၁)ဦးလျှင် တစ်လ ငွေကျပ်(၂ဝဝဝဝိ/-)နှုန်းဖြင့် အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေမှ ပေးအပ်သွားမည်ဖြစ်ပါကြောင်း၊ ပထမအကြိမ်အနေဖြင့် ၂၀၂၅ခုနှစ်၊ ဇန်နဝါရီလ (၁)လစာအား ဖေဖော်ဝါရီလတွင်လည်းကောင်း၊ ဒုတိယအကြိမ်အဖြစ် ဖေဖော်ဝါရီလနှင့်မတ်လ (၂)လစာအား ဧပြီလတွင်လည်းကောင်း၊ တတိယအကြိမ်အဖြစ် ဧပြီလ၊ မေလနှင့် ဇွန်လ (၃)လစာအား ဇူလိုင်လတွင်လည်းကောင်း၊ စတုတ္ထအကြိမ်အဖြစ် ဇူလိုင်လ၊ ဩဂုတ်လနှင့် စက်တင်ဘာလ (၃)လစာအား အောက်တိုဘာလတွင်လည်းကောင်း၊ ပဉ္စမအကြိမ် ၂၀၂၅ခုနှစ်၊ အောက်တိုဘာလ၊ နိုဝင်ဘာလနှင့် ဒီဇင်ဘာလ(၃)လစာအား ၂၀၂၆ ခုနှစ်၊ ဇန်နဝါရီလတွင်လည်းကောင်း ပေးအပ်သွားမည်ဖြစ်ပြီး ပေးအပ်မှုများကို အမှန်တကယ်ယာယီနေရပ်စွန့်ခွာသူများ လက်ဝယ်အရောက် မှန်ကန်မြန်ဆန်စွာရောက်ရှိစေရေးနှင့် တိုင်းဒေသကြီးအတွင်း ယာယီနေရပ်စွန့်ခွာ ရောက်ရှိလာသူများအနေဖြင့် စာရင်းမှန်ကန်မှုရှိစေရေး လက်ရှိနေရပ်မှပြန်လည်ထွက်ခွာမည်ဆိုပါက သက်ဆိုင်ရာအုပ်ချုပ်ရေးမှူးများထံ သတင်းပို့ကြရန်လိုကြောင်း သိရသည်။

#YMG/SW #Yangon_Times

#Local_News
Published  24 February 2025

▪️ ရန်ကုန်မြို့ရှိ မြို့နယ်အချို့၌ ယနေ့မနက်ပိုင်းမှစတင်ပြီး အချိန်အခါမဟုတ် မိုးရွာသွန်းနေကြောင်း ဒေသခံများထံမှ သိရသည်။

▪️ "မနက်က ၁၀နာရီကျော်လောက်မှာ မိုးဖွဲလို့ တစ်ခါရွာတယ်၊ အခု ၁၂ နာရီ ‌၄၅ လောက်မှာတစ်ခါ ထပ်ရွာတယ်၊ ဒီတခါတော့ မနက်ကထက် နည်းနည်းများတယ်၊ မိုးလည်းအုံ့မှိုင်းနေတာပဲ" ဟု ရွှေပြည်သာမြို့နယ်တွင် နေထိုင်သူတစ်ဦးကပြောသည်။

▪️ အဆိုပါကဲ့သို့ အချိန်အခါမဟုတ် မိုးရွာသွန်းနိုင်ကြောင်းကို မိုးလေဝသနှင့်ဇလ ဗေဒညွှန်ကြားမှုဦးစီးဌာနအပြင် ပြင်ပမိုးလေဝသစောင့်ကြည့်လေ့လာသူ ပညာရှင်များကလည်း ယခုရက်ပိုင်းအတွင်း သတိပေးထားသည်။

▪️ ထိုသို့ အသိပေးရာတွင်ဖေဖော်ဝါရီလ ၂၄ရက်နေ့မှ ၂၇ ရက်နေ့အတွင်း
ဒေါ်ငြိမ်းရွာ ၊ကြက်ဖမွေးစောင်း၊ စက်ဆန်း၊ ဘိုကလေး၊ ဖျာပုံ၊ ကျိုက်ပိမြို့ ၊ရွှေတောင်မှော်၊ မအူပင်၊ ဒေးဒရဲ၊ ကျိုက်လတ်၊ တွံတေး ၊ကော့မှူး၊ ကွမ်းခြံကုန်း၊ ဝါးဘလောက်သောက် ၊ ဆိပ်ကြီး ခနောင်တို၊ ဒလ ၊ထန်းတပင်၊ ဝါးတစ်ရာ၊ ရွှေပြည်သာ၊ အင်းစိန် ၊လှိုင်သာယာ၊ ရန်ကုန် ၊သံလျင် ၊သီလဝါ၊ တံတားမြို့၊ ကဒ္ဒပန၊ သုံးခွ ၊ခရမ်း ၊ပိန်းကန်း၊ သက္ကလ အုန်းနှဲ၊ ဒါးပိန်၊ ကဝ၊ သနပ်ပင်၊ ပဲခူး၊ ကြီးလေးကြီး၊ အင်းတကော်၊ လှည်းကူး ၊ဖောင်ကြီး၊ အင်းတိုင်၊ ထောက်ကြံ၊ မှော်ဘီ၊ တိုက်ကြီး၊ ဒေသများမှ မိုးရွာ သွန်းနိုင်သည့် အတွက် သီးနှံစိုက်ပျိုးသူများအားဖျက်မိုးသတိပြုစေလို‌ ကြောင်း  ပြင်ပမိုးလေဝသပညာရှင်စုစုစံက အသိပေးထားသည်။

▪️ ထို့အပြင် မိုးလေဝသနှင့်ဇလ ဗေဒညွှန်ကြားမှုဦးစီးဌာနမှလည်း ယနေ့ညနေအထိခန့်မှန်းချက်အရတနင်္သာရီတိုင်းဒေသကြီးတွင် နေရာအနှံ့အပြား၊ ကရင်ပြည်နယ်၊ မွန်ပြည်နယ်နှင့် ရှမ်းပြည်နယ်(အရှေ့ပိုင်း)တို့တွင် နေရာစိပ်စိပ်၊ ဧရာဝတီတိုင်းဒေသကြီးနှင့် ကချင်ပြည်နယ်တို့တွင် နေရာ ကျဲကျဲနှင့် နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ကယား ပြည်နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်(မြောက်ပိုင်းနှင့် တောင်ပိုင်း)တို့တွင် နေရာကွက်ကျား မိုးထစ်ချုန်းရွာနိုင်ပြီးရွာရန်ရာနှုန်း ၈၀ ဖြစ်ကြောင်း၊ မန္တလေးတိုင်းဒေသကြီး၊ မကွေးတိုင်းဒေသကြီးနှင့် စစ်ကိုင်းတိုင်းဒေသကြီးအောက်ပိုင်းတို့တွင်မူ  တိမ်အသင့်အတင့် ဖြစ်ထွန်းနိုင်‌ကြောင်း ယနေ့မနက်ပိုင်းက ထုတ်ပြန်ထားသည်။

▪️ မိုးတိမ်တောင်ဖြစ်ပေါ်မှုအခြေအနေများမှာမူ  တနင်္သာရီတိုင်းဒေသကြီးတွင် မိုးတိမ်တောင်များ ဖြစ်ထွန်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာနေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်း ခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုထားကြောင်း သိရသည်။

#YMG/NN #Yangon_Times

#World_News
Published 24 February 2025

▪️ ဒေါ်နယ်ထရမ့် အစိုးရအုပ်ချုပ်ရေးအဖွဲ့က နိုင်ငံတကာဖွံ့ဖြိုးရေး အမေရိကန်အေဂျင်စီ(USAID)မှ အချိန်ပြည့်ဝန်ထမ်း ၄,၇၀၀ ထဲမှ အားလုံးနီးပါးကို တနင်္ဂနွေ ညလယ်အချိန်မှာ လစာပေး အလုပ်နားခွင့်ပေးလိုက်ပြီး တဆက်တည်းမှာပဲ အလုပ်နေရာပေါင်း ၁,၆၀၀ ကိုလည်း ဝန်ထမ်းအင်အား လျှော့ချခြင်း အစိတ်အပိုင်းအနေဖြင့် အဆုံးသတ်သွားမယ်လို့ USAIDဝက်ဘ်ဆိုက်မှာ ဖော်ပြထားပါတယ်။

▪️ ရုပ်သိမ်းသွားမယ့် အလုပ်နေရာတွေက အမေရိကန်အခြေစိုက်တွေ ဖြစ်လိမ့်မယ်လို့ ဖော်ပြထားပါတယ်။

▪️ နိုင်ငံရပ်ခြားမှာ အခြေချနေတဲ့ အချိန်ပြည့်ဝန်ထမ်းတွေအတွက်လည်း အမေရိကန်သို့ ဆန္ဒအလျောက်ပြန်လာဖို့ ပရိုဂရမ်လည်း ပြုလုပ်သွားမယ်လို့ ဆိုပါတယ်။

▪️ ဝန်ထမ်းတွေအနေနဲ့ နောက်ထပ်ညွှန်ကြားချက်များ စောင့်ကြည့်နိုင်ဖို့ အီးမေးလ်အသုံးပြုခွင့် ဆက်လက်ရရှိမှာ ဖြစ်ပေမယ့် ခွင့်ပြုချက်မရဘဲနဲ့တော့ အေဂျင်စီဖိုင်တွေကို ဝင်ခွင့်ရမှာ မဟုတ်ဘဲ နိုင်ငံရပ်ခြားအခြေစိုက် ဝန်ထမ်းတွေကတော့ အေဂျင်စီစနစ်တွေ၊ သံတမန်ရေးရာနဲ့ အခြားအချက်အလက်တွေကို ဝင်ရောက်ကြည့်ရှုခွင့် ရထားမှာဖြစ်ကြောင်း ဖော်ပြထားပါတယ်။

▪️ အရေးကြီးမစ်ရှင်တာဝန် ထမ်းဆောင်နေသူများ၊ အဓိကဦးဆောင်နေသူများ၊ အထူးတာဝန်ပရိုဂရမ်များမှာ ပါဝင်သူတွေကတော့ ဒီကြေညာချက်ကနေ ကင်းလွတ်လိမ့်မယ်လို့ စီမံအုပ်ချုပ်ရေးရုံးမှ မှတ်တမ်းမှာ ဖော်ပြထားပါတယ်။

▪️ လာမယ့်သီတင်းပတ်ထဲမှာ USAID အလုပ်ခွင်ဟောင်းများမှ ပုဂ္ဂိုလ်ရေးပစ္စည်းများ ဘယ်လိုပြန်ယူမလဲဆိုတာနဲ့ အစိုးရထုတ်ပေးတဲ့ ပစ္စည်းများ ဘယ်လိုပြန်ပေးရမလဲဆိုတာ ထုတ်ပြန်သွားမယ်လို့ ဆိုပါတယ်။

▪️ ယခုအစီအစဉ်ကို ဖက်ဒရယ်တရားသူကြီးတစ်ဦးက ခွင့်ပြုလိုက်ပြီးနောက်မှာ ကြေညာချက်ထွက်လာတာ ဖြစ်ပါတယ်။

▪️ ဒီအစီအစဉ်ကို ဖေဖော်ဝါရီ ၄ ရက်နေ့က ပထမဆုံးကြေညာခဲ့ပေမယ့် အေဂျင်စီဝန်ထမ်းတွေကို ကိုယ်စားပြုတဲ့ သမဂ္ဂတွေက အစိုးရကို တရားစွဲဆိုခဲ့ပါသေးတယ်။

▪️ ထရမ့်သမ္မတတာဝန် မယူခင်မှာ USAIDမှာ လုပ်ကိုင်နေသူ ၁ သောင်းကျော်ရှိခဲ့ပါတယ်။

▪️ အမည်မဖော်လိုသူ သတင်းရင်းမြစ်ရဲ့ ပြောကြားချက်အရ ဝန်ထမ်းရာဂဏန်းခန့်သာ ဆက်လက်လုပ်ကိုင်သွားလိမ့်မယ်လို့ သိရပါတယ်။

#Source: NPR

#World_Health
Published 24 February 2025

▪️ ခန္ဓာကိုယ်ထဲက ဆဲလ်တိုင်း၊ တစ်ရှူးတိုင်း၊ အင်္ဂါတိုင်းအတွက် မရှိမဖြစ်လိုအပ်တဲ့ ရေကို တစ်နေ့ဘယ်လောက်သောက်ရမလဲဆိုပြီး ဆုံးဖြတ်ဖို့ ခက်ခဲနေကြပါသေးတယ်။

▪️ ရေဓာတ်ချို့တဲ့ရင် ကျန်းမာရေးပြဿနာများ ဖြစ်နိုင်သလို ရေဓာတ်လွန်ကဲသွားရင်လည်း ဒုက္ခများနိုင်ပါတယ်။

▪️ သိပ္ပံ၊ အင်ဂျင်နီယာနဲ့ဆေးအကယ်ဒမီများရဲ့ အဆိုအရ တစ်နေ့တာအတွက် ရေလိုအပ်ချက်က အမျိုးသားတွေမှာ ၃.၇ လီတာ၊ အမျိုးသမီးတွေမှာ ၂.၇ လီတာရှိပြီး စားသောက်ရာကနေ ရမယ့်အရည်တွေပါ ထည့်တွက်ထားတာ ဖြစ်ပါတယ်။

▪️ ဒါ့အပြင် လှုပ်ရှားမှုအတိုင်းအတာ၊ ရာသီဥတု အခြေအနေတို့ကလည်း ရေလိုအပ်ချက်ကို ပြောင်းလဲစေနိုင်ပါတယ်။

▪️ ကျောက်ကပ်ကျန်းမာရေးအတွက် ရေကအရေးကြီးပြီး သွေးထဲက အညစ်အကြေး စွန့်ပစ်ခြင်း၊ အီလက်ထရိုလိုက် ထိန်းညှိခြင်း၊ အရည်ထိန်းသိမ်းခြင်းတို့ကို ကျောက်ကပ်က လုပ်ဆောင်ရတယ်လို့ နယူးဒေလီ BLK Max Super Speciality ဆေးရုံမှ ကျောက်ကပ်အထူးကု ဒေါက်တာ ဘာနုမစ်ရှရာက ပြောသွားပါတယ်။

▪️ ရေလိုအပ်ချက်က တစ်ယောက်နဲ့တစ်ယောက် တစ်ချိန်နဲ့တစ်ချိန် မတူညီနိုင်ပါဘူး။

▪️ ကိုယ်အလေးချိန် များသူတွေ၊ လှုပ်ရှားမှုများသူတွေ၊ ရာသီဥတု ပူနွေးတဲ့နေရာမှာ နေထိုင်သူတွေ၊ အငန်ဓာတ် အစားများသူတွေ၊ အမျိုးသားတွေ၊ ငယ်ရွယ်သူတွေ၊ အယ်လ်ကိုဟော ကဖင်းသောက်သုံးသူတွေဟာ ရေဓာတ်ပိုမိုလိုအပ်နိုင်ပါတယ်။

▪️ ရေဓာတ်များလွန်းရင်လည်း သွေးထဲက ဆိုဒီယံပမာဏ လျော့နည်းကာ မူးဝေအော့အန်ခြင်းလိုမျိုး ပြဿနာ ခံစားရနိုင်ပါတယ်။

▪️ ဒါ့အပြင် ကျောက်ကပ်မကောင်းသူတွေမှာ ပိုလျှံတဲ့အရည်တွေကို စွန့်ပစ်ဖို့ ခက်ခဲနိုင်ပြီး ဖိအားပိုဖြစ်စေနိုင်ပါတယ်။

▪️ ကျောက်ကပ်ကျန်းမာရေး အကောင်းဆုံးဖြစ်ဖို့ သန့်စင်ထားတဲ့ ရေကိုသာ ရွေးချယ်သင့်ပါတယ်။

#Source: India Today