#Local_News
Published 16 October 2025

■ ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်း၍ မြန်မာနိုင်ငံအတွင်းသို့ နယ်စပ်လမ်း ကြောင်းများမှတစ်ဆင့် တရားမဝင် ဝင်ရောက်လာပြီး ကရင်ပြည်နယ်၊ မြဝတီ-ရွှေကုက္ကို၊ မဲ့ထော်သလေး(KK Park)နှင့် ကျောက်ခတ်နယ်မြေမှ အွန်လိုင်းလောင်းကစားမှုများ၊ အွန်လိုင်းလိမ်လည်မှုများ၊ ဒုစရိုက်မှုများ ကျူးလွန်ခဲ့ကြသည့် တရုတ်နိုင်ငံသား ၄၅ ဦးနှင့် ဖိလစ်ပိုင်နိုင်ငံသားတစ်ဦး၊ စုစုပေါင်း ၄၆ ဦးကို အောက်တိုဘာလ ၁၅ ရက် တွင် ထပ်မံစစ်ဆေးဖော်ထုတ်ထိန်းသိမ်းနိုင်ခဲ့ကြောင်း သိရသည်။

■ ယင်းတို့ကို သက်ဆိုင်ရာနိုင်ငံများသို့ အမြန်ဆုံး ပြန်လည်လွှဲပြောင်းပေးအပ်နိုင်ရေး ဌာနဆိုင်ရာပူးပေါင်းအဖွဲ့များကလိုအပ်သည့် ကိုယ်ရေးအချက်အလက်များနှင့် မှတ်တမ်းများစာရင်းကောက်ယူခြင်းလုပ်ငန်း နေ့ချင်းပြီးဆောင်ရွက်ခဲ့ကြောင်း သိရသည်။

■ ဇန်နဝါရီလ ၃၀ ရက်မှ အောက်တိုဘာလ ၁၅ ရက်အထိ မြန်မာနိုင်ငံအတွင်းသို့ တရားမဝင် ဝင်ရောက်လာသည့် ပြည်ပနိုင်ငံသား စုစုပေါင်း ၉၅၃၆ ဦး စစ်ဆေးဖော်ထုတ်ထိန်းသိမ်းနိုင်ခဲ့ကာ ၎င်းတို့အနက်မှ ၉၃၃၇ ဦးကို ထိုင်း နိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေလုပ်ထုံး လုပ်နည်းများနှင့်အညီ စနစ်တကျ ပြည်နှင်လွှဲပြောင်းပေးခဲ့ပြီး ကျန်ရှိသည့် ပြည်ပနိုင်ငံသား ၁၉၉ ဦး ကို သက်ဆိုင်ရာနိုင်ငံများသို့ လွှဲပြောင်းပေးရန် အသင့်ဖြစ်နေပြီဖြစ်ကြောင်းနှင့် ၎င်းတို့ကိုကောင်းမွန်စွာ ထိန်းသိမ်းစောင့်ရှောက်ထားရှိကြောင်း သိရသည်။

#YMG/PP #Yangon_Times

#Local_News
Published 16 October 2025

■ စစ်ရေးအခြေအနေ ယခင်ကထက်ပိုမိုကောင်းမွန်လာပြီးငြိမ်းချမ်းရေးလည်း ယခင်ကထက် မျှော်လင့်ချက်ပိုမိုရှိလာကြောင်း အောက်တိုဘာလ (၁၅) ရက်တွင်ပြုလုပ်သည့် NCA (၁၀)နှစ်ပြည့် အခမ်းအနားတွင် အမျိုးသားကာကွယ်ရေးနှင့်လုံခြုံရေးကောင်စီ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း က မီဒီယာများ၏ မေးမြန်းချက်များကိုပြန်လည်ဖြေကြားရာတွင် ထည့်သွင်းပြောကြားခဲ့သည်။

■ “ကျွန်တော်တို့အထဲမှာဖြစ်နေတဲ့ လက်နက်ကိုင်ပဋိပက္ခမှာ ဘယ်သူသေသေ မြန်မာသေတာပဲ။ ဘယ်တိုင်းရင်းသားသေသေ မြန်မာသေတာပဲ။ ဘယ်သူမှ ဘယ်သူသေလို့မို့ ဝမ်းမြောက်ဝမ်းသာဖြစ်နေစရာမရှိဘူး။ ဘယ်သူဆုံးရှုံးလို့မလို့ ဝမ်းမြောက်ဝမ်းသာ ဖြစ်နေစရာအကြောင်းမရှိဘူး။ စစ်ရေးအခြေအနေနဲ့ ပတ်သက်ပြီးပြောရရင်တော့ ယခင်ကထက်ပိုမို ကောင်းမွန်လာပါတယ်။ ငြိမ်းချမ်းရေးနဲ့ပတ်သက်လာပြီးလည်း ယခင်ကထက် မျှော်လင့်ချက် ပိုမိုရှိလာပါတယ်လို့ပဲ ပြောချင်ပါတယ်”ဟု ယင်းက ပြောသည်။

■ တိုင်းရင်းသားဒေသများတွင် ဖြစ်ပွားနေသည့် တိုက်ပွဲများနှင့်ပတ်သက်၍ ဆွေးနွေးမှု ပြုလုပ်နေသည်များရှိကြောင်းလည်း ဗိုလ်ချုပ်ဇော်မင်းထွန်းက ပြောသည်။

■ “တိုင်းရင်းသားဒေသတွေနဲ့ပတ်သက်ပြီး ကျွန်တော်တို့ဆွေးနွေးနေတာရှိပါတယ်။ မြန်မာပြည်အရှေ့မြောက်ဘက်ပေါ့နော်၊ မြောက်ဘက်ငြိမ်းချမ်းရေးနဲ့ပတ်သက်ပြီးလည်း ဆွေးနွေးနေတာရှိပါတယ်။ တချို့လည်းကြားဝင်စေ့စပ်နေတာနဲ့ ဆွေးနွေးနေတာရှိပါတယ်။ငြိမ်းချမ်းရေးနဲ့ပတ်သက်ပြီးတော့ ကျွန်တော်တို့အစိုးရအနေနဲ့ စဉ်ဆက်မပြတ် ဆက်လက်ဆွေးနွေးသွားမှာပဲဖြစ်ပါတယ်”ဟု ယင်းကပြောသည်။

■ NCA စာချုပ်သည် နိုင်ငံတကာအသိသက်သေတွေရှေ့တွင် သဘောတူညီမှုဖြင့် ရေးထိုးခဲ့ခြင်းဖြစ်သောကြောင့် NCA ၏ ကတိမှာတည်ရှိမြဲ တည်ရှိနေမည် ဖြစ်ကြောင်းလည်း ယင်းကဆိုသည်။

■ “အားလုံးက EAO တွေရဲ့ သဘောတူညီချက်ပေါ့နော်၊ ဆောင်ရွက်ခဲ့တာဖြစ်ပါတယ်။ ဒီအတွက် သူတို့ပြောသလိုပဲ NCA စာချုပ်က စက္ကူစုတ်တစ်ခုဖြစ်သွားစရာလည်း အကြောင်းမရှိဘူး။ ဒီအဖွဲ့အစည်းတွေရှိနေသမျှ ကာလပတ်လုံး NCA စာချုပ်၊ NCA ရဲ့ ကတိပြုချက်က ရှိနေတာဖြစ်မယ်။ NCA ဆိုတာသည် ပစ်ခတ်တိုက်ခိုက်မှုရပ်စဲရေးဆိုတဲ့၊ ငြိမ်းချမ်းရေးဆိုတဲ့ဟာတစ်ခုတည်းနဲ့တင် မဟုတ်ပါဘူး။ သူသည် နိုင်ငံတည်ဆောက်ရေး၊ တိုင်းပြည် တည်ဆောက်ရေးအထိပါတဲ့အတွက် သူတို့လုပ်ချင်သည်ဖြစ်စေ၊ မလုပ်ချင်သည်ဖြစ်စေ ဒီလုပ်ငန်းစဉ်တွေသည် ဆက်လက်တည်ရှိနေမှာဖြစ်ပါတယ်။ ဒီလုပ်ငန်းစဉ်ကြီးသည် ခုနကကျွန်တော်ပြောသလို မရှိတာထက်၊ ရှိတဲ့ဟာက ပိုကောင်းတယ်။ ရှိပြီးသားဟာ အပေါ်မှာပဲ ကျွန်တော်တို့ဘယ်လိုလုပ်ကြမလဲ၊ ဘယ်လိုပြုပြင်မွမ်းမံကြမလဲဆိုတာကို တွေးခေါ်ကြံဆဖို့အတွက် ကျွန်တော့်အနေနဲ့ တိုက်တွန်းလိုပါတယ်”ဟု ၎င်းကပြောသည်။

#YMG/PP #Yangon_Times

#World_Health
Published 16 October 2025

■ ရာသီဥတု အပြောင်းအလဲတွေကြောင့် နေမကောင်းဖြစ်လာမှာကို စောင့်ကြည့်မနေသင့်ပါဘူး။

■ ဒီအတွက် အာဟာရပညာရှင် ရိုင်ယန်ဖာနန်ဒိုက မှီဝဲသုံးဆောင်တဲ့ ဆေးဖြစ်ဝါးဖြစ်နည်းလမ်း ၃ မျိုးကို မျှဝေသွားပါတယ်။

■ (၁) ဗိုက်တာမင်-စီစားသုံးခြင်း ဗိုက်တာမင်-စီပါတဲ့ အသီးအနှံတွေ ပုံမှန်စားသုံးပြီး လျော့နည်းတယ်လို့ ခံစားရတာနဲ့ ဆေးတောင့်ဖြည့်စွက်ဆေးကို သောက်သုံးတယ်လို့ ဆိုပါတယ်။

■ ကိုယ်ခံအားစနစ်ကို ထောက်ပံ့ပေးပြီး နာမကျန်းဖြစ်ခြင်းမှ မကာကွယ်နိုင်ပေမယ့် ဖြစ်တဲ့အခါ ဆိုးရွားစွာ မဖြစ်စေတော့ပါဘူး။

■ (၂) ဆားရည်အာလုတ်ကျင်းခြင်း ရေနွေးနဲ့ဆားရည်ဖြင့် အာလုတ်ကျင်းပေးပါက လည်ချောင်းချောမွေ့စေကာ ဆားဓာတ်က ဗိုင်းရပ်စ်သေစေပြီး ချွဲတွေရှင်းလင်းပေးတာကြောင့် မနက်နဲ့ညအခါတို့မှာ သေချာပေါက်ပြုလုပ်သင့်ပါတယ်။

■ လည်ချောင်းယားယံခြင်းနဲ့ နာကျင်ခြင်းတို့မှ သက်သာစေပြီး ရောင်ရမ်းစေတဲ့ ချွဲတွေကို ဆွဲထုတ်ပေးပါတယ်။

■ (၃) ဆေးဖက်ဝင်ဆေးရည်သောက်ခြင်း မနက်ပိုင်းသောက်ခြင်းဖြင့် ကိုယ်ခံအားစနစ်မြှင့်တင်ပေးပြီး ဂျင်း၊ ငရုတ်ကောင်း၊ ပျားရည်တို့လည်း ထည့်သွင်းနိုင်ပါတယ်။

■ ရောင်ရမ်းခြင်းနဲ့ ဓာတ်တိုးခြင်းတို့ကို ဆန့်ကျင်ပေးတဲ့ အာနိသင်လည်း ရှိပါတယ်။

■ ဒီနည်းလမ်းတွေအပြင် လုံလောက်စွာ အိပ်စက်ခြင်း၊ ရေများများသောက်ခြင်း၊ ရေနွေးငွေ့ရှူခြင်းတို့ကလည်း နေမကောင်းဖြစ်ခြင်းကို အလျင်အမြန် သက်သာစေနိုင်ပါတယ်။

Source: Indian Express

#World_Science
Published 16 October 2025

■ ဖန်ပြွန်သန္ဓေ(IVF)ဆိုတာက ဓာတ်ခွဲခန်းထဲမှာ အမျိုးသမီးရဲ့ မျိုးဥကို အမျိုးသားရဲ့ သုတ်ပိုးနဲ့ မျိုးအောင်စေပြီး ရလာတဲ့သန္ဓေသားကို သားအိမ်ထဲသို့ လွှဲပြောင်းရပါတယ်။

■ အခုအခါမှာ အောင်မြင်မှုနှုန်း မြင့်မားစေရန်အတွက် AI တွေပါဝင်တဲ့ အယ်ဂိုရစ်သမ်တွေ အသုံးပြုလာကြပြီး သန္ဓေသားအရည်အသွေးကို လူသားမျက်စိထက် ပိုမိုတိကျစွာ ဆန်းစစ်နိုင်သလို သားအိမ်တုံ့ပြန်မှုကိုလည်း ခန့်မှန်းနိုင်ပါပြီ။

■ IVF နည်းပညာကို အမြဲတိုးတက်အောင်လုပ်နေပြီး အမျိုးမျိုးသောအဆင့်တွေမှာ AI နဲ့ ပေါင်းစပ်လာကြကြောင်း ဘင်္ဂလူရူ ဘာလာ IVF မှ လက်ထောက်ညွှန်ကြားရေးမှူး ဒေါက်တာမန်ဂျူနက်သ်က ပြောပါတယ်။

■ အိန္ဒိယမှာ ကိုယ်ဝန်ရဖို့ခက်ခဲနေတဲ့ စုံတွဲတွေအတွက် IVF နည်းလမ်းက ရွေးချယ်စရာ ဖြစ်နေပါတယ်။

■ ဆေးရုံဆေးခန်းတွေမှာ AI ထောက်ကူကိရိယာများ၊ နည်းလမ်းများ၊ ဒီဂျစ်တယ်ပုံရိပ်များ ပိုမိုအသုံးပြုလာကြပါတယ်။

■ MAIA နဲ့ ERICA တို့လို AI ကိရိယာတွေဆိုရင် သန္ဓေထည့်ခန့်မှန်းခြင်းတို့မှာ တိကျမှုရှိပြီး သာမန်နည်းလမ်းတွေထက် ပိုမိုသာလွန်ပါတယ်။

■ AI စနစ်သုံးနည်းလမ်းတွေက သုတ်ပိုးနဲ့ မျိုးဥအရည်အသွေး အကြောင်းအရာများကို ရှာဖွေနိုင်ကာ မျိုးပွားအောင်မြင်မှုရလဒ် ကောင်းမွန်အောင် ကူညီပေးနေပါတယ်။

■ AI ထောက်ကူ IVF က စရိတ်မြင့်မားခြင်း၊ ဒေတာများ အကန့်အသတ်သာရှိခြင်းနဲ့ စီမံကွပ်ကဲရေးအခက်အခဲများတော့ ရှိနေပါတယ်။

■ ဒါပေမဲ့ AI အနေနဲ့ IVF ကို အနာဂတ်မှာ ပိုမိုအသုံးချတိကျစေနိုင်ဖို့လည်း အခွင့်အလမ်းတွေ ရှိနေပါတယ်။

Source: India Today

အမေရိကန်တန်နက်ဆီပြည်နယ်ရှိ စစ်လက်နက်ဖောက်ခွဲရေးပစ္စည်းစက်ရုံတစ်ခုမှာ သောကြာနေ့နံနက်က ပေါက်ကွဲမှုကြီးဖြစ်ပွားခဲ့ရာမှာ လူ ၁၆ ဦး အသက်ဆုံးရှုးခဲ့ရဖွယ်ရှိပြီး အသက်ရှင်ကျန်သူမရှိဘူးလို့ ဒေသတွင်းအာဏာပိုင်များ ပြောကြားလိုက်ပါတယ်။

#World_News
Published 15 October 2025
#အမေရိကန်တန်နက်ဆီပြည်နယ်
#YMG #Yangon_Times #Yangon_Media_Group

အာရှပစိဖိတ်ဒေသအတွင်း စက်သုံးဆီဈေးနှုန်းတွေ မြင့်တက်နေသော်လည်း မြန်မာကျပ်ငွေခိုင်မာပြီး နိုင်ငံခြားငွေလဲလှယ်မှုနှုန်း ကျဆင်းနေတာကြောင့် ပြည်တွင်းစက်သုံးဆီဈေးနှုန်းတွေလည်းကျဆင်းနေတယ်လို့ စွမ်းအင်ဝန်ကြီးဌာနက သိရပါတယ်။

#Local_News
Published 15 October 2025
#စက်သုံးဆီ #အာရှပစိဖိတ်
#YMG/NN #Yangon_Times

နေ့စားအလုပ်သမားတွေအတွက် အနည်းဆုံးလုပ်ခလစာကို ကျပ် (၇,၈၀၀)အထိတိုးမြှင့် သတ်မှတ်လိုက်တယ်လို့ အနည်းဆုံးအခကြေးငွေသတ်မှတ်ရေးဆိုင်ရာ အမျိုးသားကော်မတီမှ အမိန့်ကြော်ငြာစာအမှတ် (၁/ ၂၀၂၅) ဖြင့် အသိပေးကြေညာလိုက်ပါတယ်။

#Local_News
Published 15 October 2025
#နေ့စားအလုပ်သမား #လုပ်ခလစာ
#YMG/SW #Yangon_Times

မြန်မာနိုင်ငံက စိုက်ပျိုးထွက်ရှိပြီးပြည်တွင်းမှာ အခွံနွှာ ၊ အခြောက်ခံ ၊ အမျိုးအစားခွဲတာတွေဆောင်ရွက်ပြီးတဲ့ မက္ကဒေးမီးယားအစေ့တွေကို တရုတ်နိုင်ငံကို တင်သွင်းခွင့်ပြုရရှိပြီလို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက သိရပါတယ်။

#Local_News
Published 15 October 2025
#မြန်မာ့မက္ကဒေးမီးယားအစေ့ #တရုတ်နိုင်ငံ
#YMG/NN #Yangon_Times

မြန်မာ့သဘင်နေ့ အမြန်ဆုံးသတ်မှတ်နိုင်ဖိုအတွက် မြန်မာနိုင်ငံသဘင် အစည်းအရုံး(ဗဟို)က ကမကထပြုပြီးအလုပ်ရုံဆွေးနွေးပွဲတွေ ကျင်းပသွားမယ်လို့ သိရပါတယ်။

#Local_News
Published 15 October 2025
#မြန်မာ့သဘင်နေ့ # မြန်မာနိုင်ငံသဘင်အစည်းအရုံး
#YMG/SW #Yangon_Times

#Daily_News
Published 15 October 2025

၁။‌ ‎‎တရုတ်နိုင်ငံသို့ မြန်မာ့မက္ကဒေးမီးယားအစေ့များ တင်သွင်းခွင့်ရရှိ
‎
‎၂။ ‌‌‌‌‎နေ့စားအလုပ်သမားများအတွက် အနည်းဆုံးလုပ်ခလစာ ကျပ်(၇,၈၀၀) သတ်မှတ်
‎
၃။‌‎ ‎အာရှပစိဖိတ် စက်သုံးဆီဈေးနှုန်းများမြင့်တက်နေသော်လည်း ပြည်တွင်းဈေးနှုန်းများကျဆင်း
‎
‎၄။ ‎ အမေရိကန်ဖောက်ခွဲရေးပစ္စည်းစက်ရုံ၌ပေါက်ကွဲမှုကြီးဖြစ်သဖြင့် (၁၆)ဦးအသက်ဆုံးပါး... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 15 October 2025

■ အမေရိကန်သမ္မတ ဒေါ်နယ်ထရမ့် အစိုးရအဖွဲ့က ပိတ်သိမ်းသွားမယ့် ဒီမိုကရက်ပရိုဂရမ်စာရင်းတစ်ခုကို သောကြာနေ့မှာ ထုတ်ပြန်သွားရန် စီစဉ်နေတယ်လို့ ပြောသွားပါတယ်။

■ အင်္ဂါနေ့က အိမ်ဖြူတော်မှာ သတင်းထောက်တွေကို ပြောကြားရာ ဘယ်လိုပရိုဂရမ်အစီအစဉ်တွေလဲဆိုတာ အတိအကျမပြောပေမယ့် အမြဲတမ်းပိတ်သိမ်းသွားနိုင်တယ်လို့ ဆိုပါတယ်။

■ နိုဝင်ဘာ ၂၁ ရက်နေ့အထိ အစိုးရရန်ပုံငွေထောက်ပံ့ခြင်းဖြင့် အောက်လွှတ်တော်က ပြီးခဲ့တဲ့လမှာ အတည်ပြုခဲ့တဲ့ ပိတ်သိမ်းမယ့်အစီအစဉ် အဆုံးသတ်အောင် အထက်လွှတ်တော်ကြိုးပမ်းရာမှာ ၈ ကြိမ်မြောက် ကျရှုံးခဲ့ပါတယ်။

■ အထက်လွှတ်တော်မှာ ၄၉-၄၅ မဲဖြင့် အတည်ပြုဖို့လိုအပ်မဲ ၆၀ လျော့နည်းခဲ့ပါတယ်။

■ အစိုးရဌာနပိတ်သိမ်းခြင်း တတိယမြောက်ရက်သတ္တပတ်ထဲ ဝင်လာပြီဖြစ်ရာ ရီပတ်ဘလစ်ကန်နဲ့ ဒီမိုကရက်တစ် ဥပဒေအမတ်တွေ ဆက်လက်ပြီး အပြန်အလှန်အပြစ်တင်နေကြပါတယ်။

■ ဒီမိုကရက်တွေရဲ့ လိုအင်ဆန္ဒတွေက အလွန်များပြားလွန်းတယ်လို့ ရီပတ်ဘလစ်ကန် အထက်လွှတ်တော်ခေါင်းဆောင် ဂျွန်သွန်းက မိန့်ခွန်းပြောသွားပါတယ်။

■ ဗာဂျီးနီးယားဒီမိုကရက် အထက်လွှတ်တော် တင်ကိန်းက အစိုးရဌာနပိတ်သိမ်းဖို့အတွက် ထရမ့်အနေနဲ့ ဒီမိုကရက်တွေနဲ့ ဆက်ဆံပြောဆိုရလိမ့်မယ်လို့ Morning Edition ကို ပြောသွားပါတယ်။

■ သမ္မတပါဝင်ပြောဆိုရင် ၄၈ နာရီအတွင်း ဖြေရှင်းနိုင်လိမ့်မယ်လို့ ဆိုပါတယ်။

■ ရန်ပုံငွေတွေ မမှန်ကန်ခြင်းမရှိစေရန် ငွေအချို့ကို လမ်းကြောင်းပြောင်းလွှဲပေးရမယ်လို့ ထရမ့်အစိုးရက ပြောထားပါတယ်။

■ ယာယီရန်ပုံငွေနဲ့အတူ အစိုးရအစီအစဉ်ပြန်လည်ဖွင့်စေမယ့် ဒီမိုကရက်တစ်နည်းလမ်းကို သွန်းက မဲပေးခွင့်မပြုသလို ဖက်ဒရယ်ကျန်းမာရေးစောင့်ရှောက်မှု တိုးချဲ့ရန်အတွက် ရန်ပုံငွေကိုလည်း ရီပတ်ဘလစ်ကန်တွေ ဆန့်ကျင်နေပါတယ်။

Source: Reuters

#World_Science
Published 15 October 2025

■ လဟာ ကမ္ဘာဂြိုဟ်ကနေ နှစ်စဉ် ၁ လက်မခွဲ (၃.၈ စင်တီမီတာ) ပိုမိုဝေးကွာလာတယ်လို့ သိပ္ပံပညာရှင်များ တွေ့ရှိခဲ့ကြပါတယ်။

■ အာကာသယာဉ်တွေကနေ ထားခဲ့တဲ့ မှန်တွေမှာ လေဆာတန်းများ ရိုက်ခတ်ပြီးနောက် သိပ္ပံပညာရှင်တွေက အကွာအဝေးကို တိုင်းတာခဲ့တာ ဖြစ်ပါတယ်။

■ လက ကမ္ဘာကို လည်ပတ်တဲ့အခါ တစ်လစာလောက် အကွာအဝေး ပြောင်းလဲသွားပါတယ်။

■ ကမ္ဘာနဲ့အတူ ဆွဲအားကွာခြားချက်ကြောင့် လက ပိုမိုဝေးကွာလာတာ ဖြစ်ပါတယ်။

■ ကမ္ဘာဘက်ခြမ်းမှာရှိတဲ့ လရဲ့ဆွဲငင်အားက ဆန့်ကျင်ဘက်ခြမ်းနဲ့ယှဉ်ရင် ၄ ရာခိုင်နှုန်း ပိုမိုအားကောင်းပါတယ်။

■ ဒီအားက သမုဒ္ဒရာတွေကို နှစ်ပိုင်းအားဖြင့် လည်ပတ်စေပြီး လကမ္ဘာဘက်ဆီနဲ့ အဝေးဆီ လည်ပတ်ပါတယ်။

■ လကနေ ကမ္ဘာပေါ်ကိုဆွဲငင်တဲ့ ဆွဲအားက သာမန်အားမဟုတ်ပါဘူး။
ကမ္ဘာဘက်ခြမ်းနဲ့အနီးစပ်ဆုံး လရဲ့ဆွဲအားက လဘက်ဆီသို့ ရေလုံးကြီးဖြစ်ပေါ်စေပြီး အခြားတဖက်မှာတော့ ဆွဲအားနည်းကာ ရေနောက်မှာကျန်ခဲ့ပါတယ်။

■ ကမ္ဘာလည်ပတ်ချိန်မှာ ဒီရေလုံးတွေက ပုံစံပြောင်းသွားပြီး နယူးယော့ခ်၊ လော့စ်အိန်ဂျလိစ်တို့လို ကမ်းရိုးတန်းမြို့တွေမှာ ပင်လယ်ရေအတက်အကျက ၅ ပေလောက် ဖြစ်စေပါတယ်။

■ ရေလုံးတွေက လနဲ့ကိုက်ညီစွာ မလှုပ်ရှားနိုင်ဘဲ ကမ္ဘာလည်ပတ်ခြင်းတွေကြောင့် ရှေ့သို့ရောက်သွားပါတယ်။

■ ဒီရေလုံး ရှေ့ကနေဆွဲခြင်းက လကို ပိုမြန်စေပြီး ပတ်လမ်းကြောင်း ပိုကြီးသွားစေကာ လက ကမ္ဘာကနေ အနည်းငယ် ပိုဝေးကွာသွားစေပေမယ့် ဒီသက်ရောက်မှုက လစ်လျူရှုလို့ရတဲ့အထိ သေးငယ်ပါတယ်။

Source: WION.