#Local_News
Published 11 April 2025

▪️ ရုပ်ရှင်သရုပ်ဆောင် ကျော်ကျော်ဗိုလ်က အင်းလေးဒေသရှိ ပြိုကျပျက်စီးသွားခဲ့သောနေအိမ်များပြန်လည်တည်ဆောက်လှူဒါန်းပေးနိုင်ရန်အတွက် လေလံပွဲတစ်ခုပြုလုပ်လျှက်ရှိကြောင်း သိရသည်။

▪️ အဆိုပါလေလံပွဲနှင့် ပတ်သက်ပြီး ကျော်ကျော်ဗိုလ်က "ငလျင်ဘေးကြောင့် အင်းလေး ဒေသရှိပြိုကျပျက်စီးသွားခဲ့သောနေအိမ်များပြန်လည်တည်ဆောက်လှူဒါန်းပေးနိင်ရန်အတွက်အများစုပေါင်းပါဝင်နိင်သောအလှူလေလံတစ်ခုကိုပြုလုပ်ပါရစေခင်ဗျာ။ အင်းလေး ဒေသနေအိမ်အလှူအတွက်လေလံတင်မည့်အရာမှာ ကျွန်တော် ပဲဖြစ်ပါတယ်။ လေလံယှဉ်ပြိုင်ရမည့်ပုံစံမှာ လီဗာပူးလ် အသင်း၏အခိုင်အမာပရိတ်သတ်တစ်ယောက်ဖြစ်သော ကျွန်တော့်အား၊အခြားသောဘောလုံးအသင်းများ၏ပရိတ်သတ်များမှမိမိအားပေးသောဘောလုံးအသင်းရဲ့ပရိတ်သတ်တစ်ယောက်အဖြစ်သို့ ( 2025/2026 ဘောလုံးရာသီအတွက်)ပြောင်းလဲအားပေးရန် လေလံကြမ်းခင်းသတ်မှတ်စျေးမှစတင်၍စျေးပြိုင်စနစ်ဖြင့်လေလံဆွဲကြရမှာဖြစ်ပါတယ်။ဥပမာ။ ။ဘောလုံးသမားတွေ တစ်ရာသီ အသင်းပြောင်း(သို့)အဌားသွားကစားသလိုပေါ့ခင်ဗျာ။ လီဗာပူးလ် ပရိတ်သတ်ဖြစ်တဲ့ကျွန်တော့်ကို မန်ယူပရိတ်သတ်ကလေလံဆွဲပြီးမန်ယူအသင်းကိုပြောင်းအားပေးစေတာမျိုးပါ။တဘက်က လီဗာပူးလ် ပရိတ်သတ်ကလည်းကျွန်တော့်ကို မန်ယူ အသင်းထံမရောက်စေဖို့ စျေးပြိုင်ပေးလေလံဆွဲပြီးကာကွယ်ပေးနိုင်ပါတယ်။ အာဆယ်နယ်၊ချယ်ဆီး၊မန်းစီးတီး၊စပါး၊ဘာစီ၊ရီးရဲလ်….စသည်အသင်းပရိတ်သတ်များလည်းဝင်ရောက်လေလံဆွဲနိင်ပါတယ်ခင်ဗျာ။" ဟု ၎င်း၏ လူမှုကွန်ရက်စာမျက်နှာတွင် ရေးသားဖော်ပြထားသည်။

▪️ လေလံကြမ်းခင်းစျေးမှာ ငွေကျပ် ၁၀၀,၀၀၀/ မှစတင်မည်ဖြစ်ပြီးလေလံဆွဲရာတွင်တစ်ဦးတစ်ယောက်ချင်းဖြစ်စေ၊ အသင်းအဖွဲ့ဖြင့်ဖြစ်စေပါဝင်နိုင်ကြောင်း၊ လေလံပွဲပြီးမြှောက်သွားပါကလေလံအောင်မြင်သွားသောအသင်းထံသို့ဂုဏ်ယူပျော်ရွှင်ကျေနပ်စွာဖြင့်(2025/2026)ဘောလုံးရာသီ
အတွက်ပြောင်းလဲအားပေးသွားမည်ဖြစ်ကြောင်း၊ ထိုသို့ပြောင်းလဲအားပေးရာတွင်လေလံအောင်သောအသင်းအတွက်

▪️ ၁။ လေလံအောင်သောအသင်း၏ဘောလုံးဂျာစီတွင် Kyaw Kyaw Bo အမည်ရိုက်၍( 2025/2026 ) ဘောလုံးရာသီအတွက်တရားဝင်ပရိတ်သတ်တစ်ယောက်ဖြစ်ကြောင်း ၎င်း၏ ( Facebook,YouTube,TikTok စသည့် ) Social Media များမှတဆင့်တရားဝင်ကြေငြာပေးခြင်း

▪️ ၂။ ( 2025/2026 ) ဘောလုံးရာသီတလျှောက်လုံးအပါတ်စဉ်လေလံအောင်သောအသင်း၏ဘောလုံးပွဲစဉ်တိုင်းအား ပွဲမစတင်မှီအားပေးသော Facebook Post တင်ပေးခြင်း ဥပမာ။( Go Go MU/Manchester United , We Are Gunner/Arsenal , London Is Blue/Chelsea … စသည်ဖြင့် ) ၊ ပြိုင်ပွဲတွင်မိမိအသင်းအနိင်ရရှိပါကဂုဏ်ပြု့သော Post တင်ပေး၍ရှုံးနှိမ့်ခဲ့ပါကစိတ်မကောင်းသော Post များတင်ပေးခြင်း၊

▪️ ၃။ ( 2025/2026) ဘောလုံးရာသီတလျှောက်လုံးလေလံအောင်သောအသင်း၏ အကြောင်းအရာများမှလွှဲ၍ တခြားအသင်းများ၏ အကြောင်းအရာများကို ၎င်း၏ Social Media များ ( Facebook,YouTube,TikTok စသည့် ) တို့တွင်ရေးသားခြင်း၊ မျှဝေခြင်းမပြုလုပ်ခြင်း၊( 2025/2026 ) ဘောလုံးရာသီအတွင်း တစ်လလျှင်တစ်ကြိမ် လေလံအောင်သောအသင်း၏ Logo ပါသော ဂျာစီ(သို့)အင်္ကျီဖြင့်အလှဓာတ်ပုံရိုက်၍၎င်း၏ Facebook စာမျက်နှာတွင်တင်၍ဂုဏ်ပြုပေးခြင်း၊

▪️ ၄။ လေလံအောင်သောအသင်း၏ပရိတ်သတ်အဖြစ်သတ်မှတ်ကာလအတွင်းအသင်းကိုအားပေးရာတွင်အပေါ်ယံဟန်ဆောင်အားပေးမည်မဟုတ်ပဲ၊အသင်းနှင့်တသွေးတသားထဲစိတ်လိုက်မာန်ပါအားပေးခြင်းနှင့်

▪️ ၅။ ( 2025/2026 ) ဘောလုံးရာသီအတွင်းလေလံအောင်သောအသင်းပရိတ်သတ်တစ်ယောက်အဖြစ်နှင့်အသင်းအားပေးသူပရိတ်သတ်(သတ်မှတ်အရည်အတွက်)များနှင့်အတူအသင်းကန်မည့်ပွဲကြီးပွဲကောင်း ၂ ပွဲတိတိအား(သတ်မှတ်ထားသောနေရာ)တွင် Live ကြည့်ရှု့အားပေးခြင်းများကို ပြုလုပ်ပေးသွားမည်ဖြစ်ကြောင်း သိရသည်။

▪️ သတ်မှတ်စျေနှုန်းအတိုင်းလေလံအောင်ခဲ့ပါက၊လေလံအောင်သောငွေကြေးအားအင်းလေးငလျင်ဘေးအိမ်အလှူအတွက်အိမ်တစ်လုံးဆောက်လုပ်လှူဒါန်းပေးသွားမည်ဖြစ်ပြီး၊ ထိုအိမ်၏အလှူရှင်အမည်တွင် (______________)အသင်းပရိတ်သတ်များမှဆောက်လုပ်လှူဒါန်းသည်”ဟု ရေးထိုးပေးသွားပါမည်ဖြစ်ကြောင်း သိရသည်။

#YMG/SW #Yangon_Times

#World_Health
Published 11 April 2025

▪️ အူလမ်းကြောင်းနဲ့ ဦးနှောက်တို့ဟာ ထဲထဲဝင်ဝင် ချိတ်ဆက်နေကြပြီး အူလမ်းကြောင်းကျန်းမာရေး မကောင်းရင် အိပ်စက်မှုအနှောင့်အယှက် ဖြစ်စေနိုင်တယ်လို့ How to Win in Modern Wellnessစာအုပ်ရေးသားသူ ဆမ်တယ်ဂျာဒါက ပြောပါတယ်။

▪️ အက်ဆစ်လျှံတက်ခြင်း၊ လေပွခြင်းတို့လို အစာချေပြဿနာတွေအပြင် မူးဝေအော့အန်ခြင်းတို့လို လက္ခဏာတွေထက် ပိုပြီးဖြစ်နိုင်တယ်လို့ ရှင်းပြပါတယ်။

▪️ မယ်လတိုနင်သို့ ပြောင်းလဲပေးတဲ့ ဆယ်ရိုတိုနင် ၉၀ ရာခိုင်နှုန်းလောက်က အူလမ်းကြောင်းထဲမှာ ထုတ်လုပ်ပြီး ထိုထဲမှာ အလုပ်ကောင်းကောင်း မလုပ်နိုင်ရင် အစားအစာတွေကရတဲ့ အာဟာရဓာတ်တွေကို စုပ်ယူဖို့ ခက်ခဲစေပါတယ်။

▪️ အူလမ်းကြောင်းထဲက ပိုးမွှားသက်ရှိတွေက ကိုယ်တွင်းနေ့ညစက်ဝန်း ထိန်းညှိရာမှာ ပါဝင်ပြီး နှစ်ခြိုက်စွာ အိပ်စက်မှုကို ထောက်ကူပေးပါတယ်။
အူလမ်းကြောင်းမကောင်းလို့ အိပ်စက်မှုထိခိုက်လာတဲ့အခါ ကျန်းမာရေးပြဿနာအမျိုးမျိုး ဝင်ရောက်လာပြီး နာတာရှည်ရောဂါများ ဖြစ်လာနိုင်ပါတယ်။

▪️ အူလမ်းကြောင်းကျန်းမာရေး ကောင်းစေပြီး ကောင်းစွာအိပ်စက်စေနိုင်မယ့် နည်းလမ်းတွေကို တယ်ဂျာဒါက ပြောပြသွားပါတယ်။

▪️ (၁) အသီးအနှံနဲ့ ဟင်းသီးဟင်းရွက်တို့မှ အမျှင်ဓာတ်တွေ စားသုံးခြင်းဖြင့် အူလမ်းကြောင်း အကျိုးပြုဘက်တီးရီးယားများ တိုးများစေပြီး အစာခြေခြင်းကို ထောက်ပံ့ပေးပါတယ်။

▪️ (၂) ပရိုဘိုင်အိုတစ်တွေက အစားအစာနဲ့ ဖြည့်စွက်စာတို့မှ အကျိုးပြုဘက်တီးရီးယားများဖြစ်ပြီး အာဟာရဓာတ်နဲ့ စွမ်းအင်တို့ကို ထုတ်ယူကူညီပေးပါတယ်။

▪️ (၃) အဆင့်ဆင့်ထုပ်ပိုး စားစရာများနဲ့ သကြားတို့က ဆိုးကျိုးပြု ဘက်တီးရီးယားများကို တိုးများစေပြီး အူလမ်းကြောင်းရောင်ရမ်းစေကာ အိပ်စက်မှုကို နှောင့်ယှက်ပါတယ်။

▪️ (၄) ကျန်းမာရေးစစ်ဆေးပေးခြင်းဖြင့် အရေးကြီးတဲ့ ဇီဝဓာတုပုံစံတွေ လိုအပ်ချက်တွေကို သိရှိနိုင်ပြီး အူလမ်းကြောင်း မညီမျှခြင်း အကြောင်းအရင်းနဲ့ ပြုပြင်ဖို့အကြောင်းတွေကို သိလာစေနိုင်ပါတယ်။

▪️ (၅) အစာကြေဖို့အတွက် ညဘက်မှာ ရေဓာတ်ပြည့်ဝအောင်နေပြီး အီလက်ထရိုလိုက်များ သောက်သုံးသင့်သလို တစ်နေ့ကို ရေ ၈ ခွက်သောက်သင့်တယ်လို့ ပညာရှင်များ အကြံပြုထားပါတယ်။

▪️ (၆) အိပ်ခါနီး ညဉ့်နက်မှ စားသောက်ခြင်းက အိပ်စက်မှုကို နှောင့်ယှက်နိုင်ကာ အဝလွန်ခြင်း ဖြစ်နိုင်တာကြောင့် နောက်အကျဆုံး ည ၇ နာရီမှာ စားသင့်တယ်လို့ အကြံပြုထားပါတယ်။

#Source: New York Post

မြန်မာပြည်အလယ်ပိုင်းမှာ ပြင်းအား ၇.၉ အဆင့်ရှိတဲ့ မြေငလျင်ကြီးလှုပ်ခတ်ပြီး ၁ ပတ်ကျော်အကြာမှာ အထိခိုက်ခံရဆုံး မန္တလေးမြိုမှာ နာလံထစပြုတဲ့ အရိပ်အယောင်များ မြင်လာရပြီး စီးပွားရေးလုပ်ငန်းများ ပြန်လည်ဖွင့်လှစ်လာကာ ငလျင်ဒဏ်သင့်ဒေသခံများ နေရာချထားခြင်းများ တွေ့လာရပါတယ်။
#Asia_Crisis
Published 10 Apirl 2025
#မန္တလေးတွင်လုပ်ငန်းများနာလံထစပြုလာ #ငလျင်ဒဏ်သင့်ဒေသခံများ
#YMG #Yangon_Times #Yangon_Media_Group

#Daily_News

Published 10 Apirl 2025

၁။ အထူးရထား ခရီးစဉ်များကို ဧပြီ ၁၁ ရက်တွင် စတင်ပြေးဆွဲပေးမည်

၂။ အမျိုးသမီးများအတွက် ပန်းရံသင်တန်းအခမဲ့ဖွင့်မည်

၃။ ငလျင်ဘေးသင့်ဒေသများအတွက် စက်ရုံအထိုင်ဈေးဖြင့် ဘိလပ်မြေများရောင်းချပေး

၄။ ငလျင်လှုပ်ခတ်ပြီး တစ်ပတ်ကျော်လာသည့်အချိန်၌ မန္တလေးတွင်လုပ်ငန်းများ နာလံထစပြုလာ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

10 April 2025

Yangon — India remains firmly committed to engaging constructively and broadly with the government, people, and diverse stakeholders in Myanmar, Indian Ambassador Abhay Thakur said on Tuesday.

Speaking at the celebration of the 75th anniversary of the Indian Council for Cultural Relations (ICCR) at the India Centre in Yangon on April 9, Ambassador Thakur emphasized the depth and historical richness of India-Myanmar relations.

“Our relationship is ancient, rich, and deeply rooted. The shared spiritual heritage, historical trade routes, and longstanding exchanges in art, literature, and philosophy are a testament to our enduring interconnectedness,” he said.

Highlighting Myanmar’s strategic importance, Ambassador Thakur noted that the country lies at the confluence of India’s three major foreign policy frameworks — Neighbourhood First, Act East, and the Indo-Pacific Vision. “Myanmar holds a truly special place for India,” he added.

He reaffirmed India’s steadfast support for peace and stability in Myanmar and expressed solidarity in the wake of the devastating earthquake that struck the country on 28 March 2025.

“The recent earthquake is a stark reminder of the fragility of life. But it is also in times like these that the true spirit of India-Myanmar solidarity shines through,” Ambassador Thakur said, while commending India’s active involvement in ongoing rescue and relief operations.

The event also marked the 75th anniversary of the ICCR, which was established on 9 April 1950 by the Government of India. The ICCR is responsible for formulating and implementing India’s external cultural relations and fostering mutual understanding through cultural exchanges with countries around the world.

#ymg/knl

#Local_News
Published 10 April 2025

▪️ ငလျင်ဒဏ်သင့် မန္တလေးမြို့ရှိ မန္တလေးပြည်သူ့ဆေးရုံကြီးနှင့် ကန်တော်နဒီဆေးရုံတို့အတွက် ကုတင်(၂၀၀)ဆံ့ ယာယီဆေးရုံများကို ဧရာဝတီဖောင်ဒေးရှင်းကကျန်းမာရေးဝန်ကြီးဌာနနှင့်အတူ လက်တွဲ၍ အလျင်အမြန် တည်ဆောက်ဖွင့်လှစ်နိုင်ခဲ့‌ကြောင်း သိရသည်။

▪️ လက်ရှိတွင် ငလျင်ဒဏ်သင့် မန္တလေးပြည်သူ့ ဆေးရုံကြီးအတွက် HDU (၁၂)ကုတင်ပါ ကုတင်(၅၀)ဆံ့ ယာယီဆေးရုံကို ဧပြီလ (၆)ရက်နေ့တွင် လည်းကောင်း၊ မန္တလေး ကန်တော်နဒီပြည်သူ့ဆေးရုံအတွက် HDU (၆)ကုတင်ပါ ကုတင် (၁၅၀)ဆံ့ ယာယီဆေးရုံကို ဧပြီလ (၈)ရက်နေ့တွင် လည်းကောင်း အသီးသီး ဖွင့်လှစ်ခဲ့ပြီးဖြစ်ကြောင်း သိရသည်။

▪️ ထို့ပြင်မန္တလေး အရိုးအထူးကုဆေးရုံကြီးနှင့် စစ်ကိုင်းမြို့နယ် ပြည်သူ့ဆေးရုံအတွက် ကုတင်(၁၀၀) ယာယီဆေးရုံ တစ်ခုစီကိုလည်း အမြန်ဆုံး ထပ်မံ ဖွင့်လှစ်နိုင်ရန် ဆက်လက် ကြိုးပမ်းဆောင်ရွက်လျက်ရှိ‌ကြောင်း သိရသည်။

#YMG/SW #Yangon_Times

#Local_News
Published 10 April 2025

▪️ ရုံးပိတ်ရက်ရှည်များအတွင်း Mobile Team များဖြင့်လည်းကောင်း၊ ဘဏ်ခွဲဖွင့်လှစ်ပေး၍လည်းကောင်း ဘဏ်လုပ်ငန်းဝန်ဆောင်မှုပေးနိုင်မည့် အစီအစဉ်များကို ကျယ်ကျယ်ပြန့်ပြန့်သိရှိနိုင်ရန် ဆောင်ရွက်နိုင်ရေးအပါအဝင် သင်္ကြန်ရုံးပိတ်ရက်ရှည်ကာလအတွင်း ငွေကြေးစီးဆင်းမှုဆိုင်ရာကိစ္စရပ်များ အဆင်ပြေချောမွေ့စေရေးအတွက်မြန်မာနိုင်ငံတော်ဗဟိုဘဏ်ဥက္ကဋ္ဌ နှင့်ဘဏ်များ၊ မိုဘိုင်းငွေရေးကြေးရေးဝန်ဆောင်မှုလုပ်ငန်း (MFS) များမှ တာဝန်ရှိသူများ တွေ့ဆုံဆွေးနွေးပွဲကို ယမန်နေ့က ပြုလုပ်ခဲ့ကြောင်း သိရသည်။

▪️ ဆွေးနွေးပွဲတွင် မြန်မာနိုင်ငံတော်ဗဟိုဘဏ်ဥက္ကဋ္ဌ ဒေါ်သန်းသန်းဆွေက သင်္ကြန်ရုံးပိတ်ရက်ကာလအတွင်း ပြည်သူများ ငွေသားထုတ်ယူမှု လွယ်ကူအဆင်ပြေစေရေးအတွက် ATM များတွင် ငွေသားလိုအပ်ချက်ပံ့ပိုးနိုင်ရေး၊ ဗဟိုဘဏ်အပါအဝင် သက်ဆိုင်ရာငွေရေးကြေးရေး အဖွဲ့အစည်းများအလိုက် ရုံးပိတ်ရက်ရှည်များတွင် အဖွဲ့သုံးဖွဲ့ခွဲ၍ အလှည့်ကျတာဝန်များ ချမှတ်စီစဉ်ရေး၊ ဘဏ်နှင့် ငွေကြေးလုံခြုံမှုအတွက် လုံခြုံရေးအစီအစဉ်များချမှတ်ရေး၊ ရုံးပိတ်ရက်ရှည်များအတွင်း Mobile Team များဖြင့်လည်းကောင်း၊ ဘဏ်ခွဲဖွင့်လှစ်ပေး၍လည်းကောင်း ဘဏ်လုပ်ငန်းဝန်ဆောင်မှုပေးနိုင်မည့် အစီအစဉ်များကို ကျယ်ကျယ်ပြန့်ပြန့်သိရှိနိုင်ရန် ဆောင်ရွက်နိုင်ရေး၊ ကုန်သွယ်မှုတွင် ငွေပေးချေမှုဆိုင်ရာကိစ္စရပ်များ အဆင်ပြေချောမွေ့စေရေးအတွက် သီးခြားဆောင်ရွက်ပေးမည့် အစီအစဉ်များတင်ပြရေး၊ နိုင်ငံခြားငွေကိစ္စရပ်များအပါအဝင် ပြည်ပရောက်မြန်မာလုပ်သားများ၏ လွှဲပြောင်းငွေများ အခက်အခဲမရှိ ပြန်လည်ထုတ်ပေးနိုင်ရေး၊ အင်အားပြင်းငလျင်ဒဏ်ခံရသည့် နေရာများရှိ ပြည်သူများ ဘဏ်ဝန်ဆောင်မှုလွယ်ကူမြန်ဆန်စွာ ရရှိနိုင်ရန် ပံ့ပိုးပေးနိုင်ရေး၊ ပြည်တွင်း၊ ပြည်ပမှ လှူဒါန်းငွေများ (မြန်မာ ကျပ်/ နိုင်ငံခြားငွေ) လွှဲပြောင်းဝင်ရောက်လာပါက ဆောင်ရွက်ရမည့် နည်းလမ်းများ၊ စက်သုံးဆီဆိုင်များအပါအဝင် အခြားလက်လီ/လက်ကား ကုန်ပစ္စည်းများ ရောင်းချသည့်ဆိုင်များတွင် မြန်မာကျူအာ (MMQR) အသုံးပြု၍ လွယ်ကူစွာငွေပေးချေနိုင်ရေးဆောင်ရွက်ပေးမည့် ကိစ္စများကိုဆွေးနွေးခဲ့ကြောင်း သိရသည်။

▪️ ထို့အပြင် မြန်မာနိုင်ငံတော်ဗဟိုဘဏ်က CBM– Net ကိုလည်းသင်္ကြန်ပိတ်ရက်များအတွင်း ပိတ်ရက်မရှိ ဖွင့်လှစ်ပေးသွားမည်ဖြစ်ကြောင်း သိရသည်။

#YMG/SW #Yangon_Times

အောင်ပန်းဒေသထွက်ရှမ်းကုန်တွေဖြစ်တဲ့ ကုန်စိမ်းနဲ့ ဒေသထွက်ကုန်တွေ ဟာ သယ်ယူပို့ဆောင်ချိန်ကြာမြင့်နေဆဲဖြစ်တာအပြင် သင်္ကြန်ကာလ နီးကပ်လာတာကြောင့်  ရန်ကုန်ကိုတင်ပို့တာ နည်းပါးနေသေးတယ်လို့ အောင်ပန်းကုန်စိမ်းပွဲရုံတွေက သိရပါတယ်။
#Local_News
Published 10 Apirl 2025
#အောင်ပန်းဒေသထွက်ရှမ်းကုန် #အောင်ပန်းကုန်စိမ်းပွဲရုံ
#YMG/NN #Yangon_Times

မန္တလေးငလျင်နဲ့ သဘာဝဘေးသင့် ‌ဒေသတွေက ပြန်လည်ထူထောင်ရေးလုပ်ငန်းတွေအတွက် လိုအပ်တဲ့ဘိလပ်မြေတွေကိုဘိလပ်မြေစက်ရုံ (မြိုင်ကလေး)နဲ့ ဘိလပ်မြေစက်ရုံ(ပြည်ညောင်)တို့ ကနေ စက်ရုံအထိုင်ဈေးနဲ့ရောင်းချပေးနေတယ်လို့ သိရပါတယ်။
#Local_News
Published 10 Apirl 2025
#စက်ရုံအထိုင်ဈေး #ဘိလပ်မြေများရောင်းချ
#YMG/NN #Yangon_Times

အမျိုးသမီးတွေအတွက် ပန်းရံသင်တန်းဖွင့်လှစ်သွားမယ်လို့ မြန်မာနိုင်ငံ ဆောက်လုပ်ရေးဆိုင်ရာလုပ်ငန်းရှင်များ အသင်းချုပ်မှ သိရပါတယ်။
#Local_News
Published 10 Apirl 2025
#ပန်းရံသင်တန်းအခမဲ့ဖွင့် #အမျိုးသမီးများ
#YMG/SW #Yangon_Times

မြန်မာ့မီးရထားမှ သင်္ကြန်နှစ်သစ်ကူးရုံးပိတ်ရက်ကာလအတွင်း ခရီးသွားပြည်သူတွေအဆင်ပြေစေဖို့အတွက် အထူးရထားများ ပြေးဆွဲဝန်ဆောင်မှုပေးသွားမှာဖြစ်ရာ ဧပြီ ၁၁ ရက်မှစတင်ကာ ပြေးဆွဲပေးမယ်လို့ သိရပါတယ်။
#Local_News
Published 10 Apirl 2025
#အထူးရထားခရီးစဉ် #သင်္ကြန်နှစ်သစ်ကူးရုံးပိတ်ရက်
#YMG/SW #Yangon_Times

#Local_News
Published 10 April 2025

▪️ ယခုလာမည့် သင်္ကြန်ကာလအတွင်း  မန္တလေး အပါအဝင်ဒေသ အားလုံး၌နေရာကွက်၍ မိုးကြီးနိုင်သောကြောင့် မြေမြိုခြင်းနှင့်ရေကြီးခြင်းများကြိုတင်သတိပြုရန် မိုးလေဝသနှင့် ဇလဗေဒညွှန်ကြားမှုဦးစီးဌာနမှ ယနေ့  အသိပေးထားသည်။

▪️ ယနေ့မြန်မာစံတော်ချိန် ၅ နာရီခွဲ အချိန် တိုင်းထွာချက်များအရ ဘင်္ဂလားပင်လယ်အော် အနောက်အလယ်ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ်အော် အနောက်တောင်ပိုင်းတို့တွင် ဖြစ်ပေါ်နေသော အားကောင်းသောလေဖိအားနည်းရပ်ဝန်း (Well Marked Low Pressure Area)သည် ဘင်္ဂလားပင်လယ်အော်အနောက် အလယ်ပိုင်းသို့ ရောက်ရှိခဲ့ပြီး လေဖိအားနည်းရပ်ဝန်း (Low Pressure Area)အဖြစ်သို့ အားလျော့သွားခဲ့ ပြီး  အဆိုပါ လေဖိအားနည်းရပ်ဝန်းသည် မြောက်-အရှေ့မြောက် ဘက်သို့ ရွေ့လျားနိုင်ပြီး၊ နောက် ၂၄ နာရီအတွင်း ဘင်္ဂလားပင်လယ်အော်အလယ်ပိုင်း၌ တဖြည်းဖြည်း အားလျော့သွားနိုင်သည်ဟု ခန့်မှန်းရကြောင်း ဖော်ပြထားသည်။

▪️ အဆိုပါ လေဖိအားနည်းရပ်ဝန်း၏ အရှိန်ကြောင့် ယနေ့ မနက်မှ ဧပြီ ၁၁ ရက်နေ့ အတွင်း နေပြည်တော်၊ ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်း၊ ဧရာဝတီတိုင်း၊ တနင်္သာရီ တိုင်း၊ ကချင်၊ ကယား၊ ကရင်၊ ချင်း၊ မွန်၊ ရခိုင်နှင့် ရှမ်းပြည်နယ်တို့တွင် နေရာကျဲကျဲ မိုးထစ်ချုန်း ရွာနိုင် ကြောင်းသိရသည်။

▪️ ထို့အပြင် ဧပြီ၁၂ရက်နေ့မှ ၁၇ ရက်နေ့အတွင်း နေပြည်တော်၊ ရန်ကုန် တိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်း၊ ဧရာဝတီတိုင်း၊ တနင်္သာရီတိုင်း၊ ကချင် ၊ ကယား၊ ကရင်၊ ချင်း၊ မွန်၊ ရခိုင် နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ အချို့ ဒေသများတွင် နေရာကွက်၍ မိုးကြီးနိုင်ကြောင်း ဖော်ပြထားသည်။

▪️ ထို့ကြောင့်  မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်အားလည်းကောင်း၊ မြစ်ငယ်၊ ချောင်းငယ်များအနီးတွင် နေထိုင် ကြသူများအနေဖြင့် ရေကြီး၊ ရေလျှံမှုအန္တရာယ်များကိုလည်းကောင်း ကြိုတင်သတိပြုရှောင်ရှား နိုင်ပါရန် အကြံပြုထားကြောင်း သိရသည်။

#YMG/NN #Yangon_Times