မန္တလေးတိုင်းဒေသကြီး ညောင်ဦးမြို့နယ်ရှိပုဂံ-ညောင်ဦးလေဆိပ်ကို အဆင့်မြင့်တင်ဆောင်ရွက်လျှက်ရှိတယ်လို့ သိရပါတယ်။

#Local_News
Published 22 December 2025
#ပုဂံ_ညောင်ဦး #မန္တလေးတိုင်းဒေသကြီး
#YMG/SW #Yangon_Times

ရန်ကုန်တိုင်းဒေသကြီးအတွင်းက ယုဇနနဲ့ကျန်စစ်မင်းအိမ်ရာတွေမှာ အိမ်ရာအဆောက်အအုံ၂၄လုံးထပ်တိုးတည်ဆောက်သွားမယ်လို့ ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံဖြိုးရေးဦးစီးဌာနမှ သိရပါတယ်။

#Local_News
Published 22 December 2025
#ယုဇန #ကျန်စစ်မင်းအိမ်ရာ
#YMG/SW #Yangon_Times

ယခုဘဏ္ဍာနှစ် ရှစ်လတာအတွင်း ပြည်ပနိုင်ငံတွေကို ပုစွန်တင်ပို့တာကနေ အမေရိကန်ဒေါ်လာ ၂၁သန်းကျော် ရရှိထားတယ်လို့ ငါးလုပ်ငန်းဦးစီးဌာနက သိရပါတယ်။

#Local_News
Published 22 December 2025
#ပုစွန် #ငါး
#YMG/NN #Yangon_Times

ဆံတော်ရှင်ကျိုက်ထီးရိုးဘုရားသို့ နှစ်လကျော် ကာလအတွင်းခရီးသွားလေးသိန်းကျော်ဝင်ရောက်ထားတယ်လို့ ကျိုက်ထီးရိုးစေတီတော် ဂေါပကအဖွဲ့က သိရပါတယ်။

#Local_News
Published 22 December 2025
#ကျိုက်ထီးရိုးဘုရား
#YMG/NN #Yangon_Times

#Daily_News
Published 22 December 2025

၁။‌ ‎‎‎‎ယခုဘဏ္ဍာနှစ်အတွင်း ပုစွန်တင်ပို့မှုမှ ဒေါ်လာ (၂၁)သန်းကျော်ရရှိထား
‎
‎‎၂။ ‎‎‎ယုဇနနှင့်ကျန်စစ်မင်းအိမ်ရာတို့တွင် အိမ်ရာအဆောက်အအုံ(၂၄)လုံးထပ်တိုးတည်ဆောက်မည်
‎
‎၃။‌‌‎ ‎‎‎‎‎‎‎‎‎‎ပုဂံ-ညောင်ဦးလေဆိပ်ကို အဆင့်မြင့်တင်ဆောင်ရွက်နေ

‎‎‎၄။‎ ‌‌‌‌‌‌‌‌‌‎ဩစတြေးလျထောက်လှမ်းရေးစနစ်လိုအပ်ချက်များရှိကြောင်း ဝန်ကြီးချုပ်ဝန်ခံ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 22 December 2025

▪️ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ဒုတိယဝန်ကြီး ဒေါက်တာအောင်ကြီးသည် နေပြည်တော်ကောင်စီဝင် ဦးဇေယျာလင်းနှင့်အတူ ယမာန်နေ့နံနက်ပိုင်းတွင် တပ်ကုန်းမြို့နယ် ရွှေမြို့မွေးမြူရေးဇုန်ရှိ ပုဂ္ဂလိကမွေးမြူရေးခြံများကို ကွင်းဆင်းကြည့်ရှုပြီး လုပ်ငန်းရှင်များနှင့်တွေ့ဆုံကာ ခေတ်မီမွေးမြူရေးစနစ်ဖြင့် မွေးမြူရေးလုပ်ငန်းများ တိုးချဲ့ဆောင်ရွက်နိုင်ရေး ဆွေးနွေးမှာကြားသည်။

▪️ ဒုတိယဝန်ကြီးသည် ပုဂ္ဂလိကမွေးမြူရေးလုပ်ငန်းရှင် ဦးဇော်ထွန်းမြင့်(အင်မိုင်ခ) မွေးမြူရေးခြံတွင် ဒေသနွားကောင်ရေ ၁၅၀ မွေးမြူထားရှိပြီး တိရစ္ဆာန်အစာ နှံစားပြောင်းစိုက်ပျိုးထားရှိမှုနှင့် မွေးမြူရေးလုပ်ငန်းရှင် ဦးအုန်းခိုင်၏ စူပါကောင်း နို့စားနွားမွေးမြူရေးခြံတွင် နို့စားနွား ၇၆ ကောင်မွေးမြူပြီး နို့နှင့်နို့ထွက်ပစ္စည်းများ ထုတ်လုပ်ဖြန့်ဖြူး ပေးနေမှုတို့ကိုကြည့်ရှုရာ မွေးမြူရေးနှင့်ကုသရေးဦးစီးဌာန တိုင်းတာဝန်ခံနှင့် လုပ်ငန်းရှင်များက ရွှေမြို့မွေးမြူရေးဇုန်အတွင်း မွေးမြူရေးလုပ်ငန်းများ ဆောင်ရွက်နေမှု၊ ထပ်မံတိုးချဲ့မွေးမြူနိုင်မှုအခြေအနေနှင့် ဈေးကွက်အခြေအနေကို ရှင်းလင်းတင်ပြကြသည်။

▪️ တင်ပြချက်များအပေါ် ဒုတိယဝန်ကြီးက မွေးမြူရေးတိရစ္ဆာန် ကူးစက်ရောဂါကာကွယ်ဆေးများကို သတ်မှတ်ချက်များအတိုင်း ထိုးနှံပေးရေး၊ အရည်အသွေးပြည့် မွေးမြူရေးထုတ်ကုန်များ ပိုမိုတိုးတက်ထုတ်နိုင်စေရန် သမားရိုးကျမွေးမြူရေးစနစ်မှ ခေတ်မီမွေးမြူရေးစနစ်သို့ ကူးပြောင်းဆောင်ရွက်ရေးနှင့် လိုအပ်ချက်များကို ဆွေးနွေးမှာကြားသည်။

▪️ ထို့နောက် ကံကြီးမွေးမြူရေးဇုန်ရှိ ဒေါက်တာမြတ်စံ၏ ဥစားကြက်မွေးမြူရေးခြံတွင် ဥစားကြက်အကောင်ရေ ၂၆၀၀၀ မွေးမြူထားရှိမှု၊ ဦးဝင်းသူရဇော်၏ Win Family Farm တွင် မွေးမြူရေးအစာထုတ်လုပ်မှုနှင့် ဒေသနွား ၁၀၅ ကောင်၊ နို့စားနွားအကောင် ၂၀ နှင့် အသားတိုးနွား ၁၀ ကောင် မွေးမြူထားရှိမှု၊ မွေးမြူရေးလုပ်ငန်းရှင် ဦးတင်မြိုင်၏ မွေးမြူရေးခြံတွင် အသားတိုးဝက်အကောင်ရေ ၃၀၀၀ မွေးမြူထားရှိမှု၊ ဦးသန်းဌေး၏ မွေးမြူရေးခြံတွင် အသားတိုးကြက် ၁၂၀၀၀ နှင့် ဒေသဆိတ်အကောင် ၇၀ မွေးမြူထားရှိမှုတို့ကို လှည့်လည်ကြည့်ရှုစစ်ဆေးသည်။

▪️ ယင်းနောက် ဒုတိယဝန်ကြီးသည် တပ်ကုန်းမြို့နယ် ရွှေမြို့ရှိ မွေးမြူရေး သုတေသနစခန်း၌ ပျား၊ နွားနောက်၊ မြင်း၊ အိမ်မွေးတိရစ္ဆာန်နှင့် တောရိုင်းတိရစ္ဆာန် စသည့် ကုန်းနေသတ္တဝါများ၏ တိရစ္ဆာန်မျိုးရိုးဗီဇနှင့် သဘာဝအရင်းအမြစ်များ ထိန်းသိမ်းခြင်းဆိုင်ရာ သုတေသနလုပ်ငန်းများ၊ မြန်မာနိုင်ငံ မြင်းစီးအားကစား အဖွဲ့ချုပ်နှင့်ပူးပေါင်း၍ မြင်းများ ၏ မျိုးပွားမှုဆိုင်ရာ ခရိုမိုဆုန်းများ ပုံမှန်ဟုတ်/ မဟုတ်ကို Polymerase Chain Reaction- PCR နည်းအားဖြင့် စစ်ဆေးသည့် သုတေသနလုပ်ငန်းများ၊ မျိုးမွေး မြူထိန်းသိမ်းခြင်း၊ မျိုးကောင်းမျိုးသန့်ပွားများ ထုတ်လုပ်ခြင်းဆိုင်ရာ သုတေသနလုပ်ငန်းများနှင့် ၂၀၂၂-၂၀၂၃ ခုနှစ်မှ ၂၀၂၅-၂၀၂၆ ခုနှစ်အထိ ဘဏ္ဍာနှစ်အလိုက်ဆောင်ရွက်မည့် သုတေသနလုပ်ငန်းများကို လှည့်လည်ကြည့်ရှုပြီး မွေးမြူသူများနှင့် ကျေးလက်နေပြည်သူများ၏ လူမှုစီးပွားဘဝမြင့်မားလာစေရန်နှင့် မွေးမြူရေးအခြေခံစီးပွားရေး ကဏ္ဍဖွံ့ဖြိုးတိုးတက်ရေးအတွက် မွေးမြူရေးသုတေသန လုပ်ငန်းများ၏အရေးပါမှုနှင့် အချိန်တိုပြီးအသုံးချ သုတေသနဖြစ်သည့် ဒေသကြက်နှင့် ဥစားကြက်သုတေ သနရလဒ်ကောင်းများ အမြန်ဆုံး ဖော်ထုတ်နိုင်ရေး ကြိုးပမ်းဆောင်ရွက်ကြရန် ဆွေးနွေးမှာကြားသည်။

▪️ မွန်းလွဲပိုင်းတွင် မြင်းမေထုန်မဲ့နှင့် မျိုးရိုးဗီဇဓာတ်ခွဲခန်း၊ ပျားမေထုန်မဲ့နှင့် မျိုးရိုးဗီဇဓာတ်ခွဲခန်း၊ တိုင်းရင်းကြက်စစ်တကောင်း၊ အင်ပင်ဝနှင့် ရွှေတဆုပ်ကြက်များ အသားစားကြက်မျိုးသစ် ဖော်ထုတ်ခြင်းနှင့် ဒေသနွားများ သုတေသနလုပ်ငန်းဆောင်ရွက်နေမှုများကို ကြည့်ရှုစစ်ဆေးခဲ့ကြောင်း သတင်းရရှိသည်။

#YMG/NN #Yangon_Times

#Local_News
Published 22 December 2025

▪️ ရန်ကုန်တိုင်းနှင့်ဒေသအများစု၌ ညအပူချိန်များဆက်လက်လျော့ကျနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၏ ယနေ့ နေ့လယ်ပိုင်းအချိန်ထုတ်ပြန်ချက်အရ သိရသည်။

▪️ မနက်ဖြန်နံနက်အထိခန့်မှန်းချက်မှာ နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ ဧရာဝတီတိုင်းဒေသကြီးနှင့် ရခိုင်ပြည်နယ်တို့တွင် အများအားဖြင့် သာယာပြီး ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့် ဖြစ်ထွန်းပြီး
နောက် ၂ ရက်အတွက်ခန့်မှန်းချက်မှာ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ ဧရာဝတီတိုင်းဒေသကြီး၊ ကယားပြည်နယ်နှင့် ရှမ်းပြည်နယ်တို့တွင် ညအပူချိန်များ အနည်းငယ်လျော့နည်းနိုင်ကြောင်းသိရသည်။

▪️ ထို့အပြင် လွန်ခဲ့သော ၂၄ နာရီအတွင်းက ရခိုင်ပြည်နယ်တွင် အများအားဖြင့် သာယာခဲ့ပြီး ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့်ဖြစ်ထွန်းခဲ့ပြီး ညအပူချိန်များမှာ တနင်္သာရီတိုင်းဒေသကြီးတွင် ဒီဇင်ဘာလ၏ ပျမ်းမျှအပူချိန်အောက် ၂ ဒီဂရီဆဲလ်စီးယပ်လျော့နည်းခဲ့ပြီး မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ဧရာဝတီတိုင်းဒေသကြီး၊ ချင်းပြည်နယ်နှင့် ရှမ်းပြည်နယ်(တောင်ပိုင်း)တို့တွင် ဒီဇင်ဘာလ၏ ပျမ်းမျှအပူချိန်တို့ထက် ၂ ဒီဂရီဆဲလ်စီးယပ် နှင့် နေပြည်တော်၊ မန္တလေးတိုင်းဒေသကြီး၊ ကယားပြည်နယ်နှင့် ရှမ်းပြည်နယ်(မြောက်ပိုင်း)တို့တွင် ဒီဇင်ဘာလ၏ ပျမ်းမျှအပူချိန်တို့ထက် ၃ ဒီဂရီ ဆဲလ်စီးယပ်မှ ၄ ဒီဂရီဆဲလ်စီးယပ်အထိပိုခဲ့ပြီး ကျန်တိုင်းဒေသကြီးနှင့် ပြည်နယ်တို့တွင် ဒီဇင်ဘာလ၏ ပျမ်းမျှအပူချိန်ခန့်သာ ရှိခဲ့ကြောင်းသိရသည်။

▪️ ထူးခြားသည့် ညအပူချိန်များမှာ ဟားခါးမြို့တွင် ၄.၅ ဒီဂရီဆဲလ်စီးယပ်၊ လွိုင်လင်မြို့တွင် ၅.၂ ဒီဂရီဆဲလ်စီးယပ်၊ တီးတိန်မြို့တွင် ၆.၃ ဒီဂရီဆဲလ်စီးယပ်၊ ပူတာအိုမြို့နှင့် နမ့်စန်မြို့(ရှမ်းပြည်နယ်တောင်ပိုင်း)တို့တွင် ၇.၀ ဒီဂရီဆဲလ်စီးယပ်စီ၊ မိုင်းယန်းမြို့တွင် ၇.၅ ဒီဂရီဆဲလ်စီးယပ်၊ ပင်လောင်းမြို့တွင် ၇.၆ ဒီဂရီဆဲလ်စီးယပ်၊ မင်းကင်းမြို့တွင် ၈.၅ ဒီဂရီဆဲလ်စီးယပ်၊ မချမ်းဘောမြို့တွင် ၉.၃ ဒီဂရီဆဲလ်စီးယပ်နှင့် တောင်ကြီးမြို့တွင် ၉.၈ ဒီဂရီဆဲလ်စီးယပ်တို့ဖြစ်ကြ ကြောင်းသိရသည်။

▪️ ဘင်္ဂလားပင်လယ်အော်အနောက်တောင်ပိုင်းတွင် တိမ်ထူထပ်နေပြီး ကပ္ပလီပင်လယ်ပြင်နှင့် ကျန်ဘင်္ဂလား ပင်လယ်အော်တို့တွင် တိမ်အနည်းငယ်မှတိမ်အသင့်အတင့် ဖြစ်ထွန်းနေကြောင်းသိရသည်။

#YMG/NN #Yangon_Times

#Local_News
Published 22 December 2025

▪️ ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ အထက်ပန်းဆိုးတန်းလမ်းရှိ ပြည်သူ့ပါတီ ရန်ကုန်တိုင်း ရုံးအနီးတွင် ယမန်နေ့ ည ၇ နာရီကျော် အချိန်ခန့်က ပေါက်ကွဲမှု ဖြစ်ပွားခဲ့ကြောင်း သိရသည်။

▪️ “မနေ့က ည ၇ နာရီမခွဲခင်လေးမှာ ဖြစ်သွားတာပါ။ တိုင်းရုံး ရဲ့ အတက်၊ အဆင်းလှေကားနဲ့ ဟိုဘက်တိုက်မှာ နောက်ဘက်ကို ဝင်ထွက်သွားလာနေတဲ့ ကြားလမ်းလေးတစ်ခု ရှိတယ်။ အဲဒီမှာ ကျွန်တော်တို့ တိုင်းရုံးရဲ့ အတက်၊ အဆင်းလှေကားထိပ်ဆုံးလမ်းကြားထိပ်မှာ ဖြစ်သွားတာ” ဟု ပြည်သူ့ပါတီ ရန်ကုန်တိုင်း ဥက္ကဋ္ဌ ဦးလှဋ္ဌေးက ပြောသည်။

▪️ အဆိုပါ ပေါက်ကွဲမှုကြောင့် ပါတီရုံးခန်းတည်ရှိသည့် ၈ ထပ် အဆောက်အအုံ ၏ ၅ ထပ် နှင့် ၆ ထပ် ထိ ငါးလွှာ၊ အဆောက်အအုံ အခန်းများတွင် တပ်ဆင်ထားသော မှန်များ ကွဲကျ ပျက်စီးသွားကာ ပါတီအောင်နိုင်ရေး ဆိုင်းဘုတ်တွင်လည်း အပေါက်ငယ် များဖြစ်ပွားခဲ့ကြောင်း သိရသည်။

▪️ အလားတူ ပါတီအောင်နိုင်ရေးဆိုင်းဘုတ်ရှေ့တွင် ရပ်ထားသည့် မော်တော်ယာဉ် တစ်စီးလည်း ဗုံးစထိမှန် ပြီး ကားမှန်လေးဘက်လုံး ပျက်စီးသွားခဲ့ကြောင်း ၊ ကံအားလျော်စွာ လူထိခိုက်မှု မရှိကြောင်း သိရသည်။

▪️ “ဗုံးသံတော်တော်ကျယ်တယ်။ ဗုံးစတွေက ကားရဲ့ ဘော်ဒီကိုလည်း ဖောက်ထွက်သွားတယ်။
လမ်းမှာ လူရှင်းနေတဲ့အချိန် ဖြစ်လို့ ကံကောင်းတယ်ပဲ ပြောရမယ်” ဟု ဦးလှဌေးက ပြောသည်။

▪️ လက်ရှိတွင် သက်ဆိုင်ရာ လုံခြုံရေးအဖွဲ့က CCTV မှတ်တမ်းများကို စစ်ဆေး၍ ကျူးလွန်သူများကို စုံစမ်း စစ်ဆေးမှုတွေ ပြုလုပ်နေပြီဖြစ်ကြောင်း သိရသည်။

#YMG/PP #Yangon_Times

#World_News
Published 22 December 2025

■ အမေရိကန်သမ္မတ ဒေါ်နယ်ထရမ့်အစိုးရအဖွဲ့က သံအမတ်နဲ့ အခြားသော အကြီးတန်းသံရုံးရာထူးများမှ နှစ်ရှည်သံတမန် ၃၀ နီးပါးခန့်ကို တာဝန်မှပြန်လည်ခေါ်ယူလိုက်ပါတယ်။

■ အမေရိကန်သံတမန်ရေး ရပ်တည်မှုကို အမေရိကန်ဦးစားပေးစနစ် အပြည့်အဝထောက်ခံတယ်လို့ ယူဆရတဲ့ ပုဂ္ဂိုလ်တွေနဲ့ ပြန်လည်ပုံသွင်းသွားဖို့ စီစဉ်နေတာ ဖြစ်ပါတယ်။

■ အနည်းဆုံး ၂၉ နိုင်ငံလောက်မှ သံတမန်ရေးရာအကြီးအကဲတွေကို ဇန်နဝါရီမှာ တာဝန်ပြီးဆုံးမှာဖြစ်တယ်လို့ ပြီးခဲ့တဲ့ ရက်သတ္တပတ်က အသိပေးခဲ့ကြောင်း နိုင်ငံခြားရေးဝန်ကြီးဌာနမှ အရာရှိနှစ်ဦးက ဆိုပါတယ်။

■ သူတို့အားလုံးဟာ ဂျိုးဘိုင်ဒင်အစိုးရလက်အောက်မှာ ရာထူးတာဝန်တွေ ရရှိခဲ့တာဖြစ်ပြီး ထရမ့်အစိုးရအစောပိုင်းလတွေမှာ ကျန်ရှိနေခဲ့ကြတာ ဖြစ်ပါတယ်။

■ ဒါပေမဲ့ ဖယ်ရှားခံရသူတွေဟာ နိုင်ငံခြားရေးရာအလုပ်တွေကို ဆုံးရှုံးတာမျိုးမဟုတ်ဘဲ ဝါရှင်တန်သို့ပြန်လာကာ ယင်းတို့ဆန္ဒရှိတဲ့ အခြားသောတာဝန်တွေ ရယူနိုင်မှာဖြစ်တယ်လို့ ဆိုပါတယ်။

■ သံအမတ်ဆိုတာဟာ သမ္မတရဲ့ ပုဂ္ဂိုလ်ရေးကိုယ်စားလှယ်ဖြစ်ပြီး အမေရိကားသာဦးစားပေး အစီအစဉ်အတွက် သမ္မတကြိုက်နှစ်သက်ရာ ပုဂ္ဂိုလ်တွေကို ခန့်အပ်နိုင်တယ်လို့ ဆိုပါတယ်။

■ ထိုနိုင်ငံတွေထဲမှာ အာဖရိကတိုက်မှ အများဆုံးပါဝင်ပြီး ကမ်မရွန်၊ အိုင်ဗရီကို့စ်၊ မာဒါဂတ်စ်ကာ၊ နိုင်ဂျီးရီးယား၊ ရဝမ်ဒါ၊ ဆိုမာလီယာတို့လို နိုင်ငံတွေပါဝင်ပါတယ်။

■ ဒုတိယအများဆုံးက အာရှတိုက်ဖြစ်ကာ လာအို၊ ဖိလစ်ပိုင်၊ ဗီယက်နမ်တို့လို နိုင်ငံတွေအပါအဝင် ၆ နိုင်ငံပါဝင်ပါတယ်။

■ ဥရောပမှ အာမေးနီးယား၊ မက်ဆီဒိုးနီးယား၊ မွန်တီနီဂရိုး၊ ဆလိုဗေးကီးယားနဲ့ အရှေ့အလယ်ပိုင်းမှ အယ်ဂျီးရီးယား၊ အီဂျစ်၊ အာရှအလယ်ပိုင်းမှ နီပေါ၊ သီရိလင်္ကာ၊ အနောက်ဘက်ခြမ်းမှ ဂွာတီမာလာနဲ့ ဆူရီနမ်တို့ ပါဝင်ပါတယ်။

■ အချို့သောလွှတ်တော်အမတ်တွေနဲ့ အမေရိကန်သံတမန်သမဂ္ဂတွေကတော့ ဒီလိုပြန်လည်ခေါ်ယူတဲ့အပေါ် စိုးရိမ်ပူပန်မိကြောင်း ဖော်ပြလာပါတယ်။

Source: AP News

#World_Health
Published 22 December 2025

■ ခွေးမွေးသူတွေဟာ မျက်နှာကို လျှာနဲ့ယက်ခံရတာကို ချစ်ခင်ကြည်နူးတဲ့ အမူအရာအဖြစ် ကျေနပ်နေကြပေမယ့် မလိုလားအပ်တဲ့ ကျန်းမာရေးအန္တရာယ်တွေ ဖြစ်လာနိုင်တယ်လို့ ပန်ဆယ်ဗေးနီးယားပြည်နယ်တက္ကသိုလ်က လေ့လာထားပါတယ်။

■ ဒီအမူအကျင့်ကြောင့် လူသားတွေမှာ ပဋိဇီဝဆေးယဉ်ပါးဘက်တီးရီးယားတွေ ထိတွေ့နိုင်တယ်လို့ ဖော်ပြထားပါတယ်။

■ ခွေးတွေက ကျန်းမာရေးကောင်းတဲ့ပုံစံ ဖြစ်နေတာတောင် ဆယ်မွန်နဲလားလိုမျိုး ပဋိဇီဝဆေးယဉ်ပါးတဲ့ ဘက်တီးရီးယားတွေ သယ်ဆောင်ထားနိုင်ပြီး လူသားတွေမှာ အစာအိမ်အူလမ်းကြောင်းလက္ခဏာတွေ ဖြစ်လာနိုင်ပါတယ်။

■ ၂၀၁၇ မှ ၂၀၂၃ အတွင်း ခွေး ၈၇ ကောင်ကို လေ့လာခဲ့ကာ လူသားတွေမှာ ရောဂါဖြစ်စေတဲ့ ဆယ်မွန်နဲလားမျိုးနွယ် ၈၂ မျိုး တွေ့ရှိခဲ့ပါတယ်။

■ ၃၉ ရာခိုင်နှုန်းသောခွေးတွေမှာ shdA လို့ခေါ်တဲ့ မျိုးဗီဇပစ္စည်း သယ်ဆောင်ထားကာ အူတွေထဲမှာ ဆယ်မွန်နဲလား ရှိနေစေပါတယ်။

■ လူတွေရဲ့မျက်နှာကို လျှာနဲ့ယက်ခြင်းဖြင့် လူသားတွေဆီ ထိုဘက်တီးရီးယားတွေ ကူးစက်နိုင်ပါတယ်။

■ ဆေးယဉ်ပါးဘက်တီးရီးယားတွေက ကုသရခက်ခဲစေနိုင်ကာ တစ်ကမ္ဘာလုံးမှာ စိုးရိမ်စရာဖြစ်နေပါတယ်။

■ လက်ဆေးခြင်း၊ မျက်နှာကို လျှာအယက်မခံခြင်း၊ ပုံမှန်တိရိစ္ဆာန်ဆေးစစ်ခြင်း၊ ခွေးတွေနေထိုင်ရာနေရာကို သန့်ရှင်းခြင်းတို့ဖြင့် ကူးစက်မှုအန္တရာယ် လျော့နည်းစေနိုင်ပါတယ်။

■ လူသားတွေနဲ့ အိမ်မွေးတိရိစ္ဆာန်တွေကြား ချစ်ခင်မှုနဲ့ ကျန်းမာရေးဘေးကင်းမှုတို့ မျှတမှုရှိစေရန် ကြိုတင်ကာကွယ်နေထိုင်သွားဖို့ ဒီလေ့လာချက်ကနေ အသိပေးထားတာ ဖြစ်ပါတယ်။

Source: Daily Galaxy

#World_Science
Published 22 December 2025

■ အချို့သောမှတ်ဉာဏ်တွေကို တိတိကျကျ အမှတ်ရနေတာမျိုးရှိနိုင်ပေမယ့် ဦးနှောက်က အရာအားလုံးကို အစွဲအမြဲ သိမ်းဆည်းထားတာတော့ မဟုတ်ပါဘူး။

■ အချို့မှတ်ဉာဏ်တွေက ရက်ပိုင်းအတွင်း ပျောက်ကွယ်တတ်ပြီး အချို့ကတော့ နှစ်တွေကြာတဲ့တိုင်အောင် မှတ်မိနေတာဟာ ဘာကြောင့်ပါလဲ။

■ နယူးယော့ခ် ရော့ခ်ဖယ်လာတက္ကသိုလ်မှ သိပ္ပံပညာရှင်များက ကြွက်တွေနဲ့ လက်တွေ့ပုံစံသရုပ်ဖော်ခဲ့ပါတယ်။

■ သူတို့ကို အကြိမ်ကြိမ်မြင်တွေ့စေတဲ့ အရာတွေ ပြသတဲ့အခါ ကြာရှည်ခိုင်မြဲစွာ မှတ်သားစေတဲ့ မှတ်ဉာဏ်တွေ ဖြစ်ပေါ်ပြီး ခဏပဲပြသတာတွေကိုတော့ အလျင်အမြန် မေ့လျော့သွားကြပါတယ်။

■ ဒါဟာ ဦးနှောက်ထဲက အချို့သောမော်လီကျူးတွေက ဘယ်လိုမှတ်ဉာဏ်တွေကို မှတ်မိစေမလဲ ဘယ်ဟာတွေကို မေ့လျော့စေမလဲ ဆိုတာတွေကို ထိန်းညှိပေးတာဖြစ်တယ်လို့ Nature ဂျာနယ်ထဲမှာ ဖော်ပြထားပါတယ်။

■ မှတ်ဉာဏ်ရေရှည်မှတ်မိတာဟာ ဖြည်းဖြည်းချင်း ဆင့်ကဲပြောင်းလဲတဲ့ ဖြစ်စဉ်ဖြစ်ပြီး ဦးနှောက်နေရာတွေက မှတ်ဉာဏ်တွေကို ရေရှည်တည်မြဲအောင် စီစဉ်ပေးတာ ဖြစ်ပါတယ်။

■ အဓိကအရေးပါတဲ့ မော်လီကျူးတွေက CAMTA1 ၊ TCF4 နဲ့ ASH1L တို့ဖြစ်ပါတယ်။

■ CAMTA1 က မှတ်ဉာဏ်အသစ်တွေကို ရက်အနည်းငယ်အတွင်း သိမ်းထားပေးကာ အလျင်အမြန် ပျောက်ကွယ်သွားပါတယ်။

■ ဒီနောက် TCF4 ပါဝင်လာပြီး ဦးနှောက်အတွင်း ချိတ်ဆက်အားကောင်းစေကာ မှတ်ဉာဏ်တည်တံလာစေပါတယ်။

■ နောက်ဆုံးမှာ ASH1L က ရေရှည်မှတ်မိအောင် ပြုလုပ်ပေးပါတယ်။

■ ဒီလေ့လာချက်တွေကနေ အယ်ဇိုင်းမားရောဂါ သုတေသနကို အထောက်အကူဖြစ်နိုင်ပြီး မှတ်ဉာဏ်လွှဲပြောင်းတည်တံ့စေမယ့် နည်းလမ်းတွေကို ရှာဖွေနိုင်မှာဖြစ်ပါတယ်။

Source: India Today

ကမ္ဘာအကောင်းဆုံး စွပ်ပြုတ်စာရင်း (၂၀)မှာ မြန်မာ့မုန့်ဟင်းခါးပါဝင်တယ်လိုCNN သတင်းဌာနရဲ့ ကမ္ဘာလုံးဆိုင်ရာ ခရီးသွားကဏ္ဍကို ဖော်ပြပေးနေတဲ့ CNN Travel မှာ ဖော်ပြထားပါတယ်။

#Local_News
Published 20 December 2025
#မုန့်ဟင်းခါး #စွပ်ပြုတ်
#YMG/SW #Yangon_Times