#World_Health
Published 8 August 2022

သွေးပေါင်ချိန်တိုင်းတာတဲ့အခါ လက်မောင်းတစ်ဖက်တည်းကို တိုင်းတာတာထက် နှစ်ဖက်စလုံးကိုတိုင်းတာသင့်ကြောင်း သိပ္ပံပညာရှင်များက အကြံပြုလိုက်ပါတယ်။

လက်ရှိလူအများစုတိုင်းတာနေတဲ့အတိုင်း လက်တစ်ဖက်တည်းကိုသာ တိုင်းတာပါက သွေးတိုးရောဂါရှိမှန်းမသိလိုက်ရတဲ့ လူတွေအများကြီးရှိနေနိုင်တယ်လို့ ဆိုပါတယ်။

သွေးတိုးရောဂါရှိတဲ့အခါ နှလုံးဖောက်ခြင်းနဲ့ လေဖြတ်ခြင်းတို့ဖြစ်နိုင်ပြီး ဒါဟာ ကမ္ဘာပေါ်မှာ သေဆုံးရတဲ့အကြောင်းအရင်းတွေထဲက အများဆုံး ၂ မျိုးဖြစ်ပါတယ်။

"သွေးတိုးရောဂါက တစ်ကမ္ဘာလုံးမှာကြုံနေရတဲ့ပြဿနာဖြစ်ပြီး သေချာမထိန်းသိမ်းနိုင်ပါက အသက်အန္တရာယ်ရှိပါတယ်" လို့ အိတ်စ်တာတက္ကသိုလ်မှ ဦးဆောင်သုတေသီဒေါက်တာ'ခရစ္စတိုဖာ ကလာ့ခ်'က ဖော်ပြခဲ့ပါတယ်။

"မည်သည့်လက်မောင်းက အတိကျဆုံးလဲဆိုတာကို မသိနိုင်တာကြောင့် နှစ်ဖက်စလုံးကို တိုင်းတာတာက အကောင်းဆုံးပါ၊ သွေးတိုးလက္ခဏာရှိတယ်လို့ မှန်မှန်ကန်ကန်သိတဲ့အခါ သင့်တော်တဲ့ကုသမှုတွေ ဆောင်ရွက်နိုင်မှာဖြစ်ပါတယ်" လို့ ပြောပြခဲ့ပါတယ်။

လူပေါင်း ၅၃,၁၇၂ ရဲ့အချက်အလက်တွေကို လေ့လာခဲ့ကြပြီး Hypertension ဂျာနယ်မှာ ဖော်ပြခဲ့ကြပါတယ်။

သွေးပေါင်ချိန်ဖိအားဆိုတာက သွေးလွှတ်ကြောတွေကို သွေးတွေက ဘယ်လောက်အထိဖိအားပေးလဲဆိုတာကို တိုင်းတာတာဖြစ်ပြီး မီလီမီတာမာကျူရီနဲ့ ဖော်ပြပါတယ်။

အပေါ်သွေးက နှလုံးကနေ တစ်ကိုယ်လုံးဆီသို သွေးညှစ်ထုတ်လိုက်တဲ့ နှလုံးရဲ့တွန်းအားကိုဖော်ပြပြီး အောက်သွေးကတော့ နှလုံးခုန်နှုန်း တစ်ချက်နဲ့တစ်ချက်ကြား နှလုံးရပ်နားသွားတဲ့အချိန်မှာ သက်ရောက်နေတဲ့ ဖိအားကို ဆိုလိုပါတယ်။

သွေးပေါင်ချိန်တစ်မျိုးမျိုးက မြင့်တက်လာတယ်ဆိုရင် သွေးကြောတွေနဲ့ အဓိကအင်္ဂါတွေ တင်းကျပ်လာစေပါတယ်။

ဆရာဝန်တွေကတော့ အပေါ်သွေးများခြင်းကို အဓိကထားဂရုစိုက်လေ့ရှိပါတယ်။

လက်မောင်းတစ်ဖက်နဲ့တစ်ဖက်ကြား အပေါ်သွေးကွာခြားချက် ပျမ်းမျှအားဖြင့် ၆.၆ မီလီမီတာမာကျူရီရှိကြောင်း ဒေါက်တာ'ကလာ့ခ်'နဲ့အဖွဲ့က တွေ့ရှိခဲ့ကြပါတယ်။

လက်မောင်းနှစ်ဖက်စလုံးက သွေးပေါင်ချိန်ကိုတိုင်းတာပြီးတဲ့အခါ အပေါ်သွေး ၁၄၀ မီလီမီတာမာကျူရီထက် ပိုများတဲ့သူ ၆,၅၀၀ နီးပါးကို သွေးတိုးရှိကြောင်း ဖော်ထုတ်ခဲ့ကြပါတယ်။

နိုင်ငံတကာမှ လမ်းညွှန်ချက်တွေမှာလည်း လက်မောင်းနှစ်ဖက်စလုံးကို တိုင်းတာသင့်ကြောင်း အကြံပြုထားပေမယ့် ဆေးရုံဆေးခန်းတွေမှာ လူနာများပြီး အချိန်သိပ်မရတာကြောင့် တစ်ဖက်တည်းကိုသာ တိုင်းတာလေ့ရှိပါတယ်။

Source: DailyMail
#Yangon_Media_Group

Published 7 August 2022

နယ်သာလန်နိုင်ငံ မြို့တော် အမ်စတာဒမ်ရဲ့ တူးမြောင်းတွေမှာ ကျင်းပတဲ့ တူးမြောင်းစီတန်းလှည့်လှည်ပွဲကို ဩဂုတ် ၆ ရက်နေ့က ကျင်းပပါတယ်။

ဒီပွဲဟာ လိင်တူ LGBTQ Pride တွေဆင်နွှဲကြတဲ့ ပွဲတော်ကြီးတစ်ခုဖြစ်ပြီး ကိုဗစ်ကပ်ဘေးကြောင့် ပြီးခဲ့တဲ့ (၂)နှစ်က မကျင်းပဖြစ်ခဲ့ဘဲ ယခုနှစ်မှပြန်လည်ကျင်းပဖြစ်ခဲ့တာပါ

ပွဲတော်လာပရိဿတ်ထောင်ပေါင်းမျာစွာဟာ တူးမြောင်းတလျောက် တန်းစီပြီး တူးမြောင်းလှည့်လှည်ပွဲတော်တော်ကို အားပေးခဲ့ကြပါတယ်။

တူးမြောင်းထဲမှာ အလှဆင်ယင်ထားတဲ့ သင်္ဘောအစီး (၈၀)ပါတဲ့ သင်္ဘောအုပ်စုကြီးတွေ လှည့်လည်နေပြီး သင်္ဘောတွေပေါ်မှာ မိုးပျံဗူဗောင်းတွေ၊သက်တန့်ရောင်စုံအလံတွေ၊ထီးတွေနှင့် လူတွေဟာ ကခုန်သီချင်းသီဆိုနေကြပါတယ်။

အဲဒီ အလှပြသင်္ဘောတွေမှာ လူ့အခွင့်အရေးအုပ်စုတွေ၊အရက်ဘားဆိုင်တွေ၊အဝတ်အထည်အမှတ်တံဆိပ်တွေနှင့် ဒတ်ချ် စစ်တပ်တွေကိုပင် ကိုယ်စားပြုလှည့်လည်ဆင်နွှဲနေကြပါတယ်။

Source : AFP

Published 7 August 2022

အမျိုးသမီးတစ်ဦးဟာ မောင်းနှင်နေတဲ့ အက်စ်ယူဗွီကားတစ်စီးရဲ့ ပြတင်းပေါက်အပြင်ထွက်ပြီး ဝမ်းဗိုက်လှုပ်အက ကရင်း လိုက်ပါလာရာကနေ မတော်တဆ ပြတင်းပေါက်က ထွက်ကျခဲ့ပေမယ့် ထူးဆန်းတဲ့ကံကြမ္မာကြောင့် အသက်အန္တရာယ်က လွတ်မြောက်ခဲ့ပါတယ်။

ပထမဆုံး အဲဒီအမည်မသိ အမျိုးသမီးဟာ မစ်ဆူဘီရှီ ပါဂျရိုးကားပြတင်းပေါက်ပေါ်ကို ထိုင်ချလိုက်တာတွေ့ရပါတယ်။

အဲဒီနောက် သူမဟာ ကိုယ်ကိုအပြင်ထုတ်ပြီး ဗိုက်လှုပ်အက ကပြီးလိုက်ပါလာတာပါ။

အဲဒီနောက် ဟန်ချက်လွတ်ပြီး ကားပြတင်ကနေ လမ်းပေါ်ကို ခေါင်းနှင့် ကျသွားပါတယ်။

သူမရဲ့ခေါင်းနှင့်လမ်းရိုက်မိပေမယ့် ကြီးကြီးကျယ်ကျယ်ထိခိုက်သွားပုံမပေါ်ပါဘူး။

သူမဟာ ကပျာကယာပြန်ထလိုက်ပြီး ပါဂျရိုးဆီအပြေးသွားပါတော့ယ်။ ကားမောင်းသူကလည်း သူမကိုကားရပ်ပေးလိုက်ပါတယ်။

ရုရှားနိုင်ငံတောင်ပိုင်းက မူစလင်တွေအများစုနေတဲ့ ဒါဂက်စတန်ပြည်နယ်ရဲ့ မြို့တော် မာခါချက်ကလာမှာ ဖြစ်ခဲ့တာပါ။

ယဉ်မောင်းဟာ အသက် ၂၄နှစ်အရွယ် လုပ်ငန်းရှင်တစ်ဦးဖြစ်တဲ့ ရှာရက်ကာဗာနော့ဗ်ဖြစ်ပြီး  နောက်နောင် ယာဉ်စည်းကမ်း လမ်းစည်းကမ်းကို လိုက်နာပါမယ့်အကြောင်း အာဏာပိုင်တွေက သူ့ကို ဝန်ချတောင်းပန်ခိုင်းခဲ့ပါတယ်။

Source: DailyMail

Video ကြည့်ရန်...

https://t.me/yangonmediagroup/10653

Published 7 August 2022

တရုတ်ပြည်သူ့လွတ်မြောက်ရေးတပ်မတော် (PLA) ၏ အမြောက်တပ်ဖွဲ့တစ်ခုသည် တပ်ဖွဲ့ဝင်တွေရဲ့ တိုက်ပွဲဝင် စွမ်းရည်များကို အကဲဖြတ်ရန် မကြာသေးမီက ခဲယမ်း အစစ် များဖြင့် ပစ်ခတ်လေ့ကျင့်ခန်းတွေ ပြုလုပ်ခဲ့ပါတယ်။

လေ့ကျင့်ရေးကွင်းတစ်ခုက ပြုလုပ်ခဲ့တဲ့ အဆိုပါ စစ်ရေးလေ့ကျင့်မှုမှာ   အမြောက်တပ်တစ်ခုက  ပစ်ခတ်မှု အမြောက်အမြား ဆောင်ရွက်ခဲ့ပြီး ဒုံးကျည်တွေဟာ ပစ်မှတ်ကို တိကျစွာ ထိမှန်ခဲ့တယ်လို့ သတင်းထုတ်ပြန်ပါတယ်။

တရုတ် အရှေ့ပိုင်းစစ်တိုင်းဟာ ထိုင်ဝမ်ကျွန်းအနီး ရေပြင်နှင့်ဝေဟင်တွေမှာ တနင်္ဂနွေနေ့က တိုက်ပွဲဝင်စစ်ရေးလေ့ကျင့်မှုတွေကို ဆက်လက်လုပ်ဆောင်နေကြပါတယ်။

Source CCTV+

#China_artillery_drill

#China_missiles_exercise

#China_Taiwan

Published: 7 August 2022

မစ်စစ္စပီပြည်နယ်က လူတစ်ဦးရဲ့ အိမ်မွေးကြောင်မကလေး တစ်ကောင်ဟာ သူ့အိမ်ကို ဓားပြတိုက်မယ့် အန္တရာယ်မှ ဟန့်တားနိုင်ခဲ့ပြီး အဲဒီကာလီကိုကြောင်ကလေးဟာ သူ့အသက်ကိုတောင်ကယ်ခဲ့တာဖြစ်နိုင်တယ်လို အဲဒီပြည်နယ်သားက ချီးကျုးလိုက်ပါတယ်။

ဘန်ဒစ်လို့အမည်ပေးထားတဲ့ အဲဒီကြောင်မကလေးဟာ အလေးချိန်ပေါင် ၂၀ရှိပြီး သခင်ဖြစ်သူ အငြိမ်းစားအမျိုးသားကြီး ဖရက် အဲဗားရစ်နှင့်အတူ ဘဲလ်ဒင်မြို့ဆင်ခြေဖုံး တူပီလိုအရပ်မှာ နေထိုင်ကြပါတယ်။

ပြီးခဲ့တဲ့အပတ်က အနည်းဆုံးလူနှစ်ဦးဟာ သူတို့နေတဲ့ အိမ်ကို‌ ဖောက်ထွင်းဖို့ကြိုးစားခဲ့ကြပါတယ်။ ကြောင်မကလေးဟာ သူလုပ်နိုင်သမျှအားလုံးကို လုပ်ပေးခဲ့ရာမှာ  သခင်ဖြစ်သူအဲဗားရစ်ကို အန္တရာယ်ရှိနေတဲ့အကြောင်း သွားပြီး သတိပေးခဲ့ပါတယ်လို့ သူက အရှေ့မြောက်မစ်စစ္စပီဂျာနယ်က ပြောပါတယ်။

“ အိမ်စောင့်ခွေးတော့ ခင်ဗျာမကြာခဏ ကြားဖူမှာပဲ။ ဒါက အိမ်စောင့်ကြောင်ဗျ” လို့ အသက် ၆၈နှစ်အရွယ် အဲဗားရစ်က ပြောပါတယ်။

အဲဒီဓားပြတိုက်ဖို့ကြိုးစားမှုဟာ ဇူလိုင် ၂၅ ရက် မနက် ၂နာရီခွဲနှင့် ၃ နာရီအကြား မှာ ဖြစ်ပွားခဲ့တာပါလို့ အဲဗားရစ်က ပြောပါတယ်။သူဟာ မီးဖိုဆောင်ထဲက ဘန်ဒစ်ရဲ့ ညောင်လို့ အော်သံကြားလို့ ပထမဆုံလန့်နိုးလာတာပါ။ အဲဒီနောက် ကြောင်မကလေးဟာ အိပ်ခန်းထဲကို ပြေးဝင်လာပါတယ်။ အိပ်ရာပေါ်ခုန်တက်ပြီး သူ့စောင်တွေကို အတင်းဆွဲဖယ်ပါတယ်။ ပြီးတော့ သူ့လက်တွေကို ဆွဲကုတ်ပါတော့တယ်။ အဲဗားရစ်က တစ်ခုခုတော့ မှားယွင်းနေပြီလို့ ချက်ခြင်းသိလိုက်ပါတယ်။

သူကလေးက အရင်တစ်ခါမှ မလုပ်ဖူးဘူးလေလို့ အဲဗားရစ်ကပြောပါတယ်။

“ ကျွန်တော်အပြင်ထွက်လိုက်တယ်။ တစ်ခုခုများဖြစ်နေပြီလားပေါ့” လို့ သူကဆက်ပြောပါတယ်။

အဲဗားရစ်က အိပ်ရာကထပြီး စူးစမ်းကြည့်လိုက်တဲ့အခါ သူ့အိမ်နောက်ဘက်တံခါးအပြင်ဘက်မှာ လူနှစ်ယောက်ကို တွေ့လိုက်ရပါတယ်။တစ်ယောက်က လက်ထဲမှာ သေနတ်တိုတစ်လက်ကိုင်ထားတယ်။ နောက်တစ်ဦးကတော့ သံတူရွင်းနှင့် တံခါးကို ကြိုးစားဖွင့်နေတာတွေ့ရတယ်လို့ သူက ရှင်းပြပါတယ်။

သူက သူ့သေနတ်ကိုပြန်ထုတ််လိုက်ပြီး မီးဖိုဆောင်ပြန်လာတဲ့အချိန်မှာ ဖောက်ထွင်းသူနှစ်ဦးဟာ ထွက်ပြေးသွားကြပြီလို့ သူကပြောပါတယ်။ သူက ရဲကိုတော့မခေါ်တော့ဘူးလို့လည်း ဆက်ပြောပြပါတယ်။

ဘန်ဒစ်ကြောင်မလေးသာမရှိရင် အခြေအနေက တစ်မျိုးဖြစ်သွားမှာလို့လည်း သူကဆိုပါတယ်။

“ တော်သေးတာပေါ့။ ထိပ်တိုက်ရင်ဆိုင်မတွေ့လိုက်ရလို့။ ကြောင်မလေးကြောင့် ပေါ့”  သူကပြောပါတယ်။

အဲဗားရစ်ဟာ ဘန်ဒစ်ကို တူပီလိုလီဟူမင်းအဖွဲ့ Tupelo-Lee Humane ထံက လွန်ခဲ့တဲ့ လေးနှစ်က မွေးစားခဲ့တာ ဖြစ်ပါတယ်။

Source AP

#A- guard_cat_saves_robbery

#Mississippi_cat

#Everitt_Bandit

Published 7 August 2022

ချီကာဂိုမြစ်ကမ်းနဖူတလျောက်မှာ  ပရိဿတ်တွေဟာ နှစ်စဉ်ကျင်းပတဲ့ ချီကာဂိုရဲ့ ဒတ်ကီဒါဘီ Ducky Derby လို့ခေါ်တဲ့ ဘဲအပြေးပြိုင်ပွဲ ပွဲတော်ကို လာရောက်ကြည့်ရှုနေကြပါတယ်။ ဒီပွဲတော်ကို အီလီနွိုက်စ်ပြည်နယ် ချီကာဂိုမှာ ဒီနှစ်လည်း ကျင်းပရာမှာ ရာဘာဘဲရုပ်ကလေးတွေ စုစုပေါင်း ခုနှစ်သောင်းခွဲကို ရေထဲပစ်ချခဲ့ကြပါတယ်။ ဒီပွဲဟာ အီလီနွိုက်စ်ရဲ့ အိုလံပစ်အထူးပွဲအတွက် ရန်ပုံငွေရှာတာလည်းဖြစ်ပါတယ်။

Source AFP

#Ducky_Derby

#Illonois_Chicago

#Special_Olympics_Illinois