တရုတ်မြောက်ပိုင်း တီယန်ကျင်မြူနီစီပယ်ဒေသမှာ တပ်ဆင်တဲ့လေယာဉ်တစ်စင်းကို အဲယားဘတ်စ်က ဥရောပမှမှာယူသူထံသို အင်္ဂါနေ့က ပထမဆုံးအကြိမ်ပိုဆောင်ခဲ့ပါတယ်။
#World_News
#Published_ 30 June 2023
#YMG #Yangon_Times

#Daily_News
Published_ 30 June 2023

၁။ ရုရှားနှင့် တိုက်ရိုက်လေကြောင်းလိုင်းပြေးဆွဲတော့မည်ဖြစ်၍ လာမည့်ခရီးသွားရာသီတွင် ရုရှားခရီးသွားများ ပိုများလာနိုင်

၂။ သုခဒဂုံ ပြည်သူ့အငှားအိမ်ရာတွင် အမှန်တကယ် နေထိုင်ရေး အခက်အခဲရှိပြည်သူများ၊ အငြိမ်းစား ဝန်ထမ်းများနှင့် နိုင်ငံ့ဝန်ထမ်းများကို (၅)နစ်ကြာ ငှားရမ်းနေထိုင်ခွင့် ပြုသွားမည်

၃။ ရန်ကုန်-မန္တလေးမှ တရုတ်နိုင်ငံမန်စီမြိုသို့ လေကြောင်းခရီးဖြင့် အပတ်စဉ်သွားနိုင်ပြီ

၄။ တရုတ်နိုင်ငံတွင်ထုတ်လုပ်သည့် အဲယားဘတ်စ်လေယာဉ်အား ဥရောပတစ်သို့ ပထမဆုံးအကြိမ်ပို့ဆောင် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Time #Daily_News #YMG

Published_ 30 June 2023

စစ်ဘက်ဆိုင်ရာဝယ်ယူရေး သဘောတူညီမှုများမှ ဒေါ်လာ ၂ သန်းအလွဲသုံးစားလုပ်မှုဖြင့် အပြစ်ရှိကြောင်းတွေ့ရှိခဲ့တဲ့ ဗီယက်နမ်ကမ်းရိုးတန်းစောင့် ကွန်မန်ဒါဟောင်းတစ်ဦးကို ဗီယက်နမ်စစ်ဘက်ဆိုင်ရာ တရားရုံးတစ်ခုက ကြာသပတေးနေ့မှာ ထောင်ဒဏ် ၁၆ နှစ်ချမှတ်ခဲ့တယ်လို့ နိုင်ငံပိုင်မီဒီယာက ဖော်ပြခဲ့ပါတယ်။

အသက် ၅၉ နှစ်ရှိ 'ငုယင်ဗန်ဆွန်'ဟာ ကမ်းရိုးတန်းစောင့်ခေါင်းဆောင်အဖြစ် တာဝန်ထမ်းဆောင်စဉ် ဗီယက်နမ်ဒေါင်ငွေ ၅၀ ဘီလီယံ (အမေရိကန်ဒေါ်လာ ၂.၁၂ သန်း)ခိုးယူမှုကို စီစဉ်ခဲ့သူလို့ စွဲချက်တင်ခံရကာ ဒီဖြစ်ရပ်ဟာ ကာကွယ်ရေးဌာနရဲ့ပုံရိပ်ကို ပြင်းပြင်းထန်ထန်ထိခိုက်စေတယ်လို့ VOV က ဖော်ပြလိုက်ပါတယ်။

ဒါ့အပြင် ကြံရာပါ ၆ ဦးကိုလည်း ထောင်ဒဏ်ချမှတ်လိုက်ပါတယ်။

ယခုနှစ်အတွင်း ရာထူးမြင့်အရာရှိများစွာ ထောင်ဒဏ်ချမှတ်ခံနေရပြီး ကွန်မြူနစ်ပါတီအကြီးအကဲ 'ငုယင်ဖူထရွန်'ရဲ့ အကျင့်ပျက်ခြစားမှုနှိမ်နင်းမှုတွေထဲမှာ နောက်ဆုံးထွက်ပေါ်လာတဲ့ တရားခံတွေဖြစ်ပါတယ်။

နိုင်ငံတော်သမ္မတ နှုတ်ထွက်ခြင်းနဲ့ လက်ထောက်ဝန်ကြီးချုပ်ဟောင်း ၂ ဦးတို့လည်း ထုတ်ပယ်ခံထားရပါတယ်။

အလွဲသုံးစားမှုမှာ ပါဝင်ပတ်သက်တဲ့အတွက် အခြားထိပ်သီးကမ်းခြေစောင့်တပ်ဖွဲ့ဝင် ၆ ဦးကိုလည်း ထောင်ဒဏ် ၁၀ နှစ်မှ ၁၀ နှစ်ခွဲအထိ ချမှတ်ခဲ့ကြောင်း VOV က ဆိုပါတယ်။

ငုယင်ဗန်ဆွန်ဟာ ၂၀၁၅ မှ ၂၀၂၀ အတွင်း ဘဏ္ဍာရေးဆိုင်ရာ စီမံခန့်ခွဲမှုအလွဲသုံးစားလုပ်ခြင်း၊ အလွဲသုံးစားဝယ်ယူခြင်းများအပါအဝင် စည်းကမ်းချိုးဖောက်မှုများ ပြုလုပ်ခဲ့ရာမှာ တာဝန်ရှိခဲ့ပြီး ယမန်နှစ်က ယင်းတို့ကိုဖမ်းဆီးခဲ့တာဖြစ်ကြောင်း ကာကွယ်ရေးဝန်ကြီးဌာနက ဆိုပါတယ်။
Source: Reuters.
#World_News
#YMG #Yangon_Times

Published_ 30 June 2023

ကျွန်ုပ်တို့နားရွက်နားမှာ ခြင်တွေတဝီဝီအော်နေတာ စိတ်ရှုပ်စရာကောင်းသလို ခြင်ကိုက်ပြီးနောက် ယားယံဖုတွေထွက်လာရပါတယ်။

အင်တာနက်ပေါ်မှာ ခြင်ကိုက်ခြင်းကာကွယ်ဖို့နည်းလမ်းတွေ ရှာနေကြပေမယ့် တကယ်တမ်းအလုပ်ဖြစ်တဲ့နည်းလမ်း ၅ မျိုးကို အောက်စ်ဖို့ဒ်တက္ကသိုလ်မှ မေဆီဗော်လန်စ်က ဖော်ပြခဲ့ပါတယ်။

(၁) ဘီယာသောက်စားခြင်းရှောင်ပါ
ဘီယာသောက်ခြင်းနဲ့ ရေသောက်ခြင်းတို့မှာ ဘယ်အရာက ခြင်ပိုကိုက်စေသလဲဆိုတာကို ၂၀၁၀ ခုနှစ်က လေ့လာခဲ့ပါတယ်။

ဘီယာသောက်တဲ့သူတွေမှာ ခြင်ပိုကိုက်ကြပြီး ရေသောက်တဲ့သူတွေမှာတော့ ကွဲပြားခြားနားခြင်းမရှိပါဘူး။

(၂) အမွှေးအကြိုင်သုံးပါ
အမွှေးအကြိုင်ပစ္စည်းတွေက အနံ့ဆိုးကင်းဝေးစေရုံမက ပါဝင်တဲ့ အိုက်ဆိုပရိုပိုင်းတက်ထရာဒီကာနိုအိတ်က ခြင်တွေကို ထိရောက်စွာပြေးစေနိုင်ကြောင်း လေ့လာတွေ့ရှိထားပါတယ်။

ချွေးထွက်တဲ့အခါမှာ ပိုးမွှားတွေ ပိုမိုလာရောက်ကပ်ငြိနိုင်တယ်လို့လည်း တွေ့ရှိထားပါတယ်။

(၃) အသီးအနှံများရွေးချယ်စားသုံးပါ
အချို့အသီးအနှံတွေစားသုံးခြင်းက ခြင်တွေအကြိုက်လည်း ဖြစ်နေနိုင်ပါတယ်။

ငှက်ပျောသီးစားပြီးတဲ့အခါ လက်မှာကျန်တဲ့အနံ့က ခြင်တွေကိုဆွဲဆောင်စေပါတယ်။

(၄) ပိုးမွှားဖျန်းဆေးအသုံးပြုပါ
ပိုးမွှားသတ်ဆေးတွေမှာပါဝင်တဲ့ ဒိဓာတုပစ္စည်းဟာ အရေပြားပေါ်မှာလည်း အသုံးပြုနိုင်ပါတယ်။

အနံ့အသက်သိပ်မကောင်းပေမယ့် ခြင်ကိုက်ခြင်းမှအကြာရှည်ဆုံး ကာကွယ်ပေးနိုင်ပါတယ်။

(၅) အဝတ်အစားများကို ပိုးသတ်ဆေးဖျန်းပါ
အရေပြားမှာ ပိုးသတ်ဆေးမသုံးချင်ဘူးဆိုရင် အဝတ်အစားများအပေါ်မှာ ဖျန်းပေးနိုင်ပါတယ်။

ဆပ်ပြားအမျိုးအစားအမျိုးမျိုးက ခြင်ပိုကိုက်စေသလားဆိုတဲ့အပေါ် သက်ရောက်မှုမရှိကြောင်း တွေ့ရှိခဲ့ပါတယ်။

ကြက်သွန်ဖြူ၊ ဗိုက်တာမင်-ဒီစားသုံးခြင်းတို့ဖြင့် ခြင်ကင်းဝေးစေတယ်ဆိုတဲ့ အထောက်အထားလည်း မတွေ့ရှိထားပါဘူး။
Source: The Sun
#World_Health
#YMG #Yangon_Times

Published_ 30 June 2023

အတူနေသူနဲ့ အိပ်ရာတစ်ခုထဲအိပ်တာထက်စာရင် တစ်ယောက်တည်းအိပ်စက်ခြင်းက ပိုမိုကျန်းမာနိုင်ကြောင်း OneCare မီဒီယာမှ အွန်လိုင်းစစ်တမ်းကောက်ယူရရှိခဲ့ပါတယ်။

စုံတွဲများအနေဖြင့် အခန်းသပ်သပ်စီ ဒါမှမဟုတ် အိပ်ရာသပ်သပ်စီ အိပ်စက်ခြင်းက ညဘက်မှာကောင်းစွာ အိပ်ပျော်စေဖို့အကောင်းဆုံးနည်းလမ်း ဖြစ်နေနိုင်ပါတယ်။

အမေရိကန်မှ အသက် ၁၈ နှစ်နဲ့အထက် အမျိုးသား ၆၂၅ ဦး၊ အမျိုးသမီး ၆၂၅ ဦးတို့ကို စစ်တမ်းကောက်ယူခဲ့ရာမှာ အားလုံးက လူတစ်ယောက်နဲ့အိပ်ရာအတူတူ အိပ်စက်လေ့ရှိတယ်လို့ ဆိုပါတယ်။

ထိုထဲကမှ ၁.၄ ရာခိုင်နှုန်းကသာ ယမန်နှစ်က ခွဲအိပ်ခဲ့ကြပြီး ၅၂.၉ ရာခိုင်နှုန်းက အိပ်စက်မှုမှာတိုးတက်မှုရှိခဲ့ပါတယ်။

ခွဲအိပ်ခဲ့ပြီးနောက် တစ်ညကို ၃၇ မိနစ်လောက် အိပ်ချိန်ပိုရခဲ့တယ်လို့ သိရပါတယ်။

၁၅ ရာခိုင်နှုန်းလောက်က အိပ်ချိန်မတူညီကြတာကြောင့် ခွဲအိပ်ဖြစ်ခဲ့ကြပြီး ၂၅.၈ ရာခိုင်နှုန်းနီးပါးကတော့ အိမ်ထောင်ရေးကိစ္စများကြောင့် ခွဲအိပ်ခဲ့ကြပါတယ်။

ခွဲအိပ်ကြတဲ့အခါ ကောင်းစွာအိပ်စက်နိုင်ကြပြီး ကျန်းမာရေးကောင်းမွန်စေကြောင်း သုံးသပ်ခဲ့ကြပါတယ်။

စစ်တမ်းဖြေကြားသူ'ရက်ဂျီနာခရော့စ်'က ကိုယ်ဝန်ဆောင်စဉ် သူ့အမျိုးသားနဲ့ခွဲအိပ်ခဲ့ပြီး ကလေးမွေးပြီးနောက် အတူပြန်အိပ်ခဲ့ကြပေမယ့် နောက်ဆုံးမှာတော့ သပ်သပ်စီခွဲအိပ်ဖို့ ဆုံးဖြတ်လိုက်ကြပါတယ်။

အိပ်ပျော်ရန်ခက်ခဲခြင်းများ၊ ဓာတ်မတည့်ခြင်းစတဲ့ ကိစ္စများကြောင့်လည်း ခွဲအိပ်ဖို့အကြောင်းအရင်း ဖြစ်လာတတ်ပါတယ်။

ခွဲအိပ်တာကလည်း တသက်လုံးခွဲအိပ်နေစရာမလိုပါဘူး။

အမ်မလီဝီလ်ဆန်နဲ့ ခရစ္စတို့ကတော့ ရာသီအပိုင်းအခြားလိုက် ခွဲအိပ်နေကြကာ တစ်နှစ်ကို ရက်သတ္တပတ် ၆ ပတ်မျှ ခွဲအိပ်ကြပါတယ်။

နွေဦးရာသီရောက်လို့ အမျိုးသားမှာ ဓာတ်မတည့်မှုဖြစ်လာတာနဲ့ ခွဲအိပ်ကြကြောင်း အမ်မလီကဆိုပါတယ်။

ဒါပေမဲ့ သူ့အမျိုးသားမှာ ဓာတ်မတည့်မှုတွေ သက်သာသွားရင်တော့ ပြန်ပြီးအတူအိပ်ရဖို့မျှော်လင့်နေကြောင်းလည်း ဆိုပါတယ်။

ပြန်ပြီးတော့ အတူအိပ်စက်တာကလည်း အိပ်စက်ခြင်းမှာ တိုးတက်စေပြီး ခွဲအိပ်စဉ်ကထက် ၁၀ မိနစ် ၁၂ မိနစ်မျှ ပိုပြီးအိပ်စက်နိုင်ခဲ့ကာ ၄၀ ရာခိုင်နှုန်းကတော့ အိပ်စက်ခြင်းတိုးတက်လာခဲ့တယ်လို့ ဆိုပါတယ်။
Source: The Jerusalem Post
#World_Health
#YMG #Yangon_Times

အီဂျစ်နိုင်ငံမြောက်ပိုင်းကမ်းရိုးတန်းမြို့ အလက်ဇန်ဒရီယာရှိ ၁၃ ထပ်တိုက်ပြိုကျမှုကြောင့် သေဆုံးသူအရေအတွက်ဟာ ၇ ဦးအထိရှိလာပြီဖြစ်ကြောင်း ဒေသတွင်းမီဒီယာများက ဗုဒ္ဓဟူးနေ့မှာဖော်ပြခဲ့ကြပါတယ်။
#World_News
#Published_ 29 June 2023
#YMG #Yangon_Times