Published_ 2 July 2023

ဗိုက်တာမင်-ဒီဖြည့်စွက်စာတွေက နှလုံးသွေးကြောရောဂါများ ဖြစ်နိုင်ချေကို လျှော့ချပေးနိုင်တဲ့အစွမ်းရှိကြောင်း လေ့လာတွေ့ရှိထားပါတယ်။

နှလုံးသွေးကြောရောဂါ(CVD)ဟာ ကမ္ဘာတဝှမ်းမှာ အသေအများဆုံး အကြောင်းအရင်းတစ်ခုဖြစ်နေပြီး အသက်အရွယ်ရလာတာနဲ့အမျှ နာတာရှည်ရောဂါတွေ ပိုမိုဖြစ်လာနိုင်ကာ နှလုံးသွေးကြောပြဿနာများ ပိုမိုဖြစ်ပွားနိုင်ချေ များလာပါတယ်။

ဗိုက်တာမင်-ဒီပမာဏနဲ့ CVD ဖြစ်နိုင်ချေတို့ကြား ဆက်စပ်မှုကို အရင်ကလည်း အစဉ်မပြတ်လေ့လာနေခဲ့ပါတယ်။

ဒါပေမဲ့ စမ်းသပ်မှုတွေပြုလုပ်ရာမှာတော့ ဗိုက်တာမင်-ဒီက နှလုံးသွေးကြောပြဿနာတွေကို ကာကွယ်နိုင်တယ်ဆိုတဲ့ အထောက်အထား မတွေ့ခဲ့ကြပါဘူး။

ဗိုက်တာမင်-ဒီက အရိုး၊ သွား၊ ကြွက်သားကျန်းမာရေးတို့ ထိန်းသိမ်းရာမှာ မရှိမဖြစ်လိုအပ်ပြီး ကယ်လ်စီယမ်၊ ဖော့စ်ဖိတ်တို့ကို ထိန်းညှိပေးပါတယ်။

အသက် ၆၀ နဲ့အထက် လူပေါင်း ၂၁,၀၀၀ ကျော်ကို စမ်းသပ်မှုပြုလုပ်ရာမှာ ဗိုက်တာမင်-ဒီဖြည့်စွက်စာတွေက နှလုံးသွေးကြောပြဿနာတွေကို လျှော့ချပေးနိုင်တယ်လို့ လတ်တလောတွေ့ရှိထားပါတယ်။

သုတေသီတွေအနေနဲ့ ဒီတွေ့ရှိချက်တွေအပေါ် အခြေခံကာ နောက်ထပ်တွက်ချက်မှုများပြုလုပ်ရန် လိုအပ်ကြောင်း အလေးပေးပြောကြားလိုက်ပါတယ်။

ဗိုက်တာမင်-ဒီဖြည့်စွက်စာက CVD ဖြစ်နိုင်ချေကို မသက်ရောက်ဘူးဆိုတဲ့ ယူဆချက်အပေါ် စိန်ခေါ်လာပြီး အခုအခါမှာတော့ လျှော့ချနိုင်ကြောင်း ဖော်ပြလာပါတယ်။

QIMR Berghofer ဆေးဘက်ဆိုင်ရာသုတေသီမှ ပြုလုပ်တဲ့စမ်းသပ်ချက်မှာ ၂၀၁၄ မှ ၂၀၂၀ အတွင်း အသက် ၆၀ မှ ၈၄ နှစ်အတွင်း ဩစတြေးလျလူမျိုး ၂၁,၃၁၅ ဦး ပါဝင်ခဲ့ပါတယ်။

ပါဝင်စမ်းသပ်ခံသူတွေက ဗိုက်တာမင်-ဒီဖြည့်စွက်စာ စားသုံးတဲ့အဖွဲ့နဲ့ အာနိသင်မရှိတဲ့ဆေး စားသုံးတဲ့အဖွဲ့ဆိုပြီး ခွဲခြားခဲ့ကာ ၅ နှစ်အထိ တိုင်းတာခဲ့ပါတယ်။

ထိုထဲမှာမှ နှလုံးသွေးကြောပြဿနာဖြစ်ပွားသူ ၁,၃၃၆ ဦးရှိခဲ့ကာ အာနိသင်မဲ့ဆေးသောက်သုံးသူတွေထဲက ၆.၆ ရာခိုင်နှုန်းနဲ့ ဗိုက်တာမင်-ဒီသုံးစွဲသူထဲက ၆ ရာခိုင်နှုန်းရှိခဲ့ပါတယ်။

နှလုံးဖောက်ခြင်း ဖြစ်ပွားနှုန်းက ဗိုက်တာမင်-ဒီအဖွဲ့မှာ ၁၉ ရာခိုင်နှုန်းလျော့နည်းခဲ့ပြီး လေဖြတ်ခြင်းကတော့ ကွာခြားမှုမရှိခဲ့ပါဘူး။

လူ ၁၇၂ ယောက်ကတော့ နှလုံးသွေးကြောပြဿနာဖြစ်ပွားမှုမှ ကာကွယ်ရန်အတွက် ဗိုက်တာမင်-ဒီဖြည့်စွက်စာကို လစည်သောက်သုံးပေးဖို့ လိုအပ်ကြောင်း ခန့်မှန်းလိုက်ပါတယ်။
Source: WION.
#World_Health
#YMG #Yangon_Time

နေတိုးအဖွဲ့အစည်းကြီးသည် ကမ္ဘာလုံးဆိုင်ရာငြိမ်းချမ်းရေးနှင့် လုံခြုံရေးကို ထိန်းသိမ်းခဲ့သည့်အထောက်အထားမရှိခဲ့ဟု ဘရာဇီးလ်ပညာရှင်တစ်ဦးကဝေဖန်

နေတိုး(NATO)အဖွဲ့အစည်းကြီးဟာ ငြိမ်းချမ်းရေးနဲ့ လုံခြုံရေးကိုမြှင့်တင်ပေးတဲ့ အဖွဲ့အစည်း ဘယ်တုန်းကမှ မဖြစ်ခဲ့ဘဲ အမေရိကန်ရဲ့ဂုဏ်သိက္ခာ ထိန်းသိမ်းရန်အတွက်သာ ကြိုးပမ်းနေတဲ့ စစ်ပွဲဖန်တီးသူဖြစ်တယ်လို့ ဘရာဇီးလ်ပထဝီဝင်နိုင်ငံရေး လေ့လာသုံးသပ်သူတစ်ဦးက ပြောကြားလိုက်ပါတယ်။
#World_Military
#Published_ 1 July 2023
#YMG #Yangon_Times

#Daily_News
Published_ 1 July 2023

၁။ ပုဂ္ဂလိကကျောင်းများတွင် မြန်မာစာ၊မြန်မာ့သမိုင်း၊ပထဝီသင်ရန်ညွှန်ကြား

၂။ ဧရာ၀တီမြစ်နှင့် ချင်းတွင်းမြစ်ရေတက်မည်

၃။ မျက်မမြင် အကြောပြင်အနှိပ်လုပ်ငန်းအချို့ နလန်မထူနိုင်သေး

၄။ နေတိုးအဖွဲအစည်းကြီးသည် ကမ္ဘာလုံးဆိုင်ရာငြိမ်းချမ်းရေးနှင့် လုံခြုံရေးကို ထိန်းသိမ်းခဲ့သည့် အထောက်အထားမရှိခဲ့ဟု ဘရာဇီးလ်ပညာရှင်တစ်ဦးကဝေဖန် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Time #Daily_News #YMG

Published_ 1 July 2023

ပြင်သစ်နိုင်ငံ ပဲရစ်မြို့ဆင်ခြေဖုံး အခြေခံလူတန်းစားရပ်ကွက်ရှိ မီးပွိုင့်တစ်ခုမှာ ရဲအရာရှိတစ်ဦးက ဆယ်ကျော်သက်တစ်ယောက်ကို အသက်သေစေတဲ့အထိ ပစ်ခတ်ခဲ့ပြီးနောက် ၃ ညတိုင်အောင် ဆူပူအုံကြွမှုဖြစ်ပွားနေကာ ‌ရဲအင်အား ၄၅,၀၀၀ ကို လမ်းတွေမှာနေရာချထားလိုက်ပြီးနောက် လာမယ့်နာရီများအတွင်း အဆုံးအဖြတ်ဖြစ်လာလိမ့်မယ်လို့ ပြင်သစ်ပြည်ထဲရေးဝန်ကြီးဌာနက သောကြာနေ့က ပြောကြားလိုက်ပါတယ်။

အဆိုပါအုံကြွမှုအတွင်း အဆောက်အအုံများ ယာဉ်များ မီးရှို့ခံထားရကာ စတိုးဆိုင်များလုယူခံကြရပြီး သမ္မတ'အီမန်နျူယယ်မက်ခရွန်'အနေနဲ့ ၂၀၁၈ ခုနှစ်အဝါရောင်ကျည်ကာ ဆန္ဒပြမှုနောက်ပိုင်း အကြီးမားဆုံးအကျပ်အတည်းနဲ့ ရင်ဆိုင်နေရတာဖြစ်ပါတယ်။

မာဆေးလ်၊ လိုင်ယွန်၊ တူးလော့စ်၊ စထရာဘို့၊ လိုင်လီ၊ ပဲရစ်မြို့များအပါအဝင် နိုင်ငံအနှံ့မှာ မငြိမ်မသက်ဖြစ်နေကြပါတယ်။

အသက် ၁၇ နှစ်အရွယ် အယ်လ်ဂျီးရီးယားနဲ့ မော်ရိုကိုနွယ်ဖွား 'နာဟယ်လ်အမ်'ဟာ ပဲရစ်မြို့ နန်တယ်ရာဆင်ခြေဖုံးရပ်ကွက်မှာ အင်္ဂါနေ့က ပစ်သတ်ခံရတာ ဖြစ်ပါတယ်။

သူ့ရဲ့သေဆုံးမှုကို ဗီဒီယိုရိုက်ကူးရရှိခဲ့ရာ လူမျိုးရောနှောနေတဲ့ အခြေခံလူတန်းစားရပ်ကွက်မှာ ရဲများလူမျိုးရေးခွဲခြားခြင်းနဲ့ အကြမ်းဖက်ခြင်းတို့ကို ကာလကြာရှည်စွာ တိုင်ကြားထားချက်တွေကို ပြန်လည်အစဖော်သလို ဖြစ်ခဲ့ပါတယ်။

မာဆေးလ်မြို့တောင်ပိုင်းမှာ ဆန္ဒပြသူတွေက သောကြာနေ့ညမှာ လက်နက်ဆိုင်တစ်ခုကို ဝင်ရောက်ပြီး ကျည်မပါတဲ့ သေနတ်များ ခိုးယူသွားခဲ့ပါတယ်။

ထိုဆိုင်မှလို့ယူဆရတဲ့ သေနတ်ကိုင်ဆောင်ထားသူတစ်ဦးကို ဖမ်းဆီးခဲ့ပြီး ထိုဆိုင်ကို အခုတော့ ရဲတွေစောင့်ကြပ်နေပြီဖြစ်ပါတယ်။

အာဏာပိုင်များက ဆန္ဒပြမှုများကို အစောပိုင်းက တားမြစ်ထားခဲ့ပြီး စားသောက်ဆိုင်အပြင်နေရာတွေကို စောစောပိတ်ဖို့ တိုက်တွန်းခဲ့ပါတယ်။

အများပြည်သူ သယ်ယူပို့ဆောင်ရေးတွေကို ည ၇ နာရီမှာရပ်ဆိုင်မယ်လို့ ပြောကြားထားပါတယ်။

လူ ၈၀ ဖမ်းဆီးခဲ့ပြီး ရဲအရာရှိ ၂ ဦး ဒဏ်ရာအနည်းငယ်ရရှိခဲ့ပါတယ်။

အရေးပေါ်အခြေအနေ ကြေညာမှာလားဆိုတဲ့ မေးခွန်းအပေါ် ပြည်ထဲရေးဝန်ကြီး'ဂျရဲလ်ဒါမာနင်'က နိုင်ငံတော်သမ္မတ ဘယ်လိုလုပ်ဆောင်မလဲဆိုတာကို စောင့်ကြည့်ရမှာဖြစ်တယ်လို့ ဖြေကြားခဲ့ပါတယ်။

ကြာသပတေးညမှာ ရဲအရာရှိ ၂၀၀ ကျော်ဒဏ်ရာရရှိပြီး လူ ၉၀၀ ကျော်ဖမ်းဆီးခံခဲ့ရကာ သူတို့ရဲ့ပျမ်းမျှအသက်က ၁၇ နှစ်သာရှိပါတယ်။

ဆူပူအကြမ်းဖက်မှုတွေက ဆင်ခြေဖုံးနေရာတွေမှာ အဆိုးရွားဆုံးဖြစ်နေပြီး ပြင်သစ်မြို့ကြီးများအထိ ကူးစက်လာကာ သိသိသာသာ အခြေအနေဆိုးရွားလာပါတယ်။

လုယူခံရတဲ့ဆိုင်တွေထဲမှာ အက်ပဲလ်စတိုးဆိုင်၊ ကာစီနိုစူပါမားကတ်၊ ချက်တလက်လက်စ်ဟောလက်စ်ဈေးဝယ်စင်တာ၊ နိုက်ခ်ဖိနပ်ဆိုင်တို့ပါဝင်ပါတယ်။

စတိုးဆိုင်ပြတင်းပေါက်မှန်တွေကို ရိုက်ခွဲခဲ့တဲ့ လူအများအပြားကို ဖမ်းဆီးခဲ့ပါတယ်။

သမ္မတမက်ခရွန်ကတော့ ဝန်ကြီးအခက်အခဲ ဒုတိယအစည်းအဝေးကို တက်ရောက်ရန် ဘရူဆဲလ်ရှိ ဥရောပသမဂ္ဂအစည်းအဝေးပွဲမှ ထွက်ခွာလာပါတယ်။

မက်ခရွန်က ဆူပူအကြမ်းဖက်တဲ့ ဆိုးဆိုးရွားရွားဗီဒီယိုရိုက်ကွက်တွေကို ဖယ်ရှားပေးရန်နဲ့ အကြမ်းဖက်မှုပြုလုပ်တဲ့သူတွေရဲ့ အချက်အလက်တွေကို ထုတ်ဖော်ပေးရန် ဆိုရှယ်မီဒီယာတွေကို တောင်းဆိုလိုက်ပါတယ်။

အရင် ပြင်သစ်ကိုလိုနီလက်အောက်ခံ လူနည်းစုအသိုင်းအဝိုင်းများအပေါ် ရဲတွေအကြမ်းဖက်မှုများ ပြုလုပ်ပြီးနောက် တရားမျှတမှုမရှိတဲ့အတွက် မကျေနပ်ချက်တွေ ဖြစ်ပေါ်လာရတယ်လို့ နာဟယ်လ်အမ်ကို စောင့်ရှောက်လာခဲ့တဲ့ မိုဟာမက်ဂျာကူဘီက ပြောကြားလိုက်ပါတယ်။

မက်ခရွန်ကတော့ ဥပဒေစိုးမိုးရေးအဖွဲ့အစည်းများကြား လူမျိုးရေးခွဲခြားမှု မရှိဘူးလို့ ငြင်းဆိုထားပါတယ်။
Source: Reuters
#World_News
#YMG #Yangon_Times

Published 1 July 2023

ဗိုက်တာမင်-ဒီဖြည့်စွက်စာတွေက နှလုံးသွေးကြောရောဂါများ ဖြစ်နိုင်ချေကို လျှော့ချပေးနိုင်တဲ့အစွမ်းရှိကြောင်း လေ့လာတွေ့ရှိထားပါတယ်။

နှလုံးသွေးကြောရောဂါ(CVD)ဟာ ကမ္ဘာတဝှမ်းမှာ အသေအများဆုံး အကြောင်းအရင်းတစ်ခုဖြစ်နေပြီး အသက်အရွယ်ရလာတာနဲ့အမျှ နာတာရှည်ရောဂါတွေ ပိုမိုဖြစ်လာနိုင်ကာ နှလုံးသွေးကြောပြဿနာများ ပိုမိုဖြစ်ပွားနိုင်ချေ များလာပါတယ်။

ဗိုက်တာမင်-ဒီပမာဏနဲ့ CVD ဖြစ်နိုင်ချေတို့ကြား ဆက်စပ်မှုကို အရင်ကလည်း အစဉ်မပြတ်လေ့လာနေခဲ့ပါတယ်။

ဒါပေမဲ့ စမ်းသပ်မှုတွေပြုလုပ်ရာမှာတော့ ဗိုက်တာမင်-ဒီက နှလုံးသွေးကြောပြဿနာတွေကို ကာကွယ်နိုင်တယ်ဆိုတဲ့ အထောက်အထား မတွေ့ခဲ့ကြပါဘူး။

ဗိုက်တာမင်-ဒီက အရိုး၊ သွား၊ ကြွက်သားကျန်းမာရေးတို့ ထိန်းသိမ်းရာမှာ မရှိမဖြစ်လိုအပ်ပြီး ကယ်လ်စီယမ်၊ ဖော့စ်ဖိတ်တို့ကို ထိန်းညှိပေးပါတယ်။

အသက် ၆၀ နဲ့အထက် လူပေါင်း ၂၁,၀၀၀ ကျော်ကို စမ်းသပ်မှုပြုလုပ်ရာမှာ ဗိုက်တာမင်-ဒီဖြည့်စွက်စာတွေက နှလုံးသွေးကြောပြဿနာတွေကို လျှော့ချပေးနိုင်တယ်လို့ လတ်တလောတွေ့ရှိထားပါတယ်။

သုတေသီတွေအနေနဲ့ ဒီတွေ့ရှိချက်တွေအပေါ် အခြေခံကာ နောက်ထပ်တွက်ချက်မှုများပြုလုပ်ရန် လိုအပ်ကြောင်း အလေးပေးပြောကြားလိုက်ပါတယ်။

ဗိုက်တာမင်-ဒီဖြည့်စွက်စာက CVD ဖြစ်နိုင်ချေကို မသက်ရောက်ဘူးဆိုတဲ့ ယူဆချက်အပေါ် စိန်ခေါ်လာပြီး အခုအခါမှာတော့ လျှော့ချနိုင်ကြောင်း ဖော်ပြလာပါတယ်။

QIMR Berghofer ဆေးဘက်ဆိုင်ရာသုတေသီမှ ပြုလုပ်တဲ့စမ်းသပ်ချက်မှာ ၂၀၁၄ မှ ၂၀၂၀ အတွင်း အသက် ၆၀ မှ ၈၄ နှစ်အတွင်း ဩစတြေးလျလူမျိုး ၂၁,၃၁၅ ဦး ပါဝင်ခဲ့ပါတယ်။

ပါဝင်စမ်းသပ်ခံသူတွေက ဗိုက်တာမင်-ဒီဖြည့်စွက်စာ စားသုံးတဲ့အဖွဲ့နဲ့ အာနိသင်မရှိတဲ့ဆေး စားသုံးတဲ့အဖွဲ့ဆိုပြီး ခွဲခြားခဲ့ကာ ၅ နှစ်အထိ တိုင်းတာခဲ့ပါတယ်။

ထိုထဲမှာမှ နှလုံးသွေးကြောပြဿနာဖြစ်ပွားသူ ၁,၃၃၆ ဦးရှိခဲ့ကာ အာနိသင်မဲ့ဆေးသောက်သုံးသူတွေထဲက ၆.၆ ရာခိုင်နှုန်းနဲ့ ဗိုက်တာမင်-ဒီသုံးစွဲသူထဲက ၆ ရာခိုင်နှုန်းရှိခဲ့ပါတယ်။

နှလုံးဖောက်ခြင်း ဖြစ်ပွားနှုန်းက ဗိုက်တာမင်-ဒီအဖွဲ့မှာ ၁၉ ရာခိုင်နှုန်းလျော့နည်းခဲ့ပြီး လေဖြတ်ခြင်းကတော့ ကွာခြားမှုမရှိခဲ့ပါဘူး။

လူ ၁၇၂ ယောက်ကတော့ နှလုံးသွေးကြောပြဿနာဖြစ်ပွားမှုမှ ကာကွယ်ရန်အတွက် ဗိုက်တာမင်-ဒီဖြည့်စွက်စာကို လစည်သောက်သုံးပေးဖို့ လိုအပ်ကြောင်း ခန့်မှန်းလိုက်ပါတယ်။
Source: WION.
#World_Health
#YMG #Yangon_Times

Published_ 2 July 2023

ကိုလက်စ်ထရောလ်ဟာ ခန္ဓာကိုယ်မှာ လုပ်ဆောင်ချက်အမျိုးမျိုးအတွက် အရေးပါနေပါတယ်။

အသည်းကနေ ထုတ်လုပ်တဲ့ ကိုလက်စ်ထရောလ်ကို ခန္ဓာကိုယ်ဆဲလ်များအားလုံးမှာ တွေ့ရပြီး ဆဲလ်အမြှေးပါးမာကြောခြင်း၊ ဟော်မုန်းထုတ်လုပ်ခြင်း၊ အာရုံကြောနဲ့ ဦးနှောက်ဖွံ့ဖြိုးမှုတို့အတွက် လိုအပ်ပါတယ်။

ထရိုင်ဂလစ်ဆရိုက်စ်နဲ့ LDL ဆိုတဲ့ မကောင်းသောကိုလက်စ်ထရောလ်နဲ့ HDL ဆိုတဲ့ အကျိုးပြုကိုလက်စ်ထရောလ်ဆိုပြီး နှစ်မျိုးရှိပါတယ်။

သာမန်လူတစ်ယောက်အတွက် ကိုလက်စ်ထရောလ်ပမာဏ ၁၅၀ မှ ၂၀၀ ကြားရှိသင့်ပါတယ်။

ထရိုင်ဂလစ်စရိုက်စ်က ၁၅၀ အောက်၊ LDL က ၁၆၀ အောက်နဲ့ HDL ကတော့ ၃၅ အထက် ရှိသင့်ပါတယ်။

နှလုံးရောဂါ၊ သွေးတိုးရောဂါခံစားရသူတွေအတွက်တော့ ကိုလက်စ်ထရောလ် ၁၅၀ အောက်နဲ့ HDL ၁၄၅ ‌အောက် ရှိသင့်ပါတယ်။

သွေးလွှတ်ကြောတွေကနေ အန္တရာယ်ပြုကိုလက်စ်ထရောလ်တွေ ဖယ်ရှားဖို့ကို အကျိုးပြုကိုလက်စ်ထရောလ်များက ကူညီပေးပြီး အဆီနဲ့ ကိုလက်စ်ထရောလ်များတဲ့ စားစရာတွေ အများအပြားစားသုံးပါက မကောင်းသောကိုလက်စ်ထရောလ် မြင့်တက်လာနိုင်ပါတယ်။

အဆင့်ဆင့်ထုပ်ပိုးထားတဲ့ စားစရာတွေ၊ ကြာရှည်စွာအေးခဲထားတဲ့ စားစရာတွေ၊ ဆိုးဆေးပါတဲ့ စားစရာတွေမှာ ကိုလက်စ်ထရောလ် မြင့်မားစွာပါဝင်ပါတယ်။

ဆီးချိုရှိခြင်း၊ သွေးတွင်းသကြားဓာတ်မြင့်မားခြင်းတို့ကြောင့်လည်း မကောင်းသောကိုလက်စ်ထရောလ် မြင့်တက်စေနိုင်ပါတယ်။

ဇီဝဖြစ်ပျက်မှုနှုန်းနှေးခြင်း၊ သိုင်းရွိုက်နည်းခြင်း၊ အသည်းရောဂါ၊ ကျောက်ကပ်ရောဂါတို့ကြောင့်လည်း မကောင်းသောကိုလက်စ်ထရောလ်တွေ ဖြစ်လာစေပါတယ်။

တိရိစ္ဆာန်များမှရရှိတဲ့ အသားတွေရှောင်ခြင်းဖြင့် မကောင်းတဲ့ကိုလက်စ်ထရောလ်တွေ လျော့စေနိုင်ပြီး လေ့ကျင့်ခန်းပြုလုပ်ခြင်းဖြင့် အကျိုးပြုကိုလက်စ်ထရောလ်တွေ မြင့်တက်လာစေနိုင်ပါတယ်။

မျိုးရိုးဗီဇနဲ့ အသည်းကျန်းမာရေးတို့ကလည်း ခန္ဓာကိုယ်ထဲက ကိုလက်စ်ထရောလ်ကို သက်ရောက်စေကာ လူ ၂၀ မှာ ၃ ယောက်နှုန်းက ကိုလက်စ်ထရောလ်ပုံစံမမှန်ခြင်းမျိုး ဖြစ်တတ်ကြပါတယ်။

ကိုလက်စ်ထရောလ်၊ ပြည့်ဝဆီတို့ပါတဲ့ အစားအစာများကို ကန့်သတ်စားသုံးသင့်ပြီး နေကြာဆီ၊ ငါးကြီးဆီ၊ အခွံမာသီးတို့က သွေးတွင်းကိုလက်စ်ထရောလ်ကို သိသိသာသာလျှော့ချပေးနိုင်ပါတယ်။
Source: India Today
#World_Health
#YMG #Yangon_Times