#Daily_News
Published_08 May 2024

၁။ မဟာဗောဓိမြိုင်ဆရာတော်ဘုရားကြီးအတွက် ထိုင်းနိုင်ငံမှပေးပို့သော အထူးမှန်သေတ္တာအခေါင်း မြဝတီမြို့မှတစ်ဆင့်‌ ရောက်ရှိလာ

၂။ ရွှေထွက်ရာသီဖြစ်၍ မြန်မာ့ရွှေဈေးတက်ရန်မရှိဘဲ အကျပိုင်းရောက်လာတော့မည်ဟုဆို

၃။ မြေပဲတောင့်ရောင်းချခဲ့သည့် တောင်သူများအတွက် အမြတ်ငွေ၏ ၂၀ရာခိုင်နှုန်းဖြစ်သော ကျပ်သိန်း၄၅ဝကျော်ကိုပေးအပ်

၄။ တရုတ်ရှေးဟောင်းဂန္တဝင်စာပေများထဲမှရှီကျင့်ဖင်၏ ကိုးကားပြောဆိုချက်များကို ပြင်သစ်တွင်ထုတ်လွှင့်ပြသ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#World_News
Published 08 May 2024

▪️ တစ်တော့(TikTok)နဲ့ တရုတ်မူရင်းကုမ္ပဏီ ByteDance တို့က အမေရိကန်သမ္မတ ဂျိုးဘိုင်ဒင် လက်မှတ်ရေးထိုးထားတဲ့ ဥပဒေတစ်ရပ်ကို ကန့်ကွက်ရန်အတွက် အမေရိကန် ဖက်ဒရယ်တရားရုံးမှာ အင်္ဂါနေ့က တရားစွဲဆိုလိုက်ပါတယ်။

▪️ ထိုဥပဒေဟာ အမေရိကန် နိုင်ငံသား သန်း ၁၇၀ ခန့် အသုံးပြုနေတဲ့ တစ်တော့အက်ပ်လီကေးရှင်းကို ရောင်းချခြင်း ဒါမှမဟုတ် ပိတ်ပင်ခြင်းပြုလုပ်မယ့် ဥပဒေ ဖြစ်ပါတယ်။

▪️ အဆိုပါ ကုမ္ပဏီတွေက ကိုလံဘီယာခရိုင် အမေရိကန် အယူခံဝင်ရေး တရားရုံးမှာ တရားစွဲဆိုချက်များကို တင်ပြခဲ့ပြီး ထိုဥပဒေဟာ လွတ်လပ်စွာ ထုတ်ဖော်ပြောဆိုခွင့် ကာကွယ်ရေး ပထမပြင်ဆင်ချက် အပါအဝင် အမေရိကန် ဖွဲ့စည်းပုံအခြေခံဥပဒေကို ချိုးဖောက်ရာကျတယ်လို့ ဆိုလိုက်ပါတယ်။

▪️ ဧပြီ ၂၄ ရက်နေ့က ဂျိုးဘိုင်ဒင် လက်မှတ်ရေးထိုးလိုက်တဲ့ ဥပဒေဟာ တစ်တော့ကို ရောင်းချရန် ဒါမှမဟုတ် ပိတ်ပင်သွားရန် ByteDance ကို ဇန်နဝါရီ ၁၉ ရက်နေ့မတိုင်မီအထိ အချိန်ပေးထားပါတယ်။

▪️ လွတ်လပ်စွာ ဖော်ထုတ်ပြောဆိုကြတဲ့ ဆိုရှယ်အက်ပ်တစ်ခုကို အမည်တပ်ပြီး နိုင်ငံတဝှမ်း ရာသက်ပန်ပိတ်ပင်လိုက်တဲ့ ဥပဒေကို ပြဌာန်းလိုက်တာ ဒါပထမဆုံး မြင်ဖူးတာပါပဲလို့ တရားစွဲဆိုချက်တွေမှာ ဖော်ပြထားပါတယ်။

▪️ တစ်တော့အနေနဲ့ အမေရိကန်မှာ ပိတ်သိမ်းခြင်း မခံရဖို့ အခုနောက်ဆုံး တရားစွဲဆိုလာတာဖြစ်ပါတယ်။

▪️ ဒီအချိန်မှာ Snap နဲ့ Meta တို့ကတော့ တစ်တော့ရဲ့ နိုင်ငံရေးမရေရာခြင်းကို အခွင့်ကောင်းယူကာ ကြော်ငြာခတွေ ရရှိဖို့ ကြိုးပမ်းလာပါတယ်။

▪️ တရုတ်က တစ်တော့အက်ပ်ကို အသုံးပြုပြီး အမေရိကန်များထံမှ အချက်အလက်များ ရယူခြင်း၊ လျှို့ဝှက်စုံစမ်းခြင်းများ ပြုလုပ်မှာကို အမေရိကန် လွှတ်တော်အမတ်များ စိုးရိမ်နေကြသဖြင့် ဥပဒေကြမ်း အဆိုပြုပြီး ရက်သတ္တပတ်အကြာမှာပဲ မဲအပြတ်အသတ်ဖြင့် ကွန်ဂရက်ကနေ အတည်ပြုခဲ့တာ ဖြစ်ပါတယ်။

▪️ တစ်တော့ကတော့ အမေရိကန်တွေရဲ့ အချက်အလက်တွေကို အသုံးပြုမျှဝေခြင်း မရှိဘူးလို့ ငြင်းဆန်လိုက်ကာ အမေရိကန် လွှတ်တော်အမတ်တွေကို စွပ်စွဲလိုက်ပါတယ်။

▪️ ထိုကဲ့သို့ အက်ပ်တွေကနေ နိုင်ငံတော်လုံခြုံရေးကို ခြိမ်းခြောက်နေတဲ့ ပြဿနာဖြေရှင်းရန် တစ်ခုတည်းသောနည်းလမ်းက ဥပဒေရေးရာဖြင့်သာ ဖြစ်ကြောင်း၊ ByteDance အနေနဲ့ ရောင်းချဖို့အစီအစဥ် စတင်သင့်ပြီဖြစ်ကြောင်း တရုတ်ပြည်ဆိုင်ရာ အောက်လွှတ်တော်ကော်မတီ ထိပ်သီးဒီမိုကရက်တစ်ဦးဖြစ်တဲ့ ရာဂျာခရစ်ရှ်နာမူအာသီက ပြောပြသွားပါတယ်။

▪️ အမေရိကန်မှာ တစ်တော့အောင်မြင်ရခြင်းရဲ့ အဓိကအချက်ဖြစ်တဲ့ ByteDance ကို အတင်းရောင်းချခြင်းမျိုး တရုတ်အစိုးရက ခွင့်မပြုနိုင်ဘူးလို့ ရှင်းရှင်းလင်းလင်း အသိပေးထားကြောင်း တရားစွဲဆိုချက်မှာ ပါဝင်ပါတယ်။

▪️ တရုတ်ပြည်မှာ နိုင်ငံတော်လုံခြုံရေး ကာကွယ်တဲ့အနေနဲ့ Meta ရဲ့ WhatsApp နဲ့ Threads တို့ကို ဖယ်ရှားရန် တရုတ်က အမိန့်ပေးထားပါတယ်။

#Source: Reuters

#World_Health
Published 08 May 2024

▪️ စိတ်ဖိစီးစရာအဖြစ်ကို ပြန်လည်တွေးတောပြီး ဒေါသထွက်နေတာဟာ သွေးစီးဆင်းမှုအတွက် လိုအပ်တဲ့ သွေးကြောများ ပြေလျော့နိုင်စွမ်းကို ယာယီအားဖြင့် ထိခိုက်စေတယ်လို့ လေ့လာဖော်ပြထားပါတယ်။

▪️ နယူးယော့ခ်မြို့မှ လူ ၂၈၀ ဦးကို စိတ်ဆိုးစိတ်ပျက်စရာအဖြစ်များ ၈ မိနစ်ကြာအောင် ပြန်လည်စဥ်းစားခိုင်းခဲ့ပါတယ်။

▪️ ပြန်လည်စဥ်းစားခြင်းမပြုခင်နဲ့ စမ်းသပ်ပြီးနောက် သွေးကြောများရှိ ဆဲလ်များကို တိုင်းတာစစ်ဆေးခဲ့ကြပါတယ်။

▪️  သွေးစီးဆင်းမှု ကောင်းမွန်စေတဲ့ သွေးကြောကျယ်ခြင်းကို မိနစ် ၄၀ ခန့်အထိ ထိခိုက်စေကြောင်း တွေ့ရှိခဲ့ကြပါတယ်။

▪️  စိတ်ဆိုးစိတ်ပျက်စရာများ စဥ်းစားပြီးနောက် သွေးကြောနံရံတွေမှာ သိသိသာသာ ပြောင်းလဲသွားခြင်း မရှိတာကို တွေ့ရှိခဲ့ကြပါတယ်။

▪️ ဒေါသထွက်ခြင်းနဲ့ သွေးကြောများ ထိခိုက်ခြင်းတို့ကြား ဆက်စပ်မှုများကို လေ့လာခြင်းဖြင့် နှလုံးသွေးကြောပြဿနာ ဖြစ်နိုင်ခြေများတဲ့သူတွေမှာ ထိရောက်စွာ ကာကွယ်ကုသနိုင်စေမှာဖြစ်ကြောင်း ကိုလံဘီယာတက္ကသိုလ် အာဗင်းဆေးဘက်ဆိုင်ရာဌာနမှ ပရော်ဖက်ဆာ ဒေါက်တာ ဒိုင်အိချိရှင်ဘိုက ပြောပြပါတယ်။

▪️ နှလုံးနဲ့ ဦးနှောက်သို့ သွေးစီးဆင်းမှု ပိတ်ဆို့သွားတဲ့အခါ နှလုံးဖောက်ခြင်း၊ လေဖြတ်ခြင်းတို့ ဖြစ်တတ်ပါတယ်။

▪️ အမေရိကန်မှာ စက္ကန့် ၄၀ ကြာတိုင်း တစ်ယောက်နှုန်းဖြင့် နှလုံးဖောက်နေကြပြီး နှလုံးသွေးကြောရောဂါကြောင့် ၃၃ စက္ကန့်ကြာတိုင်း ၁ ယောက်နှုန်း သေဆုံးနေကြကြောင်း အမေရိကန် နှလုံးအဖွဲ့အစည်းက ဖော်ပြထားပါတယ်။

▪️ ထိုတွေ့ရှိချက်တွေက နှလုံးရောဂါရှိပြီး ဒေါသမထိန်းနိုင်တဲ့ သူတွေအနေနဲ့ ယောဂကျင့်ခြင်း၊ လေ့ကျင့်ခန်းလုပ်ခြင်း၊ အခြားကုသနည်းလမ်းတို့ဖြင့် ဒေါသထိန်းနိုင်ဖို့ အထောက်အကူ ဖြစ်စေနိုင်ကြောင်း နှလုံးအထူးကု ဒေါက်တာ ဟိုလီမစ်ဒယ်ကော့ဖ်က ဆိုပါတယ်။

▪️ စမ်းသပ်ချက်က လက်တွေ့အခြေအနေတွေမှာ စမ်းသပ်တာ မဟုတ်သလို အချိန်ကြာမြင့်စွာ စမ်းသပ်တာမျိုး မဟုတ်ပါဘူး။

#Source: New York Post

#World_Health
Published 08 May 2024

▪️ ဟောလစ်(Horlicks)နဲ့ ဘုစ်(Boost)တို့လို အမှတ်တံဆိပ်တွေ ထုတ်လုပ်နေတဲ့ ဟိန္ဒူစတန်ယူနီလီဗာ (Hindustan Unilever)ကုမ္ပဏီဟာ ယင်းရဲ့ ကျန်းမာရေးအဖြစ် သောက်စရာများဆိုတဲ့ ခေါင်းစဥ်ကို ပြုပြင်ဖော်ပြလိုက်ပါတယ်။

ဟောလစ်ရဲ့ ကျန်းမာရေးဖြစ်ဆိုတဲ့ အမှတ်အသားကို ဖြုတ်ချလိုက်ကာ ကျန်းမာရေးထောက်ကူ စားသောက်ကုန်ဆိုပြီး ပြောင်းလဲသတ်မှတ်လိုက်တာ ဖြစ်ပါတယ်။

▪️ ကုန်သွယ်ရေးနဲ့ စက်မှုဝန်ကြီးက သောက်သုံးစရာများကို ကျန်းမာရေးဖြစ်ဆိုတဲ့ ခေါင်းစဥ်အောက်နေ ဖယ်ရှားရန် တောင်းဆိုလိုက်ပြီးနောက် အခုလို ကြေညာလိုက်တာ ဖြစ်ပါတယ်။

▪️ ယခုလိုပြောင်းလဲလိုက်ခြင်းက အမျိုးအစား ဖော်ပြချက်မှာ ပိုမိုတိကျမြင်သာစေမှာ ဖြစ်တယ်လို့ ဟိန္ဒူစတန်ယူနီလီဗာ ဘဏ္ဍာရေးမှူးချုပ် ရီတက်ရှ်တီဝါရီက ဧပြီ ၂၄ ရက်နေ့ မီဒီယာကွန်ဖရင့်မှာ ပြောကြားလိုက်ပါတယ်။

▪️ ကျန်းမာရေးထောက်ပံ့ အာဟာရဖြစ် သောက်သုံးစရာ အမျိုးအစားကဏ္ဍဆိုတာဟာ အာဟာရဓာတ်ချို့တဲ့သူတွေ လိုအပ်တဲ့ ပရိုတိန်းနဲ့ အာဟာရဓာတ်ကို ဆိုလိုပါတယ်။

▪️ ထိုအမျိုးအစားဟာ အပင်၊ တိရိစ္ဆာန်၊ အဏုဇီဝတို့မှရတဲ့ ဇီဝသတ္တိကြွပစ္စည်း ပါဝင်တာကြောင့် ကျန်းမာရေးအတွက် အကျိုးကျေးဇူးများ ရရှိစေမယ့် အယ်လ်ကိုဟောမပါသော သောက်စရာများ ဖြစ်ပါတယ်။

▪️ အစားအစာ ဘေးကင်းရေးနှင့် စံနှုန်းအက်ဥပဒေ ၂၀၀၆ အရ ကျန်းမာရေးဖြစ် သောက်သုံးစရာဆိုပြီး တိကျသေချာတဲ့ သတ်မှတ်ချက် မရှိတာကြောင့် အခုလို ပြောင်းလဲပေးရန် အမိန့်ချလိုက်တာ ဖြစ်ပါတယ်။

▪️ ဟောလစ်၊ ဘွန်ဗီတာတို့လို သောက်စရာတွေမှာ သကြားဓာတ်ပါဝင်မှု မြင့်မားတာကြောင့် စိုးရိမ်မှုများ မြင့်တက်လာခဲ့ပြီး ယခုလို ထုတ်ပြန်လာကြတာ ဖြစ်ပါတယ်။

#Source: India Today

အမြင်အာရုံချို့ယွင်းသူများအတွက်ခြေ(၆)ချောင်းပါသော စက်ရုပ်လမ်းပြခွေးအား တရုတ်သုတေသီများ တီထွင်

တရုတ်နိုင်ငံမှ ထုတ်လုပ်တဲ့ စက်ရုပ်ခွေးဟာ နိုင်ငံအတွင်း လမ်းပြခွေးရှားပါးမှုကို ကူညီပေးသွားမှာဖြစ်ပြီး အမြင်အာရုံချိုယွင်းသူများအတွက် ပိုမိုအဆင်ပြေစေမှာ ဖြစ်ပါတယ်။
#Asia_Technology
Published 07 May 2024
#စက်ရုပ်လမ်းပြခွေးတီထွင် #အမြင်အာရုံချို့ယွင်းသူများ
#Yangon_Times #YMG_News #Yangon_Media_Group

#Daily_News
Published_07 May 2024

၁။ ယခုဘဏ္ဍာနှစ်အစ၌ ဆန်နှင့် ဆန်ကွဲတန်ချိန် တစ်သိန်းကျော်စတင်တင်ပို့

၂။ ရန်ကုန်အပါအဝင်ဒေသအချို့တွင် နေ့အပူချိန်တိုး၍ မိုးထစ်ချုန်းရွာမည်

၃။ ၀င်္ဂဘော်ဆင်စခန်းကို လာ​ရောက်လည်ပတ်သူနည်းလာသော်လည်း အဝေးမှအလှူငွေပေးပို့ကာ ဆင်စာဘူဖေးကျွေးသူများပြားဟုဆို

၄။ အမြင်အာရုံချို့ယွင်းသူများအတွက် ခြေ(၆)ချောင်းပါသော စက်ရုပ်လမ်းပြခွေးအား တရုတ်သုတေသီများတီထွင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group