#WorldHealth
Published 28 April 2022

ကိုဗစ်ရောဂါကို အချိန်အကြာရှည်ဆုံးကူးစက်ခံစားခဲ့ရတဲ့လူနာကိစ္စကို ယူကေသုတေသီများရှာဖွေဖော်ထုတ်ခဲ့ကြပြီး အဏုဇီဝနှင့်ကူးစက်ရောဂါဆိုင်ရာဥရောပကွန်ဂရက်မှာ သူတို့ရဲ့တွေ့ရှိချက်တွေကို ဒီအပတ်အတွင်းဖော်ပြခဲ့ပါတယ်။

အဆိုပါလူနာဟာ ကိုဗစ်ရောဂါကို ရက်ပေါင်း(၅၀၅)ကူးစက်ခံစားခဲ့ရကာ ထူးဆန်းစွာအသက်ဆုံးရှုံးသွားခဲ့ပါတယ်။

ကိုယ်ခံအားချို့တဲ့သူတွေမှာ ဗိုင်းရပ်စ်မျိုးဗီဇကွဲအသစ်တွေ ထွက်ပေါ်လာနိုင်ကြောင်းတွေ့ရှိထားပြီးဖြစ်ပြီး ယခုကိစ္စမှာ လူနာကရောဂါပိုးမရှိကြောင်း စစ်ဆေးရရှိပေမယ့် နောက်ပိုင်းမှာတော့ ရောဂါကူးစက်ခံနေရသေးကြောင်း ထူးထူးဆန်းဆန်းတွေ့ရှိခဲ့ကြပါတယ်။

Guy's and St.Thomas' NHS Foundation Trust နဲ့ King's College London တို့မှ သုတေသနပညာရှင်များက ကိုယ်ခံအားချို့တဲ့သူတွေမှာ ဗိုင်းရပ်စ်ပြောင်းလဲသွားပုံကို ဦးတည်ပြီးလေ့လာခဲ့ကြပါတယ်။

ကပ်ရောဂါကာလအတွင်း ထွက်ပေါ်လာခဲ့တဲ့ မျိုးဗီဇကွဲတွေဟာ ကူးစက်မြန်တဲ့ဗိုင်းရပ်စ်မျိုးရှိသလို ကာကွယ်ဆေးယဉ်ပါးတဲ့ ဗိုင်းရပ်စ်တွေလည်းပါဝင်နေကြောင်း ဦးဆောင်စာတမ်းပြုစုသူ ဒေါက်တာ'လုခ်ဘလက်ဂ်ဒန်စနဲလ်'က ပြောပြပါတယ်။

အဆိုပါမျိုးဗီဇကွဲတွေက ကိုယ်ခံအားချို့တဲ့သူတွေမှာ ဖြစ်ပေါ်လာတာဖြစ်နိုင်ကြောင်း ယူဆနေကြပါတယ်။

ကိုဗစ်ရောဂါပိုးစမ်းသပ်ရာမှာ အချိန် ၈ ပတ်လောက်ကြာတဲ့အထိ ရောဂါပိုးတွေ့ရှိနေခဲ့တဲ့ ကိုယ်ခံအားချိုတဲ့သူ ၉ ဦးကို စစ်ဆေးခဲ့ကြပါတယ်။

ပျမ်းမျှရောဂါပိုးရှိနေချိန်က ၇၃ ရက်ရှိပြီး လူနာ ၂ ဦးကတော့ တစ်နှစ်ကျော်ကြာတဲ့အထိ ရောဂါတည်ရှိနေခဲ့ပါတယ်။

အဆိုပါလူနာတွေကို မျိုးရိုးဗီဇစစ်ဆေးမှုတွေပုံမှန်ပြုလုပ်ပြီး သွေးနမူနာများပုံမှန်အတိုင်းစစ်ဆေးနေခဲ့ရာ လူနာ ၉ ဦးထဲက ၅ ဦးဟာ အယ်လ်ဖာ၊ ဒယ်လ်တာ၊ အိုမီခရွန်မျိုးဗီဇကွဲများ ကူးစက်ခဲ့တာကို တွေ့ရှိခဲ့ရပါတယ်။

ဒီအချက်အလက်တွေအရ ကိုရိုနာမျိုးဗီဇကွဲတွေက ကိုယ်ခံအားချို့တဲ့သူတွေမှာ ပေါ်ပေါက်လာတာဖြစ်နိုင်တယ်ဆိုတဲ့ အယူအဆကိုမှန်ကန်စေကြောင်း 'စနဲလ်'က ရှင်းပြခဲ့ပါတယ်။

Source: The Jerusalem Post
#Yangon_Media_Group

#WorldArt
Published 27 April 2022

နိုင်ဂျီးရီးယားနိုင်ငံ ဘာဒါဂရီကမ်းရိုးတန်းမြို့လေးမှ လက်မှုပညာရှင်များက အုန်းခွံများဖြင့်လက်မှုပစ္စည်းများပြုလုပ်ဖန်တီးကြပြီး သူတို့ရဲ့လက်ရာများကို ခင်းကျင်းပြသထားကြပါတယ်။

#Yangon_Media_Group

Published 27 April 2022

အာရပ်စော်ဘွားမျာပြည်ထောင်စု(ယူအေအီး)နိုင်ငံဟာ ကမ္ဘာပေါ်မှာ ပထမဆုံး ဉာဏ်ရည်တု(အေအိုင်)ဝန်ကြီးကိုခန့်အပ် လိုက်ပါတယ်။ စီးပွားရေး အကျိုးအမြတ်အတွက် သာမကဘဲ ဉာဏ်ရည်တုလုပ်ငန်းမှာ ဦးဆောင်နိုင်ငံဖြစ်လာအောင် လုပ်မယ်လို့ ဉာဏ်ရည်တုဝန်ကြီး အယ်အိုမာဘင်ဆူလ်တန်အယ်လ်အိုလာမာက ပြောပါတယ်။

သူက ဒူဘိုင်းမြို့တော်မှာပြုလုပ်တဲ့ အေအက်ဖ်ပီနှင့်အင်တာဗျူးမှာ တာဝန်ယူ တာဝန်ခံမှုရှိတဲ့ ထုတ်လုပ်မှုတစ်ခုအဖြစ် အလေးပေးပြောဆိုခဲ့ပါတယ်။

Source AFP

#DailyNews
Published -27 April 2022

၁။ စားသောက်ဆိုင်လုပ်ငန်းအချို့ ပိတ်လိုက်ရခြင်းမျိုးရှိနေ။

၂။ တစ်ရက်လျှင် စက်သုံးဆီဖိုး သိန်းချီကုန်ကျနေသည့်အတွက် ပရဟိတအသင်းများ လူမှုကူညီပေးဖို့ အခက်အခဲများရှိလာ။

၃။ နေ့စဉ်မိုးလေဝသသတင်း။

၄။ နိုင်ဂျီးရီးယားလက်မှုပညာရှင်များက အုန်းခွံများဖြင့်လက်မှုပစ္စည်းများဖန်တီးပြီး ခင်းကျင်းပြသ...အစရှိတဲ့သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

Published 27 April 2022

ရုရှားသမ္မတ ဗလာဒီမာပူတင်ဟာ ကုလသမဂ္ဂ အထွေထွေအတွင်းရေးမှူးချုပ် အန်တိုနီရိုဂူတာရက်စ်ဟာ မော်စကိုမြို့တော်မှာ ရှိတဲ့ ကရင်မလင် သမ္မတအိမ်တော်မှာ ဧပြီ ၂၆ ရက်က လက်ခံတွေ့ဆုံခဲ့ပါတယ်။ ကုလထွေချုပ်ဟာ ရုရှားသမ္မတပူတင်၊ ယူကရိန်းးသမ္မတ ဇီလင်စကီးတို့နှင့် သီးခြားစီတွေ့ဆုံဖို့ စီစဉ်ထားတာဖြစ်ပါတယ်။

လက်ရှိစစ်ဆင်ရေးကဆက်သွားနေပေမယ့်  သံတမန်လမ်းကြောင်းအရ သဘောတူညီချက်ရရှိနိုင်သေးတယ်လို့ သူယုံကြည်တယ်လို့ ပူတင်ကပြောပါတယ်။ သူတို့ ဟာဆက်လက်စေ့စပ်ညှိနှိုင်းနေပြီး ဆွေးနွေးမှုကို မပယ်ချဘူးလို့သူကပြောပါတယ်။

Source AFP

#WorldPolitics
Published 27 April 2022

ရုရှားတို့က ပိုလန်သို့ ဓာတ်ငွေ့တွေတင်ပို့ခြင်းကို ဗုဒ္ဓဟူးနေ့က ရပ်ဆိုင်းလိုက်ပြီဖြစ်ကြောင်း ဥရောပသမဂ္ဂဓာတ်ငွေ့ကွန်ရက်အော်ပရေတာရဲ့ အချက်အလက်များအရသိရှိရပါတယ်။
ဒါဟာ ယူကရိန်းကိုကျူးကျော်ခဲ့တဲ့ရုရှားနဲ့ အနောက်နိုင်ငံတို့ကြား ဆက်ဆံရေးပိုမိုဆိုးရွားလာတဲ့လက္ခဏာတွေ မြင်တွေ့နေရတာဖြစ်ပါတယ်။

ပိုလန်နိုင်ငံကဲ့သို့ နေတိုး(NATO)နဲ့ ဥရောပသမဂ္ဂအဖွဲ့ဝင်နိုင်ငံဖြစ်တဲ့ ဘူလ်ဂေးရီးယားကလည်း ရုရှားဓာတ်ငွေ့တင်ပို့ခြင်းပြတ်တောက်သွားနိုင်တယ်လို့ ဆိုခဲ့ပေမယ့် တကယ်ပြတ်တောက်သွားပြီလားဆိုတာကို ဗုဒ္ဓဟူးနေ့ကအထိ ထုတ်ဖော်ပြောကြားခြင်းမရှိသေးပါဘူး။

ယူကရိန်းနဲ့ရုရှားတိုစစ်ပွဲဖြစ်နေတာ ၃ လကြာကာလအတွင်းရောက်ရှိလာပြီဖြစ်ပေမယ့် ရုရှားတိုက ယူကရိန်းအဓိကမြိုကြီးတွေကိုသိမ်းပိုက်နိုင်ခြင်းမရှိသေးတဲ့အချိန်မှာ ဥရောပကိုဓာတ်ငွေ့ထောက်ပံ့မှုရပ်တန့်ဖို ရုရှားတိုကခြိမ်းခြောက်လာပြီး ဥရောပမဟာမိတ်နိုင်ငံများသွေးကွဲလာအောင် ကြိုးပမ်းနေတယ်လို ယူကရိန်းကစွပ်စွဲလိုက်ပါတယ်။

ရုရှားအစိုးရကို အပြင်းအထန်ဆန့်ကျင်ထားတဲ့ ပိုလန်နိုင်ငံက ယူကရိန်းကိုကျူးကျော်ခဲ့တဲ့ ရုရှားကို အပြင်းထန်ဆုံးဒဏ်ခတ်ပိတ်ဆို့မှုချမှတ်ဖို့ကြိုးပမ်းခဲ့တဲ့ ဥရောပနိုင်ငံတွေထဲက တစ်နိုင်ငံဖြစ်ပါတယ်။

ပိုလန်နဲ့ ရုရှားဓာတ်ငွေ့ကုမ္ပဏီကြီး Gazprom တို့ ချုပ်ဆိုထားတဲ့စာချုပ်အရ တစ်နှစ်ကိုဓာတ်ငွေ့ ၁၀.၂ ဘီလီယံကုဗမီတာထောက်ပံ့လျက်ရှိပြီး ဒါဟာ ပိုလန်နိုင်ငံဓာတ်ငွေ့သုံးစွဲခြင်းစုစုပေါင်းရဲ့ ၅၀ ရာခိုင်နှုန်းလောက်အထိ ရှိနေတာဖြစ်ပါတယ်။

ယူကရိန်းနဲ့ ဘီလာရုစ်တို့ကနေဖြတ်သန်းလာတဲ့ Gazprom ဓာတ်ငွေ့တင်ပို့မှုဟာ ဗုဒ္ဓဟူးနေ့ ဂရင်းနစ်စံတော်ချိန် ၆ နာရီမှာစတင်ပြတ်တောက်သွားဖွယ်ရှိကြောင်း ပိုလန်နိုင်ငံပိုင် PGNiG ကုမ္ပဏီကပြောဆိုလိုက်ပြီး ဓာတ်ငွေ့သိုလှောင်ရုံမှာ ၇၆ ရာခိုင်နှုန်းအပြည့်ရှိနေတာကြောင့် အရန်ဓာတ်ငွေ့တွေထုတ်ယူဖို့ မလိုအပ်သေးကြောင်း ပိုလန်ကဆိုပါတယ်။

ရုရှားအတွက် မိတ်ဖက်ကောင်းမပီသတဲ့နိုင်ငံတွေအနေနဲ့ ဓာတ်ငွေ့ဝယ်ယူရာမှာ ရုရှားငွေရူဘယ်လ်ဖြင့်ပေးချေဖို့ သမ္မတ'ပူတင်'ကတောင်းဆိုထားရာ နိုင်ငံအနည်းစုကသာ သူ့ရဲ့တောင်းဆိုချက်အတိုင်းဝယ်ယူနေခဲ့ပါတယ်။

"ရုရှားခေါင်းဆောင်ရဲ့ အဓိကရည်ရွယ်ချက်က ယူကရိန်းကိုသိမ်းပိုက်ဖို့တင်မဟုတ်ပါဘူး။ အရှေ့ဥရောပတစ်ခုလုံးကိုလည်း သွေးခွဲဖို့လုပ်နေပြီး ကမ္ဘာ့ဒီမိုကရေစီစနစ်ကို ထိခိုက်အောင်လုပ်ချင်နေတာဖြစ်ပါတယ်" လို့ ယူကရိန်းသမ္မတ'ဇယ်လန်စကီ'က အင်္ဂါနေ့ကပြောကြားလိုက်ပါတယ်။

ယူကရိန်းအစိုးရအဖွဲ့ ဦးစီးအရာရှိချုပ်'အန်ဒရီယာမက်'က "ရုရှားက ဥရောပကိုဓာတ်ငွေ့တင်ပို့ခြင်းနဲ့ပတ်သက်ပြီး စတင်ခြိမ်းခြောက်နေပါပြီ။ ကျွန်တော်တို့မဟာမိတ်နိုင်ငံတွေရဲ့ စည်းလုံးမှုကို ပြိုကွဲစေချင်နေတာဖြစ်ပါတယ်" လို့ ပြောကြားသွားပါတယ်။

ရုရှားဓာတ်ငွေ့အပေါ် လုံးဝမှီခိုနေရတဲ့ဘူလ်ဂေးရီးယားနိုင်ငံက Gazprom နဲ့ စာချုပ်ပါအချက်အလက်အားလုံးကို ဖြည့်ဆည်းခဲ့ပြီး ငွေပေးချေမှုပုံစံအသစ်အတွက်စီစဉ်ရာမှာ စည်းမျဉ်းစည်းကမ်းများ ချိုးဖောက်ခံလိုက်ရတယ်လို့ ဆိုခဲ့ပါတယ်။

Gazprom ကုမ္ပဏီက ပိုလန်ကိုဓာတ်ငွေ့တင်ပို့မှု မရပ်ဆိုင်းရသေးဘူးလို့ဆိုလိုက်ပြီး ငွေပေးချေမှုပုံစံအသစ်အတိုင်း ပေးချေဖိုလိုအပ်ကြောင်း အသိပေးလိုက်ပါတယ်။

Source: Reuters
#Yangon_Media_Group