#World_Politics
Published_ 1 May 2023

နာမကျန်းဖြစ်သဖြင့် အများပြည်သူရှေ့ ၂ ရက်ကြာမထွက်ခဲ့ရတဲ့ တူရကီသမ္မတ'ရီဆပ်တာယစ်အာဒိုဂန်'ဟာ ကြာသပတေးနေ့က ပြန်လည်ရောက်ရှိလာပြီး ရုရှားနိုင်ငံဆောက် နျူကလီးယားဓာတ်အားပေးစက်ရုံအကြောင်း ဖော်ပြတဲ့အွန်လိုင်းအခမ်းအနားမှာ ရုရှားသမ္မတ'ဗလာဒီမာပူတင်'နဲ့ စကားပြောဆိုခဲ့ပါတယ်။

#World_Politics #နာမကျန်းဖြစ်နေသည့်တူရကီသမ္မတ #ဗီဒီယိုရုပ်သံ
#YMG #Yangon_Media_Group

#Daily_News
Published_ 1 May 2023

၁။ ဒေသတည်ငြိမ်မှု မရှိသော်လည်း ရွှေဘိုဆန်ဈေး ပြန်ကျလာမည်ဟု ဆန်ကုန်သည်အသင်းပြေ

၂။ စက်သုံးဆီဈေးနှုန်း အကျဘက် ဆက်လက်တည်ရှိနေ

၃။ အပူချိန်မြင့်၍ ပုသိမ်ဆေးရုံရှိ အောက်ဆီဂျင်ဖြန့်ဝေပေးသည့်Station မီးလောင်ကျွမ်းခဲ့ ၊ ထိခိုက်ဒဏ်ရာရသူ မရှိဟုဆို

၄။ နာမကျန်းဖြစ်နေသည့် တူရကီသမ္မတ ပူတင်နှင့်ဗီဒီယိုရုပ်သံတွင် ပြောဆိုကာလူရှေ့ ပြန်လည်ပေါ်ထွက်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#World_Health
Published_ 1 May 2023

ယခုနှစ်အစောပိုင်းကတည်းက ကိုဗစ်-၁၉ရောဂါကြောင့် သေဆုံးမှုများ ၉၅ ရာခိုင်နှုန်းကျဆင်းသွားကြောင်း ကမ္ဘာ့ကျန်းမာရေးအဖွဲ့အစည်း WHO က ဗုဒ္ဓဟူးနေ့မှာ ပြောကြားလိုက်ပါတယ်။

ဒီလိုသေဆုံးမှုနှုန်းကျဆင်းသွားတဲ့အတွက် အလွန်အားတက်မိပါတယ်လို့ WHO အကြီးအကဲ'တက်ဒရိုစ်အက်ဒါနွမ်ဂေဘရီယဲဆပ်စ်'က သတင်းစာရှင်းလင်းပွဲမှာ ပြောကြားခဲ့ပါတယ်။

ဒါပေမဲ့ ဗိုင်းရပ်စ်ကရှိနေဆဲဖြစ်ပြီး လူတွေနဲ့အတူရှိနေမှာဖြစ်ကာ နိုင်ငံတွေအနေနဲ့ ကိုဗစ်-၁၉ နောက်ဆက်တွဲဆိုးကျိုးများ စီမံဖို့လိုအပ်ကြောင်း သတိပေးလိုက်ပါတယ်။

အချို့နိုင်ငံတွေမှာ သေဆုံးမှုမြင့်နေဆဲဖြစ်ပြီး ပြီးခဲ့တဲ့ ၄ ပတ်အတွင်း ဒီရောဂါကြောင့်လူပေါင်း ၁၄,၀၀၀ ခန့်သေဆုံးထားပါတယ်။

XBB.1.16 မျိုးဗီဇကွဲအသစ်ထွက်ပေါ်လာကာ ဗိုင်းရပ်စ်က ကူးစက်နေဆဲဖြစ်ပြီး ကူးစက်သေဆုံးမှုလှိုင်းအသစ်များ ဖြစ်ပေါ်လာစေပါတယ်။

WHO နည်းပညာပိုင်းဦးဆောင်သူ 'မာရီယာဗန်ကာခို့ဗ်'က အခုဆိုရင် XBB မျိုးကွဲများဟာ ကမ္ဘာတဝှမ်းမှာလွှမ်းမိုးနေတယ်လို့ ဆိုပါတယ်။

မျိုးဗီဇကွဲက ကူးစက်နိုင်စွမ်းမြင့်မားလာကာ ခုခံအားမတိုးတဲ့အနေအထားမြင်နေရပြီး ကာကွယ်ဆေးထိုးထားသူများ ယခင်ကကူးစက်ဖူးတဲ့သူများလည်း ပြန်လည်ကူးစက်နိုင်ပါသေးတယ်။

ဒီလိုဆင့်ကဲပြောင်းလဲမှုတစ်ခုချင်းစီအကြောင်း သိရှိဖို့နဲ့ ဗိုင်းရပ်စ်အကြောင်းစောင့်ကြည့်နိုင်အောင် နောက်ထပ်စမ်းသပ်မှုများပြုလုပ်ဖို့ လိုအပ်ကြောင်း ဆိုပါတယ်။

ထိုကနေမှ ကာကွယ်ဆေးဖန်တီးခြင်းနဲ့ ဗိုင်းရပ်စ်ထိန်းချုပ်ရန်ဆုံးဖြတ်ချက်ချနိုင်မှာဖြစ်ပါတယ်။

ကိုဗစ်-၁၉ရောဂါကို အပြည်ပြည်ဆိုင်ရာ ပြည်သူ့ကျန်းမာရေးအရေးပေါ်အဖြစ် အဆုံးသတ်ပြီဖြစ်ကြောင်း မကြာမီကြေညာနိုင်ဖို့ WHO က မျှော်လင့်နေပါတယ်။

ကူးစက်သူ ၁၀ ယောက်မှာ ၁ ယောက်နှုန်းဖြင့် ကိုဗစ်နောက်ဆက်တွဲလက္ခဏာပေါ်ပေါက်နိုင်တာကြောင့် လူသန်းပေါင်းများစွာဟာ နာတာရှည်စောင့်ရှောက်မှုလိုအပ်လာနိုင်ပါတယ်။
Source: WION
#World_Health ##ကိုဗစ်ရောဂါ #သေဆုံးမှုနှုန်း(၉၅)ရာခိုင်နှုန်းလျော့ကျ #ဗိုင်းရပ်စ်ဆက်လက်တည်ရှိ #WHO
#YMG #Yangon_Media_Group

#World_News
Published_ 1 May 2023

တက္ကဆပ်ပြည်နယ် ကလိဗ်လန်းမှာ အိမ်နီးချင်း ၅ ယောက်ကို သေနတ်ဖြင့်ပစ်သတ်ခဲ့တယ်လို့ စွပ်စွဲခံထားရတဲ့လူတစ်ယောက်ကို တက္ကဆပ်ရှိ ရဲတပ်ဖွဲ့ဝင် ၂၀၀ ကျော်က တနင်္ဂနွေနေ့မှာ ရှာဖွေခဲ့ကြပါတယ်။

အိမ်နီးချင်းတွေက AR-15-style ရိုင်ဖယ်သေနတ်ဖြင့် ပစ်ခတ်နေတဲ့ အသက် ၃၈ နှစ်အရွယ် 'ဖရန်ဆစ္စကိုအော်ရိုပီဆာ'ကို မပစ်ခတ်ရန်တောင်းဆိုခဲ့ပြီးနောက် သူက အိမ်နီးချင်းတွေကို ပစ်ခတ်ခဲ့ကြောင်း စွပ်စွဲခံထားရပါတယ်။

ထိခိုက်သေဆုံးသူထဲမှာ အသက် ၈ နှစ်အရွယ်ယောက်ျားလေးတစ်ဦးလည်း ပါဝင်ပါတယ်။

အခုလောလောဆယ်တော့ ခြေရာခံလို့မရသေးဘူးလို့ FBI ဟူစတန်အထူးအေးဂျင့်တာဝန်ရှိသူ 'ဂျိမ်းစ်စမစ်'က တနင်္ဂနွေနေ့မှာ သတင်းထောက်တွေကို ပြောကြားခဲ့ပါတယ်။

ရဲအရာရှိ ၂၀၀ ကျော်က တစ်အိမ်တက်တစ်အိမ်ဆင်းဖြင့် သံသယရှိသူကို လိုက်လံရှာဖွေနေကြောင်း ဆန်ယာစင်တိုကောင်တီရဲအရာရှိ ဂရက်ကိတ်ပါစ်က ပြောကြားခဲ့ပါတယ်။

အာဏာပိုင်များက သံသယရှိသူကို သတင်းပေးနိုင်ရင် ဆုငွေ ဒေါ်လာ ၈ သောင်း ပေးဆောင်မယ်လို့ ကြေညာထားပါတယ်။

FBI က နောက်ထပ်အသေးစိတ်များကိုတော့ မဖော်ပြသေးပါဘူး။

အရာရှိများက သောကြာနေ့ ည ၁၁ နာရီ ၃၁ မိနစ်မှာ ဟူစတန်မြောက်ပိုင်း ၄၅ မိုင်ခန့်ရှိ ကလိဗ်လန်းနေအိမ်တစ်အိမ်မှ ဖုန်းလက်ခံရရှိခဲ့ပါတယ်။

သံသယရှိသူက သောကြာနေ့ညမှာ သူ့အိမ်မှထွက်ခွာလာပြီး ခြံဝင်းအတွင်း ပစ်ခတ်ခဲ့ကြောင်း၊ ထိခိုက်ခဲ့သူအချို့က သူ့ကိုရပ်တန့်ဖို့တောင်းဆိုစဉ် စတင်ပစ်ခတ်ခဲ့တာဖြစ်ကြောင်း သိရပါတယ်။

အဲဒီလူက ခြံစည်းရိုးဆီသွားတော့ အိမ်နီးချင်းတွေက အထဲမှာကလေးအိပ်ပျော်နေတဲ့အတွက် တိတ်ဆိတ်နေရန် တောင်းဆိုခဲ့တယ်လို့ ကိတ်ပါစ်က ဆိုပါတယ်။

နှစ်ဖက်စလုံးမှ အိမ်တွေထဲပြန်ဝင်သွားပြီးတော့ ထိုလူက ကျည်တောင့်ကိုဖြည့်လိုက်ကာ ကားလမ်းအတိုင်းလျှောက်လာပြီး အိမ်တွေကိုပစ်ခတ်ခဲ့တယ်လို့ သိရပါတယ်။

သေဆုံးသူအများစုဟာ ဦးခေါင်းကိုထိမှန်ခဲ့ကာ အားလုံးက ဟွန်ဒူးရပ်စ်မှလူတွေ ဖြစ်နေပါတယ်။

ထိုခြံထဲမှာ သေနတ်သံတွေဆူညံနေတယ်လို့ ရဲတွေထံ တိုင်ကြားမှုများ အရင်ကလည်း ရှိနေခဲ့ပါတယ်။

သေဆုံးသူအားလုံးက သူတို့အိမ်ထဲမှာ ရှိနေခဲ့တာဖြစ်ပြီး တစ်ဦးနဲ့တစ်ဦး ဆွေမျိုးမပတ်သက်ပါဘူး။

အမေရိကန်မှာ လူအစုလိုက်အပြုံလိုက်ပစ်သတ်မှု ဖြစ်ပွားလျက်ရှိရာ ၂၀၂၃ အတွင်း အနည်းဆုံး ၁၇၆ မှုရှိနေနိုင်ပါတယ်။
Source: Reuters
#World_News
#YMG#Yangon_Media_Group

#World_Science
Published_ 1 May 2023

သိပ္ပံပညာရှင်တွေက အာကာသအတွင်းမှ လျှို့ဝှက်ဆန်းကြယ်တဲ့ ရေဒီယိုအမြန်လှိုင်း(FRB) ၂၅ ခုကို တွေ့ရှိခဲ့ကြပါတယ်။

ဒီလှိုင်းတွေကို ၂၀၁၉ နဲ့ ၂၀၂၁ အတွင်း ကနေဒါဟိုက်ဒရိုဂျင် Intensity Mapping Experiment (CHIME)ရေဒီယိုတယ်လီစကုပ်ဖြင့် ဖမ်းယူရမိခဲ့တာဖြစ်ပါတယ်။

FRB ကို ဘယ်ကနေထုတ်လုပ်လဲဆိုတာ လက်ရှိမှာမသိရသေးပေမယ့် ဝေးလံတဲ့ဂလက်ဆီများရှိ ကြယ်များကြွေခြင်းမှ ထွက်လာတယ်လို့ ယူဆရပါတယ်။

ဒီဟာနဲ့ပတ်သက်ပြီး ထူးခြားတာက FRB တွေက အာကာသထဲမှ တစ်နေရာတည်းကနေ ထပ်ခါထပ်ခါထွက်လာတာဖြစ်ကြောင်း တိုရွန်တိုတက္ကသိုလ်နက္ခတ္တဗေဒပညာရှင်များရဲ့ ပြောကြားချက်အရ သိရပါတယ်။

အခုအချိန်အထိ ထပ်ခါထပ်ခါမဟုတ်တဲ့ FRB အများအပြားကိုပိုတွေ့ရပေမယ့် ထပ်ခါထပ်ခါပေါ်ထွက်နေတဲ့ FRB တွေက သူတို့ဘယ်ကလာလဲဆိုတဲ့ အချက်အလက်တွေ ပိုမိုပေးစွမ်းနိုင်မှာဖြစ်ပါတယ်။

နေရာတစ်ခုတည်းကနေ မတူညီတဲ့ပစ္စည်းများဖြင့် လှိုင်းများကို လေ့လာနိုင်မှာဖြစ်ပြီး မတူညီတဲ့အချက်အလက်တွေ စုဆောင်းစေနိုင်မှာဖြစ်ပါတယ်။

ယခုတွေ့ရှိမှုက အကြိမ်ကြိမ်ထွက်ပေါ်တဲ့ FRB အရေအတွက်ပေါင်း ၅၀ အထိ ရှိနေပါတယ်။

FRB တွေက ဂြိုဟ်များပေါက်ကွဲသေဆုံးရာကနေ ထွက်လာတဲ့ အကြွင်းအကျန်များကြောင့် ဖြစ်နိုင်ပါတယ်။

FRB တွေက အာကာသမှ ကျပန်းပေါ်လာတဲ့ လျှပ်စစ်သံလိုက်လှိုင်းများရဲ့ ရေဒီယိုလှိုင်းတွေက ထူးခြားတောက်ပတဲ့အလင်းရောင်တွေ ဖြစ်ပါတယ်။

FRB တစ်ခုထွက်တဲ့အခါ တစ်ကမ္ဘာလုံးက နှစ်စဉ်စွမ်းအင်သုံးစွဲမှုရဲ့ အဆပေါင်း ၁၀ ထရီလီယံ ပါဝင်နေပါတယ်။

ရေဒီယိုတယ်လီစကုပ်တွေက အလင်းနှစ် ၄ ဘီလီယံကျော်အကွာကနေ ထောက်လှမ်းနိုင်လောက်အောင် အလင်းရောင်က စွမ်းအားမြင့်လွန်းပါတယ်။

သူတို့ဟာ မီလီစက္ကန့်ကနေ စက္ကန့်အနည်းငယ်အတွင်း ခြေရာလက်ရာမကျန်ဘဲ ပျောက်ကွယ်သွားနိုင်ပါတယ်။

၂၀၁၇ ခုနှစ် ဟားဗတ်စမစ်ဆိုနီယန်အာကာသရူပစင်တာမှ အဖွဲ့ကပြောကြားရာမှာ ဒီအလင်းတွေဟာ ဝေးကွာလှတဲ့ ဂြိုဟ်သားများထံမှ ကြယ်စူးစမ်းလေ့လာမှုများကို စွမ်းအားပေးတဲ့ထုတ်လွှတ်မှုကနေ ထွက်လာတာဖြစ်နိုင်တယ်လို့ ပြောကြားခဲ့ပါတယ်။

FRB က ကောင်းကင်မှာ နောက်ထပ်ဘယ်အချိန်ပေါ်မလဲ မသိနိုင်တာကြောင့် လေ့လာဖို့ခက်ခဲပါတယ်။

သူတို့ရဲ့လေ့လာမှုတွေကနေ FRB ကို ဘယ်အရာကထုတ်လွှတ်လဲဆိုတာကို တိတိကျကျသိရှိဖို့ မျှော်လင့်နေကြပါတယ်။
Source: Daily Mail
#World_Science #အာကာသမှရေဒီယိုအမြန်လှိုင်းအသစ်(၂၅)ခု #နက္ခတ္တဗေဒပညာရှင်များ
#YMG #Yangon_Media_Group

Published 30 April 2023

တရုတ်နိုင်ငံ ချန်တူးမြို့မှာရှိတဲ့ ပန်ဒါကြီးမွေးမြူရေးသုတေသနစခန်းမှာ ပန်ဒါတစ်ကောင်က အခန်းထဲကနေ ထွက်ပြေးဖို့ ကြိုးစားတဲ့အခါ နောက်အဖော်ပန်ဒါတစ်ကောင်က အတင်းပြန်ဆွဲချတဲ့ ရုပ်သံတစ်ခုကို မြင်တွေ့ကြရပါတယ်။

အိုင်ပန်ဒါလို့ အမည်ပေးထားတဲ့ မာလ်တီမီဒီယာပလက်ဖောင်းတစ်ခုပေါ်တင်ထားတဲ့ အဆိုပါဗွီဒီယိုမှာ ပန်ဒါပေါက်စပ် နှစ်ကောင်ဟာ အကျဉ်းကနေလွတ်မြောက်ချင်တာကြောင့် ကာရံထားတဲ့ ခြံစည်းရိုးအပေါ် ခုန်ကျော်တက်ဖို့ ကြိုးစားနေကြတာကိုတွေ့ကြရပါတယ်။ အဲဒီအထဲက တစ်ကောင်ဟာ ကြိုးစားတာမအောင်မြင်ပေမယ့် နောက်တစ်ကောင်ကတော့ အပေါ်ကိုရောက်လုနီးနီးရှိတဲ့အချိန်မှာ အောက်မှာရှိနနတဲ့ မနာလိုတဲ့ အဖော်က ပြန်ဆွဲချပါတယ်။

Source CCTV+

#ပန်ဒါကြီး

#တရုတ်ပန်ဒါကြီးများ

#YangonMediaGroup