#World_Health
Published 6 December 2022

ယခုနှစ်အတွင်း ကိုဗစ်ကပ်ရောဂါတိုက်ဖျက်မှု အစီအစဉ်များလျော့ပါးလာတာကြောင့် အန္တရာယ်ရှိ မျိုးဗီဇကွဲအသစ် ထွက်ပေါ်လာမှာ စိုးရိမ်ရကြောင်း၊ တရုတ်နိုင်ငံ အချို့နေရာတွေမှာ ကူးစက်မှုမြင့်တက်လာခြင်း ကြုံနေရကြောင်း ကမ္ဘာ့ကျန်းမာရေး WHO အကြီးအကဲက သောကြာနေ့မှာ ပြောကြားလိုက်ပါတယ်။

WHO အထွေထွေညွှန်ကြားရေးမှူး 'တက်ဒရိုအက်ဒါနွမ်ဂဲဘရီယေဆပ်စ်'ကကမ္ဘာကြီးဟာ ကပ်ရောဂါအဆုံးသတ်ဖို့ အခြေအနေရှိလာမှာမဟုတ်ကြောင်း မကြာသေးမီက မှတ်ချက်ပြုခဲ့ပါသေးတယ်။

"ကပ်ရောဂါအရေးပေါ် အခြေအနေ ကျော်လွန်ဖို့ နီးစပ်လာတယ်လို့ ပြောလို့ရနိုင်ပေမယ့် လက်တွေ့မရောက်နိုင်သေးဘူး" လို့ ဆိုပါတယ်။
ကမ္ဘာ့လူဦးရေ ၉၀ ရာခိုင်နှုန်းခန့်ဟာ ရောဂါကူးစက်မှုမှ ဒါမှမဟုတ် ကာကွယ်ဆေးထိုးခြင်းကနေ ကိုဗစ်ခုခံအားအချို့ ရရှိထားပြီးဖြစ်တယ်လို့ ခန့်မှန်းရကြောင်း ဆိုပါတယ်။

လတ်တလော တရုတ်နိုင်ငံမှာ ကိုဗစ်ကူးစက်မှုမြင့်တက်လျက်ရှိပြီး ကူးစက်မှုလျော့ပါးလာခဲ့တဲ့ ဗြိတိန်မှာလည်း ပြန်လည်မြင့်တက်လာပါပြီ။
တရုတ်မြို့အချို့မှာ ကိုဗစ်စမ်းသပ်မှုလိုအပ်ချက်များနဲ့ ကွာရန်တင်းစည်းမျဉ်းများ ဖြေလျှော့လျက်ရှိရာ စိုးရိမ်မှုတွေ ကြုံလာရပါတယ်။
လူထုမငြိမ်မသက်မှု ဖြစ်ပွားပြီးနောက် သန်းပေါင်းရာချီတဲ့ ပြည်သူတွေဟာ နိုင်ငံတော်ရဲ့ ဗိုင်းရပ်စ်ပေါ်လစီပြောင်းလဲမှုကို မျှော်လင့်စောင့်ဆိုင်းနေကြပါတယ်။

"ကိုဗစ်နဲ့ တုပ်ကွေးတို့က လူတော်တော်များများမှာ သာမန်သာဖြစ်ကြပေမယ့် ရောဂါဆိုးရွားသူတွေမှာတော့ ပြင်းထန်နိုင်ပြီး အသက်အန္တရာယ်ပါ ဖြစ်စေနိုင်ပါတယ်" လို့ ယူကေကျန်းမာဘေးကင်းရေး‌ေအဂျင်စီမှ ညွှန်ကြားရေးမှူး 'မယ်ရီရမ်ဆေး'က ပြောကြားလိုက်ပါတယ်။

အသက်အရွယ်ကြီးသူတွေ၊ ရောဂါအခံရှိသူတွေမှာ ကာကွယ်ဆေးထိုးဖို့ကိုလည်း တစ်ကမ္ဘာလုံးအာရုံစိုက်သင့်ကြောင်း WHO က နိုင်ငံ့အစိုးရအဖွဲ့များကို တိုက်တွန်းလိုက်ပါတယ်။

Source: Reuters
#Yangon_Media_Group

#World_Wildlife
Published 5 December 2022

တရုတ်နိုင်ငံတောင်ပိုင်း ကွမ်ရှီကျောင်ဒေသမှာနေထိုင်ပြီး ကမ္ဘာ့မျိုးသုဉ်းအန္တရာယ်အရှိဆုံး မျောက်မျိုးစိတ်တွေထဲက တစ်မျိုးဖြစ်တဲ့ မျောက်ခေါင်းဖြူအကောင်အရေအတွက်ဟာ တောရိုင်းတိရိစ္ဆာန်ထိန်းသိမ်းစောင့်ရှောက်ရေးရဲ့ ကြိုးပမ်းမှုများကြောင့် လွန်ခဲ့တဲ့ဆယ်စုနှစ်များအတွင်း တိုးပွားလာခဲ့ပါတယ်။

#Yangon_Media_Group

Published 5 Dec 2022

ပင်လယ်နီ နိုင်ငံတကာရုပ်ရှင်ပွဲတော်ကို ဆော်ဓီအာရေဗျနိုင်ငံ ဂျက်ဒပ်မှာ ဒီဇင်ဘာ (၁)ရက်မှ (၁၀)ရက်အထိ ကျင်းပ နေပါတယ်။

အဲဒီပွဲတော်ဖွင့်ပွဲကို အိန္ဒိယရုပ်ရှင်မင်းသားနှင့် ဘောလီဝုဒ်စတားဖြစ်တဲ့ ရှာရွတ်ခန်ဟာ ပွဲတော်ညွှန်ကြားရေးမှူး မိုဟာမက် အလီတာကီနှင့်အတူ ကော်ဇော်နီပေါ် ဖြတ်သန်းလျှောက်လှမ်းရောက်ရှိလာပါတယ်။

ကျွန်တော်ဟာ ရှာရွတ်ခန်းရဲ့ အမာခံပရိဿတ်တစ်ဦးပါ။ ဒီကို ကျွန်တော်ရောက်နေရတာ သိပ်ပျော်တယ်။ အာလုံးကို ကျေးဇူးတင်တယ်လို့ ပရိဿတ်တစ်ဦးကပြောပါတယ်။ ပရိဿတ်တွေကလည်း "I love you SRK" ဆိုတဲ့ ဆိုင်းဘုတ်တွေ ကိုင်ဆောင်ကြိုဆိုကြပါတယ်။

အဲဒီရုပ်ရှင်ပွဲတော်မှာ အကောင်းဆုံးအာရပ်နှင့် နိုင်ငံတကာရုပ်ရှင်တွေကို ကော်ဇော်နီအကြိုပွဲတွေ၊ အလုပ်ရုံဆွေးနွေးပွဲတွေ၊ masterclasses နှင့် ရုပ်ရှင်လုပ်ငန်းအတွင်းဈေးကွက် ကွန်ယက်တွေကိုပါ အတူကျင်းပ မှာဖြစ်ပါတယ်။

အာရပ်ရဲ့ခမ်းနားကြီးကျယ်မှု ကဏ္ဍအောက်မှာ အာရပ်ကမ္ဘာက အီရတ်၊ ပါလက်စတိုင်း၊ အယ်ဂျီးရီးယား၊တူနီးရှား၊အီဂျစ်၊လက်ဘနွန်နှင့် မော်ရိုကိုတို့က မတူကွဲပြားတဲ့ လူမှုဘဝ စိတ်လှုပ်ရှားစရာအကောင်းဆုံး ဇာတ်လမ်းတွေပြသမှာပါ။

Source: AFP

#SHAH_RUKH_KHAN

#Red_Sea_International_Film_Festival

#Saudi_Arabia_Jeddah

#DailyNews
Published _ 5 December 2022

၁။ တောင်ကြီးစတော်ဘယ်ရီသီး ပေါ်ဦးပေါ်ဖျားရာသီတွင် ဈေးကောင်းရနေ

၂။ ၈ လတာကာလအတွင်း မြန်မာ-တရုတ် နယ်စပ်ကုန်သွယ်ရေး ကန်ဒေါ်လာ ၁ ဒသမ ၆၉ ဘီလီယံရရှိထား

၃။ ဗီယက်နမ်နိုင်ငံသို့ သကြားဖြူတန်ချိန် ၅၀၀၀၀ ခန့် တင်ပို့သွားမည်

၄။ မျိုးသုဉ်းအန္တရာယ်ရင်ဆိုင်နေသည့် တရုတ်နိုင်ငံမှ ရှားပါးခေါင်းဖြူမျောက်မျိုးနွယ်များ နှစ်စဉ်အကောင်ရေပြန်လည်တိုးတက်လျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#World_News
Published 5 December 2022

အင်ဒိုနီးရှားနိုင်ငံ ဂျာဗားအရှေ့ဘက်ရှိ အမြင့်ဆုံးမီးတောင်ဟာ တနင်္လာနေ့မှာ  ပေါက်ကွဲခဲ့ကာ ထောင်ပေါင်းများစွာသောပြည်သူတွေကို အထူးသတိပေးချက် ထုတ်ပြန်လိုက်ရပါတယ်။

အာဏာပိုင်များအနေနဲ့ ၈ ကီလိုမီတာအတွင်း သွားလာခြင်းမပြုရနယ်မြေ ချမှတ်လိုက်ကာ ရွာလုံးကျွတ်တိမ်းရှောင်ခိုင်းခဲ့ရပါတယ်။

ပျက်စီးမှုကိုလေ့လာရန် ဆမယ်ရူတောင်အနီး အဆိုးဆုံးဖြစ်ခဲ့တဲ့နေရာတွေထံ ရှာဖွေရေးနဲ့ ကယ်ဆယ်ရေးအဖွဲ့များစေလွှတ်ခဲ့ကြောင်း၊ မိုးအနည်းငယ်ကျခဲ့ကာ အနည်းငယ် သက်သာရာရခဲ့ကြောင်း ကယ်ဆယ်ရေးအဖွဲ့မှ ပြောရေးဆိုခွင့်ရှိသူ 'သိုလစ်ဗာတီလီဟန်'က ရိုက်တာသတင်းဌာနကို ပြောကြားခဲ့ပါတယ်။

"မနေ့ကဆိုရင် မိုးရေမြင့်တက်ခဲ့ကာ တောင်အပေါ်ကအရာအားလုံး အောက်ကိုကျလာပါတယ်၊ ဒီနေ့တော့ မိုးမရွာသေးတာကြောင့် အတော်အသင့် ဘေးကင်းရပါပြီ" လို့ ဆိုပါတယ်။

ပျက်စီးဆုံးရှုံးမှုမရှိသလို လေကြောင်းသွားလာမှုတွေမှာ အနှောင့်အယှက် မဖြစ်သေးပါဘူး။

ဒေသစံတော်ချိန် ၂ နာရီ ၄၆ မိနစ်မှာ ၃,၆၇၆ ပေမြင့်တဲ့ မီးတောင်ပေါက်ကွဲခဲ့ပါတယ်။

ဒေသခံများရိုက်ကူးထားတဲ့ ဗီဒီယိုများအရ ဆမယ်ရူတောင်ကနေ မီးခိုးပြာများဖွာထွက်လာကာ တောင်တစ်ခုလုံးနဲ့ အနီးနားရှိ စပါးခင်းများ၊ လမ်းများ၊ တံတားများကို ဖုံးလွှမ်းသွားကာ ကောင်းကင်ကလည်း မည်းသွားခဲ့ပါတယ်။

မီးတောင်နံဘေးကနေ ချော်ရည်များ၊ ကျောက်တုံးများ၊ အပူငွေ့များ စီးဆင်းလာတာကိုလည်း ဗီဒီယိုမှာတွေ့ရှိရပါတယ်။

လူပေါင်း ၂,၅၀၀ လောက် ထွက်ပြေးတိမ်းရှောင်ခဲ့ရကြောင်း အာဏာပိုင်များက ဆိုပါတယ်။

အင်ဒိုနီးရှားမီးတောင်နဲ့ ဘူမိအန္တရာယ်အဖွဲ့က ဆမယ်ရူ‌တောင်အတွက် အမြင့်ဆုံးသတိပေးချက်ကို တနင်္ဂနွေနေ့က ထုတ်ပြန်လိုက်ပါတယ်။

တောင်ရဲ့ ၈ ကီလိုမီတာပတ်လည်နား မသွားလာဖို့ သတိပေးချက် ထုတ်ပြန်ထားပါတယ်။

ယမန်နှစ်ကလည်း ဆမယ်ရူတောင်ပေါက်ကွဲမှုကြောင့် လူ ၅၀ ကျော်သေဆုံးခဲ့ကာ ထောင်ပေါင်းများစွာ နေရာရွှေ့ပြောင်းခဲ့ရပါတယ်။
အင်ဒိုနီးရှားကျွန်းဆွယ်ဟာ မီးတောင်များတလျှောက်မှာ တည်ရှိနေပြီး လူဦးရေ သန်း ၂၇၀ ခန့်ရှိပါတယ်။

ကမ္ဘာပေါ်မှာ သဘာဝဘေးအန္တရာယ်အများဆုံးနိုင်ငံတွေထဲက တစ်ခုဖြစ်ပါတယ်။

Source: Reuters
#Yangon_Media_Group

#World_Health
Published 5 December 2022

အနာဂတ်မှာ စိုက်ပျိုးရေးခြံထဲရှိ နွားများကို စက်ကိရိယာများတပ်ဆင်ပေးပြီး အသုံးပြုနိုင်တော့မှာဖြစ်ကြောင်း လေ့လာချက်မှာ ဖော်ပြထားပါတယ်။

တရုတ်နိုင်ငံ အနောက်တောင်ပိုင်း ဂျောင်တောင်တက္ကသိုလ်မှ သုတေသီများဟာ နွားတွေရဲ့ ကျန်းမာရေး၊ မျိုးပွားနိုင်စွမ်း၊ တည်နေရာတွေကို စောင့်ကြည့်နိုင်မယ့် စမတ်နာရီကို တီထွင်လိုက်ပါတယ်။

ကျွဲနွားများရဲ့ ပတ်ဝန်းကျင်နဲ့ ကျန်းမာရေးဆိုင်ရာ အချက်အလက်များကို စောင့်ကြည့်ခြင်းဖြင့် ရောဂါများကိုကာကွယ်နိုင်ပြီး စားကျက်မွေးမြူခြင်းနဲ့ စီမံခန့်ခွဲနိုင်စွမ်းတို့ကို တိုးတက်စေတယ်လို့ စာတမ်းပြုစုသူ'ဇူတောင်ကျောင်'က ဆိုပါတယ်။

နွားတွေပေါ်မှာ အရေးကြီးအချက်အလက်ရယူနိုင်မယ့် စက်ကိရိယာကို အဖွဲ့က ထုတ်လုပ်ဖို့ ကြိုးစားနေကြပါတယ်။

ရရှိမယ့်အချက်အလက်တွေထဲမှာ အောက်ဆီဂျင်ပမာဏ၊ လေအပူချိန်နဲ့ စိုထိုင်းဆ၊ လေ့ကျင့်မှုအတိုင်းအဆ၊ မျိုးပွားခြင်းရာသီ၊ ရောဂါများ၊ နို့ထုတ်လုပ်ခြင်းစတဲ့ အကြောင်းအရာများ ပါဝင်ကြောင်း မစ္စတာ'ကျန်'က ရှင်းပြခဲ့ပါတယ်။

ကိရိယာတွေကို နွားရဲ့လည်ပင်းနဲ့ ခြေကျင်းဝတ်တို့မှာ တပ်ဆင်နိုင်မှာဖြစ်ပါတယ်။
နွားတွေရဲ့ရွေ့လျားမှုစွမ်းအင်ကို လီသီယမ်ဘတ်ထရီမှာ သိမ်းဆည်းကာ စက်ပစ္စည်းကို အားပေးနိုင်မှာဖြစ်ပါတယ်။

ဒါကြောင့် သာမန်စမတ်နာရီတွေလို အားသွင်းပေးစရာမလိုပါဘူး။
စမ်းသပ်ဖို့အတွက် လူသားတွေကို သုတေသီများက စမ်းသပ်ခဲ့ကြပါတယ်။
လေတိုက်ရင်း သစ်ရွက်ကြွေခြင်း၊ လူတွေ တိရိစ္ဆာန်တွေ သွားလာလှုပ်ရှားခြင်း၊ ကမ္ဘာလည်ပတ်ခြင်းတို့အားလုံးမှာ အရွေ့စွမ်းအင်ရှိကြောင်း၊ ဒီစွမ်းအင်တွေကို အလဟဿအဖြစ်မခံနိုင်ကြောင်း ဆိုပါတယ်။
ထိုကိစ္စအပြင် နောင်အခါ ခြံထဲကနွားတွေကို ရေညှိကျွေးလို့ ရလာနိုင်ပါတယ်လို့လည်း ဆိုပါတယ်။

ကျွဲနွားတွေမှ ထုတ်လွှတ်လိုက်တဲ့ စွန့်ပစ်ဓာတ်ငွေ့တွေဟာ ကာဗွန်ဒိုင်အောက်ဆိုဒ်ဓာတ်ငွေ့ထွက်ရှိမှုရဲ့ တဝက်နီးပါးမျှရှိနေကြောင်း ကယ်လီဖိုးနီးယားတက္ကသိုလ်မှ ရှင်းပြခဲ့ပါတယ်။

Source: Daily Mail.
#Yangon_Media_Group