#World_Military
Published 10 September 2022

မြောက်ကိုရီးယားနိုင်ငံရဲ့ ဥပဒေအသစ်မှာ မိမိကိုယ်ကိုကာကွယ်ရန်အတွက် နျူကလီးယားကာကွယ်တိုက်ခိုက်မှုများကို အသုံးပြုခွင့် တရားဝင်ပြဌာန်းလိုက်ပါတယ်။

ခေါင်းဆောင်'ကင်မ်ဂျုံအန်း'က အခုချမှတ်လိုက်တဲ့ နျူကလီးယားသတ်မှတ်ချက်ကို ပြန်လည်ပြင်ဆင်ခြင်းမရှိစေရန်နဲ့ နျူကလီးယားလက်နက်ပယ်ဖျက်ရေး ဆွေးနွေးပွဲများ တားဆီးသွားရန် ကြေညာလိုက်ကြောင်း နိုင်ငံပိုင်မီဒီယာက သောကြာနေ့မှာ ဖော်ပြလိုက်ပါတယ်။

ကုလသမဂ္ဂက မြောက်ကိုရီးယားရဲ့ နျူကလီးယားလက်နက်အစီအစဉ်နဲ့ပတ်သက်ပြီး နှစ်ရှည်လများ စီးပွားရေးပိတ်ဆို့မှုများ ပြုလုပ်ထားပါတယ်။

ကုလသမဂ္ဂအထွေထွေအတွင်းရေးမှူးချုပ်က မြောက်ကိုရီးယားဥပဒေအသစ်ကို အလွန်စိုးရိမ်မိပြီး နျူကလီးယားပယ်ဖျက်ရေးဆွေးနွေးပွဲများ ပြန်လည်တက်ရောက်ဖို့ မြောက်ကိုရီးယားကို အကြိမ်ကြိမ်တောင်းဆိုထားပါတယ်။

အမေရိကန်ကလည်း မြောက်ကိုရီးယားကို ရန်လိုတဲ့သဘောမရှိဘဲ ဆက်လက်တွေ့ဆုံဆွေးနွေးဖို့ ဆန္ဒရှိကြောင်း အသိပေးလိုက်ပါတယ်။

၂၀၁၈ ခုနှစ်တုန်းက အမေရိကန်သမ္မတဟောင်း'ဒေါ်နယ်ထရမ့်'နဲ့ အခြားခေါင်းဆောင်များ သမိုင်းဝင်ထိပ်သီးအစည်းအဝေးပြုလုပ်ခဲ့ရာ 'ကင်မ်ဂျုံအန်း'ကို နျူကလီးယားလက်နက်ချအောင် မဖြောင်းဖျနိုင်ခဲ့ဘဲ မြောက်ကိုရီးယားက ၂၀၁၇ နောက်ပိုင်း နျူကလီးယားစမ်းသပ်မှုများ ပြန်လည်ပြုလုပ်ဖို့ ပြင်ဆင်လာဟန်ရှိကြောင်း စောင့်ကြည့်သူများက သုံးသပ်ထားပါတယ်။

မြောက်ကိုရီးယား ပြည်သူ့လွှတ်တော်ပါလီမန်က ၂၀၁၃ ခုနှစ် ဥပဒေအစား နိုင်ငံရဲ့ နျူကလီးယားသတ်မှတ်ချက်ကို ဦးစားပေးဖော်ပြထားတဲ့ ဥပဒေအသစ်ကို ကြာသပတေးနေ့က အတည်ပြုလိုက်ကြောင်း နိုင်ငံပိုင် KCNA သတင်းဌာနက ဖော်ပြခဲ့ပါတယ်။

"နျူကလီးယားလက်နက်မူဝါဒကို ပြဌာန်းလိုက်တာဟာ မြောက်ကိုရီးယားရဲ့ နျူကလီးယားလက်နက်တွေနဲ့ ပတ်သက်ပြီး ညှိနှိုင်းဆွေးနွေးတာမျိုးတွေ မပြုလုပ်နိုင်အောင် စည်းတားလိုက်တဲ့သဘောဖြစ်ပါတယ်၊ ဒီလိုလုပ်လို့ ဒီတိုင်းပြည်ကို နှစ် ၁၀၀ လောက်ဒဏ်ခတ်ပိတ်ဆို့ထားရင်တောင် လက်နက်တွေဖျက်သိမ်းမှာမဟုတ်ပါဘူး" လို့ 'ကင်မ်ဂျုံအန်း'ကဆိုပါတယ်။

မြောက်ကိုရီးယားခေါင်းဆောင် ဒါမှမဟုတ် တိုင်းပြည်နဲ့လူမျိုး အခြိမ်းခြောက်ခံလာရတဲ့အခြေအနေနဲ့ စစ်ပွဲဖြစ်လာခဲ့ရင် အသာရအောင် ပြုလုပ်မယ့်အခြေအနေတွေမှာ နျူကလီးယားလက်နက် အသုံးပြုလာဖွယ်ရှိနေပါတယ်။

အိမ်ဖြူတော်သတင်းထောက်'ကာရင်ဂျင်ပီယာရီ'က "ကင်မ်ဂျုံအန်းနဲ့ မြောက်ကိုရီးယားအရာရှိတွေကို ပြောပြချင်တာက ကျွန်မတို့က သံတမန်ရေးအရ ဆက်လက်ဆွေးနွေးဖို့ပဲ အလိုရှိပါတယ်၊ ဒါပေမဲ့ သူတို့က ဘာမှမတုံ့ပြန်လာပါဘူး" လို့ ပြောကြားခဲ့ပါတယ်။

"မြောက်ကိုရီးယားက ခြိမ်းခြောက်လာတဲ့ပြဿနာတွေကို ဖြေရှင်းဖို မဟာမိတ်တွေနဲ့ ဆက်လက်ပူးပေါင်းဆောင်ရွက်သွားမှာပါ"

မြောက်ကိုရီးယားလွှတ်တော်အစည်းအဝေးမှ လက်ထောက်တစ်ဦးက ဒီဥပဒေဟာ မြောက်ကိုရီးယားကို နျူကလီးယားလက်နက်ပိုင်တိုင်းပြည်အဖြစ် ခိုင်ခိုင်မာမာ ရပ်တည်စေနိုင်မှာဖြစ်ပြီး နျူကလီးယားပေါ်လစီနဲ့ပတ်သက်ပြီးတော့ ပွင့်လင်းမြင်သာမှု၊ တိကျပြတ်သားမှုရှိအောင် လုပ်ဆောင်သွားမယ်လို့ ပြောကြားခဲ့ပါတယ်။

နျူကလီးယားလက်နက်အသုံးပြုသင့်တဲ့ အခြေအနေတွေက အလွန်ရှားပါးပြီးတော့ မြောက်ကိုရီးယားအနေနဲ့ ဒီအခြေအနေတွေကို ဘယ်လောက်အထိ ကန့်သတ်တိုင်းတာမှာလဲဆိုတဲ့အကြောင်း ပစိဖိတ်ဖိုရမ်မှ ဒေသတွင်းညွှန်ကြားရေးမှူး'ရော့ဘ်ယော့ခ်'က မေးခွန်းထုတ်ထားပါတယ်။

Source: Reuters
#Yangon_Media_Group

#DailyNews
Published _ 10 September 2022

၁။ ကန်ပိုက်တီနှင့် လွယ်ဂျယ် နယ်စပ်ကုန်သွယ်ရေးစခန်းများမှ တရုတ်နိုင်ငံသို့ တင်ပို့ကုန် ယွမ်ငွေပမာဏ ၅ သိန်း ၁ သောင်းကျော်ရှိနေ

၂။ ရွှေဒင်္ဂါးပြားထုတ်ရောင်းမှုကြောင့် ရွှေဈေးကွက်အရောင်းအဝယ်အေးနေ

၃။ လေဖိအားနည်းရပ်ဝန်းနှင့်လေပွေလှိုင်းများကြောင့် မိုးဆက်ရွာဦးမည်

၄။ ဂျာကာတာမီးရထားဘူတာရုံ ဇွန်ဘီအခင်းအကျင်းဖြင့် ပြင်ဆင်ကာ ခရီးသည်များကို ဖျော်ဖြေမှုရသအသစ်ပေးနေ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#World_Astrology
Published 10 September 2022

အသက်ရှင်နေထိုင်ဖို့ အခြေခံလိုအပ်ချက်တွေ တည်ရှိနေတဲ့ စူပါကမ္ဘာဂြိုဟ်နှစ်လုံးဟာ ကြယ်တစ်လုံးကို အလင်းနှစ် ၁၀၀ အကွာအဝေးမှ လှည့်ပတ်နေကြောင်း တွေ့ရှိခဲ့ကြပါတယ်။

LP 890-9 ဂြိုဟ်မှာ နေအဖွဲ့အစည်းအပြင်ဘက်ကနေ လှည့်ပတ်နေတဲ့ LP 890-9b နဲ့ LP 890-9c ဂြိုဟ်နှစ်လုံးပါဝင်ပြီး LP 890-9b ဂြိုဟ်ကို နာဆာဂြိုဟ်တုအဖွဲ့က အရင်ဆုံးရွေးချယ်ခဲ့ဖူးပါတယ်။

ဒါကို SPECULOOS မှန်ပြောင်းများဖြင့် တွေ့ရှိခဲ့တာဖြစ်ပြီး ဘာမင်ဂမ်တက္ကသိုလ်မှာ အသုံးပြုတဲ့ မှန်ပြောင်းတစ်ခုဖြင့် နောက်ထပ်ဂြိုဟ်ကို တွေ့ရှိခဲ့တာဖြစ်ပါတယ်။

LP 890-9b က ကမ္ဘာဂြိုဟ်ထက် ၃၀ ရာခိုင်နှုန်းပိုကြီးကာ ကြယ်ကို ၂.၇ ရက်ဖြင့် တစ်ပတ်ပြည့်အောင် လည်ပါတယ်။

LP 890-9c ကတော့ ကမ္ဘာထက် ၄၀ ရာခိုင်နှုန်းပိုကြီးကာ လည်ပတ်ရာမှာ ၈.၅ ရက်ကြာမြင့်ပါတယ်။

SPECULOOS မှန်ပြောင်းရဲ့ရည်ရွယ်ချက်က နေအဖွဲအစည်းအပြင်ဘက်က သက်ရှိအသက်ရှင်နေထိုင်နိုင်ရန် လိုအပ်ချက်တွေပြည့်မီတဲ့ ဂြိုဟ်တွေကို ရှာဖွေဖို့ပါပဲ။

လေ့လာမယ်ဆိုရင်တော့ အဲဒီဂြိုဟ်မှာ သက်ရှိတွေနေထိုင်နိုင်မယ့် အခြေအနေနဲ့ လေထုသက်ရောက်မှုရှိလားဆိုတာကို စူးစမ်းသွားရမှာပါ။

နာဆာရှာဖွေရင်းနဲ့ လွဲသွားဖွယ်ရှိခဲ့တဲ့ စကြဝဠာထဲက အခြားဂြိုဟ်တွေကို ဒီမှန်ပြောင်းတွေနဲ့ အသုံးပြုရှာဖွေသွားမှာဖြစ်ပါတယ်။

ဖြစ်နိုင်တဲ့ဂြိုဟ်တွေရဲ့ သဘာဝနဲ့ ဂြိုဟ်တွေရဲ့ အရွယ်အစား လည်ပတ်ခြင်းဝိသေသများကို ပိုမိုသိရှိနိုင်ရန် မြေပြင်ရှိမှန်ပြောင်းများဖြင့် လေ့လာရလေ့ရှိပါတယ်။

SPECULOOS စီမံကိန်းရဲ့ မှန်ပြောင်းတွေကို တယ်နာရစ်ကျွန်းနဲ့ ချီလီနိုင်ငံ ESO ပါရာနယ်လေ့လာရေးစခန်းတို့မှာ တပ်ဆင်ထားတာဖြစ်ပါတယ်။

SPECULOOS မှန်ပြောင်းက အပြင်ဘက်ဂြိုဟ် LP 890-9c ကို တွေ့ရှိခဲ့တာကြောင့် SPECULOOS-2c လို့ အမည်ပေးခဲ့ပါတယ်။

ဒီဂြိုဟ်က သက်ရှိနေထိုင်ရန်အတွက် သိပ်ပြီး မပူလွန်း မအေးလွန်းပေမယ့် လေထုဖိအားကိုတော့ လေ့လာရဦးမှာပါ။

ပရော်ဖက်ဆာ'ထရိုင်ယော့'က ပြင်ပဂြိုဟ်တွေရဲ့ ရာသီဥတုကွဲပြားမှုများအကြောင်း သိရှိစေရန် သမပိုင်းနေရာတွေ အများအပြားတွေ့ရှိဖို အရေးကြီးကြောင်း ပြောကြားခဲ့ပါတယ်။

Source: Daily Mail
#Yangon_Media_Group

#World_Vaccine
Published 10 September 2022

အိုမီခရွန်အပါအဝင် ကိုဗစ်မျိုးဗီဇကွဲအားလုံးကို ၉၅ ရာခိုင်နှုန်းအထိ ထိရောက်စွာချေဖျက်နိုင်ပြီး ရောဂါဖြစ်နိုင်ချေများတဲ့ လူတွေမှာ ကိုယ်ခံအားမြှင့်တင်ပေးနိုင်မယ့် ပဋိပစ္စည်း ၂ မျိုးကို အစ္စရေးလ် တဲလ်အဗစ်တက္ကသိုလ်မှ သုတေသီများ တွေ့ရှိခဲ့ကြပါတယ်။

ခန္ဓာကိုယ်ထဲကို အဆိုပါပဋိပစ္စည်း(antibody)များ ပမာဏမြင့်မားစွာထိုးပေးလိုက်ခြင်းနည်းလမ်းက ကာကွယ်ဆေးအစားထိုးနိုင်မယ့် နည်းလမ်းဖြစ်လာနိုင်ပြီး အထူးသဖြင့် ရောဂါကူးနိုင်ချေများတဲ့သူတွေနဲ့ ကိုယ်ခံအားနည်းတဲ့သူတွေမှာ ထိရောက်စေမှာဖြစ်ပါတယ်။

မျိုးဗီဇကွဲအသစ်တစ်ပေါ်တိုင်း ကိုဗစ်ကာကွယ်ဆေးထပ်မံထိုးဖို့ လိုအပ်တဲ့ အနေအထားကို ဒီနည်းလမ်းက ဖြေရှင်းနိုင်ဖွယ်ရှိနေပါတယ်။

သုတေသီများက မူလကိုဗစ်ရောဂါ ပိုးကူးစက်ထားပြီး သက်သာလာသူအစ္စရေးလ်လူမျိုးများရဲ့ သွေးတွေထဲက ဘီ-ကိုယ်ခံအားဆဲလ်တွေကို ရယူပြီး လူနာတွေဆီက ထွက်လာတဲ့ ပဋိပစ္စည်း ၉ မျိုးကို ခွဲခြားလေ့လာခဲ့ပါတယ်။

အဲဒီထဲက ပဋိပစ္စည်းအချို့က ဒယ်လ်တာ၊ အိုမီခရွန်နဲ့ ကိုရိုနာဗိုင်းရပ်စ်မျိုးဗီဇကွဲအသစ်တွေကို ထိရောက်စွာချေဖျက်နိုင်ကြောင်း တွေ့ရှိခဲ့ကြပါတယ်။

TAU-1109 နဲ့ TAU-2310 ပဋိပစ္စည်း ၂ မျိုးတို့ဟာ အခြားပဋိပစ္စည်းအများစု စပိုက်ခ်ပရိုတိန်းမှာ သွားပေါင်းတဲ့နေရာတွေနဲ့ မတူညီတဲ့နေရာမှာ သွားရောက်ချိတ်ဆက်တာကြောင့် ဒယ်လ်တာနဲ့ အိုမီခရွန်တို့ကို ထိရောက်စွာချေဖျက်နိုင်တာ ဖြစ်ပါတယ်။

မျိုးဗီဇကွဲအသစ်တစ်ခု ထွက်ပေါ်တိုင်း ACE2 receptor ကို သွားပေါင်းတဲ့ ဗိုင်းရပ်စ်ရဲ့စပိုက်ခ်ပရိုတိန်း အစိတ်အပိုင်းပြောင်းလဲလာကာ ဗိုင်းရပ်စ် ကူးစက်မှုနှုန်းပိုမြန်လာတာဖြစ်ပြီး ကာကွယ်ဆေးထိုးပြီးနောက်ပိုင်းမှရတဲ့ ပဋိပစ္စည်းတွေကို ရှောင်ရှားသွားနိုင်တာဖြစ်ပါတယ်။

အဲဒီအစား TAU-1109 နဲ့ TAU-2310 တို့က မျိုးဗီဇမပြောင်းလဲနိုင်တဲ့ ဗိုင်းရပ်စ်အစိတ်အပိုင်းနေရာကို သွားရောက်ချိတ်ဆက်တာကြောင့် မျိုးဗီဇကွဲတွေကိုပါ ထိရောက်စွာချေဖျက်နိုင်တာဖြစ်ပါတယ်။

"အရင်ကြုံခဲ့ဖူးတဲ့ ကပ်ရောဂါတွေတုန်းက အတွေ့အကြုံကိုနမူနာယူပြီး ကိုဗစ်ကပ်ရောဂါကို ဖြေရှင်းသင့်ပါတယ်၊ မွေးကင်းစတုန်းက ကျောက်ရောဂါကာကွယ်ဆေးထိုးထားတဲ့ လူတွေက အသက် ၅၀ တိုင်အောင် ကာကွယ်နိုင်ဆဲဖြစ်ပြီး မျောက်ကျောက်ကိုပါ တစ်စိတ်တစ်ပိုင်းကာကွယ်နိုင်ပါတယ်၊ ဒါပေမဲ့ ကိုဗစ်ကတော့ ဒီလိုမဟုတ်ပါဘူး"လို့ သုတေသီတစ်ဦးက ဆိုပါတယ်။

ကိုဗစ်ကာကွယ်ဆေးတွေနဲ့ ရောဂါကူးစက်မှုတွေမှရတဲ့ ပဋိပစ္စည်းတွေဟာ ၃ လကျော်ရင် သိသိသာသာကျဆင်းသွားတာက ရောဂါကို ထပ်ခါထပ်ခါကူးစက်ခံရစေပြီး ဒီအကြောင်းအရင်းကို သေချာမသိရှိကြသေးပါဘူး။

ကိုဗစ်ရောဂါက ပြင်းထန်စွာနေမကောင်းဖြစ်တတ်ပေမယ့် စတင်ကူးစက်ပြီးရက်ပိုင်းအတွင်း ပဋိပစ္စည်းရှိနေရင် ဗိုင်းရပ်စ်ပျံ့ပွားမှုကို ဟန့်တားနိုင်ပါတယ်။

ပဋိပစ္စည်းကုသမှုကိုသာ သေချာဆောင်ရွက်နိုင်ရင် မျိုးဗီဇကွဲအသစ်ထွက်လာတိုင်း ကာကွယ်ဆေးလိုက်ထိုးနေစရာ မလိုနိုင်တော့ပါဘူး။

Source: The Jerusalem Post
#Yangon_Media_Group

#World_Industry
Published 9 September 2022

ကြာသပတေးနေ့က စိန့်အမ်မီလီယွန်ရွာရဲ့ ဝိုင်အဆင့်သတ်မှတ်ချက်ကျဆင်းသွားကာ ဂျင်လက်သွန်နီဗင်ရဲ့ စပျစ်ခြံကတော့ ညတွင်းချင်းတန်ဖိုးနှစ်ဆတက်သွားကာ ပြင်သစ်ရဲ့အရသာအထူးကဲဆုံးစံချိန်ကို ပြည့်မီခဲ့တဲ့ အကျိုးကျေးဇူးကို ရရှိလိုက်ပါတယ်။

#Yangon_Media_Group

Published 9 Sept 2022

အိန္ဒိယဝန်ကြီးချုပ် နာရန်ဒရာမိုဒီဟာ ဗြိတိသျှတွေကို တော်လှန်ခဲ့တဲ့ အိန္ဒိယရဲ့ လွတ်လပ်ရေးသူရဲကောင်း  ဆူဘတ်စ် ချန်ဒရာဘို့ရဲ့ ရုပ်တုဖွင့်ပွဲကို ကြာသပတေးနေ့က တက်ရောက်ခဲ့ပါတယ်။ ဆူဘရာချန်ဒရာဘို့စ်ဟာ မဟတ္တမ ဂန္ဒီနှင့် ခေတ်ပြိုင်ထင်ရှားသူနှင့် ဩဇာကြီးမားသူတစ်ဦးလည်းဖြစ်ခဲ့ပါတယ်။

သူ့ကို နီတာဂျီ ဒါမှမဟုတ် ခေါင်းဆောင်ကြီးလို့လည်း ခေါ်ကြာပါတယ်။ သူ့ရဲ့ရုပ်တုကို နယူးဒေလီမြို့တော်ရဲ့ စစ်အထိမ်းအမှတ်အိန္ဒိယဂိတ်အနီးမှာ ထုလုပ်စိုက်ထူလိုက်တာဖြစ်ပါတယ်။ အဲဒီနေရာမှာ ယခင်က ဗြိတိန်ဘုရင် ဂျော့ -၅ George V ရဲ့ ရုပ်တုရှိခဲ့ပြီး အဲဒီရုပ်တုကိုဖြိုချခဲ့ပြီးနောက်  နီတာဂျီးရုပ်တုကို အစားထိုးစိုက်ထူလိုက်တာပါ။

ယခုနှစ်မှာကျရောက်တဲ့ အိန္ဒိယရဲ့ ၇၅နှစ်မြောက်လွတ်လပ်ရေးနေ့အထိမ်းအမှတ်အဖြစ် အုပ်ချုပ်ရေးမြို့တော်မှာ ကာလရှည်ကြာကတည်းက စရိတ်မြင့်မားတဲ့ မွမ်းမံပြင်ဆင်မှုတွေပြုလုပ်ခဲ့တာဖြစ်ပြီး ဘို့စ်ရဲ့ ရုပ်တုဟာ အဲဒီပြုပြင်မွမ်းမံမှုတွေရဲ့ အစိတ်အပိုင်းတစ်ခုဖြစ်ပါတယ်။

“ ဒီကနေ့ ကျွန်တော်တို့ အတိတ်ကို နောက်ဘက်မှာထားရစ်ခဲ့ကြပြီ” လို့ ရုပ်တုဖွင့်ပွဲမှာ မိုဒီက ပြောပါတယ်။

“ နိုင်ငံမှာ ယနေ့ နီတာဂျီရဲ့ ရုပ်တုကို စိုက်ထူလိုက်ပြီဖြစ်တယ်။ ဒီရုပ်တုဟာ ခေတ်မီပြီးလွတ်လပ်တဲ့ ယုံကြည်မှုရှိတဲ့ အိန္ဒိယကို ဖွံ့ဖြိုးတိုးတက်မှုတွေပေးစွမ်းခဲ့တယ်” လို့ သူကပြောပါတယ်။

မိုဒီရဲ့အာဏာရပါတီဖြစ်တဲ့ ဘီဂျေပီ ပါတီဟာ သန်မာတဲ့ ဟိန္ဒူမျိုးချစ်ဝါဒကို ထောက်ခံအားပေးထားပါတယ်။  ဒီဝါဒဟာ ပြင်ပဩဇာလွှမ်းမိုးမှုနှင့်ကြီးစိုးမှုကိုဆန့်ကျင်တဲ့ သမိုင်းဆိုင်ရာပုဂ္ဂိုလ်ကြီးတွေပေါ်ပေါက်ခဲ့စေပါတယ်။

ဘီဂျေပီဟာ ဘို့စ် ကို ကိုလိုနီဆန့်ကျင်ရေးသူရဲကောင်းအဖြစ် အမွှမ်းတင်ထားပြီး အိန္ဒိယရဲ့ အဓိကအတိုက်အခံပါတီနှင့် နှီးနွယ်နေတဲ့ ဂန္ဒီနှင့် ဝန်ကြီးချုပ်ဟောင်းနေရူးတို့ကို မှိန်ထားခဲ့ပါတယ်။

မိုဒီဟာ ဒေလီရဲ့ ယူနက်စကို ကမ္ဘာ့အမွေအနှစ်စာရင်းဝင် Red Fort မှာ ၂၀၁၉ခုနှစ်က ဘို့စ်ရဲ့ပြတိုက်ဖွင့်လှစ်ပေးခဲ့ပါသေးတယ်။ ဒီနှစ်ဆန်းမှာ သူ့ကို လွတ်လပ်ရေးရဲ့ကြီးမြတ်တဲ့ သူရဲကောင်းကြီး” လို့ မိုဒီက ဂုဏ်ပြုခေါ်ဆိုခဲ့ပါတယ်။

ဘိုစ့်ရဲ့ ဖက်ဆစ်နိုင်ငံတွေနှင့်ချစ်ကြည်မှုကြောင့် သူ့ပုံရိပ်ပျက်ခဲ့ပေမယ့် သူ့ကို အိန္ဒိယလွတ်လပ်ရေးတိုက်ပွဲဝင်ခဲ့သူအဖြစ် ကျယ်ကျယ်ပြန့်ပြန့် အသိအမှတ်ပြုနေကြတုန်းပဲဖြစ်ပါတယ်။ အချိန်မတိုင်ခင် သူသေဆုံးခဲ့ရတာကလည်း ကြံစည်မှုတစ်ခု အဖြစ် ထင်မြင်နေကြပါတယ်။ ၁၉၄၅ခုနှစ်မှာ သူဟာ ထိုင်ဝမ်မှာရှိနေတုန်း ဂျပန်တစ်ဦးရဲ့ ဗုံးခွဲမှုကြောင့် သေဆုံးခဲ့ရတာ ဖြစ်ပါတယ်။

ဒါပေမယ့် အိန္ဒိယပြည်သူတော်တော်များများက သူဟာ တကယ်မသေခဲ့ဘူး။ ဗြိတိသျှအာဏာပိုင်တွေက သူ့ကို ရာဇဝတ်သားအဖြစ် ဖမ်းဝရမ်းထုတ်ထားခံရတဲ့အတွက် မြေအောက်လှုပ်ရှားမှုထဲသွားလို့ရအောင် ဇာတ်လမ်းဆင်ခဲ့တာလို့ အများက ယုံကြည်နေကြဆဲပါ။

ဆယ်စုနှစ်များစွာလွန်မြောက်ခဲ့ပေမယ့် တော်တော်များများက ဘို့စ်ဟာ အသက်ရှင်နေတုန်းပဲဆိုပြီး များစွာသော သီအီုရီတွေထုတ်ပြနေကြပါတယ်။ အဲဒီအထဲမှာ ဆိုဗီယက် ဂူလက်မှာ ဖမ်းဆီးထိန်းသိမ်းခံနေရတာကအစ  အိန္ဒိယကို တိုးတိုတိတ်တိတ်ပြန်လာပြီး မထင်မရှားနေထိုင်နေတယ်အဆုံး ပါဝင်ကြပါတယ်။

Source: AFP

#Subhas_Chandra_Bose

#Narendra_Modi

#India_Independence_Heroes