ကမ္ဘာ့စီစဉ်ထားသိုမှုနှင့် ဖွံ့ဖြိုးဆဲနိုင်ငံများ၏ အခန်းကဏ္ဍအကြောင်း ကျွမ်းကျင်သူများဆွေးနွေး

ကမ္ဘာတဝှမ်းမှ ကျွမ်းကျင်ပညာရှင်များဟာ အင်္ဂါနေ့က ပေကျင်းမှာ စုဝေးခဲ့ကြပြီး ကမ္ဘာ့စီစဉ်ထားသိုမှု ပုံဖော်ရာမှာ နိုင်ငံတကာဥပဒေများနဲ့ ဖွံ့ဖြိုးဆဲနိုင်ငံများရဲ့ အခန်းကဏ္ဍများအကြောင်း ဆွေးနွေးခဲ့ကြပါတယ်။
#World_News
Published_ 26 April 2024
#ကမ္ဘာ့စီစဉ်ထားသိုမှု #ဖွံ့ဖြိုးဆဲနိုင်ငံများ
#Yangon_Times #YMG_News #Yangon_Media_Group

#Daily_News
Published_ 26 April 2024

၁။ ၂၀၂၅အတွက် ဂျပန်အစိုးရမှပေးမည့် ပညာသင်ဆုများ မြန်မာလူငယ်များလျှောက်ထားနိုင်

၂။ ၂၀၂၃-၂၀၂၄ ကြံကြိတ်ခွဲရာသီ ၉၀ရာခိုင်နှုန်းခန့်ပြီးစီး

၃။ ပြည်ပတင်ပို့မှုနှင့် ကုန်အဝင်နည်းလာခြင်းကြောင့် ဂျင်းတစ်ပိဿာကျပ်တစ်သောင်းဝန်းကျင်သို့ ဈေးမြင့်တက်လာ

၄။ ကမ္ဘာ့စီစဉ်ထားသိုမှုနှင့် ဖွံ့ဖြိုးဆဲနိုင်ငံများ၏ အခန်းကဏ္ဍအကြောင်း ကျွမ်းကျင်သူများဆွေးနွေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၂၆ ဧပြီ ၂၀၂၄

အမေရိကန်အနေနှင့် တားထားတဲ့အနီရောင် အန္တရာယ်အချက်ပေးလိုင်းတွေကို ဖြတ်မကျော်မိစေဖို့ တရုတ်နိုင်ငံက သတိပေးလိုက်ပါတယ်။

တရုတ်နိုင်ငံ ဘေဂျင်းမြို့တော်ကိုရောက်ရှိနေတဲ့ အမေရိကန်နိုင်ငံခြားရေးဝန်ကြီး ဘလင်ကင်ကို တရုတ်နှင့်အမေရိကန်အကြား အပြန်အလှန်လေးစားမှုရှိဖို့နှင့် အမေရိကန်အနေနှင့် အနီလိုင်းတွေကို မဖြတ်ကျော်မိစေဖို့ တရုတ်ကွန်မြုနစ်ပါတီဗဟိုကော်မတီ၊ပေါလစ်ဗျုရိုအဖွဲ့ဝင်နှင့် နိုင်ငံခြားရေးဝန်ကြီး    ဝမ်ယီက ပြောကြားခဲ့တာဖြစ်တယ်လို့ တရုတ်စီစီတီဗွီသတင်းဌာနက သတင်းထုတ်ပြန်ပါတယ်။

Source: CCTV/Reuters

၂၆ ဧပြီ ၂၀၂၄

တရုတ်-မြန်မာ ပူးပေါင်းအားထုတ်မှုကြောင့် အွန်လိုင်းလိမ်လည်မှုတွေနှင့်ဆက်စပ်တဲ့ ရာဇဝတ်မှုတွေနှိမ်နှင်းရာမှာ အထင်ကရ အောင်မြင်မှုတွေရရှိခဲ့တယ်လို့ တရုတ်နိုင်ငံ နိုင်ငံတော်ကောင်စီဝင်နှင့် ပြည်သူ့ရေးရာလုံခြုံရေးဝန်ကြီး ဝမ်ရှောင်ဟုန်က တရုတ်နိုင်ငံကိုရောက်ရှိနေတဲ့ မြန်မာနစက ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးရာပြည့်ကို ပြောကြားလိုက်ပါတယ်။

တရုတ်နိုင်ငံ ဘေဂျင်းမြို့သို့ရောက်ရှိနေတဲ့ မြန်မာ နစက ပြည်ထဲရေးဝန်ကြီး ဒုတိယဗိုလ်ချုပ်ကြီးရာပြည့်နှင့် တရုတ်နိုင်ငံ နိုင်ငံတော်ကောင်စီဝင်နှင့် ပြည်သူ့လုံခြုံရေးရာဝန်ကြီး ဝမ်ရှောင်ဟုန်တို့ ဧပြီ၂၅ ရက်ကြာသပတေးနေ့က တွေ့ဆုံကာ နှစ်နိုင်ငံ  အကြား တရားဥပဒေစိုးမိုးရေး ကိစ္စများဆွေးနွေးခဲ့ကြရာမှာ တရုတ်ဝန်ကြီး ဝမ်ရှောင်ဟုန်က အဲသလိုပြောကြားခဲ့တာဖြစ်တယ် လို့ တရုတ်နိုင်ငံပိုင်မီဒီယာတွေက ရေးသားကြပါတယ်။

တရုတ်-မြန်မာဆက်ဆံရေးကို တရုတ်နိုင်ငံက မဟာဗျူဟာရှုထောင်အမြင်နှင့် အမြဲရှုမြင်ပြီးအကောင်အထည်ဖော်နေတယ်လို့ ဝမ်ရှောင်ဟုန်ကပြောပါတယ်။  

နှစ်နိုင်ငံနှင့် ဒေသတစ်ခုလုံး လုံခြုံရေး၊တည်ငြိမ်ရေးနှင့် ကြွယ်ဝသောဖွံဖြိုးတိုးတက်မှုတွေ ပိုမိုဆောင်ရွက်ပေးနိုင်ဖို့အတွက် တရားဥပဒေစိုးမိုးရေးနှင့်လုံခြုံရေးတွင် နက်ရှိုင်းစွာပူးပေါင်းဆောင်ရွက်ရေး၊ အမှုထမ်းစီမံကိန်းလုံခြုံရေးပူးပေါင်းဆောင်ရွက်မှု မြှင့်တင်ရေးနှင့် လောင်းကစား၊မူးယစ်ဆေးဝါးမှောင်ခိုကုန်ကူးမှုများနှင့် အခြာသော နယ်စပ်ဖြတ်ကျော်မှုခင်းတွေကို အရှိန်မြှင့်  တိုက်ဖျက်ရေးမှာ တရုတ်နိုင်ငံဟာ မြန်မာနိုင်ငံနှင့် အတူလက်တွဲဆောင်ရွက်ဖို့အသင့်ပဲလို့ သူကဆက်ပြောပါတယ်။

ဒုတိယဗိုလ်ချုပ်ကြီးရာပြည့်ကလည်း နှစ်နိုင်ငံအကြား တရားဥပဒေစိုးမိုးရေးနှင့်လုံခြုံရေးဆိုင်ရာ ပူးပေါင်းဆောင်ရွက်မှုမှာ အသီးအပွင့်တွေပိုမိုဖြစ်ထွန်းဖို့ မြန်မာနိုင်ငံအနေနှင့်လည်း လုပ်ဆောင်ရန်ဆန္ဒရှိပါတယ်လို့ ပြောကြားခဲ့တယ်လို့ သတင်းများမှာ ဖော်ပြထားပါတယ်။

@ymg/knl

#World_News
Published 26 April 2024

▪️ အမေရိကန်မှ နောက်ထပ်ထောက်ပံ့မယ့် လက်နက်တွေက ပြီးခဲ့တဲ့လတွေမှာ မထောက်ပံ့နိုင်ခဲ့တာကို ပြန်လည်ဖြည့်ဆည်းပေးပြီး ယူကရိန်းတို့ ခံစစ်ပြန်လည် တည်ဆောက်ဖို့နဲ့ တပ်များပြန်လည်နေရာချရန် အထောက်အကူ ဖြစ်စေမယ်လို့ အမေရိကန်က မျှော်လင့်နေပါတယ်။

▪️ ဒါပေမဲ့ ရုရှားတပ်တွေကို ထိုးစစ်ဆင်မှုကြီး ပြုလုပ်ဖို့လောက်အထိတော့ မဖြစ်နိုင်သေးဘူးလို့ အမေရိကန် ကာကွယ်ရေးဝန်ကြီးဌာနမှ အရာရှိတစ်ဦးက ကြာသပတေးနေ့မှာ ပြောကြားသွားပါတယ်။

▪️ ယူကရိန်းအတွက် ဒေါ်လာ ၆၁ ဘီလီယံတန်ကြေးရှိ စစ်ရေးထောက်ပံ့မှု နှစ်ဝက်လောက်ကြာအောင် ကြာမြင့်ခဲ့ရာမှ အမေရိကန် ကွန်ဂရက်က အသိအမှတ်ပြုလိုက်ပြီးနောက် ရက်ပိုင်းအတွင်းမှာပဲ နိုင်ငံတကာမှ ထောက်ပံ့ရေးအလှူရှင်များ အွန်လိုင်းအစည်းအဝေးပွဲကို အမေရိကန်က သောကြာနေ့မှာ ပြုလုပ်မှာဖြစ်ပါတယ်။

▪️ ဒေါ်လာ ၁ ဘီလီယံတန်ကြေးရှိ အမြှောက်ဆံတွေ၊ လေကြောင်းကာကွယ်ရေးတွေ၊ အခြားပစ္စည်းတွေကို ယူကရိန်းရှေ့တန်းသို့ မကြာမီပို့ဆောင်သွားမယ်လို့ အမေရိကန်အစိုးရက ချက်ချင်းကြေညာသွားပါတယ်။

▪️ ယခုလို လက်နက်များရရှိခြင်းဖြင့် ယူကရိန်းအရှေ့ဘက်ခြမ်းမှာ ရုရှားတို့ချီတက်လာတာကို ခုခံနိုင်ဖို့ အခွင့်အလမ်းများလာနိုင်တယ်လို့ စစ်ရေးသုံးသပ်သူများက ဆိုပါတယ်။

▪️ ယူကရိန်းက ရုရှားကို ဘယ်လောက်အထိ ဖိအားပြန်ပေးနိုင်မလဲဆိုတာ သေချာမသိရသေးသလို စစ်မြေပြင်မှာ တပ်သားအင်အားလျော့နည်းနေပြီး ရှေ့တန်း ၁၀၀၀ ကီလိုမီတာတလျှောက် ခံစစ်တံတိုင်းကို ဘယ်လိုကာကွယ်နေလဲဆိုတဲ့ မေးခွန်းတွေ ထွက်ပေါ်နေပါတယ်။

▪️ ယူကရိန်းတပ်များအနေဖြင့် လက်ဦးမှုပြန်လည်ရယူနိုင်ရန် ရည်ရွယ်ထားကြောင်း၊ လက်နက်ခဲယမ်းတွေ ပစ္စည်းကိရိယာတွေ ရရှိပြီးနောက် ပြန်လည်ဖွဲ့စည်းရန် အချိန်ယူရဦးမှာဖြစ်ကြောင်း၊ ဒါမှ လက်ရှိနေရာတွေကို ခုခံကာကွယ်နိုင်မှာ ဖြစ်ကြောင်း အမေရိကန် ကာကွယ်ရေးအရာရှိတစ်ဦးက ပြောပြသွားပါတယ်။

▪️ ‘’မကြာမီအချိန်အတွင်းမှာ ထိုးစစ်ဆင်မှုကြီးတွေ ပြုလုပ်ဖို့တော့ မမျှော်လင့်ထားပါဘူး။ ခရိုင်းမီးယားကျွန်းဆွယ် အပါအဝင် နေရာဒေသအချို့မှာ တပ်စွဲထားတဲ့ ရုရှားတွေကို ဖိအားစပေးနိုင်တော့မယ်လို့တော့ မြင်မိပါတယ်’’ လို့ ဆိုပါတယ်။

▪️ ရုရှားတို့ဟာ ဖေဖော်ဝါရီလက ဒွန်ဘက်စ်ဒေသရှိ အက်ဗ်ဒီကာမြို့ကို သိမ်းပိုက်ပြီးကတည်းက စစ်မြေပြင်မှာ အသာရနေခဲ့ပါတယ်။

▪️ ယူကရိန်းအနေနဲ့ ပြန်လည်ဖွဲ့စည်းဖို့ အချိန်ယူရမယ်ဆိုရင်တောင် အမေရိကန်ရဲ့ ထောက်ပံ့မှုအသစ်က အလွန်အရေးကြီးတယ်လို့ အမေရိကန်အရာရှိများက ပြောထားပါတယ်။

▪️ အမေရိကန်ရဲ့ ထောက်ပံ့မှုအပြင် ဥရောပသမဂ္ဂကလည်း ထောက်ပံ့နေပြီး ချက်နိုင်ငံမှဦးဆောင်ကာ ဇွန်လကစလို့ 150mm အမြှောက်ဆံပေါင်း ၃ သိန်းခန့် စတင်ပေးပို့သွားမှာ ဖြစ်ပါတယ်။

▪️ ဂျာမနီကလည်း ပက်ထရီယော့ လေကြောင်းကာကွယ်ရေးစနစ်နဲ့ ဒုံးကျည်များ ထောက်ပံ့သွားဖို့ အစီအစဥ်တွေကို ဧပြီမှာ ကြေညာခဲ့ပါတယ်။

#Source: Reuters

#World_Health
Published 26 April 2024

▪️ နှစ်ခြိုက်စွာ အိပ်ပျော်ဖို့အတွက် အလင်းအမှောင်၊ အပူချိန်၊ အသံအနေအထားတို့ကို ဦးစားပေးကြသလို အစားအသောက်ကလည်း အိပ်စက်ခြင်းအပေါ် သက်ရောက်မှုရှိနေပါတယ်။

▪️ အချို့အစားအစာတွေက အိပ်စက်ခြင်းကို အားပေးသလို အချို့ကတော့ အိပ်စက်မှုကို အနှောင့်အယှက် ဖြစ်စေတယ်လို့ နယူးယော့ခ်မှ ဒေါက်တာ ချယ်လ်စီရိုရှီ့ဘ်က ပြောကြားသွားပါတယ်။

▪️ မသင့်လျော်တဲ့ အစားအစာတွေစားပြီး အိပ်ပျော်ဖို့ ခက်ခဲတဲ့အခါ အိပ်နေစဥ် နိုးခြင်း၊ ရင်ပူခြင်း၊ အစာလျှံတက်ခြင်း၊ ဗိုက်မအီမသာဖြစ်ခြင်း၊ ညဘက် မကြာခဏ အိမ်သာသွားရခြင်းတို့ ဖြစ်တတ်ပါတယ်။

▪️ အိပ်စက်မှုကို ထောက်ပံ့ပေးတဲ့ အစားအစာတွေထဲမှာ ပရိုတိန်း၊ အမျှင်ဓာတ်ကြွယ်ဝသော အသားများ၊ ကွန်ပလပ်စ်ကာဗိုဟိုက်ဒရိတ် ကြွယ်ဝသော အသားများ ပါဝင်ပြီး အစာမကြေခြင်း၊ ရင်ပူခြင်းတို့ ဖြစ်နိုင်ခြေ နည်းစေပါတယ်။

▪️ နို့ထွက်ပစ္စည်းတွေဆိုရင် အိပ်စက်မှုအတွက် လိုအပ်တဲ့ ဆယ်ရိုတိုနင်နဲ့ မယ်လာတိုနင် ထုတ်လုပ်မှုအတွက် အရေးကြီးတဲ့ ထရစ်ပ်တိုဖန် ပါဝင်ပါတယ်။

▪️ ငှက်ပျောသီး၊ ဗာဒံစေ့၊ ချယ်ရီသီး၊ ကီဝီသီး၊ ဒိန်ချဥ်၊ နွားနို့ပူတို့ဟာ စိတ်ပြေလျော့စေပြီး အိပ်စက်မှုကို ထောက်ပံ့ပေးနိုင်ပါတယ်။

▪️ အဆီ အက်ဆစ်တို့ပါဝင်တဲ့ အစားအစာတွေ၊ ကဖင်းဓာတ် အပူအစပ်ပါတဲ့ အစားအစာတွေကတော့ ရင်ပူစေပြီး အိပ်စက်ရ ခက်ခဲစေပါတယ်။

▪️ အဆီအနှစ်များတဲ့ အစားအစာတွေ၊ ညစာများများ စားသုံးတာတွေ၊ ကော်ဖီသောက်တာတွေကို အိပ်ခါနီး စားသောက်တာက အိပ်ပျော်ဖို့ ခက်ခဲစေပါတယ်။

▪️ အဆင့်ဆင့် ထုတ်လုပ်ထားတဲ့ မုန့်တွေနဲ့ အချိုဓာတ်များတဲ့ အစားအစာတွေက သွေးတွင်းသကြားဓာတ်များစေပြီး ညအိပ်စဥ် နိုးကြားတတ်တာကြောင့် ရှောင်ရှားသင့်ပါတယ်။

▪️ ဘယ်လိုအစားအစာမျိုးပဲ ဖြစ်ဖြစ် များများစားသုံးခြင်းဖြင့် မအီမသာဖြစ်စေပြီး အိပ်စက်ရ ခက်ခဲစေပါတယ်။

#Source: New York Post