၂၄ ဇူလိုင် ၂၀၂၄

မြန်မာနစကကိုယ်စားလှယ်အဖြစ် လာအိုနိုင်ငံ မြို့တော်ဗီယင်ကျန်းမှာကျင်းပတဲ့ အာဆီယံနိုင်ငံခြားရေးဝန်ကြီးများ အစည်းအဝေး နှင့် ဆက်စပ်အစည်းအဝေးများတက်ရောက်ဖို့ရောက်ရှိနေတဲ့ မြန်မာနိုင်ငံခြားရေးဝန်ကြီးဌာန အမြဲတမ်း အတွင်းဝန် ဦးအောင်ကျော်မိုးကို အာဆီယံအတွင်းရေးမှူးချုပ် ဒေါက်တာကာအိုကင်မ်ဟိုအန်က ယနေ့ ဇူလိုင် ၂၄ ရက်က တွေ့ဆုံပြီး မြန်မာနှင့်အာဆီယံအကြား နှစ်ဘက်ဆွေးနွေးပွဲတစ်ရပ်ကျင်းပခဲ့ပါတယ်။  နှစ်ဘက်ဟာ အာဆီယံက လက်ရှိ ဆောင်ရွက်နေတဲ့ လူ့အသိုက်အဝန်းတည်ဆောက်ရေးကြိုးပမ်းအားထုတ်မှုတွေနှင့်ဆက်စပ်တဲ့ ကိစ္စတွေကို ဆွေးနွေးခဲ့ကြ တယ်လို့ အာဆီယံအတွင်းရေးမှူးချုပ်ရုံးက သတင်းထုတ်ပြန်ပါတယ်။

@ymg/knl

၂၃ ဇူလိုင် ၂၀၂၄

ယခုတစ်ပတ်ထဲ လာအိုနိုင်ငံမှာကျင်းပမယ့် အာဆီယံနိုင်ငံခြားရေးဝန်ကြီးများအစည်းအဝေးကို မြန်မာနစက အစိုးရက အကြီး တန်းအရာရှိတစ်ဦးကို စေလွှတ်မယ်လို့  သံတမန်သတင်းအရင်းအမြစ်တွေကို ကိုးကားပြီး ကျုတိုသတင်းဌာနက သတင်းဖော် ပြလိုက်ပါတယ်။

ဒါဟာ မြန်မာနစကအစိုးရရဲ့ အကြီးတန်းအရာရှိတစ်ဦးအနေနှင့် လာအိုမှာကျင်းပတဲ့ အာဆီယံအစည်းအဝေးမှာ တတိယ အကြိမ်မြောက်ဆက်တိုက်တက်ရောက်ခြင်းဖြစ်ပါတယ်။

@ymg/knl

၂၃ ဇူလိုင် ၂၀၂၄

နစက ဥက္ကဋ္ဌထံသို့ ယာယီသမ္မတ၏ တာဝန်ဝတ္တရားများလွှဲပြောင်းပေးခြင်းဟာ အခြေခံဥပဒေနှင့်ညီညွတ်တယ်လို့ သတင်း  ထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းကပြောကြားလိုက်ပါတယ်။

၂၃ ဇူလိုင် ၂၀၂၄

ရုရှားနိုင်ငံရဲ့ ငွေချေစနစ် ဖြစ်တဲ့ Mir ကို မြန်မာနိုင်ငံမှာ အကန့်အသတ်နှင့်စတင်အသုံးပြုနေပြီလို့ မြန်မာနိုင်ငံအခြေစိုက်ရုရှား သံရုံးရဲ့ပြောကြားချက်ကိုကိုးကားပြီး TASS သတင်းဌာနကရေးသားပါတယ်။

မြန်မာနိုင်ငံမှာ အချို့သောစားသောက်ဆိုင်တွေနှင့် ဈေးဝယ်စင်တာတွေမှာရုရှားငွေချေကတ် Mir ကို အကန့်အသတ်နှင့် စတင် အသုံးပြုနေတာဖြစ်တယ်လို့ ရုရှားသံရုံးကပြောပါတယ်။

“ယခုလောလောဆယ်မှာ Mir card စနစ်ကို မြန်မာနိုင်ငံမှာရှိတဲ့ အချို့စားသောက်ဆိုင်တွေနှင့် ဈေးဝယ်စင်တာတွေမှာ ကန့်သတ်သုံးစွဲမှုတွေစတင်နေပါပြီ။ မကြာခင်မှာ ထပ်မံတိုးချဲ့အသုံးပြုနိုင်မယ်လို့ မျှော်လင့်ထားပါတယ်။  ဒီလိုသုံးတဲ့ အတွက် ကမ္ဘာလှည့်ခရီးသွားတွေအတွက် အကျိုးရှိပါတယ်။ ပြီးတော့  မြန်မာနိုင်ငံမှာရှိနေကြတဲ့ ရုရှားနိုင်ငံသားတွေအတွက်လည်း နေရထိုင်ရ ပိုအဆင်ပြေပါလိမ့်မယ်” လို့ သံရုံးကပြောကြားပါတယ်။

မြန်မာနိုင်ငံဟာ ရုရှားရဲ့ Mir card ကိုသုံးစွဲတဲ့ ၁၃နိုင်ငံမြောက်ဖြစ်ပါတယ်။ အခြားသော နိုင်ငံ(၆)နိုင်ငံကလည်း အသုံးပြုနိုင်ဖို့ ဆွေးနွေးမှုတွေလုပ်ဆောင်ရေး အဆင်သင့်ဖြစ်နေကြကြောင်းသတင်းမှာဖော်ပြထားပါတယ်။

Source TASS

၂၂ ဇူလိုင် ၂၀၂၄

ဒုသမ္မတ ကာမလာ ဟာရစ်ကို သမ္မတလောင်းအဖြစ် ရွေးချယ်လိုက်ပြီဆိုရင်တော့  ဒီမိုကရက်တစ်ပါတီဟာ  သမိုင်းတင်မယ့် အလောင်းအစားကြီးတစ်ခုကို ပြုလုပ်လိုက်တာပဲဖြစ်ပါတယ်။ ဒုသမ္မတ ကာမလာဟာရစ် သမ္မတလောင်းဖြစ်လာပြီဆိုရင် လူမည်း   အမျိုးသမီးတစ်ဦးဟာ လူမျိုးရေးနှင့်လိင်ခွဲခြားမှုတွေ၊ပြီးတော့ သူမကိုယ်တိုင်ရဲ့ ခြေလှမ်းအမှားတွေကို ကျော်လွှားပြီး ရီပတ် ဘလီကင် ဒေါ်နယ်ထရမ့်ကို နိုင်မလားဆိုတဲ့အပေါ် သူတို့က လောင်းကြတော့မှာပါ။

၂၂ ဇူလိုင် ၂၀၂၄

အမေရိကန်သမ္မတဂျိုးဘိုင်ဒင်ဟာ သမ္မတအဖြစ်ပြန်လည်အရွေးခံမယ့် သူ့အစီအစဉ်ကိုလက်လွှတ်လိုက်ပြီလို့ တနင်္ဂနွေနေ့ (ဇူလိုင်၂၁)က ကြေညာပါတယ်။  သူ့ရဲ့လုပ်ဖော်ကိုင်ဖက် ဒီမိုကရက်တွေရဲ့ဖိအားတွေကြီးမားလာတဲ့ အတွက်ဘိုင်ဒင်ဟာ သမ္မတပြိုင်ပွဲကနေ နှုတ်ထွက်ပေးလိုက်တာဖြစ်ပြီး  နိုဝင်ဘာရွေးကောက်ပွဲမှာ ရီပတ်ဘလီကင်ရဲ့ သမ္မတလောင်း ဒေါ်နယ်ထရမ့်ကို ရင်ဆိုင်ဖို့ သူ့ရဲ့လက်ရှိဒုသမ္မတ ကာမလာဟာရစ်ကို ပါတီရဲ့ သမ္မတလောင်းအဖြစ်သူက ထောက်ခံပေးလိုက်ပါတယ်။

ဘိုင်ဒင်ဟာ ပြီးခဲ့တဲ့လက ကိုဗစ်-၁၉ ကူးစက်ခံရတဲ့အတွက် အများပြည်သူမြင်ကွင်းမှာ ကွယ်ပျောက်နေခဲ့ပြီး ဒီလာဝဲပြည်နယ် ရီဟိုဘုသ်ကမ်းခြေက သူ့ရဲ့အိမ်မှာ ကန့်သတ်နေထိုင်နေရတာဖြစ်ပါတယ်။

“ ကျွန်တော် ရွေးကောက်ပွဲပြန်ဝင်ဖို့ကြိုးစားနေတဲ့အချိန်မှာပဲ  ကျွန်တော့်ပါတီနှင့်နိုင်ငံရဲ့ အကောင်းဆုံး အကျိုးစီးပွားအတွက် ကျွန်တော်အဲဒီကနေထွက်လိုက်ပြီး ကျွန်တော့်ရဲ့သမ္မတလက်ကျန်သက်တမ်းမှာ အပြည့်အဝ တာဝန်ထမ်းဆောင်တာကိုပဲအာရုံစိုက်ဖို့ကို  ကျွန်တော်ယုံကြည်လိုက်ပါတယ်”လို့ ဘိုင်ဒင်က အိတ်စ် မှာ စာရေးတင်ခဲ့ပါတယ်။

ဘိုင်ဒင်ကြေညာပြီးသိပ်မကြာခင်မှာပဲ “ ဟာရစ်ဟာ ဂျိုးဘိုင်ဒင်ထက်တောင်ပိုပြီး အနိုင်ရဖို့လွယ်လိမ့်မယ်” လို့ ထရမ့်က စီအင်န်အင်န်ရုပ်သံကိုပြောကြားလိုက်ပါတယ်။

ဒီမိုကရက်တစ်အမျိုးသားကော်မတီဥက္ကဋ္ဌ ဂျေမီဟာရစ်ဆင်က  ပါတီရဲ့  သမ္မတလောင်းအဆိုပြုရွေးချယ်မှု နောက်အဆင့်တွေကို အမေရိကန်ပြည်သူတွေ မကြာမီကြားသိရပါမယ်လို့ ပြောပါတယ်။

လက်ရှိသမ္မတတစ်ဦးဟာ ပါတီရဲ့ အဆိုပြုမှုကို လက်လျှော့လိုက်တာ အမေရိကန်နိုင်ငံမှာ ရာစုနှစ် တစ်ဝက်ကျော်ကကာလအတွင်း ဒါဟာပထမဆုံးပဲဖြစ်ပါတယ်။

Source Reuters