#Local_News
Published-20 December 2023

မြန်မာ့အထည်ချုပ်လုပ်ငန်း၏ ရာနှုန်းပြည့်နီးပါးဖြစ်သော၉၆ရာခိုင်နှုန်းခန့်မှာ လုပ်ငန်းလည်ပတ်ရာတွင် လက်ခစားစနစ်ကို (CMP) ကို အသုံးပြုလုပ်ကိုင်နေကြပြီး ငါး ရာခိုင်နှုန်းခန့်သာ ကိုယ်တိုင်ထုတ်လုပ်တင်ပို့သည့်စနစ် (FOB) အသုံးပြုနေကြောင်း ကမ္ဘာ့ဘဏ်၏ “မြန်မာနိုင်ငံ၏ အထည်ချုပ်လုပ်ငန်းအစီရင်ခံစာ ၂၀၂၃” ၌ ဖော်ပြထားသည်။

ကမ္ဘာ့ဘဏ်၏ လေ့လာမှုအရ အထည်ချုပ်လုပ်ငန်းများ၏ စုစုပေါင်းထုတ်လုပ်မှုမှာ အသေးစားနှင့် အလတ်စားစက်ရုံများ လုပ်ငန်းကျဆင်းမှုကြောင့် ၂၀၁၉ ခုနှစ်နဲ့ နှိုင်းယှဉ်ရင် ၂၀၂၂ ခုနှစ်မှာ (၇.၉) ရာခိုင်နှုန်း ကျဆင်းခဲ့ကြောင်းသိရသည်။

ကမ္ဘာ့ဘဏ်၏ အစီအစဉ်ဦးဆောင်သူနှင့် အကြီးတန်းစီးပွားရေးပညာရှင် ကင်မ်အယ်လန်အဒ်ဝပ်ကမကြာသေးခင်က ဖြစ်ပေါ်ခဲ့သည့် တိုးတက်ပြောင်းလဲမှုများကြောင့် အထည်ချုပ်လုပ်ငန်းများသာမက မြန်မာ့စီးပွားရေးတစ်ခုလုံး၏ ရေရှည်ဖွံ့ဖြိုးတိုးတက်မှု အလားအလာအပေါ် ကြီးကြီးမားမား အဟန့်အတားဖြစ်စေနိုင်ကြောင်း ပြောကြားထားသည်။

အထည်ချုပ်လုပ်ငန်းများတွင် ဝင်ရောက်လုပ်ကိုင်နေကြသူများ၏ (၈၅) ရာခိုင်နှုန်းနှင့် စီမံခန့်ခွဲရေးအဆင့်ရာထူးအားလုံး၏ (၅၆) ရာခိုင်နှုန်းမှာ အမျိုးသမီးများ ဖြစ်ကြောင်း၊ နိုင်ငံအတွင်းက အထည်ချုပ်စက်ရုံတွေအနေဖြင့် ရင်းနှီးမြှုပ်နှံမှုနှင့် လုပ်ငန်းတိုးချဲ့နိုင်ရေးထက် လက်ရှိအခြေအနေအတိုင်း ရှင်သန်ရပ်တည်နိုင်ရေးကို ပိုပြီး အာရုံစိုက်နေရကြောင်းလည်း ဖော်ပြထားသည်။

၄င်းအပြင် အထည်ချုပ်လုပ်ငန်းများ ရင်ဆိုင်နေရသည့် စိန်ခေါ်မှုများတွင် တစ်ခုဖြစ်သည့် လျှပ်စစ်မီးရရှိရေးမှာ ၄င်းတို့၏ လုပ်ငန်းလည်ပတ်မှုအတွင်း အကြီးမားဆုံး စိန်ခေါ်မှုအဖြစ် ရှိနေပြီး အထည်ချုပ်လုပ်ငန်းတွေရဲ့ (၆၈) ရာခိုင်နှုန်းက တုံ့ပြန်ကြကြောင်း၊ပျမ်းမျှအားဖြင့် တစ်ရက်ကို နှစ်ကြိမ် လျှပ်စစ်ဓာတ်အား ပြတ်တောက်ခဲ့ပြီး တစ်ကြိမ်ကို (၃)နာရီခွဲခန့် ပြတ်တောက်တဲ့အတွက် ၂၀၂၂ ခုနှစ်အတွင်း အထည်ချုပ်လုပ်ငန်းတွေရဲ့ စုစုပေါင်း လျှပ်စစ်သုံးစွဲမှု (၆၂) ရာခိုင်နှုန်းက ကိုယ်ပိုင်မီးစက်များမှ ရရှိကြကြောင်း သိရသည်။

#Local_News #မြန်မာ့အထည်ချုပ်လုပ်ငန်း #CMP လက်ခစားစနစ် #YMG/ NN #Yangon_Times

#Local_News
Published 20 December 2023

၂၀၂၃ခုနှစ်အတွက် မြန်မာ့ရုပ်ရှင်ထူးချွန်ဆုချီးမြှင့်ပွဲတွင်ရွှေ‌ကြိုမောင်မယ်အဖြစ်ပါဝင်လျှောက်ထား ကြသူ‌များထဲမှ ရွှေကြိုပဏာမရွေးချယ်ခံရသူ (၉၇)ဦးစာရင်း ထုတ်ပြန်လိုက်ကြောင်း မြန်မာနိုင်ငံရုပ်ရှင်အစည်းအရုံးမှသိရသည်။

ဒုတိယအဆင့် ရွှေကြိုရွေးချယ်မှုကို ဒီဇင်ဘာလ ၂၄ရက်တွင် ကျင်းပမည်ဖြစ်ပြီး ယခုရွေးချယ်ခံထားရသည့် ရွှေကြိုပဏာမရွေးချယ်ခံခဲ့ရသူ(၉၇)ဦးစာရင်းဆက်လက်ယှဉ်ပြိုင်ရမည်ဖြစ်သည်။

ရွေးချယ်ခံရသူများထဲတွင် မေ့ချစ်သက်နှင့် ၊မျိုးမမ(ကျော်ကျော်အိန္ဒြာ)တို့ ပါဝင်ကြောင်းနှင့် ရွှေကြိုရွေးချယ်မှုပဏာမအဆင့်တွင် အမျိုးသားရွှေကြို(၃၀)ကျော်နှင့် အမျိုးသမီးရွှေကြို (၆၀)ကျော်စုစုပေါင်း(၉၇)ဦးရွေးချယ်ခဲ့ကြောင်းသိရသည်။

#Local_News #ရွှေကြိုပဏာမရွေးချယ်ခံရသူ(၉၇)ဦး #tthl #Yangon_Times

#Daily_News
Published 19 December 2023

၁။ ကာလပေါက်ဈေးပေးသည့်အပြင် အမြတ်ငွေ၏ ၂၀ရာခိုင်နှုန်းပေးမည်ဖြစ်သောကြောင့် မြေပဲစိုက်တောင်သူတွေရောင်းချမှုများနေ

၂။ ခရစ်စမတ်နှင့်နယူးရီးယားတွင် ကမ်း‌ခြေခရီးသွားရန်ဘိုကင်တင်သူပြန်ပြည့်လာ

၃။ အိန္ဒိယ၏ ကြက်သွန်ဈေး သတ်မှတ်ချက်ကြောင့် မြန်မာ့ကြက်သွန်နီဈေးနှုန်းမြင့်လာပြီး မိုးကြက်သွန်စိုက်တောင်သူများဈေးကောင်းရနေ

၄။ ကလေး(၃)ယောက်နှင့်အထက်မွေးဖွားသည့်မိသားစုများအတွက် အခမဲ့တက္ကသိုလ်အဆင့်ပညာရေးခံစားခွင့်ရရှိရေးဂျပန်အစိုးရစီစဉ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

‘FDAအနေနဲ့ ဈေးကွက်အတွင်းဆေးဝါးတွေကိုပုံမှန်စစ်ဆေးပြီး အရည်အသွေး၊ အာနိသင်၊ ဘေးအန္တရာယ်အာမခံချက်မရှိတဲ့ ဆေးဝါးမှတ်ပုံတင်မရှိတဲ့ ဆေးဝါးတွေကိုရောင်းချနေတာတွေ့ရတဲ့အတွက် မှတ်ပုံတင်ရှိတဲ့ဆေးဝါးနဲ့တရားမဝင်ဆေးဝါးရဲ့ ပုံတွေ၊ကွာခြားမှုတွေကို ဓာတ်ပုံနဲ့တကွယှဉ်ပြီး ဖော်ပြထားတယ်’အစားအသောက်နှင့်ဆေးဝါးကွပ်ကဲရေးဦးစီးဌာန(FDA)
#Local_News
Published 19 December 2023
#နာမည်ကြီးအဖျားပျောက်ဆေး #သံချဆေး
#tthl #Yangon_Times

#Local_News
Published 19 December 2023

စက်သုံးဆီသယ်ဆောင်ခွင့်မျှောစာ တင်ပြနိုင်ခြင်းမရှိဘဲ သယ်ဆောင်လာသည့် စက်သုံးဆီ ဒီဇယ်ဂါလံ စုစုပေါင်း(၇၅၆၉)ကို သိမ်းဆည်းရမိခဲ့ကြောင်း တရားမဝင်ကုန်သွယ်မှုတိုက်ဖျက်ရေးဦးဆောင်ကော်မတီမှ သိရသည်။

အဆိုပါ စက်သုံးဆီများကို (၁၆) မိုင် ကျောက်ချောစစ်ဆေးရေးစခန်း၌ ပြင်ဦးလွင်မြို့မှ မန္တလေးမြို့သို့ မောင်းနှင် လာသော ယာဉ်တစ်စီးပေါ်မှစက်သုံးဆီ သယ်ဆောင်ခွင့်မျှောစာတင်ပြနိုင်ခြင်း မရှိသည့် စက်သုံးဆီဒီဇယ်ဆီဂါလံ ၆၀၀၊ မန္တလေးမြို့အဝင် မြစ်ငယ်တံတားအနီး၌ ယာဉ်တစ်စီးပေါ်မှ စက်သုံးဆီသယ်ဆောင်ခွင့် မျှောစာ တင်ပြ နိုင်ခြင်း မရှိသည့် စက်သုံးဆီ ဒီဇယ်ဆီ(ချက်ဆီ) ဂါလံ ၆၀၀၀၊ မန္တလေးတိုင်းဒေသကြီး အမရပူရမြို့နယ် ဖရဲကျွန်း ကျေးရွာ၊မိုင်တိုင်အမှတ်(၃၅၈/၄)၌ တရားဝင် စာရွက်စာတမ်း အထောက်အထားတင်ပြနိုင်ခြင်းမရှိသည့် စက်သုံး ဆီ ဒီဇယ်ဆီ ၉၆၉ဂါလံတို့ကို သိမ်းဆည်းရမိခဲ့ခြင်းဖြစ်သည်။

သိမ်းဆည်းရမိသည့် ယင်းစက်သုံးဆီများကို အကောက်ခွန်လုပ်ထုံးလုပ်နည်းများနှင့်အညီ အရေးယူဆောင်ရွက် လျက်ရှိကြောင်းသိရပြီး ဒီဇင်ဘာ ၁၅ ရက်၊ ၁၆ ရက် နှင့် ၁၈ ရက်တို့တွင် အဆိုပါစက်သုံးဆီများအပါအဝင် တရားမဝင်ကုန်ပစ္စည်းများသိမ်ဆည်းရမိမှု စုစုပေါင်းမှာ အမှုတွဲ ရှစ်မှု (ခန့်မှန်းတန်ဖိုးငွေကျပ် ၂၂၆၈၆၈၅၈၀) ဖြစ်ကြောင်း တရားမဝင်ကုန်သွယ်မှုတိုက်ဖျက်ရေးဦးဆောင်ကော်မတီမှ သိရသည်။

#Local_News #မန္တလေး #ဒီဇယ်(၇၅၆၉)ဂါလံသိမ်းဆည်းရမိ #tthl #Yangon_Times

မြန်မာနိုင်ငံဘောလုံးအဖွဲ့ချုပ်၊ မြန်မာနေရှင်နယ်လိဂ်ကော်မတီက ကြီးမှူးကျင်းပတဲ့၂၀၂၃ မြန်မာနေရှင်နယ်လိဂ် အမှတ်ပေးဘောလုံးပြိုင်ပွဲရဲ့ ချန်ပီယံဆုကို ရှမ်းယူနိုက်တတ်အသင်းက ရှုံးပွဲမရှိ စံချိန်ဖြင့် ဆွတ်ခူးရရှိခဲ့ပါတယ်။
#Local_News
Published 19 December 2023
#၂၀၂၃မြန်မာနေရှင်နယ်လိဂ် #ရှမ်းယူနိုက်တက်အသင်းဆွတ်ခူး 
#YMG/LW #Yangon_Times