၁၂ ဇန်နဝါရီ ၂၀၂၃
နစက ဥက္ကဋ္ဌ၊တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် ထိုင်းဘုရင့်တပ်မတော်ကာကွယ်ရေး ဦးစီးချုပ် ဗိုလ်ချုပ်ကြီး Songwit Noonpackdee နှင့် နှစ်နိုင်ငံနယ်စပ် မြဝတီမြို့အနီး၌ အွန်လိုင်းလောင်းကစားမှုနှင့် ငွေကြေးလိမ်လည်မှုများ ကို နှစ်နိုင်ငံ ပူးပေါင်းတိုက်ဖျက်ဆောင်ရွက်သွားရမည့်အခြေအနေများကို ဆွေးနွေးခဲ့တယ်လို့ နစက သတင်းထုတ်ပြန်ချက်အရသိရပါတယ်။
ဗိုလ်ချုပ်မှူးကြီးမင်းအောင်လှိုင်နှင့်ဗိုလ်ချုပ်ကြီး Songwit Noonpackdee တို့ဟာ ယနေ့ ဇန်နဝါရီ ၁၂ရက် ညနေပိုင်းက ် Video Conferencing ဖြင့် ဆွေးနွေးကြရာမှာ အဆိုပါအချက်ကိုထည့်သွင်းဆွေးနွေးခဲ့တာဖြစ်ပါတယ်။
ဗိုလ်ချုပ်မှူးကြီးနှင့် ဗိုလ်ချုပ်ကြီး Songwit Noonpackdee တို့သည် နှစ်နိုင်ငံနယ်စပ်ဒေသများ၌ တည်ငြိမ်အေးချမ်းရေး၊ အွန်လိုင်း လောင်းကစားမှုနှင့် ငွေကြေးလိမ်လည်မှုများ တိုက်ဖျက်ရေးတို့တွင် ပူးပေါင်းဆောင် ရွက်လျက်ရှိသည့် အခြေအနေများကိုဆွေးနွေးခဲ့ပြီး အထူးသဖြင့် နှစ်နိုင်ငံနယ်စပ် မြဝတီမြို့အနီး၌ အွန်လိုင်းလောင်းကစားမှုနှင့် ငွေကြေးလိမ်လည်မှုများ လုပ်ဆောင်လျက်ရှိကြောင်း စုံစမ်းသိရှိရသည့်အတွက် နှစ်နိုင်ငံ ပူးပေါင်းတိုက်ဖျက်ဆောင်ရွက်သွားရမည့် အခြေအနေများကိုဆွေးနွေးခဲ့ကြတာဖြစ်ပါတယ်။
မြန်မာနှင့်ထိုင်း နှစ်နိုင်ငံနှင့် နှစ်နိုင်ငံ တပ်မတော်နှစ်ရပ်အကြား ဆက်ဆံရေးနှင့် ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများကို တိုးမြှင့်ဆောင်ရွက် သွားနိုင်မည့် အခြေအနေများ၊ နယ်စပ်ကုန်သွယ်မှုများ လုံခြုံချောမွေ့ အဆင်ပြေစေရေး အတွက် နှစ်နိုင်ငံအကြား နိုင်ငံရေးအရ၊ တပ်မတော်နှစ်ရပ်အကြား လုံခြုံရေးအရ ပူးပေါင်းဆောင်ရွက်သွားမည့်အခြေအနေများ မူးယစ်ဆေးဝါးတားဆီး နှိမ်နင်းရေးနှင့် အကြမ်းဖက်မှုတိုက်ဖျက်ရေး၊ တရားမဝင်ကုန်သွယ်မှုတိုက်ဖျက်ရေးနှင့်သတင်းအချက် အလက်ဖလှယ်ရေးကိုလည်း နှစ်နိုင်ငံတပ်ခေါင်းဆောင်နှစ်ဦး ဆွေးနွေးခဲ့ကြတယ် လို့သတင်းထုတ်ပြန်ချက်မှာဖော်ပြထားပါတယ်။
ယင်းအပြင် နှစ်နိုင်ငံတပ်မတော်ခေါင်းဆောင်နှစ်ဦးသည် လူသားချင်းစာနာထောက်ထားမှုနှင့် အကူအညီပေးရေးဆိုင်ရာများတွင် ပူးပေါင်းဆောင်ရွက်မှုများကို နှစ်နိုင်ငံတပ်မတော်နှစ်ရပ်အကြားသာမက နှစ်နိုင်ငံ ဝန်ကြီးဌာနများ အချင်းချင်းလည်း တိုးမြှင့်ဆောင်ရွက်သွားမည့် အခြေအနေများ၊ မြန်မာ-လာအို-ထိုင်း သုံးနိုင်ငံ နယ်စပ်ဒေသများ၌ တောမီးလောင်ခြင်းနှင့် နယ်စပ် ဖြတ်ကျော် မီးခိုးမြူငွေ့ ညစ်ညမ်းမှုဆိုင်ရာ ပူးပေါင်းကာကွယ် တားဆီးရေးဆိုင်ရာများနှင့် နှစ်နိုင်ငံအစိုးရနှင့် တပ်မတော်နှစ်ရပ်အကြား နယ်ပယ်ကဏ္ဍပေါင်းစုံတွင် ပူးပေါင်း ဆောင်ရွက်မှုများကို ကျယ်ကျယ်ပြန့်ပြန့် ဆက်လက်ဆောင်ရွက်သွားမည့် အခြေအနေများနှင့် ပတ်သက်၍ ခင်မင်ရင်းနှီးစွာ အမြင်ချင်း ဖလှယ်ဆွေးနွေးခဲ့ကြတယ်လို့သိရှိရပါတယ်။
အဆိုပါဆွေးနွေးပွဲသို့ ဗိုလ်ချုပ်မှူးကြီးနှင့်အတူ ကာကွယ်ရေးဦးစီးချုပ်ရုံးမှ ဒုတိယဗိုလ်ချုပ်ကြီး ရဲဝင်းဦးနှင့် တာဝန်ရှိသူများ တက်ရောက်ကြပြီး ထိုင်းဘုရင့်တပ်မတော်ကာကွယ်ရေး ဦးစီးချုပ်နှင့်အတူ ထိုင်းဘုရင့်တပ်မတော်မှ Air Chief Marshal Chakorn Tawanjang နှင့် တာဝန်ရှိသူများ တက်ရောက်ခဲ့ကြကြောင်းသတင်းထုတ်ပြန်ထားပါတယ်။
-ymg/knl
#Daily_News
Published_12 January 2024
၁။ ပြည်တွင်း၌ ကိုဗစ်ပိုးသစ် HV.1၊XBB.16 ကူးစက်ခံခဲ့ရသူများ ရှိနေပြီဖြစ်၍ Mask ပြန်တပ်ရန်လို
၂။ ဘော်ကြို စစ်ဘေးရှောင်စခန်းရှိ စစ်ရှောင်ပြည်သူများအတွက် စားနပ်ရိက္ခာ အခက်ခဲ ဖြစ်နေဟုဆို
၃။ လယ်တစ်ဧကလျှင် ဒီဇယ်လေးဂါလံ ပေးပါက အထောက်အကူဖြစ်နိုင်ဟုဆို
၄။ BRICS အဖွဲ့ဝင် နိုင်ငံအသစ်များ ပါဝင်လာခြင်းသည် အဖွဲ့အစည်း၏ စီးပွားရေးနှင့် ပထဝီနိုင်ငံရေး သိသိသာသာအားကောင်းလာဟု ကျွမ်းကျင်သူများ သုံးသပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Times #Daily_News #YMG_News #Yangon_Media_Group
Published 12 January 2024
မလေးရှားနိုင်ငံ Perak ပြည်နယ် ပင်လယ်ရေကြောင်း မှ တောင်ဘက် ၉ မိုင် နှင့် ၆ မိုင် ကွာဝေးသော နေရာ ၃ ခုတွင် မြန်မာ ရေလုပ်သား ၁၄ ဦးကို ယမန်နေ့ ညနေပိုင်းက ဖမ်းဆီးခဲ့ကြောင်း မလေးရှားသတင်းဌာနများ၏ဖေါ်ပြချက်အရသိရသည်။
Perak ပြည်နယ် ရေကြောင်းညွန်ကြားရေးမှူး၊ ရေကြောင်းကပ္ပတိန် Mohd Hambali bin Ya'akup က OP SAYONG၊ OP TANJUNG နှင့် Perak ရေပြင်ရှိ OP TIRIS တို့ကို ပုံမှန်ကင်းလှည့်စဉ် KM NYALAU မှ ငါးဖမ်းခြင်းဆိုင်ရာ လှုပ်ရှားမှုများပြုလုပ်နေသော သင်္ဘောသုံးစင်းကို ရေဒါမှတွေ့ရှိခဲ့ကြောင်း ပြောကြားခဲ့သည်။
စစ်ဆေးမှုရလဒ်များအရ အဆိုပါ စက်လှေ ၃ စင်းတွင် မြန်မာ လှေဦးစီး၂ ဦးနှင့် နိုင်ငံသားတစ်ဦးတို့ မောင်းနှင်ပြီး လိုက်ပါဆောင်ရွက်လျက်ရှိပြီး အသက် ၂၀ နှစ်မှ ၅၉ နှစ်ကြား မြန်မာနိုင်ငံသား ရေလုပ်သား၁၂ ဦးတို့ ပါဝင်ကြောင်း သိရသည်။
သင်္ဘောမောင်းနှင်သူ နှင့် မြန်မာအမှုထမ်း ၁၂ ဦးစလုံးသည် တရားဝင်အထောက်အထား စာရွက်စာတမ်းများ တင်ပြရန် ပျက်ကွက်ခဲ့ကြောင်း ထပ်မံ စစ်ဆေး တွေ့ရှိခဲ့ကြောင်းသိရသည်။
ဆက်သွယ်ရေးစက်များအသုံးပြုရန် ခွင့်ပြုချက်ပေးစာ မပါရှိသည့်အပြင် ပြည်မကြီးမှ ရေမိုင် ၁၅ ထက်ကျော်လွန် လုပ်ကိုင်နေကြောင်းသိရသည်။ ၎င်းအပြင် ဒေသခံ လှေဦးစီးမှာ မလေးရှားနိုင်ငံ ငါးလုပ်ငန်း ညွှန်ကြားရေးမှူးချုပ်ထံမှ နိုင်ငံခြားသင်္ဘောသားများ အသုံးပြုခွင့် စာရွက်စာတမ်း တင်ပြရန် ပျက်ကွက်ခဲ့သည်ကို တွေ့ရှိကြောင်းသတင်းတွင် ဖေါ်ပြထားသည်။
အဆိုပါ လှေများအပါအဝင် ငါးဖမ်းစက်များကို မလေးရှား ရေကြောင်း စုံစမ်းရေး အရာရှိထံ ဆက်လက် လွှဲပြောင်း ပေးအပ်ခဲ့ပြီး တံငါသည် အားလုံးကို ဖမ်းဆီးထားကြောင်း ထုတ်ပြန်ခဲ့သည်။
Yangon Times/LW
#Local_News
#Published_ 12 January 2024
#YMG #Yangon_Times #Yangon_Media_Group #YMG_News
Published 12 January 2023
ရန်ကုန်တိုင်း ဒေသကြီး၊ မြောက်ဥက္ကလာပမြို့နယ်၊ (ဋ)ရပ်ကွက်၊ အိန္နြာ(၁၁)လမ်းရှိ နေအိမ် တစ်အိမ်တွင် မီးလောင်မှုဖြစ်ပွားခဲ့ရာ ဘေးအိမ်ရှိ EVကားတစ်စီးပါ လောင်ကျွမ်း သည့်အထဲပါသွားကြောင်း ဒေသခံများထံမှသိရသည်။
ယနေ့ ဇန်နဝါရီ (၁၂)ရက် နံနက် (၉) နာရီ (၁၅)မိနစ် အချိန်ခန့်ကမြောက်ဥက္ကလာပမြို့နယ်၊ (ဋ)ရပ်ကွက်၊ အိန္နြာ(၁၁)လမ်းရှိ နေအိမ် တစ်အိမ်တွင် မီးလောင်မှုဖြစ်ပွားခဲ့ရာမီးစတင်လောင်ကျွမ်းသည့်အိမ်မှမီးသည် EVကားရှိသည့် ဘေးအိမ်ဘက်သို့ကူးစက်လောင်ကျွမ်းခဲ့ရာ မီးလောင်ဆုံးရှုံးခဲ့ကြောင်းသိရသည်။
အဆိုပါ မီးလောင်မှု သတင်းအရ မြောက်ဥက္ကလာပမြို့နယ် မီးသတ်စခန်းမှ မီးသတ်ယာဉ်များ ထွက်ခွာငြှိမ်းသတ်ခဲ့ကြောင်း ၊ထိုသို့ ငြှိမ်းသတ်ခဲ့ရာ နံနက် (၉)နာရီ (၂၈)မိနစ်အချိန်တွင် မီးထိန်းနိုင်ပြီး နံနက် (၉)နာရီခွဲတွင် မီးငြှိမ်းသတ်နိုင်ခဲ့ပြီး ဖြစ်စဉ် အသေးစိတ်ကို မီးသတ်တပ်ဖွဲ့ ဆက်လက်စစ်ဆေးသွားမည်ဖြစ်ကြောင်း သိရသည်။
Yangon Times/NN
#Local_News
#Published_ 12 January 2024
#YMG #Yangon_Times #Yangon_Media_Group #YMG_News
Published 12 January 2024
လာမည့် ပြည်ထောင်စုနေ့တွင်ကျင်းပမည့် မြန်မာ့ရိုးရာနှင့် နိုင်ငံတကာမြင်းစီးအား ကစားပြိုင်ပွဲအတွက်စည်းကမ်းချက်များကို မြန်မာနိုင်ငံမြင်းစီးအားကစားအဖွဲ့ချုပ်မှ ထုတ်ပြန်ထားသည်။
"(၇၇) ကြိမ်မြောက်ပြည်ထောင်စုနေ့အထိမ်းအမှတ် တိုင်းဒေသကြီးနှင့်ပြည်နယ်များ ပြည်ထောင်စုတံခွန် စိုက်ဖလား မြန်မာ့ရိုးရာနှင့် နိုင်ငံတကာမြင်းစီးအား ကစားပြိုင်ပွဲ”ကြီးကိုဖေဖော်ဝါရီ၅ရက်မှ ၁၂ရက်အတွင်း ရန်ကုန်မြို့မြောက်ဒဂုံမြို့နယ်ရှိ မြန်မာနိုင်ငံမြင်းစီးအားကစားအဖွဲ့ချုပ်၌ ကျင်းပသွားမည်ဖြစ်ရာ ယင်းပြိုင်ပွဲတွင်ဝင်ရောက်ယှဉ်ပြိုင်သူများအတွက် စည်းကမ်းချက်များထုတ်ပြန်ခြင်းဖြစ်သည်။
အဆိုပါစည်းကမ်းချက်များတွင် မြန်မာ့ရိုးရာဒုန်း ပြိုင်ပွဲအမျိုးအစား တစ်မျိုးမျိုးတွင် ပါဝင် ယှဉ်ပြိုင်သော မြင်းအား အခြားမည်သည့် ပြိုင်ပွဲအမျိုးအစားတွင်မျှ ထပ်မံယှဉ်ပြိုင်ခွင့်မပြုကြောင်း၊အခြားသောပြိုင်ပွဲအမျိုးအစား (ဥပမာ - အသား ကျ၊ စက်ထိုး၊ ဓါးရေး) တစ်ခုခုတွင် ပါဝင်သော ပြိုင်ပွဲဝင်မြင်း တကောင်အား နောက်ထပ် အခြားပြိုင်ပွဲ အ မျိုးအစား (၂) မျိုး စုစုပေါင်း (၃)မျိုးအထိ ယှဉ်ပြိုင်ခွင့်ပြုကြောင်း၊သို့သော် ပြိုင်ပွဲ တစ်ကြိမ်နှင့် တစ်ကြိမ်အကြား အဖွဲ့ ချုပ် တိ/ကုဆေးအဖွဲ့က စစ်ဆေးပြီး ခွင့်ပြုမှသာ ယှဉ်ပြိုင်ရမည်ဖြစ်ကြောင်းသိရသည်။
Show Jumping ( တန်းခုန်ပြိုင်ပွဲ )၌ပါဝင်ယှဉ်ပြိုင် သောမြင်းကို Dressage ပြိုင်ပွဲမှလွဲ၍ အခြားမည်သည့် ပြိုင်ပွဲအမျိုးအစားတွင်မျှ ယှဉ်ပြိုင်ခွင့်မပြုပါကြောင်း၊ကနဦး ပြိုင်ပွဲတစ်မျိုးတွင် မတူသောအသင်းများက အနည်းဆုံး ပြိုင်ပွဲဝင် အတွဲ (၄) တွဲရှိမှသာလျှင် ပြိုင်ပွဲဖြစ်မည်ဖြစ်ပြီး (ဥပမာ - အသားကျပြိုင်ပွဲတွင် ပြိုင်ပွဲဝင်ရန် စာရင်းသွင်းသော အတွဲ (၄)တွဲသာရှိပြီး (၄)တွဲစလုံးသည် ပဲခူးတိုင်းဒေသကြီးမှ ဖြစ်ပါက ပြိုင်ပွဲမဖြစ်ကြောင်း၊ အလားတူ မတူသောအသင်းများမှ ပြိုင်ပွဲဝင် အတွဲ (၃)တွဲသာ ရှိလျင်လည်း ပြိုင်ပွဲ မဖြစ်ကြောင်းသိရသည်။
Yangon Times/NN
#Local_News
#Published_ 12 January 2024
#YMG #Yangon_Times #Yangon_Media_Group #YMG_News
၁၂ ဇန်နဝါရီ ၂၀၂၄
-မြောက်ပိုင်းသုံးဖွဲ့နှင့် ယာယီပစ်ခတ်တိုက်ခိုက်မှုရပ်စဲရေးသဘောတူညီမှုရရှိခဲ့ကြောင်း
_ပစ်ခတ်တိုက်ခိုက်မှုရပ်စဲရေးခိုင်မာစေရေး မြောက်ပိုင်းသုံးဖွဲ့နှင့် ဆက်လက်ဆွေးနွေးမှုတွေလုပ်ဆောင်သွားမည်ဖြစ်ကြောင်း
-နယ်စပ်ကုန်သွယ်ရေးဂိတ်များပြန်လည်ဖွင့်လှစ်နိုင်ရေး တရုတ်-မြန်မာနှစ်နိုင်ငံဆက်လက်ဆောင်ရွက်သွားမည်ဖြစ်ကြောင်း
ဗိုလ်ချုပ်ဇော်မင်းထွန်းပြောကြားချက်များကို ဖော်ပြပေးအပ်ပါတယ်။
ငွေကြေးလိမ်လည်မှုနဲ့ တရားရင်ဆိုင်နေရတဲ့ သရုပ်ဆောင်အကယ်ဒမီမိုမိုမြင့်အောင်တို့ ဇနီးမောင်နှံက ပြီးခဲ့တဲ့ ဇန်နဝါရီလ ၉ ရက်နေ့ ရုံးချိန်းကို မလာဘဲ ဆေးခွင့်တိုင်တယ်လို့ သိရပါတယ်။ မနေ့က ဇန်နဝါရီလ ၁၁ ရက်နေ့မှာ တရားလို ဖြစ်တဲ့ ငွေကျပ်သိန်း ၅၀၀၀ ထုတ်ချေးပေးခဲ့သူ ဦးစိုးလှိုင်ကို သရုပ်ဆောင်အကယ်ဒမီမိုမိုမြင့်အောင်ရဲ့ ခင်ပွန်း ဦးမောင်မောင်ကျော်က ဖုန်းဆက်လာပြီးတော့ ဇန်နဝါရီလ ၂၄ ရက်နေ့မှာ ငွေပေးချေမယ့်အကြောင်း ဖုန်းနဲ့ ပြောလာသေးတယ်လို့ တရားလို ဦးစိုးလှိုင်က အခုလို ပြောပါတယ်။
Yangon Times/PP
#Local_News
#Published_ 12 January 2024
#YMG #Yangon_Times #Yangon_Media_Group #YMG_News
Page 460 of 1811
