ငါးနှစ်ခန့် ရပ်နားထားခဲ့တဲ့ Scania Marcopolo Torino Low Entry City Bus တွေကို YBS ဆူးလေ–ဒလယာဉ်လိုင်းမှာ ဩဂုတ်(၁) ရက်မှစတင်ကာ ပြန်လည်ပြေးဆွဲ‌ပေးနေပြီဖြစ်တယ်လို့ သိရပါတယ်။

#Local_News
Published 04 August 2026
#Scania_Marcopolo_City_Bus
#YMG/SW #Yangon_Times

#Local_News
ဒါကာ၊ ဩဂုတ် ၄

■ ဘင်္ဂလားဒေ့ရှ်နိုင်ငံသည် ပြည်တွင်းသဘာဝဓာတ်ငွေ့ ရရှိမှု ကျဆင်းလာနေသည့် အခြေအနေကြောင့် မြန်မာနိုင်ငံနှင့် စွမ်းအင်ကဏ္ဍ ပူးပေါင်းဆောင်ရွက်မှုကို မြှင့်တင်ရန် ကြိုးပမ်းသည့်အနေဖြင့် မြန်မာနိုင်ငံမှ သဘာဝဓာတ်ငွေ့ကို ပိုက်လိုင်းဖြင့်တင်သွင်းနိုင်ရေး အဆိုပြုထားကြောင်း ဘင်္ဂလားဒေ့ရှ် လျှပ်စစ်၊ စွမ်းအင်နှင့် ဓာတ်သတ္တုအရင်းအမြစ်ဝန်ကြီးဌာန၏ သတင်းထုတ်ပြန်ချက်ကိုကိုးကား၍ ဘင်္ဂလားဒေ့ရှ်မီဒီယာများတွင်ဖော်ပြထားသည်။

■ အဆိုပါအဆိုပြုချက်ကို ဘင်္ဂလားဒေ့ရှ် လျှပ်စစ်၊ စွမ်းအင်နှင့် ဓာတ်သတ္တုအရင်းအမြစ်ဝန်ကြီး အစ်က်ဘယ်လ် ဟာဆန် မာမွတ်က ဘင်္ဂလားဒေ့ရှ်နိုင်ငံဆိုင်ရာ မြန်မာသံအမတ်ကြီး ဦးကျော်စိုးမိုးနှင့်ယနေ့ပြုလုပ်သည့်တွေ့ဆုံဆွေးနွေးပွဲတွင်တင်ပြခဲ့ခြင်းဖြစ်သည်။

■ ဝန်ကြီးဌာန၏ သတင်းထုတ်ပြန်ချက်အရ ဘင်္ဂလားဒေ့ရှ်သည် မြန်မာနိုင်ငံမှ စစ်တကောင်းမြို့သို့ သဘာဝဓာတ်ငွေ့ပိုက်လိုင်း ဖောက်လုပ်ရေးနှင့်ပတ်သက်၍ ယခင်ကအဆိုပြုထားသည့် အစီအစဉ်ကိုလည်း ပြန်လည်အသက်သွင်းရန် စိတ်ဝင်စားနေသည်။

■ တွေ့ဆုံစဉ် ဝန်ကြီး မာမွတ်က ဘင်္ဂလားဒေ့ရှ်နိုင်ငံတွင် သဘာဝဓာတ်ငွေ့ လိုအပ်ချက် မြင့်မားနေပြီး မြန်မာနိုင်ငံမှပိုက်လိုင်းဖြင့် သဘာဝဓာတ်ငွေ့တင်သွင်းနိုင်ရေးကို အထူးစိတ်ဝင်စားကြောင်းပြောကြားခဲ့သည်။

■ ယင်းအဆိုပြုချက်အပေါ် မြန်မာသံအမတ်ကြီး ဦးကျော်စိုးမိုးက အပြုသဘောတုံ့ပြန်ခဲ့ပြီး သဘာဝ ဓာတ်ငွေ့ရည် (LNG) ပုံစံဖြင့် ဘင်္ဂလားဒေ့ရှ်သို့ တင်ပို့နိုင်ရေးဖြစ်နိုင်ခြေကိုလည်း နှစ်နိုင်ငံ ဆွေးနွေးနိုင်ကြောင်း ပြောကြားခဲ့သည်။

■ နှစ်ဖက်သည် စွမ်းအင်ပူးပေါင်းဆောင်ရွက်မှု တိုးမြှင့်ရေးအတွက် သက်ဆိုင်ရာ ဝန်ကြီးများအကြား တွေ့ဆုံဆွေးနွေးပွဲ ကျင်းပနိုင်ရေးကိုလည်း ဆွေးနွေးခဲ့ကြသည်။

■ ဘင်္ဂလားဒေ့ရှ် စွမ်းအင်ဝန်ကြီးက မြန်မာနိုင်ငံစွမ်းအင်ဝန်ကြီးအား ဘင်္ဂလားဒေ့ရှ်နိုင်ငံသို့ တရားဝင် ဖိတ်ကြားသွားမည်ဖြစ်ပြီးလိုအပ်ပါက မိမိကိုယ်တိုင်မြန်မာနိုင်ငံသို့ သွားရောက်ရန်လည်း အသင့်ရှိကြောင်းပြောကြားခဲ့သည်။

■ ဘင်္ဂလားဒေ့ရှ်၏ ပြည်တွင်းသဘာဝဓာတ်ငွေ့ ထုတ်လုပ်မှုမှာ ဆက်လက်ကျဆင်းနေပြီး လျှပ်စစ် ဓာတ်အားပေးစက်ရုံများ၊ စက်မှုလုပ်ငန်းများနှင့် အခြားကဏ္ဍများ၏ လိုအပ်ချက်ကို ဖြည့်ဆည်းနိုင်ရန် ပြည်ပမှတင်သွင်းရသည့် သဘာဝဓာတ်ငွေ့ရည် (LNG) အပေါ် ပိုမိုမှီခိုနေရကြောင်း သိရသည်။

■ ဝန်ကြီး မာမွတ်က ဘင်္ဂလားဒေ့ရှ်ဝန်ကြီးချုပ် တာရစ် ရာမန်၏ မကြာသေးမီက တရုတ်နိုင်ငံခရီးစဉ်အတွင်း ဆွေးနွေးခဲ့သည့် တရုတ်–မြန်မာ–ဘင်္ဂလားဒေ့ရှ် စီးပွားရေးစင်္ကြံ အဆိုပြုချက်ကို ရည်ညွှန်း၍ ဘင်္ဂလားဒေ့ရှ်နှင့် မြန်မာနိုင်ငံကို ချိတ်ဆက်မည့် သဘာဝဓာတ်ငွေ့ပိုက်လိုင်းသည် ဒေသတွင်း ချိတ်ဆက်ဆောင်ရွက်မှုကို အထောက်အကူပြုနိုင်ကြောင်းလည်းပြောကြားခဲ့သည်။

■ ထို့ပြင် နှစ်နိုင်ငံသည် ရေရှည်ကုန်သွယ်ရေးနှင့် စွမ်းအင်ပူးပေါင်းဆောင်ရွက်မှု တိုးချဲ့ရေး၊ အပြန်အလှန် အကျိုးစီးပွားဆိုင်ရာ နယ်ပယ်များတွင် ပူးပေါင်းဆောင်ရွက်ရေးတို့ကို ဆက်လက်ဆွေးနွေးခဲ့ကြောင်း ဘင်္ဂလားဒေ့ရှ် လျှပ်စစ်၊ စွမ်းအင်နှင့် ဓာတ်သတ္တုအရင်းအမြစ်ဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

၃ ဩဂုတ်၊၂၀၂၆

အပြည်ပြည်ဆိုင်ရာကြက်ခြေနီကော်မတီ(ICRC)၏ ကိုယ်စားလှယ်တစ်ဦးသည် ယနေ့ ဩဂုတ်လ ၃ရက်နေ့တွင် ဒေါ်အောင်ဆန်းစုကြည်ကို သွားရောက်တွေ့ဆုံခဲ့ကြောင်း ICRC ကသတင်းထုတ်ပြန်သည်။

ယခုတွေ့ဆုံမှုကို လွတ်လပ်ခွင့် ဆုံးရှုံးနေသူများထံ သွားရောက်တွေ့ဆုံခြင်းဆိုင်ရာ ICRC ၏ စံနှုန်းများ၊ လုပ်ထုံးလုပ်နည်းများနှင့်အညီ ဆောင်ရွက်ခဲ့ခြင်း ဖြစ်ပြီး ယင်းသို့ တွေ့ဆုံရာတွင် ဒေါ်အောင်ဆန်းစုကြည် နှင့် သီးသန့် စကားပြောဆိုခွင့်လည်း ပါဝင်ခဲ့ကြောင်း အဆိုပါသတင်းထုတ်ပြန်ချက်တွင်ဖော်ပြထားသည်။

ICRC ၏ လုပ်ငန်းဆောင်ရွက်မှု နည်းလမ်းများနှင့်အညီ ထိန်းသိမ်းခံရသူများထံ သွားရောက်  တွေ့ဆုံခြင်းသည် လွတ်လပ်ခွင့် ဆုံးရှုံးနေသူများအား ၎င်းတို့၏ မိသားစုများနှင့် သတင်းအချက်အလက် ဖလှယ်နိုင်သည့် အခွင့်အလမ်းကို ရရှိစေမည်ဖြစ်ကြောင်းလည်း ICRC ကပြောသည်။

ICRC ၏ ထိန်းသိမ်းရေးဆိုင်ရာ လုပ်ငန်းများတွင် အစဉ်အလာရှိသည့်အတိုင်း ယခုတွေ့ဆုံမှုနှင့် ပတ်သက်  သည့် တွေ့ရှိချက်များနှင့် အကြံပြုချက်များကို ထိန်းသိမ်းထားသည့် အာဏာပိုင်များနှင့်သာ သီးသန့် လျှို့ဝှက်စွာ မျှဝေသွားမည် ဖြစ်ကြောင်းလည်း အဆိုပါသတင်းထုတ်ပြန်ချက်အရသိရသည်။

ICRC အနေဖြင့် မြန်မာနိုင်ငံရှိ ထိန်းသိမ်းရေးနေရာများသို့ ဝင်ရောက်တွေ့ဆုံခွင့် ဆက်လက်ရရှိရန်နှင့် ပိုမိုတိုးချဲ့ရရှိရန်အတွက် သက်ဆိုင်သူများအားလုံးနှင့် ဆက်လက် ဆွေးနွေးဆောင်ရွက်လျက်ရှိသည်ဟု လည်း သတင်းထုတ်ပြန်ချက်တွင်ရေးသားဖော်ပြထားသည်။

ဒေါ်အောင်ဆန်းစုကြည်ကို အပြည်ပြည်ဆိုင်ရာ ကြက်ခြေနီကော်မတီ (ICRC) မှ မြန်မာ နိုင်ငံဆိုင်ရာ ဌာ‌နေကိုယ်စားလှယ်ဖြစ်သူတွေ့ဆုံ 
နေပြည်တော် ဩဂုတ် ၃
ဒေါ်အောင်ဆန်းစုကြည်ကို အပြည်ပြည်ဆိုင်ရာ ကြက်ခြေနီကော်မတီ (ICRC) မှ မြန်မာ နိုင်ငံဆိုင်ရာ ဌာ‌နေကိုယ်စားလှယ်ဖြစ်သူ Mr. Arnaude de Baqque က ယနေ့ နံနက်ပိုင်းတွင် လာရောက် တွေ့ဆုံခဲ့ကြောင်း အစိုးရက ယနေ့ဩဂုတ် ၃ရက်နေ့က သတင်းထုတ်ပြန်သည်။

မန္တလေးတိုင်းဒေသကြီး၊ ညောင်ဦးခရိုင်၊ ပုဂံမြို့ဟောင်း၊ မြင်းကပါကျေးရွာ ရှိ မြစေတီဘုရားမှ ရာဇကုမာရ်ကျောက်စာရုံအတွင်းသို့ အလှူငွေများလှူဒါန်းမှုမပြုကြရန်နဲ့ သတ်မှတ်နေရာများ၌သာလှုဒါန်းကြရမယ်လို့ ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ပုဂံဌာနခွဲက
သိရပါတယ်။

#Local_News
Published 02 August 2026
#ရာဇကုမာရ်ကျောက်စာရုံ
#YMG/NN #Yangon_Times

#Local_News
Published 01 August 2026

■ သီလဝါအထူးစီးပွားရေးဇုန်အတွင်း ပြန်လည်ပြည့်ဖြိုးမြဲစွမ်းအင်အသုံးပြုမှု မြှင့်တင် ရန် ရည်ရွယ်သည့် ၃.၃၇ မဂ္ဂါဝပ် နေရောင်ခြည်စွမ်းအင်သုံး လျှပ်စစ်ဓာတ်အားပေး ထုတ်လုပ်ရေး ရှေ့ပြေးစီမံကိန်းကို ဇူလိုင် ၃၁ ရက်တွင် ဖွင့်လှစ်ခဲ့ကြောင်း သိရသည်။

■ Thilawa Property Development Limited (TPD) က အကောင်အထည်ဖော် ဆောင်ရွက်ခဲ့သည့် အဆိုပါ Solar Power Project ဖွင့်ပွဲအခမ်းအနားကို သန်လျင်မြို့နယ်၊ သီလဝါဥယျာဉ်မြို့တော်ရှိ Residential & Commercial ဧရိယာတွင် ကျင်းပခဲ့ပြီး ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးအောင်နိုင်သူနှင့် တာဝန်ရှိသူများ တက်ရောက်ခဲ့ကြသည်။

■ ယင်းစီမံကိန်းသည် နေရောင်ခြည်စွမ်းအင်ကို အသုံးချ၍ လျှပ်စစ်ဓာတ်အား ထုတ်လုပ်နိုင်ရေးအတွက် စမ်းသပ်အကောင်အထည်ဖော်သည့် စီမံကိန်းတစ်ခုဖြစ်ပြီး စက်မှုနှင့် စီးပွားရေးလုပ်ငန်းများ ဖွံ့ဖြိုးတိုးတက်နေသည့် သီလဝါဒေသအတွက် သန့်ရှင်းသောစွမ်းအင်အသုံးပြုမှု တိုးမြှင့်ရေးတွင် အထောက်အကူပြုမည်ဖြစ်သည်။

■ ဖွင့်ပွဲအခမ်းအနားတွင် သီလဝါအထူးစီးပွားရေးဇုန် စီမံခန့်ခွဲမှုကော်မတီဥက္ကဋ္ဌ ဦးစိုးလင်းဟန်က အဖွင့်အမှာစကားပြောကြားခဲ့ပြီး Thilawa Property Development Limited ဥက္ကဋ္ဌ ဦးဝင်းအောင်က စီမံကိန်း အကောင်အထည်ဖော် ဆောင်ရွက်ခဲ့မှုများနှင့် ရှေ့ဆက်ဆောင်ရွက်မည့် လုပ်ငန်းစဉ်များကို ရှင်းလင်းတင်ပြခဲ့သည်။ထို့နောက် ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးအောင်နိုင်သူက လမ်းညွှန်အမှာစကားပြောကြားခဲ့ပြီး တာဝန်ရှိသူများနှင့်အတူ စီမံကိန်းအား ဖဲကြိုးဖြတ်ဖွင့်လှစ်ပေးခဲ့သည်။

■ အဆိုပါဖွင့်ပွဲအပြီးတွင် ဝန်ကြီးချုပ်နှင့် တာဝန်ရှိသူများသည် စီမံကိန်းဧရိယာအတွင်း လှည့်လည်ကြည့်ရှုကာ နေရောင်ခြည်စွမ်းအင်သုံး လျှပ်စစ်ဓာတ်အား ထုတ်လုပ်ရေးလုပ်ငန်းများ ဆောင်ရွက်ထားရှိမှုများကို ကြည့်ရှုစစ်ဆေးခဲ့ကြသည်။စွမ်းအင်လိုအပ်ချက်များ မြင့်တက်လာနေချိန်တွင် ပြန်လည်ပြည့်ဖြိုးမြဲစွမ်းအင် အရင်းအမြစ်များ အသုံးချနိုင်ရေးသည် အရေးပါလာပြီး သီလဝါ ၃.၃၇ မဂ္ဂါဝပ် စီမံကိန်းသည် ရေရှည်တည်တံ့သည့် စွမ်းအင်ဖွံ့ဖြိုးရေးအတွက် ရှေ့ပြေးလုပ်ငန်းတစ်ရပ်အဖြစ် ဆောင်ရွက်ခြင်းဖြစ်ကြောင်းသိရသည်။

#YMG/SW #Yangon_Times