#Local_News
Published 07 August 2026

■ ငဝန်တာတမံ အောက်ခံ သဲကြောထူးပေါက်မှုနှင့် ရေကျော်ဝင်ရောက်မှုကို အချိန်မီ တားဆီးနိုင်ရေးအတွက် အရေးပေါ် တာပြန်စီးခြင်း၊ တာမြှင့်ခြင်းနှင့် ရေကာနံရံ တည်ဆောက်ခြင်းလုပ်ငန်းများကို ၂၄ နာရီပတ်လုံး နေ့ဆိုင်း၊ ညဆိုင်း အလှည့်ကျစနစ် ဖြင့် ရေနှင့်အပြိုင်အချိန်လုကာ အရှိန်အဟုန်မပျက် ကြိုးပမ်းဆောင်ရွက်လျက်ရှိကြောင်း သိရသည်။

■ ထို့အပြင် ညပိုင်းလုပ်ငန်းခွင်အတွင်း လုပ်ငန်းများ ကြန့်ကြာမှုမရှိစေရန် မီးဆိုင်းများ၊ လျှပ်စစ်မီးများ အပြည့်အဝတပ်ဆင်၍ မီးထွန်းကာ ဆည်မြောင်း၊ မြစ်ချောင်းဖြိုး၊ တပ်မတော်သားများနှင့် မီးသတ်တပ်ဖွဲ့ဝင်များ စုပေါင်း၍ ရိုက်စိုက်ထားသော ဝါး/သစ်လုံးတိုင်များ အကွက်အတွင်း သဲအပြည့်ဖြည့်ထားသည့် Geo Bag များ၊ သဲအိတ်များကို ရေအောက်အထိ စနစ်တကျ သယ်ယူဖိသိပ် ချပေးခြင်း၊ တာနိမ့်ကျသွားသည့် နေရာများနှင့် ရေဝင်ပေါက်များကို သဲအိတ်များဖြင့် အထပ်ထပ် စီရီ၍ ရေကာတားနံရံများတည်ဆောက်ခြင်း၊ ညဉ့်နက်ပိုင်းအထိ အနီးကပ် ကြီးကြပ်သူများ၊ စက်ယန္တရားများ၊ ရေယာဉ်များနှင့်အတူ လုပ်သားအင်အား အပြည့်အဝဖြင့် မနားတမ်း လုပ်ဆောင်နေကြခြင်းဖြစ်ကြောင်းသိရသည်။

■ ဒေသခံပြည်သူများ၏ အိုးအိမ်၊ စိုက်ပျိုးမြေများ ရေဘေးမှ အမြန်ဆုံးကင်းဝေးစေရေးနှင့် တာတမံ ပြန်လည်စိတ်ချခိုင်ခံ့မှုရှိစေရေးအတွက် အဆိုပါ ၂၄ နာရီ နေ့စိုင်း/ညစိုင်း တာပြန်စီးခြင်း လုပ်ငန်းများကို ရေစီးကြောင်း အခြေအနေပေါ်မူတည်၍ အရှိန်အဟုန်မပျက် ဆက်လက် ဆောင်ရွက်သွားမည်ဖြစ်ကြောင်းသိရသည်။

#YMG/NN #Yangon_Times

#Local_News
Published 07 August 2026

ထိုင်းနိုင်ငံဝန်ကြီးချုပ် မစ္စတာ အနုထင်ချာဝီရကွန်၏ ဖိတ်ကြားချက်အရ ထိုင်းနိုင်ငံသို့ တရားဝင်ခရီးစဉ်ရောက်ရှိနေသည့် နိုင်ငံတော်သမ္မတသည် ယနေ့ ဩဂုတ် ၇ ရက်တွင် ထိုင်းအမျိုးသား လွှတ်တော်ယာယီဥက္ကဋ္ဌ မစ္စတာ မုံခွန်း ဆူရာဆာဂျာနှင့် ထိုင်းအမျိုးသားလွှတ်တော်၌ တွေ့ဆုံဆွေးနွေးစဉ်။

#Local_News
Published 07 August 2026

ထိုင်းနိုင်ငံဝန်ကြီးချုပ် မစ္စတာ အနုထင် ချာဝီရကွန်၏ ဖိတ်ကြားချက်အရ ထိုင်းနိုင်ငံသို့ တရားဝင်ခရီးစဉ် ရောက်ရှိနေသည့် နိုင်ငံတော်သမ္မတဦးမင်းအောင်လှိုင်သည် ယနေ့ဩဂုတ် ၇ ရက် နံနက်ပိုင်းတွင် ထိုင်းဘုရင့်နန်းတော်ဝန်းအတွင်းရှိ မြဘုရား(Temple of Emerald Buddha)သို့ သွားရောက်ဖူးမြော်ကြည်ညိုခဲ့စဉ်။

ယခုအခါ ဒရုန်းများသည် ရန်စီမြစ်အတိုင်း မောင်းနှင်သွားလာနေတဲ့ သင်္ဘောများပေါ်သို အစားအသောက်နဲ့ လူသုံးကုန်ပစ္စည်းများကို စက္ကန့်ပိုင်းအတွင်း တိုက်ရိုက် ပိုဆောင်ပေးနေပြီဖြစ်ပါတယ်။

#Asia_Technology
Published 06 August 2026
#တရုတ်ဒရုန်း
#YMG #Yangon_Times #Yangon_Media_Group

၆ ဩဂုတ်၊၂၀၂၆(ဘန်ကောက်)

ခရီးစဉ်အကျဉ်း — နိုင်ငံတော်သမ္မတ ဦးမင်းအောင်လှိုင်သည် ထိုင်းဝန်ကြီးချုပ် မစ္စတာ အနုထင် ချာဝီရကွန်၏ ဖိတ်ကြားချက်အရ ၂၀၂၆ ခုနှစ် ဩဂုတ် ၆ ရက်မှ ၇ ရက်အထိ ထိုင်းနိုင်ငံသို့ တရားဝင်ခရီးစဉ် သွားရောက်ခဲ့ပြီး နှစ်နိုင်ငံ ပူးပေါင်းဆောင်ရွက်ရေးကို ကဏ္ဍစုံ၌ မြှင့်တင်ရန် သဘောတူခဲ့သည်။

၁။ နိုင်ငံရေးနှင့် လုံခြုံရေး

• ပူးတွဲကော်မရှင် (JC) အစည်းအဝေးကို ဆောလျင်စွာကျင်းပရန်၊ အဆင့်မြင့်ခရီးစဉ်များနှင့် နိုင်ငံရေးရာညှိနှိုင်းဆွေးနွေးပွဲများ တိုးမြှင့်ရန် သဘောတူခဲ့သည်။
• နယ်စပ်တည်ငြိမ်ရေး၊ ကာကွယ်ရေးနှင့် လုံခြုံရေးယန္တရားများကို ဆက်လက်ခိုင်မာစေပြီး မဟာဗျူဟာအဆင့် Security Dialogue ကျင်းပရန် ကြိုဆိုခဲ့သည်။
• အွန်လိုင်းလိမ်လည်မှု၊ မူးယစ်ဆေးဝါးနှင့် ငွေကြေးခဝါချမှုအပါအဝင် နိုင်ငံဖြတ်ကျော်မှုခင်းများကို ပူးတွဲတိုက်ဖျက်ရန် သဘောတူခဲ့သည်။
• မြန်မာနိုင်ငံ၏ Egmont Group အဖွဲ့ဝင်ဖြစ်ရေးကို ထိုင်းဘက်က ဆက်လက်ထောက်ခံမည်ဖြစ်ပြီး နှစ်နိုင်ငံလွှတ်တော်များ ပူးပေါင်းမှုမြှင့်တင်ရန် တိုက်တွန်းခဲ့သည်။

၂။ စီးပွားရေး၊ ကုန်သွယ်ရေးနှင့် ချိတ်ဆက်မှု

• နှစ်နိုင်ငံကုန်သွယ်မှုကို အမေရိကန်ဒေါ်လာ ၁၂ ဘီလီယံအထိ ရရှိစေရန် ရည်မှန်းပြီး ကုန်သွယ်ရေးအတားအဆီးများ ဖြေလျှော့ရန် ပူးပေါင်းမည်။
• အမှတ် (၂) မြန်မာ-ထိုင်း ချစ်ကြည်ရေးတံတား (မြဝတီ-မဲဆောက်) ပြန်ဖွင့်မှုကို ကြိုဆိုပြီး အခြေအနေသင့်ပါက ကျန်နယ်စပ်ဂိတ် များ ပြန်ဖွင့်ရေး စဉ်းစားမည်။
• ကုန်းလမ်း၊ ပင်လယ်ရေကြောင်း၊ ဆိပ်ကမ်းနှင့် နယ်စပ်ဖြတ်ကျော်လမ်းကြောင်းများပါဝင်သည့် Multi-modal Connectivity အတွက် ပူးတွဲလုပ်ငန်းအဖွဲ့ဖွဲ့စည်းရေး အရေးကြီးကြောင်း ဖော်ပြခဲ့သည်။
• ရနောင်း-မြန်မာဆိပ်ကမ်း ရေကြောင်းဆက်သွယ်မှု၊ ဖူနမ်ရွမ်-ထီးခီး-ထားဝယ်စင်္ကြန်နှင့် အိန္ဒိယ-မြန်မာ-ထိုင်း အဝေးပြေးလမ်းမကြီး အဆင့်မြှင့်ရေး ဆွေးနွေးမည်။
• စွမ်းအင်ဖူလုံရေး၊ သဘာဝဓာတ်ငွေ့ရှာဖွေတူးဖော်ရေးနှင့် လက်ရှိ၊ အနာဂတ် စွမ်းအင်စီမံကိန်းများ လွယ်ကူချောမွေ့ရေး ပူးပေါင်း မည်။
• အလုပ်သမားရေးရာ MOU အသစ်နှင့် အလုပ်သမားခန့်ထားရေး သဘောတူညီချက် လက်မှတ်ရေးထိုးမှုကို ကြိုဆိုခဲ့ပြီး ပုဂ္ဂလိက ကဏ္ဍပူးပေါင်းမှု မြှင့်တင်မည်။

၃။ သဘာဝပတ်ဝန်းကျင်

• နယ်စပ်ဖြတ်ကျော် မီးခိုးမြူ၊ လေဟာပြင်မီးရှို့မှုနှင့် ရေညစ်ညမ်းမှုတို့ကို ပူးပေါင်းဖြေရှင်းမည်။
• CLEAR Sky Strategy အပါအဝင် တောမီးစောင့်ကြည့်ရေး၊ သတင်းအချက်အလက်မျှဝေရေးနှင့် စွမ်းဆောင်ရည်မြှင့်တင်ရေး ဆက်လက်ဆောင်ရွက်မည်။
• နယ်နိမိတ်နှင့် နယ်စပ်ဖြတ်ကျော်မြစ်များ ရေအရည်အသွေးစီမံခန့်ခွဲမှု ပူးတွဲလုပ်ငန်းအဖွဲ့ TOR လက်မှတ်ရေးထိုးမှုကို ကြိုဆိုခဲ့ သည်။

၄။ လူမှု၊ ခရီးသွားနှင့် နည်းပညာ

• ပြည်သူအချင်းချင်း ဆက်ဆံရေး၊ ခရီးသွားလုပ်ငန်း၊ ခရီးသွားလုံခြုံရေးနှင့် ရေရှည်တည်တံ့သော ခရီးသွားဖွံ့ဖြိုးရေးကို မြှင့်တင် မည်။
• မြန်မာ-ထိုင်း သုံးနှစ်တာ ဖွံ့ဖြိုးတိုးတက်မှုအစီအစဉ် (၂၀၂၆-၂၀၂၈) အောက်တွင် ကျန်းမာရေး၊ ပညာရေး၊ MSMEs၊ စိုက်ပျိုးရေးနှင့် ပတ်ဝန်းကျင်ကဏ္ဍများ ပူးပေါင်းမည်။
• ၂၀၂၆ ခုနှစ် စတုတ္ထသုံးလပတ်တွင် ထိုင်းလေကြောင်းလိုင်း၏ ဗန်ကောက်-ရန်ကုန် ခရီးစဉ် တိုးချဲ့ပြေးဆွဲရန် အစီအစဉ်ကို ကြိုဆိုခဲ့ သည်။
• မြန်မာအာကာသအေဂျင်စီ (MSA) နှင့် ထိုင်း GISTDA တို့အကြား ကမ္ဘာမြေလေ့လာရေးနှင့် အာကာသနည်းပညာ ပူးပေါင်းမှု MOU လက်မှတ်ရေးထိုးခဲ့သည်။

၅။ ဒေသတွင်း ပူးပေါင်းဆောင်ရွက်မှုနှင့် အခြားကိစ္စရပ်များ

• အာဆီယံ၊ BIMSTEC၊ ACMECS နှင့် မဲခေါင်ဒေသယန္တရားများမှတစ်ဆင့် ပူးပေါင်းဆောင်ရွက်မှုနှင့် အပြန်အလှန်ပံ့ပိုးမှု တိုးမြှင့်မည်။
• မြန်မာနိုင်ငံ၏ ACMECS ဥက္ကဋ္ဌတာဝန်နှင့် (၁၁) ကြိမ်မြောက် ACMECS ထိပ်သီးအစည်းအဝေး ကျင်းပရေးကို ထိုင်းနိုင်ငံက ထောက်ခံခဲ့သည်။
• အာဆီယံယန္တရားများတွင် မြန်မာနိုင်ငံ အပြည့်အဝတန်းတူညီမျှ ပါဝင်နိုင်ရေး ထိုင်းနိုင်ငံက ဆက်လက်ကူညီမည်ဟု အတည်ပြုခဲ့ သည်။
• မြန်မာဦးဆောင်သော မြန်မာ့ကိုယ်ပိုင်နည်းလမ်းဖြင့် ရေရှည်တည်တံ့သည့် ငြိမ်းချမ်းရေးရရှိရေး ကြိုးပမ်းမှုကို ထိုင်းနိုင်ငံက ကြိုဆိုခဲ့သည်။

(ကိုးကား- အစိုးရ၏ တရားဝင်သတင်းထုတ်ပြန်ချက် “ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ၏ ထိုင်းနိုင်ငံသို့ သွားရောက်သည့်တရားဝင်ခရီးစဉ်အတွင်း ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတနှင့်ထိုင်းနိုင်ငံဝန်ကြီးချုပ်တို့၏ ပူးတွဲကြေညာချက်”)

#Local_News
Published 06 August 2026
#ငဝန်တာ #Geo_Bag
#YMG/NN #Yangon_Times