#Local_News
Published 06 August 2026
■ ဘာသာရေးခေါင်းဆောင်များအနေဖြင့် နိုင်ငံတော်ငြိမ်းချမ်းရေးအတွက် ပြည်သူများ၏အတွေးအခေါ်များ နှင့် စိတ်ဓာတ်များယဉ်ကျေးသိမ်မွေ့လာစေရေး ငြိမ်းချမ်းမှုနှင့် သာယာဝပြောမှုများကို ဆောင်ကြဉ်းပေးနိုင်ရေး ဘာသာတရားမှတဆင့် ဆောင်ရွက်ပေးရန် နိုင်ငံတော်သမ္မတဦးမင်းအောင်လှိုင်က မေတ္တာရပ်ခံပြောကြားခဲ့သည်။
■ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်သည် မြန်မာနိုင်ငံ ကက်သလစ်ဆရာတော်ကြီးများအဖွဲ၏ ဥက္ကဋ္ဌ ကာဒီနယ်ချားလ်စ်ဘို ဦးဆောင်သော ကိုယ်စားလှယ် အဖွဲ့အား ဩဂုတ် ၅ ရက် နံနက်ပိုင်းတွင် နိုင်ငံတော်သမ္မတရုံး၌ လက်ခံတွေ့ဆုံစဉ် အထက်ပါအတိုင်းပြောကြားခဲ့ခြင်းဖြစ်ကြောင်း အစိုးရသတင်းထုတ်ပြန်ချက်အရ သိရသည်။
■ တွေ့ဆုံစဉ် မြန်မာနိုင်ငံကက်သလစ်ဆရာတော်ကြီးများအဖွဲ၏ ဥက္ကဋ္ဌ ကာဒီနယ် ချားလ်စ်ဘိုက နိုင်ငံတော်သမ္မတနှင့် တွေ့ဆုံခွင့်ရရှိသည့်အတွက် ဝမ်းမြောက်ဂုဏ်ယူကြောင်း၊ နိုင်ငံတော်တာဝန်များကို စိန်ခေါ်မှုများကြားမှ ကြိုးပမ်းထမ်းဆောင်နေမှုအပေါ် အသိအမှတ်ပြုကြောင်း ပြောကြားခဲ့ပါသည်။
■ ထို့ပြင် မြန်မာနိုင်ငံကက်သလစ်ဆရာတော်ကြီးများအဖွဲ့ချုပ်ကို ဖွဲ့စည်းဆောင်ရွက်ထားရှိပြီး ကက်သလစ်ဘာသာဝင်များအနေဖြင့် လွတ်လပ်စွာကိုးကွယ်မှုဖြင့် ဘာသာသာသနာ အကျိုးများကို ဆောင်ရွက်လျက်ရှိပါကြောင်း၊ နေပြည်တော်ကောင်စီနယ်မြေ၊ ဒက္ခိဏသီရိမြို့နယ်ရှိ မြေ ၂ ဧကပေါ်၌ ကက်သလစ်ဘုရားကျောင်း တည်ဆောက်နိုင်ရန် မြေနေရာခွင့်ပြုပေးခဲ့မှုအတွက် ကျေးဇူးတင်ရှိကြောင်း နှင့် နိုင်ငံတော်သမ္မတအပါအဝင် မြန်မာပြည်သူပြည်သားအားလုံး ငြိမ်းချမ်းသာယာကြပါစေကြောင်း ဆုမွန်ကောင်းတောင်းခဲ့ပါသည်။
■ နိုင်ငံတော်သမ္မတက မိမိတို့နိုင်ငံ၌ ဘာသာတရားနှင့်ပတ်သက်ပြီး ယုံကြည်ရာဘာသာ သာသနာများအ လိုက် လွတ်လပ်စွာ ကိုးကွယ်ခွင့်ပေးထားပါကြောင်း၊ နိုင်ငံ့သမိုင်းကြောင်းတွင်လေ့လာကြည့်မည်ဆိုပါက လည်း ကိုးကွယ်ရာဘာသာများအလိုက် သာသနာပြုနိုင်ရန်အတွက် မြေနေရာများခွင့်ပြုပေးခဲ့သည်ကို တွေ့မြင် သိရှိရပါကြောင်း၊ သို့ဖြစ်ရာ နိုင်ငံတော်၏မြို့တော်နေပြည်တော်တွင်လည်း ကိုးကွယ်ရာဘာသာ အလိုက် အထွတ်အမြတ်ထားရာ ဘုရားကျောင်းများ တည်ဆောက်ရန်နှင့် ဝတ်ပြုရန်နေရာများအား ခန့် ခန့်ထည်ထည် ဖြစ်ပေါ်လာစေရေး မြေနေရာများကို ခွင့်ပြုပေးခဲ့ခြင်းဖြစ်ပါကြောင်း၊ မိမိအနေဖြင့်ဘာသာတရားမှတစ်ဆင့် ငြိမ်းချမ်းမှုနှင့် သာယာဝပြောမှုများကို ဆောင်ကြဉ်းပေးနိုင်ရေး အားပေးလျက်ရှိပါကြောင်း ပြောကြားခဲ့သသည်။
■ နိုင်ငံတော်သမ္မတက ဆက်လက်ပြီး နိုင်ငံတော်အနေဖြင့် ပါတီစုံဒီမိုကရေစီလမ်းကြောင်းပေါ်တွင် ဆက်လက်လျှောက်လှမ်းလျက်ရှိပြီး ငြိမ်းချမ်းရေးနှင့်ပတ်သက်၍ မိမိအနေဖြင့် ဖိတ်ခေါ်ဆောင်ရွက်လျက် ရှိပြီး ဖြစ်နိုင်သမျှသော နည်းလမ်းမျိုးစုံဖြင့် တိုင်းပြည်ငြိမ်းချမ်းမှုရရှိအောင်ဆောင်ရွက်သွားမည်ဖြစ် ပါကြောင်း၊ ငြိမ်းချမ်းရေးကို တွေ့ဆုံဆွေးနွေးသည့် နည်းလမ်းဖြင့်သာ အကောင်အထည်ဖော်နိုင်မည်ဟု ယုံကြည်ကြောင်း၊ နိုင်ငံရေးတောင်းဆိုမှုများကိုလည်း နိုင်ငံရေးနည်းလမ်းဖြင့်သာ ဖြေရှင်းသင့်ကြောင်း၊ ဘာသာရေးနှင့်ပတ်သက်၍ ကိုးကွယ်ရာဘာသာတိုင်းသည် မှန်ကန်သည့် အတွေးအခေါ်များပေးနိုင်ပါ ကြောင်း၊ ထို့ကြောင့် ဘာသာရေးဆိုင်ရာခေါင်းဆောင်နေရသူများအနေဖြင့်လည်း နိုင်ငံတော်ကြီးငြိမ်းချမ်း ရေးအတွက် ပြည်သူများ၏ အတွေးအခေါ်များနှင့်စိတ်ဓာတ်များ ယဉ်ကျေးသိမ်မွေ့လာစေရေး၊ ငြိမ်းချမ်းမှုနှင့် သာယာဝပြောမှုများကို ဆောင်ကြဉ်းပေးနိုင်ရေး ဘာသာတရားမှတဆင့် ဆောင်ရွက်ပေးနိုင်ပါရန် မေတ္တာရပ်ခံလိုပါကြောင်း ပြောကြားခဲ့သည်။
■ တွေ့ဆုံပွဲအပြီးတွင် နိုင်ငံတော်သမ္မတသည် ဆရာတော်ကြီးများ၏ လိုအပ်ချက်များကို မေးမြန်း၍ လိုအပ်သည်များကို ဖြည့်ဆည်းဆောင်ရွက်ပေးခဲ့ပြီး နှစ်ဖက်အပြန်အလှန် လက်ဆောင်ပစ္စည်းများ ပေးအပ်ကာ အမှတ်တရစုပေါင်းဓာတ်ပုံရိုက်ကူးခဲ့ကြပါသည်။
YMG/Yangon-Times
#Local_News
Published 05 August 2026
■ မြန်မာအသင်းနည်းပြ ဂျွန်းအန်ဒါဆန် (Jørn Andersen) က အင်္ဂါနေ့တွင် လာအိုအသင်းကို ၇-၂ ဂိုးဖြင့် အနိုင်ရရှိခဲ့ပြီးနောက်၊ ၎င်း၏အသင်းအနေဖြင့် အာဆီယံ ဟွန်ဒိုင်းဖလား (ASEAN Hyundai Cup™ 2026) ပြိုင်ပွဲ၏ နောက်ဆုံးအုပ်စု (B) ပွဲစဉ်တွင် ချန်ပီယံဟောင်း ထိုင်းအသင်းကို အံ့အားသင့်စရာရလဒ်တစ်ခု ဖန်တီးကာ ရှုံးထွက်အဆင့်သို့ တက်လှမ်းနိုင်ရန် မျှော်လင့်နေသည်။
■ ဝင်းနိုင်ထွန်းက ဟက်ထရစ် (၃ ဂိုး) သွင်းယူပေးခဲ့ပြီး မြန်မာအသင်းကို ဆီမီးဖိုင်နယ်တက်ရောက်ရန် မျှော်လင့်ချက် ဆက်လက်ရှင်သန်စေခဲ့သည့် ရန်ကုန်မြို့မှ အဆိုပါအနိုင်ရလဒ်ကြောင့် နည်းပြ အန်ဒါဆန်၏အသင်းသည် ၃ ပွဲကစားပြီး ၆ မှတ်ရရှိခဲ့ကာ လာမည့်စနေနေ့ ဘန်ကောက်မြို့တွင် ထိုင်းအသင်းနှင့် ကစားရမည့် အလွန်အရေးပါသော အဆုံးအဖြတ်ပွဲစဉ်အတွက် အသင့်ဖြစ်လာခဲ့သည်။
■ "အသင်းက တစ်ပွဲထက်တစ်ပွဲ ပိုမိုတိုးတက်လာတာကို ကျွန်တော် မြင်နေရပါတယ်" ဟု ပြိုင်ပွဲမစတင်မီ ရက်သတ္တပတ်အနည်းငယ်အလိုကမှ ခန့်အပ်ခြင်းခံခဲ့ရသည့် နည်းပြ အန်ဒါဆန်က ပြောကြားခဲ့သည်။ "ဖွင့်ပွဲစဉ်တွေမှာ ကျွန်တော်တို့ မဆိုးခဲ့ပါဘူး။ အခွင့်အရေးတွေ အများကြီး ဖန်တီးနိုင်ခဲ့ပေမယ့် ဂိုးအဖြစ် မပြောင်းလဲနိုင်ခဲ့တာပါ။"
■ "အဲဒီနောက် ကျွန်တော်တို့ မလေးရှားကို တစ်ဂိုး၊ ဖိလစ်ပိုင်ကို လေးဂိုးနဲ့ ဒီနေ့ညမှာ ခုနစ်ဂိုး သွင်းယူနိုင်ခဲ့ပါတယ်။ ဒါက အသင်းရဲ့ တိုက်စစ်ပိုင်း တိုးတက်လာတာကို ပြသနေတာပါ။ ဒီနေ့ပွဲမှာ ဝင်းနိုင်ထွန်း သုံးဂိုး သွင်းယူနိုင်ခဲ့တဲ့အတွက်လည်း သူ့အတွက် အရမ်းဝမ်းသာပါတယ်။"
■ "ကစားသမားတွေဟာ ဂိုးရနိုင်မယ့် အခွင့်အရေးတွေ ဖန်တီးတာ၊ ဂိုးသွင်းတာနဲ့ ပွဲတွေအနိုင်ရတာကို ပိုပြီး ကျင့်သားရလာနေပါပြီ။ ဒါဟာ ဘောလုံးလောကမှာ ကျွန်တော်တို့ အတိအကျ လိုလားတဲ့အရာပါပဲ။"
■ ထိုင်းအသင်းကို အနိုင်ရရှိပါက မြန်မာအသင်းသည် ၂၀၁၆ ခုနှစ်နောက်ပိုင်း ပထမဆုံးအကြိမ်အဖြစ် နောက်ဆုံးလေးသင်းအဆင့်သို့ တက်ရောက်နိုင်မည်ဖြစ်သည်။ သို့သော် လာအိုနှင့်ပွဲတွင် အနီကတ်ပြခံရပြီး ထုတ်ပယ်ခံခဲ့ရသည့် အဓိကကစားသမား မောင်မောင်လွင် ပါဝင်နိုင်မည်မဟုတ်သည့် ၎င်း၏အသင်းသည် မျှော်လင့်ချက်ဖိအား သိပ်မရှိဘဲ ပွဲစဉ်ကို ကစားသွားမည်ဟု အန်ဒါဆန်က ယုံကြည်နေသည်။
■ "ဒီနေ့ပွဲမတိုင်ခင် ကစားသမားတွေကို ပြောခဲ့ပါတယ်၊ ကျွန်တော်တို့ ထိုင်းကို ဖိအားမရှိဘဲ သွားနိုင်ဖို့ ဒီပွဲကို မဖြစ်မနေ နိုင်ရမယ်လို့" ဟု ၎င်းက ပြောသည်။ "အခုဆိုရင် ထိုင်းနဲ့ပွဲက အုပ်စုဗိုလ်လုပွဲလို ဖြစ်သွားပါပြီ။"
■ "ထိုင်းမှာ ကျွန်တော်တို့ နိုင်ခဲ့ရင် နောက်တစ်ဆင့်ကို တက်နိုင်ပါပြီ။ ဒါပေမဲ့ ဒီနေ့ည နိုင်ပွဲသာ မရခဲ့ရင် ကြုံရမယ့် ဖိအားမျိုး အခု ကျွန်တော်တို့မှာ မရှိတော့ပါဘူး။ အံ့အားသင့်စရာတစ်ခု ကျွန်တော်တို့ ဖန်တီးနိုင်ကောင်း ဖန်တီးနိုင်ပါလိမ့်မယ်။"
■ "ကျွန်တော်တို့ အကောင်းဆုံး ပြင်ဆင်သွားမယ်၊ ဖိအားမရှိဘဲ ကစားမယ်၊ ပြီးရင် ဘယ်အသင်း နိုင်မလဲ ဆိုတာ ပွဲပြီးမှ ကြည့်ကြတာပေါ့။"
■ အဆိုပါပွဲစဉ်ရလဒ်ကြောင့် လာအိုအသင်းသည် လေးပွဲဆက်တိုက် ရှုံးနိမ့်ကာ ပြိုင်ပွဲမှ ထွက်ခွာခဲ့ရသည်။ လာအိုနည်းပြ ဗလာဒီကာ ဂရူဂျစ် (Vladica Grujić) က ဝါသနာရှင်အများစုဖြင့် ဖွဲ့စည်းထားသည့် ၎င်း၏အသင်းသည် အုပ်စုတွင်းရှိ အခြားအသင်းများ၏ အဆင့်အတန်းကို မယှဉ်နိုင်ခဲ့ကြောင်း ဝန်ခံခဲ့သည်။
■ "ကျွန်တော်တို့ ထိုင်း၊ မလေးရှားနဲ့ ဖိလစ်ပိုင်အသင်းတွေနဲ့ ကစားခဲ့တဲ့ ပွဲတွေရဲ့ ပထမပိုင်းတွေမှာ အရမ်းကောင်းတဲ့ ခြေစွမ်းတွေ ပြသနိုင်ခဲ့ပါတယ်" ဟု မြန်မာအသင်းကို နှစ်ကြိမ်တိုင်တိုင် ချေပဂိုးသွင်းယူနိုင်ခဲ့ပြီးနောက်မှ ဂိုးပြတ်ရှုံးနိမ့်ခဲ့ရသည့်ပွဲအပြီးတွင် ဂရူဂျစ်က ပြောကြားခဲ့သည်။ "အဲဒီပွဲတွေမှာ ကောင်းမွန်တဲ့ ဘောလုံးကစားကွက်တွေ ကစားနိုင်ခဲ့ပါတယ်။"
■ "ဒါပေမဲ့ ဘောလုံးကစားရာမှာ ကစားသမားတွေက ပြေးလွှားပြီး ကစားအား (Intensity) ကို ထိန်းထားနိုင်ဖို့ လိုပါတယ်။ ကျွန်တော့်ကစားသမား အများစုက ဘောလုံးကစားတာအပြင် တခြားပြင်ပအလုပ်တွေလည်း လုပ်ကိုင်နေကြရတာကြောင့် ဒီလိုအဆင့်အတန်းမှာ ယှဉ်ပြိုင်ဖို့ သူတို့အတွက် အရမ်းခက်ခဲပါတယ်။"
■ "ဒီနေ့ည ကျွန်တော်တို့ နှစ်ဂိုး သွင်းနိုင်ခဲ့တာက အဲဒီအချိန်အထိ အင်အားရှိနေသေးလို့ပါ။ ဒီလိုအဆင့်ပြိုင်ပွဲတွေမှာ အရာရာဟာ မြန်နှုန်းမြင့်မြင့်၊ ပြင်းပြင်းထန်ထန်နဲ့ ဖြစ်ပျက်နေတာပါ။ ကစားသမားတွေက ဒီလို ဘောလုံးကစားဟန်မျိုးနဲ့ မယဉ်ပါးသေးတာကြောင့် ဒါကို နားလည်ပေးလို့ ရပါတယ်။"
Source: aseanutdfc.com.v
#Local_News
Published 05 August 2026
#ရွှေတိဂုံစေတီတော် #ဝါခေါင်လပြည့်
#YMG/NN #Yangon_Times
ဒေသတွင်း ကော်ဖီပူးပေါင်းဆောင်ရွက်မှုကိုမြှင့်တင်ဖို့ မြန်မာနိုင်ငံကော်ဖီအသင်း(MCA)နဲ့ ဗီယက်နမ်နိုင်ငံကော်ဖီသုတေသနဌာနတို့ ဇူလိုင်လကုန် ပိုင်းက တွေ့ဆုံဆွေးနွေးခဲ့တယ်လို့ မြန်မာနိုင်ငံကော်ဖီအသင်းက သိရပါတယ်။
#Local_News
Published 05 August 2026
#ကော်ဖီ #ဗီယက်နမ်နိုင်ငံကော်ဖီ
#YMG/NN #Yangon_Times
ဩဂုတ်လ ၈ ရက်နေ့အထိ နိုင်ငံတစ်ဝန်းဒေသအများအပြားမှာ နေရာကွက်မိုးကြီးနိုင်တာကြောင့် ရေကြီး၊ မြေပြိုတာနဲ့လေပြင်းတိုက်ခတ်တာတွေ ဖြစ်ပေါ်နိုင်တဲ့အတွက် အထူးသတိပြုကြဖို့ မိုးလေဝသနဲ့ဇလဗေဒညွှန်ကြားမှုဦးစီးဌာနက သတိပေးထားပါတယ်။
#Local_News
Published 05 August 2026
#မိုးလေဝသ
#YMG/SW #Yangon_Times
တောင်သူတွေအနေနဲ့ ယူရီးယားဓာတ်မြေဩဇာကို သက်သာတဲ့ဈေးနှုန်းနဲ့ ဝယ်ယူအသုံးပြုနိုင်ဖို့ ယူရီးယားမြေဩဇာတစ်အိတ်ကို ကျပ် ၁၂၀,၀၀၀ ရည်ညွှန်းဈေးသတ်မှတ်ပြီး တိုင်းဒေသကြီးနဲ့ ပြည်နယ်အစိုးရအဖွဲ့တွေနဲ့ ပူးပေါင်းကာ အမြတ်မယူဘဲ တိုက်ရိုက်ဖြန့်ဖြူးရောင်းချသွားမယ်လို့ ယူရီးယားမြေဩဇာ ဝယ်ယူဖြန့်ဖြူးရောင်းချရေး ဦးဆောင်ကော်မတီ အစည်းအဝေးကနေ သိရပါတယ်။
#Local_News
Published 05 August 2026
#ယူရီးယားမြေဩဇာ
#YMG/SW #Yangon_Times
#Local_News
Published 5 August 2026
■ ရုရှားဖက်ဒရေးရှင်းနိုင်ငံ မော်စကိုမြို့တွင် ကျင်းပသည့် (၅)နှစ်ပြည့် နိုင်ငံတကာပို့ဆောင်ရေး ထိပ်သီးအစည်းအဝေး-၂၀၂၆ (5th Anniversary International Transport Summit-2026) ၌ မြန်မာနိုင်ငံ၏ နေပြည်တော်နှင့် ရန်ကုန်မြို့အပါအဝင် နိုင်ငံတကာမြို့ ၁၉ မြို့သည် မော်စကိုမြို့နှင့် သယ်ယူပို့ဆောင်ရေးပူးပေါင်းဆောင်ရွက်မှုဆိုင်ရာ လျှောက်ထားလွှာ (Application of Transport Cooperation) ကို လက်မှတ်ရေးထိုးခဲ့ကြောင်း သိရသည်။
■ အဆိုပါ ဖွင့်ပွဲအခမ်းအနားကို ဩဂုတ် ၄ ရက် နံနက်ပိုင်းက မော်စကိုမြို့ရှိ The Carlton Hotel Ballroom တွင် ကျင်းပခဲ့ခြင်းဖြစ်ပြီး မြန်မာနိုင်ငံဘက်မှ နေပြည်တော်ကောင်စီဥက္ကဋ္ဌ ဦးကံမြင့်သန်းနှင့် ရန်ကုန်မြို့တော် စည်ပင်သာယာရေးကော်မတီဥက္ကဋ္ဌ (မြို့တော်ဝန်) ဦးမျိုးမြင့်အောင်တို့က ရုရှားဖက်ဒရေးရှင်းနိုင်ငံ မော်စကိုမြို့အစိုးရ ဒုတိယမြို့တော်ဝန်နှင့် သယ်ယူပို့ဆောင်ရေးနှင့် လမ်းအခြေခံအဆောက်အအုံ ဖွံ့ဖြိုးတိုးတက်ရေးဌာန အကြီးအကဲ မစ္စတာ မက်စင်မ် လစ်ကဆူတော့နှင့်အတူ လက်မှတ်ရေးထိုးခဲ့ကြေကြာင်းသိရသည်။
■ ထို့ပြင် အိန္ဒိယ၊ ဂါနာ၊ တူရကီ၊ ဘရာဇီး၊ လက်ဘနွန်၊ ဆားဘီးယား၊ သီရိလင်္ကာ၊ တန်ဇန်းနီးယား၊ နီကာရာဂွာ၊ ဥရုဂွေး၊ အီကွေဒေါနှင့် ရုရှားနိုင်ငံ ဗလာဒီဗော့စတော့ခ်မြို့တို့အပါအဝင် နိုင်ငံတကာမြို့များလည်း မော်စကိုမြို့နှင့် သယ်ယူပို့ဆောင်ရေးပူးပေါင်းဆောင်ရွက်မှုဆိုင်ရာ လျှောက်ထားလွှာကို အသီးသီးလက်မှတ်ရေးထိုးခဲ့ကြောင်း သိရသည်။
■ (၅)နှစ်ပြည့် နိုင်ငံတကာပို့ဆောင်ရေး ထိပ်သီးအစည်းအဝေး-၂၀၂၆ ကို ဩဂုတ် ၂ ရက်မှ ၆ ရက်အထိ ကျင်းပလျက်ရှိပြီး ယင်းထိပ်သီးအစည်းအဝေးကို မိတ်ဖက်မြို့ပြများအကြား သယ်ယူပို့ဆောင်ရေးစနစ်များ ခေတ်မီဖွံ့ဖြိုးတိုးတက်ရေး၊ ဒီဂျစ်တယ်နည်းပညာဆိုင်ရာ တီထွင်ဆန်းသစ်မှုများ အပြန်အလှန်မျှဝေရေးနှင့် မြို့ပြသယ်ယူပို့ဆောင်ရေးကဏ္ဍ ဖွံ့ဖြိုးတိုးတက်စေရန် ပူးပေါင်းဆောင်ရွက်မှုများ မြှင့်တင်နိုင်ရေး ရည်ရွယ်ကျင်းပခြင်းဖြစ်ကြောင်း သိရသည်။
■ အစည်းအဝေးသို့ ရန်ကုန်တိုင်းဒေသကြီး စည်ပင်သာယာရေးဝန်ကြီး၊ ရန်ကုန်မြို့တော်ဝန်၊ နေပြည်တော် စည်ပင်သာယာရေးကော်မတီမှ တာဝန်ရှိသူများနှင့် ရန်ကုန်မြို့တော် စည်ပင်သာယာရေးကော်မတီမှ တာဝန်ရှိသူများလည်း တက်ရောက်ခဲ့ကြကြောင်းသိရသည်။
#YMG/SW #Yangon_Times
Page 38 of 2438
