အခုဘဏ္ဍာနှစ် လေးလတာအတွင်းပြည်ပနိုင်ငံတွေကို အမေရိကန် ဒေါ်လာ(၁)သန်းကျော်တန်ဖိုးရှိ (၇၀၀)ကျော်တင်ပို့ထားတယ်လို့ မွေးမြူရေးနှင့်ကုသရေးဦးစီးဌာန၊ ပျားလုပ်ငန်းဌာန၊ ပျားမွေးမြူမှုဖွံဖြိုးရေး ဌာနခွဲကသိရပါတယ်။

#Local_News
Published 03 Sept 2025
#ပျားရည် #ကန်ဒေါ်လာ(၁)သန်း
#YMG/NN #Yangon_Times

ပြီးခဲ့တဲ့ မတ်လနှောင်းပိုင်းကလှုပ်ခတ်ခဲ့တဲ့ငလျင်ကြီးဒဏ်ကြောင့် ပြိုကျခဲ့တဲ့ မန္တလေးမြို့က Sky Villa အဆောက်အဦးကနေ ဒီကနေ့အထိ

ရုပ်အ‌ေ-လာင်း (၂၀၀) ကျော်ရှာဖွေတွေ့ရှိထားပြီး ၊ကရုဏာ
ထောက်ပံ့ကြေးတစ်ဦးကို ကျပ်သိန်း(၁၀၀)ပေးအပ်သွားမယ်လို့ မြန်မာနိုင်ငံမီးသတ်တပ်ဖွဲ့နဲ့ ဆောက်လုပ်ရေးကုမ္ပဏီက သိရပါတယ် ။

#Local_News
Published 03 Sept 2025
#Sky_Villaကွန်ဒို #ငလျင်
#YMG/NN #Yangon_Times

၂၀၂၅ ခုနှစ်ရဲ့နောက်ဆုံးရစစ်တမ်း‌တွေအရ ထိုင်းနိုင်ငံရှိကွန်ဒိုဝယ်ယူမှုအများဆုံးဒုတိယနိုင်ငံအဖြစ် မြန်မာနိုင်ငံကရပ်တည်နေတယ်လို့ Nation Thailand ရဲ့ သတင်းဖော်ပြချက်အရ သိရပါတယ်။

#Local_News
Published 03 Sept 2025
#ထိုင်းကွန်ဒို #Nation_Thailand
#YMG/SW #Yangon_Times

#Local_News
Published 03 September 2025

▪️ လိုင်စင်ဆိုင်ရာအခကြေးငွေ ပေးသွင်းခြင်းမရှိသည့် ကုမ္ပဏီများအား အရေးယူမှုများပြုလုပ်သွားမည်ဖြစ်ကြောင်းပို့ဆောင်ရေးနှင့်ဆက်သွယ်ရေးဝန်ကြီးဌာန ဆက်သွယ်ရေးညွှန်ကြားမှုဦးစီးဌာနမှ အသိပေးထားသည်။

▪️ အသိပေးချက်တွင်လိုင်စင်ဆိုင်ရာ အခကြေးငွေများပေးသွင်းခြင်းနှင့် လုပ်ငန်းအစီရင်ခံစာများပေးပို့ခြင်းတို့အား ဆောင်ရွက်ရန်ပျက်ကွက်လျက်ရှိသည့် (၁) Sane Shwe Htin Co., Ltd [ NFS(C) လုပ်ငန်းလိုင်စင်ရ]
(၂) Thunder Arrow Co., Ltd [ NFS(C) လုပ်ငန်းလိုင်စင်ရ]ဆက်သွယ်ရေးဝန်ဆောင်မှု လုပ်ငန်းနှစ်ခုသည် ၂၀-၂-၂၀၂၃ နေ့တွင် လိုင်စင်ရရှိထားသော်လည်း ဆက်သွယ်ရေးဥပဒေပုဒ်မ ၁၅ အရ လိုင်စင်ရရှိသူ၏ တာဝန်များအား လိုက်နာရန်ပျက်ကွက်ခြင်းကြောင့် စီမံခန့်ခွဲရေးနည်းလမ်းဖြင့် အရေးယူသွားမည်ဖြစ်‌ကြောင်း၊လိုင်စင်ထုတ်ပေးခြင်းဆိုင်ရာ နည်းဥပဒေများ အပိုဒ် ၃၉ (က) (၂) အရ ထိုက်သင့်သောအခွင့်အရေးပေးသည့်အနေဖြင့် ၂၀၂၅ ခုနှစ်၊ စက်တင်ဘာလ (၁၂) ရက်နေ့ နောက်ဆုံးထားပြီး ဆက်သွယ်ရေးညွှန်ကြားမှုဦးစီးဌာနသို့ ဖြေရှင်းချက်နှင့်အတူ သက်ဆိုင်ရာအခကြေးငွေများ လာရောက်ပေးသွင်းပါရန်နှင့် သတ်မှတ်ရက်အတွင်း ပေးသွင်းခြင်းမရှိပါက ဆက်သွယ်ရေးဥပဒေ၊ နည်းဥပဒေပါ ပြဋ္ဌာန်းချက်များနှင့်အညီ အရေးယူမှုများကို ဆက်လက်ပြုလုပ်သွားမည်ဖြစ်ကြောင်း ဖော်ပြထားသည်။

▪️ အဆိုပါ ကိစ္စရပ်နှင့်ပတ်သက်၍အသေးစိတ်သိရှိလိုပါက ဆက်သွယ်ရေးညွှန်ကြားမှုဦးစီးဌာန၊ ရုံးအမှတ်(၂)၊ နေပြည်တော်သို့ လူကိုယ်တိုင်သော်လည်းကောင်း၊ တယ်လီဖုန်းအမှတ် ၀၆၇-၃၄၀၇၄၇၉ သို့လည်းကောင်း စုံစမ်းမေးမြန်းနိုင်‌ကြောင်းသိရသည်။

#YMG/SW #Yangon_Times

#Local_News
Published 03 September 2025

▪️ မြန်မာနိုင်ငံနှင့်ကိုရီးယားသမ္မတနိုင်ငံ မူပိုင်ခွင့်ရုံးတို့အကြား ပူးပေါင်းဆောင်ရွက်မှုများမြှင့်တင်ရန်နှင့် ဒေသတွင်းစီးပွားရေး ဖွံ့ဖြိုးတိုးတက်စေရန်အတွက် နှစ်နိုင်ငံဆွေးနွေးညှိနှိုင်းမှုများကို “(၈) ကြိမ်မြောက် အာဆီယံနိုင်ငံများနှင့် ကိုရီးယားသမ္မတနိုင်ငံမူပိုင်ခွင့်ရုံးတို့၏ဌာနကြီးမှူးများ တွေ့ဆုံသည့် အစည်းအဝေး”၌ ထည့်သွင်း‌ပြုလုပ်မည်ဖြစ်ကြောင်း သိရသည်။

▪️ “(၈) ကြိမ်မြောက် အာဆီယံနိုင်ငံများနှင့် ကိုရီးယားသမ္မတနိုင်ငံမူပိုင်ခွင့်ရုံးတို့၏ ဌာနကြီးမှူးများ တွေ့ဆုံသည့်အစည်းအဝေး”ကို ကိုရီးယားသမ္မတနိုင်ငံ၊ ဆိုးလ်မြို့တွင် စက်တင်ဘာလ ၁ ရက်နေ့မှ ၃ ရက်နေ့အထိ ကျင်းပနေပြီး အဆိုပါအစည်းအဝေးသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနမှညွှန်ကြားရေးမှူးချုပ် ဒေါက်တာမိုးမိုးသွယ် ဦးဆောင်သောကိုယ်စားလှယ်အဖွဲ့ တက်ရောက်လျက်ရှိ‌ကြောင်း သိရသည်။

▪️ အဆိုပါအစည်းအဝေးကို အာဆီယံအဖွဲ့ဝင်နိုင်ငံများနှင့် ကိုရီးယားသမ္မတနိုင်ငံ မူပိုင်ခွင့်ရုံးတို့အကြားစီးပွားရေးဖွံ့ဖြိုးတိုးတက်မှုများ အထောက်အပံ့ဖြစ်စေရန်အတွေ့အကြုံများကို ဆွေးနွေးဖလှယ်ခြင်းများ ပြုလုပ်နိုင်ရန်နှင့် အာဆီယံအဖွဲ့ဝင်နိုင်ငံများနှင့်ကိုရီးယားသမ္မတနိုင်ငံ မူပိုင်ခွင့်ရုံးတို့အကြား ပူးပေါင်းဆောင်ရွက်မှုများ မြှင့်တင်နိုင်မည့်လုပ်ငန်းစဉ်များကို ဆွေးနွေးနိုင်စေရန်ရည်ရွယ်၍ကျင်းပရခြင်းဖြစ်ကြောင်း၊အစည်းအဝေးတွင် အာဆီယံ-ကိုရီးယား ပူးပေါင်း၍ မူပိုင်ခွင့်ကဏ္ဍဖွံ့ဖြိုးတိုးတက်စေရေး အကောင်အထည်ဖော် ဆောင်ရွက်နိုင်မည့်နားလည်မှုစာချွန်လွှာ ရေးထိုးနိုင်ရေး လုပ်ငန်းစဉ်များ၊ မူပိုင်ခွင့်ကဏ္ဍဖွံ့ဖြိုးတိုးတက်စေရေးနှင့်စပ်လျဉ်း၍ အတုအပတိုက်ဖျက်ရေးဆိုင်ရာ နည်းပညာများ၊ နိုင်ငံတကာဈေးကွက်တွင် အမှတ်တံဆိပ်မူပိုင်ခွင့်အကာအကွယ်ပေးခြင်းဆိုင်ရာ နည်းဗျူဟာများ၊ နည်းပညာပူးပေါင်းဆောင်ရွက်ရေးလုပ်ငန်းစဉ်များ၊ မူပိုင်ခွင်ဆိုင်ရာ ပညာပေးရေးနှင့် ဘဏ္ဍာရေးဆိုင်ရာလုပ်ငန်းစဉ်များ၊ မူပိုင်ခွင့်လျှောက်ထားခြင်း၊ စစ်ဆေးခြင်းနှင့် အငြင်းပွားမှုဖြေရှင်းခြင်းဆိုင်ရာ လုပ်ငန်းစဉ်များကို ဆွေးနွေးကြမည်ဖြစ်ကြောင်း၊ မြန်မာကိုယ်စားလှယ်အဖွဲ့အနေဖြင့် မြန်မာနိုင်ငံနှင့် ကိုရီးယားသမ္မတနိုင်ငံ မူပိုင်ခွင့်ရုံးတို့အကြား ပူးပေါင်းဆောင်ရွက်မှုများ မြှင့်တင်ရန်နှင့်ဒေသတွင်းစီးပွားရေး ဖွံ့ဖြိုးတိုးတက်စေရန်အတွက် နှစ်နိုင်ငံဆွေးနွေးညှိနှိုင်းမှုများကိုလည်း ပြုလုပ်သွားမည်ဖြစ်ကြောင်း သိရသည်။

#YMG/SW #Yangon_Times

#Local_News
Published 03 Sept 2025

▪️ မြန်မာနိုင်ငံတော်ဗဟိုဘဏ်အနေဖြင့် စက်သုံးဆီလုပ်ငန်းရှင်များကို
အမေရိကန်ဒေါ်လာသန်း (၃၀) ရောင်းပေးမည်ဖြစ်ကြောင်း ယနေ့တွင် အသိပေးထုတ်ပြန်ထားသည်။

▪️ ထိုသို့ရောင်းချရာတွင် နိုင်ငံခြားငွေကြေးဈေးကွက်တွင် စက်သုံးဆီလုပ်ငန်းရှင်များအတွက် အမေရိကန်ဒေါ်လာ သန်း (၃၀) ရောင်းချပေးမည် ဖြစ်သည်။

▪️ မြန်မာနိုင်ငံတော်ဗဟိုဘဏ်အနေဖြင့် ယခုလအတွင်း စက်သုံးဆီကဏ္ဍကို ပထမအကြိမ် ထုတ်ရောင်းပေးတာဖြစ်ပြီး ပြီးခဲ့သည့် သြဂုတ်လ တစ်လလုံးတွင်လည်း စက်သုံးဆီကဏ္ဍကို အမေရိကန်ဒေါ်လာ ၁၂၆ သန်း ထုတ်ရောင်းပေးခဲ့ပြီး ဖြစ်ကြောင်းသိရသည်။

#YMG/NN #Yangon_Times