ကမ္ဘ့ာစားနပ်ရိက္ခာအစီအစဉ်(WFP)အနေနဲ့ ယခုနှစ်မိုးရာသီမှာ လူဦးရေ တစ်သိန်း အထိကို အမြန်ဆုံးအကူအညီပေးနိုင်ဖို့ အရင်းအမြစ်တွေကို ကြိုတင်ပြင်ဆင်ထားတယ်လို့ ဆိုပါတယ်။
#Local_News
Published 01 August 2025
#WFP #ကမ္ဘ့ာစားနပ်ရိက္ခာ
#YMG/SW #Yangon_Times

နှစ်စဉ်ကျင်းပခဲ့တဲ့ အိုးပုတ်ပွဲတော်ကို အခုနှစ်မှာလည်း မန္တလေးမြို့မှာ (၂)ရက်တာကျင်းပ ပြုလုပ်သွားဖို့ စီစဉ်ထားတယ်လို့ သိရပါတယ်။
#Local_News
Published 01 August 2025
#အိုးပုတ်ပွဲတော် #မန္တလေးမြို့
#YMG/NN #Yangon_Times

၂၀၂၅ခုနှစ်တက္ကသိုလ်ဝင်တန်းစာမေးပွဲ အမှတ်စာရင်းများ ထုတ်ပေးရာမှာ ကျရှုံးအမှတ်စာရင်းများလည်းထုတ်ယူနိုင်တယ်လို့ မြန်မာနိုင်ငံစာစစ်ဦးစီးဌာနမှ သိရပါတယ်။
#Local_News
Published 01 August 2025
#တက္ကသိုလ်ဝင်တန်းစာမေးပွဲ #ကျရှုံးအမှတ်စာရင်းများထုတ်ယူနိုင်
#YMG/SW #Yangon_Times

အခု၂၀၂၅ခုနှစ်-၂၀၂၆ဘဏ္ဍာနှစ်အတွင်းရန်ကုန်တိုင်းအတွင်းရှိ ဆန်စက်(၁၄)ခုတွင် ဆိုလာစွမ်းအင်ဖြင့် လျှပ်စစ် ၁၈.၄ မဂ္ဂါဝပ် ထုတ်လုပ်ပြင်ဆင်နေတယ်လို့ မြန်မာနိုင်ငံဆန်စပါးအသင်းချုပ်ကနေ သိရပါတယ်။
#Local_News
Published 01 August 2025
#ဆန်စက် #ဆိုလာစွမ်းအင်
#YMG/NN #Yangon_Times

#Local_News
Published 1  August  2025

▪️ ပို့ကုန်မြှင့်တင်ရေးဆိုင်ရာကိစ္စရပ်များနှင့် MSMEလုပ်ငန်းများအတွက် ဘဏ်လုပ်ငန်းဝန်ဆောင်မှုများကို ဆွေးနွေးခဲ့ကြောင်း မြန်မာနိုင်ငံဆန်စပါးအသင်းချုပ်မှသိရသည်။

▪️ ဇူလိုင် ၃၀ ရက် ကရန်ကုန်မြို့ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် UMFCCI (မင်္ဂလာခန်းမ)၌ ကျင်းပပြုလုပ်ခဲ့သည့်  မြန်မာနိုင်ငံသားများဘဏ် (MCB) နှင့် မြန်မာနိုင်ငံဆန်စပါးအသင်းချုပ်တို့၏ ပူးပေါင်းစီစဉ်မှုဖြင့် ပို့ကုန်မြှင့်တင်ရေး၊ ပို့ကုန်ဆိုင်ရာ ဘဏ်ချေးငွေများနှင့် MSMEများအတွက် ငွေကြေးနှင့် ဘဏ်လုပ်ငန်းဆိုင်ရာ စီစဉ်ဆောင်ရွက်ပေးနိုင်မှုကိစ္စရပ်များအပေါ် ရှင်းလင်းဆွေးနွေးပွဲ၌ ထည့်သွင်း ပြောကြားခဲ့ခြင်းဖြစ်သည်။

▪️ အဆိုပါ ဆွေးနွေးပွဲတွင် ပို့ကုန်မြှင့်တင်ရေးဆိုင်ရာ လုပ်ငန်းစဉ်များ၊ ပို့ကုန်လုပ်ငန်းအထောက်အကူပြု ဘဏ်ချေးငွေများ၊ MSMEများ အတွက် ငွေကြေးနှင့်ဘဏ်လုပ်ငန်းဆိုင်ရာ သိကောင်းစရာများ၊ SMEများ၊ New MSME အသင်းဝင်များအတွက် Export နှင့် ချိတ်ဆက်၍ ရနိုင်မည့် Value Chain Financing အကြောင်းအရာများကို ရှင်းလင်းဆွေးနွေးခဲ့ကြကြောင်း သိရသည်။

▪️ ယင်းဆွေးနွေးပွဲသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ တာဝန်ရှိသူများ၊ မြန်မာနိုင်ငံဆန်စပါး အသင်းချုပ် ဥက္ကဋ္ဌနှင့် စီမံခန့်ခွဲရေးကော်မတီဝင်များ၊ မြန်မာနိုင်ငံသားများဘဏ် ဥက္ကဋ္ဌနှင့်  တာဝန်ရှိသူများ၊ Exporter ကုမ္ပဏီများ၊ MSMEလုပ်ငန်းရှင်များ တက်ရောက်ခဲ့ကြကြောင်း သိရသည်။

#YMG/NN #Yangon_Times

#Local_News
Published 1  August  2025

▪️ စစ်ကိုင်းမြို့၌ ယမန်နေ့ညပိုင်းက မီးလောင်မှုတစ်ခုဖြစ်ပွားရာ တစ်နာရီကြာငြိမ်းသတ်ခဲ့ရကြောင်း မြန်မာနိုင်ငံမီးသတ်နပ်ဖွဲ့မှ သိရသည်။

▪️ ဇူလိုင် ၃၁ ရက်နေ့၊ ည ၁၀နာရီ  အချိန်ခန့်က စစ်ကိုင်းတိုင်းဒေသကြီး၊ စစ်ကိုင်းခရိုင်၊ စစ်ကိုင်းမြို့၊ ရွှေမင်းဝံရပ်ကွက်၊ ၂၂လမ်းနှင့်၂၅လမ်းထောင့်တွင် မီးလောင်မှုဖြစ်ပွား ခဲ့ကြောင်း သိရသည်။

▪️ အဆိုပါ သတင်းရရှိသဖြင့် စစ်ကိုင်းခရိုင်မီးသတ်စခန်းမှ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာဉ်(၂)စီး၊ စစ်ကိုင်းမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၁)စီး၊ စိန်ကုန်းအရန်မီးသတ်စခန်းမှ မီးသတ်ရေသယ်ယာဉ်(၁)စီး၊ မြတ်နိုးသစ်စက်မှ ရေသယ်ယာဉ်(၁)စီး၊ သုခကာရီလူမှုကူညီရေးအသင်းမှ ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ ည ၁၁နာရီအချိန်၌ မီးငြိမ်းနိုင်ခဲ့ကြောင်း သိရသည်၊၊

#YMG/NN #Yangon_Times