တရုတ်နိုင်ငံ နန်နင်းမြို့၌လာမည့် စက်တင်ဘာလ ၁၄ ရက်နေ့တွင် ကျင်းပပြုလုပ်မယ့် China Asia Export ပွဲသို့ တက်ရောက်ကာရင်းနှီးမြုပ်နှံမှုများဖိတ်ခေါ်သွားမှာဖြစ်တယ်လို့ မြန်မာနိုင်ငံသစ်သီးဝလံပန်းမန်နှင့်ဟင်းသီး ဟင်းရွက် စိုက်ပျိုးထုတ်လုပ်တင်ပို့ ရောင်းချသူများအသင်းမှသိရပါတယ်။

#Local_News
Published 30 August 2025
#တရုတ်နိုင်ငံနန်နင်းမြို့ #မြန်မာ့ဒူးရင်း
#YMG/SW #Yangon_Times

နယ်စပ်ဖြတ်ကျော်ကုန်သွယ်ရေးမှာ နှစ်နိုင်ငံပူးပေါင်းဆောင်ရွက်မှု မြှင့်တင်ရေး နည်းလမ်း‌တွေရှာဖွေဖို့အတွက် မြန်မာနဲ့ထိုင်းမှတာဝန်ရှိသူတွေ တွေ့ဆုံဆွေးနွေးခဲ့တယ်လို့ သိရပါတယ်။

#Local_News
Published 30 August 2025
#မြန်မာနှင့်ထိုင်း #နယ်စပ်ဖြတ်ကျော်ကုန်သွယ်ရေး
#YMG/SW #Yangon_Times

#Local_News
Published 30 August 2025

▪️ ချင်းမိုင်မြို့၌ ဖွင့်လှစ်ထားရှိသည့် CI စခန်းတွင် တစ်နေ့လျှင် အများဆုံး မြန်မာနိုင်ငံသား (၈၀၀) ဦးကျော်ကို CI သက်တမ်းတိုး ဝန်ဆောင်မှုပေးလျက်ရှိပြီး CI စခန်းစတင်ဖွင့်လှစ်သည့် ၆-၈-၂၀၂၅ ရက်မှ ၂၉-၈-၂၀၂၅ ရက်အထိ ဝန်ဆောင်မှုရယူခဲ့သူ မြန်မာနိုင်ငံသားပေါင်း (၁၂,၀၉၁) ကျော်ရှိပြီဖြစ်ကြောင်း ဘန်ကောက်မြို့ရှိ မြန်မာသံရုံးမှသိရသည်။

▪️ ထိုင်းနိုင်ငံ၊ ချင်းမိုင်မြို့၌ ဖွင့်လှစ်ထားရှိ သော CI စခန်းသို့ ပြည်ထောင်စု သမ္မတ မြန်မာနိုင်ငံတော် ကောင်စစ်ဝန်ချုပ်ရုံး၊ ချင်းမိုင်မြို့မှ ကောင်စစ်ဝန်ချုပ် ဦးမင်းကျော်လင်း သည် ထိုင်းနိုင်ငံရှိ ချင်းမိုင်၊ ချင်းရိုင်၊ မယ်ဟောင်ဆောင်၊ လန်ပန်း၊ လန်ဖွန်း၊ နန်၊ ဖရဲ့၊ ဥဿရာဒစ်၊ ဆူခိုထိုင်း ခရိုင်များနှင့် မဲဆောက်မြို့တို့တွင် ရောက်ရှိ အလုပ်လုပ်ကိုင်လျက်ရှိသည့် မြန်မာနိုင်ငံသား အလုပ်သမားများအား မည်သူမည်ဝါဖြစ်ကြောင်း သက်သေခံလက်မှတ် (Certificate of Identity- CI) ထုတ်ပေးနိုင်ရန်အတွက် ၂၉-၈-၂၀၂၅ ရက်တွင် သွားရောက်ကြည့်ရှုစစ်ဆေးခဲ့ကြောင်း သိရသည်။

▪️ ကောင်စစ်ဝန်ချုပ်အား CI စခန်းတာဝန်ခံနှင့် ဝန်ထမ်းများက ကြိုဆိုနှုတ်ဆက်ခဲ့ကြပြီး CI ထုတ်ပေးရေးလုပ်ငန်းစဉ်များနှင့်ပတ်သက်၍ ရှင်းလင်းတင်ပြခဲ့ရာ ကောင်စစ်ဝန်ချုပ်က CI စာအုပ် ရယူကြသည့် မြန်မာနိုင်ငံသားများ၏ အချက်အလက်များ မှန်ကန်မှုရှိရေးနှင့် CI ထုတ်ပေးရေး လုပ်ငန်းစဉ်များ လွယ်ကူချောမွေ့မြန်ဆန်မှုရှိစေရေးတို့ကို သေချာစွာဆောင်ရွက်ရန် အလေးပေးမှာကြားခဲ့ပြီး CI စခန်းတွင် လုပ်ကိုင်လျက်ရှိသည့်ဝန်ထမ်းများ၏ ဝန်ဆောင်မှုပေးရာတွင် ကြုံတွေ့ရသည့် အခက်အခဲများအပေါ် ပေါင်းစပ်ညှိနှိုင်းပေးခြင်းနှင့် အကြံပြုချက်များ ရှင်းလင်းပြောကြားခြင်းတို့ကို ဆောင်ရွက်ခဲ့ကြောင်းသိရသည်။

#YMG/SW #Yangon_Times

#Local_News
Published 30 August 2025

▪️ မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်း (MFVP) ၏ Safe Food from Safe Farm (စနေ၊ တနင်္ဂနွေဈေး) ကို စက်တင်ဘာလ(၁၃)ရက်နေ့တွင် ပြန်လည်ဖွင့်လှစ်သွားမည်ဖြစ်‌ကြောင်းသိရသည်။

▪️ အဆိုပါစနေ၊ တနင်္ဂနွေဈေးအား ယခင်နေရာဖြစ်သည့် ရန်ကုန်မြို့ရှိ မြေပဒေဿာကျွန်း၊ ကန်တော်ကြီးတွင် ဖွင့်လှစ်သွားမည်ဖြစ်ပြီး ဆိုင်ခန်းနေရာများအတွက် စတင်စာရင်းပေးသွင်းနိုင်ပြီဖြစ်ကြောင်းသိရသည်။

▪️ " ဒီဈေးမှာလတ်လတ်ဆတ်ဆတ် သစ်သီးဝလံ၊ ဟင်းသီးဟင်းရွက်နဲ့ပန်း‌ တွေရောင်းချသွားမှာဖြစ်ပြီး သစ်သီးဝလံ၊ ဟင်းသီးဟင်းရွက် တန်ဖိုးမြှင့်ထုတ်ကုန်တွေလည်း ပါဝင်မှာဖြစ်ပါတယ်။

▪️ ဒါအပြင် ဆန်၊ ဆီ၊ ဆား၊ ငရုတ်၊ ကြက်သွန် တွေ ပျိုးပင်နဲ့ စိုက်ပျိုးရေးသုံး မြေဩဇာ တွေလည်း ရောင်းချသွားမှာဖြစ်ပါတယ်" ဟု MFVP မှ တာဝန်ရှိသူတစ်ဦးကပြောသည်။

▪️ ပြန်လည်ဖွင့်လှစ်မည့် စနေ၊ တနင်္ဂနွေဈေးတွင် ပါဝင်ရောင်းချမည့်ပစ္စည်းများတွင် ပြည်တွင်းထုတ်ကုန်သာ ရောင်းချမည်ပြီးGAP၊ ဩဂဲနစ် လက်မှတ်ရ (သို့မဟုတ်) သဘာဝနည်းနဲ့သာ စိုက်ပျိုးထုတ်လုပ်ထားသည့် သစ်သီးဝလံ၊ ဟင်းသီးဟင်းရွက်များသာရောင်းချမည်ဖြစ်ကာ ဓါတုဆေးဝါးများ၊ ဓါတုပိုးသတ်ဆေးများ သုံးစွဲပြီးထုတ်လုပ်ထားသည့် ကုန်ပစ္စည်းများကို ရောင်းချသွားမည်မဟုတ်ကြောင်း သိရသည်။

#YMG/SW #Yangon_Times

#Local_News
Published 30 August 2025

▪️ ပဲခူးတိုင်း ၊တောင်ငူမြို့ရှိ အနိမ့်ပိုင်းရပ်ကွက်များသို့ယနေ့မနက်ပိုင်းမှ စတင်၍ ရေများ ဝင်ရောက်လာ‌သောကြောင့် ကူညီရွေ့ပြောင်းမှုများပြုလုပ်နေကြောင်း Save The Trees မှဥက္ကဌ ကိုကျော်သူရက YMG သို့ပြောသည်။

▪️ လတ်တလောတွင် မြစ်ကြီးပေါက်စစ်တောင်းလမ်း၊အလယ်ကျွန်း ရွှေရှိုင်းလမ်းစသည့် မြေအနိမ့်ပိုင်းနှင့်ချောင်းကမ်း၊မြစ်ကမ်းပါးများသို့ ရေများဝင်ရောက်နေကြောင်း သိရသည်။

▪️ 'အနိမ့်ပိုင်းတွေ ရေရောက်တာပါ ၊ကျန်တဲ့နေရာတွေ မဝင်သေးပါဘူး၊အခုက အလယ်ကျွန်းရွှေရှိုင်း၊မြစ်ကြီးပေါက်တို့ကိုဝင်နေတာပါ ၊ ဒါကနှစ်တိုင်းဖြစ်ရိုးဖြစ်စဉ်ပါ၊ ရေတက်လာလိုက်ကယ်ဆယ်ရေးစခန်းသွားလိုက်ပါပဲ မနက်ဖန်မိုးရွာရင်တော့ ပိုတိုးမှာပါစောင့်ကြည့်နေပါတယ် 'ဟု ၎င်းက ဆက်ပြောသည်။

▪️ လတ်တလောတွင် တောင်ငူမြစ်ကြီးပေါက် စစ်တောင်းလမ်းတောင်ငူစစ်တောင်မြစ်ရေ အတိုးမြန်လာသောကြောင့် နေရာရွှေ့ပြောင်းမှူ့များ ကူညီဆောင်ရွက်လျှက် ရှိပါသည်။

▪️ မြန်မာနိုင်ငံလူမှူ့ကယ်ဆယ်ရေးအဖွဲ့ S.T.T RESCUE တောင်ငူ မှ ကူညီ ရွေ့ပြောင်းမှုများပြုလုပ်ပေးနေကြောင်းသိရသည်။

▪️ မိုးလေဝသနှင့် ဇလဗေဒညွှန်ကြားမှုဦးစီးဌာနကလည်း စစ်တောင်းမြစ်ရေသည် တောင်ငူမြို့တွင် ယင်းမြို့၏ စိုးရိမ်ရေမှတ် အထက်ကို ပေဝက်ခန့်ကျော်လွန်နေပြီး နောက် (၁) ရက်အတွင်း (၁)ပေခန့် ဆက်လက်မြင့်တက်လာနိုင်ကြောင်းဆိုထားသည်။

▪️ ထို့ကြောင့် တောင်ငူမြို့နယ် အတွင်းရှိ မြစ်ကမ်းအနီးနှင့် မြေနိမ့်ပိုင်းနေထိုင်သူများအနေဖြင့် ရေဘေးလွတ်ရာသို့ ရှောင်ရှားနိုင်ရန် မိုးဇလက အသိပေးနှိုးဆော်ထားကြောင်းသိရသည်။

#YMG/NN #Yangon_Times

#Local_News
Published 30 August 2025

ပဲခူးတိုင်း တောင်ငူမြို့နှင့် မဒေါက်မြို့များ၌ စစ်တောင်းမြစ်ရေ
စိုးရိမ်ရေမှတ်အထက်သို့ ရောက်ရှိနေပြီဖြစ်ကြောင်း
မိုးလေဝသနှင့် ဇလဗေဒညွှန်ကြားမှုဦးစီးဌာနက ယနေ့ ဩဂုတ်လ(၃၀) ရက် မနက်ပိုင်း၌ အသိပေးထုတ်ပြန်ထားသည်။

အဆိုပါ စစ်တောင်းမြစ်ရေသည် တောင်ငူမြို့တွင် ယင်းမြို့၏ စိုးရိမ်ရေမှတ် အထက်ကို ပေဝက်ခန့်ကျော်လွန်နေပြီး နောက် (၁) ရက်အတွင်း (၁)ပေခန့် ဆက်လက်မြင့်တက်လာနိုင်ကြောင်း သိရသည်။

ထို့အတူ မဒေါက်မြို့အတွင်းလည်း ယင်းမြို့၏ စိုးရိမ်ရေမှတ်အထက်သို့ ပေဝက်ခန့်ကျော်လွန်နေပြီး နောက်(၁)ရက်အတွင်း (၂)လက်မခန့် ထပ်မံမြင်တက်လာနိုင်ကြောင်း သိရသည်။

ထို့ကြောင့် တောင်ငူမြို့နယ်နှင့် မဒေါက်မြို့ အတွင်းရှိ မြစ်ကမ်းအနီးနှင့် မြေနိမ့်ပိုင်းနေထိုင်သူများအနေဖြင့် ရေဘေးလွတ်ရာသို့ ရှောင်ရှားနိုင်ရန် မိုးဇလက အသိပေးနှိုးဆော်ထားကြောင်းသိရသည်။

#YMG/NN #Yangon_Times