#Local_News
Published 9 May 2025
▪️ ငလျင်ဘေးဒဏ်သင့်ခဲ့သည့် ဒေသများရှိ ပြည်သူများအတွက် ဂျပန်နိုင်ငံမှစေတနာရှင်များက အလှူငွေယန်း ၁၅,၀၁၃,၀၀၀နှင့်ယန်း သန်း ၂၀တန်ဖိုးရှိ ပစ္စည်းများလှူဒါန်းထားကြောင်း တိုကျိုမြို့ရှိ မြန်မာသံရုံးမှ သိရသည်။။
▪️ မတ်လ ၂၈ ရက် (သောကြာနေ့) က မန္တလေးမြို့၏ အရှေ့မြောက်ဘက် (၂၀) မိုင်ခန့်အကွာကို ဗဟိုပြု၍ ပြင်းအား ၇.၇ ရစ်ချ်တာစကေးရှိသည့် အင်အားပြင်းမြေငလျင် လှုပ်ခတ် ခဲ့သဖြင့် စစ်ကိုင်း၊ မန္တလေး၊ နေပြည်တော်နှင့် အခြားမြို့သောများတွင် ထိခိုက်ပျက်စီးမှုများ ဖြစ်ပေါ် ခဲ့ရာအဆိုပါမြေငလျင်ဒဏ်သင့်ဒေသများရှိ ပြည်သူများအတွက် အရေးပေါ်ကယ်ဆယ်ရေး လုပ်ငန်းများနှင့် ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန်အတွက် ဂျပန် ပို့ဆောင်ရေး ဝန်ကြီးဟောင်း H.E. Mr. Makoto Koga မှ ယန်းငွေ ၅၀၀,၀၀၀ (ယန်းငါးသိန်း) ကို (၂၃-၄-၂၀၂၅) ရက်နေ့ကလည်းကောင်း၊ Sai no Kuni Health and Welfare Cooperative မှ ယန်းငွေ ၃၀၀,၀၀၀ (ယန်းသုံးသိန်း) နှင့် EAINDRA Network Co., Ltd မှ ယန်းငွေ ၁၀၀,၀၀၀ (ယန်း ၁ သိန်း) တို့ကို (၃၀-၄-၂၀၂၅) ရက်နေ့ကလည်းကောင်း၊ Medical Care Planning Co., Ltd မှ ယန်းငွေ ၃၀၀,၀၀၀ (ယန်းသုံးသိန်း) နှင့် Tokyo One Co., Ltd တို့မှ ယန်းငွေ ၂၀၀,၀၀၀ (ယန်းနှစ်သိန်း) တို့ကို (၇-၅-၂၀၂၅) ရက်နေ့ကလည်းကောင်း၊ ရှီနာဂါဝါမြို့နယ်အတွင်းရှိ ဂျပန်နိုင်ငံသားစေတနာရှင်များမှ ယန်းငွေ ၄၀,၀၀၀ (ယန်းလေးသောင်း) ကို (၇-၅-၂၀၂၅) ရက်နေ့ကလည်းကောင်း၊ အသီးသီးလာ ရောက်လှူဒါန်းခဲ့ရာ သံအမတ်ကြီး ဦးစိုးဟန်မှ လက်ခံရယူခဲ့ပြီး ဂုဏ်ပြုမှတ်တမ်းလွှာများ ပြန်လည် ပေးအပ်ခဲ့ေကြာင်း သိရသည်။
▪️ တိုကျိုမြို့ရှိ မြန်မာသံရုံးမေလ (၉) ရက်နေ့အထိ စေတနာရှင်များနှင့် အဖွဲ့အစည်းအသီးသီးတို့မှ စုပေါင်းလှူဒါန်းငွေအနေဖြင့် ယန်း ၁၅,၀၁၃,၀၀၀ (ယန်း တစ်ဆယ့်ငါးသန်း တစ်သောင်းသုံးထောင်) အား လက်ခံရရှိခဲ့ပြီး စုစုပေါင်း ယန်း ၂၀,၀၀၀,၀၀၀ (ယန်း သန်း ၂၀ တိတိ) ပမာဏရှိ အစား အသောက်နှင့်ဆေးဝါးများ၊ သောက်ရေသန့်နှင့် ရွက်ဖျင်တဲများအား လက်ခံရရှိခဲ့ေကြာင်း၊AEON 1% Club Foundation မှ ငလျင်ဘေးဒဏ်သင့်ဒေသများရှိ မြန်မာပြည်သူလူထုအတွက် လှူဒါန်းသော ယန်း ၁၀,၀၀၀,၀၀၀ (ယန်း ၁၀ သန်း) တန်ဖိုးရှိ အရေးပေါ်ထောက်ပံ့ရေးပစ္စည်းများကို မြန်မာနိုင်ငံ၊ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ လွှဲပြောင်းလက်ခံရယူပြီးဖြစ်ကြောင်း၊
▪️ ထိုလှူဒါန်းငွေများနှင့်ပစ္စည်းများကို အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲ မှုကော်မတီသို့ နိုင်ငံခြားရေးဝန်ကြီးဌာနမှတစ်ဆင့် ဆက်လက်ပေးပို့လှူဒါန်းသွားမည်ဖြစ်ကြောင်း တိုကျိုမြို့ရှိ မြန်မာသံရုံးက ထုတ်ပြန်ထားသည်။
#YMG/SW #Yangon_Times
#Daily_News
Published 08 May 2025
၁။ ဂျပန်ရိုးရာကြိုးကြာရုပ်ခေါက် ဆုတောင်းပွဲပြုလုပ်မည်
၂။ မော်လမြိုင်-ရန်ကုန်ရထားခရီးစဥ်များ ပြန်လည်ပြေးဆွဲရန်ကြိုတင်လက်မှတ်များစတင်ရောင်းချ
၃။ စက်သုံးဆီလုပ်ငန်းရှင်များကို ဒေါ်လာနှင့်ထိုင်းဘတ်သန်း ၂၃၀ ကျော် ထုတ်ရောင်းမည်
၄။ တရုတ်အင်ဂျင်နီယာများ လုပ်ငန်းအမျိုးမျိုး၌ စက်ရုပ်များကိုချဲ့ထွင်အသုံးချ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
ပြည်တွင်းသို့ ခွင့်နဲ့ပြန်လည်ဝင်ရောက်လာတဲ့ ခွင့်ပြန်လုပ်သားတွေအနေနဲ့ပြည်ပကို ပြန်လည်ထွက်ခွာရာမှာ ထွက်ခွာအမည်ခွင့်စာရင်းမှာ မိမိနာမည်ပါရှိမှသာ ပြန်လည်ထွက်ခွာခွင့်ရရှိမယ်လို့ အလုပ်သမားဝန်ကြီးဌာန၊ အစိုးရပြည်ပအလုပ်အကိုင်အေဂျင်စီ(POEA)မှ သိရပါတယ်။
#Local_News
Published 08 May 2025
#POEA #နာမည်ပါရှိမှသာပြန်လည်ထွက်ခွာနိုင်
#YMG/SW #Yangon_Times
စက်သုံးဆီလုပ်ငန်းရှင်တွေအတွက် အမေရိကန်ဒေါ်လာနဲ့ ထိုင်းဘတ်ငွေသန်း၂၃၀ ကျော် ထပ်မံထုတ်ရောင်းပေးမယ်လို့ မြန်မာနိုင်ငံတော်ဗဟိုဘဏ်က အသိပေးလာပါတယ်။
#Local_News
Published 08 May 2025
#စက်သုံးဆီလုပ်ငန်းရှင် #မြန်မာနိုင်ငံတော်ဗဟိုဘဏ်
#YMG/NN #Yangon_Times
မော်လမြိုင်-ရန်ကုန်ရထားခရီးစဥ်များ ပြန်လည်ပြေးဆွဲရန်ကြိုတင်လက်မှတ်တွေကို ဒီကနေ့မှာ စတင်ရောင်းချပေးနေပြီလို့ မော်လမြိုင်ဘူတာကြီးက သိရပါတယ်။
#Local_News
Published 08 May 2025
#မော်လမြိုင်-ရန်ကုန်ရထားခရီးစဥ် #ကြိုတင်လက်မှတ်များရောင်းချ
#YMG/NN #Yangon_Times
ဝမ်းနည်းကြေကွဲဖွယ် ငလျှင်ကပ်ဆိုးနဲ့ ရင်ဆိုင်ခဲ့ရတဲ့ မြန်မာနိုင်ငံသားတွေအတွက် ဂျပန်ရိုးရာ ကြိုးကြာရုပ်ခေါက် ဆုတောင်းပွဲကိုလာမယ့် ၁၀ရက်နေ့မှာ ပြုလုပ်သွားမယ်လို့ ဂျပန်ဖောင်ဒေးရှင်း(ရန်ကုန်)မှ သိရပါတယ်။
#Local_News
Published 08 May 2025
#ဂျပန်ရိုးရာကြိုးကြာရုပ်ခေါက် #ဂျပန်ဖောင်ဒေးရှင်း
#YMG/SW #Yangon_Times
#Local_News
Published 8 May 2025
▪️ မတ်လ (၂၈) တွင် လှုပ်ခတ်ခဲ့သော ငလျင်ကြောင့် အခက်အခဲကြုံတွေ့နေရသည့် လူမှုအသိုက်အဝန်းရှိအများပြည်သူတို့ကို အထောက်အပံ့ပြုနိုင်ရန် ရည်ရွယ်ပြီး24/7 ပတ်လုံး ကျန်းမာရေးဆွေးနွေးနိုင်မည့်အခမဲ့ ကျန်းမာရေးဖုန်းလိုင်း ‘2025’ ကိုဖွင့်လှစ်လိုက်ကြောင်း သိရသည်။
▪️ အဆိုပါ ဖုန်းလိုင်းကိုပြည်တွင်းဆက်သွယ်ရေးအော်ပရေတာတစ်ခုဖြစ်သည့် MPT က ပန်းလှိုင်ဆေးရုံကြီးနှင့် ပူးပေါင်း၍ ဆောင်ရွက်ခြင်းဖြစ်ပြီး ယခုအစီအစဉ်သည် ငလျင်ကြောင့် အခက်အခဲကြုံတွေ့နေရသည့် ဒေသများဖြစ်သော နေပြည်တော်ကောင်စီနယ်မြေ၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး (အရှေ့ပိုင်းနှင့် အနောက်ပိုင်း)၊ ရှမ်းပြည်နယ် (အရှေ့ပိုင်း၊ တောင်ပိုင်းနှင့် မြောက်ပိုင်း)ရှိ အများပြည်သူတို့အတွက် ကျန်းမာရေးဆွေးနွေးမှုကို ချက်ချင်းနှင့် လက်လှမ်းမီ ပေးအပ်နိုင်ရန် ရည်ရွယ်ထားကြောင်း သိရသည်။
▪️ ငလျင်ဒဏ်သင့်ဒေသများရှိ ပြည်သူများအနေဖြင့် ကျန်းမာရေးနှင့်ဆိုင်သော ရုပ်ပိုင်းဆိုင်ရာ စိန်ခေါ်မှုများကိုသာမက စိတ်ပိုင်းဆိုင်ရာ ထိခိုက်မှုများကိုလည်း ရင်ဆိုင်ကြုံတွေ့နေကြရာ ယင်းသို့သော အခြေအနေတွင် ယခုအစီအစဉ်ကို ဆောင်ရွက်ပေးခြင်းဖြင့် ငလျင်ကြောင့် အခက်အခဲကြုံတွေ့နေရသည့် အဆိုပါဒေသများရှိ သုံးစွဲသူများအား အရည်အချင်းပြည့်ဝသော ဆေးပညာဆိုင်ရာ ကျွမ်းကျင်သူများနှင့် အခမဲ့ဆွေးနွေးတိုင်ပင်နိုင်စေမည် ဖြစ်ပြီး ယခုကဲ့သို့ ခက်ခဲသော ကာလအတွင်း လိုအပ်သော ကျန်းမာရေးဆိုင်ရာ အကြံပြုချက်များနှင့် ဆေးညွှန်းများကို အချိန်နှင့်တစ်ပြေးညီ ပေးအပ်နိုင်စေမည် ဖြစ်ေကြာင်း သိရသည်။
▪️ ထိုအခမဲ့ကျန်းမာရေးဆွေးနွေးမှုအစီအစဉ်အတွက် မေလ(၂) ရက်မှစ၍ ငလျင်ဒဏ်သင့်ဒေသများရှိ MPT GSM ဆင်းမ်ကတ် သုံးစွဲသူများသည် ပန်းလှိုင်ဆေးရုံကြီးမှ အသိအမှတ်ပြုလက်မှတ်ရရှိထားသော ဆရာဝန်များနှင့် တိုင်ပင်ဆွေးနွေးမှုကို အချိန်မရွေးရယူနိုင်မည်ဖြစ်ကြောင်း သိရသည်။
#YMG/SW #Yangon_Times
Page 269 of 2238
