#LocalNews
Published - 4 Mar 2022

ကချင်ပြည်နယ်၊ ပူတာအိုဒေသရှိ စစ်ဘေးဒုက္ခသည်များအနေနဲ့ အကူအညီများစွာလိုအပ်နေတယ်လို့ သိရပါတယ်။

အဆိုပါ စစ်ဘေးရှောင်ပြည်သူများဟာ ပူတာအိုမြို့နယ်အတွင်းရှိ ဆွမ်ပီယန်ကျေးရွာ၊ လုံရှာယန်ကျေးရွာနှင့် အင်စီယာန်ကျေးရွာတို့မှ ဒေသခံပြည်သူများဖြစ်ပြီး တိုက်ပွဲကြောင့် တောထဲသို့ ထွက်ပြေးတိမ်းရှောင်နေရသူများဖြစ်ပါတယ်။

လက်ရှိမှာ စစ်ဘေးရှောင်ပြည်သူများအတွက် စားနပ်ရိက္ခာနှင့် ခိုလှုံရန်အမိုးအကာနေရာထိုင်ခင်း အခက်အခဲဖြစ်နေတယ်လို့လည်း ဒေသခံတစ်ဦးက ပြောပါတယ်။

"စစ်ဘေးရှောင်တွေက ရှိနေဆဲပဲလေ။ သူတို့က တိုက်ပွဲတွေကြောင့် ရွာမှာနေလို့ မရဘူး။ တိုက်ပွဲတွေကြောင့် နီးစပ်ရာတောထဲ တောင်ထဲမှာ ဝင်ခိုလှုံနေရတယ်။ တချို့တွေကျတော့လည်း ကတုတ်ကျင်းတွေထဲ ပုန်းနေကြရတာပေါ့။ ပြောရရင် စစ်ဘေးရှောင်ရင်း တောထဲ တောင်ထဲမှာ ဒုက္ခရောက်နေတဲ့သူတွေက အများကြီးရှိနေကြတာပါ။ အဓိကက စားစရာနဲ့ အမိုးအကာတွေလိုအပ်နေတာပါ။"လို့ စစ်ဘေးရှောင်အရေးကူညီဆောင်ရွက်ပေးနေသူများက အခုလို ပြောပြခဲ့ပါတယ်။

ပူတာအိုမြို့နယ် အင်စီယာန်ကျေးရွာအနီးရှိ ရှိန်ဂတ်ဘွမ်ရွာတွင် တပ်မတော်နှင့် ကေအိုင်အေတပ်တို့အကြား တိုက်ပွဲတွေ ပြင်းထန်စွာဖြစ်ပွားနေခြင်းလည်း ဖြစ်ပါတယ်။

အဆိုပါတိုက်ပွဲတွေကြောင့် ပြီးခဲ့တဲ့ဖေဖော်ဝါရီလမှစလို့ ပူတာအိုမြို့နယ် ဆွမ်ပီယာန်၊ လုံရှာယာန်၊ အင်စီယာန်စသည့် ကျေးရွာများမှ ဒေသခံ ပြည်သူ ၆,၀၀၀ ခန့်က ထွက်ပြေးတိမ်းရှောင်နေရတာလည်း ဖြစ်ပါတယ်။

Photo - CJ

ymg/kg
#Yangon_Media_Group

#LocalNews
Published - 4 Mar 2022

မန္တလေးမြို့တွင် ဆိုင်ကယ်လုယက်ခံရမှုဖြစ်စဥ်တွေ ပြန်လည်ဖြစ်ပွားနေတယ်လို့ အဆိုပါမြို့တွင်နေထိုင်သူများထံမှ သိရပါတယ်။

ယမန်နေ့(မတ်လ ၃)ရက်၊ ည ၉ နာရီကျော်အချိန်ခန့်က ချမ်းမြသာစည်မြို့နယ်၊ လမ်း ၆၀ ၊ ၁၀၇ လမ်းနှင့် ၁၀၈ လမ်းကြားတွင် အသက် (၅၃)နှစ်အရွယ်ရှိ အမျိုးသားတစ်ဦးစီးနင်းလာတဲ့ စကီုဖီးအမဲရောင်ဆိုင်ကယ်တစ်စီးကို အမည်မသိအဖွဲ့တစ်ဖွဲ့က အကြမ်းဖက် လုယက်ခဲ့ကြတာဖြစ်ပါတယ်။

အဆိုပါ စကီုဖီးဆိုင်ကယ်မောင်းနှင်လာသူအား လုယက်သူများက ဦးခေါင်းအားတုတ်နှင့်ရိုက်ပြီး ရင်ဘတ်နှင့် ပခုံး၊ နောက်ကျောတို့တွင် ဓါးနှင့်ထိုးကာ ဆိုင်ကယ်နှင့်ဖုန်းအား လုယူသွားခဲ့ခြင်းဖြစ်တယ်လို့ ဒေသခံတွေကပြောပါတယ်။

ယင်းဖြစ်စဥ်ကြောင့် ဒဏ်ရာရရှိခဲ့သူကို ဒေသခံလူမှုကူညီရေးအသင်းအဖွဲ့တွေရဲ့ လူနာတင်ယာဥ်ဖြင့် ဆေးရုံသို့ ပို့ဆောင်ပေးခဲ့ရတာပါ။

"မန္တလေးမှာ လုယက်မှုတွေက ဖြစ်နေတာပါ။အပြင်သွားရင် အတော်လေးသတိထားနေရတယ်။ အဓိက ညပိုင်းတွေမှာ ပိုပြီးသတိထားရတာပေါ့။ ပြောရရင် ဆိုင်ကယ်လုယက်မှုတွေက မြို့မှာ ခဏခဏ ဖြစ်နေတာပါ။"လို့ မန္တလေးမြို့ဒေသခံတစ်ဦးက ပြောပါတယ်။

ပြီးခဲ့တဲ့ နှစ်တုန်းကလည်း မန္တလေးမြို့မှာ ဆိုင်ကယ်လုယက်မှုဂိုဏ်းတွေ အများအပြားပေါ်ပေါက်ခဲ့ပြီး ဆိုင်ကယ်လုယက်ခံရသည့် ဖြစ်စဥ်တွေလည်း အများအပြားရှိခဲ့ကာ လုယက်ခံရမှုကြောင့် ထိခိုက်ဒဏ်ရာရသူတွေလည်း အများအပြားရှိခဲ့တာဖြစ်ပါတယ်။

ဒါ့အပြင် မန္တလေးမြို့မှာနာမည်ကြီးတဲ့ လူ ၆ ဦးပါ ဆိုင်ကယ်လုယက်မှုဂိုဏ်းတစ်ခုကိုတော့ ရဲတပ်ဖွဲက စုံစမ်းဖော်ထုတ်ဖမ်းဆီးရမိခဲ့ပါတယ်။

သို့သော်လည်း ဆိုင်ကယ်လုယက်ခံရမှုတွေက ယခုကာလမှာ ပြန်လည်ဖြစ်ပွားနေခြင်းဖြစ်တယ်လို့ မန္တလေးမြို့တွင် နေထိုင်သူများက ဆိုပါတယ်။

"သူတို့က အသေခုတ် အသေလုပဲ ။ ဆိုင်ကယ်ကို လုယက်တာသပ်သပ်မဟုတ်ဘဲ။ လူကိုပါ ဓါးနဲ့အသေခုတ်ကြတာ"လို့ ၄င်းက ဆက်လက်ပြောပြခဲ့ပါတယ်။

ဒါကြောင့် မန္တလေးမြို့သူ/မြို့သားတွေအနေနဲ့ ပြင်ပသို့သွားလာပါက အထူးဂရုစိုက်သွားလာကြဖို့ကိုလည်း ဒေသခံလူမှုကူညီရေးအသင်းအဖွဲ့က အသိပေးနှိုးဆော်ထားကြပါတယ်။

Photo - CJ

ymg/kg
#Yangon_Media_Group

#LocalNews
Published - 4 Mar 2022

မုံရွာမြို့တွင် ဆိုင်ကယ်မတော်တဆမှုဖြစ်စဥ်တွေများပြားနေပြီး တစ်ရက်လျှင် အနည်းဆုံး ၂ မှုမှ ၃ မှုအထိ ရှိနေတယ်လို့ ဒေသခံလူမှုကူညီရေးအသင်းထံမှ သိရပါတယ်။

ယနေ့ မတ်လ ၄ ရက်နေ့တွင် ပြည်ထောင်စုလမ်း၊ကန်သာဈေးအနီးတွင် ဆိုင်ကယ်မတော်တဆမှုဖြစ်စဥ်တစ်ခုဖြစ်ပွားခဲ့ပြီး ဒဏ်ရာရအမျိုးသားလူနာ(၁)ဦးရှိခဲ့သလို ယမန်နေ့(မတ်လ ၃)ရက်နေ့မှာလည်း ပြည်ထောင်စုလမ်း၊ ရေစင်ကြီးမီးပ္ပိုင့်အနီးတွင်ဆိုင်ကယ်မ တော်တဆမှုတစ်ခုဖြစ်ပွား‌ခဲ့ပြီး လူတစ်ဦးထိခိုက်ဒဏ်ရာရရှိခဲ့တယ်လို့ ဆိုပါတယ်။

"မုံရွာမှာ ဆိုင်ကယ်မတော်တဆမှုတွေက ခဏခဏဖြစ်နေတာ အခုနောက်ပိုင်းပိုများလာတယ်။ တစ်ရက်ကို အနည်းဆုံးနှစ်ခု လောက်ဖြစ်နေတယ်။ တစ်ခါတစ်လေ ဖြစ်စဥ်ငါးခု၊ ခြောက်ခုလောက်အထိ ဖြစ်နေတာမျိုးရှိပါတယ်။"လို့ ဒေသခံလူမှုကူညီရေးအသင်းမှ တာဝန်ရှိသူတစ်ဦးက ပြောပြခဲ့ပါတယ်။

ဒါ့အပြင် ဆိုင်ကယ်မတော်တဆမှုဖြစ်စဥ်များကြောင့် ထိခိုက်ဒဏ်ရာရသူများကို နေ့စဥ်ဆေးရုံသို့ ကူညီပို့ဆောင်ပေးနေရတယ်လို့လည်း အဆိုပါလူမှုကူညီရေးအသင်းက ဆိုပါတယ်။

ဒါကြောင့်လည်း ဆိုင်ကယ်စီးနင်းသူများအနေနဲ့ ဂရုတစိုက်စီးနင်းကြဖို့ကိုလည်း ဒေသခံ လူမှုကူညီရေးအသင်းအဖွဲ့တွေက မေတ္တာရပ်ခံ အသိပေးနှိုးဆော်ထားပါတယ်။

Photo - CJ

ymg/kg
#Yangon_Media_Group

#DailyNews
Published - 4 Mar 2022

၁။ လျှပ်စစ်ဓာတ်ကြိုးများကို ဖြတ်တောက်ဖျက်ဆီးခိုးယူသူများအား စောင့်ကြည့်သွားမည်။

၂။ လူမှုကူညီရေး ပရဟိတအသင်းများအနေနဲ့ ရေရှည်ရပ်တည်ဖို့မလွယ်ကူသည့် အခြေအနေနဲ့ကြုံနေရ။

၃။ နေ့စဉ်မိုးလေဝသသတင်း။

၄။ အီရတ်နိုင်ငံမှကျန်ရှိနေသေးသော ဂျူးလူမျိုးဝင်များ၏နောက်ဆုံးအမွေအနှစ်များ ပပျောက်တော့မည့်အန္တရာယ်နှင့်ကြုံတွေ့နေရ.......အစရှိတဲ့သတင်းတွေကိုတင်ဆက်ပေးသွားမှာပဲဖြစ်ပါတယ်။

#Yangon_Media_Group

#LocalNews
Published - 4 Mar 2022

စက်သုံးဆီဖိုး တစ်ရက်လျှင် ၂ သိန်းအထိကုန်ကျနေတာကြောင့် လူမှုရေးအသင်းအချို့က အကူအညီပေးမှုများကို ခေတ္တရပ်နားလိုက်ရတယ်လို့ သိရပါတယ်။

ဒါ့အပြင် ယခုကာလမှာ အကြောင်းအမျိုးမျိုးကြောင့်ရပ်နားလိုက်ရတဲ့ လူမှုရေးအသင်းတွေလည်း ပိုမိုများပြားလာခဲ့တယ်လို့လည်း ဆိုပါတယ်။

ပရဟိတအသင်းတွေအနေနဲ့ လူမှုကူညီရေးလုပ်ငန်းများအား လုပ်ဆောင်ရာတွင် ယခင်က တစ်ရက်လျှင် ဆီဖိုး ၅ သောင်းကျပ်သာ ကုန်ကျရာမှ ယခုအခါတွင် စက်သုံးဆီဈေးနှုန်းတွေက အဆမတန်မြင့်တက်လာတာကြောင့် တစ်ရက်လျှင် ဆီဖိုးက ၂ သိန်းကျပ်အထိ ကုန်ကျမှု တွေရှိလာတာဖြစ်ပါတယ်။

"စက်သုံးဆီဈေးနှုန်းတွေ မြင့်တက်လာတယ်။ အလှူရှင်တွေ ရှားပါးလာတယ်။ ဒါကြောင့် လူမှုကူညီရေး ပရဟိတအသင်းတွေအနေနဲ့ ရေရှည်ရပ်တည်ဖို့က မလွယ်ကူတဲ့ အခြေအ နေနဲ့ ကြုံနေရတာပေါ့။ ဒီပုံအတိုင်းသာဆိုရင် ရှေ့ လျှောက်ရပ်တည်ဖို့က မလွယ်ဘူး။ ဘယ်လိုမှ ရပ်တည်လို့မရနိုင်ဘူး။ အရင်က လမ်းကြောင်းတစ်ကြောင်းကို ၅,၀၀၀ လောက်ပဲကုန်တာ။ အခုက ဆီတစ်သောင်းဖိုးဖြည့်လည်း ဘာမှမရ နှစ်သောင်းဖိုးဖြည့်လည်း ဘာမှမရ အဲ့လိုဖြစ်နေတာ။ ကူညီရေးလမ်းကြောင်းတွေထွက်ဖို့တောင် အခက်အခဲတွေရှိနေတာပါ။"လို့ လူမှုကူညီကယ်ဆယ်ရေးအဖွဲ့တစ်ခုမှ တာဝန်ရှိသူတစ်ဦးက ပြောပြခဲ့ပါတယ်။

ယခင်က လူမှုကူညီရေး ပရဟိတအသင်းပေါင်းများစွာရှိသော်လည်း ယခုအခါတွင် ရပ်တည်ရန်ခက်ခဲလာမှုကြောင့် အချို့အသင်းများအနေနဲ့ အကူအညီပေးမှုများကို ခေတ္တရပ်နားလိုက်ရတာတွေလည်း ရှိနေတာပါ။

အခုလို ရပ်နားသွားသည့် လူမှုကူညီရေးအသင်းတွေ များပြားလာသည့်အတွက် လူမှုကူညီ ကယ်ဆယ်ရေးလုပ်ငန်းများ လုပ်ဆောင်ပေးရာမှာ နှောင့်နှေးကြန့်ကြာမှုအချို့လည်း ရှိနေခဲ့တာပါ။

"တတိယလှိုင်းတုန်းက အများပြည်သူ လှူထားတဲ့ ကားလေးကိုရောင်းပြီး အကူအညီပေးခဲ့ရတယ်။ အခုက ရောင်းစရာကားလည်းမရှိဘူးပေါ့ ။ အလှူငွေကလည်း တစ်ရက်ကို နှစ် သောင်း၊ သုံးသောင်း ဒီလောက်ပဲရတယ်။ ရေရှည်ရပ်တည်ကူညီဖို့က မလွယ်တဲ့အနေ
အထားပါ။"လို့ ၎င်းက ဆက်လက်ပြောပြခဲ့ပါတယ်။

Photo - CJ

ymg/kg
#Yangon_Media_Group

#LocalNews
Published - 4 Mar 2022

ရှမ်းပြည်နယ်(မြောက်ပိုင်း)ရှိ ကျောက်မဲမြို့ပေါ်တွင် ခိုလှုံနေကြရတဲ့ စစ်ဘေးရှောင်ပြည်သူများအနေဖြင့် နေရပ်သို့မပြန်နိုင်ကြသေးဘူးလို့ စစ်ဘေးရှောင်အရေး ကူညီဆောင်ရွက်သူများထံမှ သိရပါတယ်။

အဆိုပါ ရှမ်းပြည်နယ်( မြောက်ပိုင်း)နယ် မြေဒေသအတွင်းမှာ တိုင်းရင်းသားလက်နက်ကိုင်အဖွဲ့အစည်းများဖြစ်တဲ့ RCSS နှင့် SSPP, TNLA တို့အကြား ပြီးခဲ့သည့်နှစ် ဇွန်လဆန်းကစပြီး စစ်ရေးတင်းမာမှုတွေဖြစ်ပေါ် ခဲ့တာပါ။

သို့သော်လည်း ယနေ့ကာလမှာ တိုက်ပွဲဖြစ်ပွားမှု တွေလျော့နည်းလာပေမယ့် အ ကြောင်းအမျိုးမျိုးကြောင့် စစ်ဘေးရှောင်ပြည်သူတွေအနေနဲ့ နေရပ်ပြန်ဖို့ ခက်ခဲနေတာဖြစ်တယ်လို့လည်း ဆိုပါတယ်။

"တိုက်ပွဲတွေကတော့ အေးသွားပြီ။ တော်တော်လေးနည်းသွားပြီလို့ ပြောရင်ရတယ်။ ဒါ ပေမယ့် စစ်ဘေးရှောင်ပြည်သူတွေအနေနဲ့က သူတို့ရွကိုပြန်ဖို့က မဖြစ်နိုင်သေးဘူးလေ။ ဒါကလည်း အကြောင်းအမျိုးမျိုး ရှိတာပေါ့၊ လမ်းခရီးအခြေအနေတွေ မြေမြှုပ်မိုင်းအန္တရာယ် တွေ ရှိတာပေါ့ ။ လက်ရှိတော့ သူတို့ကကျောက်မဲမြို့ ပေါ်မှာပဲ ခိုလှုံနေထိုင်ကြပါတယ်။

တချို့ကျတော့လည်း ဆွေမျိုးသားချင်းအိမ်တွေမှာနေကြတယ်။ စစ်ဘေးရှောင်ခိုလှုံရေးစခန်းတွေလည်း ကျောက်မဲမြို့ပေါ်မှာ ယနေ့အထိရှိပါသေးတယ်။"လို့ ကျောက်မဲမြို့ ဒေသခံတစ်ဦးက ပြောပြခဲ့ပါတယ်။

ပြီးခဲ့တဲ့နှစ်အတွင်းက အဆိုပါ ရှမ်းမြောက်ဒေသမှာ တိုင်းရင်းသားလက်နက်ကိုင်အဖွဲ့များကြား ထိတွေ့တိုက်ပွဲတွေဖြစ်ပွားခဲ့မှုကြောင့် စစ်ဘေးရှောင်ပြည်သူ အရေအတွက်တွေ တိုးလာခဲ့ခြင်းဖြစ်ပါတယ်။

လတ်တလော ကာလမှာတော့ ကျောက်မဲမြို့ အနီးတစ်ဝိုက်မှာ ထိတွေ့တိုက်ပွဲတွေ ဖြစ်ပွားခြင်းတော့မရှိဘူးလို့ ဒေသခံများရဲ့ ပြောပြချက်အရ သိရပါတယ်။

အခုလက်ရှိအချိန်အထိ ကျောက်မဲမြို့ ပေါ်မှာ စစ်ဘေးရှောင်စခန်း(၄)ခုအထိ ဖွင့်လှစ်ပေးထားပြီး စစ်ဘေးရှောင်ပြည်သူလူဦးရေထောင်ချီကို ဒေသခံတွေက ဆက်လက်ကူညီစောင့် ရှောက်ပေးထားရတာလည်းဖြစ်ပါတယ်။

Photo - CJ
ymg/kg
#Yangon_Media_Group