#LocalHealth
Published-6 Mar 2022

တနင်္သာရီတိုင်းဒေသကြီး၊တနင်္သာရီမြို့ နယ်တွင် တာဝန်ထမ်းဆောင်နေသောဆရာမတစ်ဦး နေမကောင်းဖြစ်တာကြောင့်ဆေးခန်းလာရောက်ပြရာ ကိုဗစ်ရောဂါပိုးတွေရှိတာကြောင့် ကျောင်းရှိဆရာ/ဆရာမများနဲ့ကျောင်းသူကျောင်းသားများကို ရောဂါပိုးရှိမရှိစစ်ဆေးခဲ့ရာ စုစုပေါင်း ၁၁ဦးမှာကိုဗစ်ကူးစက်ခံထားရကြောင်းတွေ့ရှိရတယ်လို့ မြို့ နယ်ကုသရေး နဲ့ ပြည်သူကျန်းမာရေးဦးစီးဌာနကသိရပါတယ်။

မတ်လ ၅ရက်နေ့ကတနင်္သာရီမြို့ နယ်လယ်တောင်ယာ ကျောင်းတွင် တာဝန်ထမ်းဆောင်နေတဲ့ ဆရာမတစ်ဦးမှာနေမကောင်းဖြစ်ကာ မြို့ နယ်ပြည်သူ့ဆေးရုံသို့ လာရောက်ပြသစဉ် ကိုဗစ်ရောဂါပိုးစစ်ဆေးပေးရာပိုးတွေ့ရှိတာကြောင့် အလက- လယ်တောင်ယာကျောင်းရှိ ဆရာ/မ(၁၄)ဦးနှင့်ကျောင်းသူ/သား(၆၃)ဦး၊ပေါင်း(၇၇)ဦးအား မြို့ နယ်ကုသရေးနှင့်ပြည်သူ့ကျန်းမာရေးဦးစီးဌာနက ကိုဗစ်-၁၉ရောဂါပိုး ကူးစက်ခံထားရခြင်း ရှိ/မရှိကို RDT Test-Kit ဖြင့်တစ်ဦးချင်းစစ်ဆေးပေးရာ ဆရာ/မ(၄)ဦးနှင့်ကျောင်းသူ/သား(၇)ဦး, ပေါင်း(၁၁)ဦးတို့တွင် ရောဂါပိုး အတည်ပြု တွေ့ရှိခဲ့ရတယ်လို့ သိရပါတယ်။

အဆိုပါရောဂါပိုးတွေ့ရှိခဲ့တဲ့ဆရာ/မများနဲ့ကျောင်းသူ/သား(၁၁)ဦးအား လယ်တောင်ယာကျေးရွာ မူလတန်းကြိုကျောင်းဆောင် အတွင်း Home Quarantine အဖြစ် အမျိုးသား/အမျိုးသမီးသီးခြားထားရှိကာ ၎င်းတို့ နှင့်ဆက်နွယ်ထိစပ်သော မိသားစုဝင်များနေထိုင်တဲ့ နေအိမ်များကိုလည်း အသွားအလာ ကန့်သတ်ထားရှိပြီး ကျန်းမာရေးစောင့်ကြပ်ကြည့်ရှုပေးနေတယ်လို့ သိရပါတယ်။

ymg/hm
#Yangon_Media_Group

#LocalNews
Published_6 March 2022
ရန်ကုန် ၊ နေပြည်တော် ၊ မန္တလေး အပါအဝင် တိုင်းဒေသကြီးနှင့်ပြည်နယ်များမှ ထိုင်းနိုင်ငံကို သွားရောက်သူများ ထပ်မံဖမ်းဆီးခံရပြီး ထိုင်းနိုင်ငံ၏ သက်ဆိုင်ရာ ရဲစခန်းများတွင် ရောက်ရှိနေကြကြောင်း ထိုင်းတပ်မတော် ပြည်သူ့ဆက်ဆံရေးဗဟိုက သိရသည်။

ရန်ကုန်တိုင်းဒေသကြီး၊ နေပြည်တော် ၊ မန္တလေး တိုင်းဒေသကြီး၊ ပဲခူးတိုင်းဒေသကြီး ၊ မွန်ပြည်နယ် မော်လမြိုင် ၊ မကွေးတိုင်းဒေသကြီး၊ ဧရာဝတီ တိုင်းဒေသကြီး၊ တနင်္သာရီတိုင်းဒေသကြီး ထားဝယ် တို့မှ ထိုင်းနိုင်ငံသို့ သွားရောက် အလုပ်လုပ်လိုသူများက အကျိုးဆောင်များအား တစ်ဦးလျှင် ဘတ် ၂၀၀၀၀ မှ ၂၅၀၀၀ ထိ ပေးဆောင်ကာ သွားရောက်ရာတွင် ဖမ်းဆီးခံရခြင်း ဖြစ်ကြောင်းလည်း သိရသည်။

ပြီးခဲ့သည့် မတ်လ ၄ ရက်က ထိုင်းနိုင်ငံ ပကျွတ်စီရီခန်ပြည်နယ် အောင်နွဲခရိုင် အတွင်း တရားမဝင်မြန်မာနိုင်ငံသား အမျိုးသား ၉ ဦး ၊ အမျိုးသမီး ၈ ဦး စုစုပေါင်း ၁၇ ဦး ကိုလည်းကောင်း၊ဗန်းနမ်းကျုံရွာ အောင်နွဲခရိုင် ပကျွတ်စီရီခန်ပြည်နယ်အတွင်း တရားမဝင် မြန်မာနိုင်ငံသား အမျိုးသား ၇၄ ဦး ၊ အမျိုးသမီး ၄၅ ဦး စုစုပေါင်း ၁၁၉ ဦး ကိုလည်းကောင်း ၊ ဗန်းအူလောင်ရွာ ထောင်ဖာဖုံခရိုင် ကန်ကျနဘုရီပြည်နယ်အတွင်း တရားမဝင်မြန်မာနိုင်ငံသား အမျိုးသား ၁၇ ဦး ၊ အမျိးသမီး ၂ ဦး စုစုပေါင်း ၁၉ ဦး တို့ကို ဖမ်းဆီးမိခြင်းဖြစ်ကြောင်း သိရသည်။

ယင်းတို့အနေဖြင့် ဘန်ကောက် စမွတ်စခေါင် စမွတ်ပကန် ချွန်ဘုရီ စလဘုရီ လယောင် ပကျွတ်စီရီခန် ခရိုင်သို့ သွားရောက်ရန် စီစဉ်နေချိန်တွင် ဖမ်းဆီးမိခြင်းဖြစ်ပြီး ကိုဗစ်စစ်ဆေးရာ ပိုးတွေ့သူမရှိကြောင်း၊ယခုအခါ သက်ဆိုင်နီးစပ်ရာဒေသခရိုင်ရဲစခန်းတွင် ဖမ်းဆီးပို့ဆောင်ထားကြောင်း သိရသည်။

ymg/mt
Yangon_Media_Group 

#BreakingNews
Published -6 Mar 2022
မတ်လ ၆ရက်နေ့ ယနေ့ နံနက်ပိုင်းကမြန်မာနိုင်ငံလူမှု ကယ်ဆယ်ရေးအဖွဲ့(မုံရွာ)မှ လူနာတင်ယာဥ်တစ်စီး လူနာသွားရောက်ပို့ဆောင်ပြီးအပြန် မိုင်းထိတဲ့ဖြစ်စဥ်ဖြစ်ပွားခဲ့ကာ ယာဥ်မောင်းထိခိုက်ဒဏ်ရရှိထားတယ်လို့ ကနဦးသိရပါတယ်။

"မိုင်းထိတဲ့နေရာကိုကျွန်တော်တို့ ခုသွားနေပါတယ်ဗျ ထိခိုက်မှုအခြေအနေကိုတော့မသိရသေးပါဘူးယာဥ်မောင်းတော့ထိခိုက်ထားတယ်"ဟု အသင်းဥက္ကဌဦးစိန်ကိုကိုကပြောပါတယ်။

ဖြစ်စဥ်မှာ ယနေ့ နံနက် ၁၁နာရီခန့်ကမုံရွာ ဘုတလင်လမ်း ကံသစ်ကျေးရွာအနီး လူနာတင်ယာဉ် တစ်စီး လူနာပို့ အပြန် မိုင်းထိကာ ယာဉ်မောင်းတစ်ဦး ညပ်နေကြောင်း သတင်းရတာကြောင့်ကယ်ဆယ်ရေးယာဉ်တစ်စီး ထွက်ခွာလျှက်ရှိတယ်လို့ သိရပါတယ်။
ymg/hm
#Yangon_Media_Group 

#local_health
Published_ 6 March 2022

ရှမ်းပြည်နယ်တောင်ပိုင်းရှိ နေရပ်စွန့်ခွာစခန်းများမှ ပြည်သူတွေကို မြန်မာနိုင်ငံ ကြက်ခြေနီအသင်းက မတ်လ ၁ ရက်မှ စတင်ကာ ရွှေ့လျားဆေးကုခန်း ဖွင့်လှစ်ပြီး ကျန်းမာရေးစောင့်ရှောက်မှု ပေးနေတယ်လို့ သိရပါတယ်။

ရှမ်းပြည်နယ် (တောင်ပိုင်း) သို့ ရောက်ရှိနေတဲ့ နေရပ်စွန့်ခွာ ပြည်သူတွေအတွက် မြန်မာနိုင်ငံကြက်ခြေနီအသင်း ရွေ့လျားဆေးကုသရေး အဖွဲ့ က တောင်ကြီးမြို့နယ်နှင့် ညောင်ရွှေမြို့နယ်အတွင်းရှိ နေရပ်စွန့်ခွာစခန်းတွေမှာ ပြည်သူတွေကို ကျန်းမာရေး စောင့်ရှောက်မှုတွေ ပေးနေတယ်လို့ ဆိုပါတယ်။

ရွှေ့လျားဆေးကုသအဖွဲ့မှာ ရခိုင်ပြည်နယ်စီမံခန့်ခွဲမှုယူနစ်မှ ဆရာဝန် ၁ ဦး၊ ကျန်းမာရေးမှူး ၁ ဦး၊ သူနာပြု ၂ ဦး စုစုပေါင်းအဖွဲ့ဝင် ၄ ဦးပါဝင်ပြီး မတ်လ ၁ ရက်နေ့မှ မတ်လ ၄ ရက်နေ့အတွင်း ပြည်သူ ၄၃၈ ဦးကို ကျန်းမာရေးစောင့်ရှောက်မှုပေးခဲ့တယ်လို့ သိရပါတယ်။

အဆိုပါရွှေ့လျားဆေးကုသခန်းကို ဆီဆိုင်၊ ပင်လောင်းမြို့နယ်များရှိ နေရပ်စွန့်ခွာ စခန်းများမှာ ဆက်လက်ဖွင့်လှစ်သွားမှာ ဖြစ်တယ်လို့ သိရပါတယ်။

#ymg_mnn
Yangon_Media_Group 

#LocalNews

Published - 6 Mar 2022
ကချင်ပြည်နယ်ရှိ ပူတာအိုမြို့တွင် စက်သုံးဆီများကိုဒေသခံများက အလုအယက်ဝယ်ယူနေကြရတယ်လို့ သိရပါတယ်။

" ဆီဘောက်ဆာကား နှစ်စီးဝင်လို့ ရောင်းပေးတာ ပေါ့ ။ တစ် ယောက်ကို ၃၀၀၀ ဖိုးဘဲ ရောင်းပေးတယ်၊ လုံလောက်မှုမရှိဘူး ပေါ့။ ရတဲ့ဆီက ဆိုင်ကယ်တစ်စီးတောင် မပြည့်ပါဘူး။ ရောင်းတာကလည်း မြို့ပေါ်က တိုင်းကျော် ဆီဆိုင်တစ်ခုထဲမှာပဲ ရောင်းပေးနေတာပါ။
ပြောရရင် အခုထိ အဆင်မ ပြေသေးပါဘူး၊ ပူတာအိုမှာ ဓါတ်ဆီစျေးက တက်နေတုန်းပါဘဲ။"လို့ ပူတာအိုမြို့ ဒေသခံတစ်ဦးက ပြောပြခဲ့ပါတယ်။

လက်ရှိ ပူတာအို ဒေသတွင် ဓါတ်ဆီ ၁ လီတာ တစ်ပုလင်းလျှင် ကျပ် ၃၀၀၀ မှ ကျပ် ၄၀၀၀ အထိ ပေါက်စျေးရှိနေတာဖြစ်တယ်လို့ လည်း သိရပါတယ်။

"အခက်အခဲတွေကရှိ နေတုန်းပါဘဲ။ ဒီမနက်ဆို ဘာဖြစ်လဲဆိုရင် နာရေးအိမ်တစ်ခုက အကူအညီ တောင်းတာတောင် Body ကို သွားသယ် ပေးလို့ မရဘူးဖြစ်ခဲ့တယ်။
ကားဆီမရှိလို့ လေ၊ အဲ့လို တွေဖြစ် နေတာ ပေါ့၊ အခု ရောင်း ပေးတယ်ဆိုတာကလည်း တစ် ယောက်ကို ၃၀၀၀ ဖိုး လောက် ကားဆိုရင် ၆၀၀၀ ဖိုးလောက် ဒါလောက်ပဲ ရောင်း ပေး တော့ အဆင်မ ပြေခဲ့ပါဘူး။ စက်သုံးဆီ အခက်အခဲက ရှိ နေတုန်းပါဘဲ။"လို့ ပူတာအိုမြို့ ဒေသခံတစ်ဦးက ဆက်လက် ပြောပြခဲ့ပါတယ်။

အဆိုပါ ပူတာအို ဒေသတွင် စက်သုံးဆီ တွေ လနဲ့ချီကြာအောင်ပြတ်တောက်မှု တွေဖြစ် ပေါ်ခဲ့တာဖြစ်ပါတယ်။

သို့သော်လည်း ယမန်နေ့က ပူတာအိုမြို့သို့ ဆီ ဘောက်ဆာ ကားနှစ်စီး ပြန်လည်ဝင် ရောက်လာတဲ့ အတွက် ဒီကနေ့မှစတင်ပြီး စက်သုံးဆီများကို ခွဲတမ်းနဲ့ ရောင်းချ ပေးခဲ့တာဖြစ်တယ်လို့ လည်း သိရပါတယ်။

Photo - CJ
ymg/kg
#Yangon_Media_Group 

 #LocalNews
Published -6 Mar 2022

လူမှုကွန်ယက်စာမျက်နှာများတွင် လေယာဉ်ဆီများတင်သွင်း ဖြန့်ဖြူးနေကြောင်း သတင်းထွက်ပေါ်မှုများမှာ သတင်းမှားသာဖြစ်ပြီး ကုမ္ပဏီအနေနဲ့ အခြားစက်သုံးဆီများကိုသာ တင်သွင်းဖြန့်ဖြူးရောင်းချနေတယ်လို့ ရွှေဗျိုင်းဖြူကုမ္ပဏီလီမိတက်ကထုတ်ပြန်လိုက်ပါတယ်။

ထုတ်ပြန်ရာမှာ"ကျွန်တော်များ ရွှေဗျိုင်းဖြူ ကုမ္ပဏီလီမိတက်သည် နိုင်ငံတော်၏ တည်ဆဲဥပဒေများ၊ အမိန့်ညွှန်ကြား ချက်များနှင့်အညီ ၂၀၁၀ ခုနှစ်မှစတင်၍ ပြည်ပမှ မော်တော်ယာဉ်စက်သုံးဆီများကို တင်သွင်းကာ ပြည်တွင်း တွင် ပြန်လည်ဖြန့်ဖြူး ရောင်းချလျက်ရှိပါသည်။ကျွန်တော်များကုမ္ပဏီသည် လုပ်ငန်းစတင် လည်ပတ်ချိန်မှ စ၍ ယနေ့အချိန်ထိ မော်တော်ယာဉ်များတွင် သုံးစွဲရန် စက်သုံးဆီ တစ်မျိုးတည်းကိုသာ တင်သွင်းဖြန့်ဖြူး ရောင်းချနေခြင်းဖြစ်ပါသည်။"ဟုရေးသားဖော်ပြထားပါတယ်။

ဒါ့အပြင်လူမှုကွန်ယက် စာမျက်နှာများမှာ ရွှေဗျိုင်းဖြူကုမ္ပဏီကို အထင်အမြင် လွဲမှားကာ လေယာဉ်ဆီ တင်သွင်းဖြန့်ဖြူးခြင်းများ ပြုလုပ်နေကြောင်း မှားယွင်း ဖော်ပြထားသည်ကို တွေ့ရှိရပြီး ကုမ္ပဏီသည် လေယာဉ်ဆီ တင်သွင်းရန်အတွက် မည်သည့် ဌာနတွင်မှ လိုင်စင် လျှောက်ထား၊ ရယူခဲ့ခြင်း မရှိသလို လေယာဉ်ဆီ တင်သွင်းရာတွင် မရှိမဖြစ် လိုအပ်သော သိုလှောင်ကန်နှင့် အခြားဆက်စပ်နည်းပညာ၊ အသုံးအဆောင်များလည်း ပိုင်ဆိုင်ခြင်း မရှိဘူးလို့ ဖော်ပြထားပါတယ်။

ဆက်လက်ပြီး ကုမ္ပဏီအနေနဲ့ 92-Ron, 95-Ron, Premium Diesel နှင့် Diesel တို့ကိုသာ တင်သွင်းဖြန့်ဖြူးရောင်းချနေခြင်း ဖြစ်ပြီး မမှန်မကန် အထောက်အထားမဲ့ ကောလဟာလသတင်းများသည် ကုမ္ပဏီ နှင့် သက်ဆိုင်ခြင်း မရှိဘူးလို့ အသိပေးထုတ်ပြန်ထားပါတယ်။

ymg/hm
#Yangon_Media_Group